د مجدى اسحق 25 طريقة لتحسين الذاكرة (الجزء2)

[موسيقى] [موسيقى] [موسيقى] [موسيقى] [موسيقى]

الخير والبركة والسعادة والنور والجمال وكل حاجة حلوة. كل عام وأنتم بألف خير، كل سنة وأنتم طيبين بمناسبة رأس السنة القادمة إن شاء الله 2026 وأعياد الميلاد طبعاً، ونهاية عام وبداية عام يا رب مشرق بالجمال والسعادة والخير على كل الناس. تكون نهاية أحزان وبداية سعادة جديدة للجميع.

مضيفكم دكتور مجدي إسحاق معاكم النهاردة الحلقة رقم اتنين من العنوان اللي قلناه المرة اللي فاتت: 25 طريقة لتحسين الذاكرة. يا ريت نبدأ العام الجديد بذهن جديد إن شاء الله، تغيروا عن شكلكم بتجديد أذهانكم.

أنا هستعرض بس بسرعة للي حضر معايا المرة اللي فاتت أو ما حضرش، بحيث يعني أذكر أذهانكم النقي بالعناوين الصغيرة اللي إحنا قلناها. قلنا أول حاجة إن عندنا أخبار سارة إن خلايا المخ بتتجدد وبتنشط، حيث الخلايا الراكده بيحصل لها نشاط وتقوم تاني من النوم، عكس ما الأبحاث القديمة كلها قالت. وقلنا إن دي اسمها النيوروبلاستيسيتي أو اللدونة العصبية، إن الذاكرة بتتسع عكس ما كنا بنحفظ زمان وإحنا طلبة في كلية الطب. وقلنا إن إحنا هنتبع 25 طريقة، يا دوب هعلم العناوين بسرعة أخش في العناوين الجديدة.

قلنا عشان الذاكرة بتاعتك تقوى وهي مليارات الخلايا المخية، عليك إنك أنت كل يوم تقويها وتتعلم شيئاً جديداً زي التمارين. إنك أنت تنشط ذاكرتك بأنك تتعلم حاجات جديدة زي العزف وصنع الفخار والألعاب الذهنية واللغة الجديدة الجديدة. دي نمرة واحد.

تاني حاجة قلناها وأكدنا عليها وبأكد عليها تاني النهاردة اسمه التكرار والاسترجاع المتقطع. بيسموه الذاكرة الوقتية أو القصيرة والذاكرة الدائمة. الذاكرة المؤقتة والذاكرة الدائمة. قلنا إن المخ فيه ذاكرة مؤقتة وذاكرة دائمة. دي أنا هرجع لها في آخر الحلقة أو في مرحلة متقدمة من الحلقة. إنه الذاكرة بتاعتنا نوعين. نوع الأول بنحفظه على طول، ودي زمان كان بيقول لك إن الذاكرة المؤقتة دي ممكن تحتفظ بسبعة بلس ماينس تو معلومة، يعني تحفظ سبع معلومات ممكن يبقوا خمسة وممكن يبقوا تسعة. الكلام ده اتغير دلوقتي. قال لك إن الذاكرة بتاعتنا فيها أربع أماكن دايماً فاضية، أربع أماكن يعني ممكن أحط فيها أربع معلومات جنب بعض. بس قالوا الكلام ده حديثاً وقالوا إن عشان الأربع أماكن دول يتحولوا من معلومات مؤقتة لمعلومات دائمة لازم تسترجع المعلومة بشكل متقطع، يعني مش تذاكر ورا بعض ورا بعض ورا بعض أو تكرر ورا بعض، يعني ما تقعدش تقولها على طول على طول على طول في نفس اليوم. قولها النهاردة وقولها بكرة وقولها بعده هتلاقيها بعد شوية ابتدت تتحول من ذاكرة مؤقتة لذاكرة دائمة. ودايماً حاول تحفظ أربع حاجات بس، يعني لو بتحفظ تليفون احفظ منه أربع أرقام بس، أو بتحفظ معلومات احفظ أربع معلومات.

تقول لي بالتليفون أكتر من أربع أرقام؟ آخدك للمعلومة اللي بعدها اللي اسمها الوسائل المساعدة. إنك أنت تعمل حاجة اسمها الاختصارات، إنك أنت تقسم المعلومة لمعلومات قصيرة جنب بعضها. يعني التليفون بتاعك مثلا لو 11 رقم قسمه مثلا لـ 3، 4، يبقوا 7، 5. هتحفظهم 3، 4، 5. ثلاث أرقام، أربع أرقام، خمس أرقام فيبقوا سهلين الاسترجاع. واربط بينهم بخيط سري بالحروف الأولى من كل كلمة.

