Transcription
ناس تدخل حمام مسجد فيلاقوا اكياس مليانه باعضاء بشريه. قضيه النهارده عن سفاح جديد في المغرب وقايمه القتل اللي كان ناوي ينفذها. فطفوا نور وحطوا السماعات. ويلا بينا نبدا في القصه.
ازيكم يا جماعه النهارده هنروح لمدينه في المغرب اسمها مدينه بن حمد. مدينه جميله هاديه سكانها طيبين ومعظمهم عارفين بعض. بس في يوم 20 ابريل 2025 الدنيا اتقلبت ناحيه المسجد الاعظم اللي هناك. اللي حصل ان بعد اذان العصر كله بدا يتجمع عشان الصلاه بس الناس اللي كانت عايزه تتوضى ما كانوش عارفين يفتحوا باب الحمامات. ويقال كمان انهم كانوا شمين ريحه بشعه طالعه من جوه. فالناس طبعا قلقت وكسروا الباب. وهنا لقوا منظر مرعب. دم في كل حته سكاكين اكياس مليانه باعضاء بشريه وحتى العظم كان بارز من الاكياس دي طبعا بسبب الريحه والمنظر الناس خرجت بسرعه واتصلوا بالشرطه اللي برده لما جم وشافوا مسرح الجريمه ما كانوش مصدقين.
الشرطه وهي بتبحث اكتشفت ان القاتل حط بقيه الجثه في المصارف الصحيه واضح انه كان بيحاول يخبي الجريمه بس لسبب ما ساب كل حاجه ومشي قبل ما يخلص اللي بيعمله. فالشرطه جابت كلاب عشان يعرفوا بقيه البقايا فين. وبعد ما البقايا اللي كانت موجوده راحت للطب الشرعي طبعا ما عرفوش طريقه القتل بقول لكم كانت اشلاء محطوطه في كيس بس كان واضح من الادله انه اطعن وبعدها القاتل استخدم السكاكين اللي موجوده لتقطيع الجثه. وهنا بقى الجزء المرعب في اجزاء كان اللحم متشال عن العظم بطريقه احترافيه بمعنى انهم قدام قاتل هو عارف بيعمل ايه كويس مش هاوي واكيد دي مش اول مره.
اما بالنسبه للشرطه فالكلاب والبحث وصلهم للحديقه العموميه اللي جنب المسجد هناك. ففضلوا يلفوا حوالين الحديقه لغايه ما لقوا اكياس ثانيه مليانه باعضاء بشريه وكمان اجزاء منها زي صوابع الايد مرميه وسط الزرع. فلثاني مره البقايا والكياس راحوا للطب الشرعي وهناك الدي ان ايه تطابق مع جثه المسجد. بس المفاجاه ان في اجزاء ما كانتش بترجع لنفس الجثه دي كانت بقايا لجثه ثانيه. واللي اكد الفكره دي فاكرين الصوابع اللي لقوها ما كانوش 10 دول كانوا 12 صباع جزء منهم لشخص والثانيين لشخص مختلف تماما. فطبعا الاكتشاف ده كان مرعب والدنيا اتقلبت اكتر. دلوقتي الشرطه بدل ما تحاول تعرف هويه جثه واحده دلوقتي محتاجين يعرفوا هويه جثتين. فالشغل اتقسم جزء منهم ابتدى يراجع سجلات المفقودين والجزء الثاني ابتدى يروح لاهالي المنطقه ويتكلم معاهم هل شفتوا حاجه هل شاكين في حد. وعايز اقول لكم ان معظمهم اجمعوا على شخص واحد بس خلوني ارجع لكم للنقطه دي كمان شويه.
المهم بعد التحيقات والمراجعة الشرطة عرفت هوية جثة المسجد اللي طلع راجل خلينا نسميه احمد في الخمسينات من عمره متجوز وعنده ولاد وشغال مقاول. فالشرطة بدأت تسأل عنه هل عنده عداوة مع حد هل هو شخص بتاع مشاكل مثلا بس لا كلهم قالوا عنه اشعار راجل جميل معروف باحترامه متدين كله كلام حلو. وفي نفس الوقت ده الشرطة جالها بلاغ من واحدة بتقول ان قاربها مختفي من اواخر رمضان فيمكن الجثة الثانية دي تكون بتاعته. وفعلا بعد ما عملوا تحليل دي ان ايه مع فرد من أفراد العائلة النتيجة طلعت إيجابية. وبكده عرفوا أن الجثة الثانية بترجع لراجل اسمه هشام برضه متجوز وعنده ولاد. واللي حصل يوم اختفائه أنه قال لمراته أنه هينزل يخلص شوية مشاوير وعمره ما رجع. طبعا لما مراته عرفت اللي حصل له كلمة انهيار قليلة. الراجل كان المفروض يكون بيعيد معاهم فإزاي حصلت حاجة زي كده. والسؤال الأهم مين اللي ممكن يعمل كده.
