كل دول هيشجعوا إيران ضد مصر؟ 😳 ده راحت منهم خالص ! نصيحة تاريخية من تريكة لـ إمام عاشور 🦅

ايه يا عم الشياكة دي يا عم؟ ايه يا عم الحلاوة دي يا عم؟ فاكر بقى إن أنا هشبّه عليك؟ لا، وفي حد بيتوفى أخوه يا باشا؟ ده إحنا إخوات يا باشا، ده إحنا أصحاب يا باشا، ده إحنا حبايب، ده إحنا كل يوم مع بعض على المُر قبل الحلو. خليني أمسي عليك يا حبيب أخوك، هشوفك النهارده مرتين، شفت أنا طالع لك الصبح، لأ وهطلع لك بالليل في نص الليل.

بسم الله الرحمن الرحيم، السلام عليكم ورحمة الله وبركاته. اللهم صل وسلم وبارك على سيدنا محمد وعلى آله وصحبه وسلم. معاك محمد أنور الزملكاوي الغير كاره للأهلي. أخبارك إيه يا صديقي؟ والله العظيم اتخنقت منهم، عندنا شوية إيرانيين خنقوني خلاص. فجأة اكتشفت إنهم بيعشقوا إيران. طول ما الزمالك بخير، منتخب مصر بخير، النغمة الدايرة نغمة طلعت من جروب الواتساب بقت سكريبت، كلهم واخدينها تيكي تيكي تيكي تيكي، نفس الجملة. أخلص من سُرم الكابتن أحمد عبد الملك، وأنا آسف لو هتضايق من كلمة سُرم، بس والله يا حبيب أخوك ده أقل لفظ مناسب. يا عم ماشي، أخلص من سُفار الكابتن أحمد عيد عبد الملك، أدخل في سُفار الكابتن طارق السيد. يا جماعة، وأنا دلوقتي لحقت أخلص من الهلاّص والهبدور وفلة والخبيث علشان تتكاثروا؟ انتوا بتتكاتروا؟ هو أنا كل يوم هلاقي حد فيكم جديد؟ كلكم في جروب واحد. يعني حتى طارق السيد مصمم. يا جماعة، قلتها لكم والله، مش من مصلحتنا إننا نشخصنها. أهلي وزمالك ومنتخب، ده منتخب مصر. هتشخصنوها؟ والله لو شخصناها وحسبناها الحسبة دي، ما هنعيش مع إخواتنا الأهلاوية في أم الكوكب، في أم كوكب الأرض. والله ما هنعيش معاهم. ما هو انت يا ابني لو بصيت وحسبتها بالعقل والمنطق، انت رزعت اللايك الرايق. انت المفروض أساسًا خلاص بقى يعني اللايك الرايق ده بقى جزء من حلقتنا علشان الفيديو بتاعنا يقترح لأكبر عدد من الناس. انت لما بتشغل صبعك كده، انت بتقدرني، وفي نفس الوقت الفيديو بيقترح لأكبر عدد من الناس. بس كده. وأكيد طبعًا مشترك في قناة أخوك، وأكيد مفعل زر الجرس. ولو انت مش بيوصل لك إشعار بالحلقة، ممكن تلغي الاشتراك وتشترك من جديد وتفعل زر الجرس والحلقة تجيلك.

ندخل على السر. أنا آسف يا جماعة. دلوقتي مين اللي اتعادل مع بلجيكا؟ مرموش، صلاح، فتوح، لاعيبة الأهلي. مين اللي كسب نيوزيلندا تلاتة؟ صلاح، مرموش، فتوح، لاعيبة الأهلي. مين اللي كسب تلاتة أمم أفريقيا مع الكابتن حسن شحاتة؟ لأ، لاعيبة الأهلي. مع محمد زيدان، ويعني كنا ماشيين من سكة. إنما كان لاعيبة الأهلي. فيا جماعة بلاش نشخصنها بالطريقة دي.

