Transcription
بسم الله والحمد لله والصلاة والسلام على رسول الله.
السنة النبوية دستور عجيب، تسجيل مفصل لحياة النبي صلى الله عليه وسلم. كل قول أو فعل أو أمر أقر فيه أحد الصحابة، فهذا من السنة النبوية. الصحابة رضي الله عنهم كانوا يسجلون كل شيء عن الرسول صلى الله عليه وسلم، لا يفرقون بين عادة وعبادة. أي حاجة عملها يكتبوها لأنهم عارفين أن أكيد فيها خير يأتي بعد كده.
العلماء يقسمون أعمال النبي صلى الله عليه وسلم إلى أمور واجبة، وإلى أمور مستحبة، وإلى أمور جائزة. لكن في النهاية، قصة الحياة بتاعته صلى الله عليه وسلم من أولها إلى آخرها، حرص الصحابة على تسجيلها قدر الإمكان من الأمور اللطيفة جداً في السنة النبوية.
العادات الغذائية عند الرسول صلى الله عليه وسلم، ما كان يأكله وما كان يرفضه. نحن لا نتكلم في الحلقة مثلاً عن الأطعمة التي أمر بأكلها، مثلاً زي طعام الرطب أو التمر عند الإفطار في رمضان، أو مثلاً التداوي بالعسل. لا، نحن لا نتكلم عن حاجة ذكر فيها نص مباشر يأمر أو ينهى، لكن نتكلم على العادات الطبيعية لما كان يجلس يأكل مع الصحابة أو يأكل في بيته أكل عادي هو لم يأمر به، لكن هو يأكله.
هل أكل هذا الطعام الذي كان يأكله النبي صلى الله عليه وسلم سنة نبوية؟ بمعنى أنني ينبغي أن أتبع النبي صلى الله عليه وسلم في أكل هذا الطعام؟ بعض العلماء قالوا: لا، ما هيش سنة على أساس أن دي رغبات بشرية. أنا أحب شيئاً، أخي يحب شيئاً آخر، ممكن يكون يكره نفس الشيء الذي أنا أحبه، مع أننا متربيين في وسط واحد. برضه بعض الناس قالت: والله ده حاجة مرتبطة بالبيئة اللي هو عايش فيها. في طعام متوفر في الجزيرة العربية غير متوفر في مصر أو متوفر في الجزائر أو غيره، فهو يأكل أكل البيئة اللي هو عايشها.
لكن في فريق آخر، وأنا أميل مع الفريق الآخر حقيقة، يقول إن فيه فوائد كبيرة جداً في اتباع نهج النبي صلى الله عليه وسلم في الطعام، حتى وإن كانت الظواهر تقول إن ده عشان هو متوفر في بيئته أو إنه حابه بشكل بشري تلقائي. ليه بنقول الكلام ده؟ أولاً، لأن الرسول صلى الله عليه وسلم لن يأكل خبيثاً. طالما أكله يبقى أكيد طيب، يبقى أكيد فيه خير معين أنت فهمته أو ما فهمتوش، دي قصة ثانية. لكن هو أكيد فيه خير.
النقطة الثانية، أن رغبتي في اتباع أكل النبي صلى الله عليه وسلم دي بتدل على شدة الحب، وشدة الحب دي ليها أجر. أنت تؤجر على هذا الموضوع. [أصوات شخير] والكلام ده برضه مش استنباط، الكلام ده تقليد للصحابة فيما فعلوه في هذا الأمر. يعني مثلاً، أنس بن مالك رأى الرسول صلى الله عليه وسلم يتتبع الدباء (الكوسة) بياكلها، بيدور على الكوسة يأكلها، فأحب ذلك وقال: "فما زلت أحبه". يحب طعام الدباء ليه؟ لأن الرسول أحبه، مع أن هو جايز قبل كده ما كانش بياكل الدباء أو الكوسة اللي هو أنس بن مالك.
برضه جابر بن عبد الله قال نفس الكلام على الخل، لما الرسول عليه السلام مدح الخل وكال قدامه خل، قال: "فما زلت أحبه". ففضل بعد كده يحب الخل لأن الرسول بيحبه. يبقى دي نمرة اثنين، أن دلالة على شدة الحب. ونمرة ثلاثة، أن ممكن تظهر لنا فوائد علمية عظيمة للموضوع، ونقعد بقى نحلل وندرس على مدار الشهور والسنين والعقود المتتالية والقرون، ونكتشف دلوقتي أن اللي كان بيعمله النبي صلى الله عليه وسلم من 14 قرن وأكثر فيه فوائد علمية ما عرفهاش العلماء إلا في زماننا دلوقتي، وقد لا يعلمها العلماء إلا في أزمان لاحقة قادمة.
