روسيا تضرب تحت الحزام وتدعم إيران دعم عسكري ولوجستي منذ بداية الحرب وترامب تحدث عن اتفاق قريب

السلام عليكم، ازيكم؟ دونالد ترامب طلع يسخر من قادة إيران وقال: "على فكرة، هم مش عاوزين يعترفوا إنهم بيتفاوضوا برغم إن قادة إيران في حاجة ماسة إنهم يعقدوا الصفقة دي، بس هم مش عايزين يقولوا كده عشان خايفين من شعبهم يقتلهم، أو خايفين مننا إحنا اللي نقتلهم. حضرتك متخيل إن يبقى في دولة كل يوم واحد يعرض إن يا جماعة حد يجي يمسك الدولة دي، ما حدش عاوز يجي يمسك المنصب بتاع المرشد عشان ممكن يتقتل؟" ده الكلام اللي قاله دونالد ترامب، زي ما حضرتك تسمع منه كده بالظبط.

"Seen anything like we're doing in the Middle East with Iran and they are negotiating by the way and they want to make a deal so badly but they're afraid to say it because they figure they'll be killed by their own people they're also afraid they'll be killed by us there never been a head of a country that wanted that job less than being the head of Iran."

في الحقيقة، دونالد ترامب بيحاول يسخر من قادة إيران وحاول إن هو يتفّه منهم ويوريك إن يعني إيران ضعيفة وإن إيران خلاص هتستسلم وكلام ده. بس على الجانب الآخر، ما فيش أي مظاهر إن إيران منهزمة وما فيش أي مظاهر إن إيران أصبحت ضعيفة. والأغرب من كده، واللي أنا واقف عنده، هي إزاي إيران صامدة في مواجهة إسرائيل وأمريكا مع بعض؟ شايف الأمر ده غريب، بقى لها شهر بتحارب وكل يوم تطلق 10 صواريخ وكل يوم تطلق مسيرات، مش فقط على إسرائيل، تطلق على دول المنطقة كلها. إزاي إيران قادرة إنها تصمد لحد دلوقتي؟

الحقيقة، صحيفة فاينانشال تايمز هي اللي كشفت السر ده وقالت لك: "في حد بيساعد إيران وبيخليها تصمد طول الفترة دي". عايز تعرف هو مين؟ هقول لك، بس عشان أقول لك لازم أحكيلك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو كثير مننا بيسأل: "إيه اللي يخلي اسم شركة بيفضل محفور في ذاكرة الناس سنين وسنين؟" الإجابة في كلمة واحدة بس: "الأصل".

إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج السيد أحمد، واستمر بخبرة المهندس فوزي السيد، ووصلت بذكاء المهندس سمير فوزي لقمة العاصمة الجديدة. مجموعة التوفيقية، كيان عقاري عريق، تاريخ طويل من الثقة وسمعة اتبنت على الالتزام وكلمة الشرف.

النهاردة، مجموعة التوفيقية للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمة الإدارية الجديدة، مشروع بيجمع بين خبرة عقارية ممتدة على مدار أجيال، تصميم معماري مميز للمهندس محمد حافظ حافظ كونسلتنت، وإدارة وتشغيل احترافي من شركة إم آر بي وفق أعلى معايير توتال فاسيليتي مانجمنت. هنا الاستثمار مش مجرد وحدة بتمتلكها، دي تجربة متكاملة بمعايير تشغيل وإدارة بتضمن استدامة وقيمة حقيقية في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعة التوفيقية، استثمار مبني على الأصل.

نخش في الموضوع على طول، نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص ضرب وزارة الدفاع. إيه اللي حصل بالظبط؟ اللي حصل إن أنا امبارح كنت في لايف ووقع قدامي خبر كده في صحيفة فاينانشال تايمز. الخبر كان بيتكلم إن والله صحيفة فاينانشال تايمز قدرت توصل لمصدر قال لها إن الروس بيساعدوا الإيرانيين. ماشي، والمصدر ده طلع اتكلم وقال لك: "على فكرة، في أوائل مارس الروس كانوا بيعدوا عدة إنهم يرسلوا شحنات عسكرية وغذائية ومؤن للجانب الإيراني".