تاني حاجة بقى، وده الأهم. الأخ ده يا جماعة، ده بيشجع إيران أكتر. يا جماعة، ده بيعشق إيران. أنا فجأة، أنا فجأة اكتشفت إن هو مواليد طهران، مش مواليد 100 عقبة. مواليد طهران. انت عامل نوش ليه يا اسطى؟ لا رد عليا بقى. انت عامل نوش ليه؟ يعني أنا منشنات منشنات منشنات على فيديوهات وعمال أعديها وعمال أقول يا عم كأني مش شايف حاجة. بس انت قفّرتها يا اسطى، انت قفّرتها يا أبويا. خلاص بقى. تعالى نسمع الأخ جاليليو الإيراني بيقول إيه في السُفار بتاعه.

وادينا مكملين. >> المنتخب رجع قصاد نيوزيلندا وحقق فوز تاريخي 3-1. كان ممكن يبقى أربعة لولا اللي نازل رافع اليافطة مرفوعة كده يا حسين. اليافطة كده مرفوعة. والله العظيم هو نازل رافع اليافطة. كمية استهتار وكمية عنطزة كروية وكمية تعالي على الكورة وكمية استقلال بالدور اللي هيلعبه بشكل غير طبيعي. دي نوايا لا حول ولا قوة إلا بالله. كائن بالرم، كائن. والله كائن بالرم يا جماعة. كمية الاستهتار. يا عم هي اسمها كمية سُفار. انت عملت كمية كمية كمية. يعني انت سيادتك انت عاوز إيه؟ انت عاوز إيه بجد؟ والله هقول لك على حاجة. والله العظيم ربنا ماشيه معانا وكسبنا أول مكسب لنا في التاريخ. يا جماعة حسوا بقيمة الحدث. حسوا بقيمة الحدث. إحنا في كأس العالم يا جماعة بنكسب لأول مرة من 92 سنة. يا جماعة كفاية سُفار بقى يا جماعة. وحسوا بقيمة الحدث. انتوا لو مش مقتنعين إن ربنا كرمنا علشان السُفار بتاعكم ده، انتوا مستنيين تشمتوا في لاعيبة بعينها؟ بتتصيدوا للاعيبة بعينها؟ علشان كده ربنا مش كاتبها لكم، وإن شاء الله مش هيكتبها لكم. وكلهم ماسكين في حسام حسن. إحنا ربنا ممشيه معانا وسارقة معانا علشان السُفار اللي جواكم ده. والله علشان ما تشمتوش فينا. كملوا كملوا وشجعوا. أقول لك على حاجة؟ أنا وإخواتي هنتبرعوا. هنجيبوا لكم طقم كامل. طقم تيشيرتات إيران بالكامل. شجعوا براحتكم. إيه يا جماعة ده؟ يا جماعة مش كده؟ يا جماعة مش كده؟ يا جماعة إيه ده؟ إيه ده بجد؟ بتحسوا بقى بقيمة الحدث؟ وبعدين انت سايب التلات أهداف اللي إحنا جبناها في نيوزيلندا وسايب صدارة المجموعة وسايب الأداء وسايب كل حاجة وماسك في الفرصة بتاعة زيزو. هو انت يا ابني لو ما اتكلمتش عن زيزو مش هيقبضوك في أم القناة؟ انت لو ما اتكلمتش عن زيزو هيحصل لك حاجة؟ ما فيش حلقة واحدة ينفع تعدي من غير زيزو. ما خلاص بقى يا جدعان. حتى اليومين دول بيلعب مع منتخب مصر. دعموه لأجل منتخب مصر. إنما أقول إيه؟ ولا بقول إيه؟ ولا بعيد إيه؟ قسمًا بالله سُفار عالمي. سُفار غريب.