وقلنا إن المرة اللي فاتت برضه حاجة اسمها جرب الاختصارات. وقلنا المرة اللي فاتت مثال على ألوان الطيف اللي هي زي الأحمر، برتقالي، أصفر، أخضر، أزرق، نيلي، بنفسجي. ارجعوا للحلقة اللي فاتت وهضرب لكم مثال إحنا بنقوله في كلية الطب. لقوا مثلا إن الأجسام المضادة عندنا في الطب اللي هي الأجسام اللي بتطلع للدفاع عن الجسم في هجوم الأمراض، هم خمس أجسام مضادة. جسمه اسمهم إيميونوجلوبيولينز، إيميونوجلوبيولين جي، واي، واي، ودي. طب أنا حافظهم إزاي؟ حفظتهم على أخدت الحروف الأولى من كل واحد وكونت كلمة اسمها "جامد". أي جي جي، إيميونوجلوبيولين جي، الجسم المضاد جي، إيه، إم، إيه، دي. فأنا فاكر "جامد" في عمري ما هنسى إن الأجسام المضادة خمسة. اعمل أنت كده في المعلومات كلها. ويقول لك إنه المعلومات المختصرة بالمنظر ده بتخش المخ ما بتطلعش.

حاجة كمان مهمة قوي قوي اسمها نمرة خمسة: قوة العقل الباطن. أوعى تقول لروحك أنا كبرت وعجزت. قلنا إياكم تقولوا لبعض: أنت كبرت وعجزت وكركبت وضربت. أوعى تقول الكلام ده. لا أنت تقوله لنفسك ولا تسمح إن حد يقوله لك. لما حد يقول له: عجزت؟ يقول له: هو أنت اللي عجزت مش أنا اللي عجزت. وقلنا ليقل الضعيف: بطل أنا. وقال لي الرب: لا تقل إني ولد.

ستة: قلنا استخدم جميع حواسك. لو أنت بتذاكر أو بتقرا استخدم عينك ولسانك وطبعاً ودنك وإيدك لو بتكتب. كل أما تستخدم أكتر من حاسة كل أما الذاكرة تبقى أكتر نشاطاً وتركيزاً وقوة.

نمرة سبعة: قلنا لا تلجأ إلى جوجل مباشرة. يعني مش أول ما تيجي حاجة في دماغك مش لاقيها تدور في جوجل. يور سيلف، دور في جوجل دماغك. غمض عينك واسرح بخيالك ودور في الفكرة. هتلاقي غالباً كتير من الحاجات اللي كنت ناسيها هتستدعيها بالتركيز والانتباه العميق. بعد كده لو ما لقيتهاش ساعتها نقول لك دور في جوجل. لكن اسم راح معلومة راحت جوجل يور سيلف. دي نمرة ستة، يعني سبعة أنا آسف.

نمرة ثمانية: لا تعتمد على الجي بي إس على قد ما تقدر اعتمد على ذاكرتك البصرية علشان ما الجي بي إس يعني ما يشلش قدراتك المكانية. وقلنا إنه طبعاً ده في الضرورة تلجأ لجي بي إس. وإذا اضطريت تلجأ له وانت رايح استخدمه وانت راجع حاول ما تستخدموش على قد ما تقدر تستخدم ذاكرتك البصرية.

تسعة: قلنا خليك مشغول. املأ جدولك بازدحام. خليك دايماً بتعمل حاجات ورا بعض ورا بعض. قلنا الناس بتعجز لما بتطلع معاش ولما بنطلع معاش العقل يبتدي ينام. العضو الذي لا يستخدم يضمر وينام. نام وذبح لك جوزين حمام هتنام مع الحمام إن شاء الله.

ونمرة عشرة: قلناها المرة اللي فاتت حافظ على النظام. كل ما تبقى منظم تعمل تشيك ليست. ويا ريت التشيك ليست اللي تكتبها تكتبها على ورق أفضل من الموبايل. أنا شخصياً بحب الورق. الورق بيبقى سهل الكتابة ودايماً بتستخدم عينك وإيدك ودماغك ويبقى أكتر تنظيماً ما عكس الاعتماد على الموبايل.

