حرب الخليج تبدأ رسميا..بعد استهداف إيران لحقول الغاز في السعودية والإمارات وإسرائيل تحتفل بضرب بارس

السلام عليكم، ازيكم؟ الفيديو اللي قدام حضرتك ده هو لبدء توافد وزراء خارجية العرب والمسلمين للقمه اللي دعت ليها السعوديه لمناقشه الأوضاع في المنطقة. والحقيقة، القمة دي قمة مهمة جداً وفي غاية الأهمية، لأنها بتجرى وسط الحرب. ما بنتكلمش إن القمة دي بتعقد احتمالية في حرب، أو إنها بتعقد بعد الحرب، لا، ده في وسط الحرب، وسط الحرب ما هي شغالة، القمة دي بتعقد. فهي قمة مهمة جداً.

بس الفارق بالنسبة لي، الفيديو اللي حضرتك هتشوفه ده لمراسم جريدة خبر التركية، وقال لك والله لو أنا خارج شفت صاروخ إيراني كان متجه ناحية القمة. أنت بتتخيل؟ كان في صاروخ إيراني رايح يضرب مقر انعقاد القمة العربية والإسلامية في الرياض. ومراسل قال لك ده الصاروخ ده تم اعتراضه من قبل الدفاعات الجوية السعودية. ده جنان ما بعده جنان. أنت عارف يعني إيه؟ إيران كانت عايزة تقتل وزراء خارجية العرب المسلمين. امبارح ده انتحار رسمي. ده كده كانت إيران بتاع الحرب على كل الدول العربية والإسلامية. ده تحول تاريخي.

والمفارق بالنسبة لي، إن إيران ما كانتش فقط بتستهدف في مقر انعقاد القمة العربية والإسلامية، لا، ده أنت لما تشوف الفيديو ده هتلاقي إن حقول النفط والغاز الخليجي امبارح كانت بتتعرض لأبرز وأشرس هجمة إيرانية من بداية الحرب. إيران امبارح يا جماعة كانت بتضرب تقريباً كل حقول الغاز والنفط الخاصة بدول الخليج. كانت بتحاول تهاجم حقلين نفط في الإمارات، ضربت منشآت غاز في قطر، هي الأهم، ماشي، ضربت منشآت نفطية في البحرين، ضربت منشآت نفطية في الكويت. هجمة كل منشآت النفطية ومنشآت الغاز اللي موجودة في دول الخليج. لدرجة إن أسعار النفط امبارح تجاوزت 111 دولار للبرميل. برميل النفط ده يقول لك إن المسافرين كانوا في حالة رعب وهلع من اللي إيران بتقوم بيه.

السؤال بقى، هي ليه إيران عملت كده؟ وإحنا رايحين على فين؟ وهل السعودية تعلن الحرب ولا لا؟ وهل دول الخليج هتفضل ساكتة بعد استهداف منشآت النفط والغاز بتاعتها؟ الحقيقة، ده سؤال مهم جداً جاوبت عنه ميديا الأمريكية. وخليني أقول لك القصة من بدايتها عشان تبقى شايف الموضوع بعيد عن نشرات الأخبار وبعيد عن التقارير الإخبارية العادية.

قبل في الموضوع، قبل أكشف لك التفاصيل، خليني أقول لك إن معانا راعي قوي جداً ومحترم جداً، وهو كثير منا بيسأل: إيه اللي يخلي اسم شركة يفضل محفور في ذاكرة الناس سنين وسنين؟ الإجابة في كلمة واحدة بس: الأصل. إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج السيد أحمد، واستمر بخبرة المهندس فوزي السيد، ووصلت بذكاء المهندس سمير فوزي لقمه العاصمة الجديدة. مجموعة التوفيقية كيان عقاري عريق، تاريخ طويل من الثقة وسمعة اتبنت على الالتزام وكلمة الشرف.

