ترامب يبيع تايوان للصين مقابل إيران؟! الخليج يستعد للحرب الكبرى وواشنطن تقترب من الضربة

السلام عليكم. ازيكم؟

من ساعة ما رجع دونالد ترامب، وكل الصحف الأمريكية عمالة تتكلم إن والله خلاص الجيش الأمريكي بيستعد لضرب إيران، وإن خد بالك إن وفقًا لصحيفة نيويورك تايمز، قالت لك والله مستشاري دونالد ترامب ومساعديه قدموا له خطة مفصلة، جيش أمريكي لما يروح يضرب إيران هيضرب إيه بالضبط وهيعمل إيه بالضبط.

السؤال دلوقتي اللي بيطرح في أمريكا، ليه أمريكا ما ضربتش إيران منذ عودة دونالد ترامب؟ يعني على فكرة دونالد ترامب كان يعني واضح جدًا إن هو لما تخلص الزيارة على طول هيشن حرب على إيران. ليه؟ لحد دلوقتي الجيش الأمريكي ما اتحركش لسبب واحد بس، القربان. إيه القربان اللي قدمه ترامب لشيء أو للرئيس الصيني، واللي هو ترامب بيراهن عليه إن ده هيخلي حرب إيران تنتهي.

عاوز تعرفوا إيه؟ هقول لك، بس عشان أقول لك لازم أقول لك إن إحنا معانا راعي قوي جدًا ومحترم جدًا، وهو أيام قليلة جدًا بتفصلنا عن واحدة من أجمل أيام السنة، وهي أيام عيد الأضحى المبارك. العيد اللي فيه واحدة من أجمل السنن عن الرسول عليه الصلاة والسلام، وهي الأضحية. وكتير مننا بيشيل هم، يا ترى الأضحية بتاعتي دي هتوصل لمين؟ أو إزاي أضمن إنها هتروح لناس فعلاً محتاجة، وما بيشوفوش اللحمة غير من السنة للسنة. الصعوبة دائمًا في ضمان وصول الصدقة لمستحقيها الحقيقيين.

وعشان كده أنا جبت لك الحل، هي مزرعة الأمانة في تنزانيا. واحدة من أكبر وأعرق المزارع اللي بتفتح لك أبواب الخير من قلب أفريقيا. تقدر دلوقتي تشتري أضحيتك في دولة تنزانيا بسعر بيبدأ من 790 ريال سعودي، يعني تقريبًا 200 دولار أمريكي. هيتم ذبح وتوزيع أضحيتك يوم عيد الأضحى وفقًا للشريعة الإسلامية، وتوزيع على المحتاجين والقرى والفقراء في تنزانيا. وهيتم إرسال الفيديوهات باسمك أو حتى اسمك وصورتك، وأي ملاحظات أنت عاوز تحطها أثناء الذبح وتوزيع أضحيتك.

وأحب أعرفك إن مزرعة الأمانة موثوقة جدًا، ويكفي إن أضحيتك هتتوزع على ناس من أشد المحتاجين في أفريقيا وهتوصل لمستحقيها. وأنا بنفسي اتأكدت من أمانتهم، وأنصح جدًا بالتعامل معاها. هسيب لحضرتك الرابط بتاعهم أسفل الفيديو لو حابب تتواصل معاهم. وكل سنة وحضراتكم طيبين.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك، وأول مرة هتسمعه فيما يخص القربان. إيه اللي حصل بالضبط؟ هنبتدي من فيديوهات دمها خفيف شوية. إن والله مترجم الرئيس الصيني كان عاوز يطلع في التلفزيون. خلي بالك الراجل ده ما ظهرش خالص. يعني مترجم ترامب كان ظهر في كم لقطة كده، بس مترجم الرئيس الصيني اللي بيترجم من الإنجليزية للصينية ما عرفش يظهر ليه؟ لأن شي الرئيس الصيني طويل، وديك شايف المترجم قصير إزاي. فالراجل عاوز يطلع في التلفزيون مش عارف. ده اللي الإعلام الصيني خد باله منه.