من هذا القبيل الأخير، اللي هو ظهرت ليه بعض الفوائد العلمية لنا، وممكن تكون فيه فوائد علمية أكبر بكتير جداً لسه ما ظهرتش.
خلطة غريبة كان بيعملها النبي صلى الله عليه وسلم، نحن مش متعودين عليها. يعني معظم المشاهدين جايز ما جربوهاش لأن هي مش مشتهرة كخلطة [أصوات شخير] في وسط الناس، وهي خلطة القثاء بالرطب. يقول البخاري ومسلم، ينقل عن عبد الله بن جعفر بن أبي طالب رضي الله عنهما، قال: "رأيت النبي صلى الله عليه وسلم يأكل الرطب بالقثاء". وبرضه رؤية بالعكس، يعني يأكل القثاء بالرطب.
ده أو ده، إيه هو القثاء اللي موجود في الحديث وإيه هو الرطب؟ أنا جبت لكم هنا معايا قثاء لأن عارف أن كتير من الناس جايز ما يعرفوش القثاء. القثاء ده هو النبات اللي أنا ماسكه في إيدي ده، شبه الخيار، هو من نفس الفصيلة، فصيلة القرعيات كلها، لكن هو مش مشتهر قوي الناس مش بتاكله كتير. وإحنا بنسميه في مصر "القاثة". القاثة، القاثة، أو القاثة دي، وطبعاً ليها أسماء ثانية في بعض البلاد العربية والإسلامية الأخرى. [أصوات شخير] فالنبات ده هو كان بياكله صلى الله عليه وسلم مع الرطب.
والرطب اللي هي التمر اللين اللي هو طازج لسه، أو ساعات إحنا بنجيبه يعني طازج ونشيله في الثلاجات عشان يفضل بحالته اللينة دي. بيبقى غني قوي بالميه عن التمر الناشف. فده الفرق الرطب عن [أصوات شخير] التمر العادي. يبقى دي القثاء وده الرطب، وكان الرسول صلى الله عليه وسلم يأكل ده بده. يعني مثلاً يعمل كده، ياخد مثلا شريحة من ده، شريحة من ده، مثلاً يأكلها، وبعدين بعد أما يأكلها يأكل معاها قطعة من التمر ده. ده ميكس كده مع بعض، يخلطهم لحد ما يخلص إيه الطعام ده. كان بيعمله النبي صلى الله عليه وسلم.
كل واحد من دول لوحده مفيد. يعني طبعاً الفوائد، أنا مش غرض الحلقة مش أن أشرح فايدة كل واحد منهم يعني، لكن بالمناسبة يعني. فالقثاء ده غني جداً بالميه. شايفين أنتم جواه تلاقي جواه فيه محتوى جواه ميه كتير جداً، حوالي 96%، 96% من القثاء ميه. ففي غنى بالميه ده بيعمل ترطيب للبشرة وبيعمل فايدة للأظافر وفايدة للجلد بشكل عام، ويعني ليه فوائد كتيرة جداً صحية على البشرة. بيعالج برضه الإمساك ويعالج الانتفاخ، وهو غني بالبوتاسيوم، وبالتالي بيفيد القلب، وغني بفيتامين كاف، فيتامين ك، بيفيد برضه العظام، وبيحتوي على مضادات للأكسدة. ومضادات الأكسدة دي زي الليونيك أسيد وفيتامين إي، الاثنين دول بيحاربوا مظاهر الشيخوخة، وبالتالي هو بيدافع الجسم ضد مثلاً الأمراض زي الزهايمر والحاجات اللي هي شبه كده يعني. فبيحمي خلايا الدماغ من التلف بشكل لافت جداً. ده بالنسبة للقثاء.
الرطب معروف وفوايده كتيرة جداً جداً. هو مصدر غني جداً جداً للطاقة، فيه سكريات سهلة الامتصاص، وبالتالي بيدي طاقة سريعة للإنسان. وفيه ألياف كتيرة، والألياف طبعاً مفيدة جداً لصحة الجهاز الهضمي. وفيه معادن كتيرة جداً. الرطب فيه بوتاسيوم، فيه حديد كمية كبيرة، فيه مغنيسيوم، وفيه مضادات برضه أكسدة بتقوي المناعة وبتحمي الخلايا من التلف. يبقى ده كل واحد لوحده مفيد جداً.