خلي بالك، أوائل مارس ده الحرب ابتدت يوم 28 فبراير. يعني أول ما الحرب ابتدت، الروس كانوا حابين إنهم يقدموا مساعدات إنسانية للجانب الإيراني، بس ما كانش إنسانية فقط، لا ده روس كمان كانوا بيعدوا العدة إنهم يشحنوا منظومات دفاع ويشحنوا مسيرات اللي هي جيران اثنين للجانب الإيراني. والحقيقة المقالة دي لما وقعت تحت إيدي في اللايف، أنا قلت: "يا جماعة الكلام ده أي كلام ليه؟" لأن ببساطة كده إن والله ده إعلام بريطاني وهو عايز بس يشكك في المصدر الروسي وعايز يطلع روسيا شيطان يعني، فبيشيطن روسيا.

بس إذا أفاجأ النهارده إن لا، ده في حاجة غلط بتحصل. إيه؟ النهارده إسرائيل ضربت ميناء اسمه اسمه بندر أنزلي. ده ميناء بيطل على بحر قزوين. بحر قزوين ده اللي بين روسيا وإيران، واللي المفروض هو طريق لوجستي مهم جداً بحري بين روسيا وإيران، والروس بيبعتوا كل الشحنات بتاعتهم للجانب الإيراني. فالخبر ده لما نزل النهارده نزل في صحيفة وول ستريت جورنال، وحتى قناة الجزيرة نقلته. يقول لك إن إسرائيل فعلاً ماشية على إن الروس بيقدموا مساعدات لإيران.

وهنا إحنا مش بنتكلم إن الروس بيقدموا مساعدات تقنية. يعني أنا قلت لحضرتك في أول حرب إن الأمريكان تيقنوا إن والله الروس بيقدموا إحداثيات الأهداف اللي إيران بتضربها، لأن الأمريكان دمروا معظم الرادارات الإيرانية، فإيران المفروض عامية مش شايفة إيه اللي بيحصل بالظبط وما عندهاش القدرة إنها ترصد كل الأهداف اللي هي بتضربها ده. فالأمريكان بيقول لك إن الروس هم اللي بيقدموا الإحداثيات، يعني الإيراني يحط الأرقام ويضرب الصاروخ. ماشي، فالأمريكان متأكدين من كده.

إنما إن إحنا بنتكلم في صحيفة فاينانشال تايمز إن والله الروس مش فقط بيقدموا إحداثيات، دول كمان هينقلوا مسيرات وابتدوا إنهم ينقلوا منظومات دفاع جوي، ده أمر خطير. ولكن أيضاً أفادت التقارير، حسين، بأن إسرائيل قصفت طريق إمداد إيراني روسي في بحر قزوين، لأن هناك من يرى في إسرائيل بأن روسيا والصين تساندان إيران ليس فقط على المستوى الاستخباراتي، إنما أيضاً على المستوى الإمداد العسكري.

طيب، إيه هي المسيرات اللي هم بينقلوها؟ قال لك والله، إيران حالياً عندها وفرة في المسيرات، هي مش عايزة كم، هي عايزة دقة وعايزة قدرة على الصمود أمام التشويش وعايزة قدرة على اختراق منظومات الدفاع الجوي. من الآخر كده، إيران عايزة مسيرة أحدث من مسيرة شاهد 136. فالروس هيبعتوا مسيرة اسمها جيران 2. ماشي، جيران 2. في على فكرة إيران عندها جيران برضه مسيرة اسمها جيران، بس المسيرة بتاعة روسيا دي فيها تقنيات المفروض مش موجودة في المسيرة الإيرانية.

وبيقولوا وفقاً للصحيفة يعني، إيران ممكن تفكك المسيرات اللي هتجيلها من روسيا دي، تعمل لها هندسة عكسية وتعرف المكونات وممكن تعملها، بس ده هياخد وقت. فهم هم هيعتمدوا على كم المسيرات اللي هيجي لهم من روسيا يضربوها على دول المنطقة ويضربوها على إسرائيل بحيث إن يكون في إصابات أكتر. لأن إيران ابتدت تشوف إن خلال الأيام الماضية دي ابتدت قدرة المسيرات بتاعتها على الاستهداف تقل، وده شيء الإيرانيين خدوا بالهم منه كويس جداً.