النهاردة، مجموعة التوفيقية للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمة الإدارية الجديدة. مشروع بيجمع بين خبرة عقارية ممتدة على مدار أجيال، تصميم معماري مميز للمهندس محمد حافظ حافظ كونسلتنت، وإدارة وتشغيل احترافي من شركة إم آر بي وفق أعلى معايير توتال فاسيليتي. فعلاً هنا الاستثمار مش مجرد وحدة بتمتلكها، دي تجربة متكاملة بمعايير تشغيل وإدارة بتضمن استدامة وقيمة حقيقية في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعة التوفيقية، استثمار مبني على الأصل.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص "إيه اللي حصل بالظبط؟" اللي حصل كالآتي: إن والله أنا هبتدي من مقالة نازلة في نيويورك تايمز، والمقالة دي أنا بس هجيب منها سطر كده مهم جداً بيقول لك إيه؟ بيقول لك في بداية الحرب، في الأسبوع الأول، دونالد ترامب اجتمع مع براد كوبر، اللي هو قائد القيادة المركزية الأمريكية، واجتمعوا مع نتنياهو. ماشي؟ أنا أعتقد هو اجتماع فيرتوال، يعني اجتماع عن طريق الإنترنت. وقالوا لنا نتنياهو: "ابعد عن حقول النفط والغاز الإيرانية، لأن لما تضرب حقول النفط والغاز أو منشآت الطاقة الإيرانية، إيران هترد على دول الخليج، ترد عليك أنت بس، هترد على دول الخليج". فالحقيقة، نتنياهو قال لهم تمام، وأنا مش هعمل كده والكلام ده كله.

وفوجئ الأمريكان، ده بالسطر، بص أنا مش هجيب لك كلام من دماغي، بالسطر، فوجئ الأمريكان وفوجئ ترامب إن نتنياهو راح ضرب منشآت طاقة إيرانية في وسط الحرب. ماشي؟ فده تحول خطير جداً. ده اللي حصل قبل كده.

بالتأكيد كان هناك يعني تصريحات لمسؤولين مطلعين يؤكدون وجود تباين كبير في الأهداف الإيرانية في الأهداف الإسرائيلية مقارنة بالأهداف الأمريكية. وكان الرئيس الأمريكي في فترة سابقة قد أعطى توجيهاته للإسرائيليين بعدم استهداف المنشآت النفطية لعدة أسباب، من بينها إنه يريد الاستفادة من هذه الحقول والمصادر النفطية في إيران بعد انتهاء الحرب، وأيضاً لعدم إثارة الهلع في أسواق النفط العالمية.

إيه اللي حصل امبارح؟ اللي حصل امبارح إن إيران عندها حقل اسمه بارس الجنوبي. حقل بارس الجنوبي ده هو حقل إيران بتشترك فيه مع قطر. في قطر على فكرة بيسموه حقل الشمال. الحقل ده مساحته قد إيه؟ مساحته 9700 كم مربع. تخيل حقل ضخم قد إيه؟ أنا بقول لك حقل مساحته بس 9700 كم مربع من الغاز. والحقل ده احتياطاته 51 تريليون متر مكعب من الغاز. بيقولوا إن الحقل ده ممكن يكفي دول العالم 13 سنة. شوف قد إيه. قطر بتسيطر على 6000 كم مربع من الحقل ده، إيران بتسيطر على 3700 كم مربع من الحقل. ماشي؟

إيه الفرق بين قطر وإيران؟ قطر الجزء اللي هي بتسيطر عليه من الحقل ده قادرة إنها تستخلص منه غاز وتصدره كله تقريباً. ماشي؟ إنما إيران الجزء اللي تحت إيديها اللي هو 3700 كم مربع دول، إيران بتستخلص الغاز منه وبتضخ الغاز لتوليد الطاقة في المنازل والبيوت. وبيقول لك إن الحقل ده مسؤول عن 80% من الكهرباء الموجودة في إيران. طب ليه إيران بتعمل كده برغم إن عندها منشآت نووية؟ لأن ببساطة إيران عليها عقوبات، والمنشآت النووية اتضررت. إيران ممكن ما تكونش بتستخدمها استخدام سلمي أو لتوليد الطاقة. ففي الآخر، إيران ما بتصدرش جزء أو حاجة تذكر يعني من الجزء اللي هي مسيطرة عليه في حقل بارس الجنوبي ده، وبتستخدم الحقل ده كله في توليد الكهرباء عندها. فده حقل هو الأهم في إيران، هو الأكبر في إيران.

طيب، فإيه اللي حصل امبارح؟ اللي حصل إن الطيران الإسرائيلي طلع امبارح وقام ضرب المنشآت اللي هي قرب الحقل ده إيران عاملاها لاستخلاص الغاز وتحويلها لكهرباء. والطيران الإسرائيلي عاوز أقول لك ضرب ضربة قوية جداً لدرجة إن إيران بتقول لك في الأول إحنا أخمدنا الحرائق والكلام ده كله. في حين إن طلع التقرير بعد كده إن إيران تقريباً خسرت كل المنشآت اللي بجوار الحقل ده خلاص، وإن إيران على فكرة النهارده هتضلم كلها، ما عندهاش طاقة.

طيب، هي إسرائيل عملت كده ليه؟ والله هي إسرائيل بتعمل كده عشان تقطع مصادر الطاقة اللي إيران ممكن تستخدمها لصنع صواريخ ومسيرات.