لقطة تانية كانت مهمة جدًا، إن والله الرئيس ترامب كان قاعد جنب الرئيس الصيني، والرئيس الصيني ظاهر كده قام يلقي كلمة في مؤتمر، فساب الأجندة بتاعته، اللي هي أجندة الاجتماعات بتاعته. فدونالد ترامب قال لك إيه بقى؟ قال لك ما أنا ذكي، أنا أفتح الأجندة دي وأشوف مكتوب فيها إيه. انت متخيل؟ فتح أجندة الرئيس الصيني. ما هو شقي برضه ها، شقي. فتح أجندة الرئيس الصيني عاوز يشوف مكتوب فيها إيه. طبعًا ما فهمش حاجة، لأن كل جواها بالصيني، فقفل تاني الأجندة.

قصة هنا في إيه؟ القصة هنا إن دونالد ترامب خد بالك إن هو في الزيارة دي كان مرتبك. وأنا في اللايف بتاع امبارح قلت لك نقطة مهمة جدًا، قلت لك خلي بالك إن دونالد ترامب كان بيراهن إن إيران هتستسلم قبل زيارته للصين، وإن زيارة دونالد ترامب للصين كانت المفروض تدي إشارات إن والله الصين لو ما تعدلتش، الصين هتبقى التالية. بس اللي حصل إن إيران لا هي عقدت اتفاق سلام، ولا استسلمت، ولا قدمت أي تنازلات. فأصبحت زيارة الرئيس الأمريكي دونالد ترامب للصين، إن هو طالع يطلب من الصين مساعدة في ملف إيران.

طيب، الزيارة خلصت، وعاوز أقول لك إن ما فيش أي حاجة حصلت، ما فيش أي صفقة تم الإعلان عنها. والإعلام الأمريكي يعني مستغرب جدًا، يعني إيه الرئيس الأمريكي يروح الصين وما يتمش الإعلان عن أي صفقة. حلو. بس أول ما طلع ترامب للطيارة بتاعته بعد زيارته للصين، حصلت مفاجآت من العيار الثقيل. إيه بقى؟ دونالد ترامب بيسألوه، بيقولوا له يا ريس، أنت دلوقتي لو الصين هاجمت تايوان، أنت بتأكد إن أمريكا هتدافع عن تايوان؟ على فكرة السؤال ده بيتسأل لأي رئيس أمريكي بعد مغادرته الصين، بعد مغادرته الصين. ليه؟ عشان يستشفوا يعني الصين قدرت تقنع الرئيس الأمريكي ولا لأ، وهل مثلا الرئيس الأمريكي اتأثر بحلاوة الاستقبال، فممكن إن هو يقدم تايوان على طبق من فضة والكلام ده كله.

المفاجئ بالنسبة لي إن ده سؤال معتاد، بس الإجابة ما كانتش معتادة تمامًا. ليه؟ لأن لأول مرة يطلع رئيس أمريكي يقول لك والله هنشوف، وما رضيش يدي إجابة. انت متخيل؟ دونالد ترامب لما اتسأل أنت هتدافع عن تايوان لو الصين خدتها؟ ما رضيش يدي إجابة. زي ما حضرتك هتسمع منه كده بالضبط: "don't asked you if you would send troops if you would asked me if I defend them said I don't talk".

الجزء الثاني من الإجابة قال لك والله ممكن الصين تعمل كده بعد ما أغادر المكتب بتاعي. يعني هو قال لك قال لك والله الصين ممكن تغزو تايوان بعد ما نمشي. إنما طول ما أنا في في المكتب أو طول ما أنا رئيس، يعني الصين مش هتعمل كده. معنى كده إيه؟ إن ترامب ما رضيش يقول أمريكا هتدافع عن تايوان ولا لأ، ساب الإجابة مفتوحة. وفي نفس الوقت قال لك أنا بعد ما أمشي هم هيضربوا تايوان، لأن على فكرة أنا كل ما أقعد مع الرئيس شي، بيبقى أهم حاجة بالنسبة له هي تايوان، وده أهم ملف له بالنسبة له. فشبه كده ترامب بيمهد إن أمريكا غير ملزمة بالدفاع عن تايوان.

