علاج الهربس | تخلص منه للأبد

الهيربس فيروس بسيط، هو فعلاً حتى اسمه الهيربس البسيط، بس بيسبب لناس كتير مشاكل وأزمات مزعجة جداً، لأن هو بيتكرر كتير وأعراضه مش لطيفة. هو أصلاً بيتميز بالقرح والجروح اللي عادة بتظهر حوالين الفم، وبيسبب ألم طبعاً، أحياناً حمى وحرارة، ألم وتكسير في الجسم.

ويجيلك تاخد له مضاد حيوي، تاخد له مضاد فيروسات، ويروح شوية ويرجع تاني، ويروح ويرجع، ويرجع ويروح ويروح ويرجع ويرجع ويروح، وحاجة آخر وجع قلبي. هقول لكم بقى بمنتهى البساطة إيه الهيربس، وليه بيتكرر، وإزاي ما يتكررش، ومن غير ما نضطر ناخد أدوية. موضوع بسيط جداً، بس ركزوا معايا، هتكون حلقة سريعة، فممكن نحضر ورقة وقلم ونكتب لو حد محتاج، علشان ما حدش يقول لي أنا تهت وانت بتتكلمي كتير أو قلتي حاجات كتير.

بفكركم إن حجز الاستشارات بيكون عن طريق الموقع الإلكتروني، سواء استشارة أونلاين عن طريق الفيديو كول من أي مكان في الدنيا، أو إن أنا أتشرف باستقبالكم في مكتبي بدبي. كل التفاصيل هتظهر على الشاشة. ما تنسوش تعملوا لايك وشير للحلقة، سبسكرايب للقناة لو أنتم أول مرة تشوفوني، ويلا بينا نبتدي. أنا نادى حرفوش، ودي قناة و بيينج.

قبل ما نبتدي، يا ريت أي حد كان ليه تجربة مع الهيربس يكتب لنا في الكومنتس إيه أكتر حاجة هو استفاد منها في التخلص منه والسيطرة عليه. مشاركة تجاربكم مهمة جداً، لأن هي بتفيد ناس كتير.

الهيربس البسيط أو الهيربس سيمبلكس فايرس، في منه نوعين. الاتش إس في 1، ده اللي بيسبب ظهور القرح والجروح في منطقة الفم وحوالين الشفايف، وده هو الأكثر انتشاراً. وفي الاتش إس بي 2، وده بيطلق عليه الهربس التناسلي، لأن هو بينتقل عن طريق العلاقة الجنسية، وبيتسبب في ظهور نفس الأعراض في المناطق التناسلية.

الهيربس البسيط بأنواعه أساساً فيروس لا يمكن التخلص منه نهائياً. هو طالما حصلت الإصابة بيه مرة، بيفضل موجود في الجسم وكامن، زيه زي أنواع كتير من الفيروسات والأجسام الممرضة. بيفضل موجود لكن كامن، طول ما جهاز المناعة بتاعنا قوي كفاية إن هو يقدر يسيطر عليه. معظم الناس حوالين العالم، أو نسبة كبيرة منهم، حاملين لفيروس الهيربس، لكن بتظهر أعراضه على عدد قليل منهم بس.

بس كده، بقى واضح بالنسبة لنا سبب تكرار حدوثه. الملخص السريع جداً للقصه دي من غير دراما كتير: تكرار الإصابة بالهربس تعني إن مناعتك ضعيفة، وانتهينا. لأن هو الحقيقة، إصابتك بيه ما بتتكررش، أنت اتصبت بيه مرة واحدة، لكن هو بيرجع لحالة النشاط كل شوية لأن مناعتك مش قادرة تسيطر عليه. وكل شوية هيبقى أقوى لو ما دعمت الجيش بتاعك، لأن دي حرب استنزاف بين مناعتك وبين الفيروس. الفيروس طول ما هو أقوى بيفضل يستنزف في دفاعات الجهاز المناعي لحد ما يبقى أقوى منه بكتير. فهقولك تدعم مناعتك إزاي.