إيران وصفت استهدافه بالانتحار الاستراتيجي، ووصفت ذلك قطر بالخطوة الخطرة وغير المسؤولة. والحديث هنا عن حقل باريس الذي يعتبر خزاناً جيولوجياً مشتركاً بين طهران والدوحة بإنتاج يتجاوز 77 مليون طن من الغاز سنوياً. إذا نتحدث هنا عن حقل استراتيجي عابر للحدود، حيث يعد حقل باريس الجنوبي أكبر حقل للغاز الطبيعي في العالم، وتتقاسمه كل من إيران وقطر، ويعرف الجزء القطري منه باسم حقل الشمال، ما يجعله أحد أهم الأصول الطاقوية المشتركة عالمياً.

لأن ده درس الصهاينة علموه من الروس. الروس هم مش لاقيين كل مصانع الصواريخ والمسيرات في أوكرانيا، فبيعملوا إيه؟ بيضربوا لهم محطات الكهرباء. ماشي؟ فإسرائيل بتعمل نفس الأمر، بتضرب محطات الطاقة عشان إيران ما تلاقيش طاقة تنشئ بيها صواريخ أو مسيرات وتقطع عنهم سبل الطاقة. ده أمر. الأمر الثاني، إسرائيل بتراهن إن والله الضربة دي هتعمل فوضى في إيران، والفوضى دي تؤجج مشاعر الغضب وتخلي الناس تنزل الشوارع. ده أمر. الأمر الثالث، والله إسرائيل بتنتقم لأن إيران ضربت عليها 100 صاروخ، 100 صاروخ امبارح، وإصابات بالغة في وسط تل أبيب. ولازم تعرف إن إسرائيل مكتومة على الخسائر اللي لحقت بيها، لأن ببساطة إسرائيل عندها مشكلة في الدفاعات الجوية، والصواريخ اللي نزلت إيرانية على إسرائيل امبارح كانت مؤلمة جداً جداً يعني.

فإسرائيل النهارده طلع وزير الدفاع الصهيوني وقال لك: "النهاردة ده انتوا هتشوفوا ليلة بقى غير أي ليلة وهتشوفوا يوم قوي". فالنهاردة إسرائيل ضربت حقل بارس. كل اللي أنا قلته لك دي مبررات إسرائيلية. بس أنا عندي ثلاث أسئلة: هل دونالد ترامب عارف؟ لأن خلي بالك نتنياهو قبل كده غدر بيه وراح ضرب من غير ما يقول له. فهل ترامب عارف؟ ثاني حاجة، إيران لما تضرب هتضرب دول الخليج ومنشآت الطاقة اللي عندها وخلاص، ولا هتعمل حاجة تانية؟ الأمر الثالث، إحنا هنفضل في الهم اللي إحنا فيه ده لحد إمتى؟ يعني خلي بالك، إحنا دلوقتي قلنا إيه؟ الأسبوع الثالث. هنعرف الحرب دي هتخلص إمتى؟ دلوقتي إحنا في الأسبوع الثالث وشكل كده الحرب مش هتخلص قريب، وشكل كده الحرب مكملة حبتين خلاص، لأن إحنا داخلين على فوضى، واللي أنت بتشوفه ده فوضى. فإحنا رايحين على فين؟ دي أسئلة مهمة جداً.

طيب، أول حاجة، هو دونالد ترامب عارف؟ آه، مين اللي قال كده؟ صحيفة اسمها وول ستريت جورنال قالت لك على فكرة الصهاينة أبلغوا ترامب وقالوا له: "إحنا هنضرب حقل بارس ده". قال لهم: "اضربوا، أهي رسالة لإيران، لأن إيران قافلة مضيق هرمز، ولازم تعرف إن إيران هتدفع ثمن غالي لو فضلت قافلة مضيق هرمز". وعلى فكرة ممكن نضرب الحقل ده تاني، زي ما نضرب جزيرة خرج الإيرانية، نضرب الحقل ده تاني. فده اللي قالته صحيفة وول ستريت جورنال. فده أمر.

طيب، الأمر الثاني، هي إيران هتعمل إيه؟ والله إيران انتقمت امبارح من كل الدول الخليجية، فهجمة تعتبر الأشرس. وخد بالك، أوعى حد يكلمني أصل إيران مسلمة، أصل إيران دولة إسلامية. إيران يا جماعة بتضرب أهم مورد رزق للدول الخليجية. الدول الخليجية بالذات الكويت، اقتصادها كله مبني على النفط. ماشي؟ فلما تضرب حقول نفط مثلاً، أنت كده بترجع اقتصاد الكويت كذا سنة لورا. ده أمر. ثاني حاجة، حقول النفط لما تضرب، لازم تعرف إنها ما بتتصلحش بين يوم وليلة. ده أنت لما تقفل الحقل أنت بتأذيه، ما بالك أنت بتضربه. ده أمر مهم جداً.

