بودكاست معاني ..إزاى تتخلص من شعورك باليأس والإحباط ؟.. مع د\عمرو خالد

[موسيقى] الملائكه لما خلق ادم عرفت تركيبته. كانت فاهمه التركيبه ان فيها الخير والشر. وبما انها هي كلها من خير، فاللي فيها الخير والشر غلبت الملائكه ان الشر فيه هيزيد. وده تفسير لما ربنا واذ قال ربك للملائكه اني جاعل في الارض خليفه في الارض. وشافوا تركيبه ادم فالرب رد كان بتاعهم. قالوا اتجعل فيها من يفسد فيها ويسفك الدماء ونحن نسبح بحمدك ونقدس لك. هو ده مش اعتراض منهم، هم فاهمين التركيبتين. نحن نسبح وحمدك ونقدس لك، احنا تركيبتنا بيور خير بس. يا رب دول بالتركيبه دي طالما فيهم الخير والشر ممكن الشر يضغى. عشان كده ناس كتير بتقول هم كانوا عارفين منين؟ ايه تفسيرها؟ يبقى كان في بشر قبل كده ويدخلوا في حاجات احنا ما نعرفهاش. لا نستطيع ان احنا نجزم بيها. لكن اللي نقدر نجزم بيه علميا ويكون مور لوجيك واكثر منطقيه ان هم شافوا التركيبه. التركيبه فيها الخير والشر. قالوا ربنا لما رد عليهم لم ينفي ان الجنس الجديد سيقع منه الشر. ما قالهمش لا لن يسفكوا الدماء لان هيحصل لان فيهم شر. لكن رد عليهم قال لهم ايه؟ قال اني اعلم علم ما لا تعلمون. سيغلب الخير عند بعضهم. وهم دول النقاوه اللي انا خلقت الخلق عشانهم. وكان جزء من نظرتك لنفسك. صحيح انا بغلط، لكن بعودتي الى الله انا سابق الملائكه. انت لازم تعيد نظرتك لنفسك عند الخطا. الخطا ليس نهايه العالم. والخطا جزء من تركيبتك. اقبل تركيبتك. لكن عمال تصلح. ارجوك ما تاخدش كلامي وتقف ان اقبل تركيبتك عادي ان انا اعمل غطا. انا ما قلتش كده. ما تقولش اللي انا ما قلتوش. قول زي ما النبي قال لو لم تذنبوا لذهب الله بكم ولات بقوم يذنبون فيستغفرون. والفاء الل السرعه فيغفر الله لهم. والفاء الل السرعه لتياس. ان اسات تسعا ان تحسن واحده. ليس احد احب اليه العذر من الله. ثلاث احاديث مفاتيح. مفاتيح للتعامل مع نفسك. خلي بالكم انا النهارده مش جاي اكلمكم في المعنى العبادي. انا جاي اكلمكم في المعنى النفسي للتعامل مع نفسك. وكل ده مقدمات عمال ابني عليها نظرتك لنفسك. فربنا قال لهم اني اعلم ما لا تعلمون. اللي هو ايه يا رب؟ رغم ان فيهم الخير والشر هيكون فيهم ناس هتغلب الشر على الخير. هيفضل فيهم حته شر هيغلطوا. وهو ربنا لما قال لنا في القران شويه معاني عن خلقه الانسان. وخلق الانسان هلوعا. ان الانسان خلق جزوعا. خلق الانسان من عجل متعجل على طول. هو ربنا عايز يقول لنا ايه؟ انت خلقتك كده اقبلها. عايز يقول لنا انت خلقتك كده فيك الحتت دي تعرف تصلحها تعرف تحسنها تعرف تقللها. الايمان بيعمل الحاجات دي كلها. والصله بالله بتعمل الحاجات دي كلها. يبقى يبقى النقطه الاولانيه اللي انا قلتها النهارده اقبل ترجمتك. فين المشكله اللي انا بعالجها النهارده؟ الشعور بالياس والاحباط عند توالي الاخطاء وعند توالي الذنوب والمعاصي. وهنا محتاج اديك شويه بشريات نفسيه ا ترفع املك وهمتك. بشريات من القران ومن احاديث النبي تعلي رغبتك عند الخطا وقبولك لخطر انك تندفع نحو تعديل الخطا. ايه هي ايات واحاديث التوبه؟ اولا من اسماء الله الحسنى التواب. وكان ربنا سبحانه وتعالى ممكن ما يكونش من اسماء الحسنى التواب. لكن اراد ان السيستم بتاع علاقتك بربنا يبقى فيه تقدر ترجع في اي لحظه. بالظبط التواب يعني ايه؟ الذي يقبل العائدين. فالسيستم بتاعنا في الدنيا ما فيش في حاجه اسمها طرد من رحمه الله الى ما لا نهايه. ما فيش حاجه اسمها كده. احنا كمسلمين موقنين ان التواب بنص القران. وم من اسماء الله الحسنى وبايات كتيره في القران. وفي سوره اسمها سوره التوبه. وهي اخر ما نزل على النبي صلى الله عليه وسلم. علشان لغايه خطوه خطوه النهايه لغايه نهايه الرساله التوبه مفتوحه. شوفوا شوفوا عظمه ان اخر الصور الكبرى اللي نزلت على النبي صلى الله عليه وسلم قبل وفاه النبي صلى الله عليه وسلم مكتمله سوره التوبه. ليه اوعى تقول اللي هو بالكلمه بالانجليزي فر تو ليت. ما فيش حاجه اسمها انا بقيت مش نافع فر توليت. سوره التوبه وكان المعنى ما فيش حاجه اسمها طرد ولن يعود. فلو انت فكرت كده تبقى مش فاهم ربنا صح. اصل انا عملت ذنب وحش معقوله يقبلني؟ مجرد انك قلت كده يبقى انت مش عارفه. وبعدين لاحظ ان مش اسم واحد من اسماء الله الحسنى بيتكلم على قبول العائدين. التواب الرحيم الغفور العفو. وفي فرق بين الاسماء وبعضها. فالعفو الذي يمسح كل ما مضى وفاه ما حصلش. والغفور الذي يسترك عند الخطا. والرحيم اللي بيقول لك ورحمتي وسعت كل شيء. انت ذنبك بقى قد ايه؟ يعني ذنبك اكبر من رحمتي؟ شو كل اسم كل اسم. والتواب ما فيش حاجه اسمها ترض تعود يقبل العائدين. اذا الاسماء مش شبه بعضها. الاربع اسماء من اسماء الله الحسنى التي لها علاقه بعودتك الى الله مش شبه بعضها. فالتواب له علاقه بقبول العائدين دائما وابدا. طيب والعفو محو كل ما وضعفات انت ما غلطتش. والغفور الستر عند الخطا. طب والرحيم رحمته اكبر من ذنبك. فلو ظنيت ان ذنبك اكبر من رحمه ربنا. اهو ده ذنب اكبر من ذنبك صح. لان انت ذنبك محدود في زمانه ومكانه. هتعمل الذنب في مكان معين ولوقت معين. طب ورحمه ربنا لا محدوده. لو دخلت المحدود على اللا محدود طبعا اللا محدود يبتلعه ويستوعبه. فربنا بيقول ورحمتي وسعت كل شيء. وانت شيء معناها ايه؟ نقطه خطيره جدا جدا نفسيه اللي شاكك في قبول الله له مش عارف ربنا كويس. انت مش فاهم ربنا. نفسيه اللي محبط اصل انا غلطت كتير اصل انت مش عارف الذنب اللي انا عفلته. انت مش عارف ربنا ايه؟ مش عارف ربنا انت مش فاهم الاله. انت عندك مشكله في فهم فهم الاله. انت عندك مشكله في فهم اسماء الله الحسنى. انت عندك مشكله في فهم سوره التوبه. انت عندك مشكله في فهم القران. انت عندك مشكله نفسيه. انت مش عارف ربنا. طب ما هو في شيوخ كتير كانوا بيقولوا لنا كده ان ربنا. وانا بقيت بخاف من. وانا مالي بالكلام ده. انا ل دعوه باصل لدنا. كون ان في ناس غيرت وخوفت بشكل غير صحيح وان ده بقى ثقافه منتشره لا تغير الحقيقه. الحقيقه ايه؟ ان الله تواب. يقولوا اللي يقولوه. الحقيقه ايه؟ ان الله رحمته اوسع من كل ذنوبك. ولو شكيت في غير كده عندك مشكله. الحقيقه ايه؟ ان ربنا في يوم يمحو كل ما مضى وفاه. الحقيقه ايه؟ ان ربنا يسترك مره واثنين وثلاثه واربعه. لانه غفور لغايه ما تتجاوز الحد بقى مش عايز [موسيقى] تتوب. انا انا كل ده برتب نفسي نفسيتنا مع بعض يعني عارف انا ماشي عمليه ترتيب نفسي. واحد اقبل تركيبتك. اثنين اعرف ربك صح غفور رحيم تواب. اربع اسماء من اسماء الله الحسنى. النقطه الثالثه اللي اللي لازم تكون انت مستوعبها البشريات والامل الرباني لفتح الابواب لقبول كل من يعود اليها. ايات رائعه. شوف الايه مثلا الم يعلموا ان الله هو يقبل التوبه عن عباده. معقوله يا جماعه؟ هل يعقل ان انا كل ما اعمل لايف او كل ما اعمل لقاء او كل ما اعمل ابعته لي على الستوري على الانستغرام اسئله لازم دايما يجي لي سؤال انا عملت ذنب كبير و وحاسه ان ربنا لا يمكن يقبل توبتي. ايه الثقافه دي؟ ايه السؤال ده؟ السؤال ده غلط. ده سؤال واحد مش عارف ربنا كويس. ف فالنقطه الثالثه اللي انا بقولها في لقاء النهارده ده بشريات بشريات تطمن قلبك وتملاك عزم على التوبه. منها ايات ومنها احاديث. اما الايه الم يعلموا ان الله هو يقبل التوبه عن عباده. هم ما يعرفوش. شوف كلمه الم يعلموا انتم ما تعرفوش ان ربنا هو يقبل التوبه عن عباده. لو ما يعرفوش كان الايه بتقول يا ماعرفوش يا محمد قول لهم. بصوا للايه الثانيه ومن لم يتب فاولئك هم الظالمون. مش العصاه هم الظالمون اللي ما تابش هو الظالم ليه ظالم؟ ظلمت نفسك عندك باب مفتوح اسمه التوبه وانت مش عايز تدخله. انت ظالم. المفروض ومن عصى فهم الظالمون لا ومن لم يتب فاولئك هم الظالمون. طيب الايه اللي بعديها ايه؟ كلنا حافظينها وما بنفكرش فيها. قل يا عبادي الذين اسرفوا على انفسهم. عارف ايه كلمه اسرفوا؟ ذنوب ورا ذنوب ورا ذنوب. ولا ذنوب كبائر اصرفوا فيها الكبائر وفيها التكرار. خلي بالك كلمه اصرفوا لها معنيين. تكرار الذنوب عمال هو هو نفس الذنب يعيده كتير. واصرفه عملوا بلاوي. لا تقنطوا من رحمه الله. اوعى تياس. تقنطوا يعني تياسوا. ان الله يغفر الذنوب جميعا. انه هو الغفور الرحيم. الايه دي خلت واحد اسلم اسمه عياش بن ابي ربيعه الصحابي. اسلم بسبب الايه دي. لانه اخطا خطا جسيم. فعمر بن الخطاب بعتله الايه فاسلم وهاجر الى المدينه. حسها انت بتقرا ما بتحسهاش وهي ايه قرانيه. طيب امسك الاحاديث البشريات اللي تخليك عايز تتوب. ال البشريات ال في حديث النبي ان الله يفرح بتوبه عبده. يفرح بتوبه عبده. يعني البني ادم ده من ثلاث دقاق كان عاصي وكان ربنا غضبان عليه. تاب فرحان بيه. ويفرح مش يقبل. يفرح ويقوم النبي ضارب لك مثل. هو بيفرح بيك قد ايه؟ خلي بالك انا كل ده بتكلم من الناحيه النفسيه. يعني ايه من الناحيه النفسيه؟ يا اخي بقى اتحرك بقى. يعني انت من جوه ليه؟ لا ما هو بيقبل اهو. لا ليه ما ترجعش؟ ما انا خايف اغلط تاني. اغلط تاني وارجع. مش اغلط تاني. يعني انا بقول لك اغلط تاني عشان بس ما حدش ياخد كلامي غلط. لو غلطت تاني ارجع برده. لانه لانه ما حطش حد. بص الحديث الرائع ده ان الله لا يمل من المغفره حتى تملوا من الاستغفار. عايز احلى من كده تاني؟ ممكن تكتبه عندك ان الله لا يمل من المغفره حتى تمل من الاستغفار. لما انت توقف هو يوقف. يعني لو رجعت 100 لو غلطت 100 مره وبتستغفر يقبلك 100 مره. ايه رايك؟ معنى رهيب معنى رائع. طيب ان الله يفرح بتوبه عبده. والنبي صلى الله عليه وسلم يضرب لك مثل. يقول لك كرجل في صحراء معه ناقه ه عليها طعام وشرابه. في وسط الصحراء هربت منه ناقته وعليها طعام وشرابه. فادر فايقن بالموت. فحفر تخ. يعني شوف النبي بيضرب لك مثل رهيب. فحفر قبره ليموت فيه بدل ما يموت كده في وسط الصحرا. فبينما هو ينتظر الموت اذا بالناقه فوق راسه عليها طعامه وشرابه. فمن شده شفت الفرحه تبقى عامله ازاي؟ فرحه الحياه. فمن شده الفرح قام قايل غلط لخبط. ده النبي اللي بيحكي لنا الحكايه دي. من شده الفرح عايز يشكر ربنا فلخبط لان عقله مش مصدق. قال اللهم انت عبدي وانا ربك. اخطا من شده الفرح. والنبي يقول لنا فالله افرح بتوبه احدكم من ذلك الرجل. ايوه انت عندك مشكله نفسيه مع نفسك. ربنا اا اكرمنا اخر كرم. انت اللي فاهم غلط دي مشكلتك انت. روح عالج نفسك انت مش فاهم او بتسمع حد متشدد مفاهم غلط. ما ما تقولش ما هو كله بيقول كده. دي مشكلتك انت. انا انا بجيب لك ايات واحاديث شديده الوضوح. مش مش حتى تحتمل تفسيرات شديده الوضوح. شوف حديث النبي صلى الله عليه وسلم ان الله فتح بابا من قبل المغرب لا يغلق حتى تقوم الساعه. في باب مفتوح من ناحيه غروب الشمس حتى تقوم الساعه. قالوا يا رسول الله ما الباب؟ قال التوبه. سيبقى مفتوحا الى يوم القيامه. اللهم صل وسلم وبارك على سيدنا محمد. عايز ايه اكتر من كده؟ طب اديك بشرى ثانيه او اديك حاجه ثانيه تطمنك اكتر ان شروط التوبه سهله جدا وكلها تتم بالقلب. يعني انا بتكلم معاكم دلوقتي. انا الان وانا بتكلم بقول الثلاث شروط سهله جدا كلها قلبيه مش فيها حاجه غير طبيعيه. واحد في الحاضر. واحد في الماضي. واحد في المستقبل. ثلاث ازمنه هي التوبه. ثلاث ازمنه ماضي حاضر مستقبل. الحاضر موقف الذنب. ايوه. طيب ما احنا ممكن دلوقتي واحنا انتوا بتشاهدوني الان ممكن تعملوا الثلاثه واحنا قاعدين الان. الان في الحاضر موقف الذنب. ايوه ما احنا موقفينه لان احنا قاعدين بنتكلم مع بعض. ما فيش ما بنعملش ذنب دلوقتي. الماضي ندمان على الذنب. والندم من غير جلد ذات. من غير جلتي فيني ليه انا عملت كده ليه زعلت ربنا انا غلطان. التث العزم على عدم العوده مستقبل. انا بعهدك يا رب مش هعمل كده تاني. انا عزمت. طب وافرض عملته تاني؟ اللي فات اتمسح. يتكتب واحد جديد. تعمل معاه لاث حاجات تانيه. طب افرض عملته 100 مره؟ 1000 مره؟ بس كده؟ بس كده. فانا الان بتكلم. فانت وانت بتسمعني او انت وانت بتسمعيني موقفه الذنب. ندمان. والندم تحرك قلبي دون مبالغات. ممكن دمعه عين. ممكن عض على شفايف. ممكن وخذ في القلب. ثلاثه عزم على عدم العوده. مبكوك اتمسح الذنب. تاب الله عليك. معقوله؟ اه. تعرف تتعامل مع نفسك كده؟ هو ده اني انت قلت ايه لغايه دلوقتي؟ اقبل تركيبتك. اثنين افهم ربك صح باسمائه الحسنى اللي بتقبل التوبه و وبيقبل عباده. ثلاثه استبشر وانفعل ايجابيا بايات التوبه ونفذها. طب هو ربنا عمل كل ده ليه؟ عشان ربنا عايز الارض تتصلح. عشان قال اني جاعل في الارض خليفه. عشان الارض تتصلح ازاي؟ تبقى كل الناس نفسياتها محبطه. اذا كان هو اللي مركب فيك الخير والشر ويعلم انك ستخطئ. طب والارض تتصلح ازاي؟ لازم يكون من اسمائه التواب الرحيم الغفور العفو. عشان تبدا بانطلاقه جديده. عشان كده عمل لنا رمضان وليله القدر. عشان كده عمل لنا يوم عرفه. يلا انطلاقه جديده. علشان تمتلك نفسيه قادره على البناء من اول وجديد. لان الذنوب مهلكه وقاسيه ومثقله وموجعه. انت عارف ايه اللي يجيب لك الاحباط؟ استمرار الذنوب مش التوبه. التوبه امل للمستقبل. التوبه هي فكره الامل. هي فكره الانطلاق للامام. عشان كده ربنا خلى في حاجه اسمها توبه. لننطلق الى الامام وليس عشان نفضل حبيثي الخطا. [موسيقى]