Transcription
لسه ما اشتغلش يا شباب. [تنحنُح] زلزال هورمست ليلة سقوط أمريكا أو مقاتلات أمريكا. تفاصيل مهمة جداً في القصة دي بتخرج بقى لها دقائق بسيطة، وأعتقد ده اللي كان مؤخر اللايف عندنا النهارده، إني أجيب لك كواليس ما تم إسقاطه من طائرات أمريكية. هتقول لي كام؟ هقول لك 22 طائرة. يا إزاي يا عاصم؟ ده اللي تم إعلانهم سبعة، وفي بعضهم لا. استنى بس معايا، الموضوع أكبر من كده. إسقاط أكثر من 22 طائرة ما بين طائرة مقاتلة ومسيرات. تفاصيلها بقى هنحكيها في لايف النهارده، وبالتالي تستحق عنوان "ليلة سقوط أمريكا".
مفاجأة بوتين تشعل مصر. القصة هناك كواليس صفقة مهمة. اتكلمنا في جزء منها امبارح، لكن يبدو إن الصحافة الروسية النهارده بدأ يكون لها ردود أفعال، والصحافة العالمية فيما يخص الرئيس الروسي فلاديمير بوتين وما يقدمه أو ما سيقدمه إلى القاهرة، خاصةً وإن القاهرة خلال ساعات بسيطة استضافت قطع من الأسطول الروسي. ده نقطة من أول السطر معاك. النهارده هنتكلم في النقطة دي.
ألمانيا بتستعد لصفقتها العظيمة مع مصر. أهلاً بكم في لايف جديد من لايفات "خمسة اقتصاد" اللي بنعملها بشكل يومي للوقوف على آخر الأخبار والتفاصيل والقصص وكواليس ما يدور في الاقتصاد والسياسة والشان الدبلوماسي والشان العسكري. الجميع مرتبط بحاجة واحدة فقط وهي المصلحة. هذا بيضرب مضيق هرمز، بيضرب منطقة الشرق الأوسط كلها. ليه؟ هقول لحضرتك.
الصين تضع بصماتها على أهم تحرك فيما يخص إيران. ليلة سقوط أمريكا حربياً. أكثر من 22 طائرة أمريكية تم ضربها منذ بداية هذه الحرب. بالتحديد لما تيجي تتكلم النهارده بنتكلم عن إعلان رسمي فيما يخص إعلان الولايات المتحدة الأمريكية بإسقاط عدد من الطائرات أو سقوط عدد من الطائرات عندها. بنتكلم في حوالي 16 مسيرة من طراز إم كيو. منذ بداية الحرب. ده تقرير لسه خارج من ساعات بسيطة. كلفة الواحد من دول حوالي 30 مليون دولار. ده غير بقى السلاح بتاعها، ده غير بوقود الطائرات، ده غير عملية الصيانة. كل دي خسائر بتترتب على عملية الضرب اللي حاصلة.
عند حضرتك بتتكلم على الناحية الثانية بشكل واضح جداً، وبنتكلم على إسقاط طائرة بشكل محقق. لأن خد بال حضرتك في تضارب في المعلومات حول ما تم إسقاطه من طائرات حتى وقتنا هذا. يعني التقرير النهائي لسه بيخرج. بعضه خرج من البنتاجون، وزارة الدفاع الأمريكية، والبعض الآخر لسه هم بيشاوروا عليهم هيطلعوا إيه وما يطلعوش إيه. أنا هقول لك الرسمي وأقول لك اللي بيجرى التكاهم بيه. الرسمي إن تم إسقاط 16 مسيرة من طراز إم كيو 9. بتكلفة الواحدة فيهم 30 مليون دولار. ده غير بقى التشغيل وتصير التشغيل والصواريخ والقصه دي كلها. ادي نقطة. دي مسيرات.
الناحية الثانية بنتكلم عن طائرات إف 15 إيه إيج. ده واحدة من الطيارات الثقيلة جداً خد بال حضرتك لدى الولايات المتحدة الأمريكية. دي تم إسقاطها فوق إيران وتم إنقاذ أحد أفراد الطاقم ومصير الآخر لا يزال غير معروف. وفي بعض التكهنات بتكشف وبتقول إن الجانب الآخر فيما يخص الحرس الثوري الإيراني بالفعل خد بال حضرتك بيتكلم عن نقطة مهمة جداً إنه بالفعل ألقى القبض على طيار أو عدد من الطيارين الأمريكان اللي تم إسقاطهم داخل الحدود هناك عندهم.
فيما يخص النقطة دي، مروحيتان من طراز إتش إتش 60 دبليو دول تعرضوا لإطلاق نار إيراني أثناء عملية الإنقاذ. طاقم الطائرات دي بخير، لكن بعضهم أصيب بجروح. بتتكلم كمان عن مروحيات أو طائرات تانية أو طائرة من طراز إف 16. دي برضه أعلنت حالة الطوارئ وهبطت بأمان، لكنها مصابة. تم إصابتها بالفعل.
طائرات تزود بالوقود الكي سي 135. وإحنا بنتكلم في طائرة أو طائرتين حتى وقتنا هذا. دول أعلنوا حالة الطوارئ. غير واضح حجم الأضرار فيهم. لكن حتى وقتنا هذا إن إحنا بنقول طائرتين، ما فيش طائرة واحدة. هي طائرتين.