حاجة رابعة، أنت بتتكلم كده إن إيران حرمت الدول الخليجية من السياحة، حرمت الدول الخليجية من التجارة، لأنها قفلت مضيق هرمز. بتحاول تقتل الدول العربية والإسلامية، ودلوقتي بتهاجم منشآت الطاقة. دي بتزق الدول الخليجية على الحرب. يعني إنت إزاي ساكت؟ هي إيران بتقول للدول الخليجية كده: "إنتوا إزاي ساكتين؟ وكل ما تسكتوا هفضل أضرب. ولو هاجمتوا، شوفوا بقى أنا هضرب إيه". ده حاجة.

الحاجة الثانية، هي إيران ليه ما انتقمتش انتقام واضح من منشآت الطاقة الإسرائيلية؟ ليه بتهاجم دول الخليجية؟ ده استفزاز ما بعده استفزاز يا جماعة. إيران امبارح ما كانتش بتضرب فقط منشآت طاقة، دي كانت بتضرب يعني منشآت وبنية تحتية في دول الخليج. فده أمر خطير جداً. تصعيد إيراني ضد الدول الخليجية في منتهى الخطورة. وكان إيران بتقول لك إيه؟ بتقول لك: "أنا مش هموت لوحدي، يا نعيش عيشة فل، يا نموت إحنا الكل". فده أمر مهم.

الأمر اللي بعد كده، خد بالك إن الهجمة دي تمت بعد اغتيال علي لارجاني. علي لارجاني على الأقل كان وسطي شوية في الردود بتاعته، أو كان متحكم في الحرب الإيرانية عشان يخلي الحرب دي ليها مخ، خرج سياسي في النهاية. إنما القائد اللي مسك بعديه، وهو مش مجتبى خامنئي بالمناسبة، مجتبى خامنئي هو دمية في إيد الحرس الثوري الإيراني. مجتبى خامنئي أبوه نفسه ما كانش عاوز يعينه، اللي هو المرشد الجديد ده. وترامب نفسه بيقول لك: "أنا مش عارف أكلم مين في إيران". ماشي؟ فمشتبى، الراجل اللي ماسك مكتبه، أو القائد اللي في الحرس الثوري الإيراني الجديد، ظهر إن هو في قمة الإجرام. وأنا كنت قلت لحضرتك الأمريكان حذروا من كده. لما تقعد تصفي في القادة، الفوضى مش هتعم في إيران، هتعم في المنطقة. وده اللي بيحصل بالظبط. من حر السو الإيراني، قمة الانتحار اللي بيقوم بيها الحرس الثوري الإيراني. هتمس منشآت الطاقة، أنا هولع في المنطقة كلها، وما فيش دولة هتنجو من الانتقام الإيراني. في تصعيد غير طبيعي. حس. فده أمر مهم.

إلى الآن لم يصدر أي شيء رسمي من الإدارة الأمريكية، لكن كل الخيارات على ما يرى كثيرون هنا، كل الخيارات بالنسبة للرئيس سيئة. قصف المنشآت النفطية الإيرانية سيدفع إيران ربما لقصف منشآت نفطية مقابلة. وفي المقابل، لن يفتح، لن يؤدي ذلك لفتح مضيق هرمز بكل الأحوال، لأن الدفع، دفع إيران نحو الزاوية وجعلها وتجريدها من كل ما يمكن أن تخسره، لن يثنيها، لن يدفعها لتقديم تنازلات، بالعكس سيجعلها تتعنت أكثر وأكثر. وهذا ما يقوله معظم المراقبين ومعظم الكتاب الصحفيين في الولايات المتحدة، على الأقل ممن يعارضون هذه الحرب، يرون بأن الرئيس الأمريكي تورط وانتهى الأمر.

