أول ضربة أمريكية على جزيرة خرج الإيرانية .. الصين والهند تتحركان وموقف العرب يثير الجدل

السلام عليكم، ازيكم؟

الفيديو اللي قدام حضرتك ده هو للجيش الأمريكي وهو بيستهدف بعض المعدات العسكرية الخاصة بالحرس الثوري الإيراني. وده يوضح لك إن الجيش الأمريكي حتى الآن عمال يضرب معدات عسكرية ومش لاقيها كلها، ولا لاقي كل مخازن الصواريخ الإيرانية. وزي ما بقول لحضرتك، كل ما الوقت بيعدي، المعلومات الاستخباراتية أو بنك الأهداف الخاص بالجيش الأمريكي والإسرائيلي بيقل.

بس الأمر هنا متوقف على نقطة خطيرة جداً وسؤال طرحته جريدة أمريكية اسمها نيويورك تايمز. نيويورك تايمز بتقول لك إيه؟ بتقول في 1998، إسرائيل اتضرب عليها صواريخ سكاد من العراق. وقام وزير الدفاع الأمريكي في الوقت ده، تدخل وقال لإسرائيل: "تدخليش الحرب ومالكيش دعوة خالص بالحرب بتاعة العراق". ولما جت حرب غزو العراق في 2002، عاوز أقول لك إن طلع وزير الدفاع الأمريكي في الوقت ده، دونالد رامسفيلد، وقال إن من مصلحة إسرائيل الكبرى إنها ما تظهرش في الحرب دي ولا تشارك فيها بأي شكل كان.

الجريب في الأمر اللي بتسأله نيويورك تايمز: إشمعنى في 2026 أمريكا بتحارب جنب إسرائيل قصاد العالم كله؟ ولأول مرة الكيان الصهيوني ينضم لأكبر قوة في العالم ويحارب جنبها. ليه التحالف ده ظهر في العالم بالشكل ده؟ وفي نفس الوقت، ليه تم تجنيب العرب بالشكل ده؟ يعني خلي بالك، الحرب دي لما ابتدت، كان الوحيد اللي كان عارف في المنطقة بميعادها هو إسرائيل. فليه الحرب عاملة كده؟ وهل العرب ينضموا للحرب ولا لأ؟

على الجانب الآخر، طلع الرئيس الأمريكي قال لك: "بص بقى، شكلنا كده هنضرب جزيرة كراج أو خرج". وقال لك: "والله دي درة التاج الإيرانية". بس هو على فكرة ما كانش بيتكلم على ضربة، لأن هو أصلاً ضربها. هو بيتكلم على حاجة تانية خالص. تعرف هي إيه؟ هقول لك. عشان أقول لك، لازم أحكي لك القصة من الأول.

قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو كثير منا بيسأل: إيه اللي يخلي اسم شركة بيفضل محفور في ذاكرة الناس سنين وسنين؟ الإجابة في كلمة واحدة بس: الأصل. إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج السيد أحمد، واستمر مر بخبرة المهندس فوزي السيد، ووصلت بذكاء المهندس سمير فوزي لقمه العاصمه الجديده. مجموعه التوفيقيه كيان عقاري عريق، تاريخ طويل من الثقه، وسمعه اتبنت على الالتزام وكلمه الشرف.

النهاردة، مجموعه التوفيقيه للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمه الاداريه الجديده. مشروع بيجمع بين خبره عقاريه ممتده على مدار أجيال، تصميم معماري مميز للمهندس محمد حافظ حافظ حافظ كونسلتنت، وإدارة وتشغيل احترافي من شركه ام ار بي وفق أعلى معايير توتال فاسيليتي مانجمنت. هنا الاستثمار مش مجرد وحده بتمتلكها، دي تجربه متكامله بمعايير تشغيل وإدارة بتضمن استدامه وقيمه حقيقيه في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعه التوفيقيه، استثمار مبني على الأصل.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك، وأول مرة هتسمعه فيما يخص معركة النهاية. إيه اللي حصل بالظبط؟ اللي حصل إن في موقع اسمه ان دي تي في، دلوقتي وزير الدفاع السعودي كلم باكستان واستشارهم في موضوع إنهم يدخلوا الحرب مع السعودية ضد إيران. طيب، ليه الأمر بالنسبة لباكستان معقد إنها تخش الحرب ضد إيران؟ ليه الأمر مش سهل؟ يعني ليه لما وزير الدفاع السعودي يتكلم باكستانيين، ما راحوش ضربوا صاروخين كده فرقعه أو تحية للسعودية وقال لك: "يا باشا، يلا بينا إن إحنا نضرب إيران".