بتتكلم كمان بقى عن الوحش الكبير الإف 35 الأمريكية العملاق اللي هي رافضة إنها تطلعه. هناك معلومات شبه مؤكدة حتى وقتنا هذا عن إصابة أو ضرب طائرة منهم وإنها أسقطت بشكل يعني زي ما بيقولوا أو بمعنى أدق هبطت بشكل طارئ، لكنها أصيبت إصابات بالغة جداً في النقطة دي.
بنتكلم كمان عايز أقول لك إن جايب لك بقية الطائرات. بنتكلم عن طائرة الكي سي 135 آر سترايكر وبتتكلم عن طائرة إف 16 سي جي. بنتكلم ده الحاجات اللي هو التفاصيل بتاعتها يعني. بتتكلم عن مروحية إتش إتش 60 اللي هي بلاك هوك. بتتكلم عن طائرة إيه 10 سي دي برضه ساندر لوك. دي دول منهم طائرتين مش طائرة واحدة.
فتتكلم النهارده إن كان يوم داني على القوات الجوية الأمريكية. دنيا مقلوبة في أمريكا. سمعة السلاح الأمريكي عالمياً بتضرب. في التوقيت اللي بكلم حضرتك فيه. وهنا نقطة ومن أول السطر. هي إيران صحيت متأخر أو دخلت الحرب متأخر؟ دول سؤالين مهمين جداً. دي نقطة مهمة لازم نسأل السؤال ده. ولا إيران لحق بها مدد من الخارج؟ دي برضه نقطة مهمة.
خد بال حضرتك بقى إحنا دلوقتي قدام روايتين حقيقيتين تماماً. أول رواية بشكل واضح جداً إن قد يكون ده جزء أو جزء من الخداع الإيراني. وإن ممكن تكون تصريحات دونالد ترامب عن تدمير القوات أو بمعنى أدق قوات قوات الدفاع الجوي الإيراني دي كلها لعبة. أو تكون إيران بالفعل تم تدمير قوات الدفاع الجوي بتاعتها، لكنها كانت مخبية أسلحة دفاع جوي لوقت معين. لأن هي عارفة بشكل واضح جداً إنها مش هتقدر تقف قدام القوة العسكرية الأمريكية. فقالت أطول أمد الحرب، أحرج أمريكا عالمياً، استنزف قدرتها على قد ما أقدر. وبالتالي بدأت تطلع دلوقتي أسلحة الدفاع الجوي اللي موجودة عندها بعد الطيران الأمريكي ما ركب سماء إيران خلال الأيام اللي فاتت ودمر قدراتها العسكرية أو حسب ما صدرت إيران. النقطة دي بدأت دلوقتي تطلع أسلحة الدفاع الجوي بتاعتها.
طيب الطائرات دي بتط بتطير على ارتفاعات منخفضة وعشان ما يتمش كشفها. وده اللي بيأكد صدق هذه الرواية. ما يتمش كشف هذه الطائرات فيما يخص أجهزة الرادار. وبالتالي الرادار شغال. وبالتالي أجهزة الدفاع الجوي شغالة. أو بالفعل ده بقى الرواية الثانية. وده اللي بنتكلم فيه. كافة الصحف وده اللي بتأكده دلالات معينة بعينها. هقول لحضرتك.
لأن الصحافة الصينية لما بتتكلم خد بالك ما بتتكلمش من تلقاء نفسها. تبقى واخدة تعليمات. مسيطر عليها بشكل كامل جداً. هي والروسية بالتحديد ما بينشروش حاجة من تفكيرهم. لازما بيكون عندهم معلومات وتحركات. طب إيه القصة فيما يخص النقطة دي؟ فيما يخص النقطة دي بالتحديد قيل إنها بالفعل لحق بها مدد روسي ومدد صيني خلال الفترة اللي فاتت. وإن بالفعل عمال على بطال بتبعت الصين الدعم هي وروسيا. سواء فيما يخص أسلحة الدفاع الجوي أو حتى منصات إطلاق الصواريخ.
طيب هل النهارده الروس والصينيين عايزين الأمريكان يتهزموا قدام الإيرانيين مثلاً كده بس بدون أي مقابل؟ لاطلاقاً. حضرتك القصة مش كده. القصة إنهم عايزين يحولوا إيران لفنزويلا أمريكا مرة ثانية. وبالتالي تغرز أمريكا أكتر وأكتر. وبالتالي تتضرر من هذه الحرب وتخرج بفشل رهيب جداً. لأن الحرب مش بس إنك تنزل وتدمر مقدرات دولة وتسيطر عليها. الموضوع مش كده. الموضوع أكبر من كده. الموضوع بقى بياخد منحنى تاني. إنت ممكن تنزل وتسيطر على الدولة وتدمر مقدرات وتتوحل فيها. آه بالنسبة لك إنت انتصرت على الأرض متواجد هناك. لكن في النهاية إنت اتوحلت بالفعل فيها.