في الناحية التانية حمزة عبد الكريم. أنا آسف والله، بس كل السُفار اللي فات ده حاجة، والسُفار اللي مستنيك ده حاجة تانية خالص. حاجة تانية. أنا مصدوم من امبارح. أنا سمعت رد فعله على حمزة عبد الكريم. يا جماعة لا مش ممكن. مبدئيًا كده خلينا إيه ندي لحمزة حقه. حمزة طبعًا الحمد لله ربنا كرمه. ربنا كرمه علشان كان في ناس كتيرة شماتة فيه أو مستنية تشمت فيه. في الأول خالص قال لك إيه؟ قال لك يا عم ده رايح مركز شباب، هيلعب درجة رابعة في نادي اسمه برشلونه أتلتيك أو أتلتيك برشلونه. إيه؟ وانتوا حافظين طالما في أتلتيك بلباو، أتلتيكو مدريد، فهيبقى في برشلونه أتلتيك. فالمهم قال لك يا عم ده رايح مركز شباب. فلما اتأكدوا إن هو بيلعب في برشلونه. يا عم ده كلها أربع شهور وهيرجع تاني. هانزي فليك وجميع قطاع كرة القدم بجميع مراحله في برشلونه قرروا وبشكل رسمي دفع بند شراء حمزة عبد الكريم. والصفحة الرسمية لبرشلونه هي اللي بتعلن بعقد ممتد. يا سُرم منك ليه يا أصفر منك ليه لحد 2029. يلا خليها تاكلكم بقى. خليها لا تاكلكم. وإن شاء الله ربنا هيكرمه وباذن الله ربنا هيوفقه. ومش بس كده، علشان النادي الأهلي. شوية سُفار منك ليه؟ بسبب السُفار بتاعكم ربنا بيكرمه. في الناحية التانية الخزينة بتاعته تحول ليها بشكل رسمي مليون ونص يورو بلس بنود إضافية هتعدي التلاتة ونص مليون يورو. إيه بقى؟ إيه بقى البنود الإضافية؟ شارك مع الفريق الأول. ادي يا باشا فلوس. كده هيشارك. هانزي فليك أساسًا معتمد المهاجم بتاعه الأساسي لحد ما أشوف فيران توريس إيديتو معاه. فكده كده ادي يا باشا أول بند هيتحقق. قال لك شارك 10 ماتشات مع الفريق الأول. هيشارك 10 ماتشات. قال لك البند التالت إن هو يجيب خمس أهداف. خلي بالك كل ده بونص. كل ده بونص عادي جدًا. إن شاء الله ربنا يكرمه ويقدر يعملها ويجيب على مدار الموسم خمس أهداف كمان. 15% من نسبة إعادة بيع في المستقبل. إن شاء الله بتمنى طبعًا يستمر مع برشلونه. ولكن نفترض إن برشلونه باعته لنادي معين. 15% بسبب السُفار بتاعكم. علشان يطلع علينا الكابتن أسامة حسن. كابتن أسامة، انت بتقيّم حمزة عبد الكريم؟ مبدئيًا كده وانت بتقيمه، انت حاسسني إنك يجوا أرماندو ومارادونا. يعني انت حاسسني مثلا إنك إيه؟ يعني عامل أرقام تاريخية مع منتخب مصر. عميد لاعبي العالم مع منتخب مصر. حاسسني حرفيًا إنك مقفل الليلة من الآخر. انت حاسسني إنك مكس ما بين الخطيب وأبو تريكة وحازم إمام. تعالى كده نسمع السُرم بتاعنا بيقول إيه ونرجع لبعض تاني.

>> طب تعليقك إيه طيب على إن كابتن حسام، بما إنه رأس حربة وأعظم رأس حربة في تاريخ مصر، أكيد شايف حاجة في حمزة يا كابتن؟ أكيد صح ولا غلط؟

>> اا بص يا نجم.

