Transcription
لما حد من صحابك يلغي الخروجه في اخر لحظه وبعدها تلاقي صورته وقعد في مطعم على السوشيال ميديا او لما تكون بتتكلم مع حد في موضوع مهم وتلاقي الشخص الثاني بصط في تليفونه ومش منتبه لك.
ليه بناخد الامور بشكل شخصي؟ ليه حد يقول كلمه ومره واحده تحس انك متضايق وعاوز تقوم تمشي او تحس انك مش مهم او تحس انك قليل؟ وتشوف ان الشخص الثاني هو المشكله وهو المسؤول عن مشاعرنا وهو الشخص اللي نلومه.
الانا بتاعتنا متخيله ان الناس هي المفروض تاخد بالها من مشاعرنا ومن اي حاجه احنا بنحسها. والحقيقه ان الشخص الثاني بيتعامل مع مشاعره هو ورايه ومعتقداته هو.
ما تاخدش حاجه الناس حاساها او بتفكر فيها او بتقولها بشكل شخصي لانها مش بتعبر عنك انت. لو انت ماشي في الشارع وحد مجنون مثلا قال لك على فكره انت غبي جدا، فده مش بيعبر عنك.
بس لو انت اخدت الكلمه دي بشكل شخصي دي، فغالبا انت معتقد انك غبي. وممكن تقول كمان: "ايه ده؟ هو عرف منين؟ هو باين عليا قوي كده؟" في الحاله دي انا محتاج ارجع للماضي بتاعي واشوف ايه السبب اللي خلاني اعتقد في حاجه زي ديت.
في الفتره اللي علينا اتبرمج فيها زي ما اتكلمت قبل كده، اتعلمنا اننا ناخد كل حاجه بشكل شخصي وبنعتقد اننا المسؤولين وكل حاجه. انا، انا.
بس في الحقيقه ما فيش حاجه الناس بتعملها بسببك انت ولكن بسببهم هم. كل واحد عايش في عالمه الخاص وكل عالم مختلف عن عالم الشخص اللي جنبه. وكانه فيلم، فيلم من تاليفه واخراجه وهو كمان البطل.
كل واحد شايف الدنيا والناس من منظوره هو ورايه اللي جاي من اعتقاداته والبرمجه اللي عله تبرمجها. على سبيل المثال، لو انت زعلت مني فانت كده اخدت الموضوع بشكل شخصي.
وانك بتتعامل مع مشاعرك انت وخليتني انا السبب اللي خلاك تزعل. لان مثلا ممكن اكون لمست حاجه ليها علاقه بجراح الماضي بتاعتك وانت زعلت عشان انت عندك خوف.
خوف من حاجه معينه. لو انت ما عندكش احساس بالخوف ما كنتش هتكره حد. لو ما عندكش احساس بالخوف ما كنتش هتحس بالغيره.
لكن لو انت عايش بدون خوف، عايش بحب هتكون حاسس حلو من جواك. هتشوف كل حاجه حواليك حلوه. ولما تشوف كل حاجه حواليك حلوه ساعتها كل حاجه هتخليك مبسوط.
انت حابب كل حاجه حواليك عشان انت حابب نفسك. وده مجرد انعكاس عن اللي جواك. ساعتها مش هيفرق معاك اي حاجه ومش مهم بالنسبه لك الناس شايفاك ازاي.
وانك مش بتاخد اللي الناس بتقوله او بتعمله او تحسه بشكل شخصي. وكانك بتتفرج على الفيلم بتاعهم من بره من غير ما تدخل جواه او تشارك فيه.
وكان مثلا حد بيحاول يقنعك انك برتقانه. فان هتاخد ده بشكل شخصي. مش مهم انت شايفني ازاي وانا مش بياخد رايك بشكل شخصي.
ما تتوقعش ان الناس دايما بتقول الحقيقه. لانهم برده بيكذبوا على نفسهم عشان خايفين من حاجه معينه.
لما تقوي عندك عاده انك ما تاخدش حاجه بشكل شخصي فانت هتتجنب على نفسك احباطات كتير في حياتك. احساس بالغضب، الغيره، الانتقام. كل ده هيختفي من حياتك.
تخيل حاجه من الحريه اللي هتعيشها وانت عندك مناعه من اي حاجه موزيه حد ممكن يقولها او يعملها معاك. تخيل انك تتخلص من معتقدات سلبيه مخليك عايش بتتعذب.
بس بمجرد ان يكون عندك معتقد ايجابي جديد زي اعتقادك انك ما تخدش الامور بشكل شخصي. وان راي الناس مش بيعبر عنك او بيدل عليك.
وانك مش مسؤول عن تصرفات اي حد تاني ولكن مسؤول بس عن تصرفاتك انت. واشوفكم الحلقه الجايه. Yeah.