قبل السحور (٥) وزير الخارجية الأمريكي | عبدالله رشدي - abdullah rushdy

بسم الله الرحمن الرحيم، والسلام عليكم ورحمة الله وبركاته، وأهلًا وسهلًا بكم. أسعد الله أوقاتكم بكل خير. كالمعتاد، لو في صوت أو الصورة واضحة، حد بس يبعت لي رسالة عشان أعرف الدنيا شغالة إزاي.

مساء الخير يا شيخنا. يبقى كده في صوت، الحمد لله، وفي صورة بنورك. الله يخليك. عليكم السلام ورحمة الله وبركاته. اللهم صل على نبينا محمد وعلى آله وصحبه أجمعين.

طيب، حد داخل جاهز؟ ما شاء الله. بالسؤال كده بيقول لي: "هو أنا لو صحيت وافتكرت إن الفجر لسه ما أذنّش، وبعد كده شربت مية، وبعد كده اكتشفت إنه أذن، هعمل إيه؟" اه، للاسف سيكون عليك قضاء هذا اليوم. ليه يا مولانا؟ لأن القاعدة بتقول: "لا عبرة بالظنّ، البين خطاه". فظنّ ليس صحيحًا. كان يجب عليك أن تتحرى وتقوم وتشوف هو الفجر فعلًا أذن ولا ما أذنّش. بس كده.

طيب، السؤال الثاني على طول من بنان بيقول لك: "هل قصيدة البردة للبصيري فيها شرك؟" هو الكلام كله كان على البيت للبصيري رحمه الله تعالى بيقول فيه: "يا أكرم الخلق مالي من الوذ به سواك عند حلول الحادث العميم، ولن يضيق رسول الله جاهك بي، إذا الكريم تجلى باسم منتقم". فبعض العلماء قالوا: "إن هذه الأبيات فيها شرك". الحقيقة إنك لو قرأت هذه الأبيات في سياقها، لوجدت أن الرجل يتكلم عن يوم القيامة. ويوم القيامة كل الناس يستغيثون بالنبي صلى الله عليه وسلم. في حديث البخاري: "أن الناس يستغيثون بأدم، ثم يستغيثون بإبراهيم، بموسى، وعيسى، ثم يستغيثون بنوح، بموسى، وعيسى، ثم يستغيثون بالنبي صلى الله عليه وآله وسلم". يبقى الرجل بيتكلم عن الاستغاثة بالنبي صلى الله عليه وسلم يوم الحشر ليه؟ حتى يفصل الله بين الناس. إذًا على هذا المعنى، وعلى هذا التأويل، فلا شرك في هذين البيتين.

طيب، هل يوجد قرض من البنك حلال؟ هو على حسب نظام البنك. لو البنك بيتبع نظام المرابحة بضوابطه الشرعية، يبقى إن شاء الله هتبقى حلال. إنما لو بتروح تاخد فلوس بفلوس، فده لا، ده ما ينفعش، ده حرام.

هل ممكن أصلّي التراويح في المنزل؟ ممكن.

ما رأيك في تقسيمات التوحيد يا شيخ؟ بص يا أخي، تقسيمات التوحيد دي أمور اصطلاحية. يعني هتسميه توحيد الربوبية، الألوهية، الأسماء والصفات، هتسميه التوحيد الخبري أو التوحيد العملي، هتسميه توحيد القصد والتوجه والإرادة والطلب. يعني دي كلها أمور أنا أعتقد إنها نظرية بحتة، وإنها اصطلاحية. ولكن في الآخر هو يمين شمال، هو توحيد، هو إيه؟ أن تعبد الله عز وجل وحده، أن تنسب الله عز وجل إلى الوحدانية، أن تفرد الله عز وجل بالعبادة، ألا تصرف شيئًا من العبادة، عظم أو دق، لغير الله عز وجل. بس. ففي ناس بتقعد تتخانق، واحنا زمان كنا بنتخانق في الحاجات دي. لا، التوحيد ينقسم؟ لا، لا ينقسم يا عم. سواء انقسم أو ما انقسم، النتيجة في الآخر إيه؟ إن أنت دلوقتي تعبد الله وحده لا شريك له. بس كده، ده اللي مطلوب من سعادتك.

طيب، حكم صيام مريض الجلطة، كبير السن، إذا كان غير مزمن؟ اه، إذا كان غير مزمن، والله هو الواحد طالما عنده مرض يمنعه من الصيام يبقى ما يصومش، سهلة خالص أهي. وطالما إنه غير مزمن، يعني المرض ده مش مزمن، مستمر معاه، لما يفوق ربنا يكرمه، يبقى يقضي هذه الأيام التي فاتته.

واحد بيقول لي: "أين الله؟" ده السؤال الرابع، إحنا قلنا كل يوم في ثلاثة أسئلة نحفظهم. اللحية، النقاب، الموسيقى، الرابع بقى النهاردة: "أين الله؟" حاضر، الله في السماء، مستوً على عرشه، بائن من خلقه، ليس كمثله شيء، وهو السميع البصير، وهو السميع البصير سبحانه وتعالى.