>> في فرق إن تتكلم على لعيب كورة عشان بس الناس ما تدخلش. انت صغير. بطل نفسنا. هو شاف الأهلي. الكلام ده أصلاً ما بي ما بيشغلنيش. اللي يشغلني الاختيارات. حمزة عبد الكريم. أنا بنصح اللاعيبة كلها الصغيرة اللي في سنه إن حمزة مصنوع مش موهوب. ما شفتوش فيه أي موهبة خالص خالص. ده لعيب مصنوع. الكلام ده بيجنن. بيجنن الأهلاوية في موضوع حمزة عبد الكريم. بيجننهم.

>> زي لما يكون حمزة عبد الكريم ده عايزين يخلّوه أسطورة من غير ما يلعب. بص يا نبي. أنا بناشد. بناشد كل لاعب عنده 17 سنة يشتغل جامد قوي على الميديا عشان يروح منتخبات وعشان يروح أندية. الملعب شغل الملعب دلوقتي الفترة اللي جاية مالوش كورة. حمزة عبد الكريم ما شفناش لعيب سوبر. ما شفتش لعيب سوبر خالص. شفنا إحنا بنلعب. هتقول لي أصل هو جاي. أنا ما بكلمكش في اللي جاي. أنا بتكلم فيه دلوقتي. اللي جاي هيبقى مصنوع. اللي ما عندوش موهبة. إحنا شفنا بعمزة عبد الكريم لعب جماعي صفر. النص اللي تحت تغيير اتجاهات أو باصات صفر. الكورة العرضية اللي فيها أخرات هتلاقيه التكالج. الكور اللي فيها مشكلة هتلاقيه. لعب جماعي وتكتيك وتحركات واستلام ودوران والكلام ده كله صفر. إذا الفترة اللي جاية برشلونه لما يجي يتألق وربنا يكرمه يا رب هيبقى لعيب مصنوع مش لعيب موهوب. هياخد وقت كبير.

أنا مش عارف أرد أقول إيه. والله العظيم بيتكاتروا يا جماعة. بيتكاتروا بجد. والله ربنا يهديك يا ابني. أبو تريكة، أبو تريكة وإمام عاشور. أنا كنت ناوي طبعًا أكلمك عنها امبارح، بس للأسف الحلقة طالت مننا هنا. فقلت أجلها النهارده. وعلى فكرة في أحداث معايا كتير لدرجة إن في حلقتين النهارده. في حلقة برضه إن شاء الله في نص الليل. أبو تريكة يا جماعة، إيمج مرعب. إيمج ليه تأثير مرعب على لاعيبة الكورة، مش الجمهور. اللاعيبة بتحب تسمعه أكتر من المشاهد ذات نفسه. إمام عاشور. كابتن محمد أبو تريكة قال كلمتين في حقه. إمام عاشور هو بيتعامل مع تصريحات أبو تريكة مش مجرد تصريحات عادية من أي حد وخلاص والسلام زيها زي تصريحات أي حد في الإعلام. إمام عاشور رد فعله هو حسسني مثلا لا، في حاجة كبيرة. انت وصل لك الفكرة اللي عندي؟ هو يعني إيه الكلام بتاع إمام عاشور يا جماعة؟ هي مش قصة شكر وعرفان إن أبو تريكة بيتكلم عنه كده. لا، في قدر كبير قوي من السعادة والفخر والاعتزاز إن الكلام ده طالع من أسطورة اسمها أبو تريكة في حقه. انت فاهم قصدي إيه؟ هي دي الفكرة وهي دي النظرية. أبو تريكة يا جماعة هو أنسب، أنسب واحد حرفيًا يبقى موجود في استوديوهات بين سبورت يتكلم عن حسام حسن واللاعبة. لأن ما فيش شخصية ممكن تبقى مؤثرة أكتر من ده. وشخصية محترمة جدًا وخير، خير يعني إيه؟ خير ممثل لينا في الاستوديو. طبعًا وما أعتقدش أي مناسبة لمنتخب مصر بعد كده أو أي مناسبة مصرية عمومًا في أي محفل قاري، ما أعتقدش إنها هتخلو من وجود أبو تريكة في الاستوديو. تعالى نسمع كده كلام أبو تريكة اللي أثر في حق إمام عاشور معانا.

