سفاح التجمع في مصر .. اقوى جريمة في 2024

جاهزين؟ يلا نبلش. تتوقعون البيئة والأهل والظروف اللي مر فيها البني آدم، أو سوء معامل الأهل، ممكن هالاشياء تخلي البني آدم يصير مجرم؟

إحنا ما ننكر إن الظروف والبيئة والحياة اللي يعيشها البني آدم لها إيد بالموضوع، لكن بعد ما الواحد يكبر ويصير عنده عقل وفاهم، هني أتوقع ممكن إنه يراجع نفسه، ممكن إنه يفكر، ممكن إنه يستخدم مخه. فيصير هني من الصعب إننا نقط اللوم كله على الظروف، أو إننا نقط اللوم كله على التربية أو على سوء المعاملة. ياما ناس انولدوا ببيئة معفنة وطلعوا منها أبطال، اطلعوا منها مثقفين، اطلعوا منها فاهمين. يعني ما أدري، أنا أحس إن الوضع صعب. بس إنتوا ايش رايكم؟

لكن قبل لا تقولوا لي رأيكم، أول شيء لنشرب قليلاً من الماء المنعش عشان نقدر نتفاهم ويا بعض. الحمد لله، يسرسح. ونبلش.

السلام عليكم ورحمة الله وبركاته. قصتنا اللي بقولها لكم اليوم وايد أطلبوها مني، وأتوقع هي ترند هالايام. فبدون أطول عليكم بالمقدمة، تعالوا معي الحين خلينا نشوف ايش صار بقصتنا.

قصتنا صارت بسنة 2024. وين صارت يا فارس؟ صارت بجمهورية مصر العربية الحبيبة. بسنة 1986 كان في واحد اسمه سليم، مصري الجنسية. طلع من جمهورية مصر وانتقل للولايات المتحدة الأمريكية. راح عاش هناك، هاجر، سافر هو وزوجته علشان يعيشون هناك. وبسنة 1987 زوجته جابت له ولد وسموه كريم. وبعدها بكم سنة جابت له ولد ثاني والولد الثاني سموه نيبال. فكريم وأخوه نيبال، لأنهم انولدوا بأمريكا، حصلوا على الجنسية الأمريكية وعاشوا هناك بأمريكا كم سنة. حلو الكلام؟ حلو الكلام.

بعد ما سليم وزوجته جابوا كريم ونيبال، بعدها بكم سنة انفصلوا عن بعض. فسليمان، أبو كريم ونيبال، رجعت مصر وتزوجت هناك وخذت معاها عيالها الاثنين، اللي هم منو؟ اللي هم كريم ونيبال. وبعد كم سنة من رجعت كريم مصر، قرر إنه يرجع أمريكا علشان يكمل دراسته. وهم لحق أخوه نيبال. رجعوا هم الاثنين أمريكا. لكن أول ما رجع كريم أمريكا على أساس إنه يعني يكمل دراسته هناك، طاح بتعاطي المخدرات، وخصوصاً مادة الشبو. الشبو اللي ذابحها الشباب هالايام.

وب يوم من الأيام وهو هناك بأمريكا، استدرج بنت واغتصبها. وهالبنت قدمت شكوى بمركز الشرطة. قدمت على كريم شكوى هناك عندهم بمركز الشرطة. لكن على ما دوروا كريم واستدعوه علشان يحققون معاه، كريم انحاش من الولايات المتحدة الأمريكية ورجع مصر مرة ثانية. رجع هناك مصر وعاش مع والدته. قال بقعد عندها لغاية ما ألاقي لي على شغل. وبعد كم سنة أخيراً كريم لقى له وظيفة واشتغل كمعلم للغة الإنجليزية بمدرسة ثنائية اللغة، مدرسة خاصة. بأول أيام بالبداية كان ملتزم بشغله، حاب مهنته، وكان شخص ماشي سيدة من الدوام للبيت، من البيت للدوام. على قولتهم كان يؤدي وظيفته على أكمل وجه.