طيب، إيه أكتر الحاجات اللي ممكن تكون أصلاً بتسبب ضعف المناعة؟ ظهور الهيربس بالتحديد مرتبط أولاً بالضغوط النفسية، ده المتسبب الأول. أول ما بتمر بفترات ضغط نفسي شديد، الجسم بيبتدي يفرز كورتيزول ويفرز هرمونات توتر كتير، ودي هرمونات بتتسبب أصلاً في كبح عمل الجهاز المناعي. بالتالي جسمك أصبح فريسة سهلة لأي فيروس، ما بالك بقى بفيروس عايش جواك مستني الفرصة بس علشان يهجم عليك. عشان كده الناس اللي تتناول الأدوية المثبطة للمناعة والكورتيزون، ممكن يبدأوا يعانوا من تكرار ظهور الهيربس لنفس السبب. كورتيزون ما هو إلا الصيغة الاصطناعية لهرمون الكورتيزول. في حلقة اتكلمنا فيها عن أفضل بدائل الكورتيزون الطبيعية، ممكن تشوفوها. عشان ما حدش يقول لي أعمل إيه، ما هو ده علاجي.

مش هكلمكم طبعاً عن أكل السكر والجان فود والجلوتين وكل الأطعمة السيئة جداً اللي إحنا خلصنا الكلام عن تأثيرها السيء على جهاز المناعة. كلام خلاص بقى مكرر، وكلكم بقيتوا عارفين.

في سبب تاني مش شائع قوي، بس أحياناً ممكن يكون سبب التغيرات الهرمونية العنيفة، زي مثلاً السيدات اللي بتمر بفترات الحمل، الولادة، الرضاعة، فترة انقطاع الطمث، أو إن يكون عندي أي خلل في هرموناتي لأي سبب تاني. ده بيبقى مرتبط أكتر بظهور الهيربس التناسلي أو تكراره.

طبعاً تكرار الهيربس طول الوقت مشكلة كبيرة. أولاً الشخص طول الوقت بيكون حاسس بتعب، إعياء، إرهاق، لأن جسمه طبعاً طول الوقت في حالة التهاب. بكون كمان مناعته مستنزفة زي ما قلنا، عمال يستهلك في العناصر المهمة لعمل المناعة وإنتاج الخلايا المناعية. ولو هو أصلاً مصاب بمرض التهابي، ده هيسبب تكرار الهجمات وتفاقم المرض. الهيربس التناسلي بالتحديد، تكرار ظهوره مشكلة كبيرة، لأنه بيرفع احتمالية الإصابة بسرطان الرحم. ما بنقولش طبعاً إن ده شيء حكمي عشان الناس بتخاف، لكن يجب السيطرة على الهيربس التناسلي لتجنب إن تحصل أي مشاكل بتنتج عن تكراره.

الهيربس مرض معدي كمان، وطول ما هو في حالة نشاط، أنت بتكون ناقل للعدوى. وفي ناس مناعتهم بتكون ضعيفة جداً، زي الأطفال الصغيرين، كبار السن. احتكاكك بيهم ممكن يسبب مشكلة. فهو ما فيش كلام إن دي مشكلة محتاجة حل جذري.

طيب، ما تيجوا نشوف سريعا كده وباختصار شديد نعمل إيه. طبعاً متفقين، هنبعد عن كل الحاجات اللي بتضعف المناعة. أولهم الضغوط. كلنا لازم يكون عندنا آليات وطرق مناسبة لينا نقدر نتعامل بيها مع الضغوط اللي إحنا بنمر بيها، لأن الضغط أمر طبيعي في حياتنا، ما فيش حياة مثالية. لكن إدارة الضغط دي مهارة لازم نتعلمها. ابحث، اقرأ، اتعلم عن طرق تخفيف الضغوط، نفذ اللي يناسبك منها. في القناة هنا اتكلمنا عن طرق كتير لإدارة الضغوط النفسية، زي مثلاً تناول النباتات التكيفية، اتكلمنا عن عدد كبير منها. ممارسة التمريض، اتكلمنا كمان عن تمارين التنفس. هتلاقي حلقات كتير عن كل الحاجات دي موجودة. كل الحاجات دي ممكن تساعدك جداً.