>> بص هو في كل جيل بياخد مميزات عصر. محمد العصر الحالي غير العصر السابق أو عصرنا أو جيل. في بعض اللاعيبة بيظلم نفسه. ما بيحسش بقدره. ظلم نفسه. أما يبطل.

>> تأخر.

>> اه. يقول لي يا ريتني كنت عملت كذا. يا ريتني كنت التزمت. يا ريتني كنت عملت. هو بيمر بظروف معينة نتيجة إصابات، نتيجة انتقالات. صعب قوي إن انت تلعب في مصر في أهلي وزمالك. صعب قوي الصراحة. لأن الاثنين أندية كبيرة وشعبية. فاللاعب إنه يتحمل الضغوط دي بتبقى يبقى حسب شخصيته. هو عنده كل الإمكانيات إنه يبقى لعيب على أعلى مستوى.

>> لا ما زالت عنده فرصة احتراف في أوروبا مرة أخرى.

>> أنا عاوزه يستمر في النادي.

>> هذا هذه العاطفة. هذه عاطفة. هذه كرافته الأهلي الآن.

>> هو وإمام عاشور عندهم إمكانيات مميزة بس لازم التعامل النفسي.

>> بس إمام أفضل.

>> إمام أفضل.

>> اه. إمام لا كورته أعلى حقيقة. إمام كابتن.

>> تقريبا ما شاء الله مباراتين بدون أخطاء. مستوى التمرير يا كابتن محمد. لاعيب أوروبي.

>> موهوب.

>> الأساسيات عنده سليمة.

>> استلام متسلم في مساحات واسعة ومساحات ضيقة.

