#علم_النفس #محمد_عبدالعال

ازاي ترفض أي طلب من غير ما تزعل حد منك أو تضطر إن انت تكذب أو تخلق أعذار؟ في ثلاث طرق ذكية جداً تقدر من خلالهم إن انت تقول "لا" من غير ما تحس بالذنب.

مش بتلاحظ كده إنك لما تبقى عايز ترفض طلب لصديق أو قريب هتلاقي نفسك فورا بتألف كتبه؟ وتلاقي نفسك بتقول له مثلاً: "والله العربية عطلانة"، "والله أنا مريض"، "والله أمي تعبانة النهارده". ما تكذبش، تكذب ليه؟ للأسف، أنت هنا بتكذب لأنك معتقد إنك لما تقول "لا" فدي هتكون لقاح منك وتحس بتأنيب الضمير لو ما كانش عندك عذر قهري. وده في علم النفس اسمه سلوك الإرضاء (People Pleasing). لازم تعرف إن كل مرة أنت بتقول فيها موافق على طلب، الطلب منك وأنت من جواك مش موافق، فأنت كده بتخون نفسك.

حالاً هعلمك إزاي ترفض أي طلب بدبلوماسية من غير ما تخلق أعذار أو تضطر تجذبه.

أول طريقة، ودي تقدر إن انت تستخدمها مع الأصدقاء أو الناس القريبين منك، ودي فيها ثلاث حركات: هتشكره، وبعدين هترفض، وبعدين هتتمنى له أمنية كويسة. يعني مثلاً حد من أصحابك بيعزمك وأنت مرعب مش قادر تروح، قول له: "شكراً بجد إنك افتكرتني". شكرته. بس للأسف أنا مش هقدر أجي النهارده، محتاج أرتاح. رفضت. بتمنى لكم سهرة سعيدة. الأمنية. والنتيجة إنك حسسته بالتقدير، وفي نفس الوقت أنت حميت وقتك.

الطريقة الثانية في الرفض، ودي اسمها طريقة البديل. ودي تقدر تستخدمها مع زمايلك في الشغل أو الدراسة، وهي إن انت ترفض الطلب وتعرض الحاجة اللي انت تقدر تعملها. يعني هتساعده بس بشروطك أنت. يعني مثلاً زميلك بيطلب منك إن انت تخلص له مهمة كبيرة في الشغل أو في الدراسة، رد عليه قول له: "بصراحة أنا جدولي مليان جداً النهارده، مش هقدر أستلم منك الشغل ده كله دلوقتي، لكن ممكن بكرة الصبح أراجع لك عليه لمدة 10 دقائق لو ده يناسبك". والنتيجة إن انت هنا ما رفضتش المساعدة، بس حددت حجمها.

الطريقة الثالثة للرفض، ودي اسمها طريقة المبدأ. ودي تقدر تستخدمها في الطلبات المادية أو المالية. ودي عبارة عن إن انت تربط رفضك بمبدأ عام مش بشخصك. يعني مثلاً شخص طلب منك سلفة أو طلب يستلف عربيتك وأنت مش عايز، قول له: "بجد أنا بقدر وضعك، بس أنا بصراحة عندي مبدأ شخصي كده إن أنا ما بسلفش حد مهما كان، عشان أحافظ على علاقاتي وما أخسرش حد. يا ريت تتفهم مبدئي". والنتيجة إن انت هنا ما اضطريتش إن انت تكذب أو تقول "معيش"، بس المبدأ اللي انت حطيته هو اللي حماك. لأن الناس ممكن يجادلوك في ظروفك، يفاصلوا معاك فيها، بس مش هيجادلوك في المبادئ.

واعرف كويس إن الرفض حق من حقوقك، مش جريمة تعتذر عنها للناس. الناس بيحترموا الشخص اللي بيقدر وقته وحدوده.