يعني نمرة 11: أنا مش عارف قلتها ولا لا بس أظن إن أنا لمحت ليها. قلنا نام بانتظام. يا ريت تاخد كفايتك من النوم. بيقولوا إن النوم الصحي من قبل 12. النوم الصحي ومعاك لغاية 7، 8 الصبح أو 6، 7، 8. بعد 12 نوم مش صحي. طب إحنا بننام ليه؟ النوم الصحي عشان ننام مع الضلمة ونصحى مع النور. طب ليه بننام؟ تقول لي طب والنوم ده مش ضياع وقت؟ بالعكس ده النوم ده صيانة للمخ. لأن الوصلات العصبية أثناء ما بتنام بتبقى أكتر عمقاً وبيتشال الجاربج الفضلات اللي موجودة في المخ بتتكنس بحاجة اسمها الجليمفاتيك سيستم. حاجة زي سوري النفايات تتشال وتتربط المعلومات. عشان كده ضربت لكم مثل قلت اللي بيقرأ حاجة وينام ويصحى يلاقي حافظها أكتر. وبعدين بيحصل حاجة غريبة جداً في المخ. أقول لكم وانت نايم المعلومات المتشابهة بتركب بعضها فوق بعضها. يعني المخ عجيب الشكل جداً. أنت بتدخل معلومات متبعثرة طول ما أنت ماشي في معلومات، أضواء وأنوار وحكايات وأصحاب وتليفزيون وكمبيوتر وفيسبوك وتيك توك، فيسبوك وإنستجرام إلى آخره. معلومات متنطورة، عربيات وأنوار وأفلام، حاجات كتيرة مالهاش علاقة ببعض. لما حضرتك بتنام المعلومات المتنطورة دي المخ يبتدي يغربلها ويشكل الحاجات المتشابهة يركبها على بعض. عشان كده بتنشأ الأحلام. تبص تلاقي نفسك بتحلم أحلام غريبة. الأحلام ده نوع من أنواع تنظيم المخ للمعلومات المتنطورة. فالنوم حاجة مهمة جداً لدرجة دلوقتي لقوا إن النوم صحي للعقل. لو إن الناس اللي بتنام ضغطها بيتحسن، بتنام كويس، توترها بيتحسن، كلاويها بتتحسن. تخيل إن وظائف الكلى تتحسن لو نمت كويس. تخيل إن مناعتك بتتحسن لما بتنام كويس. صيانة للجسم ولأعضاء الجسم. الاكتئاب بيتحسن لما تنام كويس. علاقتك بمراتك طبعاً هتتحسن ده مليون الم لو نمت وما صحيتش. يعني مش مهم تصحى بس المهم تنام. إذا نمت بعمق شديد الحياة الزوجية بتتحسن صدقوني. ولو نمتوا انتوا الاتنين عيالكم هيتحسنوا جداً. هتحلوا عنهم إن شاء الله يعني. طبعاً بهزار أنا بقول يعني. فنام بانتظام لو سمحت.

وزيها معاها في نفس القاعدة تجنب الشاشات الساطعة. الأنوار الحادة دي بتطير النوم لأنها بتخلي العين تشوف لون أزرق والعين مش متعودة على الأزرق. يقول لك ما تشتغليش في الأزرق. نور ربنا أحمر. الأنوار العادية حمراء. عشان كده حتى في البيوت الحديثة يقول لك خلي النور يميل إلى اللون الأصفر زي لون الشمس. الألوان الألوان البيضاء والزرق مش طبيعتنا. فيقول لك من وقت حتى لو بيتك أنت منورة أبيض سيبه أبيض الله يبارك لك. ما تصفروش بس خليه صفرا من وقت للتاني. أباجورتك صفرا. ادي نور أصلاً وقت للتاني عشان يقرب من ضوء الشمس أو على الأقل الأبيض أرحم من الأزرق. ده نمرة اتنين. اللون الأزرق ده بيشيل الميلاتونين فما تنامش كويس. غالباً ثلاثة لقوا إن هو بيزود التوتر جداً جداً جداً. قبل النوم بنص ساعة ادي عينك فري. اقرأ معلش لكن ما تتفرجش على شاشات ملونة زرقاء. يعني حلو كده.

13. هنا سأسكت قليلاً. لنا هنا وقفة. تناول المزيد من هذه الأطعمة. هذه الأطعمة تحسن جدا الذاكرة وتقلل خطر الإصابة بأمراض الذهن كلها زي الباركنسون والزهايمر وغيره. زي إيه الأطعمة اللي ننصح بها؟ اسمعوني كويس.