الحقيقة، الموقع كشف عن أسرار خطيرة جداً. قال لك: "خلي بالك، إنت هنا بتتكلم على أمر معقد بالنسبة لباكستان". باكستان عندها حدود تتجاوز الـ 1000 كم مع إيران. ثاني حاجة، لازم تعرف إن تعداد السكان في باكستان 20% منه شيعة، فإيران ممكن أصلاً تثير الجالية الشيعية دول أو الطائفة الشيعية دول إنهم يعملوا عمليات تخريب، زي ما يعني حذروا كده في البحرين. فده أمر. الأمر الثاني إن ممكن إيران تسلح طالبان أو حركة طالبان زي ما الهند عملت، وتخلي حركة طالبان تخش تضرب في باكستان زي ما الهند عملت بالضبط وخلت حركة طالبان تضرب في باكستان قبل ما الحرب تبدأ. فقال لك: "إيران ممكن تعمل كده".

الحاجة الثانية، خد بالك إن أصلاً باكستان عندها شراكة تجارية ضخمة مع إيران. فإنت هنا بتتكلم إن الحرب دي مش هينة بالنسبة لباكستان، وليها حسابات معقدة جداً. وما تنساش إن إيران ما زالت بتمتلك صواريخ ومسيرات، فهي قادرة على تهديد الباكستانيين. طيب، ده كلام جميل. بس هل باكستان ما كانتش عارفة كل ده قبل ما تعمل اتفاق دفاع مشترك مع السعودية؟ عارفين، بس هم مستنيين إعلان السعودية الحرب، وساعتها باكستان هتمسح كل ده وتخش الحرب. زي تقريباً موقف مصر بالضبط. لو السعودية أعلنت الحرب أو الخليج أعلن الحرب، هيكون في موقف آخر.

بس الراجل عاوز يركز لك إن الموضوع مش سهل، مش نزهة. باكستان عندها حسابات معقدة جداً قبل ما تنضم الحرب. على الجانب الآخر، خد بالك إن الحرب ما انتهتش. وأنا على قناعة إن كل يوم بيعدي، الخليج مش هينضم للحرب دي. ماشي. يعني أنا كنت في الأول مقتنع جداً إن الخليج هيعلن الحرب وهيخش. على فكرة، أنا ما كنتش مقتنع من فراغ، أنا كنت مقتنع من البيانات العسكرية اللي بتطلع من الدول الخليجية. يعني البيان القطري: "إحنا قادرين على الدفاع عن نفسنا وهنرد". الإمارات قالت نفس الكلام، السعودية قالت نفس الكلام، الكويت كله قال نفس الكلام في الرد على إيران.

بس ليه فجأة كلهم وقفوا؟ كلهم وقفوا والله لكذا سبب. أول سبب، إن في تحالف هم مش شايفين أبعاده إيه. يعني هم شايفين أمريكا بتحارب مع إسرائيل لأول مرة ضد إيران. أول مرة أمريكا تكشف عن تحالفها بالشكل ده مع إسرائيل. يعني كل مرة أمريكا بتدعم إسرائيل من خلف الكواليس، إنما تكشف وشها بالشكل ده وتنسق مع إسرائيل عملية عسكرية ضخمة ضد إيران، ده أمر العرب مش عايزين يخشوا فيه أو إنهم يتشافوا إنهم داخلين فيه خالص. فده حاجة.

الحاجة الثانية، أهداف أمريكا وإسرائيل غير أهداف العرب تماماً. ماشي. الحرب دي مختلفة. وفي الآخر، لازم تعرف زي ما الأمريكان والصهاينة ابتدوا الحرب، هم الوحيدين اللي عندهم معاد النهاية، اللي ممكن كمان ما يختاروش بيه العرب. فهي أمور معقدة جداً. فالعرب كل اللي عليهم إنهم ياخدوا مواقف دفاعية، وكل اللي عليهم إنهم يحاولوا يمتصوا الصدمات اللي بيتلقوها من جانب إيران، وكل الصواريخ والمسيرات اللي بتضرب أهداف مدنية. قوة العرب في إنهم يصمدوا تجاه الضربات دي، وإنهم ما ينجروش للحرب بأي شكل، لأن الحرب دي هتكون خسائرها أكبر بكثير من كل اللي بيحصل في الدور الخارجية. مش عشان قوة إيران، لا، عشان اللي بعد الحرب هيكون فيه آثار مدمرة على القوة العربية.

