مفاجأة الحرب .. تقارير أمريكية تتهم روسيا بمساعدة إيران في استهداف القوات الأمريكية

سلام عليكم ازيكم؟

دونالد ترامب كان في مؤتمر صحفي، ففي صحفي خاص بفوكس نيوز اسمه بيتر دوسي سأل دونالد ترامب سؤال مباشر، قال له: "إيه ردك على تدخل روسيا لدعم إيران في الحرب؟"

الحقيقة دونالد ترامب رد عليه، قال له: "بص أنا بحترمك جدا، ماشي، بس ده سؤال غبي جدا زي ما حضرتك هتسمع. It sounds like the Russians are helping Iran and attack Americans. Now that's an easy problem compared to what we're doing here. Can I be honest? It's just I have a lot of respect for you. You've always been very nice to me. What a stupid question that is to be asking at this time. We're talking about something else."

بيتر دوسي بعد كده راح اشتكى لفوكس نيوز وقال لهم: "يعني الراجل دونالد ترامب يعني أول مرة يقول لي ده سؤال غبي وكان رده عليا مش تمام، يعني زي ما حضرتك هتسمع منه كده بالضبط. and excuse me out here I asked about this report."

السؤال هنا: هل روسيا فعلاً دخلت الحرب ولا لا؟ لأن خلي بالك كل اللي إحنا بنتكلم فيه ده هي آراء صحفية وتسريبات إعلامية، إنما هل فعلاً روسيا قدمت دعم لإيران ولا لا؟ ده سؤال غاية في الأهمية. جاوبت عنه مين؟ جاوبت عنه صحيفة اسمها وول ستريت جورنال. بس طبعاً مش هقول لك الكلام ده كله وأكشف لك آخر التفاصيل اللي حصلت في الحرب، لازم أقول لك القصة من الأول قبل ما أخش في الموضوع، قبل ما أكشف لك التفاصيل.

خليني أقول لك إن إحنا معانا راعي قوي جدا ومحترم جدا، وهو بحكم شغلي في الأخبار بضطر إني أطلع على مواقع كتير وأستخدم برامج كتير، بس صدقني في معظم الأحيان بتكون مواقع كتير قوي مقفولة أو برامج محتاجة إني أكون في دول أخرى عشان أشترك فيها، مش في مصر فقط في كذا دولة. والحقيقة إن الأمر ده الحل الوحيد للتغلب عليه هو باستخدام برامج في بي إن. ولكن السؤال المهم: عمرك سألت مين اللي بيملك الشبكات المتاحة دي؟ والسيرفرات بتاعتها بتبقى فين؟ في أنهي دولة بالضبط؟

الحقيقة الصادمة هي نسبة كبيرة من أشهر تطبيقات الفي بي إن في السوق حالياً هي من شركات إسرائيلية، زي مثلا برايفت إنترنت أكسس وزي سايبر جوست وزنت، أو ممكن يكون عندهم سيرفرات في إسرائيل، مثلا زي نورد في بي إن وسيرف شارك وبروتون واي بي فانش. صدقني الحل اللي برجعه لحضرتك هو زيو فري في بي إن، لأن زيو فري في بي إن هو في بي إن كان مصمم خصيصاً إنه ما يكونش له أي علاقة بإسرائيل، يعني من الآخر كده صهيوني فري. عاوز أقول لك إن نسبة الاشتراك فيه عالية جدا وبأسعار ممكن تفاجئك بشكل كبير جدا. وزايو فري في بي إن ما عندهمش أي نوع من أنواع الخوادم داخل إسرائيل أو السيرفرات داخل إسرائيل. زايو فري بيقدم عرض كبير جدا خصم 20% لكل الناس اللي هتيجي عن طريق قناة سمري. واستغل فرصة دلوقتي عشان تتصفح الإنترنت براحتك وبشكل آمن تماماً. هسيب لحضراتكم اللينك بتاعهم أسفل الفيديو لو حابب تتواصل وتحصل على زايو فري في بي إن.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص روسيا تدخل الحرب. إيه اللي حصل بالضبط؟

