ترامب يمهل إيران ٤٨ ساعة لفتح مضيق هرمز قبل تنفيذ أكبر ضربة على إيران منذ بداية الحرب

السلام عليكم، ازيكم؟

الفيديو اللي قدام حضرتك ده هو فيديو لرئيس أمريكي وهو نازل من سلم الطيارة عشان يقضي إجازته في فلوريدا، ودي الإجازة الأسبوعية اللي هو متعود إن هو يقضيها. والحقيقة الراجل أول ما وصل فلوريدا أطلق من هناك إنذار لإيران وقال لهم: "لو إيران ما فتحتش مضيق هرمز خلال 48 ساعة، أمريكا هتضرب منشآت الطاقة الإيرانية كلها وهتبتدي بالكبير منها".

إيه اللي بيحصل بالظبط؟ وليه دونالد ترامب أطلق التهديد ده بالذات دلوقتي؟ وإيه اللي حصل إن دونالد ترامب يصعد في الحرب ما يروحش لحته السلام؟ يعني خد بالك، دونالد ترامب، الكلام اللي كان طالع آخر 48 ساعة إنه ممكن يفتح مفاوضات السلام مع إيران، لا، الراجل راح في حتة تانية خالص وابتدى يتكلم إنه هيصعد ضد إيران تصعيد ما شافش قبل كده. كلام في منتهى الخطورة يقول لك إننا داخلين على مرحلة جديدة وإن الحرب دي الظاهر المراحل الجديدة فيها بتبقى يومياً مش أسبوعية أو شهرية خالص. الحرب دي خرجت بره التوقعات وأصبح كل فصل جديد في الحرب دي بيخليها أكتر تعقيداً وأكتر جرأة.

خلينا نشوف اللي بيحصل مع بعض بس بوجهة نظر مختلفة من داخل العالم الأمريكي. فطبعاً عشان أقول لك الكلام ده كله وأكشفه لك قبل ما أخش في الموضوع، قبل ما أكشف لك التفاصيل، خليني أقول لك إننا معانا راعي قوي جداً ومحترم جداً وهو...

كتير منا بيسأل: إيه اللي يخلي اسم شركة يفضل محفور في ذاكرة الناس سنين وسنين؟ الإجابة في كلمة واحدة بس: الأصل. إحنا بنتكلم عن مجموعة التوفيقية، بنتكلم على كيان مصري بدأ من 1930 على إيد الحاج السيد أحمد، واستمر بخبرة المهندس فوزي السيد، ووصلت بذكاء المهندس سمير فوزي لقمه العاصمه الجديده. مجموعة التوفيقيه كيان عقاري عريق، تاريخ طويل من الثقه وسمعه اتبنت على الالتزام وكلمه الشرف.

النهاردة مجموعة التوفيقيه للمهندس فوزي السيد بتقدم مفهوم مختلف للاستثمار التجاري في سنتري بلازا بالعاصمه الاداريه الجديده، مشروع بيجمع بين خبره عقاريه ممتده على مدار أجيال، تصميم معماري مميز للمهندس محمد حافظ حافظ كونسلتنت، وإدارة وتشغيل احترافي من شركة ام ار بي وفق أعلى معايير توتال فاسيليتي مانجمنت. هنا الاستثمار مش مجرد وحده بتمتلكها، دي تجربه متكامله بمعايير تشغيل وإدارة بتضمن استدامه وقيمه حقيقيه في الاستثمار على المدى الطويل. تقدر تحجز بمقدم أولي 10% وتقسيط لحد 10 سنوات. تواصل معاهم دلوقتي من خلال اللينك أسفل الفيديو. مجموعة التوفيقيه.. استثمار مبني على الأصل.