والجانب الآخر، العرب لازم إنهم يتحدوا بشكل أو بآخر، ويمارسوا ضغوط كبيرة جداً على الرئيس الأمريكي دونالد ترامب عشان نتنياهو ما يجررش إنه يوسع الحرب ويجره في حرب استنزاف. دونالد ترامب نفسه ممكن ما يكونش عاوز ياخدها، بس نتنياهو، إنت شايف الراجل قد إيه بيمارس ضغوط على ترامب وبيخليه يعمل كل اللي هو عاوزه. فالعرب يجب إنهم يمارسوا لوبي أو يمارسوا ضغوط كبيرة جداً سياسية على الرئيس الأمريكي عشان يوضحوا له إن ما ينفعش الحرب تستمر أكتر من كده، وإن خلي بالك، إنت عمال تقول إن إنت قوي والكلام ده كله، بس الأمور مش بتسير في صالحك.

وأكبر دليل على كده إيه؟ أكبر دليل على كده إن الجيش الأمريكي عمال يقول لك: "ده إحنا هنفتح مضيق هرمز بالعافية، ده إحنا هنخش ونمشي المراكب". وكشفت حضرتك في الفيديو اللي فات إن الأمر ده أمر مستبعد جداً، لأن مضيق هرمز إنت شايفه مساحته 31 كم بس. المساحة الفعلية في كل اتجاه هي 3 كم فقط، لأن الباقي بيبقى ضحل شوية أو ما تسيرش فيه السفن. زائد إن مضيق هرمز عامل زي حرف S كده، مش ماشي بطريق مستقيم. فان تقوم بعملية عسكرية هناك أمر معقد جداً، وأمر مكلف جداً، وأمر فيه شبه استحالة.

مضيق هرمز، الذي لا يتجاوز عرضه في أضيق نقاطه 3 كيلومترات، تمر عبره يومياً 40% من نفط العالم. تعطيله ليوم واحد يعني شللاً حقيقياً في تدفق الطاقة العالمية وارتفاعاً جنونياً في الأسعار، كما تقول التحذيرات الإيرانية الأخيرة. الرئيس الأمريكي دونالد ترامب أكد أن العمليات لم تنته بعد، وأن إيران زرعت ألغاماً بحرية، مضيفاً أن الجيش الأمريكي دمر جميع سفن زرع الألغام الإيرانية تقريباً. "أعتقد أن عليهم فعل ذلك. لقد دمرنا جميع سفن الألغام التابعة لهم تقريباً في ليلة واحدة. وصلنا إلى القارب الـ 60."

فايه اللي حصل؟ اللي حصل إن إيران قالت: "والله اللي عاوز يعدي مضيق هرمز يستأذني". الكلام ده لازم تعرف إن هو أمر يعني مش سهل. ليه؟ إيه اللي إيران في الرسالة دي بتقول لك؟ اللي عاوز يعدي مضيق هرمز يكلمني. هي عاوز تثبت إنها ما زالت دولة وإن ليها سيادة وإنها قادرة على التحكم في مضيق هرمز. شوف، هي رسائل سياسية كتيرة جداً، خاصة بعد ما ترامب طلع قال لك: "والله الإيرانيين هيستسلموا". فهم بيقولوا إيه؟ بيقولوا: "اللي يعدي يكلمني". ده أمر.

الأمر الثاني، إن في دول بالفعل استجابت زي تركيا. تركيا بعتت ناقلة نفط وقالت لهم: "ممكن أعدي؟" قالوا لها: "ماشي، عدي". الهند. الهند على فكرة كان في بيان للجنرال عسكري هندي قال لك إيه؟ قال لك: "كل سفن النفط اللي عندنا اللي كانت بتنقل النفط الإيراني، السفن دي في حمايتنا طول ما هي موجودة في المجال بتاعنا، ماشي. واسرائيل عمرها ما تيجي ناحية السفن دي طول ما هي واقفة في النطاق البحري الهندي. إنما أول ما السفن دي تخرج بره حدود الهند هتضرب". ده معناه إن الهند كانت واخدة السفن دي رهينة أو حاجة زي كده.