طيب، الإعلام الأمريكي شاف التصريحات بتاع ترامب على الطيارة إزاي؟ والله الإعلام الأمريكي شاف تصريحات دونالد ترامب على الطيارة إن هو عاوز يبقى غامض، وإن هو ممكن يكون بيطمع الصين عشان الصين يعني تقوم بعملية زي كده وأمريكا تأدبها. أنا بقول لك بيقول الإعلام الأمريكي. طيب، حاجة تانية قال لك والله دونالد ترامب عاوز يبقى مرن، ما فيش حاجة تلزمه. وهو دي طريقة سياسته على فكرة، إن هو ما بيديش وعود قاطعة. خد بالك ملف حرب روسيا وأوكرانيا كان مرن، هو ما اداش وعد الدفاع عن تايوان، حتى حرب إيران ما اداش وعد إن هو هيضرب إيران. هو بيحب كده يسيب كل الخيارات مفتوحة. ده اللي بيقولوه.

فاللي عاوز يوصله لك الإعلام الأمريكي إن خد بالك دونالد ترامب ما جاوبش عشان يبقى إيه مرن في التعامل مع مرات. بس ترامب ماسكتش وفاجئ وصدم الإعلام الأمريكي. طلع في لقاء بعد كده في فوكس نيوز وقعد عمل لقاء مع حب مذيع بالنسبة له وأكثر مذيع مفضل بالنسبة له. قال له خلي بالك تايوان دي على بعد 100 ميل من الصين، يعني أو 95 ميل من الصين، صح؟ إنما إحنا على مسافة كبيرة جدًا من الصين. أول إشارة إن ترامب بيقول لك إيه؟ إحنا ممكن ما يكونش لنا دعوة. زي ما حضرتك هتشوف: "Should the people of Taiwan feel more or less secure after your meetings with President? Neutral neutral changed at all. nothing will not have".

ليه دونالد ترامب طلب كل الشركات اللي بتصنع الرقائق الإلكترونية في تايوان إنها تتنقل لأمريكا؟ ليه؟ خلي بالك تايوان أهم ميزة عندها صنع الرقائق الإلكترونية. على فكرة تكنولوجيا صنع الرقائق الإلكترونية أو مايكروشيبس دي مش حاجة عادية. انت محتاج تكنولوجيا معينة، حتى الصين نفسها بتعاني عشان توصل للتكنولوجيا دي. فتايوان هي أهم بلد بتنتج المايكروشيبس أو الرقائق الإلكترونية اللي بتخش في كل حاجة تقريبًا. فترامب بيقول لك كل الشركات الموجودة في تايوان بتصنع مايكروشيبس، تجيلنا أمريكا. دي إشارة إن ممكن ترامب ما يدافعش عن تايوان. "If you look at the history of Taiwan, Taiwan was uh developed because we had presidents that didn't know what the hell they were doing because if they would have put tariffs on chips coming in, it would they would have never left. Everything was about Intel and everything was about our chip companies. They stole our chip industry. So I've said that for years. I said, you know, for years they stole our chip. If we would have had one of our presidents just say, "We're going to say going to put 100%. You can leave, you can build in Taiwan, but we're going, you sell it back into the United States. We're going to put 100% or 200%. We would have never lost a chip. We lost the chip industry. It's all coming back. And I do this, Taiwan would be very small."

حاجة تانية قال لك والله إن لو حصل إن الصين هاجمت على تايوان، كل الخيارات مفتوحة. "approving billions ofllars of weapons for Taiwan that for well I haven approved it yet we're going to see what happens I may do it I may not do it yeah what's your hing well I'm not going to say that but I may do it I may not do it but we're not looking to have wars and we if you kept it the way it is I think China is going to be okay with that we noting have somebody let's go because theates". يعني بص، ما اداهاش إجابة واضحة إن هو ملتزم بالدفاع عن تايوان. هقول لك الفرق. عارف جو بايدن؟ جو بايدن كان واقف في مؤتمر في آسيا، واتسألوا هل الصين لو هاجمت على تايوان أمريكا هتدافع عن تايوان؟ قال لهم آه. جو بايدن كان حاسم. "You didn't want to get involved in the Ukraine conflict militarily for obvious reasons. Are you willing to get involved militar to defend Taiwan if it comes to that? Yes, you are."