اللي حصل إن والله طلعت صحيفة اسمها واشنطن بوست وقالت إن والله وفقاً لمسؤولين أمريكان، ثلاث مسؤولين، هم بيعتقدوا إن والله الروس قدموا معلومات استخباراتية لإيران. والحقيقة هم شايفين فين كده؟ لأن ببساطة إن والله نسبة إيران في إصابة الأهداف أصبحت دقيقة لغاية. وبمناسبة يعني القصة هنا متعلقة بإيه؟ بيقول لك إن حتة الدقة في الإصابة دي روسيا، روسيا ماشي، ما حصلتش عليها غير بعد سنين من حرب أوكرانيا. قال لك حتى الروس ما كانش عندهم الدقة دي. فالقصة هنا هم مش مقتنعين إن والله إيران عندها نفس الدقة دي إنها تجي لها من يوم وليلة. ماشي؟ وشايفين إن الروس هم بيدوا صور الأقمار الصناعية وبيدوا معلومات استخباراتية بالأقمار الصناعية الروسية.

"واشنطن تعتقد أنها تراقب الجميع، لكن الحقيقة هناك دب روسي يراقب سفنها من الفضاء ويمنح الإحداثيات لإيران على طبق من ذهب. هل بدأت روسيا رسمياً تصفية حسابات أوكرانيا في مياه الشرق الأوسط؟ الأمر لم يعد مجرد تخمينات. صحيفة واشنطن بوست كشفت المستور. موسكو لم تكتفِ بالمشاهدة، بل تحولت إلى العين الإضافية لطهران. تخيلوا مواقع السفن الحربية، إحداثيات الطائرات، وتحركات القوات الأمريكية كلها تصل إلى غرف العمليات الإيرانية بلمح البصر."

طيب وفقاً لإيه؟ قال لك تعالى بص على منظومة ثاد اللي في قاعدة موفق السلط. المنظومة دي اتضربت في الرادار اللي هو أغلى وأقيم حاجة في المنظومة. ما تمش ضرب بطارية الصواريخ، ما تمش ضرب غرفة القيادة أبداً. هم ضربوا الرادار اللي هو الأغلى. بدليل إن صحيفة وول ستريت جورنال قالت لك: "على فكرة أمريكا بتسابق الزمن عشان تجدد الرادار ده وهتبعت واحد تاني بسرعة جدا للأردن عشان تجدد الرادار بتاع منظومة ثاد اللي هي أغلى منظومة في العالم للدفاعات الجوية". لأن بالمناسبة خروج منظومة ثاد اللي في قاعدة موفق السالمي ده بيهدد منظومة الدفاع الجوي في المنطقة كلها الخاصة بأمريكا. ماشي؟

وقال لك ده بيحد من قدرة أمريكا بشكل كبير. تاني حاجة هم شايفينها، قال لك والله بص على رادارات الإنذار المبكر. دي مش وفقاً لمعلومات استخباراتية. الدقة في الضربة وفي نفس الوقت استطلاع الرادارات دي بشكل دقيق يخلي إن الروس هم مقدمين دعم. ماشي؟ حاجة تالتة قال لك بص إن تم ضرب مبنى السي آي إيه، المخابرات المركزية الأمريكية، داخل السفارة أو القنصلية الأمريكية في الرياض. نسبة الإصابة تقريباً 100%، لأن الإصابة ضربت مبنى تقريباً جزء كبير منه غير قابل للعمل وجزء تاني غير قابل للإصلاح. وضربوا مكاتب حيوية جدا بدقة كبيرة. فالحقيقة القصة هنا يقول لك إيه؟ يقول لك إن والله الأمريكان أصبحوا على قناعة إن الشغل ده مش شغل إيراني، ده شغل روسي. ماشي؟

طيب صحيفة بتاعة وول ستريت جورنال جت كملت الخبر قالت لك: "بص بقى إحنا جايبين الخلاصة من مصدرين أمريكان ومصدر روسي متقاعد أو ضابط روسي متقاعد". قال لك: "خد بالك من أمر مهم جدا. القصة كلها إن إحنا بنتكلم في تحليلات، إحنا ما فيش تحت إيدينا حاجة، يعني ما نقدرش نقول إن الروس إحنا مسكناهم وهم بيقدموا صور أقمار صناعية لإيران. إحنا ما عندناش المعلومة دي أو ما مسكناش حاجة، بس إحنا شايفين شواهد إن والله القصة هنا إن روسيا بتساعد إيران لأن إيران ما عندهاش المقدرة دي". هم بيقولوا إن ده تحليل أو قناعة، إنما ما فيش حاجة هم تحت إيديهم، ما فيش دليل، بس هم شايفين إن دي قناعة.