هتقول لي طب وبالنسبة للدولة اللي بتضرب؟ لا عادي. هي بتتحول بقى لحرب عصابات وبتروح مقدراتها. زي ما شفت الكوبري اللي هو البي 1 أو البي 2 اللي اتضرب امبارح فيما يخص الجانب الإيراني. ده واحد من أكبر الكباري اللي بيربط العاصمة بالولايات المحيطة حواليه. إنت ضربت ضربت البنية التحتية. ما علينا من القصة دي. إنت في حرب وفي وسط حرب بالفعل. يبقى إنت النهارده بالفعل الصحافة الصينية بتكشف إن خلال الفترة اللي فاتت كان في جسر جوي بالفعل ما بين الصين من ناحية وما بين إيران. هل تم الاستعانة بأسلحة الدفاع الجوي الصينية لإسقاط الجانب الإيراني؟ الناحية الثانية آه حضرتك. ده حتى وقتنا هذا هي الشاهد أو الرواية الحقيقية.
على الناحية أو المنطقة الأخرى تم إسقاط طائرات إسرائيلية فيما يخص منطقة قزوين بالتحديد. بحيرة قزوين. وبالتالي إنت النهارده لما بتتكلم على دي بحيرة المفروض بيسيطر عليها من جانب روسيا. هنا إسرائيل يعني تقدر تقول الدنيا مشتعلة على الآخر فيها. هل بالفعل روسيا يعني اشتبكت بشكل واضح جداً مع إسرائيل وأسقطت النهارده مسيرة أو اتنين كانت المفروض إنها بتراقب البحيرة دي وعشان تقطع الإمدادات الروسية إلى الجانب الآخر فيما يخص إيران؟ لأن دي بحيرة مغلقة يعني روسيا وإيران وعدد من الدول اللي هي تقدر تقول دول الاتحاد السوفيتي سابقاً. فالنهارده بالفعل تم إسقاط مسيرة أو اتنين قيل إنهم مسيرات إسرائيلية. وحتى ده تم إعلانه إن فعلاً في مسيرة أو اتنين إسرائيلية تم إسقاطهم في هذه المنطقة. وعشان تقطع خطوط الإمداد اللي داخلة الجانب الإيراني. وكان بقى بدأ الحديث يتكلم وبدأت الصحف تطلع بعنوان "إيران تدخل الحرب متأخرة". بدأت الصحف الغربية تتكلم بأن إيران دلوقتي بتدخل الحرب بشكل مختلف. هل ده معناه انتصار إيران؟ هل ده معناه خسارة أمريكا؟ كل دي أسئلة تبينها الأيام الجاية.
معكم أو عمليات السقوط. بعض بدأ يتكلم برضه يروح بدماه لتفاصيل ثانية مهمة. خاصة الجماعة بتوع نيويورك تايمز بيقول لك لا ده إنت ممكن يكون مطب قوي جداً من الجانب أو من دونالد ترامب بأن يكون في أو إعلان إن في خسائر. لأن حقيقة على الأرض ما تمش إعلان سوى حوالي الـ 11 أو الـ 16 مسيرة الإم كيو 9 دول خلاص راحوا في تعداد الأموات. دول اتدمروا بالفعل ودول المفروض من أول الحرب حتى وقتنا هذا. وبتتكلم عن الإف 15 اللي تم تدميرها. الإف 16 اللي أصيبت واللي ما فيش كلام عن إن كانت تم تدميرها بشكل كامل. الطائرتين الحام اللي هم طائرات التزود بالوقود اللي تم برضه ضربهم فيهم أضرار. لكن قبل كده في أكثر من طائرة تزود بالوقود تم ضربها وأكثر من طائرة إنذار مبكر تم ضربها. فده يعمل إحراج لما يخص الجيش الأمريكي. أو بمعنى أدق يبدأ يقول إن الجيش الأمريكي بيهاجم في منطقة الشرق الأوسط ويكون ده تكتيك من ترامب نفسه. اللي هو عشان ياخد سريعة التدخل بري في إيران. وهو مش هيتدخل بري في إيران زي ما إحنا متفقين. يعني مش هيدخل اجتياح كامل. إنما هو هيدخل يكتاح جزيرة خرق والناحية الثانية السواحل الغربية وعشان يأمن تواجده في جزيرة خرق. فيما يخص الجانب ده.
دنيا مقلوبة بقى في القصة دي كلها. ليه؟ لأن في نقطة تخوف شوية. قال لك إن عدد كبير من الأسلحة اللي تم إسقاطها بيبقى فيها الإف 15 بتعديلاتها الحديثة. وأنا عايز أقول لك أنا معايا هنا تقرير. الشباب اجتهدوا فيه قبل اللايف بدقائق كده نعرف بس يعني بشكل تقريبي على فكرة مش بشكل أساسي أسعار الحاجات اللي تم إسقاطها إيه. يعني الإم كيو 9 دي بتتكلم في 30 مليون دولار للواحدة بس. جميل. إنت عندك 16 واحدة. احسب بقى. طيب بنتكلم كمان عن النسخ الإف 15 ممكن توصل لحد 100 مليون دولار مع التحديثات الجديدة اللي محطوطة فيها. طيب إنت بتتكلم كمان عن الـ 10 طائرات اللي هي ورسج ده مفروض إن هي الواحدة فيهم بتتكلم من 18 لـ 25 مليون دولار. قول 30 مليون دولار. ده السعر التقريبي. بتتكلم كمان عن الطائرات الثانية اللي بيتم إسقاطها برضه. يعني رينج الأسعار بنتكلم من 40 لحد 100 مليون دولار لكل طائرة من الطائرات اللي تم إسقاطها. وده بره طائرة الإف 35 اللي هي تعتبر بقى إيه هز لسمعة القوات الجوية الأمريكية.