إن قدرة المسيرة شاهد 136 ما بقتش بتضرب الأهداف زي الأول. ممكن تكون بتعمل عملية إغراق، عملية تشويش على الدفاعات الجوية. الكلام ده كله ماشي، إنما قدرتها على الاستهداف قلت. فراحت لروسيا تقول لها: "لا، إحنا عايزين بقى مسيرة أحدث وصعب إنها تسقط". والكلام ده كله. واللي بيأكد لك الكلام ده حاجة مهمة قوي، إن الدول الخليجية ابتدت تفرج عن فيديوهات وهي بتسقط المسيرة شاهد 136 لا بصواريخ باتريوت ولا بمقاتلات ولا بأي حاجة بتسقطها برصاص.

ماشي، دول الخليج كانت في أول أيام الحرب كانت بتسقط مسيرات شاهد 136 بصواريخ باتريوت. يعني شاهد 136 ده آخرها، آخرها 10,000 دولار. ماشي، الدول الخليجية كانت بتطلق صاروخ بـ 3 مليون دولار عشان يسقط مسيرة. فالتحول في الحرب إن لا، دول الخليج ابتدت تستوعب وابتدت إن هي تقيم دفاعات جوية قادرة على إسقاط مسيرات شاهد 136 بالرصاص. ماشي، فده أمر أنا عايزك تاخد بالك منه كويس. عشان كده إيران لجات لروسيا: "ابعت لنا مسيرات".

طيب، فده أمر. هل الأمر وقف عن المسيرات؟ لا، ده كمان الإيرانيين كانوا عقدوا صفقة، وعلى فكرة اللي عقدها كان علي لاريجاني لما راح روسيا، إن والله الإيرانيين عايزين منظومات دفاع جوي محمولة على الكتف اسمها "فيربا". "فيربا" هو اسم يطلق على منظومة دفاع جوي محمولة على الكتف اسمها 9K333، أو 9K333. ماشي، دي بيسموها المان بادز أو أنظمة دفاع جوي صاروخية محمولة على الكتف. المنظومة دي منظومة بتعمل بالليزر ومنظومة مهمة جداً، وأهم نقطة فيها إنها بتقدر تتصدى للمسيرات والطائرات الهليكوبتر.

طب، إيران عايزة كده ليه؟ والله، إيران عايزة المنظومة دي بالذات عشان تدفع بيها في جزيرة خرف اللي أمريكا المفروض عايزة تنزل بيها إنزال بري. الإيرانيين اكتفوا بكده؟ قال لك لا، دول كمان عايزين منظومات إس 400. الروس رفضوا. الروس رفضوا. قال لك: "لا، مش هينفع نبعتلكم إس 400". اشمعنى يعني؟ باين قوي يعني، هيبان والأمريكان يقدروا يثبتوا إن ده تدخل روسي وإن المنظومة دي اتنقلت بعد الحرب.

فأنت هنا بتتكلم على دعم روسي واضح وجلي إن والله الروس بيتعاونوا مع إيران. ماشي، فقال لك الإس 400 لا، ما مش هينفع نبعتها لك، كنا بعتناها لك قبل الحرب، إنما دلوقتي مش هينفع نبعتها. طيب، الكلام ده أنا بقول لحضرتك إن تم تأكيده من قبل إسرائيل، إن إسرائيل ابتدت تضرب الخطوط اللوجستية بين روسيا وبين إيران عشان تسهل وتسرع من سقوط النظام الإيراني. لأن دلوقتي الروس عندهم مصلحة كبيرة جداً إن حرب إيران دي ما تخلصش. يا جماعة، الروس أكتر دولة استفادت من حرب إيران.

أولاً، عززت علاقتها بدول الخليج. ما هو خلي بالك دلوقتي إيران ما فيش حد بيعرف يكلمها خلاص غير روسيا والصين. فالدول الخليجية لو أخدت بالك هتلاقي بيكلموا إيران عن طريق روسيا والصين. هتيجي تقول لي: "ما حصلش الكلام ده". هقول لحضرتك بص على قرار طلع في مجلس الأمن لإدانة الهجمات الإيرانية، والروس والصينيين ما استخدموش الفيتو. فده جه نتيجة ضغوط عربية. الضغوط العربية دي على روسيا، وأكيد الروس يعني شافوا ده حاجة كويسة.