طيب القصة هنا في إيه؟ القصة هنا إن إنت عندك جنود أمريكان ماتوا. شوف بقى إحنا بنتكلم في إيه. إحنا بنتكلم إن الروس تسببوا في مقتل جنود أمريكان. والحقيقة التحليل ده يقول لك إن خلي بالك من أمر خطير. أولاً، هو شيء بديهي بالنسبة للأمريكان، لأن الأمريكان بيتوقعوا حاجة زي كده من أول حرب. إشمعنى؟ لأن زي ما قلت لحضرتك في الفيديو اللي فات إن الروس شايفين إن أمريكا دعمت أوكرانيا، وأوكرانيا قصفت العمق الروسي وقصفت مصافي نفط روسية وقتلت جنود روس، فبيدفعوا الأمريكان التمن. ماشي؟ فده أول حاجة روسيا بترد الدين.

تاني حاجة خلي بالك إن سقوط إيران ده أمر جلل بالنسبة لروسيا. ده الداعم الأساسي لحرب أوكرانيا، والداعم الأساسي للروس هي إيران أكتر من الصين كمان. ليه؟ لأن إيران اشتغلت في العلن. إيران أول ما حرب أوكرانيا قالت لك: "إحنا هنرسل مسيرات". وأنا عاوزك تبص إن كل سنة روسيا بتستورد شحنات صواريخ ومسيرات من إيران. والطفرة اللي حصلت في القدرة القتالية بالمسيرات الروسية كانت طبعاً من إيران. يعني روس بيجيبوا المسيرات الإيرانية يقعدوا يطوروا فيها، بس بياخدوا آخر ما توصلت له إيران من الخبرات القتالية وتصنيع المسيرات ويعدلوا فيه. في حرب أوكرانيا وبدون المسيرات الإيرانية كان الروس هيلحق بهم هزيمة تاريخية. فإنت تسيب إيران تسقط ده أمريكا فاهمة إن طبيعة الروس مش هيسيبوا حاجة كده، خاصة إن الروس يعني ما قدموش أي دعم عسكري فعال بشكل كبير.

طيب المقالات بتتكلم في إيه؟ بتقول لك: "بص أي دعم استخباراتي قدمته روسيا لإيران لازم تعرف إنه مش كبير". ماشي؟ لأن الروس في حاجة لكل معلومة، لأن هم بيحاربوا، عندهم حرب في أوكرانيا، فمش هيبقوا متفرغين للحرب دي. ماشي؟ هيبقى في جزء مساعدات أو إن هم هيسدوا فجوات داخل معلومات استخباراتية إيرانية. يعني مثلاً هتلاقي مثلا الإيرانيين يستطلعوا هدف بس هم مش عارفين بالضبط معلومات دقيقة عنه أو مش عارفين تحركات خاصة بالقوات الأمريكية، فساعتها الروس هيقدموا معلومات. بس القصة هنا في إيه؟ القصة هنا إن الدعم ده وقف بعد التسريبات الإعلامية. إشمعنى؟ لأن الأمريكان نفسهم بيقولوا لك إن قدرة إيران على الاستهداف خلال اليومين اللي فاتوا قلت. هو بيتكلم عن الاستهداف الدقيق قلت. ماشي؟ فده أمر هم واخدين بالهم منه. فهل الروس أول ما التسريبات دي طلعت وقفوا الدعم الاستخباراتي؟ ممكن. ولا هل مثلاً إن إيران، أمريكا وإسرائيل ضربوا مراكز قيادة مهمة جدا فالايرانيين مش عارفين يضربوا بدقة؟ ما حدش عارف.