الأهم أهم من كده مش هنا. الأهم بقى هو ما نشر أو ما نشر في التقارير بتتكلم عن إن في مهندسين وجنود من الجيش الصيني هم اللي بيشغلوا منصات ومنظومات الدفاع الجوي في الداخل الإيراني. ومش كده وبس ده هناك قوات من كوريا الشمالية وقوات من الجانب الآخر فيما يخص روسيا. بس مش بالكم والقدر اللي ممكن تتخيله. دي نقطة لازم تاخد بالك منها. قال لك والله ده في جزء بسيط بس من هذه القوات متواجد في الأراضي الإيرانية لتشغيل المنصات والمنظومات الجديدة. وعشان تقدر بشكل واضح إنك تورط أمريكا أكتر وأكتر في حربها مع إيران وتطول أمدها. هنا الصين وروسيا لا يسعوا لهزيمة أمريكا في إيران بشكل واضح. إنهم بيسعوا إن يطول أكتر فترة ممكنة من إنهم يتوحلوا في داخل الولايات المتحدة. من الولايات المتحدة إنها تتوحل في داخل إيران وداخل منطقة الشرق الأوسط. وبالتالي استنزاف خسائر أكتر وأكتر. وده يعود عليها بتوقيت العالم كله بيعاني. هتقول لي ما هي أمريكا هي اللي عاملة كده. ممكن توقف من بكرة؟ أقول لك ما ينفعش.
حسب الكتاب بتاع فن الحرب اللي وريته لكم قبل كده. قال لك إنك لك الحق إنك تولع الحرب. لكن مش هتقدر تتحرك أو تقدر تتيقن أو تقدر تقرا كل خطواتها أو كلها تسير لحد إنت مهما كانت قوتك. لكن خد بال حضرتك إن في ناس بتستفيد من التجارب اللي في النص أو من النتائج اللي في النص. وبالتالي النهارده الصينيين والروس سابوك تدخل الحرب. الأوروبيين سابوك تدخل الحرب. لأنك بصراحة برضه اتنمرت على الكبار اللي حواليك. ما اتنمرت على حزب الناتو. آه حلف الناتو وعلى الحزب الأوروبي اللي المفروض بيدعمك. المفروض إن هو الجانب الأوروبي كله كحزب. الجانب الثاني فيما يخص الشرق. إنت بتتنمر على الجانب الصيني وبتحاول تشتبك مع الصين. فبالتالي هم استغلوا نتائج إنك تدخل هذه الحرب. وإن إيران خلاص رمت القصة كلها وقالت لك أنا ممكن بقى أتعامل بقى إيه نظام حرب استنزاف وحرب عصابات. ويبدأوا يتدعوا النموذج المصري.
كان في تقرير حلو قوي للإيرانيين كانوا بيتكلموا فيه أول الحرب. قال لك والله إن إحنا هنتبع النموذج المصري فيما يخص حرب الاستنزاف. اللي هي حرب 1967. بعد 1967 حرب النكسة حصلت حرب استنزاف من بعد 67 لحد 73 لحد ما جبنا النصر بتاعنا. فهم بدأوا يمشوا على نفس الاستراتيجية العسكرية المصرية. وبالتالي النهارده في كارثة كبرى. إحنا دلوقتي ممكن يتم إقالة رئيس الاستخبارات دلوقتي حالا فيما يخص الداخل الأمريكي. إنت بتتكلم عن إقالة لمجموعة من القادة. كان أبرزهم وأهمهم بالنسبة لي أنا اللي هو القائد أو اللي هو رئيس الأركان البري. رئيس أركان الجيش الأمريكي أو رئيس أركان القوات القوات البرية. الاثنين مع بعض. الراجل ده يعني اللي هو كان مفروض الجنرال راندي جورج. الخبر ده كان مفاجأة. اتقلب الدنيا في الداخل الأمريكي. ليه؟ لأن القوات الأمريكية البرية لا تتحمل أي إخفاق في الحرب أصلاً. لأنها ما شاركتش من الأساس. وبالتالي في أكثر من علامات استفهام توضح ليه الراجل اللي هو وزير الدفاع الأمريكي بيت هيجس يخش ويشيل واحد من القيادات المهمة. في نفس التوقيت يتشال مجموعة من القادة اللي هم القادة الدينيين. لأن كل كتيبة بيكون ليها من واحد إلى ست قادة دينيين. المفروض بقى اللي هم القساوسة والحاجات دي. ويجي واحد يقول لك إحنا المفروض نبعد الدين عن الدولة. مش عارف إيه العلاقة أصلاً. يعني بس ما علينا من القصة دي عشان ده مش حديثنا أساساً. العكس الدين موجود في حياتنا وده شيء أساسي. والدين مش واقف عقبة قدام إن حضرتك تطور من نفسك. هي القصة إن في بعض الناس معششة في دماغهم الخراب والفساد. ما عرينا من القصة دي.
المفروض إن هو عين رئيس أركان جديد للقوات البرية. هو الجنرال كريستوفر لانيف. ده كان قائد سابق لفريق الفرقة 82 اللي في الجيش الأمريكي. ودي دي الفرقة الوحيدة في أمريكا اللي قادرة على الانتشار برياً في جزيرة خارك. معناها كده. إنت بتتكلم النهارده إن داخل أو في خلاف داخل الجيش الأمريكي على الاشتراك من عدمه أو النزول برياً. فشالوا الراجل وخلاص. قال لك والله إن الراجل ده كمان أو الفرقة دي عندها خطة للاستيلاء على اليوران.