ثانياً، الروس تم رفع عقوبات على النفط بتاعهم، فقدرين إنهم يبيعوا النفط بتاعهم بالأسعار العالمية مش بالتهريب. ثالثاً، الروس قدروا إنهم يعوضوا كل الخسائر. ده أنا عايز أقول لك إن في مقال النهارده قلت لك: "حرب إيران دي صلحت كل الأخطاء اللي عملها بوتين في حرب أوكرانيا". شوف قد إيه صلحت كل حاجة بوتين عملها خطأ في حرب أوكرانيا، الأمريكان هم اللي صلحوها له. فده يعني كانت مقالة غريبة جداً بالنسبة لي.

إن فعلاً الحرب دي الروس استفادوا منها كتير جداً، فمش من مصلحة روسيا لا الحرب تخلص بسرعة ولا النظام الإيراني يسقط بأي شكل كان. فدلوقتي الروس داخلين وبيلبوا طلبات الجانب الإيراني في كل ما يلزم ما عدا الأسلحة الضخمة. والجانب الإيراني هو كمان شغال بشكل وثيق وعمال يضرب الصواريخ وعمال يضرب مسيرات. هل تم ملاحظة المسيرة جيران 2 دي في ميدان المعارك؟ والله بص، هو طلع كام فيديو لإيران بتضرب مسيرة جيران 2، بس في ميدان المعارك تأثيرها الفعلي لسه ما بانش. يعني ما شفناش بقى كم من المسيرات الكتير وهي بتضرب على دول الخليج أو إسرائيل. إحنا شايفين صواريخ أكتر من المسيرات.

فده أمر مهم. على الجانب الآخر، حصل حاجة غريبة جداً بالنسبة لي. امبارح إسرائيل طلعت قالت إن والله حزب الله كان بيستهدف وزارة الدفاع الإسرائيلية. ماشي، وحزب الله نفسه كان طلع بيان وقال لك: "إحنا ضربنا أو شنينا هجوم على وزارة الدفاع الإسرائيلية". أنا مش فارق معايا الهجوم، إن مش أول مرة حزب الله يستهدف وزارة الدفاع الإسرائيلية. أنا واخد بالي من التوقيت، إن والله يا جماعة الإيرانيين بيضربوا صواريخ وحزب الله بيضرب صواريخ في نفس الوقت عشان يشتت الدفاعات الجوية. وبالمناسبة، منذ دخول حزب الله للحرب، لازم تعرف إن الصواريخ الإيرانية عرفت إنها تشق طريقها لأهداف في إسرائيل، عشان كده الصهاينة متجننين.

طيب، إيه القصة؟ القصة هنا إن الإعلام الإسرائيلي عن طريق جريدة هآرتس قال لك: "على فكرة، أوعى تظن اللي أنت بتشوفه في السما ده هو التعاون الوثيق بين حزب الله وبين إيران. ده التعاون أخطر من كده بكتير". ليه؟ قال لك: "خد بالك، أصل حزب الله وإيران دلوقتي عمالين يشنوا هجمات سيبرانية عشان يخترقوا الكاميرات اللي في الطرق". يعني كاميرات المرور اللي إسرائيل عاملاها في الطرق بيخترقوها وبيشنوا قرابة 50 هجوم سيبراني عشان يحاولوا يخترقوا الكاميرات دي. ليه؟

قال لك: "فاكر إن المرشد الأعلى في إيران إسرائيل اختلته إزاي؟" وفقاً لصحيفة فاينانشال تايمز برضه، إن إسرائيل اخترقت كاميرات المرور في الشوارع عشان ترصد العربيات بتوع الحرس بتوع القادة الإيرانيين والحرس بتوع المرشد وهم خط سيرهم ماشي إزاي وقاعدين فين دلوقتي عشان يتأكدوا إن المرشد الأعلى في إيران قاعد في المقر بتاعه، وأول ما تأكدوا تم قصف المقر. ماشي، فقال لك إيران دلوقتي وحزب الله عاوزين يكرروا نفس العملية دي بإسرائيل وعايزين يختالوا شخصية رافعة المستوى عن طريق الهجمات السيبرانية اللي بيشنوها عشان إن هم يخترقوا كاميرات المرور.