بس أنا اللي عاوز أقوله لك وأأكد لك عليه إن الأمريكان ما عندهمش معلومات استخباراتية، هم عندهم قناعات استخباراتية، إنما مش معلومة مؤكدة إنهم مسكوا حاجة. هي قناعات. فده أمر. الأمر الثاني خد بالك إن ده بيمارس ضغط كبير جدا على الرئيس الأمريكي دونالد ترامب إنه يحسن الحرب. ما هو الجنود الأمريكان دول أرواحهم ما راحتش في حرب مع نظام إيراني، لا ده أنت رحت في حرب مع وكيل روسي. فما ينفعش تنسحب من الحرب وما ينفعش الحرب دي تخلص بدون نصر أمريكي. بدليل إنه موقع أكسيوس طلع قال لك: "على فكرة وزير الخارجية الأمريكي مارك روبيو كلم زعماء المنطقة بتوع الخليج وقال لهم: على فكرة الحرب هتطول شوية، كم أسبوع كمان". ده تطور بيقول لك إن أمر خطير.

"أفادت تقارير بأن العمليات العسكرية ضد إيران قد تستمر لعدة أسابيع إضافية، في وقت نفذ فيه الطيران الإسرائيلي ضربة استهدفت مركز قيادة محصن أسفل مجمع المرشد الأعلى الإيراني الراحل. ونقل أكسيوس عن مصدر مطلع أن روبيو أكد أن الجهد العسكري يتركز حالياً على تدمير منصات إطلاق الصواريخ الإيرانية ومخزوناتها ومنشآت التصنيع. وشدد روبيو على أن هدف واشنطن ليس تغيير النظام، لكنه أشار في الوقت ذاته إلى رغبة الولايات المتحدة في رؤية أشخاص مختلفين يديرون البلاد."

بس ده أمر يقول لك إن الأمريكان هيصعدوا تصعيد غير طبيعي عشان الحرب دي تخلص ويحققوا النصر. تخلص وخلاص يحققوا النصر. ترامب بيقول لك إيه؟ بيقول لك استسلام بدون شروط. على فكرة الرئيس الإيراني النهاردة مسعود بيشكيان طلع قال لك: "على فكرة إن الاستسلام بدون شروط ده حلم، يعني إن الإيرانيين مين يستسلم بدون شروط ده حلم". ماشي؟

"وحتى تبقى إيران مرفوعة الرأس وتخرج من هذه الأزمة مرفوعة الرأس. إذا أردنا الاستسلام دون قيد أو شرط، فعلينا التخلي عن هذا الحلم. نحن نلتزم بالقوانين الدولية والأطر الإنسانية."

بس أنا خليني أقول لك إن الأمريكان هيصعدوا خلال الفترة القادمة. إشمعنى؟ لأن النهاردة صحيفة واشنطن بوست قالت لك: "على فكرة في الفرقة رقم 82، 8 إنزال جوي خلاص". الحقيقة الفرقة دي كان عندها يعني مناورة خطيرة جدا هتقوم بيها. فجأة كده تم إلغاء المناورة الخاصة بالفرقة دي. بالمناسبة الفرقة دي مش فرقة عادية. دول يا باشا صفوة صفوة القوات الأمريكية. يعني مش خد أنت القوات الخاصة كده بينتقوا عناصر من القوات الخاصة يدخلوها في الفرقة دي. إنزال جوي اللي هي فرقة 82. هم كاتبينها كده "Elite". يعني دول الصفوة. ماشي؟ فدول يا باشا تدريبهم مش عادي. ودول هم كاتبين التعريف بتاع الفرقة دي. قال لك "Immediate Response Force" قوات التدخل السريع. بس خلي بالك إحنا ما بنتكلمش قوات تدخل سريع بتاعة الـ FBI أو الشرطة. إحنا بنتكلم قوات تدخل سريع بتاعة الجيش الأمريكي اللي أنا بقول لك صفوة الصفوة.

طيب أهم المهام اللي بتُسند للقوات دي إيه؟ السيطرة على بطاريات، تحرير رهائن عسكريين، تحرير سفارات. لو السفارة الأمريكية مثلاً معرضة لحصار عسكري أو مظاهرات حوالين السفارة، القوات دي تنزل، تزلزل، تخلي السفارة وتاخد الرعايا الأمريكان. قوات معدة لمهام دقيقة جدا برية. ماشي؟ ما بياخدوش حروب. ده مهمة معينة. ماشي؟ فده أمر مهم جدا. طيب إنك تلغي المناورة بتاعة القوات دي معناه إيه؟ معناه إن في تصعيد. لأن خلي بالك البنتاجون نفسه لما صحيفة واشنطن بوست راحت له قالت له: "إيه اللي هيحصل بالظبط؟" قالوا لها: "إحنا ما أسندناش أي مهمة للفرقة دي، بس إحنا هندي أوامر". ماشي؟ يعني هم في أهبة الاستعداد وهنطلع لهم أوامر. فده أمر مهم جدا.