طيب، ليه دونالد ترامب بيعمل الحركات دي هو ونتنياهو برغم إنهم ممكن يفتحوا مضيق هرمز؟ خليني أجيب لك سطر من صحيفة نيويورك تايمز. صحيفة نيويورك تايمز بتقول لك إيه؟ بتقول لك: "خلي بالك، دونالد ترامب قعد مع الجنرالات بتوعه العسكريين وقال لهم: أنا يعني أنا عندي إحباط إني مش عارفين نفتح مضيق هرمز". قالوا له: "يا ريس، مضيق هرمز ده لو عسكري إيراني واحد ركب لانش يقفل مضيق هرمز". شوف الكلمة. على فكرة أنا جايبها لك بالسطر. يعني أنا مش هحاول أفتي عليك في حاجة. بالسطر. قال لك: "عسكري إيراني واحد يقفل لك مضيق هرمز". ليه؟ مضيق هرمز هو معمول على حرف، والوسع بتاعه أو العرض بتاعه 31 كم ده تمام، بس هو العمق بتاعه الأساسي اللي يعدي السفن 4 كم فقط. قال لك: "يا باشا، جندي إيراني يركب لانش ويرميلك لغم، شكراً، المضيق ده وقف". فده أمر خطير.

طيب، السؤال الأبرز واللي جاوبت عليه نيويورك تايمز: دونالد ترامب ما قداموش غير خيارين حالياً. يا يلم الليلة بقى ويمشي ويدعي النصر زي ما هو بيقعد يقول لك: "أنا انتصرت، أنا انتصرت"، فيلم الليلة ويقول لك: "يا باشا، إحنا انتصرنا خلاص، إحنا كده هنمشي وإحنا أنجزنا المهمة والكلام ده كله". فده أمر. أو يكمل في الحرب للنهاية. الحقيقة، نيويورك تايمز فاجأتني بالإجابة. قالت لك كده: "كارثة وكده كارثة بالنسبة لترامب". قالت لك: "الاثنين كوارث". ليه؟ قالت لك: "تعالى نبص واحدة واحدة كده".

أولاً، دونالد ترامب هيمشي وهيحقن الدماء ويقول لك: "يا باشا، إحنا كلام كده قطعنا راس المرشد، قتلنا أهم شخصية مسيطرة على حكم إيران بقى لها كتير جداً، وقطعنا رؤوس نواب المرشد نفسهم، وأضعفنا الجيش الإيراني. إيران ما عندهاش دفاعات جوية، وما عندهاش قوات، قوات جوية، وما عندهاش قوات بحرية. بهدلنا كل حاجة. إيران شبه دولة. إيران حالياً مبنية على مدن الصواريخ اللي تحت الأرض، إنما كمدينة فوق الأرض أو بلد فوق الأرض مش موجودة". فإيران في وضع، في حالتها. "أنا سبت لكم إيران راجع 10 سنين للخلف". وترامب نفسه قال كده، وأنا جبت لك فيديو ترامب طلع قال: "أنا لو مشيت دلوقتي، إيران هتكون متخلفة 10 سنين، إنما أنا مش عاوز كده". ماشي؟

فهيقول لك إيه؟ هيقول لك: "أنا رجعت لكم إيران، وأنجزت مهمة على فكرة ثلاث أسابيع بس، وقضيت لكم على إيران دي كلها، وإيران عشان تقوم تاني عايزة لها وقت والكلام ده كله".

وكان علينا القيام بهذه العملية وفعلناها، وهي ناجحة جداً ومستمرة، وبصراحة، وكما قال الشخص، بإمكان المغادرة اليوم، وسيطلب إيران عشر سنوات لإصلاح الأضرار، ولكن نريد أن تكون الأضرار دائمة. لا يجب أن يكون أي رئيس أن يتحمل مثل هذه المسؤولية وإجراء مثل هذه العملية، ولسبب ما إذا لم يرغبوا فعل ذلك، فسوف نواجه نفس المشكلة، لأنني أريد أن تتكرر هذه المشكلة.

فقالك: "الاستراتيجية دي كويسة، ودونالد ترامب على فكرة ممكن يحاول يقنع الكونجرس بيها". يعني هو كلف الكلام ده كله وعمل الحرب دي كلها، والنتائج ممكن تكون مرضية لبعض مؤيدي ترامب، لأن على فكرة طلع فيديو امبارح استطلاع للرأي قال لك: "والله مؤيدي دونالد ترامب، المؤيدين الحرب دي كتير جداً". يعني لازم تعرف إنهم كُتار، زي ما حضرتك تشوف كده التقرير. فده أمر مهم.

