مشاكل صناعة ذاتية

ساعات احنا اللي بنغلط وبنحط ناس في أماكن أعلى من قدرتهم أو أعلى من اللي يستحقوه. ساعات احنا اللي بيكون عندنا احتياج نشوفهم بشكل معين، فبنحط توقعات وعشم ونعلي الناس فوق ونعمل لهم حاجات ونديهم قدر كبير، قدر هم عمرهم ما طلبوه ولا عملوا حاجة تستاهل كل ده. ونرجع نحاسبهم لما يخذلونا.

زعل وتعطيل لحياتنا وشغلنا وتشتيت لتركيزنا في مين كلمني، مين وقف جنبي، مين افتكر لي، مين بارك لي؟ احنا كلنا بنغز بعض، عارف ليه؟ علشان كلنا بنعمل نفس الغلطة.

ساعات كمان الناس الثانية هتحطك في مكانة أنت ما طلبتها، ويطلبوا بواجبات وتوقعات أنت مش عايزها، فهتبقى خذلتهم بناءً على توقعاتهم منك.

علشان كده العملية مش دايماً فيها غلط وصح وواضح، سواء أنت على حق أو لا. اسرع نفسك من غير شكوى ولا كلام كتير. خلي كل إنسان على راحته. قلناها قبل كده وبنقولها ثاني: اسمح لكل إنسان يشغل المساحة اللي هو عايزها في حياتك، اللي على قده ما تديلوش دور أكبر من دوره. هو آخره يكون ده، مش هيكون زي ما أنت عايز.

أنت بتختار الناس كـ "باكج"، ما بتختار سماتهم وصفاتهم تكون على مزاجك. ما تقدرش تشكله وتخصبه يكون حاجة معينة. تقدر بس تتحكم في توقعاتك منه ومكانته في حياتك. فركز في حياتك وعلى نفسك وما تعطلهاش على مشاكل أحياناً بنكون احنا اللي صنعناها.