الأمر الآخر الأكثر أهمية إن كلام إن أمريكا هتنزل قوات برية خاصة في إيران ده يمثل لك إن أمريكا هتبتدي عمليات برية ضد إيران. هي صحيح مش غزوة، هي عمليات انتقائية. هينتقوا الأماكن ويخشوا في حتة معينة وينفذوا فيها مهمات معينة. بس الكلام ده طالع في ظل إن أمريكا بتنسق مع الأكراد. على فكرة الأكراد وفقاً لأكسيوس. قال لك: "إحنا مش هندخل في الحرب دي لحد ما نعرف أمريكا عاوزة إيه من النظام الإيراني. عاوزين يغيروا النظام هنخش الحرب. عاوزين إن هم يعملوا عمليات ويمشوا ونلبس إحنا؟ لا مش هنخش". ليه؟ قال لك: "إحنا ما عندناش دفاعات جوية، وعلى فكرة إيران لو عاوزة تضربنا ولا هتطلق علينا صاروخ باليستي ولا انشطاري ولا أي حاجة، كم مسيرة كده يودونا في ستين داهية". ماشي؟ فقال لك: "إحنا عاوزين ضمانات، نعرف بس نوايا الأمريكان إيه في الحرب وأهدافهم، وإحنا معاهم. إنما غير كده يعني هنشوف اللي هيحصل".

طيب سؤال مهم جدا. يعني تعتقد إن القوات البرية سواء الأكراد أو القوات الخاصة اللي هي الفرقة 82 دول هيدخلوا منين؟ هيدخلوا إيران منين؟ من الخليج؟ لا. طب هيدخلوا منين؟ من أذربيجان. عشان كده إيران ضربت مطار أذربيجان. لأن مطار أذربيجان بيتم إعداده إن في قوات تنزل وطيارات اللي بتحمل القوات الخاصة دي تنزل في مطار أذربيجان وتبتدي ينطلق من المطار القوات البرية دي. فده الأمر المهم اللي لازم تاخد بالك منه إن في تغير واسع في عمليات الجيش الأمريكي، وإن إحنا هنا بنتكلم على تغيرات واسعة. دونالد ترامب ما بقاش مؤمن إنه هيهزم إيران بالطلعات الجوية فقط. إحنا بنتكلم إنه هيبتدي يشتغل على الأرض. وشغله على الأرض هيبقى شغل مختلف.

خاصة هنا دونالد ترامب طلع قال لك إيه؟ قال لك: "أنا ضربت البحرية الإيرانية". النهاردة صحيفة نيويورك تايمز تقول لك: "الجيش الأمريكي فعلاً ضرب 30 سفينة للبحرية الإيرانية". بس ما قضتش على البحرية الإيرانية ليه؟ قال لك خلي بالك، إيران عندها اثنين بحرية، ما عندهمش قوات بحرية واحدة. عنده القوات البحرية العادية التابعة للجيش الإيراني، وعنده قوات الحرس الثوري. القوات البحرية العادية التابعة للجيش الإيراني دي عبارة عن سفن كبيرة. ماشي؟ والسفن الكبيرة دي فيها بقى اللي هي حاملات المسيرات، أديك شايف اللي هي اتضربت في الخليج العربي، وفرقاطات ومدمرات والكلام ده كله. صحيح هي معظمها قديم، بس هو بيقول لك ده شغل البحرية الإيرانية العادية. أما شغل الحرس الثوري الإيراني فهو عنده زوارق مسيرات. ماشي؟ وقال لك إن التكامل بين الزوارق الصغيرة اللي بيبقى فيها عناصر كده تروح تخطف سفن أو إنها تحاول تعمل عملية إنزال على سفينة والكلام ده كله، ويخش معاهم سلاح المسيرات بتبقى قوة خطيرة جدا. أمريكا ممكن تكون قضت على قدرة القوات البحرية الإيرانية الكبيرة، بس قوات الحرس الثوري الإيراني هي ما عرفتش تقضي عليها كلها. ليه؟ زوارق صغيرة. وبالمناسبة الزوارق الصغيرة دي ممكن ينزلوا ألغام، ممكن يعملوا حاجات كتيرة جدا. يفرق معاك رادار بتاعك إيه؟ يفرق معاك إن الأمريكان طلع قال لك: "خلي بالك إحنا هنبعت السفن بتاعتنا عشان ترافق ناقلات النفط". ماشي؟ أنا قلت لك دونالد ترامب مصر على فتح مضيق هرمز بالقوة، لأن ما ينفعش حقول النفط والغاز تظل متوقفة. ما ينفعش هتاخد أسابيع أو شهور عشان ترجع تاني للاستخدام. وأسعار النفط أنت شايف أهو داخلة في 95 دولار للبرميل وحاجة عالمية يعني. فدونالد ترامب لازم يفتح مضيق هرمز.

