٦ اسرار تخفيها البنات عن الرجال يجب أن تعرفها

طبعا كم مرة كنت انت فاهم ان انت فاهمها، ولكن اكتشفت ان انت ما تعرفش اي حاجة؟ وليه علاقتنا بالجنس الاخر اللطيف ده بتبتدي بشكل حلو جدا وبعدين بتبرد؟ وليه هي مش مرتاحة رغم ان انت بتعمل كل اللي تقدر عليه؟

الحقيقة ان في حاجات معينة احنا رجالة ما نعرفهاش عن البنات، ولكن اذا قدرت انك تفهمها هتعرف تلعب اللعبة الصح. وتنويه هام عشان عارف ان الفيديو ده هيعمل مشاكل، الفيديو ده مش هدفه الاساسي هو ان انا افهم عقلي اي بنت فاستغلها او اضحك عليها. الفيديو ده عشان نفهم هم ازاي بيفكرو، لان طريقة تفكيرهم مختلفة شوية عن طريقة تفكيرنا فعلا. لما تفهم الانسان اللي قدامك تقدر تحبه صح وتقدر تتواصل معاه بشكل احسن، ودي حاجة بجد كلنا محتاجينها.

بقولك ايه او بقولك ايه، تعالو نبتدي وانا هاشرح وانت هتفهم قصدي ايه في النص. زمان كان في خرافة عن الـ والبنات والبنات عامة في الحياة بتقول ان البنات كائنات عاطفية وضعيفة والرجالة كائنات عقلية وعقلانية بتفكر بالمنطق والحجة. خليني اقولك ان الكلام ده غير دقيق شوية، ولكنه برضه مش طالع من فراغ. يعني مثلا في الكتاب اللي اسمه زفيم البرين البرين، وعلى فكرة الكتاب ده كان بيتكلم للجنسين يعني، لان احنا ممكن يكون انا كراجل الراجل عندي الفيميل برين شغال اكتر من الميل برين. ولكن في هذا الكتاب كان في شوية نظريات ممكن تغير تفكيرك شوية في هذه النقطة. يعني الشخص اللي عنده المخ الانثوي هو اللي مسيطر، هو اكيد بيبين عاطفة اكبر وقدرة على التواصل اكبر بكتير من المخ الذكوري. ولكن ده جوا المخ نفسه. التصرفات نفسها ممكن تكون مختلفة. يعني انا ممكن الاقي في بنت عندها المخ الانثوي هو اللي موجود وشغال، ولكن تصرفاتها تبين سيطرة وقوة و وكل الكلام الجميل ده. بس هي من جوا فراجيل جدا او هشة جدا. فاحنا كرجالة ما نكونش بقى فاهمين الكلام ده وده يخلينا نخش في خناقات دايما او يخلينا ما نفهمش الطرف اللي قدامنا ونخسر حتى في بعض الاحيان علاقتنا بيه.

فتعال في هذه الحلقة زي ما قلتلك اقولك على ست نقط ضعف موجودة تقريبا عند كل البنات او السيدات في هذا العالم، واللي انت اذا فهمتهم ممكن تكون بيها بتطور علاقتك بيهم احسن. وتاني هاعيد انا مش عايز نتلاعب بالجنس الاخر، ولكن عايز نفهمه صح. لان اذا فهمت الشخص اللي قدامي هاعرف احبه احسن. بس مش عارف انا الرجالة دي عايزة ايه من الستات. دايما بيستغلوهم كده.

اول نقطة ضعف هي الاحتياج للتقدير العاطفي المستمر. ودي من كتاب اتاتشد او متعلق. وفي هذا الكتاب كان بيشرح فكرة ان البنات عامة بيكون عندها نظرية التعلق. تتعلق بفكرة التوتر والخوف من المستقبل او الخوف من المجهول بشكل كبير. يعني في معظم الاحوال ممكن تلاقي البنت اللي انت بتتعامل معاها عندها مشكلة عدم اطمئنان. مش عشان البيئة اللي اتربت فيها ولا حاجة، ولكن عشان دي الطريقة اللي هم بيفكرو بيها. فهم محتاجين كل شوية ان انت تطمنهم اكتر من الطبيعي اللي انت متخيله. ومش عن طريق الكلام الحلو بس. لا هي لازم يوصلها احساس ثابت ومهم ان كل حاجة مطمئنة وان ما فيش مشاكل ممكن تكون موجودة حوالينا دلوقتي او انا على الاقل ما عنديش مشاكل من ناحيتك ده.