طيب، واحد بيقول لي إيه؟ بيقول لي: "قلها صريحة، تقسيم التوحيد لم يأت به الرسول ولا الصحابة من بعده، فيبقى بدعة". يعني أنت هتمشي على المنطق ده؟ طب ما تقسيم التوحيد عند الأشاعرة إلى الهيات ونبوات وسمعيات، لم يأت به الله عز وجل ولا رسوله في القرآن ولا في السنة. طيب، تقسيم الفقه إلى عبادات ومعاملات وحدود، لم يقله النبي صلى الله عليه وآله وسلم. تقسيم الحديث إلى صحيح وضعيف، والضعيف ده إلى مرسل ومعضل ومش عارف إيه، والخبر ينقسم إلى موصول أو مرفوع ومقطوع. أنت واخد بالك؟ كل هذا لم يأت به النبي صلى الله عليه وسلم. تعريف الواجب، الركن، والفرض، والسنة، والصحيح، والباطل، لم يأت به النبي صلى الله عليه وسلم، فهو ده برضه هيبقى كده. الدليل ده لو أنت هتستدل بالطريقة دي، يبقى كده هتضيع كل العلوم الشرعية والدينية. فسيبك من القضية دي. بص، في جماعة أول ما تيجي تلتزم، تبقى طالب علمه صغنطوط كده، هي مسكوك، يحفظوك حاجات، ويعلموك تعادي بيها إيه من خالفهم. الجماعة دول، خد منهم العلم اللي عندهم، بس ما تاخدش منهم التعصب اللي عندهم. يعني خذ من علمهم، لكن لا تأخذ من تعصبهم.

طيب، نتعلم الصبر يا شيخ إزاي؟ الصبر بيجي بالمِران، ما لوش إلا التمرين. هو أنت حضرتك بتتعلم تشيل حديد إزاي، أو بتتعلم الكتابة إزاي؟ كل شيء في الدنيا كيف تتعلمه؟ بالمِران، يعني بالتمرين، مرة واثنين وثلاثة وأربعة، لحد ما ربنا يكرمك وتقدر إن أنت تعمل الحاجة صح، صح ولا لا؟ بس أهو ده كل الموضوع. يعني الموضوع محتاج تمرين، وأنا ذات نفسي بعلم نفسي الصبر. في بعض المواقف أمسك فيها أعصابي، بعض المواقف أغضب، أرجع تاني أستعين بالله، وهكذا.

هل ينفع أقرأ القرآن وأنا جنب؟ لا، ما ينفعش، لا يصح.

هل المريض مرضًا مزمنًا، وفي نفس الوقت عليه كفارة، وفي نفس الوقت فقير؟ عليه كفارة؟ إذا فقير، يعني لا يجد الكفارة، ومريض مرض مزمن، فلا شيء عليه.

طيب، ماذا لو أيام القضاء جاء عليها رمضان آخر، ولم تقضِ بعذر أو بدون عذر؟ بدون عذر، يبقى عليك مع القضاء كفارة، إطعام مسكين عن كل يوم. بعذر، يبقى لا شيء عليك إن شاء الله تعالى.

أهلاً وسهلاً، أخي أبو المعاوية الكويتي، بارك الله فيك، وأهلًا وسهلًا، وسعدت بوجودك وحضورك. عايز بقى اسمعوني، عايز أتكلم كلمتين في الموضوع اللي أنا كاتبه على إيه؟ على عنوان البتاع من برة الفيديو، من برة. شفتوا، أظن كلكم النهاردة، المقطع بتاع وزير الخارجية الأمريكي، اللي هو راسم فيه على جبهته صليب بالرماد، بالتراب كده، صح ولا لا؟ أكيد كلكم شفتوه، والدنيا مقلوبة على تويتر وفي كل حتة عن الموضوع ده. بعض الناس فسّر هذا أنه انتظر الخطاب، إنه يجي النهاردة، أو إنه خرج بالخطاب في النهاردة اللي هو يوم الأربعاء دوت من يومين، اللي هو ٥ مارس، تحين إلقاء الخطاب في هذا اليوم، علشان يبعت رسالة من خلاله للعالم العربي والإسلامي، إن دي حرب مقدسة. بعض الناس فسّر تصرّف الرجل على هذا النحو. طيب، أنا ليا تفسير تاني تمامًا. هل هو ممكن يكون قصده كده؟ أنا ما أعرفش، ودي طريقتي أنا كعبد الله رشدي في التعامل مع الأمور، ما أعرفش، الله أعلم، ما أعرفش. يعني ممكن تكون جت مصادفة، اه ممكن، ليه لا؟ شوف أنا بقول لك ممكن، مش أكيد. يعني أنا لا أؤكد لك إنه أكيد قصده كده، ولا أنفي لك إنه فعلًا مش قصده كده، الله أعلم.

