طريقه إزالة شعر العانة .. اشياء تزيد هرمون الذكورة (التستوستيرون ↖️🔥)

موضوع فيديو النهارده حساس حبتين ومخصص للرجال فقط. بنبه مخصص للرجال فقط، ولازم نتكلم فيه. لأننا هنتكلم عن أهم عضو عند الراجل. هعرفك إزاي تهتم بصحة القضيب، إزاي تحلق شعر العانة من غير ما تجرح مشاعر حمادة يا ل. وإيه الأكلات أو التمارين اللي بتروق على حمادة وعلى أدائه.

المواضيع اللي هنتكلم فيها في الفيديو ده مش هتلاقي قنوات كتير عندها الجرأة إنها تتكلم عنها، خوفًا من حذف الفيديو أو مخالفة تيجي على القناة وتتسبب في قفلها. فرجاء حاول تدعم الفيديو ده على قد ما تقدر علشان ما يتمش حذفه. الدعم اللي محتاجه منكم هو لايكات وكومنتات كتير على الفيديو ده. أنا مش طالب منكم إنكم تبعتوا هدايا أو فلوس في الكومنتات أو غيره. الموضوع كله مش هياخد منك 10 ثواني، مش هتخسر أي حاجة. كل الفكرة إنك هتحمي إنزل فيديوهات أكتر.

إزاي تحافظ على صحة القضيب؟ القضيب هو مركز المتعة الحساسية عند الراجل، هو أهم عضو عند الراجل وأغلى ما يملك. فعلشان كده لازم تعرف إزاي تحافظ عليه. القضيب تكون من عضلات وأوعية دموية. وبما إن القضيب عضلة زي جميع عضلات الجسم، فهي محتاجة لتمرين. طيب إيه هي التمارين دي؟ الحركة لما يجيلك انتصاب كتير تقدر تعتبرها إن القضيب بيتمرن علشان يقوي من نفسه. ممارسة الجنس تعتبر برضه تمرين. الاستمناء أو عمل العادة السرية، رغم حرمانيتها، ولكن علميًا هي تمرين. ولكن لو أنت شاب ومش متجوز ومستحيل تعمل العادة السرية عشان حرام، فده مش مبرر أو حجة إنك ما تمرنها. في بعض التمارين اللي هتساعدك في ده. لو أنت شاب أعزب، حتى لو متجوز هتساعدك والمدام هتلاحظ فرق كبير يا ذكري.

تمارين كيجل هي تمارين مخصصة لمنطقة الحوض ودورها تحسين صحة القضيب وزيادة القدرة الجنسية أثناء العلاقة. والجميل في التمارين دي إنك مش محتاج تستنى وقت كبير جداً عشان تلاحظ فرق. بعد أول 15 يوم هتلاحظ إن التمارين ساعدتك في مشاكل كتير زي سرعة القذف أو مشكلة ضعف الانتصاب.

أول تمرين وهو هول جلود بريش، وهو تمرين سهل جداً. مجرد إنك هتنام في الوضعية دي وهترفع منطقة الصدر والوسط بالشكل ده وتبدأ في شد المؤخرة وتطلع ببطء نوعاً ما وتحاول تثبت فوق ثانية لثلاث ثواني وتنزل وتكررها 10 مرات في ثلاث مجاميع. ولو لقيت عندك مشكلة في ثبات رجلك وأنت بتعمل التمرين، تقدر تجيب استك أو شدات زي ده هيساعدك في إنك تعمل التمرين بشكل صحيح. وبعد ما تنتهي من ثلاث مجاميع هتصعب شوية وهتخش على التمرين الثاني وهو نفسه بالظبط ولكن كل الفكرة وأنت فوق بتبدأ بفرد رجلك بالشكل ده وترجعها تاني وبتفرد رجلك الثانية وترجعها وبعد كده بتنزل وبتتكرر الموضوع ده برضه 10 مرات في ثلاث مجاميع.

النظافة الشخصية. النظافة الشخصية ما ينفعش تبقى محصورة على الحاجات اللي باينة للناس. اسمها نظافة شخصية لشخصك أنت. لو أنت نضيف ومواظب على نظافتك الشخصية من جوه ده هينعكس على نظافتك في عيون الناس من غير مجهود زيادة. نبدأ بأساسيات النضافة الشخصية.