واحد: الأطعمة النباتية كلها. كل الأطعمة النباتية بالذات اللي طالعة من الأرض. كل طعام خارج من الأرض ممتاز. الخضروات الورقية والتوتيات ممتازة ممتازة ممتازة. عشان كده بننصح الناس اللي بتاكل بس لحوم وكربوهيدرات تاكل خضروات وسلطة بشكل كامل. الحبوب الكاملة. الحبوب الكاملة أقصد إنك تاكل العيش الكامل اللي فيه ردة مش العيش الأبيض مش الفينو. الفينو كله ده اختراع حديث. إحنا زمان ما كناش بناكل فينو. أيام جدي وجدتك كنا بناكل العيش الشمسي. الفينو ده شالوا منه القشرة بتاعة القمح وزودوا عليه لبن وخمائر فبقى عيش مش صحي قوي. فمن فضلك حتى ولادك ما تاكلهمش بلدي شمسي. موافق؟ البقول طبعاً. المكسرات لو معاك فلوس ربنا يكرمك. الشمس بيديق الأسمر. طبعاً الشمس بيقول لي المخرج الفاضل. الشمس بيديق الأسمر مش اللي بتديق الأبيض. طبعاً على فكرة أنا لما بروح عند الصعيد ببقى مستمتع بالعيش الشمسي ده. المكسرات وبالذات اللي هي مش متحمصة النية ممتازة للذاكرة. غنية غنية بالأوميجا 3 وغنية بالفيتامينات والمعادن بالذات المغنيسيوم. ممتازة للذاكرة والذهن. طب معيش فلوس أجيب مكسرات؟ حفنة هات كيلو. المكسرات غالي. هاتي يا سيدي ربع كيلو كل كل يوم واحدة اتنين تلاتة لغاية ثمانية في اليوم. حلو قوي. ثمان لوزات. أنت لوزة وأنا لوزة. أنت بندقة وأنا بندقة. خلاص. الفراخ أحسن من اللحمة. الفراخ طبعاً البيضا بس طبعاً اللي مش متهرمونة اللي مالهاش هرمونات أفضل من اللحم. ركز على هذه الأطعمة. زيت الزيتون ممتاز أو زيت جوز الهند. زيت الزيتون ممتاز ممتاز ممتاز. طبعاً اللي بعد كده الأسماك الدهنية تماماً زي السلمون والسردين. دي مليانة أوميجا 3. مهمة جداً جداً جداً في بناء خلايا الدماغ والأعصاب. ضرورية للتعلم وللذاكرة. وقد ثبت أنها تؤخر التدهور المعرفي. مهمة جداً الأوميجا لدرجة دلوقتي بننصح الست الحامل قبل الحمل وفي الشهور الأولى في الحمل تتناول حاجتين مهمين جداً. يا حوامل اسمعوني. الأوميجا لأبناء دماغ الجنين والفوليك أسيد. دول دول بيبنوا جدا دماغ الجنين. يعني الأوميجا 3 مش ستة ومش تسعة. ستة وتسعة بيزودوا الالتهابات. ثلاثة هو الأوميجا صحي جدا جدا.

10. 14. أنا آسف حقكم عليا. تناول كميات أقل من... قلل من بقى. يبقى اللي فات كثر كثر. ربنا يكثر من النباتات، الخضروات، الحبوب الكاملة، البقوليات، المكسرات، الدجاج زي ما قلنا، زيت الزيتون، الأسماك الدهنية. زيت الزيتون ممتاز على فكرة والناس كتيرة بتهمله. بالذات البكر الممتاز اللي هو لم يمضِ على عصره أكتر من ثلاث شهور. يسموه بكر ممتاز. تقول لي يعني إيه بكر ممتاز؟ بكر يعني مش مولود ملوش إخوات. يعني بكر يعني أول ما اتقطف ما فاتش على عصره أكتر من ثلاث شهور. بيبقى المواد بتاعة الأوميجا 3 فيه غنية جدا جدا جدا.

قلل من إيه بقى لو سمحت؟ قلل لي من السكر. السكر ده عدو المخ. طبعاً مش ما تاكلش سكر خالص. قلل منه. إحنا كلنا محتاجين سكر. بس أنا أفهم إن أنا هشرب في اليوم كوبايتين شاي، ثلاثة شاي وشوية أعشاب، شاي وينسون وليمون وإلى آخره. لكن مش 20، 30 كوباية. مش 20، 30 معلقة. أما المعلقة الواحدة على فكرة فيها 5 جرام يعني بتكلم تقريباً في حوالي 20 كيلو كالوري. مش مشكلة لما آخد في اليوم خمس معالق ولا أربع معالق. آه. لكن في ناس بتحط مش سكر على الشاي. شاي على السكر. يعني بتجيب بتاعة السكر بتوع شاي. ما ينفعش الكلام ده. السكريات العالية جداً بتؤثر على الذاكرة. فقلل السكر. وما أقصدش السكر السكر والسكريات يعني الحلويات. إند بسبوسة. إند كنافة. إند جاتوه. إند كحك. كل ما هو حلويات. مش السكر الأبيض وبس.