طيب، إيه الرسالة الأكيدة اللي الفيديو ده بيبعتها؟ ما هو أكيد في رسالة. الرسالة الأكيدة إن الراجل بهذه العلامة بيقول لك: "أنا رجل مسيحي كاثوليكي أو إنجيلي". لا، مش وزير معتوه، ده مش معتوه، لا، مش معتوه، الراجل عايز يبعت لك رسالة، بيبعت رسالة، بيقول لك: "أنا كوزير مسيحي، سواء إنجيلي أو كاثوليكي، أنا مستمسك بمبادئي وبشعائر ديني، وبظهر بها في الإعلام، وأنا أتعبد الله بذلك".

طيب، إيه هي الشعيرة دي عشان نبقى فاهمين برضه؟ واحد بيقول لي: "مين ده وزير الخارجية الأمريكي؟" طيب، إيه الشعيرة دي؟ في حاجة عند عند الإخوة المسيحيين اسمها: "أربعاء الرماد" عند الجماعة الكاثوليك. إيه أربعاء الرماد ده؟ ده اللي هو الصوم اللي بيبدأ به الصوم، الذي الصوم عندهم، يعني الذي ينتهي بخميس العهد. تمام، خميس العهد اللي بيعقبه في الأسبوع اللي بعديه على طول، إثنين القيامة. إيه إثنين القيامة ده؟ إثنين القيامة ده يوم الإثنين الذي يعتقدون فيه إن المسيح قام من بين الأموات، صُلب ومات وظل في جوف الأرض أيامًا، ثم قام بعد ذلك من بين الأموات، ونزل إلى الجحيم، وخلص الأنفس الخاطئة، وصعد بعد ذلك، وإيه؟ وصعد إلى السماوات بجوار أبيه. دي العقيدة الكاثوليكية، طبعًا العقيدة الإسلامية إحنا عارفين غير كده. في العقيدة الإسلامية إنه لا صُلب ولا قُتل ولا مات، وليس إلهًا، وليس ابن إله، ولا الكلام ده كله. لكن ألا نستفيد كمسلم من الرسالة دي؟ يعني أنا كمسلم أستفيد إيه من الموضوع ده؟ أهلًا وسهلًا، عليكم السلام ورحمة الله وبركاته. حيا الله أخي أبا محمد الدوحة، وبارك الله فيك، وأهلًا وسهلًا يا مرحبًا. ما الذي أستفيد أنا كمسلم من من هذه، من هذه القضية؟ أستفيد أن أكون ثابتًا في ديني، وأن أُجهر بديني، وأن أكون راسخًا فيه. وأستفيد إن أنا ما أكونش جبان وأخبي ديني، وأحاول إن أنا أغيّر الحقائق بتاعته لأرضي الألمان، أو لأرضي الملاحدة، أو لأرضي أي فريق ربنا خلقه على وجه الأرض. أستفيد إن أنا ما حدش يقول لي: "ما ينفعش دينك يظهر في المجتمع". لا، ديني يظهر في المجتمع، وأعمل اللي أنا عايزه، وأقول اللي أنا عايزه، زي ما غيري بيظهر دينه في المجتمع. وهنا خلي بالك، هيكون في وقفة كبيرة جدًا مع التيار والفريق العلماني، أو التنويري، اللي هم بيعملوا إيه دول يا جماعة؟ ثلة من الناس يتقبلون أي دين على وجه الأرض. يعني العلماني ده، العلماني ده، أو التنويري، عنده تصالح مع أي دين أو أي ملة خلقها الله على وجه الأرض، يتقبلها ويدافع عنها، ويدافع عن حق الملة أو الدين ده، أو الطائفة دي، لو اثنين، لو أربعة اتجمعوا وعبدوا كلب، العلماني هيقول لك: "اعمل لهم دين وشعائر خاصة بيه، ما تقربش منه". لو جابوا فرخة بيضة بتبيض وعبدوها، أو عبدوا البيضة بتاعتها، العلماني هيقول لك: "ده دين يحترم، ولازم نقدره، اوعى تقرب من البيضة، وممكن يحرم عليك أكل البيض كمان". هو هو العلماني دماغه كده تمام. فالعلمانية الجميع يظهر شعائره الدينية. وإحنا شفنا وزير مسيحي في أكبر حكومة في العالم، حكومة ترامب، الحكومة الأمريكية، راسم صليب على دماغه بالرماد، بالرماد زي ما أنا بتكلم أهو. طيب، تعال أنت بأي علماني عربي، وأنا الآن بتكلم عن العلمانيين العرب بصورة خاصة، اللي هم ماليين تويتر، وماليين يوتيوب، واللي ممكن يكونوا في منهم عدد بيسمعوني دلوقتي، بيسمعوا الكلام اللي أنا بقوله، تقول له بقى، تعال قول له: "إيه رأيك في اللحية دي؟" يقرف. طب قول له: "إيه رأيك في الجلابية القصيرة؟" أنا شيخ وبحب ألبس جلابية قصيرة على السنة. يقول لك: "يا عم إيه الميكروجيب اللي أنت لابسه ده؟ إيه يا عم المناظر الرجعية المتخلفة دي؟" طب الحجاب والخمار والنقاب، لا لا لا لا، يعد تخلف، ده ضد المرأة، ده ده كبتل للحريات، ده قمع للبتنجان، ده تتبيل للطماطمات. ديك بقى كلام من هنا للسنة الجاية، الله. أومال فين يا معلم بيومي اللي أنت كنت عمال تقوله؟ من فين سبحتك يا معلم بيومي؟ هو أنت يا معلم بيومي مش كنت من شوية عمال تقول لي إن دي حريات وحقوق، ولا بد أن تصان، ولا بد أن تُحترم، ولا بد أن تُراعى، والكلام ده كله؟ لا، الكلام ده ينفع مع أي ملة في الدنيا يعملوه إلا المسلمين، ليه؟ عشان ألمان، ليه؟ علشان هم عارفين إن الدين الإسلامي دين قوي، ودين بيشمل الحياة بكل تفاصيلها، هو عبارة عن سيستم شامل لكل الحياة، هو مش دين كهنوتي محصور في دار العبادة وبس، لا، هو دين بيحكم كل حرف بيخرج من بُقّك، "ما يلفظ من قول إلا لديه رقيب عتيد"، ويحكم كل حركة تحدث بيدك ورجليك. "ويوم يحشر أعداء الله إلى النار فهم يُوزعون حتى إذا ما جاؤوها شهد عليهم سمعهم، شهد عليهم سمعهم وأبصارهم وجلودهم بما كانوا يعملون. وقالوا لجلودهم لم شهدت علينا؟ قالوا أنطقنا الله، الذي أنطق كل شيء وهو خلقكم أول مرة وإليه ترجعون". يبقى الدين الإسلامي بيحكم كل تصرفاتك، أقوال وأفعال، فده مش هينفع مع العلمانيين، ما بيعجبهم هم الكلام ده. فلذلك أنتم عارفين لو كان مثلًا يعني وزير مسلم في حكومة مسلمة، طلع رب دقنه كده، أو طلع مثلًا في رمضان لابس، قال تصريح رسمي، لابس جلابية وطاقية، أو ماسك سبحة في إيديه، أو أو حاطط المصحف قدامه، أو قال مثلًا في البداية: "بسم الله، والحمد لله، والصلاة والسلام على رسول الله"، هيقلب الدنيا وما يقعدوها. أيوة يا عم ده شيخ جامع، ده جاي يخطب الجمعة عندنا، أنت طالع بالسبحة ليه يا عم أنت؟ أومال فين سبحتك يا معلم بيومي ها؟ ويفتحوا ضحك، مربي دقنه ليه؟ و فاكر نفسه هو ما حد يجيب له مكنة حلاقة يحلق دقنه دي يا جماعة؟ هو الوزير قايم من النوم وجاي سايب دقنه علينا كده ليه؟ إيه الجلابية والطاقية اللي أنت لابسها دي؟ ما تروح تدن في الجب بقى لما أنت عامل لي فيها يا شيخ، ما تنفعش وزير لدولة ها، ما ينفعش، ويشتغلوا لك بقى ويطلع لك المرجفون منهم في البرامج بتاعتهم، أنت واخد بالك سعادتك، ويقعدوا إيه، يعجنوا ويلتوا ويعيدوا ويزيلوا في الموضوع ده. فسبحان الله، شوف أنا بتابع موقفهم من موضوع الوزير الأمريكي ده، ووزير الخارجية الأمريكي لما طالع بالصليب على على رأسه أول امبارح، بتابع موقفهم، ما فيش واحد فيهم سَرَخي ابن يومين اتكلم خالص. لماذا؟ لأن هذه أنفس مريضة، لأن هؤلاء لا يريدون الحق، وليس عندهم مبدأ، وليس عندهم سبيل، طريق يسيرون عليه، لا، دول يتقبلوا أي حد في الدنيا، وأي فكر في الدنيا، لو لو واحد هيتجوز نفسه هيقبلوا يقول له: "حقك، حقك تتجوز نفسك، حقك تكون، ولقيتك منك فيك، عادي توماتيكي توماتيكي زي الولاعة كده، ولقيتها منها فيه، حقك"، لكن أنا مسلم عايز أظهر بديني وشعائره، لا، ده تخلف، ده إرهاب، ما ينفعش. هو هو أنت واخد بالك؟ كما قال الله عز وجل، ربنا قال في اللي زي دول إيه؟ "وإذا لقوا الذين آمنوا قالوا آمنا وإذا خلوا إلى شياطينهم قالوا إنا معكم إنما نحن مستهزئون". الله يستهزئ بهم ويمدهم في طغيانهم يعمهون. وفي موضع آخر ربنا يقول إيه؟ "أم حسب الذين في قلوبهم مرض أن يخرج الله أضغانهم؟ ولو نشاء لأريناكهم فلعرفتهم بسيماهم ولتعرفنهم في لحن القول والله يعلم أعمالكم". هم دول المنافقون بقى، ودول برضه اللي ربنا قال فيهم في سورة الأحزاب: "لئن لم ينته المنافقون والذين في قلوبهم مرض والمرجفون في المدينة لنغرينك بهم، لنغرينك بهم ثم لا يجاورونك فيها إلا قليلاً". فهم دول المنافقون الذين يقبلون كل شيء إلا الإسلام. يبقى زي ما قلت لحضراتكم، هنستفيد إيه من موقف السيد الوزير الأمريكي؟ نستفيد إن إحنا كمان كمسلمين ها نكون على استمساك بديننا. قال الله عز وجل: "فاستمسك بالذي أوحي إليك إنك على صراط مستقيم". يعني الدين بتاعنا حق. طب إحنا ضعفاء، أنا ضعيف، ممكن أشرب خمرة، ممكن أعمل أي مصيبة، أشرب سجاير، أسرق، أجدب، أعمل كارثة كده ولا كده، اه، بس أنا عارف إن الدين هو الحق، وعارف إن أنا غلطان، وعايز ربنا يهديني، وأجاهد نفسي، أجاهد نفسي، لكن أنا عايز إن أنا أغيّر ثوابت الملة، وأخلي الدين ده شها ميوني، لا حدود ولا أطر له، ده بقى اللي بيعملوه الجماعة دول. وخلي بالك، سبحان الله، هم لا ينشطون ولا يهاجمون إلا الإسلام. بصوا عليهم كده، شوفهم بيهجموا أي ملة تانية موجودة على وجه الأرض، ما بيهجموش المسلمين. واحدة لابسة نقاب، واحد مربي دقنه كده وكبيرة، واحد لابس إمامة، واحد بينزل يصلي الفجر على طول، اه، هم شطار يهاجموا الناس دي، يضايقهم جدًا، ها، صوت الميكروفون في الأذان وفي وفي الصلاة وفي خطبة الجمعة، ضايقهم جدًا، إن يكون البلد فيها مؤسسات دينية، إحنا مش عايزين الكلام ده، ضلال، اه، هم دول أهل الضلال. فانتبهوا للناس دي، ونتعلم من موقف هذا الوزير أن تكون معتزًا، مستمسكًا بدينك، فخورًا به، دي بس الرسالة اللي كنت عايز أؤكد عليها.