النهارده بقى في تفصيلة مهمة قوي وأنا بحكيلك في قصة إيران والدوشة اللي بتحصل دي كلها ما بين أمريكا وما بين إيران. أو قصتين مهمين. القصة الأولى إن في فرقة قوات خاصة قيل إنها داخل أو موجودة دلوقتي في الداخل الإيراني. دي معلومة خطرة جداً. الناحية الثانية مش هي بس ده قال لك في قوة ثانية بتدعمها من الجيش الإسرائيلي. أنا ده قايله لك من حوالي خمس أيام. مش كده؟ قيل بقى أو حسب الكلام إن الفرقة بالفعل أو في فرق بالفعل قوات خاصة تتبع الفرقة 82 في الجيش الأمريكي. اللي المفروض الراجل القائد بتاعها بقى رئيس أركان الجيش دلوقتي أو رئيس أركان القوات البرية في الجيش الأمريكي. يبقى دي نقطة مهمة. إنت عندك هناك الفرقة دي المفروض بتعمل إيه؟ بتدور على حاجتين. القادة المهمين في الحرس الثوري بالاضافة إلى المرشد. والحاجة الثانية هو اليورانيوم وعملية تهريبه في عملية العالم كله يتكلم عنها. وترجع السمعة القوية للقوات الأمريكية.
النهارده بقى في نقطة مهمة قبل ما أكمل الجزء ده فيما يخص الجانب الطيران اللي تم إس تم إسقاطه. الطائرات اللي تم إسقاطها على الأراضي الإيرانية. قيل [تنحنُح] بسرعة حسب تقرير تقيل منشور في الواشنطن بوست بيتكلم عن إن تم سحبها من مين بقى؟ من عناصر تتبع الجيش الصيني. إذاً النهارده الرواية الصحيحة اللي كانت بتتكلم من شوية بأن في مهندسين صينيين وآخرين رؤس كل واحد قاعد على السلاح بتاعه في الداخل الإيراني. وإن في جسر من الأسلحة بيتم إسقاطه أو بيتم دخوله أو دعم إيران بيه من وقت لآخر عشان توحي أمريكا أكتر وأكتر. بالفعل معلومة صحيحة خد بالك.
هتقول لي طب ليه ما يتمش الحسم والجيش الإيراني يعود مرة أخرى؟ اطلاقاً. إنت النهارده بالشكل ده إنت كسبان في إيران. كسبان ليه؟ لأن أول حاجة النظام لم يسقط. رقم اثنين ما زال اليورانيوم المخصب بحوزتك. رقم ثلاثة وده المهم جداً إنك إنت النهارده بتستنزف القدرات الأمريكية. رقم أربعة بشكل واضح إنك واثق إن الناتو عمره ما هيتدخل في إيران. وبالتالي بتحاول تستنذب بشكل واضح إن أو بتجذب القوات الأمريكية إنها تتدخل برياً. هي هتنزل في خارق وهتنزل في الحدود الغربية. لو نزلت في إيران انتهت إمبراطورية أمريكا بكره الصبح وأنا بقولها لك. مهما كان طالت المدة إن قصرت.
إنت النهارده بتتكلم إن الفرقة 82 اللي تم إرسال قوات خاصة منها دي المفروض إنها ثلاث ألوية قتالية. كل لواء حوالي حوالي 4000 جندي. بقى المفروض إن هي معاها المعدات الهجومية بتاعتها. معدات النقل. وحدات المدفعية. الألوية اللوجستية. الكتايب. كل القصص دي كلها. الجيش الأمريكي عنده ست أفرع. بنتكلم قوات برية. بنتكلم اللي هو قوات البحرية. سلاح الجو. سلاح خفر السواحل. مشاة البحرية والقوات الفضائية. لكل فرع فيه رئيس أركان. ده المفروض هو قائد النقطة دي بالتحديد. الأفرع الستة بتشتغل تحت إيد رئيس الأركان الأمريكية المشتركة. وبالتالي اللي أُقيل ده مش رئيس أركان القوات القوات المسلحة الأمريكية قاطبة. ده ده كان مفروض رئيس أركان قوات برية ورئيس يعني تقدر تقول كمان بيقوم بمنصب يعني في نفس التوقيت رئيس أركان القوات المسلحة الأمريكية بالنيابة. كانه حد إيه بينوب عنده يعني. طيب هو كان في أصلاً قادة؟ آه القادة بيتم إقالتهم. إنت بتتكلم في ست قادة تم إقالتهم خلال الكام يوم اللي فاتوا.
