السيد كمال الحيدري عن الدروس الحوزوية الفاشلة للوحيد الخراساني

لابد أن يلتفت جيدًا إخواني الأعزاء. كونوا على ثقة، هذه ما أدري أنتم شايفين بأنه عندما تنظرون تروحون إلى صاحب مهنة نجار بس حداد، اكو شغلات عامة يعلمها، وأكو شغلات إحنا بالتعبير العراقي نعم بها نعبر عنها شنو؟ سر المهنة. أقول لهن إخواني هذين شنو هذني؟ إذا أنت ما تاخذهن تبقى خمسين عام تراوح شنو؟ في أبحاث الخارج. تحضر دورة عشرين سنة ومن تخلص يقول لك هذا ما كافي.

لابد تحضر شنو؟ شيخنا الأستاذ شيخ الوحيد الخرازاني حفظه الله وأطال بعمره الشريف. حضرنا إحنا عنده مولانا الأصول القسم الأخير. فمن انتهى من دور الأصولية مالته قال الدورة صارت 18 سنة. طبعًا أنا ما حضرت 18 سنة من آخر اجتماع إلى آخر أبحاث الدورة مالته. قال بانه هاي الدورة صار 18 سنة والحمد لله خلصت. وإن شاء الله من الأسبوع القادم سنبدأ شنو؟ دورة جديدة.

وعندما أتى للدورة الجديدة قال بانه لا يتبادر إلى ذهن الذين حضروا الدورة السابقة أنهم يمكنهم الاستغناء عن هذه الدورة. فلابد أن يحضروا هذه الدورة أيضًا. شيخنا لماذا؟ قال لأن بين الدورتين عموم من وجه. فإذا كان منهما عموم الوجه، اكو قضايا ذكرناها في الدورة السابقة هنا ما راح نذكرها، وأكو قضايا هنا نذكرها ما ذكرناها في الدورة السابقة. إذا اللي يريد يشوف كل مباني الشيخ الوحيد لابد ايش قد يحضر مولانا؟ 36 سنة.

وبينك وبين الله إذا بس أصول 36 سنة وأنت واصل البحث القارئ وعشرة عمرك 25 سنة أو عشرين سنة، هذا معنى عمرك 60 سنة أنت بعدك وين تروح؟ هذا السبب شنو؟ هاي الدورات بالطول. وإلا دورة السيد الخوئي في نصوص ست سنوات، سيدس الله نفسه في الأصول ست دورات أصول أعطى مولانا ست دورات إلى سبع سنوات. وليش مولانا هذولا الآن ربعنا ليحضر دورات أم 20 سنة وما يصير أصولي؟ ولكنه هناك كان يحضر ست سنوات ويصير شنو؟ أصولي.

المهم أن هذه خبرة الأستاذ أنه ماذا يشخص ماذا يحتاج الطالب لهذه العملية. مو يزود معلوماته. زيادة المعلومات لا قيمة لها، وإنما يعلمه فن استعداد الاستنباط. فن الاستنباط ليس علمًا حتى أنت تكثر معلوماتك. هذا ذكرت في أول الأبحاث قلت عملية الاستنباط علم وماذا وفن. السياقة مو فقط تقرأ الكتاب، تقرأ الكتاب وبعدين خلف المقود تصير سائق بقراءة الكتب أو مصر؟ أبدًا. لا يمكن.

هذني القضايا الإخوان اللي أشير إليها هذاني تعد من مفاتيح الفن من أسرار الفن من أسرار المهنة لتعلم عملية.