>> سامع سامع يا إيمو. مين اللي بيتكلم عنك؟ أسطورة بيتكلم عنك. الوصول للنجاح مش سهل. صعب. ولكن الأصعب الاستمرارية. والاستمرارية إيمو مش هتيجي إلا بإيه؟ بحاجتين. الالتزام والعقلية. وانت طبعًا العقلية في المهلبية. المفروض بعد الكلام ده يا إيمو المفروض تدخل في معسكر مغلق ما بينك وبين نفسك كده وتهرس علشان تشرف الكورة المصرية في الأيام الجاية. لو شفت لما يلعب في الدوريات الأوروبية، الدوري الإنجليزي. قال لا، أنا عايزه يستمر في النادي الأهلي. مش سهلة. أبو تريكة، انت عارف بعد كل ده بقى. انت شوف اللاعيبة مش مجرد الجمهور. اللاعيبة بتتعامل إزاي مع أبو تريكة. بعد كل ده تلاقي بني آدم براس بخاخة بيتري على أبو تريكة وبيتنمر على أبو تريكة. حد يفهم الفلاح ده؟ يا ابني فلاح يا ابني. يا ابني يا ابني انت طول مبدئيًا كده إحنا كلنا فلاحين يا جماعة. يعني 96% من الشعب المصري فلاحين. إيه إيه الزيطة بتاعة فلاح فلاح دي؟ إنها شتيمة يا ابني؟ انت طول تبقى فلاح يا ابني؟ يا ابني الفلاحين دول أجدع ناس. هم اللي مأكلين الناس. هم اللي مشربينهم. وليهم فضل على جميع فئات المجتمع. حد فاهم الفلاح ده؟ إن زرار البدلة بتتفتح وانت قاعد. فضحتنا قدام الأجانب. أبو تريكة اللي فضحتك قدام الأجانب. أقسم بالله يا جدعان ما في فئة أوسخ من الناس دي. فئة مشجعين كورة يا جماعة عندهم نقص مرعب. مش عارف إيه لاعب عنده 18 سنة بينتقل لبرشلونه الإسباني وبتاع بيشرفنا وبتاع بيتنمروا عليه. والواد لسه بيبدأ مسيرته. لسه عيل. لسه بيبدأ مسيرته. إن شاء الله هيبقى مهاجم أسطوري في يوم من الأيام بإذن الله عندًا فيكم. وبرضه تلاقيه مثلا أبو تريكة ده لا بيزعل حد ولا بيغلط في حد. ودايمًا متسامح وكريم ولسانه حلو وبيحترم الزمالك. يعني الراجل حتى بيقول لك إيه؟ إمام عاشور لاعب أهلي وزمالك. وزمالك شعبية كبيرة وضغطه. يعني بيحترم الزمالك. وده طالع برض إيه؟ ده يا عم لا. وكله كوم بقى وبص على على البوست ده. برضه نفس الشخص. والله بيتنمر على أبو تريكة. فبيقول إيه؟ الناس طبعًا جمهور الأهلي دخل فقال له انت انت عبيط ولا انت لابس تيشيرت ده؟ انت لو هتتكلم على الفلاح بقى ده انت فلاح بقى علشان لابس تيشيرت تحت القميص. أنا مش عارف حكاية الفلاح. بس ماشي. يعني لابس تيشيرت كورة تحت القميص. فالمهم هو بقى بيرد فقال لك إيه؟ تيشيرت الزمالك الأصلي بـ 5500 جنيه. عليا النعمة عليا النعمة أنا ما بجيبه من غبريال جنبنا بـ 250 جنيه. التيشيرت اللي انت لابسه ده مش عشان لا تيشيرت الزمالك شرف لأي حد. ولكن يا ابني انت انت بتتكلم في إيه يا ابني؟ 5500 جنيه وبتاع وأصلي. ماشي. وأنا رايح دبي أشوف السوبر. والقميص اللي فوقه هيلز ثمنه 99 دولار. ولابسه لأننا نازلين من الطيارة على الاستاد. والله أنا مش بتنمر. والله ما بتنمر. أهو ده اللي بيتكلم عن أبو تريكة. وده اللي بيتنمر على أبو تريكة وحمزة عبد الكريم. دهو بيقول لك إيه بقى؟ نازلين من الطيارة على الاستاد. ويجي واحد أبوه ماتعشاش من 15 سنة بيتريق عليا عشان أتكلم على أبو تريكة عادي. عشان بتكلم على أبو تريكة عادي. أه نسيت. والكوتش أديداس ثمنه 250 دولار كمان. وأنا اللي فلاح؟ يا ابني انت ناقص. والله الكلام بتاعك ده قسما بالله ناقص. اللي بيتكلم في التفاصيل دي والله ناقص. ده يا باشا اسمه شبع ما بعد جوع. المثال المثال ده ينطبق على الشخصيات اللي زي دي. شخصيات إيه بقى؟ على الأوسخ. استغفر الله العظيم. بس معلش. انت مستنى عقلية الفئة دي تبقى نظامها إيه وإزاي؟ إذا كان رب البيت بالدف ضاربا فشيمة أهل البيت. كمل انت بقى. أهو أهو اقرا. بتقرا بسم الله ما شاء الله. ما بقاش مجلس إدارة نادي الزمالك بقى مجلس سوابق. بقى سوابق حرفيًا. ده طبعًا راجل موثوق فيه. بسم الله ما شاء الله. يعني محمد السحار ده أساسًا كان ماسك السوشيال ميديا بتاعة نادي الزمالك. راجل يعني موجود في الزمالك باستمرار. إحالة عضو مجلس إدارة للمحاكمة الجنائية بتهمة السب والقذف والإزعاج. وقريبًا هيبقى بتهمة إنشاء اللجان الإلكترونية. بالشفاء يا روميو. مين بقى رامي الصاوي؟ وبرده من كم يوم كان هاني شكري عشان برضه سب وقذف جمهور النادي الأهلي. مجلس سوابق. نخلص من ده ندخل في ده. طبعًا انت مش مستني أقول لك بعد اللي حصل ده. الدولة اللي متشالة على الراس وشكراً سيادة الرئيس. وشكراً. فجأة كله بيحارب الزمالك. لقى الله يا زمالك. خلاص. دي الباقة اللي جاية اليومين دول. يعني اليومين الجايين.