رقم واحد الاستحمام. كان من عادات المصريين القدماء زمان إنهم يستحموا مرتين في اليوم، مرة أول ما يصحوا ومرة قبل ما يناموا. وعلى أيامهم ما كانش فيه بقى تغير مناخ ودرجات الحرارة المرتفعة وكم التلوث اللي بين. فده أنا يا عم طالب منك إنك تستحمى مرة واحدة بس على مدار يومك. ما ينفعش يعدي عليك 24 ساعة من غير استحمام. كم الإفرازات والزيوت وضيف عليهم كمان العرق، خصوصاً في الأماكن الحساسة اللي بتطلع من جسمك بسبب وجود الشعر فيها في خلال اليوم الواحد لا تتخيلها. مع بالك بقى لو قعدت يومين ثلاثة بدون استحمام.

رقم اثنين الحلاقة. حلاقة منطقة العانة مهم جداً. كم الشعر اللي بيطلع في منطقة العانة سواء في حمادة أو أصحاب حمادة كتير ولازم على الأقل كل 15 يوم تحلقها مرة. وإلا المنطقة دي عندك هتتحول لمقبرة. مهما استحميت على مدار يومك هتفضل الريحة في المنطقة دي صعبة جداً. ومتفهم إن حلاقة المنطقة دي أمر موتر وفيه نسبة كبيرة من الشباب مقلة في حلاقة أو نظافة المنطقة دي. مش قلة نظافة منهم على قد ما هو خوف. ولكن في الفيديو ده هعرفك قواعد الحلاقة في المنطقة دي علشان ما تشيلش همها بعد كده.

في أربع طرق لإزالة الشعر في المناطق الحساسة خصوصاً منطقة العانة. لا إما من خلال مقص أو موس حلاقة أو مكنة حلاقة أو كريم إزالة الشعر. أنا شخص ما بحبش أخاطر خصوصاً لو الموضوع متعلق بحمادة. الغلطة هنا بمستقبل عيلة. فهنستبعد المقص بسبب صعوبة التحكم والموس بسبب خطورته. هيتبقى لنا اثنين. لا إما كريم إزالة الشعر لا إما مكنة الحلاقة. الخيار الأفضل هو استخدام الاثنين مع بعض. ممكن نستعمل مكنة الحلاقة لوحدها لو معانا مكنة سعرها غالي ما بتجرحش الجسم. بس المكن اللي زي كده بيبقى قليل جداً مقارنة بالماركات المكن الموجودة في السوق. فهنستخدم أي مكنة عندنا وهنحط لها شفرة ما بين واحد واثنين وهنبدأ نحلق منطقة الحوض كلها. واحنا هنا حطينا الشفرة علشان ناخد حذرنا وما يبقاش بنستخدم المكنة على الجسم على طول. وعارف دلوقتي إنك هتسألني إن المكنة مش هتشيل الشعر كله. ولكن كل المطلوب منها إنها تقصره. ده اللي إحنا محتاجينه علشان نخش على المرحلة الثانية وهي استخدام كريم إزالة الشعر.

بعد الحلاقة نستخدم كريم إزالة الشعر ونسيبه من خمسة لـ 10 دقائق. ملحوظة ما تستعملش مكنة الحلاقة والدنيا تحت مبلولة عندك. نشف كويس علشان المكنة تشتغل بفعالية أكتر وما تورطكش. في خطوة كمان ممكن تستعملها علشان تقلل العرق تحت وهو بعد ما تستحمى تستخدم بيبي باودر. ممكن ما تقتنعش قوي باللي أنا بقوله دلوقتي بس مع أول استعمال ليه هتفهم الفرق والريحة الكريهة اللي هتنهي من عندك.

رفع نسبة التستسترون. هرمون التستسترون أو اللي بنقول عليه هرمون الرجولة هو ده الهرمون اللي في الجسم اللي بيميز الراجل عن الست. زيادة الهرمون في جسمك بتزود كل صفات الرجولة ونقصه بيعكس الكلام ده كله. فإزاي تحصل على مستويات محترمة لهرمون التستسترون؟ التستسترون موجود عند الراجل والست ولكن عند الراجل بنسبة أعلى لأنه في الأساس هو هرمون طبيعي. يبقى عند الراجل والست زي ما هرمون الاستروجين الهرمون الأنثوي موجود برضه عند الراجل والست ولكن عند الست بنسبة أعلى لأنه هو كمان هرمون نمو. الموضوع عبارة عن نسب. الخلل بيجي لما هرمون الاستروجين عند الراجل بيعلى وبيتزامن معاه نقص هرمون التستسترون. وده بسبب الصفات الغلط. إيه هي بقى الصفات الغلط دي علشان ما نعملها؟