طيب، نيويورك تايمز تقول لك كارثة ليه؟ تقول لك: "هو ترامب هيمشي صح؟ طب الراجل ده لو مشي، اليورانيوم المخصب اللي هو قال إن هو في أسفل الجبال، والمخابرات الأمريكية وفقاً لصحيفة نيويورك تايمز طلعت قالت إن إيران قادرة على استعادة اليورانيوم المخصب". صح؟ مين اللي هيستعيد اليورانيوم المخصب ده؟ ابن المرشد اللي هو المرشد الجديد، اللي هو مشتبى، اللي هو راجل ممكن يكون مجنون، أو بيصيبه حالة جنون دلوقتي، لأن كل اللي حواليه اتقتلوا، وأبوه اتقتل، وابنه اتقتل، ولا بنته اتقتلت. فالراجل ده حالياً بيعيش حالة انتقام. وما بالك لو حط إيده على اليورانيوم المخصب اللي ممكن يصنع منه 11 قنبلة نووية، هيبقى عامل إيه؟ ولو النظام السابق الإيراني كان عاوز يستعيد اليورانيوم دلوقتي، أنت بتتكلم على مشتبى، اللي هو المرشد الجديد، هيبقى أكثر إصراراً على استعادة اليورانيوم. فانت ما استعدتش اليورانيوم.

طيب، ده حاجة. أنت ما قضتش على البرنامج الصاروخي لإيران. لا، بالعكس، إيران عمالة تضرب صواريخ على الكيف. يعني قادرة على إطلاق الصواريخ لحد يوم ده. فده أمر. ما قضيتش على برنامج المسيرات الإيراني، ما زال موجود. ده أنت قضيت على نظام إيراني وجبت نظام بعده أكثر تطرفاً وأكثر جنوناً من نظام المرشد. إنجاز إيه؟ إنجاز إيه اللي أنت بتتكلم عليه ده؟ أنت لو رحت كده للكونجرس، ده أنت كده شكراً. وساعتها الديمقراطيين هيكونوا فازوا بانتخابات التجديد النصفي، وانت حكمك هيكون انتهى، لأن ببساطة أنت قمت بعملية حلفائك كلهم انتقدوه في بدايتها، إن أنت ابتديت الحرب دي من غير ما تنسق معاهم، وفي نهايتها اللي هي كانت نهاية كانت غير مقنعة لكل حلفاء. فده أمر. وأنت خلقت إيران جديدة، وعملت إيران جديدة أكثر تهوراً تجاه الخليج. ما فيش سلام بين الخليج وإيران خلاص. انسى موضوع السلام أو حتى الاحتواء مش موجود. فانت بوظت الدنيا ومشيت وضيعت على نفسك أهم إنجاز ممكن يكون أنت بتسعى ليه. إيه هو؟ دونالد ترامب لو كان قضى على إيران أو نجح إن هو يصفي إيران ويعمل فيها زي فنزويلا مثلاً، يغير نظام الحكم والكلام ده كله، لازم تعرف إن هو هيكون حقق أبرز إنجاز حققه رئيس أمريكي منذ الحرب العالمية الثانية. كل رؤساء أمريكا كانوا بيخافوا يتعاملوا مع إيران. هو الراجل اللي جه وقضى، وقع راس إيران وقضى عليه. فلو مشي من غير ما يحسم الحرب مع إيران، هيضيع على نفسه أهم إنجاز. ودي حاجة دونالد ترامب بيعزها جداً وبيحب جداً إن هو ينظر لها. فده أمر.

وأنت هنا هتشوف إن مدى خسائر كتيرة. فهتيجي تقول: "طب ما تيجي نكمل في الحرب؟ إحنا نكمل فيها بقى لحد ما نرقع النظام الإيراني، نجيبه الأرض". نيويورك تايمز تقول لك إيه؟ تقول لك: "بص، خلينا واقعيين مع بعض. دونالد ترامب انضحك عليه ليه؟ دونالد ترامب في بداية الحرب". وهجيبها لك بالنص برضه. مستشاري نتنياهو قالوا لنتنياهو، قالوا له: "يا ريس، أنت لو قتلت خامنئي والقادة بتوعه، احتمالية كبيرة جداً إن الشعب الإيراني ينزل ويعمل ثورة كبيرة جداً". نتنياهو خد الكلمتين دول وراح قالهم لترامب وأقنعه إن الحرب هتبقى قصيرة، هو أسبوع بالكتير قوي، إحنا نقتل القادة بتوعه والقادة وتحصل ثورة ونمشي. عشان كده ترامب كان بيدفع بالثورة وبيخلي الشعب الإيراني ينزل على أساس لما يقتل خامنئي الشعب الإيراني يفضل ينزل في الشوارع والشعب هو اللي يتولى الحكم ويسقط النظام. إنما اللي حصل إن دونالد ترامب غرز. فدلوقتي الخيار الأنسب إن أنت تخش وتكمل. ده من وجهة نظر دونالد ترامب. أنا أخش وأكمل. لو دخلت كملت، أنت يا باشا اخترت الخيار الأفضل واللي أي رئيس أمريكي مش هيختاره لو هو في مكانك.