بس المفاجئ بالنسبة لي إن الهند قالت إيه؟ قالت إن هي هتفرج عن ناقلتين نفط إيرانيين مقابل إن والله إيران تسمح بخروج ناقلتين نفط هنديين. فديك شايف إن الدول ابتدت تستجيب لإيران حتى بدون التنسيق مع ترامب. حتى إنهم ده ممكن يكون مش في صالح الجيش الأمريكي، بس بيعملوا كده.

"After minister S. Jaishankar and Iranian counterpart discussed, the discussions were aimed at ensuring that India's energy supplies remain uninterrupted amid escalating tensions in West Asia. The Strait of Hormuz is one of the world's most important maritime choke points, through which a significant portion of global crude oil and natural gas shipments transit. The aim of the diplomatic engagement was to keep the sea lanes open so that crude oil and gas continue to flow without interruption."

والأمر أدى إن والله ترامب يستشيط غضباً ويعمل إيه بقى؟ قال لك: "بص بقى، أنا المرة دي ضربت جزيرة خرج أو خراج، والجزيرة دي هي درة التاج الإيرانية". على فكرة، الجزيرة دي هي فيها منشآت نفطية، بس أهم حاجة فيها هو حقل النفط اللي جنبيها، ودي بتصدر 90% من النفط الإيراني. دونالد ترامب بيقول لك إيه؟ بيقول لك: "على فكرة، أنا ممكن أضرب الجزيرة". وبعض المحللين قالوا إن دونالد ترامب مش بس ممكن يضرب الجزيرة، ده ممكن يحتلها. طب مين المحللين اللي اتكلموا في كده؟ هي مقالة نازلة في فورين بوليسي بتقول لك إيه معنى إن ترامب يضرب الجزيرة دي؟ بيقولوا أو الراجل شايف إن والله ده تمهيد لعملية برية، وإن ممكن تنزل قوات خاصة في الجزيرة دي تأممها والأمريكان يستولوا عليها.

بس الراجل نفسه شايف إن دي عملية هجومية ومجنونة، ليه؟ لأن أولاً، إيران ما زالت تمتلك صواريخ ومسيرات، والجنود اللي هينزلوا دول هيبقوا عاملين زي البط، لأن ببساطة كده الجزيرة دي 20 كم، والصواريخ الإيرانية سهل جداً إنها تعرف طريقها للجزيرة بدون حتى إنها تكون دقيقة. المهم تسبب انفجارات كبيرة وتقتل أكبر عدد من الجنود الأمريكان. وبكده يبقى إنت قدام عملية سياسية كارثية بالنسبة للجيش الأمريكي للخسائر الضخمة اللي أصابت الجيش الأمريكي. فده أمر في منتهى الخطورة.

على الجانب الآخر، في لاعب مهم جداً إنت مش واخد بالك منه، الصين. الصين. الفيديو اللي قدام حضرتك ده خارج من الصين، وإنه والله في دلوقتي زحام على محطات البنزين والوقود في الصين. وده أمر غاية في الأهمية. ده يوريك قد إيه الصين ابتدت تتأثر بعملية إغلاق مضيق هرمز.

طيب، كده إحنا قدام أهم سؤال لازم إن إحنا نجاوب عليه، وهو إيه؟ وهو إن الحرب دي، إيه المنطق بتاعها؟ وهتستمر لحد إمتى؟ ولما تخلص، شكل الخليج هيكون عامل إزاي؟

طيب، أولاً، خد بالك إن أنا قدام لقاء اهتم لمسؤولة قطرية طلعت وانتقدت إسرائيل بدل ما تنتقد إيران. وخد بالك من الحتة دي. المسؤولة القطرية دي هي الشيخة عنود آل ثاني من العائلة الملكية القطرية، طالعة مع ريك سانشيز، وطلعت تهاجم الكيان الصهيوني بشكل كبير.

"I mean, we've been warning since the 7th of October that the Israeli response..."