بالنسبة لأهالي المنطقة فكانوا شاكين في واحد اسمه سعيد لأنه كان المسؤول عن تنظيف حمامات المسجد بقى له فترة. فممكن يكون هو اللي قفل الباب ده غير أن سعيد مش متزن عقلياً معروف وسط الناس بجنونه وتمرده. يعني مثلا دايماً ماشي بسلاح أبيض بيكلم نفسه كتير بيبوظ محلات الناس بيعتدي عليهم لفظياً وجسدياً بيعذب الكلاب والقطط ومرات بيسلخهم ويقتلهم. ولما حد بيحاول يكلمه أو يوقفه بيهدده بالقتل تحت [موسيقى] الفخ الله أكبر الله أكبر الله أكبر. نروح لاعب عشان فكل الناس عارفاه بمجنون المنطقة وحتى لما بيشوفوه بيعمل أي حاجة من الحاجات اللي أنا حكيتها بيعملوا نفسهم مش شايفين لأنهم خايفين منه. طب ليه ما بلغوش الشرطة فعلاً عملوا كده سعيد عليه أكتر من 55 شكوى بس لسبب ما عملوش أي حاجة. طب ما يدخلوه مصحة نفسية هو فعلاً دخل مستشفى للأمراض النفسية والعقلية بس برضه لسبب ما كل ما كان بيتحجز بيخرج عادي ماعرفش ليه ممكن ما يكونوش شايفينه خطر الله أعلم. فيعني ما ينفعش الشرطة تتجاهل التحقيق مع شخص زي ده.
ولما قبضوا عليه فعلاً بدأ يقرأ قرآن بصوت عالي رحمة منا وكان أمراً مقضياً فحملته فانتبذت به مكاناً قصياً بسم الله الرحمن الرحيم. والشرطة بعد ما فتشت بيته يقال أنهم لقوا أشلاء جديدة وكمان سكاكين بكل أنواعها. ده غير أنهم لقوا قايمة قتل مليانة بأسماء الناس اللي حاولت توقفه قبل كده. وطبعاً مع جريمة بالشكل ده الإشاعات والكلام لازم يطلعوا. فواحد طلع وقال أن في ضحية ثالثة للسفاح والمرة دي بنت صغيرة ما عدتش ال 12 سنة. فطبعاً الناس كلها بدأت تهاجم الشرطة إزاي كل ده بيحصل وأنتم مش عارفين. ولكن لما الشرطة وصلت للراجل اللي طلع الإشاعة طلع الكلام مش حقيقي وعشان كده قبضوا عليه هو كمان. بس برضه الإشاعات ما وقفتش ناس كتير قالت أن عدد الضحايا وصل لخمسة بس برضه ده مش حقيقي. المتاكدين منه لغاية دلوقتي أن عدد الضحايا اثنين بس. افتكرت سفاح تجمع لما طلعت وقلت في الأول أن عدد الضحايا كان ثلاثة وبعد كده الناس قعدوا يقولوا لي لا دول أربعة اتأكد من المصادر سبحان الله طلعوا ثلاثة فعلاً خلوا بالكم من الإشاعات في الحاجات اللي زي كده.
بس ده يرجعنا لسؤال مهم هل كان في دافع لقتل الاثنين دول. اتضح من التحقيقات أن سبب موت ضحية المسجد أنه شاف سعيد وهو بيعذب حيوانات فحاول يتكلم معاه ليه بتعمل كده حرام. وبعدها واجهه عشان طلع بيستخدم حمام المسجد في أفعال متعلقة بالدعارة ومن يومها سعيد حط الراجل ده في دماغه. ويقال أن اللي حصل يوم الجريمة أن سعيد دخل له لما كان في حمام المسجد وبدأ يطعنه لغاية مات وبعدها قطعه وشال اللحم عن العظم زي ما حكينا في الأول. وخدوا بقى المعلومة دي اللي أتمنى ما تكونش حقيقية الصراحة. السكان اللي ساكنين في المنطقة قالوا أنهم شافوا سعيد وهو رايح لأكتر من محل مشويات عشان كان معاه كيس لحمة عايزة يتشوي. فالكلام ده مع الكلام اللي أنا لسه قايله احتمال كبير يكون اللحم بشري. ويقال أنه كان بيعمل كده في القطط والكلاب عشان يتمرن ولولا أن الشرطة قبضت عليه كان زمانه كمل في القتل.
أما بالنسبة لهشام فماحدش عارف سبب موته يعني حتى مراته طلعت وقالت أنهم ولا يعرفوا سعيد ولا عمرهم كلموه أصلاً فالسبب مجهول. وآخر حاجة أعرفها عن القضية دي أن التحقيقات لسه شغالة. وعشان كده أنا عايز أسألكم هل تفتكروا هيكون في ضحايا ثانية فعلاً وبرضه تفتكروا إيه الحكم المناسب لشخص زي ده؟ الصراحة قضية فعلاً مرعبة فكرة أنه احتمال يكون ش لحم الضحايا دي لوحدها مرعبة. في الآخر يا ريت ندعي بالرحمة لكل الضحايا ولو في أي جديد طبعاً هتلاقوني نزلت ستوري على الانستغرام أو عملت جزء ثاني لو طلعت معلومات كتير تكفي فيديو كمان. وبس إن شاء الله أشوفكم في الفيديو الجاي سلام.