طيب، في سؤال اتكرر كتير من تويكس، تويكس أو توكسي، ما أعرفش إيه كده، بيقول إيه؟ "صيام الحيض، أو صيام الحائض، مش عارف الحائض، لا تصوم، تصوم ليه؟" الحق، لأن النبي صلى الله عليه وسلم كان يأمر النساء إذا حَضَن أن يقضين. يبقى خلاص، معنى إنه يأمرهن بالقضاء، إذًا معنى ذلك إن الصيام ده ما لوش، لا يصح غيره، مقبول. دليل، أنا قلت لك الدليل أهو، كان النبي صلى الله عليه وسلم يأمر النساء الحيض بالقضاء، يعني أمرهن بقضاء الصيام، يعني بيقول لهم في رمضان لما يكون عندكم هذا العذر، عليكم القضاء، القضاء يعني يعني تصوموا الأيام دي بعد رمضان. ولذلك لما جاءت امرأة لعائشة رضي الله عنها، قالت: "ما بال إحدىانا، يعني حينما تكون في حيضها، تقضي الصيام ولا تقضي الصلاة؟" فعائشة قالت لها: "إيه ده حرورية أنت؟" يعني إيه حرورية أنت؟ كان في جماعة يسكنون منطقة اسمها حرورة، الجماعة دول كانوا بتوع جدل كده ومجادلة. فالسيدة عائشة بتقول لها: "أهذا حرورية أنت؟ لقد كنا على عهد النبي صلى الله عليه وسلم نحيض فنؤمر بقضاء الصوم، ولا نؤمر بقضاء الصلاة". يبقى الحائض لا تصوم ولا لا، لا تصوم ولا تصلي. تمام، لكنها مأمورة بقضاء الصوم، ولا تقضي الصلاة.

هل استخدام السحر شرك أم ارتكاب ذنب؟ هو في كل الأحوال كبيرة من الكبائر، من ذنب معين، يعني هو من أكبر الكبائر. طيب، إمتى يكون كفر أو شرك، يعني؟ وإمتى يكون كبيرة فقط؟ يبقى إحنا أكدنا على إن السحر كبيرة من الكبائر. طب إمتى يكون كفر؟ إذا فعل الساحر في سحره كفرًا، كان مثلًا يمزق المصحف، أو يضع المصحف في القاذورات، أو يستغيث بأسماء ملوك الجن، أو يسجد للجن، أو يذبح ذبيحة للجن تقربًا لهم، يبقى كده بلس إن هو ارتكب كبيرة، بقى مشرك أو كافر، فدي مصيبة تانية.

تويكس بيقول لي: "أليس ذلك خلاف القرآن؟" لا، ليس خلافًا للقرآن، لأن القرآن يقول: "وما آتاكم الرسول فخذوه"، وقد آتاَنَا رسول الله ذلك، فنحن نقبله، وهو أعلم الخلق بمعاني القرآن. فأنا مش هاجي النهاردة أفسر القرآن بعدما طبقه رسول الله. عفواً يا أخي الكريم تويكس، عفواً.