الجديد في السنة النبوية الخلطة. أنك تخلط ده مع ده. وده برضه على فكرة أمر مشهور قوي في السنة. مش كتير المواقف اللي الرسول صلى الله عليه وسلم كان بيخلط فيها طعام بطعام، لدرجة أن في بعض الناس ظنوا أن ما ينفعش آكل طعامين مع بعض، لأن ده في رأيهم نوع من الترف وقلة في الزهد. لكن لا، الرسول صلى الله عليه وسلم أحياناً كان بياكل طعامين مع بعض، لدرجة أن بعض العلماء أفردوا يعني أبواب في كتب السنة للجمع بين لونين من الطعام. الدليل على أن الرسول الرسول صلى الله عليه وسلم كان يجمع لونين من الطعام، حتى البخاري كان عامل باب اسمه "باب جمع اللونين أو الطعامين". بمرة أن أنت في مرة واحدة تأكل ده وده. وده ما هواش مخالف للزهد حسب توفر الطعام عندك.
طيب، إيه الخلطة بقى؟ الخلطة دي عملت لنا إيه؟ الرائع جداً أن أنا لقيت في دراسة عاملاها مايو كلينيك. مايو كلينيك المشهورة المستشفى الأمريكية الكبيرة، عاملة دراسة على خلطة الخضروات بالسكريات، وقد إيه هي ممكن تفيد. في خضروات زي القتة أو القثاء [أصوات شخير] والسكريات زي الرطب. إزاي لو خلطت ده بده ممكن أحقق فوائد أكبر؟ هم ذاكرين في الدراسة بتاعتهم فايدتين، وأنا أضيف لكم بعض الفوائد الأخرى قرأتها في دراسات أخرى.
الفائدة الأولى، أن [أصوات شخير] السكريات اللي موجودة في الرطب دي مفيدة جداً للجسم، لكن في خطورة لو امتصت، وخاصة على الناس اللي عندهم سكر أو مؤهلين للسكر. فممكن ما يكونش عندك سكر، بس ما قبل السكر. وبالتالي بيقولوا إن لو أنا أكلت السكريات دي، التمر ده بسرعة بيمتص، سهل الامتصاص من الأمعاء وبيدخل على الدم يعمل ارتفاع في مستويات الدم من السكر، وده ممكن يكون ضار بالجسم. لو أكلت معاه خضروات فيها ألياف زي القثاء، يقلل الامتصاص بتاع السكر، فيحافظ على مستويات منخفضة في السكر في الدم، وبالتالي مفيد لمرضى السكر، وفي نفس الوقت يمنع حدوث السكر مبكراً للناس المؤهلة أن يكون عندها سكر. يبقى دي الفائدة رقم واحد اللي موجودة في الدراسة.
الفائدة الثانية، أن قالوا اجتماع ألياف الخضروات مع ألياف التمر بيؤدي، الاثنين فيهم ألياف على فكرة كتير، نسبة، والألياف دي حاجة مفيدة جداً للجهاز الهضمي. فالاثنين فيهم ألياف أو فايبرز. لو اجتمعوا مع بعض بيدوا إحساس بالامتلاء والشبع، وبالتالي بيدي فرصة أنك أنت ما تأكلش كتير في الوجبة القادمة اللي بعده. وده بيؤدي إلى تحسين الوزن. الناس اللي عايزين يقلوا في الوزن أو يحافظوا على وزنهم، المفروض أن هم يعملوا كده. والحفاظ على الوزن أصلاً ده في السنة النبوية، وتقليل الطعام في السنة النبوية. ما فيش سنة بتضرب سنة، كله بيتجانس مع بعضه ويتناسق عشان يدينا في الآخر صورة واحدة.
ديت الأمرين اللي جايين في دراسة مايو كلينيك. في أمور أخرى قرأت برضه، أن الألياف اللي موجودة في التمر والخضروات بتساعد على حركة الأمعاء. في نفس الوقت الميه الكتير اللي موجودة جوه القثاء بتخلي حركة الأمعاء السريعة دي مع وجود الميه تطرد السموم اللي موجودة في الجهاز الهضمي، التوكسنز، فتطردها. فالجسم بيتخلص أسرع من المواد الضارة الموجودة في الطعام اللي دخلت الجهاز الهضمي.
برضه قرأت النقطة الرابعة، أن المحتوى المائي العالي اللي موجود في القثاء بيساعد على امتصاص المعادن الكتيرة الموجودة في الرطب. الرطب زي ما قلنا فيه حديد كتير وفيه مغنيسيوم وفيه بوتاسيوم. امتصاصهم ممكن يكون صعب شوية. لو فيه ميه كتير، يمتص. الميه بتذوب المعادن وبتخلي سهولة دخولها على الدم من الجهاز الهضمي. وبعد كده لما تخش الدم بالميه الكتير، بتخلي فيه سهولة في دخول المعادن إلى الأنسجة وإلى العضلات. وبالتالي وجود الميه الكتير مع التمر اللي فيه معادن كتير بيؤدي إلى سهولة امتصاص المعادن واستخدام المعادن في الجسم.