طيب وزارة الدفاع الأمريكية فيها وزير الحرب. الراجل ده أساساً المفروض إن هو صحفي مذيع. آه شارك في حرب العراق والحاجات دي كلها وطالع قال كلام حلو لصالح ترامب. وبالتالي تم كمان هاته. حط وزير دفاع بقى في الجانب المدني. بنتكلم عن تحت إيده بقى ثلاث وزراء. وزير الحرب هو تحت إيده وزير البحرية ووزير القوات الجوية والوزير القوات البرية. طيب وبعد كده بيجي الستة الأفرع. ده تقسيمة الجيش فيما يخص الجيش الأمريكي من الداخل. ده معناه إن إنت النهارده بتتكلم بشكل واضح جداً عن إن في خلال الأيام اللي فاتت أو السنة الأولى من دونالد من حكم دونالد ترامب تم إقالة 12 قيادة عسكرية من العيار الثقيل. دي نقطة. نقطة مهمة. كان جوم أيام جو بايدن. بنتكلم النهارده كمان عن في إقالة وزيرة العدل من كام يوم. بنتكلم عن الجنرال ويليام جرين. ده كبير قساوسة القوات البحرية تم إقالته برضه. بتتكلم عن إن رئيسة الاستخبارات الأمريكية. مطبخ عمليات البيت الأبيض اللي هو المفروض هيتم إقالتها. تولسي جبار. ده مدير المخابرات الوطنية الأمريكية. دي المفروض إن هي يتم إقالتها. ده جهاز غير مخابرات السي آي. ده المفروض إن يتم كمان إقالة رئيس أو مدير مكتب تحقيقات الإف بي آي اللي هو المفروض باتل. ووزيرة العدل طبعاً. وانت شوف بقى حل القصة.
فإنت النهارده بتتكلم بسم الله ما شاء الله. دونالد ترامب بيوقع الولايات المتحدة الأمريكية كلها. وده اللي إحنا عايزينه. والعالم كله عايزه. يعني لأنهم ياما افتروا على الناس. لكن في النهاية هو ده اللي بيحصل على حضرتك. بسم الله ما شاء الله قادة كلهم بيتم إقالتهم بشكل أو بآخر. دي نقطة كانت مهمة. القوات الصينية الموجودة جوه أو المهندسين الصينيين سحبوا قطع من الطائرات اللي تم أو القطع الجوية اللي تم إسقاطها. اللي هي الطائرات. وده بيتم سحبه إلى الجانب الآخر. دنيا مقلوبة. دنيا مقلوبة. الأمور بتشتعل في الداخل الإيراني مرة ثانية. وبتعود بيدخل دونالد ترامب يعلن رسمياً أن عملية إسقاط الطيارات دي هيتجاوزها. ما فيش مشكلة. السفارة الإيرانية في جنوب أفريقيا مطلعة أسماء الناس اللي أنا عملتها لك دي بشكل واضح وعاملين عليهم علامات إكس. إن هو الدول بيتم إقالتهم بسبب فشلهم في الداخل الإيراني. خد بالك لما بيتم الإقالة ده معناه إن في لخبطة داخل الجيش وداخل صفوف الجيش بشكل واضح جداً.
خد بالك برضه دي بقى بتضرب سمعة السلاح الأمريكي. المفروض إن هو في المنطقة. لما نيجي نتكلم عن سمعة السلاح الأمريكي وعملية التصدير بتاعه هتلاقي إن أمريكا بتصدر حوالي 42% أو بتستهلك أو بتستحوذ على حصة من سوق السلاح في العالم. 42%. بنتكلم إن الـ 42% دول منهم 54% بس بيتم تصديرهم لمنطقة الشرق الأوسط. ده مصانع السلاح الأمريكي. وده دخل أساسي لأمريكا. وده اللي دخل أمريكا إنها تسيطر وتكون كبيرة العالم في يوم من الأيام. لأنها اشتغلت اقتصاد بس كانت بتصنع سلاح بس وكانت بتتفوق في النوعية دي من التكنولوجيا وتصدر للدول أوروبا كلها خلال فترة الحرب العالمية الثانية ونهاية فترة الحرب العالمية الأولى. وبالتالي بقت دخلت سوق العالمي من المدخل ده إنها بقت قوة اقتصادية قوية جداً في تصنيع السلاح.
النهارده هي بتستحوذ على 42% من سوق السلاح على مستوى العالم. منهم 54% بس بيجوا عندنا في منطقة الشرق الأوسط. النهارده سمعة الإف 15 إيه؟ سمعة الإف 16 إيه؟ سمعة سمعة الطائرات المقاتلة والمسيّرة إيه؟ سمعة الإف 35 إيه؟ طب اللي اتسحب على الأرض ده هيشتغل عليه في الصين تكنولوجيا عكسية. يومين ثلاثة أو الهندسة العكسية يومين ثلاثة وتلاقيهم طالعين بنموذج شبهه بالظبط. ما فيش مشكلة. والصينيين يا محبب على قلبهم دي نقطة مهمة. وبالتالي على الناحية الثانية برضه مش هننسى الروس. الروس اللي بيرسلوا قوات. القوات المفروض إنها قيل تتبع فاجنر أو الفيلق الأفريقي. ما هو خلاص بقى فاجنر يعني غيروا الاسم بقى اسمه الفيلق الأفريقي هنا في في أفريقيا. هل تم بالفعل سحب قوات من أفريقيا أو من الفيلق الروسي في أفريقيا وإنها دخلت الداخل الإيراني؟ دي معلومة حتى الآن غير مؤكدة. لكن المؤكد إن في قوات من فاجنر بالفعل تم إرسالها إلى إيران للمقاتلة أو تقاتل إلى جنب إلى جنب مع الحرس الثوري لإيران. وده تغير قوي جداً فيما يخص معادلة الحرب اللي بتحصل دلوقتي في الداخل الإيراني. تفاصيل كتيرة قوي بتحصل في إيران النهارده. وده معناها بشكل واضح جداً هيقلب الدنيا.