ودينا لنقطة الضعف رقم 2 وهي فكرة الخوف من الهجر. في كتاب هولد مي تايت لسو جونسون كان بيحاول يشرح ان ازاي ان في ناس ممكن عشان تحاول ان هي تهرب من الوحدة فبتحاول ان هي ترتبط بناس تانية في حياتها بغض النظر هل الناس دي كانت مناسبة ولا لا. فهو بشكل اساسي فكرة الخوف من الهجر. واللي على فكرة ممكن يزودو بشكل كبير جدا الترومز اللي بيعدي بيها اي طفل او اي طفلة من وهما صغيرين نتيجة هجر الاهل. الفكرة دي في حد ذاتها ممكن تكون بتخلي اي بنت عرضة اكتر او بتحس بخطر اكبر اذا حست ان في نية للهجر. خليني اقولك بشكل تاني. هم بيكونو متحفزين اكتر ناحية الفكرة دي اكتر من الرجالة. يعني انت ممكن ما تكونش بتفكر في الموضوع اصلا ولا فارق معاك ولا حاسس ان انت ممكن تعمل كده في يوم من الايام. ولكن هم دايما عندهم هذا التساؤل في دماغهم هل هو هيسيبني ولا لا.

تالت نقطة ضعف هو الاعتماد على العاطفة اكتر من المنطق. ودي كنا اتكلمنا فيها شوية. حتى جاية من كتاب حلو جدا كلكم كنتو بتحبوه يعني اللي هو اسمه من او الرجال من المريخ والنساء من الزهرة. واللي كان فيه بشكل بسيط جدا ان احنا كرجالة بنفكر بطريقة الخط المستقيم. يعني احنا بنحاول نربط كل نقطة بالنقطة اللي بعدها فنطلع منطق نقدر ان احنا نتكلم بيه ونفكر بيه. اما الجنس الاخر مش بيفكر بالطريقة دي. ولكن بيفكر بالطريقة الدائرية شوية. يعني الاحداث مش مترابطة. التوقيت مختلف عندهم. افكار انت ما تقدرش ان انت تبص عليها وتشوفها زي فكرة الطاقة والمشاعر الكتيرة اللي ممكن تكون موجودة جواهم. وفكرة زي الاحساس الداخلي اللي بيقولها ان في مشكلة ممكن تكون انت موجود فيها دلوقتي او هي بتعدي بيها في علاقتها معاك. مشكلة الرجالة كتير جدا في النقطة دي ان هم بيحاولو يتعاملو مع المراة بالنظرية بتاعت الخط المستقيم. وهما اصلا مش دي الطريقة اللي بيتعاملو بيها. ولما بلاقي مراة بتتعامل بالنظريات الدائرية اللي انا قلتلكم عليها من شوية بحس ان هي عندها مشكلة ما. ولكن هي ما عندهاش مشكلة. هي عقلها بيشتغل بالطريقة دي وانت عقلك بيشتغل بطريقة تانية.

نقطة الضعف ال4 اللي موجودة عند معظم السيدات يعني وانا هاتلام كتير على اللي انا هاقوله ده ربنا يستر يعني. هي فكرة المقارنات. ان هم بيحبو يقارنو نفسهم بالناس ال2 او بحياة الناس ال2. اقارن نفسي بقى باهلي واصحابي على السوشيال ميديا واشوف قد ايه هم مبسوطين ويا ترى احنا مبسوطين زيهم ولا لا. طب هل احنا عايشين حياتنا زي ما انا كان نفسي اني اعيشها في الصورة اللي انا متخيلاها قبل كده ولا لا. في دايما فكرة المقارنة المستمرة. والفكرة دي بتخليها تحس ان هي متاخرة شوية. وعشان كده انت دايما بتحس ان هي بتطلب منك كتير. معلش هاقولك انت عامل ازاي بس اصطبر انت بس شوية نخلص النقط وبعد كده نقول الحل.