وأي رئيس أمريكي بيخرج من زيارة الصين بيأكد على وقوف أمريكا بكامل قوتها مع تايوان، إلا دونالد ترامب. هتيجي تقول لي على فكرة أنت فاهم الكلام غلط، ودونالد ترامب يعني راجل منفتح وراجل سياسي ودبلوماسي والكلام ده كله. حاجي أقول لحضرتك، أصل تايوان هي نزلت بيان. تايوان قالت لك إحنا قادرين ندافع عن أنفسنا، مش محتاجين حد يدعمنا. يعني أنت متخيل؟ أنا مش ده مش تحليل، ولا أنا بقرا الودع، ولا حتى بفتي عليك. أنا بقول لك تايوان نزلت بيان قالت لك إحنا قادرين ندافع عن أنفسنا. ده معناه إيه؟ ده معناه إن هم شايفين إن ترامب بيقدمهم على طبق من فضة. شيء.

طب سؤال، إيه خطورة كلام ترامب؟ >> أكدت تايوان على استقلالها وذلك بعد تحذير الرئيس الأمريكي دونالد ترامب لها من إعلان الاستقلال قبل ذلك. اعتبرت تايوان أن مبيعات السلاح الأمريكية تمثل ركيزة أساسية للاستقرار الإقليمي، وأوضحت الخارجية التايوانية أن تايبيه ستواصل التنسيق مع واشنطن لفهم توجهاتها بشأن صفقات التسليح المقبلة، والتي هي منصوص عليها في القوانين الأمريكية. جاء ذلك في أعقاب تصريحات للرئيس الأمريكي دونالد ترامب قال فيها إنه لم يحسم بعد قراره بشأن المضي في صفقة أسلحة كبيرة لتايبيه. >>

بص، خطورة كلام ترامب إن كان طلع تقرير من المخابرات الأمريكية بيتوقعوا إن الصين هتاخد تايوان في 2027. توقعوا كده إن في 2027، السنة الجاية، الصين هتاخد تايوان. ده التقرير اللي طلع من المخابرات الأمريكية. أقول لك هغششك حتة كده. لما اتكلمت مع جاك سوليفان، مستشار الأمن القومي الأمريكي، هو قال جملة غاية في الأهمية. قال إيه؟ قال لك تقرير المخابرات الأمريكية بينص إن الصين هتبقى جاهزة على غزو تايوان 2027، بس مش هتاخدوها فعلاً. يعني 2027، السنة الجاية، هتبقى الصين تمتلك القوة، القوة العسكرية والقدرة العسكرية إنها تقوم بعملية الغزو لتايوان. إنما مش شرط السنة دي أو السنة 2027 تبقى هي السنة اللي هتقوم بيها الصين بغزوها. فهي القدرة العسكرية إنها تبقى قادرة إنها تعمل كده.

طيب، فانت قبل سنة من اكتمال قدرة الصين على غزو تايوان عسكريًا، تيجي تطلع وتصريح تقول لك إحنا مش هندافع عن تايوان. أنت كده بتقدم تايوان كقربان مقابل إيه؟ إيران؟ ولا مقابل إيه بالظبط؟ ما حدش يعرف. >> في مسألة تايوان هو لديه موقفه هو. أنا لم يكن لدي أي التزام في هذه الناحية. سوف أحدد فيما يتعلق بمبيعات لتايوان في الفترة القصيرة القادمة. يجب أن أتواصل مع المعنيين. >>

بس خد بالك، كون ترامب ما شنّش حرب لحد دلوقتي بيفتح باب التساؤلات. ده أمر لازم تبقى عارفه كويس جدًا. وكل ما قرار الحرب يتأخر، أنت هنا بتقعد دماغك بقى تجيب وتود. الراجل عمل إيه؟ والراجل ليه ما شنّش الحرب لحد دلوقتي؟ ولما تيجي تبص على الخيارات اللي قدام الرئيس الأمريكي دونالد ترامب، هتلاقيها خيارات كلها مش سهلة.