تقول لي المشكلة؟ يعني على طول إحنا عارفين إن قطر يعني إيه مع إيران ضد إسرائيل. الحقيقة، هي ده أول انتقاد قطر بتوجهه للأمريكان، مش لإسرائيل. لأول مرة قطر بتنتقد أمريكا أكتر من إيران. لأول مرة قطر بتاخد موقف إن: "يا جماعة، ما ينفعش الحرب تمشي كده". وإنهم شايفين إن السبب الأساسي في الحرب دي هو الكيان الصهيوني، ومن خلفه الرئيس الأمريكي اللي خد قرار بالحرب دي، واللي دمر جزء كبير جداً من قدرات قطر الاقتصادية. بدليل إن قطر أوقفت إنتاج النفط وشغلت القوى القاهرة، ما معناه إن قطر مش هينفع تلتزم بالعقود اللي وقعتها في صفقات الغاز اللي هي وقعتها. فده أمر يوريك إن العرب ما بقوش شايفين إن الحرب دي يجب إنهم يخشوا فيها أو حتى يقايدوها. بالعكس، ده أصبحوا أكتر انتقاداً، وابتدوا يطلعوا في العلن، ما بقوش يقولوا كده الأمريكان خلف الأبواب المغلقة، ده في العلن بيقولوا كده. بيقولوا: "يا جماعة، الحرب دي مدمرة وبيحملوا إسرائيل المسؤولية". فده أمر مهم جداً.

الحاجة الثانية اللي ممكن تستشفها من الأمر ده إن والله قطر مدركة تماماً إن بعد ما الحرب دي تخلص، هتكون إسرائيل هي شرطي المنطقة، وهتكون إسرائيل لاعب كبير جداً. لأن ببساطة، الغرض من الحرب دي إن الأمريكان يمشوا من المنطقة. طب مين اللي قال كده؟ هو تاكر كارلسون. تاكر كارلسون هو أكبر وأشهر مذيع في أمريكا، طلع قال لك: "الحرب دي مصممة لمغادرة أمريكا المنطقة". زي ما حضرتك تشوف كده بسرعة.

فده أمر مهم جداً. إحنا قدام تغير في الموقف العربي. ولازم تعرف إن الخليج أولاً هيكون مش هيعتمد على الأمريكان زي الأول بعد الحرب دي. لأن بالمناسبة يعني، واضح جداً إن القدرة الرادعة الأمريكية تم المساس بها. تم ضرب رادارات، تم إسقاط طيارات، تم ضرب منصات إطلاق صواريخ، تم قتل جنود أمريكان، تم ضرب طيارات بتزود بالوقود في الخليج. القدرة الرادعة الأمريكية أو إن أمريكا تخوف، أو حتى اسمها أو اسم جيشها يخوف، ما بقاش موجود. ماشي. فالحتة دي هتخلي الخليج يفكر أكتر من مرة فيما يخص القواعد الأمريكية اللي موجودة في الخليج.

ده أمر. أمر ثاني، مش هيبقى حتة إن إحنا مع الأمريكان فقط، لا، ده هيبقى مع الأمريكان والصينيين. لأن من النهارده ما فيش حاجة اسمها أمريكا والله هي الفاصل بينا وبين إيران. ده هيبقى من النهارده هيبقى ما فيش إيران في إسرائيل. وحتة إن أمريكا هتبقى فاصل بينا وبين إسرائيل، ده برضه هيبقى شيء مش مقنع، لأن إنت شفت إن أمريكا وإسرائيل بيحاربوا سوا.

والحقيقة هنا، العرب يجب إنهم يروحوا للدفة الأخرى، اللي هي الصين. ولازم إن الصين يكون ليها دور أكبر في العلاقات القادمة. وإن العرب ما ينفعش إنهم يعتمدوا فقط على الأمريكان. على الجانب الآخر، لازم العرب يسلحوا نفسهم بشكل مختلف، ولازم يبقى فيه جيش خليجي. أنا بقول لك خليجي، هو مش عربي. بقول لك يبقى فيه جيش خليجي يطلع.

طيب، الأمر هنا اللي أنا واخد بالي منه إن فيه يعني خلافات مصرية خليجية. ليه؟ لأن خد بالك، طلع وزير الخارجية المصري طلع يقول: "يا جماعة، ده الوقت المناسب إن إحنا نشكل فيه جيش عربي موحد". طلع وزير الخارجية القطري قال لك: "والله لا، إحنا مش جيش عربي موحد ولا حاجة. إحنا لازم نأسس نيتو خليجي". نيتو خليجي، قصده بيه إيه؟ قال لك: "باكستان وتركيا مع دول الخليج، استثناء مصر". يعني هو استثنى مصر، لأن قال لك: "على فكرة، الصمت العربي ده غريب شوية". فالقصة هنا إنت قدام تغير في المنطقة بشكل كبير جداً، وإنت قدام خلاف عربي.