بالنسبة للأكل، قطاع السكر، العيش، المكرونة، المخبوزات، الحلويات، الوجبات السريعة، الأكل المعالج، كله. لو عملت بقية الحاجات كلها بس ما قطعت السموم دي، ما تسألنيش بقى.

واكيد طبعاً مافيش سناك في صيام متقطع. صيام لا يقل عن 16 ساعة. أفضل سيناريو هو صيام الوجبة الواحدة الـ "أمد" صيام 23 ساعة. في حلقات كتير خصصتها لشرح أهمية الصيام المتقطع، والطرق الصحيحة لعمل الصيام المتقطع، وليه الصيام المتقطع مهم للمناعة ومحاربة العدوى. راجعها لو أول مرة تسمع عن الصيام المتقطع.

بالنسبة بقى للفيتامينات والمكملات الغذائية، في مجموعة عناصر كده لو عندك نقص فيهم مناعتك ضعيفة، ولو عندك عدوى متكررة، فاكيد حصل لك نقص فيهم، لأن طول ما المناعة شغالة، جسم في حالة الحرب دي بيستخدم أكتر من العادي، لأن هم أساسيين لعمل المناعة. إيه هم؟ فيتامين دي، جرعتك اليومية منه لا تقل عن 100000 وحدة دولية مع 100 ميكرو جرام من فيتامين كي 2. بنتكلم عن البالغين. وماحدش يقول لي هاخد فيتامين دي من الشمس. عندك هيربس، ممنوع أصلاً تتعرض للشمس المباشرة، لأن ده هيزود القرح والجروح وهخليها تلتهب أكتر. فمن فضلك ما تعملش كده. ومستحيل تقدر تاخد الجرعة دي من الشمس أو حتى من الأكل. بس فيتامين سي، 2 جرام من فيتامين سي كومبلكس، والزنك كمان. في حالة العدوى بنحتاج لجرعة مضاعفة حوالي 200 ملغم من الزنك مع 20 ملغم من النحاس. ده كده هو كومبو المناعة لأي حد عنده عدوى متكررة أو ضعف في الجهاز المناعي.

طيب، إيه الحاجات بقى اللي هي متخصصة في محاربة الهيربس بالتحديد؟ حاجة اسمها الـ "لايسين". ده نوع من الأحماض الأمينية الأساسية، يعني أحماض الجسم ما بيقدرش يصنعها بنفسه، لازم ناخده من مصدر خارجي. أهم مصادره الطبيعية طبعاً هي البروتين الحيواني بكل أنواعه، اللحوم، البيض، الأسماك، الدواجن، كل أنواع البروتين. ولكن في حالات الهيربس، لازم ناخده من المكملات، ليه؟ لأن جرعة أقل من 3 جرام من الـ "لايسين" في اليوم مش هتعمل لك أي حاجة. لازم تاخد منه 3 جرام على الأقل، ودي جرعة صعب إننا ناخدها من الأكل بس. طب ليه يعني الـ "لايسين" بالتحديد؟ لأن في دراسات وجدت إن هو بيثبت عمل حمض أميني تاني اسمه الـ "أرجينين". الحمض ده بيساهم في تكاثر وتفشي الفيروس وتكرار العدوى. والدراسات وجدت إن المجموعات اللي اتعملت عليهم الدراسات وأخذت الـ "لايسين" بجرعة 3 جرام يومياً من المصابين بالهربس، الأعراض عندهم خفت جداً، مدة التشافي كانت أقصر، وكمان تكرار الإصابة كان أقل بكتير. ولكن الجرعات الأقل من 3 جرام ما كانش ليها أي تأثير إيجابي. الكلام ده معناه إننا كمان لازم نمتنع عن تناول الأطعمة الغنية بالـ "أرجينين"، زي إيه؟ اللوز، الفول السوداني، الشيكولاتة، السبانخ.