وهناك بهالمسلسل، لبنى، هي بالأصل مصرية بس عندها جنسية إيرلندية. تعرفوا على بعض، حبوا بعض، وقرروا إنهم يتزوجون. حلو الكلام؟ طبعاً حلو الكلام. وفعلاً تم الزواج تقريباً بسنة 2012. لبنى وكريم تزوجوا ولبنى كانت طايرة بكريم، مستانسة. كانت تقول: "أخيرًا ربي عوضني بإنسان زين". وبعد فترة قصيرة من زواجهم جابت له ولد وسموه زين. وكانت الأمور بينهم طيبة. فارس لما يقول لكم كانت الأمور طيبة، انتظر المصيبة، انطر شنو جايك.

بعد ما جابت ولدها زين، هني كريم تغير حاله، صار سيء بمعاملته معاها. تغير عليها كلها. يتخانقون مع بعض دائماً، بينهم مشاكل. وبالبداية لبنى ما كانت عارفة السبب وعارفة ليش كريم تغير. لغاية ما اكتشفت بيوم من الأيام إن كريم قاعد يتعاطى المخدرات. معناته كريم رجع حق عادته القديمة. ويقولون حليمة رجعت لعادتها القديمة. هذا كريم رجع حق عادته القديمة، رجع يتعاطى المخدرات. حياتك زينة، مدرس، عندك مرأة إيرلندية، ايش تبي بعد؟ صدق ريل ما يترس عينكم إلا التراب. حتى التراب ما يترس عينكم. كلهم على الصبح. خل أكمل، خل أكمل. ممكن يعني خلاص اهدوا، إنتوا أحسن ناس.

وهم اكتشفت بيوم من الأيام، أول ما دخلت غرفتها، اكتشفت إن كريم حاط لها كاميرا بالغرفة. حاط كاميرا بغرفتها. استديو بهوليوود؟ ليش حاط كاميرا بالغرفة؟ حمار أنت. والكاميرا كانت موجهة على السرير. أتوقع عرفتوا ليش. وبعد ما شافت الكاميرا راحت وتخانقت مع كريم. وهني عرفت إن كريم كان يصور كل شيء يصير بينهم بغرفة النوم. ما يحتاج أفسر ولا أقول لكم شيء. أتوقع عرفتوا. المسكينة حاولت إنها تعدل الوضع، حاولت إنها تتقبل وقالت بعطيه فرصة وأنسى اللي سواه. لكن كريم يوم عن يوم يصير أسوأ. لغاية ما وصل فينا بسبه المخدرات واللي قاعد يتعاطى، انفصل من شغله. انفصل من شغله بسبه تعاطيه المخدرات. خرب حياته كلها. وهم المرة صبرت، قالت زوجي وبوقف معاه.

كريم عنده خبرة بالتاتو، فقالت: "راح أساعده". ففتح محل تاتو، يسوي تاتو حق الناس. فوافق كريم، قال لها: "أوكي، راح نفتح محل تاتو بدال ما أشتغل مدرس". وكان شغله الزين. وراح وفتح محل تاتو. وطبعاً بعد كم شهر فشل المشروع وسكر المحل. يعني ما فلح لا بالتعليم ولا بالتاتو. هني زادت الخلافات بينهم، صارت المشاكل بينهم أكثر. فقررت لبنى إنها تدخل أصدقاء كريم بالموضوع. كان عنده أصدقاء اثنين وايد قراب منه، الانتيم ماله. كانوا دائماً يمه ويقعدون عنده بالبيت. ولبنى تعتبرهم مثل إخوانها. فاتصلت بواحد فيهم وقالت له الموضوع، قالت له كل اللي صار معاها. فراح وكلم كريم. لكن كريم قال له: "إنت مالك شغل، اطلع من الموضوع، لا تتدخل". وهني زاد الخلاف أكثر وأكثر بين لبنى وكريم.

هني لبنى زهقت، ما تحملت خلاص. صبرت عليه وايد. فراحت وطلبت الطلاق من كريم. وع بالكم كريم طلقها؟ قال خلاص هالبنت هذه أنا عذبتها وعيته وايد، خلاص أهدها. لا يا حبيبي، كريم ما سوى كذي. كريم راح النيابة العامة ورفع على لبنى قضية زنا. قال إن لبنى قاعدة تخونه وفي علاقة غير شرعية بينها وبين واحد. واستخدم المقاطع اللي هو مصورها لها بغرفة النوم. لما حط لها الكاميرا بغرفتهم، أخذ بعض المقاطع وركبهم وداهم معه النيابة علشان يتهمها بالزنا. هني لبنى خافت فقررت إنها تنحاش. وطبعاً تاخذ معاها ولدها زين.