الأكلات المصنعة. كل حاجة عدت على مكنة. بالذات اللي في أكياس مقفولة مش أسماء. سواء لحوم مصنعة أو بطاطس مصنعة أو كانزات مصنعة. ده أنا مرة قريت إعلان لطيف عن الحاجات الغازية. قال لك الحاجات الغازية دي بتشيل الصدأ وتشيل اللبان اللي لزق في الهدوم وتنظف مش عارف الأرض. إنما لكن تعمل كل حاجة في البيت. إنما مالهاش علاقة بالصحة الإنسانية. قعدت أضحك لما قريت الإعلان ده. قلت: هي للدرجة دي؟ آه. عشان يقول لك إن الحاجة الساقعة دي مش مفيدة. طب نفسي في حاجة ساقعة؟ نص كوباية مش 2 لتر على بق واحد. ما ينفعش الكلام ده. بالذات بقى إن الحاجة الساقعة دي فيها مواد حافظة فيها كربونات فيها سكريات. فيها حتى الدايت فيه حاجة اسمها أسبرتام وده مضر جداً بالصحة. يعني اللحوم الحمراء قلل منها. خد مكانها لحوم بيضا أو أسماك أو أرانب. الأرانب ممتازة على فكرة في الأكل. فراخ أحلى منها كتير جداً.

المقليات بشكل عام ممنوعة. الحاجة اللي بتتقدح في الزيت كتير. استخدم السمن الطبيعي أحسن بكميات معقولة. لو كان عندك كوليسترول قلل الملح وقلل الجبن المطبوخة. كل جبنة بيضا بتاعة ربنا الحلوة الطبيعية. لكن مش الجبن المطبوخة. الحاجات دي كلها تقلل بتحسنك ذاكرة جداً. لقوا في بحث إن السكر والدهون الكتيرة جداً بالذات الدهون المهدرجة زيوت نباتية وسمنة نباتية بتضعف الذاكرة. لأنها بتأثر على حتة في المخ جوه هنا في نص المخ بالظبط. كان عندي صورة بس مش عارف أجيبها فين دلوقتي اسمها الحصين. يعني لو المخيلتوا إن دي زي نص بطيخة. المخ ده عامل زي نص بطيخة شقها بالطول بقى دي ربع ودي ودي ربع. في الحتة الحمراء بتاعة البطيخة في النص هنا في حاجة عاملة زي الحصان كده حصان صغير فسموها حصين أو هيبوكامبس. دي الجزء المسؤول عن الذاكرة. لقوا إن الحتت دي اللي لما بناكل سكريات ودهون مهدرجة بتؤثر على الحتة الجزء ده في الجسم لدرجة إن الجزء ده بيكش. بيكش الجزء المسؤول عن الذاكرة. خلاص كده. يبقى لا تكثر من السكر ومن الدهون.

15. تجنب بعض الأدوية. طبعاً أوعى توقفها بعد الحلقة اللي بقوله ده بعد استشارة دكتورك. لو أنت عندك ضعف الذاكرة خد بالك إن في أدوية مفيدة وأدوية مضرة. يعني الناس اللي عندها ضغط تاخد أدوية ضغط. الناس اللي عندها سكر تاخد أدوية سكر. ما تبطلهاش. الناس اللي عندها كوليسترول تاخد أدوية كوليسترول. لكن إيه الحاجات المرتبطة بضبابية الذاكرة؟ لو لقيت إنك أنت بتاخد أدوية اكتئاب بجرعات عالية جداً وذاكرتك ضعفت قول للدكتور يظبط لك الجرعة. مرات الأدوية دي أو أدوية القلق والاكتئاب والأدوية النفسية الناس اللي بتاخدها لفترات طويلة مش بتكلم على يوم ولا اتنين ولا شهر ولا اتنين عشان اللي سامعيني بتكلم على سنين. يعدلوا الجرعة أو ياخدوا معاها بقى أوميجا 3 وأدوية تحسن الذاكرة. فلو أنت بتتعالج عند طبيب نفسي قول له يا دكتور أنا نسيتك ونسيت اسمك ونسيت العيادة ونسيت الكشف ونسيت كل حاجة. يعني ظريفة. حتى أقول له نسيت أدفع الكشف؟ أقول لك آه أنت نسيت الكشف. أكتب لك حاجة تفكرك بالكشف. الأوميجا 3 إن شاء الله. المنومات خطيرة جداً جداً. الناس اللي بتاخد منومات لفترة طويلة يقول لك يا دكتور ما بنامش غير بالأدوية المنومة. بتأثر على الذاكرة. خلي بالكم من دي. أدوية السكر بالذات الميتفورمين. الناس اللي عندها سكر تاخد ميتفورمين بجرعات عالية والفترات طويلة تاخد بالها من تدهور الذاكرة. طبعاً كل الكلام ده مع الدكتور بتاعك مش توقفها من نفسك. أوى تاخد قرار لأي دواء إلا مع استشارة الدكتور.