أنت بتتكلم نيويورك تايمز قالت إن مستشاري دونالد ترامب قدموا له خطط إن هم ينزلوا قوات خاصة في إيران ياخدوا جزيرة خرق. >> وفي وقت اقترح فيه بعض مستشاري ترامب باستمرار الحصار على موانئ إيران لمدة شهرين. وكان ترامب قد عقد اجتماعًا مع فريقه الأمني لبحث أزمة الملف الإيراني، تناول المفاوضات والخيارات المطروحة مع طهران. إيران. >>

على فكرة نيويورك تايمز تعتمد في تقريرها ده بتقول لك أصل في قوات خاصة أمريكية، فرق من المظلات وفرق من القوات الخاصة منتشرة أصلًا في الشرق الأوسط دلوقتي، وصلت في مارس الشرق الأوسط. فاللي عاوز ينفذ عملية برية موجود. >> هذه الأسراب التي حطت رحالها في إسرائيل قد لا تغادرها قريبًا. الحرب على إيران كشفت لأمريكا حصنًا استراتيجيًا مريحًا تأبى التفريط فيه. مصادر أمنية إسرائيلية كشفت أن القوات القوات الأمريكية المنتشرة في إسرائيل منذ بداية العملية ضد إيران لن تغادر في المستقبل القريب أو البعيد، ما يعني أن إسرائيل قد تتحول إلى قاعدة عسكرية مفتوحة. >>

طيب، حاجة تانية قال لك والله بيعرضوا إن هم ينفذوا ضربات مكثفة غير أي ضربات تم شنها قبل كده على إيران، لا لمدة أسبوعين تقريبًا هيضربوا إيران كما لم تضرب من قبل. طيب، خيار ثالث قال لك والله ممكن الجيش الأمريكي ينزل مجمع أصفهان وياخد اليورانيوم المخصص. أنا كنت علقت على الكلام ده كله وقلت لك خلي بالك اللي بيقول ما بيعملش. لو أمريكا عاوزة تنفذ أي خطة من دول، مش هيتم تسريبها في الإعلام. الإعلام على عيني وراسي إن هو بيشم كل حاجة، هو بيعرف كل حاجة، بس خطط عسكرية بالذات ما بتعرفش كده. ما فيش وزارة دفاع بتسرب خطط عسكرية قبل ما تتنفذ. أنا عمري ما شفتها قبل كده.

فيقول لك أصل ده اللي تم عرضه على الرئيس الأمريكي. مش الدرجات، ده كلام متسرب في الإعلام، إنما مش هو ده الحقيقة. ماشي، أمريكا هتعمل إيه بالضبط لو الحرب رجعت؟ ما أعرفش. على فكرة الحاجة الوحيدة المنطقية بالنسبة لي إن هم يشنوا ضربات مكثفة على إيران. إنما غير كده كلام بقى ينزلوا بري ومش ينزلوا بري، ده كلام أنا مش بلعه قوي. ده أمر، أمر ثاني خد بالك إن ترامب قال لك أنا ما كنتش بفضل إن حرب إيران تقف أصلًا. يعني الهدنة اللي حصلت دي أنا ما كنتش معاها، أنا كنت عاوز الحرب تكمل. ده اللي قاله دونالد ترامب.

بس هنا تدخلت صحيفة وول ستريت جورنال. صحيفة وول ستريت جورنال ركزت على حاجة تانية خالص. قالت لك معنى إيه إن يتم الكشف عن طريق رويترز إن السعودية ضربت إيران وضربت العراق وضربت الحشد الشعبي في العراق وقت الحرب، في ظل إن صحيفة نيويورك تايمز كانت كشفت إن الإمارات راحت ضربت إيران في عز الحرب من الأسبوع الأول، والإمارات بتشن هجمات على إيران أول أسبوع من الحرب. الظاهر كده كل ما إيران ضربت هدف في الإمارات، الإمارات كانت بترد على إيران بس ما بتعلن. إيران كانت بتقول إحنا ضربنا إيه، إنما الإمارات كانت بتشن ضربات على إيران وما بتقولش.