لو مصر قدرت تلعب دور في إنهاء الحرب دبلوماسياً، لازم تعرف إن دورها هيبقى فعال جداً وهيتم تقديره بشكل كبير، وهيبقى على فكرة ده أبرز مخرج للحرب دي. والعرب ساعتها ممكن يبصوا لك بشكل مختلف. إنما دلوقتي العرب حالياً شايفين اللي والله هم لوحدهم بيحاربوا، والمصريين مش بيشاركوا في الحرب دي. وأنا كنت رديت على النظرية دي، بس أنا بقول لك حضرتك وجهة نظر العرب.

أما على الجانب الآخر، فحضرتك لازم تعرف إن من وجهة نظر مصر وتركيا، إن أمريكا تحارب مع إسرائيل هو خطر على الأمن القومي المصري. وإن خلي بالك إن إسرائيل كانت صريحة جداً إن بعد الحرب دي، تركيا هي إيران الجديدة، ومصر لازم ما تتطورش، وإن ما ينفعش إن الجيش المصري يكون بالتطور ده والقوة دي. حاجة إسرائيل مش هتسكت عليها. أمر هنا بتقول لك إن المنطقة داخلة في منعطف خطير، ومنطقة بتتغير، ولازم إن إنت تكون ليك علاقات بالصين بشكل أو بآخر، وما ينفعش إن إنت تعتمد إن إنت بتتعامل مع دولة واحدة بس، أمريكا.

بالمناسبة، لو خلصت الحرب كده، دونالد ترامب هيعرف يبيع الحرب دي لأعوانه. ليه؟ لأن خد بالك، رئيس كوبا، رئيس كوبا طلع خطب في الشعب الكوبي وقال: "والله أنا مستعد أكلم دونالد ترامب ونحل الموضوع بشكل دبلوماسي بدل يعني ما يكون فيه حروب". والكلام ده كله، لأن ببساطة دونالد ترامب طلع قال لك: "أنا بعد ما أخلص إيران، هطلع على كوبا". فالرئيس الكوبي طلع رد عليه قال له: "يا باشا، إيه المفاتيح أهي، أنا مش عاوز أقعد فيها خلاص". فالقصة هنا قصة خطيرة.

بس دونالد ترامب لازم تعرف إن هو بعد الحرب دي، لو خلصها في أسبوع زي ما هو أبلغ إسرائيل، لو خلصها في أسبوع، هيعرف يبيعها للشعب الأمريكي قبل ما تحصل أزمة نفط عالمية، ويعرف إن هو يقول: "والله أنا قضيت على أكبر ثلاث أعداء لأمريكا في العالم كله، هي بعد الصين وروسيا، فنزويلا، إيران، وكوبا". وكده دونالد ترامب هيكون أعلن الاستقرار في أمريكا الجنوبية، وإن كل دول أمريكا الجنوبية أصبحت تبع أمريكا، أو بتمشي بأمرها. وإن الشرق الأوسط، أمريكا ممكن تسحب الجنود بتاعتها وتسحب الجيش بتاعها وتوفر ملايين الدولارات اللي هي بتنفقها. وفي نفس الوقت، دونالد ترامب يعرف يركز في الجبهة الداخلية. دي الاستراتيجية الأمريكية.

بس خد بالك، اللي ابتدى الحرب دي واللي أقنع بيها أمريكا هي إسرائيل. ومعنى إن إسرائيل حرب الحرب دي، لازم تعرف إن إسرائيل هتطلع وتنصب نفسها شرطي المنطقة. وعشان كده، الاثنين اللي واقفين لها، تركيا ومصر، هيكون عليهم الدور في الآخر.

يا رب أكون شرحت لحضرتك الموضوع بشكل مبسط. ويا رب مصر، يا رب ينصر العرب، ويا رب ينصر فلسطين. يا رب. تحيا مصر. سلام.

إنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين، والعالم مش عارف سرها. إحنا خفة دم بتضحك القلب. وكرم بيتضرب به المثل. جدعنة وشهامة مش موجودة في زنا. ورحمة بتطلع من عينينا قبل قلبنا. إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.