16. مارس الرياضة. مارس الرياضة. الرياضة أثبتت إنها تحسن جدا الفوائد الإدراكية بشكل عالي. بتحسن وصول الأكسجين والمواد الغذائية للجسم وللمخ وتساعد على تكوين خلايا جديدة في الدماغ. تخيلوا الرياضيين بيبقوا أكتر ذكاء من غيرهم وتزيد من عدد خلايا الحصين اللي في المخ. ومش ضروري على فكرة إني ألعب رياضة يعني أنزل الجيم. لا. اتمشى. لو بتمشيت في الأسبوع ثلاث مرات كل مرة من ربع لنص ساعة. إن شاء الله في البيت بس ماشية عسكرية مش ماشية فرجة على باترينات يعني ماشية تحرك إيدك ورجلك وأنت بتتمشى. ده بيحسن جدا الدورة الدموية للمخ.

هنا الحبايب يركزوا معايا على الكاميرا معلش يا سعادة المخرج. آه عشان أنا هقول لكم على كم تمرين لطيف لقوه في العالم كله بيحسن الذاكرة. لو تركزوا معايا دقيقتين هعمل لكم تمارين أنا مش كاتبها على السلايدز بس ركزوا معايا. أنا يعني أول حاجة في التمرين اللي هقوله لكم ده اسمها تمارين الشرايين بتاعة الرقبة. تعمل إيه حضرتك؟ لو إن المخ والجسم بينهم اتصال والقلب أسف اللي هو في قلبك الدم بيضخ من القلب إلى المخ عن طريق الشريان اللي موجود في الرقبة ده اسمه الشريان السباتي. طب أزود إزاي الدم اللي واصل للمخ؟ إنك أنت تعمل تمرين اسمها حركات الرقبة الرقيقة. حلوة رقيقة دي. هنا تعمل إيه؟ ركزوا معايا. تحرك رقبتك لورا تبص للسما وتحركها لقدام خمس مرات. لورا. أنت بتعمل إيه؟ بتحرك الشريان عشان الدم يتدفق فيه. لورا. وليه بنقول رقيقة؟ مش عاوزين عنف. عشان أحياناً لما بتحرك بعنف رقبتك بتوجعك وفقراتك بتوجعك وأنت أساساً خلقة موجوع فمش عاوزين وجع. بالذات كبار السن والمقام. ما تعملش حركات مفاجئة حسن غضاريفك تتعب يعني. حركات الرقبة الرقيقة لورا واللي قدام. وبعدين اليمين وتعد اتنين تلاتة وترجع للنص. وشمال وترجع للنص بالراحة. وبعدين تحت بالراحة جدا وترجع لغاية المنتصف. يبقى في الاتجاهات الأربعة واحد. وبعدين اتنين تلاتة أربعة. هتلاحظ على طول بعد فترة من التمرين. طبعاً مش هتعمله النهاردة ذاكرة تتحسن بكرة. لا طبعاً. هتعمل الكلام ده الذاكرة تتحسن بعد فترة. ما تقعد تمارس التدريب ده لفترة طويلة يعني. يبقى تدريب الرقبة. ادي واحدة.

