كيف تعرف إن كنت تعاني من نقص النوم المزمن - لماذا ننام - الجزء السابع - دوباميكافين

‏assall [موسيقى] [موسيقى] قلتلك في فيديو قبل ان القياده تحت تاثير قله النوم اخطر من القياده تحت تاثير الكحول وحرفيا يا صديقي الجميل ما في مبالغه في الموضوع.

اليوم راح اشرح لك ليش وعشان تحط في بالك دائما دائما انك ما تسوق ابد وانت فيك النوم. لكن حلقه اليوم ما راح نتكلم فيها عن النوم اثناء القياده. احنا بنتكلم عن اثر نقص النوم على التركيز والوظائف الاخرى. ونقص النوم ما اتكلم عن انك سهران يوم ولا ليله. لا اتكلم عن لما يكون عندك نقص نوم مزمن انت ما انت حاس فيه ابد ولا تدري عنه وماثر على ادائك وتركيزك وذاكرتك واشياء كثيره في الحياه وتكون مات منتبه للشيء هذا.

الجزء السابع من شرح كتاب لماذا ننام للمؤلف ماثيو ووكر. في هذا الفيديو يحتاج اقول لك ولا ما يحتاج اقوللك تحتاج كوب قهوه محترم كوب قهوه لذيذ جدا او مشروبك اللي انت تحبه ويلا نستمتع. [موسيقى] القهوه المستخدمه في هذا الفيديو يا صديقي الجميل كالعاده قهوه مزيج غيد من خطوه جمن البراند السعودي اللي يقدم اجود انواع القهوه المختصه راح تلقى رابط فروعهم في الوصف.

السلام عليكم ورحمه الله وبركاته اهلا بك يا صديقي العسل والجميل والخفيف واللطيف في قناه دوباميكافين حيث القهوه والموسيقى والكتاب مع اخوك ناصر العقيل يا اهلا وسهلا شرفنا.

بناء على احصائيه استعرضها ماثي وكر في الكتاب شاف ان الحوادث تقع بسبب النوم او قله النوم اكثر بكثير من الحوادث اللي تصير بسبب تاثير الكحول هذا واحد. والمعلومه الصادمه والاكثر رعبا هو ان الحوادث الاشن اللي تتسبب بوفيات هي فعلا بسبب نقص النوم اكثر بكثير من الحوادث اللي تصير بسبب تاثير الكحول. ليش هذا الموضوع يصير ليش كيف ما تكون القياده تحت تاثير الكحول اخضر والله هذا سؤال يعني جميل مثلك والاجابه عليه تكمن بشيء اسمه النوم الاصغر.

هذا يا ج جميل هو السبب اللي يخلي القياده تحت تاثير نقص النوم. النوم الاصغر بمنتهى البساطه هي حاله من النوم تشابه الشلل هي مي بنوم ولا هي شلل وتصيب الشخص يا طويل العمر لمده ثواني معدودات هذه الثواني المعدودات هي اللي تتسبب بالكوارث لا سمح الله. ش سالفه النوم الاصغر من اللي اكتشفه خليني اعطيك القصه.

ماثي وكر يتكلم عن عالم اسمه ديفيد دينجز يقول هذا العالم هو الرائد في مجال علم النوم هذا الجوت من الاخير يعني قال لك هذا العالم اصلا استطاع ان يجيب على اسئله كل علم النوم ما قدر يجاوب عليها. طبعا هو عدد الاسئله بس ما بصد راسك لكن واحده من هذه الاسئله هو سؤال جدا جميل يقول لك ما هو معدل التدوير عند الكائن البشري. د انجليزي يا مرسي طيب والله انا عارف ان الكلام شوي صعب خليني اشرح لك انا ما كنت اعرف ش معدل التدوير شش معدل التدوير.