طلعت النهاردة إيران قالت لك: "يا باشا إحنا في انتظاركم". شوف أنت عاوز تعمل إيه. لو أنت هتبعت فعلاً المدمرات إنها تخش ترافق ناقلات النفط، يا ريت إحنا قاعدين منتظرينكم. فده أمر مهم جدا. أما رد إيران على عمليات الإنزال الجوي والعمليات البرية اللي هيشنها الجيش الأمريكي على إيران، طلعوا برضه قالوا نفس الكلام. وعلى فكرة اللي قال كده وزير خارجية إيران عباس عراقجي. لما في مذيعة سألته قال له: "تعتقد يعني إن أمريكا هترسل قوات برية؟" قال له: "يا ريت، إحنا في انتظارهم". ماشي؟ زي ما حضرتك هتشوف كده بالضبط.

"فدي أمور خطيرة ومتسارعة. أنا واقف عند أمر غاية في الأهمية. إيه هو؟ النهاردة إيران طلعت قالت لك إيه؟ قالت قالت لك: "يا عم بص إحنا مش هنستهدف الدول". يعني دول الجوار اللي هي ما فتحتش حدودها للأمريكان ولا ساهمت في ضرب إيران ولا أي حاجة، إحنا مش هنضربها". والكلام ده طلع على لسان الرئيس الإيراني. وقال لك: "والله أي دولة ما فتحت أجواءها لأمريكا والتزمت بعدم دعم الأمريكان، إحنا متأسفين جدا ليها ومتأسفين إن إحنا ضربناها والكلام ده كله، بس يعني كان غصب عننا، يعني كنا بنستهدف قوات أمريكا".

"أولاً، أريد أن أعتذر للدول المجاورة التي تعرضت لهجوم من جانبنا، لأنه خلال ما حدث تعرضت بلادنا ومسؤولون لهجوم جبان وحشي من العدو. لا، لا ننوي، لا ننوي، ولا تنوي قواتنا المسلحة التي تضع أرواحها على أكفها وتدافع عن تدافع تدافع بقرارها الخاص في ظل غياب القيادة تتخذ القرار بشكل مستقل وتدافع. ونحن ليس لدينا أي نوايا للاعتداء أو لتنفيذ غزو على دول الجوار. قلناها مراراً وتكراراً، هم إخوتنا."