تاني تدريب تدريب اللسان. لو إن اللسان ده مرتبط بحركات الكلام والكلام والذاكرة مرتبطين ببعض. إيه تدريب اللسان؟ إنك أنت تحرك لسانك جوه بقك تلف لسانك مع عقارب الساعة وعكس عقارب الساعة. وبتعمل الكلام ده عدة مرات. مع عقارب الساعة وعكس عقارب الساعة. كل التداريب دي مثبتة بأدلة. يبقى حركة اللسان إنها مرتبطة بمركز الكلام. وفي البدء كان الكلمة. يبقى اللسان. في ناس كمان بتقول طلع اللسان وحركه يمين وشمال. بس أنت لو عملت كده في البلكونة هيقبضوا عليك إن شاء الله. يبقى اللسان جوه بقك. خليه جوه بقك. أنا راضي. [ضحك] هو فعلاً في الكتب يقول لك طلع لسانك وحركه يمين وشمال. بس أولاً أنا لو طلعت لساني وعملته يمين وشمال هبقى ترند على الفيسبوك ده مليون الم. يعني. ونمرة اتنين عشان الحركات دي ما تسببلكش مشاكل. يعني.

نمرة تلاتة تدليك الودان. بالراحة كده مسح الودان من فوق لتحت كده. بتحسن جدا وبتزيل القلق والتوتر. من فوق لتحت. ده داير ما يدور تدليك الودان. وعلى فكرة لو عملت كده وأنت قاعد في حتة أنت هتنام. لو أنت عاوز تنام خلي حد يلعب لك في ودانك. تدليك الودان بيشيل التوتر وبيحسن الذاكرة. من فوق لتحت ومن فوق. وبالمناسبة أنت ممكن تعمل التلاتة مع بعض. يعني ممكن تحرك رقبتك وأنت بتحرك لسانك وأنت بتدلك ودانك. وبعد كده إن شاء الله يعني هيقبضوا عليك في الشارع. [ضحك]

في تدريب رابع. يبقى تدريب الرقبة. حركة الرقبة الرقيقة وتدريب اللسان وتدريب الودان. في تدريب بس مش هعرف أعمله أنا آسف. مش هقدر أقلع الجزمة وأعمله. هو بيتعمل بالرجل. فاعمله بإيديا أنا آسف معلش. هو بيتعمل كده. كان نفسي أجيب لكم صورة فيديو بس هي كده بالظبط. لقوا إن في وصلة ما بين رجليك وما بين المخ ورا في الأعصاب. أنتوا عارفين البني آدم لما بيقف على حيله. أنا هقف بعد إذنكم. أنا لما بقف على حيلي في حاجة اسمها الاتزان. يعني أنا لو شلت إيدي. إيديا الاتنين كده ببقى واقف متزن. متزن ليه؟ لأن ده المخ في أفاه ورا في حاجة اسمها المخيخ. مخ اسمه المخيخ أو سيريبيلا. ده مسؤول عن الاتزان. بحيث لما أنت تغمض تبقى حاسس بالأرض ما تقعدش تهتز لا قدام ولا شمال ولا يمين. لأن جسمك متشال بالجهاز ده. بالجهاز العصبي اللي هو بتاع الاتزان وعدم التمايل أو التمرجح يعني. طب إيه الحكاية؟ في وصلة ما بين رجليك وما بين المخيخ. ولقوا إن المخيخ ده مرتبط بالذاكرة. طب تعمل إيه بقى في الأبحاث؟ لو إنك أنت ربنا يديك الصحة برضه في البيت تقلع الشوز بتاعتك تمام كده. هتعتبره إن دي رجليا ودي الأرض. هل ممكن الكاميرا تيجي على إيديا كده؟ ده آخرنا طيب. ادي إيديا كده على الأرض. بحرك رجليا كده وبضمها على بعض وبزق بيها الأرض. بفتح وأقفل وأحركها كده وأزق الأرض. الحركة دي بتنشط جدا جدا الذاكرة. تعملها لمدة دقيقة كل يوم. أنا مش عارف بتهيأ لي النهاردة لو روحت البيت وقلعت الجزمة وقعدت أعمل كده وألعب في وداني وألعب في لساني وألعب في قفايا وألعب في راسي. فاهم الفكرة؟ [ضحك] هيلبسوني قميص أبيض بالمشالب. [ضحك] بس هو فعلاً الكلام ده له أساس علمي. يمكن المرة الجاية أجيب لكم المراجع اللي بتقول هذا الكلام إن شاء الله يعني. يبقى ألعب رياضة عشان تزود الدورة الدموية للمخ. امشي. ونمرة اتنين لو سمحت اعمل الحركات اللي أنا قلت لك عليها دي هتساعدك جدا جدا في الانتباه والتركيز. حركة رجليك مع المخيخ اللي قلتها له اللي هو فتح الرجلين والحركات بتاعة الرجلين. تدليك الودان بالراحة. حركة اللسان. ثم حركة الرقبة من فوق لتحت.