طيب، شيخنا، كيف نجمع بين كروية الأرض وعلو الله؟ ولا حاجة، ما فيش تعارض أصلاً. الأرض سواء كروية أو مُنْبعجة أو مسطحة أو مُنْحرفة أو مثلثة أو أيًا ما كانت، إيه علاقة ده بعلو الله عز وجل؟ خلاص، الله في السماء، مستوً على عرشه، إزاي ما، ما فيش، ما تقولش بقى إزاي، بلا كيف. ما إحنا قلنا الكيف إنما يجري، يجري علينا نحن، أما الله عز وجل فكيف مجهول في حقه، غير معقول، لا نعقل الكيف، لا نعقل الماهية، لا نعقل الحقيقة. يعني ربنا سميع، طب ما حقيقة سمع الله؟ ما تعرفش. طب ربنا موجود أو ذات، طب ما حقيقة ذات الله عز وجل؟ ما تعرفش، ما تقدرش تعرف، ده تعرفها إزاي دي؟ أخدت بالك سيادتك؟ كيف؟ فتقديره تعالى يهب لمن يشاء إناثًا، ويهب لمن يشاء ذكورًا. وبين تحديد النوع، هديلك سؤال زي السؤال ده وأنت هتجيب الإجابة لوحدك. كيف توفق بين قول الله تعالى: "وما تشاؤون إلا أن يشاء الله"، وبين إن أنا لما لي مزاج بطلع بث مباشر، ولما ماليش مزاج ما بيطلعش؟ مزاجي وعدمه خاضع لمشيئته، كذلك شغل الدكتور اللي يحدد الناس لذكر ولا أنثى، خاضع لإرادة الله. يعني لو الدكتور حدد الناس إنه يطلع أُخذ، عمل وسائل إنه يطلع ذكر، وربنا عايزه ما يطلعش، هيطلع؟ مش هيطلع، بلاش الحمل أصلاً في حد ذاته، لو الدكتور عمل الحقن المجهري، والحقن كل أنواع الحقن في الدنيا، والحمل جاه على الشهر التاسع، والله ما كتب لهذا الحمل أن يتم، هيسقط، صح ولا لا؟ فالوسائل دي، أنت الوسائل دي من ضمن إرادة الله، يعني الوسائل البشرية هي خاضعة لإرادة الله، خاضعة للمشيئة الإلهية، وليست خارجة عنها.

طيب، هل البسملة من الفاتحة؟ نعم، البسملة آية من الفاتحة. حكم الجهر بها؟ الجهر بها مذهب الجمهور أنه يُسر بالبسملة، يعني مذهب جمهور الفقهاء هو الإِسرار بالبسملة، لا الجهر.

واحد بيقول لي: "يا شيخ، وإيه الأشاعرة والصوفية والسلفية؟" والله أنصح حضرتك نصيحة، مالك دعوة بكل الأسماء دي كلها. أنت اسمك إيه يا سيدنا؟ اسمك مسلم، بتقول: "لا إله إلا الله محمد رسول الله"، وتسأل من تثق فيهم من أهل العلم، وسيبك من كل الأسماء دي كلها، وأي حد يجي عايز يَأدّك في أي سكة كده ولا كده، قول له: "الله يرضى عليك، أنا مسلم بصلي وأصوم وبس، وأكثر من كده مش عايز حاجة، شكرًا، أنا أحل الحلال وأحرم الحرام، ومش عايز أخش في الخلاقات دي كلها". بس كده.

طيب، هل صلاة في البيت تنقص الأجر من الصلاة؟ اه، هو صلاة الرجل في الجماعة يعني في المسجد، تفضل على صلاة الفرد بـ٢٧ درجة. هل ينفع أصلّي التهجد في البيت؟ ما فيش مشكلة. "ومن الليل فتهجد به نافلة لك عسى أن يبعثك ربك مقامًا محمودًا".

طيب، واحد بيقول لي: "لماذا إله الإسلام؟" معاذ عبد الرؤوف بعت لي السؤال ده كتير، بس أنا مش فاهم يعني إيه "لماذا إله الإسلام؟" يعني ماله إله الإسلام؟ أنا مش فاهم السؤال.

حد بيقول لي: "ما معنى قول الجمهور؟" قول الجمهور يعني قول أكثر العلماء، قول جماهير العلماء.

هل يجب على المرأة صلاة التراويح في المسجد؟ صلاة التراويح لا تجب لا على المرأة أصلاً ولا على الرجل في المسجد، يعني، وحتى في البيت هي لا تجب، هي سنة، فإن صليتها في البيت فلك أجر، صليتها في المسجد فلك أجر، رجلًا كنت أو امرأة كنت.