قاللك معدل التدوير هو كم من الوقت يستطيع الانسان ان يبقى فيه مستيقظا قبل ان تبدا مهامه بالان حدار من حيث الاداء. خليني اكلمك بالهجايص هو كم ساعه انت تقدر تكون فيها مستيقظ صاحي من النوم وتركيزك تمام وادائه تمام وكل امورك تمام يبغون يعرفون كم المده اللي انت تقعد فيها بهذه الحاله من التمام لين يبدا ادائك بالتدهور من حيث التركيز والذاكره وغيره والتشتت وانت ماشي. فعشان يعرف كم معدل التدوير عند الكائن البشري العالم ديفيد دينجز كريستيانو رونالدو علم النوم جاب مجموعه من الاشخاص وسوى عليهم تجربه.

هذه التجربه كلمتك عنها انا في الجزء الاول بس قلتها لك كده بشكل سريع وبرضه هنا بقولها لك بشكل سريع ما راح اذكر لك تفاصيل التجربه لكن بقول لك شش النقاط المهمه منها من اكثر التجارب الممله اللي ممكن تسمعها في حياتك. التجربه عباره انه يجيبونك عند جهاز كمبيوتر يخلونك تقعد قدام جهاز الكمبيوتر لمده ع دقائق كامله شو تسوي ما تتابع دب م كافين لا تكون شغلتك طول العشر دقائق هذه انك تطفي لمبه اذا ول لعت بس في مصباح كذا حاطينه قدام الشاشه اذا ولع المصباح اضغط بالماوس وطف المصباح هذا لمده ع دقائق. تبي اخلي الموضوع اكثر مللا المصباح ما عنده نمط ثابت او وتيره ثابته يشتغل فيها المصباح مو بيشتغل كل ثانيه او كل ثانيتين وانت تطفيه لا عنده نمط عشوائي بعد ثانيه يشتغل تطفيه احيانا يقعد ثلاث ثواني يشتغل بعدين تطفيه ممكن يقعد خمس ثواني بعدين يرجع ثانيه وهكذا نمط متذبذب هذا النمط المتذبذب هو اللي يختبر شده التركيز عندك بيشوفون ك انت مصحصح ولا لا والمفترض ان استجابتك تكون سريعه تقعد تنتظر اول ما يولع تطفيه.

والله اني اذكر قد لعبت لعبه زي كذا يا ساتر كانت اسمها لعبه اختبار الصبر الكلام هذا زمان زمان يعني كنت انا في سادس ابتدائي اول متوسط شي زي كذا مره مره قديم الكلام ويا ساتر يا ذيك اللعبه فعلا اختبرت صبري وفشلت اكتشفت اني ما اعرف اصبر صديق ما قدرت كان المصباح يطلع ولا كان يطلع في نص الشاشه كان يتغير موقعه شيء يجيب المرض. المهم هذه التجربه اللي سواها دينجز فممكن تسال سؤال اوكي انا يا ناصر بدخل التجربه بتعاون بس كم يوم بقعد اسوي هذه الحركه بقول لك والله يا صديقي العس لمده 14 يوم اسبوعين كامله حتقعد قدام الكمبيوتر كل يوم لمده 10 دقائق وتقعد تطفي بهذا المصبح ولكن على شرط انك تنام عندهم ليش لانهم قسموا المشاركين الى اربعه اقسام او اربعه مجموعات.

مجموعه حرموها من النوم ثلاث ايام متواصله ومجموعه خلوهم ينامون اربع ساعات ومجموعه ينامون ست ساعات ومجموعه سعيده الحظ تنام ثمان ساعات يوميا. اللي حصل يا طويل العمر ولا ابغى اصدع راسك يعني بعد اول 24 ساعه بدوا يلاحظون الفرق في الاداء. المجموعه اللي انحرمت من النوم جلسوا كذا جالسين مساكين 24 ساعه صاحين تدهور ادائهم بنسبه 400% النسبه ك يه متوقعه صح واحد مواصل 24 ساعه طبيعي انه يكون اداءه تدهور بهذا السوء حلو.