هقول واحدة كمان عشان الوقت. تحكم في التوتر على قد ما تقدر. ابعد عن التوتر. أشهر أسباب النسيان مش الزهايمر مش الضغط مش السكر مش الكلى مش الأمراض المناعية. التوتر نمرة واحد. نسيان توتر. هات لي بني آدم بينسى. اسأله أنت متوتر؟ يقول لك آه. ليه؟ إنك أنت متوتر. عارف تعمل إيه؟ دماغك بتقعد تفكر تفكر تفكر تفكر تفكر. فانت بتحرق بنزين في حتة مالهاش لازمة. عارف زي واحد عنده عربية وبيدور العربية جوه الجراج. فالبنزين اللي المفروض يستهلكه في المشاوير راح. بقى التانك فضي كله في التدوير. العربية بتدور الموتور على الفاضي. فالمخ عمال يلف يلف يلف يلف يلف الحاجات اللي قلقاك. عاوز رأي. الحاجة اللي بتفكر فيها. الكورتيزول بيعمل كده. بيضعف في الذاكرة جدا جدا جدا. وبالذات قدرتك على استرجاع المعلومات طويلة الأمد. يعني عاوز رأي اللي مضايقك. يا تنساه يا تواجهه وتحله. يا تسلمه لربنا. يا أما ترميه ورا ضهرك. يا أما تشوف له حل. فكر في حل. أو تقول هحله بكرة بعد بكرة. عندك تليفون عندك مشوار عندك فلوس عندك دين عندك مشوار عندك مهمة. امسك ورق. أقول هعمل واحد اتنين تلاتة عشان مخك يرسى لحل. لكن طول ما أنت قاعد عشان كده أحياناً تبص لا واحدة تقعد تتكلم وبعدين تقول له فلان يا فلان. يقول لك أنت فين؟ يقول لك معلش أنا آسف كنت سرحان. سرحان في إيه؟ في القلق اللي أنا كنت فيه. فكل ما تبقى متوتر كل أما التوتر ده يخليك ما تعرفش تركز في المعلومات المهمة اللي مطلوبة منك.

النمرة اللي بعد كده تواصل اجتماعياً. لقوا إن الناس اللي عندها نظام دعم من الناس. الكلام ده اتعمل من أول 2007 دراسات. اللي بيعيش حياة اجتماعية نشطة يعاني أقل من مشاكل تدهور الذاكرة. بالذات لما بقى ليك واحد صاحبك تتكلم معاه. عشان كده الناس الكبار في السن دول بيعجزوا ليه؟ ما فيش حد بيتكلم معاهم. لو ليك أب أو أم أو حد قريب أو حد صديق وعايش لوحده. جرب كده كلمه في التليفون هتلاقيه ناسي. لأنه مش بيمارس معلوماته. عشان كده حلو جدا بفرح قوي لما ألاقي ابنه أو ابن بيكلم باباه كبير في السن. هو اتجوز وبعد بس كل يوم بيكلمه بالليل. أزيك يا بابا؟ احكي لي أخبار الدنيا وأخبار البلد. يقعد ينشط ذاكرته. وكنت بشوف جدودي في البيت زمان لما يقعدوا يتناقشوا مع بعض. فما بيعجزوش. جدي يتكلم مع جدتي أو أبويا يتكلم مع أمي أو حبايبي يتكلم مع حبايبي. ما بيعجزوش. لأن بيمارسوا المعلومات ويجيب من القديم ويحط في الجديد. فالمعلومات بتتجدد باستمرار.

كالعادة الوقت سرقني يا جماعة. وكالعادة محتاجين ناخد فاصل. ومحتاجين نسمع الأسئلة. المرة اللي فاتت ما كانش عندنا فرصة نسمع الأسئلة. فانا هكتفي بالقدر ده. وإن شاء الله المرة الجاية هكمل الموضوع. المرة الجاية إن شاء الله بعد إذن طبعاً المخرجين الأفاضل هنكمل بقية الحلقة. وممكن لو سمحتوا لنا نعمل زي استعراض للحلقات بتاعة السنة الماضية لو نقدر يعني نعمل كده يبقى ممتاز. يعني لو نقدر يعني.

نكتفي بهذا القدر لهذا اليوم. أرجو أكون أنا فدتكم في حلقة النهاردة بتاع تنشيط الذاكرة الجزء الثاني. فاصل صغير هنطلع فيه نسمع ترنيمة لطيفة. ثم نعود لاستقبال أسئلة حضراتكم. ابقوا معنا. أوعوا تروحوا في أي حتة.