ازاي متبقاش غلبان وطيب (ازاي تتحول من شخص غلبان لشخص مسيطر)

أهلاً بكم يا شباب في فيديو جديد. فيديو النهارده هقول لك إزاي ما تبقاش شخص غلبان. أنا عارف إن أنت بتسمعها كتير، ناس كتير بتوصف لك الوصف ده، وخانقك الموضوع، بقى مضايقك لدرجة إن أنت مش قادر تستحمل أكتر من كده. وبما إن الشهر ده مش هينفع أنزل فيه فيديوهات بنات، للأسف، فهتكلم في المواضيع اللي بعيدة عن البنات شوية. فأنت لو عندك أي حاجة، أي مشكلة تخصك بعيد عن البنات، اقترح عليا موضوع فيديو جديد تحت في الكومنتس، وأنا هتكلم فيه. يلا بينا نبتدي فيديو النهارده، واجمع يا غلبان، أنت وهو معي كده، عشان أقول لك على أحسن نصيحة تخلي الناس تبطل تقول عليك ده شخص غلبان.

أول خطوة لازم تعملها عشان تبطل تدي انطباع للناس إن أنت شخص غلبان، إن أنت تبطل تتعامل بحسن نية. بطل تتعامل مع الناس على إن هم سالكين من جوه، ونيتهم صافية، وبيض وجميلين بقى في التعامل وحلوين. سيبك من الكلام ده خالص، الصفات دي انتهت تقريباً مع والدي ووالدك. دلوقتي معظم الناس ما عندهمش صافي النية دي، مش سالكين في التعامل، ممكن يبقوا في وشك حاجة، ورا ضهرك حاجة تانية. لو جت لهم الفرصة يجوا عليكم يبيعوك عشان يستفيدوا هم، هيعملوا كده. خلاص ما بقاش بقى حوار عيش وملح وجدعنة، القصص دي بقت قليلة قوي دلوقتي. إحنا عايشين في غابة. هتفضل غلبان، هتفضل عايش في الغابة دي غزالة بتهرب من الناس كلها، عيش في قلق، والناس كلها عمالة تنهش فيك. بتحاول على قد ما تقدر تمشي جنب الحيط، ما لكش دعوة بالناس، ما بتعرفش تواجه، ما بتعرفش تاخد حقك، ما بتعرفش تقول لا، ما بتعرفش حتى لو أنت بتتنفخ في الشغل تطلب زيادة في المرتب، لا ده المدير بياخد شغلك ويقول إن أنا اشتغلت الشغل ده، أنا اللي عملت الشغل ده، وأنت قاعد ساكت عادي مش مشكلة.

صاحبك اللي مش غلبان زيك، المدردح شوية عنك، اللي يعتبر مثلاً كأنه ثعلب ولا دب في الغابة، هيبص لك بشفقة، هتصعب عليه جداً، وهيحاول يساعدك، وياخدك من إيدك لو هو شخص محترم، ويقف في ضهرك. بس لما يحس إن أنت خلاص ما فيش أمل وهتفضل معتمد عليه، هيسيبك، هيروح يشوف صحاب تانية شبهه، يعالج تانية شبهه، يقويه، يخليه يعرف يعافر في الغابة اللي إحنا عايشين فيها دي. لكن أنت بالنسبة له هتبقى بترجعه لورا، هيفضل معك ليه؟ عايز حد زيه يسنده ويقف معه ويطلعوا مع بعض، يبقوا زي الأسود اللي في الغابة، ضهرهم في ضهر بعض، ما حدش يعرف يقول لهم أي حاجة، فشخين الدنيا، مسيطرين على حياتهم، وعارفين هم عايزين إيه من حياتهم. أنت بالنسبة له واحد هترجعه 500 ألف خطوة لورا، واحد هتفضل ليابلتي في حياته، واحد هتفضل محتاج دايماً مساعدته ومحتاج دايماً خدمته عشان تعرف تعيش. والبنات زيهم زي اللبوة في الغابة، يعني مش هتيجي تقف جنبك يا غزالة، أنت هتروح تدور على أسد، هي كمان هتدور على اللي يحميها، هي عارفة إن الأسد اللي في الغابة ده عنده شخصية كده اللي هو ما حدش يعرف يتكلم معه، يسيطر على الكون كله، الألفا اللي في الغابة اللي بيمشي وراه الحيوانات كلها أو الناس. فلازم تفهم كويس جداً إن إحنا عايشين في غابة، والبقاء للأقوى، الغلبان اللي زيك ما لوش مكان وسطنا.