كره ثاني حاجة، أنت هتقضي على إيران، هترجع إيران تاني تبقى مع إسرائيل يسيطروا على العرب، وهتضمن 31% من احتياطات النفط اللي في العالم كله معاك. فنزويلا معاك، إيران معاك، وأيانا اللي هي بتصدر النفط مش أوبك. هتقطع إيران من بريكس، هتقطع إيران من نفوذها مع روسيا وإنها بتدعم روسيا في حرب أوكرانيا. هتقطع إيران إنها بتمد الصين بالطاقة بتاعتها بصادرات نفط رخيصة جداً مهربة. ضربت ضربة قوية جداً، حررت الدول الخليجية من تهديدات إيران. أنت بتتكلم إن الدول الخليجية هتبقى أكثر تحرراً في التعامل مع الأمريكان. كان اتفاقية إبراهيم ممكن تنتشر في الشرق الأوسط. حاجات عظيمة جداً جداً. هترجع إيران تاني جمهورية، هتدي الحرية للشعب الإيراني زي ما هو بيعتقد. فدي حاجة عظيمة جداً. والكلام ده كله. بس إيه الثمن؟ الثمن أرواح الجنود الأمريكان هتزداد. أنت خلي بالك لحد دلوقتي ميت لك 13 في أسبوعين ثلاثة، كل ده من غير عملية برية عشان تستعيد اليورانيوم.

أعتقد أن العامل الأول هو الخطر، خطر وقوع الضحايا. قال رئيس الرئيس ترامب في حملته وفي وقت لاحق في خلال زيارة له إلى المملكة العربية السعودية إلى أنه لن يرسل أي جندي على الأرض، وهذا ما سوف يميز إدارته عن إدارات بوش التي دخلت في مستنقع في العراق وأيضاً في أفغانستان. هو لا يريد حروب لا متناهية، بل حملات عسكرية سريعة، ربما خطر وقوع ضحايا فيها يبقى منخفضاً.

لو استعدت اليورانيوم، أنت بتتكلم على كام جندي هيتقتل؟ يعني خلي بالك، تقديرات العسكريين الأمريكان، استعادة اليورانيوم دي مش عملية خاطفة. خد بالك، زي ما الأمريكان ممكن يكونوا بيحركوا وحدات عشان ينزلوا بري، إيران نفسها بتعد وحدات للتصدي للهجوم البري. إيران مش واقفة ساكتة. والحرس الثوري الإيراني البري هو الجزء اللي ما اتلمسش في إيران، ما زال محتفظ ببقية من قوتهم. فده أمر.

الأمر الثاني، خسائر عسكرية هتشوف إيه تاني؟ يعني خد بالك، إيران دمرت لك كل الرادارات اللي في المنطقة الأمريكية. ضربت رادارات في قاعدة موفق السلطي في الأردن، ضربت رادار في السعودية، ضربت رادار في الإمارات، في الأردن. ضربت رادارات. الرادار الواحد بمليار ونص. ماشي؟ اللي بتاع الأردن ده مليار ونص. أمريكا دلوقتي مش شايفة المنطقة غير بالرادار الموجود في قاعدة أنجليك في تركيا. واخد بالك؟ كلام خطير جداً.

طيب، حاجة ثانية، أسعار النفط هتكلفك قد إيه؟ أنت عشان تكمل وترقع النظام الإيراني، ادينا إحنا في الأسبوع الثالث و100 دولار أصبح سعر طبيعي جداً. تصحى كل يوم تلاقي برميل النفط بـ 100 دولار وطالع. وهتنفذ منك كل التصريحات اللي تعرف تلعب بيها بالسوق في سوق النفط. تيجي تقول: "والله إحنا هندخل قوات أمريكية والكلام ده كله". ما فيش خلاص يا جماعة. لو أمريكا بعتت بوحدات بحرية ترافق السفن بتاعة النفط دي في مضيق هرمز، هتبقى عاملة زي البطن، سهل جداً اصطيادها. ماشي؟ والإيرانيين هيكونوا مرحبين جداً بحاجة زي كده إن هم يشوفوا السفن الأمريكية تاني. حاجة ثانية، ناقلات النفط نفسها مش هتقتنع بمرافقة السفن الأمريكية، تكون في حالة خوف. أمر مهم جداً.