لكن ش المعلومه الصادمه وهذه اللي انا ابغاك تحط عينك عليها اللي ناموا اربع ساعات في اليوم السادس تدهور ادائهم بنسبه 400% طبعا كان يتدهور يوميا لين وصل في اليوم السادس 400% تدري ايش معنى الكلام هذا تدري ش معنى الكلام هذا معناته اللي نام اربع ساعات لمده ست ايام واللي ما نام 24 ساعه اثنينهم متدهور ادائهم بنفس السوق لك ان تتخيل. خذ المعلومه الاكثر رعبا الناس اللي ناموا ست ساعات في اليوم ال 11 وصل ادائهم في السوء الى 400% تخيل هذه المعلومه المهمه جدا اللي ابغاك تحط عينك عليها زين. اللي ما نام 24 ساعه زيه زي اللي نام اربع ساعات بعد ست ايام وزيه زي اللي نام ست ساعات بعد 11 يوم كلهم في الهواء سوا تخيل لك انت تتخيل.

والله معلومه مثل هذه هذه بس المعلومه اسمح لي يعني كده استطرد كفيله وكافي كافيه انك تقتنع ان النوم اقل من النوم الكافي اللي هو سبع ساعات ونص او ثمان ساعات يسبب كوارث عبر الزمن لازم تنام نوم كامل لازم تنام لين تشبع بمقدار سبع ساعات ونص او اكثر لان المجموعه اللي نامت ثمان ساعات ما صار فيهم شيء طول التجربه 14 يوم يطفون الفيش زي الناس تخرجوا كهربائيين امورهم تمام اللي تاثروا هم الثلاث مجموعات هذه اللي ما ناموا لمده ث ايام واللي ناموا اربع ساعات كل يوم واللي ناموا ست ساعات كل يوم هذولي اللي تدهور طبعا انتهت التجربه بعد 14 يوم لك انت تخيل لو استمرت التجربه 30 يوم ش ممكن يصير كم النسب اللي بنسمعها طبعا هم تعدت ال 400% بس انا ابغى صدد راسك.

انا قلت لك ابغاك تركز على نقطتين مهمه هذه النقطه الاولى انه اضرار النوم تاتي تراكميه هذه النقطه الاولى. النقطه الثانيه اللي ابغاك تنتبه لها زين هي النوم الاصغر. ديفيد دينجز يقول لاحظت على بعض المشاركين ان تصيب هم حاله غريبه يقول هذه حاله فعلا كانت غريبه هذه الحاله في النهايه سموها النوم الاصغر. شف عشان تستوعب قوه التركيز تقاس بسرعه الاستجابه يعني اذا ولع المصباح المفترض انك تطفيه باسرع طريقه ممكنه لما تكون سريع استجابتك سريعه معناتها تركيزك حاضر وموجود.

بعد ايام من التجربه تبدا الاستجابه تكون ابطا يولع بعدين تطفي من هنا يعرفون انه اوكي تدهور الاداء لكن الحاله الغريبه هذه هي انه في طلاب تن حوا حرفيا تنحوا يعني ولع المصباح ما كانت استجابتهم بطيئه لا ما استجابوا على الاطلاق يعني كانوا طالون المصباح وثابتين كذا لمده ثلاث اربع ثواني اكثر من ذلك او اقل بعدين فجاه كذا كان انتبه وطفى المصباح بعدين يرجع يولع المصباح ثاني مره وترجع استجابته البطيئه اللي كانت على ما هي عليه. هذه هي الحاله الخطيره اللي يصاب فيها الشخص اثناء القياده يعني الشايب اللي شفناه احنا في بدايه الحلقه جدا نومه اصغريه قبل لا يبدا يغط في النوم بدايه انه يغط في النوم سهله اول ما بدات تطيح رقبته معروفه لكن النومه الاصغر اللي يخليها تفرق عن النوم العادي هو انه حواسك في الجهاز العصبي هذا الجهاز اللي جدا مهم تبقى مشدوده فعاله عكس النوم اللي هو عباره عن استرخاء بالكامل انت لما تنام تكون مسترخي بالكامل تماما حتى ما يمديك تمسك الجوال الجوال يطيح لكن النومه الاصريه هي اللي تخليك تدخل في النوم لثواني معدودات مع ان حواسك لا تزال مشدوده نوعا ما عشان كذا الشايب كان ماسك الدركسون ما ارتخت يده وفكه هذه هي النومه الاصغر وهذه اللي تتسبب بالكوارث.