تاني خطوة إن أنت تبطل تعيش في جو الاستعطاف بتاعك ده، بطل بقى جو المحنسه بتاعتك دي، والناس اللي بتتعامل معك تحس إنك غلبان وطيب وعلانياتك، فما يعملوش حاجة معك غلط. صدقني الناس مش هتسيبك لما تعرف إنك شخص غلبان، كله هيدوس عليك. زمان كان ممكن، كان ممكن يقول لك يا عم ما تتكلمش معي، يا عم ده شكله شخص غلبان، حرام عليك يا جدع، فكان ممكن تستعطف الناس شوية وتقدر تخفف المواقف بتاعتك، والناس ما تدوسش عليك زيادة بحجة إن هم شايفين الغلبان دي. لكن دلوقتي خلاص ما فيش كده، الناس اللي كانت بتمسك نفسها زمان دي، وما تجيش عليك عشان أنت غلبان، خلاص الموضوع ما بقاش فارق معهم، واللي مش هيبقى عايز يجي عليك زيادة هيبقى مش عايز يجي عليك عشان حرام، مش عشان شخصيتك قوية مثلاً.

ثالث حاجة، بطل، بطل تيجي على سعادتك عشان سعادة الناس، عشان ترضي الناس، تفضل تحاول تقدم لهم وتبقى جدع معاهم، ويبقى هدفك إن أنت تفرحهم وتبسطهم. صدقني ما حدش هيقدر أي حاجة أنت عملتها له غير أبوك وأمك، كله دلوقتي مع ناكر الجميل، لو شاف مصلحته في حتة تانية بعيد عنك هيروح، هينفض لك، هيروح في الحتة دي. هو مش وحشة منهم، هو ده العالم اللي إحنا عايشين فيه، هم مش غلط، أنت اللي غلط. زي ما قلت لك كده إحنا مش عايشين في الجنة، إحنا مش عايشين وسط ملائكة، إحنا عايشين في غابة. دور على سعادة نفسك، وشوف أنت عايز إيه من حياتك. بطل تقول أنا آسف، بطل تقول حاضر في كل حاجة، اعمل اللي نفسك فيه يا أخي، دور على استمتاعك وإنبساطك بحياتك. ما تبقاش الناس كلها عمالة تستخدمك وتستغلك وتوديك يمين وشمال على حسب ما هي عايزاك فين. تص تعيش عيشة واحدة بس، هي فرصة واحدة بس اللي بتاخدها، خلصت خلاص مش هتعمل ريستارت، جيم أوفر على طول، مش هتبتدي من أول وجديد. كل اللي راح من دنيتك، وكل الفرص اللي راحت عليك، وكل الناس اللي داست عليك، كل الزلم اللي أنت شفته والإهانة، وأيام الكآبة والحالة النفسية الزبالة، كل الكلام ده هيزيد وهيتكرر كتير معك لو أنت فضلت في نفس مكانك كده، لازم تتغير. لو فضلت تتعامل بموضوع حسن النية ده والله هتروح في داهية ما حدش هيلحقك.

وصدقني كل واحد بيعدي عليك وبيدوس عليك ولو حتى حاجة قد كده، وأنت بتعديها تقول مش مشكلة ده حاجة بسيطة، وبتتهاون في الموضوع، الإهانة بتزيد أكتر وأكثر مع الوقت، هتلاقي نفسك أول واحد داس عليك كده، تاني واحد كده، ثالث واحد كده، الموضوع ابتدى يفتح وأنت مش عامل كنترول، وعمال تقول مش مشكلة ده حاجة بسيطة، هتلاقي نفسك ليفل السماحية بتاعك عمال يزيد، وعمال تسمح لناس أكتر إن هي تدوس عليك لحد ما تلاقي نفسك كله بيدوس عليك، وكله بيستفيد منك، وكله بيهينك لحد ما تلاقي نفسك المرمطوم بتاع القعدة. أنت بقى هيجي الوقت اللي تدافع عن نفسك فيه، وتقف قدام الناس، وتقول للناس لا، في حاجة مش عاجباك، كلهم في داهية مش عايزكم، مش عندي الكلام ده عند أمك في البيت، معلش. خدني شوية طول ما أنت بتعمل عشان ترضي الناس، عمر ما الناس هتدي لك بتاعهم 100% وتقول أنت شخص تمام زي الفل، لا بالعكس هتبقى شايفة إن أنت اللي بتعمله ده مش كافي، ومستنية منك أكتر. في ناس زعلانة منك، في ناس شايلة منك، في ناس حسّت إن أنت ما طلعتش معاهم جدع، بس أنت في الأول جربتهم في مواقف حسيت إن هم مش سالكين معك، مش قادرين معك، ما يروحوا الناس دي في داهية.

