٥ كلمات بتدمر هيبتك من غير ما تحس (وفاكر نفسك شخصية)

عارف الشخص اللي دايما بيقول مافيش مشكله وهو فيه مشكله؟ طب عارف الشخص اللي دايما لبانه في بقه؟ "اتفضل يا فندم، طبعا يا فندم، تحت امرك يا فندم." لأي حد بيطلب منه أي حاجه.

في خمس كلمات الرجاله دايما بيقولوها كل يوم وبتدمر هبتهم من غير ما يحسوا. أنا كنت بقول كلمتين منهم لحد السنة اللي فاتت. النهارده هقول لك إيه الكلام اللي المفروض تشيله تمامًا من القاموس بتاعك عشان بيدمر هبتك، ومفروض تقول إيه بداله.

النهارده مكاوي هيعلمك جمدان. أوّلًا، يلا بينا نبتدي حلقة النهارده برعاية اليروكس. كده عايزك تعمل لايك للفيديو واشترك في القناة لو أنت ما اشتركتش، وفعل زر الجرس عشان اليومين الجايين هننزل بضرب نار ما ينفعش يفوتك. كاوي وعدك من زمان هيخليك على وضعك حتى لو غصب عنك.

خليني أقول لك على حاجة مهمة جدًا. الناس ما بتشوفش هبتك في عضلاتك ولا فلوسك ولا عربيتك. الناس بتشوف هبتك في طريقة كلامك. في اللحظة اللي بتفتح فيها بقك، أي راجل بيتكلم معاك في أقل من 10 ثواني بيعرف إنه هيحترمك ولا يدوس عليك. الكلام اللي أنت بتقوله كل يوم، مهما يبان عادي، ده كلام بيعبر عنك. مهما الكلام يبان إنه كويس، إنه يبان كويس بزيادة ده بيبينك أنت ضعيف. ما تلنيش، مش أنا اللي بحط الرولز، المجتمع ماشي كده.

مشكلة الموضوع إنك بتقول الكلام ده وفاكر إنك مؤدب ومفروض الناس تحترمك. أنت كده المفروض بتفرض احترامك، والواقع غير كده تمامًا. أنت في اللا وعي كده بتعلمهم إنك ما عندكش رأي، إنك مالكش لازمة، إنك مش هتقدر تقول "لا". أنت هتاخد أي حاجة حتى لو مضايقاك عشان بس ما تعملش مشكلة.

والنبي صلى الله عليه وسلم كان بيقول: "من صمت فقد نجا". مش عشان الصمت ضعف، عشان الكلام اللي أنت بتقوله ومش عامل حسابه بيدمر هبتك.

تعالى بقى أقول لك على شوية كلام كده المفروض تشيله تمامًا من القاموس بتاعك. يلا نبتدي.

أول كلمة المفروض تمسحها من بقك تمامًا: "أوعى تقول ما فيش مشكلة" أو "ما فيش مشاكل". بالذات لو الموضوع لبانه في بقك. أي حد يقول لك أي حاجة تقعد تقول له: "ما فيش مشاكل، تمام، زي الفل، اللي تشوفه". لا. أنا كلمتك قبل كده. الطبيعي بتاعك إنه "لا". الطبيعي بتاعك إنك مشغول. ما ينفعش تقول "ما فيش مشاكل" على كل حاجة حتى لو أنت فعلًا فاضي. لازم تحط فريكشن في الموضوع. وقتك ليه لازمة، وقتك ليه قيمة، مش أي حد ياخده.

في نسخ تانية برضه بريئة من الموضوع. لما أنت تقول: "اللي تشوفه، ما تشغلش بالك، ما تقلقش، هتصرف". أنا ما بقولكش ما تقولش الكلام ده خالص، بس ما يبقاش ده الطبيعي بتاعك، ما يبقاش ليه بان في بقك. مرة كل 10 مرات ماشي. "ما فيش مشاكل"، أنا قلتها أهو. بس إن ده يبقى الطبيعي بتاعك حتى لو أنت مشغول، ده غلط.

لما أنت بتقول دايما "ما فيش مشكلة" أو "ما فيش مشاكل" عشان ما تعملش مشكلة ولا تضايق اللي قدامك، اللي بيحصل بعدها دايما إن الراجل اللي قدامك بيتعلم إنه ما يحترمش وقتك. إن الشخص اللي قدامك بيتعلم إن وقتك ملوش قيمة، لأن أنت بنفسك قلت له "ما فيش مشاكل". والمرة الجاية هيطلب تاني، والمرة التالتة هيطلب تاني وهكذا.

الراجل اللي بيقول دايما "ما فيش مشاكل"، بالذات لما يبقى فيه مشاكل وهو مشغول، ده راجل مش مؤدب ومش محترم. ده راجل بيعلم العالم إنه سفنجة، أي حد يقدر يضغط عليه ويدوس عليه.