نخش في الموضوع على طول، نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص إنذار النهاية. إيه اللي حصل بالظبط؟ اللي حصل كالاتي: إن دونالد ترامب صعد في الحرب ضد إيران، مش زي ما هو كان بيقول: "والله الحرب خلصت وأنا قضيت على قدرات إيران العسكرية وأنا والله أنجزت المهمة عسكرياً وممكن كمان أعلن مصر". دونالد ترامب ما أخدش كل ده. دونالد ترامب راح قال لإيران: "لو ما فتحتوش مضيق هرمز في خلال 48 ساعة". خلي بالك، رئيس أمريكي يحدد مدى زمني ده بيلزمه هو أكتر ما بيلزم إيران، وهو عارف كويس جداً إنه ما قضاش على قدرة إيران الصاروخية ولا قضى على قدرة إيران على إطلاق المسيرات، وبرغم كده بيطلق التهديد ده إنهم لو ما فتحوش مضيق هرمز هو هيدمر منشآت الطاقة الإيرانية.

هذا ودخلت الحرب مرحلة جديدة بتهديد الرئيس الأمريكي دونالد ترامب لإيران بضرب منشآت الطاقة الإيرانية. وأعلن ترامب أن أمريكا سوف تمحو محطات الطاقة الإيرانية إذا لم تقم طهران بعد فتح مضيق هرمز بالكامل في غضون 48 ساعة أو مواجهة جولة جديدة من الهجمات.

طيب، بطبيعة الحال هو قال إنه هيبتدي بأكبر منشأة للطاقة في إيران. طب هي إيه؟ هي منشأة بشهر دي أكبر منشأة للطاقة، هي محطة نووية بالمناسبة، بس هي معروف إنها محطة نووية سلمية أو ده اللي طالع في وكالة الطاقة الذرية يعني، وإن دي مسؤولة عن إمداد إيران بالكهرباء. فدونالد ترامب هيضرب منشأة بشهر عشان إيران ما فتحتش مضيق هرمز؟ مش بس كده، ده بيعد خطط إنه يحتل أجزاء من إيران، بالذات جزيرة خرج بشكل كبير، بدليل التقرير اللي طلعت إنه بيرسل الفرقة 82 للشرق الأوسط. على فكرة الفرقة 82 دي 200 ألف جندي. إحنا مش بنتكلم بقى على اليو إس باك اللي هي سفينة إنزال ولا يو إس تريبلي اللي هي سفينة إنزال برضه، دول كل واحد فيهم بيشيل 2200 جندي. أنا بجانب حضرتك على فرقة 82 ودي أخطر فرقة ودي فرقة تدخل سريع في الجيش الأمريكي. دور ترامب هيبعتها. ماشي، بس الراجل ما استناش، قال لك 48 ساعة وتفتحوه مثلاً. 48 ساعة دي يعني هو يكون خلص إجازته الأسبوعية ورجع. إنت واخد بالك؟ يعني هو دلوقتي في إجازة، قال لك: "لما أرجع ما لقيتش إيران فاتحة مضيق هرمز، أنا هولع فيها". والأمر ده أمر خطير جداً.

طيب، ليه خطير؟ لأن ببساطة لحد ما أنا بكلم حضرتك، إيران عمالة تضرب إسرائيل. وعلى فكرة، إيران شنت غارات على إسرائيل بالصواريخ بشكل غير طبيعي، يعني رشقات صاروخية ورا بعض ورا بعض بكثافة شديدة جداً. وده يقول لك إن في حاجة غلط في الحرب دي. إيران بقى لها ثلاث أسابيع بتضرب، بس ماشي والجيش الإسرائيلي عمال يطلع بيانات إنه نجح وإنه قضى على قدرة إيران الصاروخية وعمالين يظهروا فيديوهات وهم بيضربوا مخازن للصواريخ الإيرانية أسفل الجبال والكلام ده كله. بس واضح إن قدرة إيران على إطلاق الصواريخ من قلب الجبال إسرائيل مش عارفة تتصدى ليها. والفيديو اللي قدام حضرتك ده فيديو خطير، ده فيديو ذاعته سي إن إن وهي بتقول لك المدن الصاروخية الإيرانية عاملة إزاي. بس السي إن إن بتقول لك إيه؟ بتقول لك في جزء خطير: "تقول لك خلي بالك مش كل الأنفاق اللي أسفل الجبال اتدمرت بس، وإن والله في عدد من الأنفاق المخابرات الأمريكية ما تعرفش معناها حاجة ولا المخابرات الإسرائيلية ومش عارفين يدمرها". ده السي إن إن يعني، ده مش أنا اللي بقول، هي السي إن إن اللي بتقول.

والحقيقة الأمر ده يقول لك إننا داخلين على معركة كبيرة جداً. ليه؟ أولاً، دونالد ترامب أطلق تهديد ضد إيران وهو عارف قدرتها الصاروخية. فلما يضرب منشأة الطاقة بتاعتها، إيران هتعمل إيه؟ هتضرب منشآت الطاقة الخاصة بالخليج، ده أمر. الأمر الثاني، هتضرب منشآت الطاقة الخاصة بإسرائيل. إيه منشآت الطاقة؟ والله لو دونالد ترامب بيقول إنه هيضرب محطة بوشهر، إيران هتضرب ديمونة ببساطة جداً. لأن زي ما بوشهر منشأة نووية، ديمونة منشأة نووية. فده تحول خطير جداً وده تصعيد في منتهى الخطورة.

على الجانب الآخر، خد بالك إن إيران أصلاً قدرت إنها تخترق الدفاعات الجوية في مدينة ديمونة اللي فيها المفاعل النووي. والصهاينة طلعوا في الأول قال لك: "والله دي حادثة عادية أو عابرة وهيفتحوا تحقيق". إزاي الصواريخ الإيرانية قدرت تجتاز منظومات الدفاع الجوي؟ بس خلي بالك، في الرشقات الأخيرة اللي تمت من كام ساعة بالظبط، الصواريخ الإيرانية قدرت برضه تعدي من الدفاعات الجوية وقدرت تسبب أضرار جسيمة في تل أبيب وعدد من المدن الإسرائيلية. ده يقول لك إن لأ، إيران ما زالت بتحتفظ بصواريخ. ودونالد ترامب لما يطلق تهديد زي ده لازم تعرف إنه هيولع في المنطقة كلها. خاصة إن أنا جيت قلت لحضرتك امبارح إن خلي بالك السعودية طردت الملحق العسكري لإيران وطردت ثلاثة مساعدين. وده تطور خطير جداً إن والله السعودية ابتدت ابتدت تقطع ورقة السلام مع إيران. أنا ما بقولكش إنهم طردوا السفير، بس دي المرحلة الجاية. ماشي، بكون إن السعودية تطرد ملحق عسكري وثلاثة مساعدين إن والله اتفاقية السلام مع إيران مهددة بشدة وإن والله السعودية ممكن تشن حرب على إيران. فدونالد ترامب لما يضرب منشآت الطاقة، إيران تضرب منشآت الطاقة الخليجية، السعودية تعلن الحرب. وبطبيعة الحال السعودية لو أعلنت الحرب مش هتكون لوحدها، هيكون معاها دول الخليج كلها. فإحنا هنا بنتكلم على تصعيد غير طبيعي.

دونالد ترامب خلال الساعات الماضية جاله حاجة بسيطة جداً وفقاً لموقع أكسيوس. قال لك: "والله المصريين والقطريين أبلغوا الأمريكان إن والله في فرصة إن يحصل مباحثات سلام وإن إيران عايزة تتكلم". وإن إيران كل طلباتها وقف الحرب وإنها تحصل على تعويضات. ماشي، يعني هم عاوزين يوقفوا الحرب بأي شكل ويضمنوا إن أمريكا ما تهاجمهمش في المستقبل، وفي نفس الوقت يحصلوا على تعويضات. حتة يحصلوا على تعويضات دي يعني سيبك منها شوية، أنا ما أعتقدش إنها منطقية ولا الأمريكان هيدفعوا تعويضات في ظل إدارة زي دونالد ترامب. يعني دونالد ترامب ما دفعش حاجة. ماشي، فهم تعويضات دي سيبك منهم. بس إيران عايزة توقف الحرب. طيب الكلام اللي طلع في أكسيوس إيه؟ الكلام اللي طلع إن لما المصريين والقطريين أبلغوا الأمريكان بحاجة زي كده، المسؤولين الأمريكان أصبحوا منفتحين إنهم يناقشوا الموضوع ده. ماشي، وقالوا والله: "إيه المشكلة؟ بس إحنا لينا ست شروط". إيه الست شروط؟ أول حاجة: وقف تخصيب اليورانيوم صفر. ماشي، صفر تخصيب اليورانيوم صفر في إيران. ماشي، يعني إيران ما تخصبش اليورانيوم خالص. تجميد البرنامج الصاروخي الإيراني خمس سنين. ماشي، وإنت بتتكلم على وقف تمويل الميليشيات. بتتكلم على شروط قاسية جداً زي ما حضرتك تسمع الشروط كده بالظبط.

عدم تطوير برنامج صاروخي لمدة خمس سنوات. وقف تخصيب اليورانيوم تماماً. تفكيك المفاعلات في ناتنز وفوردو وأصفهان. فرض رقابة خارجية على تصنيع واستخدام أجهزة الطرد المركزي والمعدات المرتبطة التي قد تسهم في إنتاج سلاح نووي. إبرام اتفاقيات للحد من القدرات الصاروخية مع دول المنطقة بحد أقصى أو بسقف لهذه الصواريخ يصل إلى 1000 صاروخ. ووقف تمويل وكلاء إيران مثل حزب الله والحوثيين وحماس.

ده تحول خطير جداً. ماشي، ويقول لك إن الأمريكان أصبحوا منفتحين بشكل كبير. إيه اللي غير وجهة نظر دونالد ترامب؟ قدام جايله رسالة سلام من إيران، رد عليها بإنذار بالحرب؟ ليه؟ إحنا وصلنا للمرحلة دي عشان أقول لك يعني إنت مش هتصدق. دونالد ترامب رد بمبادرة السلام الإيرانية بإنذار بالحرب لسبب بسيط قوي. إنه ابتدى يشوف الرأي العام بيقول إن والله دونالد ترامب إنهى في إيران. ده أول سبب. وعلى فكرة دونالد ترامب نزل تغريدة وقال لك: "والله أنا برد على الصحفي اللي اسمه ديفيد سانجر اللي بيكتب مقالة في نيويورك تايمز وبيقول إن دونالد ترامب يعني ما حققش ولا هدف من أهدافه في حرب إيران". أنا برد عليه وبقول له: "إحنا سابقين الجدول الزمني كمان وإحنا منتصرين في الحرب دي". أول حاجة اللي استفز دونالد ترامب الصحافة. حاجة تانية إن القيادة المركزية الأمريكية طلعت بيان وقالت إن قدرة إيران ابتدت تتدهور أو تتراجع. ده القيادة المركزية الأمريكية اللي هي مسؤولة عن الحرب واللي هي بتدير الحرب ضد إيران. ماشي، فده أمر تاني. الأمر الثالث إن والله الجيش الأمريكي ابتدى ينشر صور لتدمير مخازن صواريخ إيرانية. بس صور مكثفة بقى إنهم بيضربوا مخازن زن قوية بدليل إن غارات شديدة جداً حصلت في طهران امبارح وحصلت في إيران كانت شديدة تدل لك إن فعلاً ذخيرة كبيرة جداً اتدمرت بعد القصف الأمريكي. والقصف الأمريكي أنا عاوز أوريك إنه كان بيقصف سلسلة من الجبال بشكل دقيق جداً وبقنابل أول مرة أسمع عنها. قال لك جي بي يو 72. يعني أنا ما سمعتش 72 دي قبل كده. ماشي، أنا كله أعرفه إن جي بي يو 57، إنما جي بي يو 72 ده أنا أول مرة أشوفها في حياتي. يعني وعلى فكرة الجي بي يو 72 دي دخلت خدمة في 2021 وهي قنبلة جي دام، جي دام يعني اللي هي قنبلة موجهة، ليها أجنحة كده بتوجه. تقدر تقول إنها كمان قنبلة انزلاقية. الحقيقة إن الأمريكان محققين نجاحات في إصابة بعض مخازن إيران. فدونالد ترامب ظهر كده زهق وخلاص جاب آخره، فقال لك بقى تفتحه مضيق هرمز ولا إيه؟