الأمر ده بالنسبة لي أمر خطير. ليه؟ أولاً، خد بالك إن إيران ما زالت صامدة وإيران عايزة ترد على عملية إسرائيل في قتل المرشد إنها تختال شخصية رفيعة، يعني وزير مثلاً. خد بالك إن إيتمار بن غفير وبساليل سموترتش كانوا مستخبيين تحت الأرض لحد ما اتضربت مدينة ديمونة. طلع الاثنين وزراء دول من تحت الأرض وابتدوا يمشوا وسط الناس والكلام ده كله. فايران قاعدة مستنية إن يطلع وزير زي إيتمار بن غفير أو بسيس ماترتش من فوق الأرض، وساعتها حزب الله هو اللي يضرب الصواريخ بتاعته. اشمعنى؟ ليه مش إيران؟ لأن حزب الله هوريكم، المسافة بين إيران وإسرائيل 1500 كم. إنما المسافة بين حزب الله وإسرائيل ما فيش. يعني فاهمني إزاي؟ الصاروخ يطلع يضرب على طول. ده حزب الله على حدود إسرائيل.

فقال لك هم عايزين يرصدوا بس حد منهم. ده أمر. على الجانب الآخر، لازم حضرتك تعرف إن في كلام على المفاوضات وإن شكل كده إن إيران ممكن فعلاً تقبل بالتفاوض مع أمريكا. ليه؟ قال لك خد بالك، طوال الفترة الماضية دي، يعني طوال الساعات الماضية، كان الإيرانيين بيتعمدوا إنهم ينكروا إن في أي مفاوضات. ماشي، وقال لك: "ما فيش أي حاجة من دي وإحنا ما نعرفش حاجة". كان كل وسائل الإعلام الإيرانية بتأكد حاجة زي كده. حتى إن عباس عراقجي، وزير الخارجية الإيراني، قال لك: "ما فيش مفاوضات وإيران مش عايزة تفاوض".

إنما اللي حصل إن خد بالك إن عباس عراقجي نفسه طلع قال لك: "آه، إحنا جانا عرض من الأمريكان اللي هو 15 نقطة ده بندرسه حالياً لإيقاف الحرب". ده هو نفسه.

"The past few days, our American counterparts have started sending messages through other channels, other friendly countries. If there are messages through other channels, we respond with our position and demands."

إحنا بنتكلم على إيه؟ إحنا بنتكلم إن ممكن يبقى فيه فرصة لوقف الحرب، خاصة إن صحيفة وول ستريت جورنال كشفت إن والله دونالد ترامب أخبر حلفائه إن هو عايز ينهي الحرب بسرعة، ومش عايز يطول في الحرب. وأخبر مساعديه قال لهم: "على فكرة، إحنا في المراحل النهائية في الحرب، لأن أنا عندي ملفات تانية عايز أروح لها". هو قال لهم كده. قال لهم: "أنا عندي ظهر كده حاجات أهم وعايز أخش على التحدي الجديد". التحدي الجديد ده يا إما كوبا، وده أنا مش شايفه تحدي، يا إما الانتخابات خلاص. فدونالد ترامب عايز يلم الليلة، عايز ينجز.

فالأمريكان الظاهر كده هيعملوا الأمر بالتفاوض وينهوا الحرب بالتفاوض. طيب، الكلام ده ممكن تستشفه منين؟ يعني مين اللي يقول لك إن الموضوع ممكن يقترب من التفاوض أو إن أمريكا ممكن تنهي الحرب؟ حاجتين. أول حاجة، كلام ترامب نفسه في المقالة دي. قال لمساعديه: "الحرب دي ما تطولش عن ست أسابيع". فإحنا خلصنا منهم أربعة، صح؟ أو إحنا في الأسبوع الرابع. فهو قال لمساعديه: "الحرب دي ما تطولش عن ست أسابيع". إحنا قلنا ست أسابيع خالص. ست أسابيع. أسابيع. وقال للجيش الأمريكي: "أنجزوا عشان إحنا الست أسابيع دول هنمشي". ده أمر.