لكن كريم هم ايش سوى؟ خلى أبوه يتدخل بالموضوع. خلى أبوه يكلم لبنى ويقول له إن كريم يبي يشوف ولده زين. وثاني يوم راح راجع لك الموضوع عندي. فهني لبنى وافقت. ورجل كبير جاي مكلمني ووعدني إن يرجع الولد. فاعطت زين. لكن كريم أخذ زين منها وما رجعه مرة ثانية. خلاه عنده. وبنت انحاشت ما تبي النيابة تصيدونها. وحاولت أكثر من مرة تتواصل مع كريم وتقول له رجع الولد. لكن كريم كان يرفض. فتواصلت مع والد كريم. لكن والد كريم قال لها إن كريم هو اللي ماخذه، أنا ما لي شغل، وهو المفروض يرجعه. وكريم أصلاً ما يسمع كلامي ومو راضي يرجع الولد. خلاص تصرفي أنت وياه. فالمراة ما تدري ايش تسوي. متهمة بالزنا ومنحاشة وما تبي تدخل السجن. فاضطرت إنها تظل مختفية لغاية ما تخلص من القضية. القضية اللي رفعها كريم ضدها. قالت خل أظل من خاشة بدال لا أقعد بالسجن لغاية ما يطلع الحكم.

وأخيراً بعد كم سنة طلع حكم المحكمة والحكم كان براءة لبنى. لبنى بريئة من قضية الزنا والقضية طلعت باطلة. وفي سنة 2019 أخيراً انفصلت عن كريم. هني لبنى بعد ما طلعت براءتها قررت إنها ترفع قضية على كريم. قررت إنها ترفع دعوى حضانة علشان تاخذ ولدها. وكريم لما عرف بهالسالفة دز لهاش خاص علشان يقتلونها. ما أدري وين قاعدين؟ في أمريكا هذا؟ لكن لبنى قدرت إنها تنحاش منهم. وقررت إنها تسجل محضر بقسم الشرطة وغيرت سكنها وسكنت بمنطقة آمنة. وظلت قاعدة بهالمنطقة لغاية ما لاعت جبدها. يعني خلاص أنا كنت منحاشة من الشرطة والحين منحاشة من كريم. ش هالعيشة هذه؟ فقررت إنها تروح عند والدتها بأيرلندا. وخلت ولدها زين عند كريم لغاية ما يطلع حكم المحكمة بقضيتها قضية الحضانه.

هني بهالوقت زين صار عمره سبع سنوات. يعني زين كبر. وكريم قاعد بينه وبين نفسه قال: "لمتى وأنا كذي؟ لمتى وأنا آخذ مصروف من أمي؟ وإذا احتجت فلوس أكثر قاعد آخذ من أبوي. لمتى أنا كذي؟" فقرر إنه يفتح له صفحة على التيك توك وقدم فيها دروس بالانجليزي. يفتح بثوث يعطي دروس بالانجليزي. وبحكم إنه كان مدرس انجليزي يعني قال: "خلي أفتح لي صفحة على التيك توك وأعلم الناس". وفعلاً كان ينزل دروس بالانجليزي على صفحته ويفتح بثوث يعلم فيها الناس. وهم كان يسوي كذي فقرات كوميدية ويعطي نصائح. هذا أنا؟ هذا بس أنا ما أدرس انجليزي؟ لا أعمالي شغل. واستمر على هالحال لغاية ما وصلت صفحته لأكثر من نص مليون متابع. هني بعد ما وصل هالرقم قام يجيله دخل من التيك توك وصار يعني تقريباً مشهور. تقريباً فوق الـ 600 ألف متابع. يعني تقريباً صار مشهور. وكل هذا من ورا المحتوى اللي كان يقدمه.