الجزء الخطير منها يا عسل هو انك لا يمكنك ان تتنبا بمتى تصير ما تقدر تعرف متى بتصيب هذه النوبه عشان كذا اللي يا صديقي الجميل يكون نعسان او فيه نوم فيه نوم من جد او مواصل ويبغى يمسك خط او يسوق يعتقد انه موره تمام ما شاء الله هو حاضر وذن حاضر وعارف كل شيء وخذه مفاتيحه وجواله وبوكه وطلع وركب السياره ويدل البيت وهكذا يعني هو فعلا هو موجود وحاضر لكن معدل التدوير عنده تقريبا انتهى من فتره فتركيز اقل واستجابته اقل واموره كلها اقل بالاضافه الى انه مهدد ومعرض بانه تجيه هذه النومه الاصغر والمشكله انه يسوق في الخط ولا يعرف متى بتصيب ما يعرف متى بتجيه وهنا تكمل الخطوره.

فبالتالي ضروري يا عسل تنام زين ضروري تنام ثمان ساعات ارجوك سبع ساعات ونص بشكل دقيق يعني او من ثمان ساعات واكثر خلينا نقول يعني عشان اذا كان في تتقلب بين البينين فارجوك نام. عموما يقوللك ديفيد ينجز الشخص اللي ينام ونومه سليم وثمان ساعات والحياه حلوه يكون معدل التدوير عنده 16 ساعه. ايش معنى الكلام هذا يعني بعد ما تصحى من شبعه نوم مطقطق فيها زي الناس تقعد 16 ساعه وبعد ال 16 ساعه يبدا ادائك بالتدهور. قال لك لما تتعدى ال 16 ساعه يختلف طبعا على حسب العمر والشخص وما الى ذلك بس ما بين ال 16 الى 19 ساعه لما تكون صاحي من 16 الى 19 ساعه ادائك يكون نفس اداء اللي يتناول كحول بمقدار 0.08 النسبه القانونيه عندهم.

هذا مثل هذا طبعا هذا لا يعني انه ترى الكحول يعني اخف من لا لا لال لا تفهمني غلط احنا نتكلم في سياق معين الكحول كارثيه جدا على النوم وعلى غير النوم والدماغ واشياء كثيره والكلى والكبد وليله عشان ما تفهمني غلط لكن ال الفكره انه لا تستهين بقله النوم ابدا ولا تستهين في سالفه انه والله انا طول عمري انام اربع ساعات طول عمري انام ست ساعات ما لاحظت فرق انا اصلا انام ست ساعات واصحى من نفسي حتى من دون منبه اشوفها كافيه جسمي اصلا ما يخليني انام ثمان ساعات. اي هذه علامات كارثيه علامات عن شيء اسمه نقص النوم المزمن وهذا اللي بعلمك اياه بعد ما نسمع الفويس اللي طلبتها من علي يسجلها.

سالت انا قلت له سيارتك اللي صار عليها الحادث هل كان كانت بسبب نوم ولا لا يا علي لاني اعرف ان علي كان يقوللي انام وانا اسوق فقال لي لا الحادث له علاقه ثانيه ولكن النوم فعلا كان كارثي اسمعوا ش يقول علي. انا كان عندي عاده اني انام وانا اسوق ويعني استغفر الله العظيم يعني كنت شبه متعمد اني انام يعني تخيل اني وصلت لمرحله من الكيرلس نس اني اقول ل نفسي يا عمي نام شويه بس الين اللمبه هذيك او الين الكبري ذا طبعا صارلي سوالف كثير يعني كنت امشي بشويش ما اسرع انام ادعس يعني تخيل امشي 200 وانم 200 شاد اعصابك وذا وانم فكان عندي كذا كيرلس عادي لا ما بيصير شي واكثر من مره جاني النوم ونزلت على عيون قطط ولا نزلت خدمه ولا نزلت على التراب ونزلت وتجيني الفاضه وابدا اصحصح خلاص اني اقعد شاده الين وا البيت وانا قلبي يرجف وركبي قلت يا ولد ليه طيب سيارتي زينه ومكيفها زين وكل شيء صفط على اليمين ونام.