لو في حاجة هتدوس عليها، فـ أنا عايزك تنزل تطبيق اليروكس. اليراكس ببساطة مساعد ذكاء اصطناعي هيساعدك تتداول من غير ما تاخد قرارات. أنا الأسبوع اللي فات بس وريتك إننا وصلنا لـ 900 دولار. الأسبوع ده الروبوتات وصلتني لـ 1052 دولار. كل أسبوع بوريك النتائج قدامك مباشر. أنا قعدت سنين بفتح الماركتس كل يوم وأقعد أبص إيه اللي طالع وإيه اللي نازل والأسعار وصلت فين، وما باخدش قرار، بضيع وقت بس.

من ساعة ما استعملت اليراكس مساعد الذكاء الاصطناعي في التداول وأنا بعمل فلوس وأنا مغمض. تعال أقول لك بيشتغل إزاي. بكل بساطة هتفتح اليروكس، تروح على "ماي أكونتس"، تربط حسابك على البروكر اللي أنت شغال عليه بالليراكس. أنا شغال على بروكر اسمه إكسينس، من أحسن البروكرز في الوطن العربي، ولقيت إنه بيربط مع اليروكس. رابط سيمس، ما فيش لاج، التنفيذ بيبقى لحظي. أول ما بتعمل "لينك ماي أكونت" بيبعت لك لينك يقول لك افتح الشات، خد الكود بتاعك وحطه، ويقول لك "لينك إز استابليشد" على طول. الموضوع ما بيكملش تلات دقايق.

بعد كده هتروح على "ماي روبوت" تحت، تعمل "كرييت نيو روبوت". معاك أوبشنين: يا تشتغل على دي سي آي، يا تشتغل على جريد بوت. الدي سي آي ده تشتغل على سوق فيه ترند، والجريد بوت تشتغل على سوق ماشي بحركة عرضية ما فيهوش ترند. هنشتغل على الذهب عشان اليومين اللي فاتوا كان فيه ترند هبوط. بكل بساطة هنعمل نعمل شورت بوزيشن اللي هو هبوط، نصغر حجم اللوت على قد ما نقدر زي ما أنت عارف أنا بحب أخاطر بأقل رقم ممكن. ونختار إزاي البوت يتعامل: يا يبقى عنيف وإيجريسو، يا يبقى متحفظ، يا يبقى في النص. نختار في النص، حاجة بسيطة جدًا. والحاجة الوحيدة اللي أنا بحطها في التعليمات بتاعة البوت إن أنا ما اديش ستوب لاس. بالظبط كده يا سيدي 2% أول ما البوت يخسر 2% يقفل أوتوماتيك. عشان زي ما أنت عارف التداول فيه مخاطرة كبيرة جدًا، زي ما البوتات بتكسب بتخسر برضه، بس التوتالة في الآخر هتلاقيها بتكسب أكتر ما أنت بتخسر، فبتعمل لك أرباح. بس برضه ما ينفعش تخش تداول بفلوس أنت محتاجها. التداول دايما يبقى فلوس استثمار، زي ما ممكن تكسب ممكن تخسر، فلازم تبقى مستعد.

بعد ما نحط الستوب لاس بتاعنا، بكل بساطة بعمل "كونتنيو" وأعمل زي ما أنت شايف "ستارت بوت". البوت فتح قدامك أهو. أنا ساعات كمان بفتح على بلاتينوم بوت تاني، هخليهم هما الاتنين يشتغلوا مع بعض. بس عشان أنا بوريك النهارده شغال بوت على الذهب أهو قدامك، هيبتدي يعمل لي فلوس وأنا نايم. بقفل الاب بقى وبفتح كمان يومين أشوفه عمل إيه. زي ما أنت شايف على الشاشة، كل ما بيعمل أرباح بيبعت لي نوتيفيكيشنز والحساب بتاعي عمال يكبر.

إيراكس هيريحك تمامًا من القرارات الكتيرة بتاعة التداول والتوتر اللي بيخسر. نزله النهارده من الاب ستور. هسيب لك لينك تحت في وصفي الفيديو في أول كومنت برضه، وابتدي اعمل فلوس معانا.