فصحيفة وول ستريت جورنال بتأكد يعني بتقول لك معنى إيه إن الخليج يشن ضربات على إيران؟ قال لك والله معناه حاجة واحدة بس إن المحرمات وقعت. يعني خلي بالك إن الخليج كان بيعمل كل حاجة عشان ما يحاربش إيران، بس زي ما إيران استباحت الأراضي الخليجية، أيضًا الخليج استباح الأراضي الإيرانية. وده تطور خطير جدًا. ما معناه إن هيبقى عادي بالنسبة لدول الخليج شن ضربات على إيران. وإن والله خد بالك دولة زي الإمارات عندها حاجات كتير قوي تبكي عليها قوي، عندها استثمارات، عندها شركات أجنبية، عندها ناطحات سحاب، كلام عظيم جدًا يخلي الإمارات ما تفكرش إنها تشن حرب على إيران. بس اللي حصل إن خلاص الخليج دخل مرحلة الردع بدل ما كان بينتهج سياسة الدفاع. إيه؟ يعني صحيفة وول ستريت جورنال كانت بتأكد إن الخليج قبل الحرب كان حريص جدًا إن هو يحتوي إيران، وإن هو يعمل كل حاجة بحيث إن هو يدافع عن أراضيه بطريقة سلمية. وحتى لما الحرب قامت وإيران اعتدت على الأراضي الخليجية، كان الخليج مصر إن هو يدافع عن أراضيه. بس كل الخليج يقوم بضرب أو شن عمليات عسكرية داخل إيران، ده نوع من أنواع الردع النشط. هو بقى إيه؟ بيشن هتضرب هنضرب، مش هنقعد نتفرج عليه.

فده أمر. الأمر الثاني لو الحرب رجعت، تأكد إن دول الخليج هتشارك. والمرة دي ممكن يعلنوا هم ضربوا إيه داخل إيران، لأن خلاص الاثنين جربوا بعض وجربوا إن هم يضربوا بعض. قصة هنا أنت بتتكلم إن الخليج ممكن يشتعل في أي لحظة. واشتعال الخليج ده مش في مصلحة أمريكا ولا مصلحة إيران ولا الصين ولا أي دولة في العالم. بس خد بالك إن العالم بيستعد للأسوأ. وكون إن الإمارات تعمل خط اسمه غرب شرق. خلي بالك الخط الموجود موجود في السعودية اسمه لاين شرق غرب، بينقلوا النفط من شرق السعودية لغرب السعودية ويطلعوا النفط عن طريق من ينبع. الإمارات قالت لك بقى إيه؟ ده إحنا هنعمل خط اسمه غرب شرق، اللي هو يطلع النفط من هبشان يوديه للفجيرة، عشان الخط ده ينقل مليون 800 ألف برميل في اليوم. فيخلي قدرة الإمارات على تصدير نفط بعيدًا عن مضيق هرمز 3 مليون برميل. >>

الإمارات كشفت عن خط جديد يتخطى مضيق هرمز بالكامل اسمه غرب شرق واحد. هذا الخط سيض تضاعف القدرة التصديرية عبر الفجيرة والمقرر تشغيله عام 2027. يعني بكلمات بسيطة، النفط الإماراتي تخطى عقبة هرمز ووجد طريقه للأسواق العالمية بخطين. >>

يعني خلي بالك مضيق هرمز لو اتفتح، الإمارات ممكن تصدر 5 مليون. بس أنا بقول لك عن طريق الخطوط دول أو الخطتين دول، الإمارات ممكن تصدر 3 مليون برميل في اليوم الواحد بدون مضيق هرمز. فدي أمور لازم تبقى عارفها كويس جدًا.

في الآخر، يا رب أكون شرحت لك الموضوع بشكل مبسط. هنشوف، نشوف الدنيا تمشي إزاي. هنشوف اللي هيحصل في حرب الخليج إيه. ما فيش شك إن الخليج كله مستعد لأمر من ترامب إن هو هيشن حرب على إيران. والنهاردة إسرائيل بتقول لك إحنا على أتم استعداد ترامب بس يدي الأمر واحنا هنخش نضرب على طول. نشوف الدنيا تمشي إزاي. وربنا ينصر مصر، ويا رب ينصر العرب، ويا رب ينصر فلسطين. يا رب. تحيا مصر. سلام يا محروسة بسيف شاطر وسيف حارس عليك يا مين. ومن فوق السماء السابعة حاميك رب العالمين. مين من الضلي ومن الخيني ومن الخلق اللي بين أهالي مدسوسة. يا محروسة يا محروسة يا محروسة بسيف شاطر وسيف حارس عليك يا.