آخر حاجة يا جماعة. يا ريت ندعي للكابتن أحمد حسام ميدو. لسوق الحظ. أول خبر شفته امبارح بعد ما نزلت الحلقة هو الخبر بتاع أحمد حسام ميدو. فأنا بقى غصب عني يعني مضطر إني أقوله متأخر شوية. ولكن إن تأتي متأخرًا خير من ألا تأتي. كابتن أحمد حسام ميدو طبعًا ربنا يقومه بالسلامة. وفي نفس الوقت ربنا يفك الكرب اللي عنده. طبعًا نجله، ابنه يعني، تم الحكم حبسه سبع شهور وكده. فالراجل طبعًا زعلان. فتم ارتفاع ضغط الدم وكده. فالمهم جاله جلطة في المخ. عمل إم آر آي. عمل رنين مغناطيسي وكده. فربنا يقومه بالسلامة. فطبعًا خرج امبارح مع كابتن أحمد شوبير في مداخلة تليفزيونية. والحمد لله يعني طمنا على حالته. فالراجل قال لك: "كان عندي أمل كبير إن العقوبة تتخفف في الاستئناف بعد الحكم. رجعت البيت وحسيت بتعب شديد. نبضات قلبي زادت وصدري وجعني وما كنتش عارف أتنفس. لما رحت المستشفى الضغط كان 190 على 100 واتحجزت. الصبح عرفت إن حسين اتأثر جدًا لما عرف إن تعبان." حسين ده اللي هو ابنه. "خرجت من المستشفى على مسؤوليتي لكني تعبت تاني. أنا في رعاية طبية كاملة في البيت والدكاترة والممرضة معايا. الدكتور طلب أشعة على المخ وظهر إن فيه جلطة خفيفة." معلومة بقى بما إن الأشعة بقى وكده، لأن دي الحتة بتاعتي. اللي يعرف الجلطة مباشرة بالسرعة دي. الإم آر آي الرنين المغناطيسي. ودي يعني إيه لو حصل لا قدر الله مع أي حد. إحنا معرضين إن هي تحصل معانا. دي معلومة طبية. لو حصل لا قدر الله حاجة زي كده ما تعملش سي تي. لو الدكتور قال لك اعمل أشعة مقطعية. الأشعة المقطعية بتبينها بعد يومين. يعني انت هتعمل أشعة. أشعة مقطعية مش هتبين الجلطة بعد 48 ساعة. لو انت عملت أشعة مقطعية تبان. إنما الإم آر آي اللي هو الرنين المغناطيسي بتبان في وقتها. دي معلومة. وعلى فكرة في ناس كتير اتأثرت وتوفيت بسبب حاجة زي كده. انت بتعرف الجلطة متأخر 48 ساعة متأخر. فأساسًا الأشعة بتاعة البرين ظاهرة. سي تي برين أه ظاهرة قدام الدكتور عادي ما فيهاش أي حاجة. إنما انت عندك جلطة. بس الإم آر آي هي اللي بتبينها في وقتها. إنما السي تي بتبينها بعد 48 ساعة. السي تي اللي هي المقطعية. دي معلومة يعني إيه طبية. يعني نقوله أي معلومة يمكن ناخد عليها ثواب ولا حاجة. قال لك برضه: "باخد الأدوية اللازمة لإذابة الجلطة وبطمن كل الناس." وبس كده.

حبيب أخوك مستنيك في حلقة بعد نص الليل. وصلت معايا لحد دلوقتي ترزع اللايك الرايق. وصلت معايا لحد دلوقتي تشترك في قناة أخوك. وصلت معايا لحد دلوقتي يا عم والله بحبك. صلوا على النبي في الكومنتات. سلام.