هنخش هنا على تاني جملة المفروض تمسحها تمامًا من القاموس بتاعك وهي جملة: "تحت أمرك" أو "تحت أمرك في أي وقت". بتعصبني ده مش أدب، ده استسلام مبكر. ما ينفعش عشان إنك عايز تبان محترم إنك تبان ضعيف بزيادة. كلمة "تحت أمرك" دي أنت مش متخيل بتبينك إزاي. أنت حتى بتقولها قبل ما تبقى عارف أنت قادر تعمل اللي اتطلب منك ولا لأ، قبل حتى ما تعرف الموضوع هيكلفك كام أو قد إيه وقت. اللي قدامك بيفهم كده إنك حتى مش قادر تتفاوض، مش قادر تاخد وتدي. في اللا وعي هو ما بيفكرش، كلامك بيقول كده. بيفهم إن وقتك ملكه، إنه قادر يطلب أي حاجة وأنت هتقول له "آه". فحتى لو الطلب الأولاني كان طلب معقول، هتلاقي الطلبات الجاية طلبات مبالغ فيها. وإيه النتيجة؟ إنه بيقدر اللي أنت بتعمله، عمله له أقل وأقل لأنك أنت سهلت له بزيادة. افهم كده إن أي حاجة في الكون لو سهلة بتفقد قيمتها.

الراجل اللي وقته ليه قيمة عنده بيقول دايما: "خليني أشوف وأقول لك". "هشوف وأرجع لك". ما بيقولش "تحت أمرك". مش هتحس بالفرق في يومها، بس هتحسه دايما بعد سنين من "تحت أمرك" ده إن كله بقى بيعاملك كأنك خدمة عمر، كله بيطلب منك طلبات وما حدش طايقك.

هنخش هنا على الجملة التالتة: "أوعى تقول دايما معلش أنا غلطان". بالذات لو بتقولها على الفاضي والمليان. كلنا بنتأسف لما نبقى غلطانين فعلًا، بس ما ينفعش ده يبقى العادي بتاعك، بالذات في التعامل مع الناس. ودي بتبقى خطيرة فعلًا، بالذات لو أنت بتتعامل مع ناس دايما بيفكّموا اللي قدامهم، بيبقوا هما اللي غلطانين ومستنيين يسمعوا إنك أنت اللي غلطان. ما ينفعش تقول "آسف أنا غلطت" أو "آسف أنا غلطان" من غير ما تعرف الأول كل حاجة في الموضوع أنت غلطان فعلًا ولا لأ. ما ينفعش تسبق بـ "آسف". "آسف" دي بتيجي في الآخر بعد ما التحقيق يخلص وفعلاً تطلع أنت اللي غلطان. الطبيعي إن 70% من الحالات أنت بتطلع صح واللي قدامك هو اللي غلط، فما ينفعش تبدأ بـ "آسف" وتوقع موقفك في الأول.

لو لقيت حد اتكلم معاك بنبرة عالية، أنت بتبقى مش متأكد أنت غلطت ولا لأ، بس بتخاف من النبرة العالية فبتتأسف مجرد بس عشان تخرج من الديسكمفورت اللي بيحصل أو تخلي اللي قدامك يهدى. دي كارثة. أنت كده بتعلم اللي قدامك إنه عشان بيشوح وبيجعر أنت بتبقى غلطان أوتوماتيك. هو دايما قادر يصعد الموقف حتى لو هو غلطان وأنت اللي بتتأسف. وكل مرة هيجي يركبك عشان عارف إن الموضوع مش صح وغلط، مجرد لما يعلي التون أنت بتجيب ورا وبتكش. عارف إن في النهاية أنت هتعتذر والموضوع مش مع الرجالة بس، حتى هتلاقيه مع البنات. هتلاقيها هي بتغلط وبتسوق فيها وأنت اللي بتتأسف عشان ما تخسرهاش.

إيه الفرق بين اللي بيتأسف واللي بيحاول يفهم الموضوع ويرجع الموضوع تاني ويسأل ويستفسر؟ بيقول ببساطة: "من غير ما تعلي صوتك كده، خلينا نفهم إيه اللي حصل". ياخد ويدي. الفرق بين ده وبين اللي بيتأسف إن واحد بيكسب الاحترام وبيتسمع، والتاني بيتداس عليه.

هنخش هنا على الجملة الرابعة، ودي أنا كنت بغلط فيها شخصيًا لحد السنة اللي فاتت: "ما تقولش بس قصدي كذا" أو "مش قصدي كذا". حتى لو غلطت، ما تصححش جملتك بجملة تانية. دايما ادلق الموضوع على اللي قدامك بدل ما تقول "أنا مش قصدي كذا" أو "أنا كان قصدي كذا"، قول له: "أنت فهمت غلط". "الموضوع ما وصلكش صح". بتخرج نفسك من وضع الضعف ووضع الدفاع وتحط الموضوع عند اللي قدامك. ما بتخشش أبدًا في وضع تفسير.