الكرش. السمنة في منطقة البطن. الكرش ده يا حبيبي مش عز أبوك ولا حاجة. الكرش ده مصيبة سودا خصوصاً عند الراجل لأن وجوده بيزود من الهرمون الأنثوي وبيقلل من هرمون الذكورة. لأن الخلايا الدهنية اللي موجودة عندك في الكرش مش مساعدة على ارتفاع نسبة التستسترون أصلاً ومنشطة جداً لهرمون الاستروجين الهرمون الأنثوي. علشان كده أغلب الرجالة اللي عندهم كرش عندهم تسدي.

اثنين قلة النوم. النوم بالنسبة للإنسان زيه زي الشاحن بالنسبة للأجهزة. مهم جداً لأن في فترة النوم بيتم تظبيط دورة الهرمونات عندنا كلنا سواء رجالة أو ستات. فلما ما تاخدش كفايتك من النوم اللي هي من ست لثمان ساعات معدل كفائتك في زيادة هرمون التستسترون عندك هيقل بشكل كبير.

رقم ثلاثة نقص بعض العناصر الغذائية في روتين أكلك. ممكن تتجاهل بعض الأكلات بحجة إنك ما بتحبهاش بس أنت مش مدرك فايدة الأكلات دي على جسمك إزاي. في دراسة اتعملت على ناس عندها نقص فيتامين دي 90% منهم لقوا برضه إن عندهم نقص في هرمون التستسترون. ففي رابط كبير جداً ما بين فيتامين دي وهرمون التستسترون هرمون الذكورة. نسبة كبيرة منا عارفين إن فيتامين دي مصدره الأساسي هو أشعة الشمس. ولكن في أكلات كتير جداً بتحتوي على فيتامين دي زي البيض، التونة والأسماك الدهنية. عنصر تاني برضه مهم وهو الزنك. الزنك لما بيقل في الجسم هرمون التستسترون بيقل. والأكلات اللي موجود فيها زنك بشكل كبير هي السمك واللحوم والمكسرات.

رقم أربعة التوتر. مع الاسترس أو التوتر الجسم بيفرز هرمون اسمه الكورتيزول. الكورتيزول ده بقى يا سيدي العدو اللدود لهرمون الذكورة. هرمون الكورتيزول ده هرمون رخيم. من ضمن الحاجات اللي بيعملها في جسمك إنه بيخزن دهون. فبالتالي نسبة التستسترون عندك بتقل. خليني أفاجئك وأقول لك إن في بعض الناس اللي بتعاني من ضعف جنسي ممكن يكون مشكلتها الأولى هي التوتر مش مشاكل صحية. وعلاج التوتر هو إنك بتاخد مضادات ليه وبتحاول تبعد نفسك عن أي حاجة بتثير أعصابك وتحاول تزود من أكل الرمان لأن الرمان بطبيعته بيحسن المود بيحسن الوضع المزاجي.

طيب إيه الحاجات لو عملتها تزود من هرمون التستسترون وتقلل من هرمون الاستروجين الهرمون الأنثوي؟ الرياضة. ربنا خلقك راجل علشان الشغل والكد إنك تشيل أوزان ثقيلة. ولكن بطبيعة حياتنا الحالية الحركة والمجهود الجسدي قل جداً عن الأول. إيه بقى الحاجة اللي تعوض الوظيفة دي اللي ربنا خلقنا عشانها وترجعنا لأساسنا؟ الرياضة. اكتشفوا إن مع زيادة شيل الأوزان الثقيلة أو لعب الحديد بيزيد جداً هرمون التستسترون خصوصاً لو شيل الأوزان الثقيلة دي في الطرف السفلي. يعني يوم الرجل يا معلم تمرينات زي الاسكواد أو الديد ليفت. كل تمرينات الطرف السفلي مهمة لأنها بتساعد في زيادة هرمون التستسترون. ومع زيادة هرمون التستسترون أصلاً هتعرف تعمل ضخامة عضلية لبقية جسمك.

وبس ده اللي كان عندي أقوله لك النهارده. ولو عجبك نوع المحتوى ده اشترك في القناة وشكراً على وقتك. سلام.