فبعد ما جمع له مبلغ كذي حلو، بهالفترة كان هو بالاسكندرية. طلع من الاسكندرية وقرر إنه يتوجه للتجمع الخامس بالقاهرة. وهناك خذ له شقة وصمم له فيها غرفة حق محتواه، حق البوستات اللي هو نزلها وبثوث. ففعلاً خذ الشقة وصمم على مزاجه وسوى بالشقة غرفة فيها عازل صوت. يعني أي شيء يصير داخل هالغرفة مستحيل أي أحد برا يسمعه. وفعلاً بعد ما خلص وجهز شقته راح وسكن فيها هو وولده زين. وقال حق ولده زين، واللي بهالوقت صار عمره عشر سنوات، قال له: "زين حبيبي تعال بقول لك شيء. ترى أمك توفت. أي أمك توفت. وخلاص أنت بتعيش معي وما عندك غيري، ولا أنا عندي غيرك. اوكي؟" يبا؟ قال الولد: "أوكي". شو يقول بعد؟ ياهل عمره عشر سنوات.

فقعد بشقته الجديدة وحياته كانت طبيعية. ولما شاف إن عدد المتابعين عنده بدأ يزيد، قرر إنه يختار له طريق ثاني. شنو الطريق الثاني يا فارس؟ أنا الحين أقول لكم. أوسخ طريق ممكن للإنسان ياخذه. قرر إنه يستدرج البنات مه للشقة وهناك بشقته يمارس معاهم الجنس. بالبداية كانت هذه هي طريقته. يجي البنت، ياخذ منها اللي يبيه ويتركها. في وايد بنات الله يهديهم من يشوفون شخص مشهور، ينعجبون فيه ويصدقونه. وبسرعة يروحون معاه على أساس إنه مشهور وطيب وزين. وهو يطلع أسوأ شخص بالعالم. فهو استغل هالموضوع هذا. بالبداية استدرج أكثر من بنت وسوى معاهم هالشيء. بعدها حط كاميرا بغرفة النوم وبدأ يصورهم. كان يصورهم مو علشان يبتزهم أو علشان ياخذ منهم فلوس. لا لا، كريم هذا كان عنده حساب على الدارك ويب، اللي هو الإنترنت المظلم. اللي فيه مواقع تشوفون فيها القتل والسلاح والمخدرات وأشياء ما تنقال. وهو كان عنده حساب بالدارك ويب. فكان ينشر هالصور والمقاطع اللي يصورهم حق هالبنات في الإنترنت المظلم أو الدارك ويب وياخذ من وراهم فلوس.

بعد فترة مل من هالوضع. حب إنه يتطور. البني آدم ما يصير يضل كذي على حاله، لازم يتطور من نفسه. هالمرة هذه قام يستدرج البنات ويخليهم يتعاطون المخدرات. بعدها يمارس معاهم الجنس بطريقة شاذة وسادية. بطريقة وهم. وبعد فترة مل من هالموضوع وحب يطور أكثر. ما يصير كل مرة أسوي نفس الشيء، لازم أغير شوي. صدق حمار. هالمرة قرر إنه ياخذ طريق ثاني. بنص سنة 2023 تعرف كريم على مرة عمرها باواخر الأربعينات. وه المرة هذه اسمها حنان. وحنان هذه كانت من هذ اللي يبون بنات حق الرياييل وتاخذ فلوس. ماني قايل الاسم، أتوقع تعرفونه. هذه اللي تجيب بنات حق الرياييل وتقبض. أتوقع وصلت. حنان هذه كانت شغلتها. فقال لها كريم: "إنت كل ما تجيبين لي بنت راح أعطيك فلوس بس على شرط إنه تكون البنت صغيرة وضعيفة ويفضل ما يكون عندها أهل". كان هدفها من ه الطلبات إنه ما يطيح بأي مشكلة. فبدأت حنان تجيب له البنات على الطلب نفس ما هو يبي. تجيب له لغاية ما بيوم من الأيام قررت حنان إنها تجيب له بنتها شهد. حنان هذه كان عندها بنت اسمها شهد. جابتها حق كريم وقالت حق كريم: "لا تؤذيها، خلص شغلك معاها، سوي اللي تبيه، وبعدها رجع لي اياها صاحية". ونعم الأم أنت. أي أم. تبين وفعلاً كريم وفى بوعده، رجع لها البنت سليمة.