لما تقول "أنا مش قصدي كذا" أو "أنا كان قصدي كذا"، أنت في اللا وعي كده بتفهم اللي قدامك إنه في حتة أعلى منك وأنت اللي بتحاول ترضيه. أنت مش عايز تزعله. اللي قدامك بيتعلم إنك مش قادر تصدق نفسك أو أنت مش مقتنع برأيك محتاج تشرحه بكذا طريقة. والمؤسف في الموضوع إنك مهما تشرح ومهما تزود تفسير أنت بتضعف موقفك أكتر. لو قلت رأيك مرة واسكت، واللي قدامك ما فهمش، وفهمته إن هو اللي ما وصلوش الموضوع، هو اللي هياخد وضع الدفاع وهيحاول يرضيه. هيقول لك: "طب معلش فهمني، ما أخدتش بالي، ما صليش". الموضوع هو اللي هيبتدي يطلب شرح، مش أنت اللي بتوفر شرح. فاهمني؟

والنبي صلى الله عليه وسلم زي ما قلت لك في أول الفيديو لما قال: "من صمت فقد نجا"، مش بس اللي بينطق غلط، كمان كان قصده اللي بيتكلم زيادة وبينطق بزيادة. قلل كلامك على قد ما تقدر. قلل غلطاتك على قد ما تقدر. الراجل بيقول كلمته وبيقف. لو حد سألك أو ما فهمش، اشرح لما هو يطلب، مش أنت اللي تعزم بتفسير زيادة.

هنخش هنا على الكلمة الخامسة، ودي خطيرة جدًا، سبتها للآخر عشان أهميتها: "أوعى تقول اللي تشوفه يا فندم" أو "اللي تشوفيه يا حبيبتي". "اللي تحبه زي ما تشوف". "براحتك، أنا كده كده معاك". أنت كده في اللا وعي متفق على أي حاجة اللي قدامك بيعملها حتى لو مش عاجباك أو أنت مش راضي بيها. والغريب إن هو لما يقول لك حاجة وتقول له "لا، ما أنا أعمل حاجة تانية"، أنت بتبان عبيط عشان أنت اللي قلت له في الأول "اللي تشوفه، اعمل اللي أنت عايزه، أنا معاك".

لما هو يقول لك حاجة، أنت ما ينفعش ما توافقش. أنت دايما بتقول الكلمة دي وأنت فاكر نفسك فليكسيبل. الحقيقة إنك بتقول للي قدامك: "خد أنت قرار، أنا فولور، أنا مش ليدر، أنا معاك في أي حاجة". في الأكل، في المكان، في الميعاد، في اللي هنعمله. أنت مالكش رأي. اللي قدامك بيتعلم إنه ما ياخدش رأيك أصلًا بعد كده عشان أنت ما عندكش رأي. والعيب مش منه، العيب منك. ما ينفعش تزعل منه. كلامك أنت اللي بيقول كده.

مشكلة الموضوع ده إن مع الوقت الناس هتبطل تاخد رأيك، هتبطل تسألك، هتعتبر إنك كده جاي كده كده معانا وخلاص، مالكش لازمة عشان عارفين إن سؤالك ملوش إجابة. هتقول لهم "اللي تشوفوه، اللي أنتم عايزينه، أنا معاكم". هما لما بيسألوا مش عايزين الإجابة دي، عايزين إجابة واضحة، مش عايزين السؤال يرجع لهم. هتلاقي نفسك في يوم كده بعد سنة سنتين، الناس عمالة تاخد قرارات حياتك. أنت هتستغرب، أنا إمتى الباور بتاع حياتي راح مني؟

الراجل دايما عنده رأي، عنده وقت إنه يختار. ما بيقولش أبدًا "اللي تشوفه" أو "اللي أنت عايزه، أنا معاك". ما بيقولش كده. الراجل ليدر. قو لي إني جملة من دول أنت بتقولهم في الكومنتات، قول لي رقم الجملة بس وأنا هرد. هقرأ كومنت كومنت.

ولو عندك أي مشاكل زي دي وعايز تقعد معايا شخصيًا نحلها، مش لازم تتعامل مع المشكلة لوحدك. تعال معانا التدريب الأونلاين. التدريب ده بيتحلي فرصة إني أسمع المشكلة بالتفصيل وأديك الحلول اللي تناسب مشكلتك والموقف بتاعك، مش حلول عامة، حلول شخصية تنفع لموقفك. هسيب لك اللينك تحت في وصف الفيديو في أول كومنت برضه. ما تضيعش وقت. أنا كل أسبوع بقول لك تعمل إيه. ولو محتاج حد يحاسبك، تعالى في التدريب. ما فيش حجج.

ما تنساش تنزل تطبيق اليروكس وتعمل فلوس في الباك جراوند عشان كل ما فلوسك تزيد كل ما ثقتك في نفسك هتزيد. اللينك تحت برضه في وص الفيديو في أول كومنت برضه. مش هتعرف تعمل بقى اللي أنا قلته لك في الفيديو بتاع النهارده وتبطل الكلام الكوارث ده غير لما تعرف تزود ثقتك في نفسك وتبتدي كل يوم صح. ادخل شوف الفيديو ده، هقول لك تعمل إيه كل يوم صبح.