طيب وأنا بكلمك دلوقتي جبنا معلومة كده قبل اللايف بحاجة بسيطة بأن في اجتماع دلوقتي بين قادة دول الخليج بشكل واضح وعشان يكون في اتفاق واضح إحنا هنعمل إيه في هذه في الحالة دي كلها. خد بالك إن النهارده إن الجيش السعودي أعلن الطوارئ. أعلن الطوارئ بشكل واضح عشان يستقبل عدد من الطائرات الأمريكية المصابة. دي لأن بعضها منهم الإف 16 طلبت إنها تهبط في السعودية. واعتقد إن في طائرة ثانية برضه الإف 15 طلبت أو الإف 35 مصابة حسب حتى وقتنا هذا. لأن لسه ما فيش معلومة بشكل واضح إنها تم تفجيرها. لأن إسقاط أو إصابة خد بالك في فرق بين إصابة وإسقاط. إصابة دي يعني معناها اتضربت بس. يعني ممكن في أمل إنها يتم إصلاح. جميل. فلكن الإسقاط خلاص دي انتهت. انتهت قصتها خالص يعني. فإنت بتتكلم دي نقطة. فتم إدخالهم داخل القواعد العسكرية الخليجية أو قاعدة السعودية. قواعد سعودية بالتحديد. فدي نقطة.
النقطة الثانية بقى مهمة إن في اجتماع في الخليج دلوقتي. وإن الاجتماع ده أعتقد إن سلطنة عمان كانت واضحة فيما يخص تفاصيله. بأن بالفعل هي في تواصل ما بينها وما بين الجانب الإيراني من تهدئة الأوضاع. كمان إن برلمان إيران أخذ قرار إن هيكون في نقاط تحصيل في مدخل مضيق هرمز. وإنها تكون بالمنصفة بينها وبين سلطنة عمان. الأمور دي لسه في بدايتها ولم يتم حسمها حتى وقتنا هذا. المهم إن إنت عندك سمعة السلاح الأمريكي بتضرب. الطيارات اللي كان بيقول إن هي ما فيش أي تأثير عليها وإنها قوية وإنها قادرة بتضرب في التوقيت الحالي. وده مش سهل. سمعة السلاح الأمريكي. الخسارة هنا بدأت تزيد أضعاف وأضعاف. والصين مستمتعة هي وروسيا بهذا المشهد اللي بيحصل بأنها بتديها وبتدعمها.
النهارده كنا عملنا حلقة حلوة قوي نزلت النهارده الساعة خمسة بتوقيت القاهرة. دي حلقة بقى مش لايف هتعجبكم قوي وشوفوها. بتتكلم عن المفاجأة اللي بيعدها دونالد ترامب فيما يخص الانسحاب من منطقة الشرق الأوسط وعملية إغلاق القواعد الأمريكية بيد أمريكا نفسها. تفاصيل هنسيب لكم اللينك في أول كومنت. طيب تعالى بقى على الناحية الثانية وهي مفاجأة بوتين اللي أشعلت الدنيا كلها. مفاجأة بوتين اللي أشعلت مصر. حديث بقى بدأت الصحف. ما إنت امبارح كان في بقى حكينا قصة وزير الخارجية المصري اللي استقبله بوتين. واللي قال لك عايزين نعمل منطقة لوجستية في مصر. واللي قال لك واللي قال لك تفاصيل كثيرة قوي فيما يخص التعاون المصري والروسي وعملية التبادل التجاري بالعملات المحلية. وإنه بينتظر استقبال الرئيس المصري عبد الفتاح السيسي خلال الأيام القليلة القادمة في مؤتمر اللي هيتم دعمه أو اللي هيكون دعماً لأفريقيا. واللي بيقام في روسيا سنوياً. وده مؤتمر مش قليل. فبينتظر زيارة الرئيس المصري السيسي. جميل. الناحية الثانية بدأت الصحافة تتكلم. الصحافة الروسية. طيب أنا من امبارح قلت لك معلومة. والمعلومة دي عندنا من فترة. وهي معلومة غير مؤكدة. لكن فيها شيء كبير من الصح. جميل. وفي يوم من الأيام هقول لكم إحنا قلناها. إن مصر لديها برنامج لتصنيع طائرة مقاتلة. إف 35. إف 15. إف إيه. أي حاجة زي ما إنت تقولوا. المهم طائرة تجاري. هذه الطائرات يعني طائرة من الجيل الخامس. الجيل الرابع المعزز. مقاتلة متطورة. مقاتلة تكلفتها قليلة. تكاليف تكاليف تشغيلها قليلة. لأن النهارده تكاليف التشغيل عامل أساسي في تشغيل أي سلاح. جميل. بدأت الصحف وهي بتتكلم النهارده في أكثر من صحيفة روسية. ولو اتشقلبت على دماغي الصبح مش هعرف أنطق اسمهم عشان أبقى صريح مع حضراتكم يعني. بيتكلموا عن إن قصة المهم الهدف أو المضمون بتاع الصحف دي إن بالفعل في مشروعات كثيرة قوي خلال الفترة الأخيرة ما بين مصر وما بين روسيا. وإن مصر بالفعل بتحتضن. خد بقى نقطة من أول السطر وعايزك تتفاعل معايا بقى في النقطة دي بالتحديد. جديد اللايك والتعليق والشير. مصر بتحتضن قاعدة صناعية أو بمعنى أدق تكنولوجية صناعية روسية عسكرية بالتحديد خلال الفترة الأخيرة. وإن روسيا طرف مصر شريك أساسي ومهم. وإن بينهم مشروعات كبيرة جداً فيما يخص الجانب العسكري التصنيعي. ده بيأكد الكلام اللي قلت. وإن الموضوع وصل لحد التكنولوجيا الفضائية. التكنولوجيا الجوية. يعني معناها إيه؟ يعني معناها إن إنت بتشترك مع بعض في تصنيع مقاتلة. وأنا واثق إن في تصنيع مقاتلة أو تطوير مقاتلة بتحصل هنا عندنا في مصر الفترة دي. ده برنامج شغال عليه الجيش المصري وعنده من المصانع ما يعززه إن هو ينفذ هذا البرنامج. وبيجيب من الصين وبيجيب من روسيا عشان يعمل المقاتلة المتطورة بتاعته اللي هيعلن عنها فترة من الفترات. لكن مش هو التوقيت الحالي المناسب للإعلان.