لكن صارت لهم مشكلة بيوم من الأيام. شهد أحملت وبطنها كبر. فاخذتها حنان والدتها وطيح الجنين. وهالكلام هذا كان بشهر نوفمبر سنة 2023. حلو الكلام؟ حلو الكلام. فبما خلصوا من هالمشكلة، رجعت حنان حق كريم مرة ثانية وقالت له: "تعال كريم، لقيت لك بنت عمرها بنهاية العشرينات والبنت حلوة". فعلى طول وافق كريم واعطاها الفلوس وجت البنت لبيت كريم. وقبل لا توصل البنت، كريم عطى زين ولده منوم وخلّاه ينام. وبعدها جاب المخدرات وحطهم بالصالة وبدأ يتعاطى لغاية ما وصلت البنت. وخلاها تتعاطى معاه. هني البنت بدأت تدوخ، بدأت تغيب عن الوعي. فهم جابوا دوا مخدر وعطاها المخدر يبيها تنتهي. بعدها خذاها معه للغرفة، لغرفة النوم. وهناك مارس معها الجنس وطق، ضربها. وبعدها جاب حزام وحطه على رقبتها وخنقها لغاية ما ماتت.

عبالكم خلص الحيوان؟ صح؟ لا ما خلص. صدقوني ما خلص. بعد ما ماتت البنت رجع ومارس معها الجنس مرة ثانية وهي ميتة. التبن. بعدها ترك سائل المنوي على وجهها وحط كيس على وجهها وسكره. بتقولوا لي: "فارس ليش هال التفصيلة؟" راح أقول لكم: "نطر، راح تعرفون بعدين لقدام". بعد ما ماتت البنت وخلص شغله، نطر كم ساعة لين صحصح. فخذ جثتها وحطها بشنطة. بعدها حطها بسيارته وخذاها لطريق الاسماعيلية الصحراوي. وهناك رمى جثتها ورجع مرة ثانية شقته ولا كأن في شيء صاير، ولا كأن مرتكب جريمة قتل. رجع شقته، فتح اللاب توب ونزل المقاطع اللي صورها حق هالبنت بالدارك ويب أو الإنترنت المظلم.

بعد يوم تقريباً من هالجريمة، تم العثور على جثة البنت ودوها للطب الشرعي. وكانت كل العلامات اللي على الجثه تدل إنها تعرضت لاغتصاب جماعي. إن في أكثر من شخص اغتصبها. لأنه مستحيل شخص واحد بس سوى فيها كل هالاشياء. وهم أثبت الطب الشرعي إن في بجسمها مواد مخدرة. وهم لقوا مادة ثانية تزيد تفاعل المواد المخدرة بجسمها. فتم التحفظ على ه التقرير لغاية ما تصير أي مستجدات به القضية.

وبداية شهر أبريل سنة 2024 تعرف كريم على بنت عن طريق حنان اللي تجيب للبنات. وسوى فيها نفس ما سوى بالضحية الأولى. لكن هالمرة خذ جثتها لتجمع الأول وهناك قط جثتها بالطريق ورجع مرة ثانية شقتها ونشر مقاطعها. طبعاً على الدارك ويب. كانت جثة الضحية الأولى وجثة الضحية الثانية تقريباً متشابهين. متشابهين بشنو يا فارس؟ متشابهين بأشكالهم؟ لا طبعاً. متشابهين بطريقة القتل وطريقة التعذيب ونفس المواد المخدرة بأجسامهم. لكن الشرطة ما ربطوا القضيتين ببعض لأنه كان في فترة زمنية بينهم. لحين ما استوعبوا إن نفس القاتل.

وبعد شهر من ارتكاب كريم جريمة الثانية، راح واتصل بحنان وقال لها: "أبي بعد بنت". فقالت له حنان: "أوكي، أنا عندي لك خوش بنت". وجابت له واحدة اسمها رحمه. ورحمه هذه طالبة جامعية. وهي صديقة شهد بنت حنان. ووالدة رحمه صديقة حنان بعد. يعني الأمهات أصدقاء والبنات هم أصدقاء يعرفون بعض. فقعدت معاها وقالت لها: "في شخص مشهور راح يقعد معاك ويعطيك الفلوس اللي إنت تبينها. سوي له اللي يبي وهو بيعطيك الفلوس اللي إنت تطلبينها". فوافقت رحمه إنها تروح له. فاتصلت حنان بكريم وعطتها رقم رحمه علشان يكلمه. وفعلاً تواصل معاها كريم. كريم تواصل مع رحمه واتفقوا إنهم يلتقون.