هل سبق ومر عليك هذا الشعور من قبل انه تكون نايم زين وتصحى من النوم وبعد ثلاث اربع ساعات الى خمس ساعات تبدا تحس بالانهيار ويجيك النوم وتفقد طاقتك او كانك فقدت طاقتك تماما بالرغم من انك ما سويت جهد يذكر خلال الاربع او الخمس ساعات الاولى من يومك يعني ما ركضت ولا شلت ولا شيت ولا شيء يعني غالبا ممكن حتى تكون على مكتب قاعد تشتغل او انك مداوم في جامعه وفجاه حسيت انك فعلا فقدت كل طاقتك وتبغى تنام. هذه واحده من علامات يا صديقي العسل نقص النوم المزمن. خذ عندك اذا تحس ان قوه حفظك اختلفت عن قبل هذه واحده من العلامات. اذا تحس انه ذاكرتك نفس الحكايه ما تقدر تسترجع الذكريات مثل قبل هذه برضه واحده من العلامات. اذا كنت تنام وجسمك مو قادر يوصل لثمان ساعات نوم هذه واحده من العلامات. اذا كنت تنام ونومك جدا خفيف هذه واحده من العلامات.

هذه علامات انه جوده نومك فيها مشكله وعلامات نقص نوم مزمن خصوصا اذا كان جسمك مو قادر يوصل لثمان ساعات نوم صدقني يا جميل الموضوع خطير جدا. الاخطر من هذا كله شوف الاخطر من هذا كله انه احنا نبدا نتعود على هذا التدهور في الاداء ونعتقد انه والله بسبب كبر السن ولا بسبب انه الاجهاد ولا بسبب ضغط العمل وايا كان نعتقد انه اي ما عاد صرنا مركزين م قبل او احيانا نقول والله الجوالات تسببت بضعف التركيز نعم طبعا اكيد لا وهي بعد تؤثر على منطقتين في الدماغ خطيره جدا جدا خلينا ان شاء الله نتكلم عنها لما نجي نقرا كتاب يتكلم عن صحه الدماغ وعن كل الاشياء اللي تساعد في تحسين صحه الدماغ والاشياء اللي تساعد او مو تساعد تدمره يعني وعلى راسها السوشيال ميديا تخيل شي شي مرعب خلنا ان شاء الله في سلسله قادمه.

لكن الشاهد انه احنا دائنا وتركيزنا وطاقتنا لما تضعف نبدا نعتقد انها بسبب اشياء ثانيه وشايلين النوم من بالنا ومثل ما قلت لك والمصيبه هو انه نتعود على هذا المستوى من الطاقه او هذا المستوى من الاداء تقول اوكي تتقبل تقول والله هذا مستوى طاقتي هذه قوه حفظي لا المفترض انها ما تتدهور لان شيخ في السن يعني خلك من الطاقه البدنيه اوكي هذه اشياء غير احنا نتكلم عن المهارات الذهنيه نتكلم عن طاقه الجسم بشكل عام يعني وشوف ناس طاعنين في السن طاقتهم ج جدا جدا عاليه بتلاحظ نومهم زي ما احنا نقول دايم نوم الشيبان ناظر شلون ينامون وناظر شلون صحتهم اصح مني ومنك فالتجربة تلقاه فالله يديم عليك النعمه والصحه والعافيه.

جرعه ما كنت ابغاها تطول عليك ترى على فكره صورت هذا المقطع ثلاث مرات الله وكيلك ثلاث مرات لكن عموما اهم شيء انه يوصل لك باذن الله احتمال يكون مش ممنتج عشان ينزل في وقته لان المفترض انه ينزل بكره انا باجله كذا يوم او اني باجل اسبوع وبنم منتج الحلقه كامله ثاني مره وادري بتزعل علي ولا تدري شش اللي صاير من خلف الشاشات عموما اذا تعرف شخص ممكن يستفيد من هذه الجرعه شاركها معه او شاركها مع من تحب ولايك اذا عجبتك الحل والى هنا نقول انتهت جرعه الدوبا مي كافين لهذا اليوم يا صديقي الجميل الى ان القاك الاسبوع القادم باذن الله بجرعه اجمل وافضل شكرا لحسن الاستماع وشكرا دائما على وقتك الذي لا يقدر بثمن نام سلام عليكم [موسيقى]