نقطة الضعف ال5 هي التحكم كالية دفاع. يعني احنا ساعات بنشوف بنت مسيطرة في العلاقة او بتحاول ان هي تبين ان هي مسيطرة او مسيطرة على حياتها بشكل كبير او زي ما هم بيقولو يعني انا بنت قوية ومستقلة. ولكن التحكم اللي انت بتشوفه من برا ده في الغالب بيكون قليل الدفاع عن نفسها مش اكتر. ده كاتبة كتاب هل كانت بتقول هذه المقولة ان الست بتحاول ان هي تتحكم عشان تكون هي حاسة بامان. لان هي شايفة نفسها. انا عارفة ان العالم اللي حواليها ممكن بيكون بيحاول ياذيها. فبالتالي انا لازم انا اللي اكون قوية. ومش كل الستات بتعمل كده. ولكن في بعض ال يعني هم اللي بيفكرو بالطريقة دي. اللي هو بيحسو ان لو السيطرة مش في ايديهم هيحسو ان هم عرضة للخطر او عرضة ان يحصلهم اي حاجة مش كويسة. اما عن الاخر نقطة ضعف موجودة معانا النهارده هي فكرة ال او التفكير المفرط.

يا مايكي مش انت ولسه قايل من شوية ان هم ما بيفكروش وبيحسو؟ لا يا جماعة هم بيفكرو زينا عادي خالص. ولكن هم عندهم الجانب العاطفي برضه عالي. ولكن تفكيرهم يتسم بال هافهمك. فاكر لما قلتلك تفكير الراجل عبارة عن خط مستقيم؟ يعني اذا انت مثلا دلوقتي عديت بموقف ففي الغالب انت بتفكر في النقطة اللي بعدها النقطة اللي بعديها ونتائج هذا الموقف وممكن تعمل ايه عشان تصلحه. عالم مراة برضه بيفكر. ولكن ممكن يقف في نقطة 1 لفترة طويلة. يعني ممكن يقف في النقطة بتاعت تحليل الموقف. تبقى انت خلاص خلصت وبتشوف هتعمل ايه في حياتك بعد كده. ولكن هي لسه عمالة تشوف نفس الموقف ده من اكتر من زاوية. يعني هو لما قالي مثلا حاجة معينة كان يقصد بيها ايه؟ هل قالهالي بنبرة معينة؟ هل قالهالي وهو بيفكر في حاجة تانية؟ هل قالها لحد تاني قبل كده؟ هل في ناس تانية بتقولها لمراتاتهم زي ما هو بيقولي؟ لا فاهم فاهم. فهما بيفكرو. ولكن هما ممكن ال يوقفهم في نقطة معينة.

مايكل انت عقدتلنا البنات كلها وطلعتلنا البنات كلها معقدة. انا متاكد الحلقة دي هتخلي البنات تزعل مني او تقول يعني الشخص ده فاهمنا. ولكن صدقوني مش فاهمكو. انا بجتهد برضه. او تخلي الرجالة نفسها تقولي يا عم انت مش فاهم انا اللي عندي في البيت دي 1 مختلفة تماما عن اللي انت بتحكي فيه دي ثقافة غربية فارغة. ولكن خليني اقولكم ان اكيد في او اكيد في يعني زي شيء مختلف في كل شيء اساسي ممكن يكون موجود في حياتك. كل قاعدة وليها شواذ يعني زي ما احنا بنقول. فاكيد الموضوع مش دايما بيمشي كده. ولكن العلامات اللي انا قلت عليها الستة دول ممكن يكونو موجودين عند معظم البنات اللي مش بتفكر بطريقة مش عايز اقول وعية. ولكن اللي مش بتاخد بالها من طريقة التفكير والنمط اللي بيتكرر.