وبشهر 5، شهر مايو سنة 2024، راح كريم مثل كل مرة، كالعادة. واعطى زين منوم. والله مسكين هالزين هذا. والله كاسر خاطري. الله يعينك على أبوك. الله يفكك منه. أصلاً راح كريم واعطى زين منوم. وصت رحمه. وقعد وهو يتعاطى المخدرات. وأقنعها إنها تتعاطى معاه. هني خلاص رحمه بدأت تدوخ. فراح جاب المادة المخدرة واعطاها حق رحمه لغاية ما أغمى عليها. خلاص راحت. فشال وأداها للغرفة وهناك مارس مها الجنس وعذبها وطق. وبعدها جاب سلاسل قام يربطها بالسلاسل ويطق. وكالعادة بالنهاية خنقها لغاية ما ماتت. وبعدها مارس الجنس معاها مرة ثانية. ومثل ما سوى باللي قبلها، حط جثتها بشنطة ووداها لطريق محور 30 يونيو اللي موجود بجنوب بورسعيد. هناك نزل جثة من السيارة وعلى طول انحاش. لكن هالمرة ملابسه كان فيها دم. اللي هو رايح فيها عشان يقط الجثة ويتخلص منها. كان فيها دم. فبعد كيلومتر من مكان الجثة قرر إنه يوقف هناك. غير ملابسه. قط الملابس اللي فيها دم وكمل طريقه.

وثاني يوم من جريمته، كان في سيارة مارّة بهالطريق وانتبه سايق السيارة إن في جنطة. في جنطة بالشارع. فوقف الرجال ونزل من سيارته. وأول ما وصل عند الجنطة شم ريحة خايسة. وأول ما فتحها انصدم بجثة بنت. فعلى طول مسك التلفون واتصل بالشرطة. وأول ما وصلوا ورجع رجال الشرطة والأدلة الجنائية، انصدموا بحالة الجثة. كان فيها جروح وآثار تعذيب. والراس مغطى بكيس بلاستيك. ولما شالوا عنها كيس البلاستيك لقوا السائل المنوي مال كريم. فخذوا بصماتها وصوروا موقع الحادث. وبعد ما خذوا بصماتها تعرفوا عليها. هني طلبوا الطب الشرعي علشان يكملون فحص الجثة. طبعاً وكل هذا كان قاعد يصير.

وهم رحمه طول الوقت كانت قاعدة تدور على بنتها. فاتصلت بحنان وقالت لها: "بنتي للحين ما رجعت من أمس طالعة". فعلى طول حنان اتصلت بكريم وقالت له: "وين البنت؟" فقال لها كريم: "أنا أمس كنت متعاطي وما أتذكر شو اللي صار. جاية تسأليني على البنت؟ ما أدري وينها". هني بهالوقت الأدلة الجنائية وهم كانوا قاعدين يدورون يدورون بالجنطة اللي فيها جثة رحمه. لقوا تلفونها. مها كريم نسى ياخذ التلفون منها. ظار كان متعاطي وضعه ما كان طبيعي، ما كان يفكر. فنسى ياخذ منها التلفون. وكنا رب العالمين يبي يكشفه. فودوا تلفون رحمه ليل المختبر وفحصوه. فتبين إن في أكثر من اتصال بينها وبين كريم. فعلى طول كريم صار مشتبه فيه.

وبعد ما دوروا رجال مباحث أكثر، دوروا حوالين موقع الجثة. وهناك لقوا ملابس كريم اللي فيها دم اللي غيرهم. وبعد ما شافوا كاميرات المراقبة شافوا سيارة كريم مارّة بهالشارع. فعلى طول الشرطة قالوا: "خلاص كل شيء يدل على كريم". فعلى طول راحت فرقة أمنية لشقة كريم وداهم الشقة. وتم إلقاء القبض عليه. فعلى طول صادروا تليفوناته. والأخ كان عنده أكثر من تلفون. وهم خذوا اللاب توب ماله. وبعد تفتيش شقته لقوا عنده مواد مخدرة. ولقوا عنده تلفونات مو تليفوناته غير تلفونات اللي عنده. لقوا تلفونات ثانية ما يدرون منو أصحابها. فعلى طول ركبوا البوكس وودوا النيابة. هناك لما دوروا بتلفون كريم لقوا عنده مقاطع فيديو حق بنات قبل لا يرتكب فيهم الجرائم. وبعد ارتكابه للجرائم. ولقوا عنده أكثر من 80 مقطع. من ضمنهم مقاطع جنسية وهو مع بنات ومقاطع سادية ومقاطع أثناء ارتكاب الجرائم. ولما واجهوه بصور رحمه على طول اعترف إنه هو اللي قتلها.