يا شيخ لو سمحت، هل ممكن لبس البنطلون يكون سببًا في الحرمان من الجنة؟ هو شوفي حضرتك، أي معصية يرتكبها الإنسان، قد تكون سببًا في يعني حرمانه من الخير، تمام. أي معصية، والواحد لا يدري بأي المعاصي يؤاخذ، ولا يدري بأي الطاعات يُقبل. فالواحد يحاول يستعين بالله، ينصح نفسه قبل حضرتك، إيه يعني؟ يتخفف من من المعاصي. يعني صبري عمال يقول لي: "شقة العبور، شقة العبور". مش فاهم إيه يعني شقة العبور. أنا أقول لك: "حيث الخروج من الظلمة إلى النور، ولو مستعجل أحجز لك دور". بس كده.

طيب، بالراحة يا جماعة، أنا مش ملاحة والله، أنا بحاول أقرأ. هل يجوز جمع تقديم الصلاة خشية ضياع الصلاة؟ لا، يعني أنا مثلًا عشان خايف أصلّي العصر خايف أضيع العصر، فأصلّيها قبل وقتها، يعني؟ لا يا شيخ، صليها في وقتها، أو خايف المغرب ما أصلّيش، فيروح مصليها قبل وقتها، ما ينفعش، ما أنا صليتها قبل وقتها باطل، إنما صليتها بعد وقتها قضاء، إنما قبل وقتها دي ما حصلتش، دي لما تكون بقى على سفر سعادتك.

حكم البقاء في بلاد الكفار إذا كنت قادرًا على اظهار شعائر دينك؟ لا تخشى على نفسك ولا على ولدك، أن يشرب ما حرمه الله، فتوكل على الله. ما عندكش القدرة على ده، طير بعيالك على أي بلد عربي مسلم.

هل قراءة الفاتحة بعد الإمام في الصلاة واجبة؟ نعم.

أعمل إيه لو صحيت العصر وفوّت الظهر؟ هتقوم من النوم تتوضأ ثم تصلي الظهر ثم تسلم ثم تصلي العصر، القضية بسيطة يعني.

شو حكم اللي بيصوم وما بيصلّيش؟ والله ده أشكال كبير جدًا، يعني حكمه إنه يتوكل على الله ويصلّي، يعني أنت استطعت أن تمتنع عن الطعام لله عز وجل، طب مش قادر تحني ظهرك لله عز وجل؟ ربنا بيقول لك: "وقوموا لله قانتين". ما أنت مش قادر أنت تحني ظهرك لله سبحانه وتعالى، ده برضه ينفع يا سيدنا؟ ما ينفعش.

أحكم بيع لعبة على الهاتف مثلًا، المزرعة السعيدة دي قديمة قوي، المزرعة السعيدة دي لعبت بها، والآن أريد بيعها، وهكذا، هل يجوز بيعها؟ بيعها يعني، أنا لا أفهم بيع لعبة، هتبيعها بيعها عادي، هتبيع حسابك قصدك؟ حسابك قوي يعني، فيز تبيعه لحد، بيعه.

هل شرب السجائر حرام؟ طبعًا.

سجود التلاوة أسجد وأنا أقرأ القرآن في أي مكان؟ أسجد حضرتك في أي مكان هتكون فيه، ما فيش فيها مانع.

أمي متبرجة وأخاف أن تكون من أهل النار، ماذا أفعل؟ عليك بنصيحتها، أو عليك بنصيحتها برضه، عليك ببرّها، تكلمها بأدب واحترام، ما تطولش عليها، ما تبجح فيها، ما تقلش أدبك عليها، ما تعملهاش معاملة سيئة، ما تقولهاش كلام جارح. لا، ربنا قال إيه في الاب والام؟ ها، "وقضى ربك ألا تعبدوا إلا إياه وبالوالدين إحسانًا، إما يبلغن عندك الكبر أحدهما أو كلاهما فلا تقل لهما اف ولا تنهرهما وقل لهما قولًا كريمًا، واخفض لهما جناح الذل من الرحمة، وقل رب ارحمهما كما ربياني صغيرًا". يبقى الاب والام ينهار ولا اتطول عليهم، حتى لو عملوا معصية، حتى لو كفروا بالله العلي العظيم. ربنا قال إيه؟ "وصاحبهما في الدنيا معروفًا"، يبقى عليك أن تعاملهما معاملة حسنة. يبقى لو والدتك حضرتك متبرجة، عليك أن تنصحها برفق وبأدب، وتدعو الله عز وجل لها أن يهديها.

دعواتي لك من مكة، النخلة الصغيرة يا رب، الله يبارك فيك ويسترُك، وربنا يكرمك إن شاء الله، وتبقى نخلة كبيرة.

هل شرب السجائر ينقض الوضوء؟ لا.

أحبك في الله، أحبك الله الذي أحببتني فيه.

أنا ماليبي شافعيًا أشعريًا، ولكن أنا خالفت المتأخرون، قصد خالفت المتأخرين، وعقيدتي هي نفس عقيدة البيهقي والباقلاني، ومشكلتي إني مثبت بلا تكييف مثل البيهقي، متقدم الملكية، وماله إثبات الصفات دون تأويل ولا تشبيه مع التنزيه، هو مذهب السلف الكرام. أنا زيك كده، أنا مثبت على مذهبي، متقدمي الأشاعرة ومن قبلهم الحنابلة والسلف الصالح، بس إنما التأويل لا أقول به، ولا أؤول صفات الله عز وجل. لسنا نشبه ربنا بصفات، إن المشبه عابد الأوثان، كلا، ولا نخليه عن أوصافه، إن المعطل عابد الأوهام.