الحل ايه بقى؟ الحل صدقني الكل اللي فات ده في جملة 1 بس. اولا كل نقطة ضعف هو سلاح ذو حدين. اذا انا حسست الطرف التاني ان انا فاهم الفكرة دي ومقدرها او بتعامل على اساسها. هو هيحبني جدا وهيحترمني وعلاقتنا ببعض هتكون افضل. ولكن وشدلي تحت كلمة لكن دي 100 خط. لو انا كراجل استغليت اي نقطة من اللي فاتت. لان في رجالة فعلا بتعمل كده. لو انا استغليت اي نقطة عشان اسيطر ولا عشان اجبرها ان هي تعمل حاجة معينة او عشان اتحكم فيها بشكل او باخر. لو انا استغليت كل الكلام ده. انا بالنسبة لها هاكون اكتر انسان بتكرهه في الدنيا.

الذكاء ان انت تكون قوة المراة في الحتة اللي انت شايف ان هي ناقصة فيها. يعني اذا كان تفكيرها واقف في مرحلة ما. انت قوتك في ان انت تكون بتاخدها من ايديها وتعديها من المرحلة دي. في نفس الوقت برضه تسمحلها ان هي تتعامل مع نقطة الضعف برضه اللي موجودة عندك من وجهة نظرها. لان برضه هم من وجهة نظرهم ان احنا ضعاف في حاجات تانية كتير. زي مثلا ان احنا مش بناخد بالنا من التفاصيل. واكيد انت عارف الموضوع ده. فعلى كلام برينيه براون في ديرنج ريتلي العلاقات بتتبني على نقط ضعف اللي قدامي ان انا احاول اني اطورها. مش على نقط قوتي في اني احاول اني اظهرها. تاني عشان تفهمني. انا مش عايز كراجل اكون بتمنظر واقولها انتي بتفكري بطريقة غلط. انا عايز اكون انا بساعدها في النقطة دي من غير ما انا اقولها الصح من وجهة نظري يكون عامل ازاي. في نفس الوقت برضه العكس. هي لو جات قالتلي انت المفروض تعمل حاجة معينة. انا هاقولها يعني انتي اكيد مش فاهمة حاجة. ولكن العكس المفروض يحصل. عن طريق ان هي تحاول تساعدني في نقطة الضعف اللي انا واقف فيها. مش تبين ان هي اقوى مني فيها.

فتاني عشان نفهمها. العلاقات القوية مبنية على فكرة الضعف المشترك ومساعدة الضعف المشترك اللي بينا ده. مش على فرض السيطرة او ان انا ابين نقط قوة بتفرقني عن الطرف التاني. انا اتمنى ان انت وان انتي تكونو فهمتوني صح. عشان بس يعني انا عارف ان انا هالاقي يعني هجوم كتير على هذه الحلقة. ولكن تاني هاكدلك ان لكل قاعدة استثناءات. واي حد هيتضايق من اي حاجة انا قلتها هاقوله الجملة الشهيرة بتاعت معلش. عامة انتو كمان شاركوني في التعليقات شايفين ان الكلام ده صح؟ شايفين الكلام ده غلط؟ شايفين الكلام ده بيحصل بنسبة؟ شاركوني وقولولي برضه سواء كنت انت راجل او كنت انت ست انت مستني ايه من الطرف التاني. فانا طبعا حابب اقولكم شكرا ليكم. ولو عجبك المحتوى ما تنساش تعمل لايك وما تنساش تعمله شير او مشاركة مع شريك حياتك او شريك حياتك عشان تفهمهم كده ان احنا محتاجين نتكلم مع بعض. وده غالبا هيكون كتابنا اللي جاي. احنا محتاجين نتكلم. لان غالبا هذه الحلقة هتنعكس على علاقتي انا بشريكة حياتي. ففي الغالب هتيجي تقولي يا مايكل احنا عايزين نتكلم مع بعض. فربنا يستر يعني. شكرا ليكم واشوفكم بعد الانفصال ااا يعني الحلقة الجاية ان شاء الله.