هني طلع تقرير الطب الشرعي إن تشخيص جثة رحمه وكل شيء لقوه عليها، كيس البلاستيك، السائل المنوي، كل شيء لقوه. تقرير جثة رحمه كان مطابق حق جثة لقوها من قبل، جثة قديمة. فحققوا مع كريم مرة ثانية وأسالوه عن الجثة الثانية. فقال لهم إن الشهر اللي طاف هم كان مرتكب جريمة. وهم كان مرتكب جريمة السنة اللي طافت. يعني صاروا ثلاث جرائم. وفعلاً لما رجعت النيابة حق سجلات الجرائم اللي صارت بالسنة اللي طافت بسنة 2023 وطلعوا تقرير الطب الشرعي لقوا إن تقرير الطب الشرعي حق الثلاث ضحايا متطابق 100%. فاعترف أخيراً إنه هو ارتكب الثلاث جرائم. ويمكن يكون في ضحايا وهو مو متذكر.

هني طلب منه وكيل النيابة إنه يمثل الجرائم اللي سواهم. فراحوا لشقته بالتجمع الخامس. وأثناء تمثيل الجريمة قدر إنه ينحاش منهم. أصج حيوان هذا. مرتكب ثلاث جرائم وتنحاش بعد. خبل أنت. لكن بعد أربع ساعات تم إلقاء القبض عليه ولقوه بمدينة عين شمس. فأمر وكيل النيابة بحبسه 15 يوم على ذمة التحقيق. بهالفترة كانوا قاعدين يحققون معه. ولما سألوه: "إنت شلون قدرت تجيب هالبنات لبيتك؟" قال: "كنت أستدرج عن طريق حسابي بالتيك توك". وهم سألوه: "ليش ارتكبت هالجرائم؟" فقال: "أنا أبي أنتقم من كل الحريم بسبه اللي سوته فيني. طريقتي أنا بنتقم من البنات أو الحريم بسبه. هذه سبت طريقتي ليش تسوي فيني كذي؟" حمار أنت.

فهني سأله وكيل النيابة قاله: "إنت شلون قدرت تقتل البنات تمارس معاهم الجنس بعد ما يموتون؟ شلون لك نفس؟" فقال: "أنا كنت أطالع الأفلام الإباحية وكنت أحب أشوف الأفلام السادية. كنت أستمتع فيهم. فقمت أطبق هالشيء على البنات. وأنا أحب أسمع صراخهم وأحب أشوفهم يتألمون". نشوفك إن شاء الله تتألم بنار جهنم. وبعد ما دوروا بتلفونه أكثر وبلابل عنده تم اكتشاف إنه كان ينشر هالاشياء على الدارك ويب. وبعد كم يوم من التحقيق معه اعترف إنه عنده شريكه. وهالشريكه جابت له بنتها. وإنه اسمها حنان. إن الضحية الأخيرة اللي هي رحمه كانت عن طريق حنان. فعلى طول النيابة وصلت حق حنان وتم التحقيق معاها. واعترفت إنها جابت له بالبداية بنتها شهد وملت منه وتم إجهاض هذا الجنين. وبعدها قامت تجيب له بنات ثانيين. لكن ما كانت تدري إنه بيقتلهم. ولما لاحظت إن رحمه اختفت اتصلت فيه وسألت عنها. لكن هو قال لها إنه أنا متعاطي وما أتذكر. وقعد طول الوقت يقول بالنيابة إن طريقته هي سبب كل جرائمه. هي السبب فيهم. وهي اللي سوته سفاح. وإنه كان يمارس الجنس مع الضحايا بعد موتهم لأنه يبي ينتقم منها. راح قط البلاوي كله على طريقته. وقال إنه بسببها صار مريض نفسي. واتضح إنه يعاني من اضطراب جنسي وإنه شخص سايكوباثي.