ثالث حاجة، ثق بنفسك شوية، أو بمعنى أصح، آمن بقدراتك. أنت بس اللي تقدر تحدد إذا كنت هتعيش في الغابة دي أسد ملك ولا غزالة. وطول ما أنت هتفضل حاسس إنك مش زي اللي حواليك، مش كافي للي حواليك، كلهم أعلى منك، طول ما هتحس إن أنت لسة محتاج تبدلهم وتقدم لهم عشان يرضوا عنك، وطبعاً محدش هيديك الشعور ده خالص، صدقني أنت الوحيد اللي تقدر تتحكم في قدرات نفسك. أنت ممكن تكون شايف سقف قدراتك هنا، بس أنت عشان ما وصلتش ما جربتش تشوف، ما جربتش توصل للسقف ده، صدقني ممكن يبقى السقف بتاعك ما لوش نهاية، أنت بس اللي مقفل على نفسك وحاسس إنك أقل من اللي حواليك. وأنا بصراحة واحد من الناس، لما بشوف شخص غلبان، أنا شخص شرير، أنا بدوس عليه، ليه؟ أنا هستفيد، أولاً هأخد منه اللي أنا عايزه، وثانياً الشخص اللي زي ده أنا ببقى بفيده لما بديله على دماغه عشان يعرف يتعلم، عشان يعرف يعيش وسطنا. كل شخص غلبان بيسمح للناس إن هي تيجي عليه لازم يجي له مرة يتفشخ عشان يعرف يفوق، لأن أنت خلينا كده نكون صراحة أو دغري مع بعض، أنت شخص خائف، جبان، بتخاف تتعامل مع الناس، خايف تطلب حقوقك، مش عارف تسد في المواقف اللي بتواجهك، بتحاول تفاضيها على قد ما تقدر، مش عايز تتعامل مع الناس، بتركب مشاكلك كلها على جنب وبتكومها وبتقول يا رب الناس ما تتعاملش معايا وتسيبني ماشي في حالي كده وخلاص. وأنا كواحد شرير عايش في الغابة معك، ومني في نسخ كتير قوي عايشين معنا، هنيجي عليه. لازم تخرج برة جوة أنا ماشي جنب السور ده، وتدخل في المعمعة، تدخل في الحرب، تواجه كل مشاكلك، تواجه كل أعدائك، وتتعامل مع الناس ودايخةزوقك وأنت تخزوق ده، وتاخد حقك من ده وده يجي عليك لازم. وعلى فكرة أنا مش زعلان عليك، أنا هزعل على الشخص اللي ابتدى غزالة فعلاً في الغابة، بس فضل يطور من نفسه لحد ما بقى مثلاً نمر، بس دخل معركة واتهزم فيها برضو، فهاجي أشجعه، هقول له أيوة أنت ماشي صح، كمل كده كده هتنجح وهتوصل اللي أنت عايزه وهتمسك الغابة كلها في يوم من الأيام. لكن أنت اللي ماشي جنب السور أنت مش فارق معي بجنيه، صدقني أنت أصلاً وجودك في المحيط بتاعي استفادة لنفسي، أنا بستفيد منك، أنا باخد اللي أنا عايزه منك، وأنت مش عارف تقول لي لا، فأنا بقول لك على خطورة الموضوع وأنت براحتك بقى. أنا هديت معاك كتير بصراحة، هتفضل قاعدتك دي على سريرك والله الحياة هتفوتك، ابدا وحاول وعافر في الحياة، صدقني الحياة جداً بتديك زي ما بتدي لها، مش لازم تشتغل كتير قوي عشان توصل للي أنت نفسك فيه، أي شغل خفيف هتعمله هتاخد مقابل قدامه من نفسك، حتة فوق حتة فوق حتة، مش بقول لك خد مشوار كامل وشوط كامل كبير، واحدة واحدة مع نفسك هتلاقي نفسك بتوصل. هو كده كده أي شخص غلبان ما بيتحولش في يوم وليلة يبقى شخص فيتك وأوري، يعني خذ راحتك بس ابتدي، أنت لو ما اتحركتش دلوقتي، وخدت الاكشن دلوقتي، ونزلت عملت أي حاجة، أي نيلة على دماغك سوري، فهتفضل واقف في مكانك، الناس كلها بتجمد وبتنشف وأنت واقف في نفس المكان اللي أنت فيه، وصدقني طول ما أنت في الوضع اللي أنت فيه ده عمر ما حد فينا هيفكر يلحقك أو ينقذك. صدقني مجرد خروجك من الأوضة بس وتعاملك مع الناس أكتر هيعلمك كتير قوي، وده كان نهاية الفيديو. قرر دلوقتي حالا أنت عايز تعيش في الغابة دي إيه، أسد ولا غزالة؟ أشوفك الفيديو الجاي.