الأمر الثاني، بص على الصهاينة. النهارده في مقالة نازلة في هآرتس بتتكلم إن إسرائيل حاطة خطة إن لو دونالد ترامب هينسحب من الحرب، هيغيروا التكتيكات بتاعتهم ضرب إيران إزاي؟ قال لك خد بالك، دلوقتي إسرائيل من بداية الحرب مقسمة إيران وفقاً للجغرافيا بتاعتها. يعني إسرائيل مش بتضرب كل إيران في نفس الوقت، لا، بتضرب مدينة مدينة. تخلص الأهداف اللي في المدينة دي، تروح على المدينة الثانية وهكذا. طب ليه؟

قال لك لأن إسرائيل، كون إن الطيارات بتاعتها هتطلع من إسرائيل وتروح لحد إيران، هي عملية لوجستية معقدة جداً، وطائرات تزود بالوقود وتأمين وعدد من الطائرات. فبيقول لك إن هم ما ينفعش يضربوا إيران. إيران 1600 كم، ما ينفعش يضربوها كلها في نفس الوقت. فهم مقسمينها مناطق جغرافية. طيب، وإيه المشكلة؟ قال لك لو ترامب، الصهاينة حاسة إن هو ينسحب من الحرب، هيغيروا التكتيك ده كله ويبتدوا يستهدفوا الأهداف الضخمة والكبيرة والحيوية في وقت قصير. يعني، يعني خد بالك الحرب دي لما تيجي تقف، مش هتقف بكرة. مش دونالد ترامب هيقول لك: "أنهوا العمليات دلوقتي". لا، هيقول لك: "إحنا هنوقف العمليات خلال 24 ساعة".

فالـ 24 ساعة دي إسرائيل هتشتغل على أهداف قاتلة بالنسبة لإيران كانت ممكن حطها في جدول زمني أبعد. هيضيقوا الجدول الزمني ويشتغلوا على إيران بالأهداف مش بالجغرافيا، بحيث إن هم ينجزوا مهمة بشكل كبير قوي. فده يوريك إن إسرائيل ابتدت تحس إن ممكن الحرب تخلص بسرعة. أما على الجانب الخليجي، فانا قلت لحضرتك موقف الخليج عامل إزاي. السعودية رافضة إن والله الحرب تخلص بالشكل ده، شايفين النظام الإيراني قوي أو مازال صامد على الأقل، وشايفين إن هو لازم يضعف. إسرائيل عايزة النظام الإيراني يتم إبادته أو إن هو يتدمر، وده الخليج مش عايزاه.

فإحنا قدام المراحل الأخيرة من الحرب. مين اللي هينتصر ومين اللي هيكون قوي؟ الحقيقة المفاوضات هتبين حاجات كتير قوي. هتبين مين القوي فعلاً ومين الضعيف، مين اللي كان بيمثل إنه يعني عايز إنه يكمل في الحرب بس هو في الحقيقة عايز ينهي الحرب، ومين والله اللي كان عنده القدرة على الاستمرار فعلياً. لأن الطرفين على فكرة بيدعوا الانتصار، والطرفين بيمارسوا كل أنواع الضغوط. بس خد بالك إن الحرب دي ما بقتش إقليمية زي الأول. وحتى لو أمريكا وإسرائيل بيحاربوا، بس لازم تعرف إن المنطقة كلها واقفة على مرمى حجر من إنها تنضم للمعركة دي. كلها.

اديك شايف إيران امبارح بتهدد بإغلاق باب المندب. قلت لك لو الأمريكان نزلوا جزيرة خرق، إحنا هنقفل باب المندب والحوثيين يقفلوا باب المندب. في تحول لافت على الجانب الآخر. الأمريكان مش ساكتين، والأمريكان عاملين يدفعوا بقوات خاصة كتير جداً للشرق الأوسط استعداداً إن هم يقوموا بعمليات فتاكة داخل الشرق الأوسط. ماشي، فهي أمور تقول لك إن الحرب دي معقدة جداً، ولازم تعرف إن المنطقة كلها اتغيرت. وواضح إن لو الحرب خلصت بالتفاوض، هيبقى إحنا بنتكلم إن النظام الإيراني ما زال قاعد، حتى لو ترامب قال غير كده، بس النظام الإيراني هيكون موجود في السلطة في الآخر.

يا رب أكون شرحت لحضرتك الموضوع بشكل مبسط، ويا رب مصر يا رب ينصر العرب، ويا رب انصر فلسطين. يا رب تحيا مصر. سلام.