إن في احتمال إنه يكون في بعد ضحية رابعة، ضحية أو بنت مقتولة. لحين ما أحد قدر يتوصل لها. لكن قدروا يوصلون حق بنت تعتبر ضحية ناجية. ضحية قدرت تنحاش منه. وهالبنت اسمها هايدي. قعدت معاه تقريباً ثمان ساعات. لكن صار لها شيء وطلعت من عنده. فطلب منها إنها تزوره مرة ثانية. لكن هايدي ما رجعت. وبعد ما انتشرت الأخبار والكل قام يسولف عن سفاح التجمع. قالت لها صديقتها إن في سفاح يقتل بنات بالتجمع الخامس. وقالت له هذه صورته. شوفي هذا سفاح منتشره أخباره. وأول ما هايدي شافت الصورة انصدمت. قالت: "هذا اللي أنا رحت له؟ هذا أنا لو رحت له مرة ثانية كان صرت الضحية الرابعة". ما تدرين يمكن إنت الأولى. ديروا بالكم. ديروا بالكم يا جماعة. لا تنبهروا بالناس. لا تقولون هذا مشهور، هذا معروف. تعطونه أكبر من حجمه. تنبهروا فيهم. ترى الكلام اللي يقولونه بالسوشيال ميديا مدته دقيقة أو دقيقتين. لكن في 24 ساعة عايشها بيومه. إنت ما تدري ايش قاعد يسوي. لا تثقون بأي أحد. مليون مرة قلنا في بعض المشاهير يستغلون شهرتهم بأشياء غير أخلاقية، بأشياء تلوع الكبد. يعني المشاهير حالهم حال البشر. في الزين وفي الشيء. في الضابط وفي المجرم. في الدكتور وفي المريض النفسي. فإنتوا لا تنبهروا بهالصيف من المتابعين والشخصية اللي من ورا الكاميرا. كني قاعد أخرب على نفسي؟ لا لا. حتى لو أنا ما أحد فينا معصوم عن الغلط. وما أحد فينا يفتح الكاميرا ويطلع بشخصيته 100%. حطوا هذه ببالكم. لا تغركم المظاهر ولا تنبهروا بالشهره. ترى ما حالهم حالكم. أي يفرق عنكم؟ يعني لا والله إنتوا أحسن منهم مليون مرة. فكل اللي أبي منكم ديروا بالكم على نفسكم. ولا تقطون روحكم بأي مكان. ترى إنتوا وايد غالين. والله العظيم وايد غالين.

زين يبا زين. للأسف أنا ما كان ودي أتكلم بقضية كريم لأن للحين الموضوع ما اكتمل. بالعاده ما أتكلم عن القصة إلا لمن يطلع حكم المحكمة. بس شو أسوي فيكم؟ إنتوا تبوني أتكلم. فرح نبنا مصادر من مصر علشان نعطيكم هالقصه اللي مختلفة عن أغلب الناس اللي قالوها بالسوشيال ميديا. وايد ناس قالوها. لكن أنا متأكد إن المعلومات اللي قلتها لكم أول مرة تسمعونها. أو بعضها أول مرة تسمعونها. اضطريت إني أقولها لكم. ما يخالف. القضية مو كاملة. إحنا عارفين الحكم شنو بيكون. لكن إن شاء الله إذا طلعت القصة كاملة مع الحكم من يطلع الحكم ويتنفس. إن شاء الله راح أقولها لكم وتكون كاملة بالقناة. بس الحين قلتها لكم علشان أرضيكم. علشان تفكون من حنة. أحلى حنة بالدنيا. أحبكم. ثواني. لنشرب قليلاً من الماء المنعش. يلا عاد فارس فكنا.

لهنا وصلنا حق نهاية قصتنا. أتمنى إني قدمتها لكم بطريقة أعجبتكم. إذا كنت أول مرة تشوفني لا تنس اشتراك بالقناة. إذا كنتم متابعين حبايبي القدم لا تنسون اللايك وفعلوا جرس التنبيهات عشان يوصل لكم كل شي أول بأول. وبالنهاية أقول لكم أحبكم وايد وايد وايد. يعطيكم الصحة والعافية. كان معكم أخوكم فارس عاشور. مع السلامة. أعطوني لمه لمه لمه بالماء المنعش. يلا سريعة.