طيب حاجتين مهمين جدا. أول حاجة إن الإمارات أول ما سمعت الكلام ده وخدت كلام مسعود بيشكيان يعني على محمل الجد، مطار دبي ضرب وش على طول. لأن على طول طيران الإمارات قال لك: "إحنا هنرجع الرحلات تاني ونفتح المطار". على طول. إيه؟ إيراني ضربت مطار دبي؟ ده أمر. الأمر الثاني خد بالك إن كل شركات الطيران الخليجية فتحت أجواءها. ماشي؟ بس أنا بقول لك أهو، الإيرانيين بيعملوا فخ للعرب ليه؟ أولاً مسعود بيشكيان اعتبره الرئيس بلا سلطة، مش هو الحكم الفعلي. الكلام ده ما طلعش على لسان علي خامنئي. خلاص؟ خلي بالك إن المسؤولين الإيرانيين نفسهم بيقول لك إيه؟ بيقول لك: "على فكرة إحنا مش مسيطرين على كامل قواتنا". يعني في قوات بتتحرك من نفسها بتضرب من نفسها. ماشي؟ نتيجة إن ضرب مراكز القيادة والكلام ده كله أصبح في انفلات في الأوامر الخاصة بالقوات الإيرانية. ده أمر. الأمر الثاني خد بالك إن إيران، إيران الحاجة الوحيدة في الحرب دي اللي هي بتقول لها إنها ماشية على الطريق الصحيح، إنها بتضرب الخليج والخليج بينزف. مش بتضرب إسرائيل. على فكرة إسرائيل ما افتكتش لحد دلوقتي. ده أمريكا لسه مديها صفقة عسكرية لإسرائيل. ماشي؟ القصة الوحيدة اللي بتقول إن إيران بتنجح هي ضرباتها في الخليج وطريقة استنزاف الخليج، وإنها بتضرب أماكن مدنية وبتقتل مدنيين والكلام ده كله، بتخلي الخليج يعاني بشكل أو بآخر. وهي إيران شايفة إن الخليج هو أمريكا، فضرب الخليج هو أحد نجاحات إيران. لا يمكن تتخلى عنها. لا يمكن. ماشي؟ هي القصة مناورات. عاوز يقول لك يا باشا أنا هضربك كل شوية وش كده. ماشي؟ فده أمر مهم جدا.

الأمر الثاني الأمريكان النهاردة لاحظوا حاجة في منتهى الخطورة إن ضربات إيران ابتدت تقل فعلاً. صحيح إيران ابتدت تدخل صواريخ من الطراز الجديد مثلاً، ما بقتش تضرب مسيرات شاهد 136 فقط. لا ابتدت تضرب مسيرات جيران 2 ماشي اللي هي مسيرات متطورة. ما ابتدوش إنهم يطلقوا صواريخ عادية. ابتدوا يطلقوا صواريخ فرط صوتية على إسرائيل بالذات. ماشي؟ فهي أمور ابتدت الحرب تتسارع وتبقى أكتر خطورة. لأن ظهر إيران مخزونها من الصواريخ قل سنة. فاول إشارة إن إيران ما بقتش عارفة تضرب الصواريخ تاني. وخد بالك أكتر نقطة ضعف عند إيران هي منظومات إطلاق الصواريخ أو منصات إطلاق الصواريخ اللي هي العربيات. إيران ما عندهاش منصات إطلاق صواريخ، ما عندهاش 5000 منصة إطلاق، عندها 5000 صاروخ بس. ما عندهاش منصات الإطلاق اللي بتطلق الصواريخ دي أو العربيات. يعني فهي نقط كتيرة جدا.

هل إيران تهزم؟ ولا في الآخر يحصل تطور خطير جدا وإن أمريكا تنزل بقوات برية وينجح الجيش الإيراني في أسر عدد من الجنود؟ لأن إنك تنزل بقوات برية سواء بقى إنك تسيطر على مطار وتخلي الأكراد يخشوا والكلام ده كله، ده أمر. الأمر الثاني النقطة الأهم اللي أنا عاوز أركز عليها إن خلي بالك القوات البرية الخاصة اللي هي فرقة 82 لو نزلت هتسيطر على منطقة. واشتبه إنهم نازلين عشان المفاعلات النووية عاوزين يدمرها من الداخل. لأن القاذفات ما عرفتش عشان تدمرها. فالقوات البرية دي الأمريكية هتنزل عشان تدمر المنشات النووية بشكل كبير.

في الآخر يا رب أكون شرحت لحضرتك الموضوع بشكل مبسط. ويا رب مصر يا رب ننصر العرب. ويا رب فلسطين. يا رب تحيا مصر. سلام.

"انت مش عارف احنا مين. احنا اللي الناس بتجيلنا من كل مكان علشان تشوف بلدنا. احنا اللي علينا العين. احنا حضارة بقى لها سنين والعالم مش عارف سرها. احنا خفة دم بتضحك القلب."

"وكرم بيتضرب بيه المثل."

"جدعنة وشهامة مش موجودة في زنا. ورحمة بتطلع من عينينا قبل قلبنا."

"احنا بسمة بتفتح ألف باب."

"أكلة حلوة بتدي بلدنا طعم. احنا الأمانة والذكرى الحلوة اللي ما بتتنسيش. احنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر."