Transcription
البنت هذه اللي شايفينها قدامكم اسمها ساجرا. وفي سنه 1959 كان في مسرحيه غنائيه بعنوان جوجا لير، واللي يقوموا بهالدور اطفال. فقرروا انهم يتدربوا على المسرح قبل وصول الجماهير، ولكن تفاجئوا بان الجماهير وصلوا بدري. فكملوا العرض عادي، لكن البنت تفاجات بان الجماهير وبعض البنات اللي يرقصوا معها على المسرح كانوا من الجن. وهذه كانت رده فعلها.
[موسيقى]
يقولوا بان الاطفال اللي كانوا يرقصوا معاها من الجن، وكانت انفاسهم حاميه جدا وملامحهم كانت مشوهه بطريقه غريبه، وحركاتهم على المسرح كانت غريبه ومش حركات طبيعيه. والبنت هذه ساقره نفس ما شفته في الفيديو، خافت وانعبت واجد لما شافتهم. ومع الخوف كانت تحاول انها تكمل الغناء، لكن وقفت وما كانتش مش قادره تغني من المنظر اللي شافاتها وراها. وفجاه المسرح بدا يهتز بقوه، والاضواء بدات تطفى وتولع. وفي لحظه واحده شبت النار في كل مكان، وانحرق المسرح بالكامل. وساقره كانت تعيط بصوت عالي وتبيهم يساعدوها. وبالفعل حاولوا يساعدوها، لكن للاسف ما في حد قدر يوصل لها او ينقذها. والنار ولعت في المسرح كله. وبعد ما وصلوا فريق الانقاذ والمطافي، ما لقوه اي اثر للجمهور ولا حتى الاطفال اللي كانوا يركسوا، ولا حتى لساقره. المسرح كان محترق بالكامل.
وقصه صاقره قعدت محفوره في ذاكره كل من سمع او شاف اللي صار في هذيك الليله. وهالقصه موضوع نقاش، في ناس تصدق وتحلف انها قصه حقيقيه ومرعبه، وفي ناس يقولوا مجرد خرافه تروى للتشويق وللترفيه. وانا من وجهه نظري نشوف انها بنت عاديه وطلعت عادي على المسرح يعني وتغني. اولا، اذا كان هذا جن والعياذ بالله، كيف طلعوا بالفيديو وبالكاميرا؟ لان كلنا نعرفوا ان جن يظهر لا في الكاميرات ولا حتى في المرايات. وثانيا، البنت عايشه وحاليا عمرها 77 سنه، وهذا اسمها لو في حد يبي يتاكد. لا يهمك بنات القبايل.
[موسيقى]
نورا من دوله الكويت. ان ولدت سنه 1950، وكانت امها فنانه شعبيه مشهوره في هذاك الوقت، وكانت من افضل الفنانات اللي عرفتهم دوله الكويت. كانت فنانه ومثقفه وقاريه علوم سياسيه، وكانت من اول الفنانات اللي عندهم شهاده جامعيه. نورا ومن هي صغيره كانت تحب الفن من واجد، وفي كل عرس او مناسبه كانت تمشي مع امها. وبعد وفاه امها قررت نورا انها تكمل في المسيره وتقعد فنانه شعبيه، وفعلا حققت حلمها وصارت من اشهر الطقاقات في الكويت. وبما انها كانت معروفه ومطلوبه، فكانت تاخذ في مبالغ كويسه، مبالغ احسن بواجد من غيرها من الطقاقات، وكانت يعني حياتها لوز وامورها تمام. ولكن في سنه 1997 صار معها شيء غريب وقلب حياتها 180 درجه.
هذاك اليوم كان يوم جمعه، وجاها اتصال من وحده وقالت لها ان عندها عرس بنتها وعرضت عليها مبلغ مغري يعني، فوافقت على طول نورا. ووافقت وعلى طول اتصلت على باقي افراد الفرقه او الطقاقاتي، مجموعه كانت تتكون من ثمان افراد ومن ضمنهم الفنانه نورا. في البدايه الفرقه اللي مع نورا رفضوا لانهم كانوا متعودين يوم الجمعه ياخذوا راحه، لكن لما عرفوا بالمبلغ وشافوا انه مبلغ كويس قالوا يلا توكلنا على الله. لكن اللي ما كانوا يعرفوه ان العرس هذا بيكون يكون اخر عرس يحضروه في حياتهم.
في مساء يوم الجمعه جهزوا نفسهم ورتبوا معداتهم وركبوا في السياره وتوجهوا لمنطقه اسمها الصباحيه في الكويت. واول ما وصلوا تفاجوا من المنظر. شافوا قدامهم بيت ضخم بطريقه مش طبيعيه، والاضاءه قويه والانوار من كل جهه، والبيت يعني كان شيء ما شاء الله تبارك الله يفتح النفس. ولما خشوا للبيت جوا، هنا كانت الصدمه اكبر. البيت من الداخل كان شيء خيالي جدا، الطاولات مليانه طعام واثاث، وجدران البيت كلها مزغرفه، والارضيه الفرش كان من احسن الماركات والديكور يعني كان شيء جميل لابعد الحدود. لكن الحاجه اللي شدت انتباه من الطعام كله كان لحم فقط، ما كان فيه لا رز ولا سلطه، كان الطعام كله عباره عن لحم.
نورا والبنات اللي معها طلعوا لغرفتهم الخاصه عشان يجهزوا نفسهم يعني ويغيروا ملابسهم ويرتاحوا شويه. وفي اللحظه هذه واحده من الطقاقات اسمها فاطمه التفتت على نورا وقالت لها يا نورا انا حاسه ان في حاجه مش طبيعيه في العرس هذا، حاسه ان في شيء غريب، لكن مش عارفه شنو بالضبط. نورا قالت لها ليش ان شاء الله شنو شفتي؟ قالت لها فاطمه لاحظت حاجه لما جينا وسلمنا على ام العروس قالت ان جسمها كان بارد واجد ووقفتها كانت غريبه وكانها صنم، وقالت ان حتى خدها لما لمسته كان خشن واجد. نورا طمنتها وقالت لها عادي يمكن هذه طبيعتهم وخلينا نكمل العرس بخيره وشره وبعدين نطلعوا ونتوكلوا على الله. وحتى نورا كانت متوتره لانها لاحظت انه في شيء غريب في العرس، لكن ما حبت تبين للبنات عشان ما تخوفهم.
المهم بدلوا ملابسهم وكل شيء وقرروا انهم ينزلوا عشان يحيوا العرس. واول ما نزلوا كانت الصدمه. تفاجئوا بكميه الحضور اللي كانت مش طبيعيه لدرجه انهم وهم يمشوا وصل الناس ما كان في حتى مساحه كافيه عشان يوصلوا للكوشه، وكانوا يمشوا ويزاحموا في الناس في الصاله بقوه وبشق الانفس عشان يفتحوا الطريق. والشيء الغريب اكثر ان العريس كان لابس لبسه عثمانيه قديمه، والعروس لابسه فستان اسود ومنقط باللون الابيض. المهم بداطق والكل قاعد يرقص، لكن يا جماعه طريقه رقصهم كانت جدا غريبه، تحسوا كان في حد شايلهم من على الارض يعني، طريقه رقصهم كانت جدا مخيفه. وطبعا الفرقه كلها شافت المنظر وكانوا في قمه الخوف والرعب.
فاطمه مسكت نورا من يدها وقالت لها يا نورا لازم نوقفوا الطق ونطلعوا من هنا بسرعه. لكن نورا قالت لها لا خلاص نحنا حاليا قاعدين في الامر الواقع وما نقدروش نوقفه، ويمكن لو وقفنا يصير شيء ونندم عليه، خلينا نكمل العرس بخيره وشره وان شاء الله خير. ونورا كملت الطق مره ثانيه. فلما بدو الطق كان العدد كل شوي يزيد بشكل جدا غريب، وكان يخشوا المعازيم ويتكاثروا بدون حتى ما تنفتح الابواب، وكان العدد يعني يزيد بغرابه من وسط الصاله. وبعد ما فاطمه شافت المنظر اغمى عليها والفرقه شالتها وحطتها في غرفه الملابس. واول ما طلعوا لغرفه الملابس وقاعدين يواعوا فيها فجاه اذن الفجر، واول ما قال الله اكبر طفت الكهرباء بالكامل.
فتقول نورا واعينا فاطمه على طول ونزلنا جري عشان نطلع من البيت. فتقول نورا كملنا جري وطلعنا برا البيت، واول ما طلعنا قبلنا راجل كبير بالعمر كان ماشي يصلي صلاه الفجر وكان مستغرب وكانه قاعد يقول انتم شنو جابكم لهنا. وفعلا سالنا قال لنا انتم شنو جابكم لهنا وليش جيتوا اصلا؟ فقالت نورا والله جينا عشان نحيوا العرس والحفله اللي هنا. لكن قالت له والله الشيء اللي شفناه جو في البيت كان شيء عجيب وشيء جدا غريب. فالشايب قال لها انا عايش هنا لي سنين والبيت هذا بيت مهجور واهله طالعين منه من عشرات السنين. فتقول نورا انصدمت والتفتت ورانا الا وكان البيت اللي نحنا دخلناه اول مره كان بيت عادي جدا وكان جدا مرعب وكان بيت متهالك وقديم ومنظره كان جدا مخيف. وقال لهم الشيب هذا ان السكان كلهم اللي في المنطقه هذه كانوا يسمعوا منه في اصوات غريبه ويعرفوا ان البيت هذا مسك. وقال لها شكل العرس اللي انت غنيتي فيه شكله كان عرس للجن وتصوره بشكل بشر عشان كانوا محتاجينك تغني لهم في العرس.
ومن بعدها خلاص قررت الفنانه نورا انها تعتزل تماما الفن خلاص وما صارت تحضر لا في حفلات ولا اعراس. والقصه هذه طبعا مشهوره جدا ومصادر واجد تقول بانها قصه حقيقيه. وكل حد يكتب لي رايه بالقصه وبس لا تنسوا اللايك والاشتراك ونتلاقوا ان شاء الله بالقصه الجايه في امان له.
[موسيقى]