طيب التحول اللي أنا واخد بالي منه إيه هو؟ إن دونالد ترامب ما نجحش إنه يفتح مضيق هرمز والجيش الأمريكي ما نجحش إنه يفتح مضيق هرمز. واضح جداً إحباط الرئيس الأمريكي من قدرة الجيش بتاعه إنه مش عارف يفتح مضيق هرمز. لأن ببساطة الجيش الأمريكي قال له: "يا ريس، ده لو عسكري واحد نزل بلانش في مضيق هرمز ده يقفله". ياخد لغم يحطه في مضيق هرمز. مضيق هرمز 4 ميل العرض بتاعه. العرض الفعلي مش العرض الكلي، لا العرض الفعلي. فقائد القيادة المركزية قال له: "والله يا ريس، ده عسكري واحد يقفل لك المضيق". دونالد ترامب أحبط خلاص، فهياخد الحرب منحنى تاني.

طيب تدمير منشآت الطاقة في إيران هل هو الحاجة الوحيدة؟ لا، إحنا بنتكلم لو دونالد ترامب دمر منشأة الطاقة في إيران، فإيران ترد على دول الخليج، فالحرب تروح لمرحلة تانية. إحنا بنتكلم على دخول إنزال بري. دونالد ترامب هيفضل يصعد ولن يتوقف عن التصعيد.

جميع مرافق الطاقة والمياه والتكنولوجيا التابعة لأمريكا بالمنطقة إن هاجمت مرافق الطاقة الإيرانية. هذا التهديد أتى بعد تهديد أطلقه الرئيس الأمريكي دونالد ترامب بأنه إذا لم تفتح إيران مضيق هرمز بالكامل خلال 48 ساعة، فإن الولايات المتحدة ستضرب وتدمر محطات الطاقة التابعة لإيران بدءاً بأكبرها.

سؤال والسؤال المهم هو ديفيد سانجر اللي هو الكاتب اللي دونالد ترامب قعد ينتقده بشكل كبير كان بيقول إيه في المقالة بتاعته؟ الحقيقة المقالة بتاعته ديفيد سانجر على فكرة يعني هو كتب مقالة ولما دونالد ترامب رد عليه كتب مقالة تانية. مع إن هو بيكتب مقالة أسبوعية تقريباً، بس لما دونالد ترامب نزل تغريدة ينتقد ديفيد سانجر، كتب مقالة تانية. أنا عجبتني في المقالة بتاعة ديفيد سانجر حاجة مهمة قوي. إيه هي؟ إنه بيقول لك إن إيران أصبحت بتدرك إن مضيق هرمز هو القنبلة النووية بتاعتها. يعني هم مش محتاجين قنبلة نووية. إيران أصبحت بتدرك إنها لما تقفل مضيق هرمز ده هيسبب دمار شامل في العالم كله. فقال لك: "إيران أدركت إن لأ والله ده مضيق هرمز ده لما اتقفل ده الأمريكان والرئيس الأمريكي نفسه بيطلب مننا إننا نفتحه وإحنا في عز الحرب". فقال لك ده السوبر باور أو ده القوة الجبارة لإيران حالياً إنهم عندهم مضيق هرمز وقادرين على إغلاقه. فده أول أمر. والحقيقة ديفيد سانجر طبعاً قاعد يقول لك يعني حتة بقى دونالد ترامب اللي كان عاوز يسقط النظام ما أصبحش موجود. ده مش مطلب وأصبح المطلب ده مش منطقي حالياً لأن النظام حالياً في إيران متماسك. وبص على سرعة اتخاذ القرار. النظام الإيراني. هتدرك إن النظام في إيران ما زال متماسك. الأمر الثاني قال لك: "بص على حتة هزيمة الحرس الثوري الإيراني ما بقتش موجودة". لأن الحرس الثوري الإيراني ما زال متماسك. أما المرحلة الثالثة إننا والله نمنع إيران من امتلاك صواريخ نووية. والله دونالد ترامب نفسه طلع بعد حرب الـ 12 يوم في يونيو 25 وقال لك: "أنا دمرت قدرة إيران النووية". دلوقتي إحنا عاوزين نعمل كده ليه؟