معايا بقى نبته مهمة جداً لتقوية المناعة ومحاربة الفيروسات، هي "الإكناسيا". هي اسمها ونطقها غريب شوية، بس هي فوايدها للقضاء على الفيروسات غير طبيعية. يا جماعة، النبتة دي بتمنع تكاثر الهيربس، بتخلي الجهاز المناعي أدق في التعرف عليه وأقوى في القضاء عليه، بتقلل الالتهاب، فبتقلل الجروح والقرح اللي بيسببها الهيربس. ودي جرعتها اليومية حوالي 900 ملغ.

ثلاث حاجات هنصحك بيهم لو عملتهم كل يوم، انسى مش الهيربس بس، انسى أي عدوى أصلاً. هي تقدر تاخد جهازك المناعي. أول حاجة: معلقة من عسل المانوكا كل يوم على كوباية ميه دافية على الريق.

اثنين: ثلاث نقط من زيت الزعتر البري على كوباية ميه، بس دي مش على الريق. وفي أبحاث أثبتت بالفعل إن الزعتر البري من أفضل النباتات الفعالة للسيطرة على الهيربس.

ثالث حاجة: التوم. أربع فصوص توم ني هنكسر ونسيبهم 10 دقايق ونبلعهم كل يوم.

ولو مش عايز الهيربس يرجعلك تاني ونبقى خلاص انتهينا منه، لازم تاخد بروبيوتيك. ليه بروبيوتيك؟ البكتيريا النافعة هي جزء مهم جداً من جهاز المناعة، بس مش أي جزء. جزء بيسمح للجهاز المناعي إن هو يتعرف على الأجسام الممرضة بشكل دقيق ويقضي عليها ويكون ذاكرة مناعية ضدها. يعني أول ما تظهر تاني أو الفيروس يحاول يرجع تاني لحالة النشاط مرة ثانية، الجهاز المناعي يقدر يتعرف عليه بسهولة جداً ويقضي عليه من غير ما أنت تحس أصلاً أو تظهر عليك أي أعراض. ليه بقول الكلام ده؟ لأن أحياناً بيكون سبب ضعف المناعة إن ما فيش ذاكرة مناعية، فكل ما يرجع الفيروس، يضطر الجهاز المناعي إن هو يعيد نفس الحرب من أول وجديد. البروبيوتيك هيأثر علينا المهمة دي.

أكتر حاجة مهمة للتعامل مع الجروح والقرح موضوعياً، أفضل حاجة ممكن تستخدمها هي زيوت أو كريمات النيم، أو معجون أوراق النيم. لو مش قادر تشتري الكريمات أو الزيوت، ممكن نشتري أوراق النيم من عند العطار ونطحنها ونعمل بيها زي المعجون كده ونحطه على أماكن الكرح.

كل الحاجات اللي اتكلمت عنها هسيبها لكم في صندوق الوصف أو في أول كومنت تحت الفيديو. مش لازم تستخدم كل الحاجات اللي أنا قلت عليها، بس كل ما استخدمت حاجات أكتر منهم، كل ما كان أفضل. أنا عارفة إن ده بروتوكول ممكن يكون مكلف شوية، لكن هو هيقضي على المشكلة من مرة واحدة ومش هترجع تاني، بدل ما هنقعد نصرف نفس المبلغ تقريباً بس على مرات، على تكرار الكشف وشرا العلاج والتعب والإرهاق والألم المستمر والمضاعفات التي لا تنتهي.

طبعاً أتمنى للجميع تمام الصحة والعافية، وأنه ما حدش يعاني من المشكلة دي أو تتكرر معاه تاني. وعشان ما يبقاش فاتكم أي حاجة، هتلاقوا بروتوكول تقوية المناعة لكل الناس مش بس اللي عندهم هيربس في الحلقة اللي هتظهر دلوقتي. ما تنسوش تعملوا لايك وشير للحلقة، سبسكرايب للقناة لو أنتم أول مرة تشوفوني. ولو في أي موضوع عايزين نتكلم فيه، سيبوا لي في الكومنتس. أما الاستشارات، اللينك موجود في الديسكربشن. أشوفكم الحلقة الجاية، باي باي.