كيف نبيع ألعاب الإنترنت، أليست من المحرمات؟ ما هي اللعبة؟ لو حلال يبقى بيعها حلال. يعني مثلًا واحد بيلعب لعبة معينة، فحسابه وصل فيها مستوى قوي، فبيبقى العب ليه بحرام؟ لو بيلعب ليه بحرام يبقى حرام يبيعها، وحرام يلعبها أصلاً. طب لو اللعبة التي يلعبها لا حرمة فيها، إذًا من باب أولى يجوز له بيعها، صح ولا لا؟

تحية لك يا شيخ عبد الله من المغرب. حياك الله وبارك الله فيك.

أهو السؤال بتاع كل يوم، ما حكم إطلاق اللحية؟ بص، السؤال ده أنا أجبت عليه النهاردة، كم بث رمضان؟ رقم خمسة قدام حضراتكم أهو، أجبت عليهم أربعة وثلاثة واثنين وواحد، أظن كل يوم هتخش تلاقي سؤال عن اللحية موجود، خش بقى راجع، هات البثوث القديمة وراجع، وعشان أريح حضرتك، اللحية سنة النبي صلى الله عليه وآله وسلم، لا يجوز حلقها على مذهب جماهير الفقهاء، أمر بها النبي صلى الله عليه وآله وسلم في غير ما موضع، وهي من سنن الفطرة كما ورد في الحديث الصحيح. ولما بنقول لا يجوز، فلا يجوز دي بمعنى إن حلقها حرام، ده مذهب الجمهور، وبمعنى إن حلقها مكروه، وده مذهب الشافعية على المعتمد.

واحد بيقول لي: "هل تثبتون لله أيدي وأرجل؟" أثبتنا لله ما ورد في كتابه، إنه له إنه له يدان والرجلين، وردت في حديث البخاري. بس ليه ما اتكلمتش إيه؟ ليه ما اتكلمتش عن الكواكب والنجوم والمجرات، وإيه

لساننا أن ينطق به، بيجيلنا أفكار زي كده مش مظبوطة. قال لهم: "أوجدتم ذلك أنتم؟ لقيتوا الحاجات دي؟ أنتم حسيتوها؟" قالوا له: "آه". قال لهم: "ذلك محض الإيمان. فده معناه إن الشيطان وجد في إيمانك قوة، فبيحاول يقرفك ويضايقك".

طيب، الذين يرجون لقائنا ورضوا بالحياة الدنيا، واطمأنوا بها. يعني إيه اطمأنوا بها؟ يعني اطمأنوا إلى الحياة الدنيا، وركنوا إليها، ونسوا الآخرة، ونسوا البعث، أو ظنوا أن قصر عيشهم إنما هو في الدنيا. الآية تتكلم عن هؤلاء.

طيب يا إخوانا، النهاردة أنا بدأت باكراً مع حضراتكم حتى نستطيع أن ننتهي باكراً غداً. كان فيه بعض الإخوة والأخوات قالوا لي: "يعني إيه؟ إحنا عايزينك تبدأ شوية بدري". فحاولت النهاردة أبدأ بدري، وأرجو من الله أن ربنا يعيني بكرة برضه، وأقدر أبدأ بدري برضه. في نفس الوقت كده، الساعة إحنا بدأنا النهاردة الساعة كام؟ الساعة واحدة تقريباً، صح؟ واحدة، واحد ونصف، شيء من هذا القبيل. يعني [موسيقى] واحد ونصف تقريباً. إن شاء الله نستعين بالله سبحانه وتعالى، وبكرة نحاول نبدأ واحدة، أو إذا ربنا أراد، نحاول نبدأ الساعة الثانية عشر. أنا بكلمكم على توقيت القاهرة يعني، عشان فيه ناس بتحب إنها بعد كده تقوم تريح، وناس بتحب تقوم تتسحر. فعشان إيه، يعني نترك المجال للجميع.

في أيام وهي غالباً هتكون أيام السبت والاثنين والأربع لغاية ما رمضان ينتهي إن شاء الله، دي هنبدأ فيها في الغالب الساعة، لأ، بتوقيت القاهرة من الثالثة إلى الثالثة والنصف فجراً. إنما بقية الأيام هنبدأ إن شاء الله، نستعين بالله على أن نبدا الواحدة بدلاً من الثالثة. ماشي؟ يبقى في أيام السبت والاثنين والأربع غالباً هنبدأ الثالثة، في حدود الثالثة. بقية الأيام هنبدأ في حدود الواحدة إن شاء الله تعالى. وجزاكم الله خيراً، وشكر الله لكم، وشكر الله لكل من تواجد معنا، وشرفونا. ونراكم بإذن الله تعالى غداً إن شاء الله. سلام الله عليكم ورحمته.