Transcription
شايفين الراجل المصري اللي طلع مع سبيد في فيديو امبارح ده؟ اللي ما تعرفهوش إنه عمل حركة معاه ممكن تحيّر العلماء 100 سنة لقدام.
اللي حصل إن سبيد امبارح وهو بيتمشى في خان الخليلي، الراجل ده وقفه وقال له يدخل المحل بتاعه وهيدي له هدية. فلما سبيد دخل، الراجل قال له: "هاديك أي قطعة انت هتشاور عليها في المحل هدية، بس بشرط إنك تجاوب صح على السؤال اللي هقوله لك."
وبعد كده قال له السؤال اللي انتوا هتسمعوه دلوقتي ده: "سلك >> سبيل سلك؟" يعني قول حروف كلمة سلك اللي هي حرير بالعربي. "اس اي." بعد كده قال له: "قولها بسرعة."
بعد كده الراجل سأله: "الجاموسة بتشرب إيه؟" اسمعوا كده إجابة سبيد: "لبن."
ما حدش سأل نفسه ليه سبيد قاله الجاموسة بتشرب لبن؟ مع إن دي إجابة غير منطقية وضحكت الناس عليه. لو ما تعرفوش، فمخنا بيشتغل بنظامين تفكير. النظام الأول اسمه التفكير السريع، والنظام الثاني اسمه التفكير البطيء. وعقلنا بطبعه بيحب التفكير السريع وبيكره التفكير البطيء، لأنه بيتطلب مجهود وبروسيسنج أعلى عشان يقدر إنه يحلل الكلام.
الحقيقة بقى الخبيثة في علم النفس إن العقل بتاعنا لو دخل في حالة التركيز التحليلي أو البطيء، واديتُه سؤال تاني وهو في نفس العملية التحليلية الأولى، غالباً هيجاوب عليه بشكل سريع ومش عقلاني. وهو ده التفكير السريع.
الكلام اللي أنا قلته ده دانييل كانمان، واحد من أشهر علماء النفس في العالم، قعد عشرات السنين عشان يكتشفوا، وفي الآخر حطه لنا في كتاب اسمه "Thinking Fast and Slow" من 500 صفحة. وج واحد مصري من عندنا، هزار في خان الخليلي وعاوز يسوّق لنفسه في أقل من 60 ثانية وبشكل عفوي جداً، درس علم نفس تسويقي للتاريخ. ومستعد أراهن بصوابع العَشرة إن الراجل ده ما قرأش الكتاب.
فبعد كده لما حد يسألك يقول لك مين أذكى مواطن في العالم؟ جاوب وانت مغمض عينيك وقول له: "المواطن المصري." وري له الفيديو ده.
وكالعادة، ما تنساش تعمل شير. Yeah.