النقطة الخامسة، قالوا أن خلط الاثنين ببعض بيديني كمية ألياف كبيرة. لما عندي ألياف موجودة في التمر وألياف موجودة في القثاء، حطيتهم مع بعض، عملت كمية ألياف كبيرة. كمية الألياف الكبيرة دي ليها فوائد ضخمة جداً على الجهاز الهضمي. ليها بتقلل مثلاً الإمساك، بتمنع الإمساك، بتعمل تقليل للبواسير لأن هي بتقلل الاحتقان في الأوردة اللي موجودة في المستقيم، بتقلل التهاب الأمعاء اللي بيسموه دايفرتيكولايتس، التهاب الأمعاء، بيقلله، بتقلل حدوث، بتقلل الإصابة بسرطان القولون والمستقيم. الخليط المرتفع ده برضه نافع للبكتيريا النافعة اللي موجودة في الجهاز الهضمي، وبالتالي مفيد لصحة الجهاز الهضمي. بيقلل مستوى الكوليسترول ومستوى الدهون الثلاثية، ودي طبعاً ليها فوايدها الكبيرة على الأوعية الدموية وعلى القلب.
النقطة السادسة، وهي نقطة لطيفة الحقيقة والجميلة، أن القثاء فيها طعم مر شوية. يعني هي مش نفس طعم الخيار، قريبة من طعم الخيار، لكن فيها الطعم مر شوية. فيها مادة كده اسمها "كوكربتاسين". كوكربتاسين دي مادة مرة شوية. لما باكل معاها قثاء، بيكسر المرارة دي، فبيبقى طعم الأكلة كويس، فتقدر تاكل قثاء أكتر شوية من اللي بتاكله في المعتاد الطبيعي لو أكلت معاه قثاء، لأن كسرت المرارة بتاعته.
هديكم حاجة لطيفة. عندنا في مصر بنقول مثال كده، ما عندناش خيار [أصوات شخير] في المسألة دي، خيار ولا فقوس. مثل كده بنقول: "ما عندناش خيار ولا فقوس". دلالة على أن أنا ما بفرقش ما بين حد وحد، أنا باخد الناس كلها بطريقة تعامل واحدة. إيه هو الخيار والفقوس؟ الفقوس هو القتة. القثاء دي هو الفقوس. فالمصريين زمان لما كان بيتعرض عليهم طبق فيه خيار وفيه فقوس وفيه قتة، يعني يختار الخيار عشان المرارة اللي موجودة في القثاء. فدلوقتي طلعوا المثل ده: "أنا ما عنديش خيار ولا فقوس"، يعني أنا كله زي بعضه، ما حدش هينقي حاجة عن حاجة، ما حدش هيفضل بحاجة عن حاجة. وبالتالي لما آكل أنا تمر اللي هو أو الرطب اللي فيه سكر مع الفقوس أو مع القثاء، هتروح هذه المرارة.
كل ده دي اللي إحنا وصلنا له. اللي ما وصلنا لوش ممكن يكون أضعاف أضعاف أضعاف ما ذكرنا. الكوكبيتاسين ده المادة المرة دي لو كترت قوي ممكن تبقى ضارة جداً بالجسم، ممكن تؤدي إلى تسمم. وبالتالي لعل التمر ده أو الرطب بيمتص هذه الآثار، هذه المادة. الله أعلم، محتاجة دراسات ومحتاجة فحوصات كتيرة ومحتاجة أنك أنت تحلل بدقة كمية المعادن وكمية الأغذية وكمية الألياف اللي موجودة هنا وهنا عشان تعرف الخلطة دي ممكن توصلك لإيه أكتر من كده.
الرائع يا جماعة يا جماعة في السنة النبوية، أن إحنا مطمئنون تماماً إلى سلامتها. أي خلطة عملها النبي صلى الله عليه وسلم أو أي طعام أكله، من المؤكد أنه سليم تماماً، لأن الذي أوحى له بذلك أو الذي وافقه على هذا الأمر هو رب العالمين سبحانه وتعالى، الذي خلق هذا الطعام ويعلم ما يفيد منه وما يضر. في نفس الوقت، بناخذ حسنات وأجر على اتباع النبي صلى الله عليه وسلم. فتستريح قلوبنا بذلك ونعيش مع رسول الله صلى الله عليه وسلم. قال تعالى: "وَإِن تُطِيعُوهُ تَهْتَدُوا". والحمد لله على نعمة رسول الله صلى الله عليه وسلم. جزاكم الله خيراً. السلام عليكم ورحمة الله وبركاته.