أنت كترامب لو كملت في الحرب دي هتخسر تقريباً كل حلفاء. لأن ببساطة العرب هيكونوا شايفين الحرب دي حرب انتحارية، خسروا فيها حاجات كتيرة جداً. الناتو أصلاً أنت خسرته، وأنت أصلاً هددته إن أنت ممكن تنسحب منه. إسرائيل هتبقى مكروهة داخل أمريكا أكتر من أي وقت مضى. ليه؟ لأن خلي بالك القصة كلها مش طالعة دلوقتي إن إسرائيل أقنعت ترامب إن هو يخش الحرب. القصة كلها دلوقتي إن إسرائيل هي اللي بتقنع ترامب إن هو يكمل الحرب. فاسرائيل هتبقى حالياً الشعب الأمريكي هيشوفها إنها متسببة في كل ده من أوله لآخره، وهيزداد العداء للصهاينة داخل أمريكا وخارج أمريكا. واللوبي الصهيوني هيبقى في أضعف حالاته، وترامب هيخسر انتخابات التجديد النصفي حتى لو فاز بالرئاسة، لأن التكلفة هتكون عالية جداً، والوقت اللي هو استثماره هيكون كتير، والقتل الأمريكان هيكونوا كتير. فتكلفة بشعة.

الحاجة الثانية، أنت بتتكلم إن هيتم استنزاف الجيش الأمريكي كما لم يستنزف منذ حرب فيتنام. إيران استنزفتك زي ما فيتنام استنزفتك بالظبط. ماشي؟ هترقعها ماشي، ما فيش مشكلة، بس إيه الثمن؟ ثمن قوي جداً. في الآخر كده، ترامب لو عاوز يرقع إيران، الكرسي بتاعه هيتنازل عنه. ولو غادر من منتصف حرب إيران، الكرسي بتاعه هيتنازل عنه. مين اللي قال كده؟ على فكرة، اللي قال كده هم النواب الجمهوريين. قال لك: "لو انتخابات التجديد النصفي دي في الكونجرس، نواب الجمهوريين فقدوا الأغلبية، لازم تعرف إن دونالد ترامب مش هيعرف يحكم، ودونالد ترامب اللي بيسعى لجائزة نوبل والكلام ده كله هيبقى في وضع صعب جداً".

الجمهوريون الذين يواجهون الانتخابات النصفية في نوفمبر المقبل يخشون أن يؤدي هذا التضخم وارتفاع الفوائد والركود الاقتصادي الذي يليه إلى التعرض لهزائم منكرة إذا ما بقيت شركات النفط تحقق أرباحاً طائلة وبقي الناخبون يحققون خسائر باهظة في ميزانيتهم المعيشية.

فنيويورك تايمز عايزة تقول لك إيه؟ تقول لك: "الخيارين كوارث، والمشكلة إن اللي حط نفسه في القصة دي هو دونالد ترامب، واللي حطه فيها هو نتنياهو. ده هو منه عارف يكمل إنها كارثة، ولا منه عارف ينسحب لأنها كارثين". إحنا قدام كوارث. الحرب، الحرب دي كل ما تكمل كل ما تبانها هيبقى أغلى بكتير جداً جداً. وأديك شايف الدنيا هتمشي إزاي. وتعال فكر بقى إن الدول الخليجية تنضم للحرب. ده أنت كده قلبت الحرب عالمية. الدول الخليجية هتنضم، حلفاء الدول الخليجية ينضموا، شكراً، الحرب دي قلبت عالمية. تمام.

في الآخر، أتمنى أكون شرحت لحضرتك الموضوع بشكل مبسط، وهنشوف الدنيا تمشي إزاي. اللي بيحصل في دول الخليج ده صعب جداً. ترامب حالياً في موقف سيء جداً ومش عارف يعمل إيه. وأنا أعتقد حالياً إن فيه ارتباك كبير جداً في الإدارة الأمريكية، مش في الحرس الثوري الإيراني فقط، لا، في الإدارة الأمريكية. وما تنساش المسؤول اللي استقال النهارده، جو كانت، اللي استقال، واللي هو رئيس وحدة مكافحة الإرهاب، وده أبرز مسؤول يستقيل بسبب حرب إيران. وطلع اتهم اللوبي الصهيوني وقال لك: "هو اللوبي الصهيوني اللي أقنع ترامب بالحرب دي، لأن ببساطة إيران ما كانتش بتمثل عليها تهديد". يعني فحرب دي تكلفتها عالية جداً بالنسبة لأمريكا.

في الآخر، يا رب أكون شرحت لحضرتك الموضوع بشكل مبسط. ويا رب انصر مصر، رب العرب، ويا رب فلسطين. يا رب. تحيا مصر. سلام يا محروسة بسيف شاطر وسيف حارس عليك يا مين، ومن فوق السماء السابعة حميك رب العالمين.