نفس التوقيت بقى بتقول معلومة أو بتوصل لنا معلومة مهمة. وما لكش دعوة وصلت منين وجت إزاي. المهم إن عندك وهي إن قطع الأسطول الروسي بالفعل وصلت مصر أو سواحل مصر من أيام بسيطة. وإنها دلوقتي بتمرك بتتمركز بالقرب من السواحل هناك. مدينة أو منطقة مطروح بالتحديد في القواعد العسكرية. بقى في رأس التين فين بالتحديد ما حدش يعرف. لكنها في السواحل الشمالية متمركزة هناك في ضيافة الجيش المصري. خد بالك إنها دائمة التردد على السواحل المصرية. بس مش كده وبس. المرة دي لأن المرة دي في حاجة جديدة بتحصل وهي إن في بعض القطع اللي بالتاثير دلوقتي وبتعبر البحر الأحمر وعشان تتواجد هناك في جنوب مصر في منطقة برنيس. هل هتتواجد في؟ هل دي معلومة أصلاً صحيحة؟ هل دي معلومة مشكوك في صحتها؟ كل الاحتمالات واردة. هل ده مجرد تكهنات؟ ممكن. طب هل دي معلومات أساسية؟ الله أعلم. ما شفتش. ما كنتش أنا على رأس السفن والمقاتلات والمدمرات اللي بتعرف عشان صريح معاك. بس أنا بقول لك إن كل معلومة أو شائعة فيها شيء من الصح. وتواجدهم في برنيس في التوقيت ده سببه إيه؟ بيعملوا إيه؟ بينفذوا إيه؟ قصة التقارب المصري الروسي بالفعل بينا وبينهم مشروعات مهمة جداً في منطقة الصحراء الغربية. سواء فيما يخص مشروعات زراعية أو مشروعات صناعية. لكن التركيز الأكثر ما بينا وما بين روسيا على ثلاث حاجات. آه صحيح مشروعات وسبقات اقتصادية. بس الجانب الثاني المهم إن إحنا نتحول لمنطقة لوجستية. فمحتاجين منهم النفط والحبوب والتعامل بالعملات المحلية عشان نعوض اللي إحنا محتاجينه خلال الفترة الأخيرة دي. خاصة وإن إحنا عندنا عجز في الدولار اللي هو مفروض احتياجاتنا من الدولار بشكل واضح يعني. فإنت بتتعامل معاهم بالعملات المحلية. لكن أهم معلومة لازم تعرفها إن في جانب ثالث الممكن البعض يغفله وهو إن بينا وبينهم تعاون فيما يخص الجانب العسكري بشكل واضح جداً. أيوه بشكل واضح. الجانب العسكري بشكل واضح. بنقل تكنولوجيات عسكرية. بنصنع ونطور ونحط لمساتنا عليها. وكيل صناعي في عدد كبير من التقنيات والتكنولوجيات العسكرية ما بينا وبينهم. ونقل تكنولوجيات متطورة ما بين مصر وما بين الجانب الآخر فيما يخص روسيا.
الأهم من كده بقى إن طالما رحت التكنولوجيا يبقى لازم أعيد مرة ثانية الحديث فيما يخص ألمانيا وصفقتها العظيمة مع مصر. واللي للأسف بتيجي برضه المرة دي في آخر اللايف ومعلش هتكلم فيها سريعاً في دقيقة. لكن خد بال حضرتك في معلومة خطأ تخص الجانب الألماني. إن مصر بتنقل تكنولوجيات متطورة جداً وإنها خلاص تم الاتفاق على منطقة صناعية. أنا جبت لك المعلومة دي امبارح. لكن اللي ما قلتوش لحضرتك إن بالفعل هناك أكثر من 17 شركة ألمانية جاية تشتغل معاك هنا. طيب أنا هقول لك حاجة. تيجي أخلي لك صفقة ألمانيا دي بكرة وأقول لك على مفاجأة مهمة جداً. طيب انتظرونا بكرة الساعة خمسة بتوقيت القاهرة بالتحديد هيكون عندنا لايف مهم جداً. أنا عارف إن في معلومات لازم نتكلم فيها براحتنا وبصراحة. اللايف سحب مني. فطالما سحب مني خلينا لبكرة. سعدت قوي بحضراتكم لحد ما أشوفك بكرة. ما تنساش اللايك والتعليق والشير وتشترك في قناة اليوتيوب صفحة الفيسبوك. شكراً لكم. سلام طيب.