والحقيقة المقالة بتاعة ديفيد سانجر كان كلها انتقادات لرئيس أمريكي، بس أنا مش هنا عشان أوجه انتقادات، أنا هنا عشان أفكر معاك بالعقل. لأن المقالة دي اللي بيكملها مقالة أخرى اتكتبت في فورين بوليسي أكتر من رائعة. المقالة بتقول إيه؟ بتقول لك: "في منطق وفي سبب ليه ما فيش أي رئيس أمريكي خد قرار قبل دونالد ترامب إنه يشن حرب مع إيران؟" لأن ببساطة نهاية الحرب مش مضمونة. العواقب ومش واضحة. إنك تقيس عليها. وعلى فكرة اللي كاتب مقالة دي كاتبة اسمها داليا ديسا. وداليا هي مواطنة أمريكية بس واضح كده إن أصولها إيرانية. فالكاتبة بتقول لك إيه؟ بتقول لك: "إنت عرفت ليه ما فيش أي رئيس أمريكي شن حرب على إيران؟" لأن ببساطة لما تيجي تيجي تبص على الحرب اللي بيشنها دونالد ترامب هتلاقي إن كل الرؤساء السابقين اللي ما ضربوش إيران كان عندهم حق. لأن ببساطة لازم تعرف إن النظام الإيراني بيفكر بفكر ديني مش بيفكر بفكر عسكري. إيران لما تقعد تضربها من هنا لبكرة مش هتفكر مدى الأضرار العسكرية اللي لحقت بالنظام الإيراني إيه؟ هيستسلموا؟ أو مدى الدمار اللي تم إلحاقه بالدولة الإيرانية فهيستسلموا؟ لا، النظام الإيراني بيفكر فكر ديني إنه بيجاهد. والجهاز ده إنه ممكن يحارب لحد آخر راجل. وده اللي على فكرة بيحصل فعلاً في إيران. إيران متدمرة بشكل غير طبيعي.

فقالت لك إيه؟ قالت لك إن كل الرؤساء الأمريكان لما كانوا بيشوفوا إيران كانوا بيشوفوها عدو وعدو شرس جداً وشديد. وعلى فكرة هم مش كانوا بيتجنبوه خوفاً من حرب مع إيران، لا، بس هو خوفاً عن المنطقة كلها. لأن حرب مع إيران أصبحت معقدة جداً وممكن تؤدي لدمار شامل في العالم كله. فقال لك الرؤساء الأمريكان قال لك إيه؟ قال لك كانوا بيحتووا إيران برضه عقوبات. وكانوا بيشوفوا العقوبات دي بتأخر إيران وبتضعفها. فقال لك نفرض عقوبات. والوحيد اللي جه غير وجهة نظره تجاه إيران هو باراك أوباما اللي عمل اتفاق نووي مع إيران. وإنه والله الراجل ده شاف إن لو عملنا اتفاق نووي هنقدر نضعف إيران ونحيدها. ماشي، إن والله إيران هتتنازل عن برنامجها النووي، هتخصب اليورانيوم بشكل مصغر، نسبة بسيطة جداً 3% اللي هي النسبة المدنية. ومقابل رفع العقوبات. فإحنا كده هنكون أضعفنا إيران نووياً وتنازلت عن حلمها النووي. وقفنا في نفس الوقت العقوبات وابتدينا نفتح كلام مع إيران وقعدنا التجارة والكلام ده كله.

دونالد ترامب لما جه أنهى الأحلام دي كلها، سواء اللي خايف من ضرب إيران أو اللي حتى بيحاول يحتويها زي باراك أوباما. ودونالد ترامب اللي شجعه على ضرب إيران مش فنزويلا بالمناسبة. ليه؟ اللي شجع دونالد ترامب على ضرب إيران هو قتل قاسم سليماني. لما دونالد ترامب قتل قاسم سليماني وشاف إن إيران ما بتردش رد كويس، فقال لك والله لا، يعني أنا متحفز جداً إني أضرب الدولة دي وأشن حرب عليها. ده أمر. أمر تاني لما دونالد ترامب ابتدى ياخد إجراءات ما فيش أي رئيس أمريكي قدر إنه ياخدها قبل كده تجاه إيران. إنه ينسحب من الاتفاق النووي، يضرب أبرز قائد عسكري، وبعد كده في حرب الـ 12 يوم يضرب البرنامج الصاروخي. دي أمور كلها شجعت دونالد ترامب إنه يشن الحرب. واعتقد إنها نزهة. لأن هو نفسه مجرب قبل كده إنه ممكن يضرب إيران وإيران ما تعملش.

If I didn't terminate the Obama horrible deal, the Iran nuclear deal is called. If I first, they would.

ولما جه سيناريو فنزويلا شجع دونالد ترامب أكتر إنه هيبقى في نزهة لمدة أسبوع ويمشي. اكتشف إنه غرز في حرب إيران واكتشف إنه كل أسبوع مطالب منه إنه يصعد أكتر مش يهدي. بمناسبة الكاتبة هنا بتقول إن أبرز حد عاوز يعقد صفقة مع إيران هو دونالد ترامب. لأن دونالد ترامب راجل صفقات مش راجل حروب. ده باعتراف كل الرؤساء اللي قعدوا مع دونالد ترامب. قال لك: "الراجل ده مش بتاع حرب، الراجل ده ممكن يستخدم القوة العسكرية للوصول لصفقة". بس كون هو بيصعد في الحرب دي ده لسبب بسيط جداً إنه مش قادر يوصل للصفقة اللي هو عاوزها. لا إيران هتوقف تخصيب اليورانيوم بعد دلوقتي، ولا إيران هتسلمك اليورانيوم اللي هو مخصب عند 60% المدفون أسفل الجبال. لأن مكتب خامنئي راجل عاوز ينتقم وراجل شايف إن والله أنا لازم أنتقم لأبويا اللي تم اختياله اللي هو خامنئي. ولا هتتنازل عن برنامجها الصاروخي. لأن اتضح كويس جداً إن إيران ما عندهاش أي أسلحة تذكر تقدر تصمد قصاد أمريكا وإسرائيل غير البرنامج الصاروخي اللي قادر إنه يضرب المنطقة كلها. ماشي، فإيران مش هتعمل أي حاجة من دي. فده فدونالد ترامب حالياً بيصعد. لأن كل مطالبه تجاه إيران تم رفضها. برغم إنه دمر إيران، برغم إنه بهدل البنية التحتية في إيران. جماعة، إيران ما فيهاش قاعدة عسكرية قايمة على رجليها، ما فيهاش طوبة على طوبة. أي قاعدة عسكرية. فده اللي هيجنن ترامب. ده نوع من أنواع الانتقام البشع اللي بيقوم بيه ترامب. لأن هو في الآخر هو عاجز عن فتح مضيق هرمز ومش هينفع إنه يمشي من غير ما يفتح مضيق هرمز. لأنه ببساطة لو الجيش الأمريكي انسحب مع عدم فتح مضيق هرمز، كانه بيكتب مضيق هرمز وبدل ما بيسميه مضيق هرمز بيسميه مضيق إيران. يكتبه باسم إيران رسمي. فده الكلام اللي طالع حالياً في الإعلام الأمريكي.

في الآخر، يا رب أكون شرحت لحضرتك الموضوع بشكل مبسط. ويا رب ينصر مصر، رب ينصر العرب، ويا رب ينصر فلسطين. يا رب. تحيا مصر.