سورة البقرة ٩ { ويقيمون الصلاة } الخشوع تأملات ووقفات د خالد الجبير

المطلب الثامن وهو جوهر المطالب ومطلب الصديقين وهدف المحسنين ورضاء رب العالمين. الخشوع في الصلاة هدف، لكن اللي يخوف حديث كذا. كل ما تذكرته خفت. يقول صلى الله عليه وسلم: "أسوأ الناس سرقة الذي يسرق من صلاته، لا يتم ركوعها ولا سجودها ولا خشوعها".

أبى أسأل سؤال لكم وأسأل على الإخوان كلهم: ليش ما نخشع؟ كل اللي قلتوه هي من الأسباب، لكن يا أبو أسامة بسأل أنا أبو أسامة. ليش أحيانا تخشع وتطلع بـ 90%، 95% خاشع في صلاتك، وأحيانا ما تذكر إلا الله أكبر والسلام عليكم ورحمة الله؟ يعني كان إذا قال السلام عليكم ورحمة الله صحيت. يا إخواني المصريين يقول: هو مش عايز مش عاوز يخشع، بس هو نفسه إيمانه هو نفسه في تقاه هو نفسه في الصف الأول هو هو، بس مرة هو يبغى يخشع ومرة ما يبغى يخشع. ما ركز، قضية ما فيها مزاج، قضية تعبد.

أبو سامي: من رب العالمين. نعم، هي العبادة توفيق. من أولها من أشهد أن لا إله إلا الله إلى آخر ركن من أركان الإسلام. ممكن أنك تسهر بالليل ولا تنام، ممكن أنك تكذب على رفيقك تقول أمي مريضة وتأخرت، رحت أوديها الإسعاف، والله إني ما غير أسوق يمين وأسوق يسار، بغيت أصدم خمس مرات، وأنت كباب أشر ناي ما نمت البارح. لكن أنا أوافقك أن الدنيا حظ، النفس فيها أقوى بكثير، لأن أنت في الدوام مركز أكثر. نعم، ليه؟ لأن إحساسك أنك قد تفصل، وإحساسك أن المدير قد يكتب فيك انطباع سيء، هذا إحساس واقعي أن تعيشه. مقدار أنا أعيش هذا مع ربي وأرى ربي أمامي وأنا لا أراه، أصل إلى ما أنت تقوله في الدوام. هي القضية قضية قدش أنا مع ربي في الإحسان.

مرة أنا صليت أنا والماني، يوم السلام عليكم ورحمة الله، السلام عليكم ورحمة الله، قال يا أخي لو هذول المساكين يعرفون قيمة صلاتنا اللي صليناها هذه، قال والله ما بقى واحد منهم إلا أسلم. يا أخي تقلق؟ قلت لها س. قلت له في كل صلاة. سكت. ليه؟ لأنه أنا وهو ذاك اليوم سبحان الله مركزين في صلاتنا. إذا أنت تستطيع أن تخشع في كل صلاة إذا ركزت. الدليل على ذلك أنك قد تخشع. إذا أنت ما خشعت، أنت مش عاوز، أنت ما تبي تخشع، أنت السبب.

يقول يقول طبعًا كاتبين الناس معلقين يقولون: ما في أحد ما يبي يخشع. طيب علمني ليش ما تخشع؟ أسألك سؤال ثاني: ليه أحيانًا تخشع 90%، 95%، وأحيانًا ما فيه؟ يقولون: نركز. طيب هذا اللي قلت لكم عليه، اللي يركز زي ما يقول المصريين: هو عاوز، واللي ما يركز مش عاوز. فعل الأسباب. أنا لا أنكر، هناك سبع مطالب في الخشوع، واكتبوها يا أبنائي وإخواني عشان نبدأ نناقشها لأنها مهمة.

الآن، أول مطالب الخشوع: أن يكون همك الخشوع. مو همي أني أصلي، همي أن أخشع. مطلب خلاص. إذا همي، أخذ خمسة من خمسة في الامتحانات. إذا شو أسوي؟ أركز وأذاكر وأجتهد. لكن إذا ما عندي هم، أي المهم أنجح، ما يهمني. فلذا مهم جدًا، هدفي في صلاتي هو الخشوع، وليس كما قال ولدي واللي قالوا: أخلص منها وهم وراح. لا، همي هو الخشوع. هذا الهم يحتاج إلى إيش يا أستاذي المبارك؟ يحتاج إلى همة، إلى عزم. إذا أول شيء أن يكون هدفي وهمي أن أخشع. لن لا يكفي في هذا، وإن كان هذا هو الأصل، واللي يروح من هذا ما عاد يهمه يخشع ولا ما يخشع، المهم يجي يصلي صلاة ويمشي. فلذا مهم أن يكون همي أن أخشع. طيب كيف أحقق هذا الهم بست مطالب؟

المطلب الأول: الآن إذا أنا همي يا باشمهندس أن أخشع، إيش اللي يجب أن أسوي؟ واحد: التركيز. أضبط نفسي. أنا بخشع ترى. إذا هذا أول شيء. ثانيًا: إذا أنا همي أن أخشع، وعشان أخشع لابد أن أركز. إيش اللي إيش حيكون بعد الصلاة؟ أحاسب نفسي. المحاسبة يا أبنائي وإخواني مهمة. لما أنا أسلم وأقول: أستغفر الله، في بالي إيش يا إخواني؟ في بالي الركعة الأولى ضبطتها ولا راحت؟ أستغفر الله. الركعة الثانية، جلوسي، تشهدي، صلاتي كم أنا جبت منها؟ أستغفر الله. لما أخلص الثلاث، أستغفر الله. أما أني أشكر الله على أني ركزت، واستغفاري هذا دعاء. الاستغفار معناها أمرين: إما دعاء ولا توبة. إذا قلت: أستغفر الله ونيتك التوبة، كتب التوبة. وإذا قلت: أستغفر الله ونيتك ليست التوبة، بس تقول: أستغفر الله، تكتب له دعاء. الله ما يضيع شيء، يكتب لك دعاء أنك طلبت من أنك استغفرته.

إحنا خلصنا من الصلاة، نقول: أستغفر الله، أستغفر الله، أستغفر الله. كتبها بسرعة؟ لا، أنت قولها واحدة واحدة. أستغفر الله. ليش إحنا نستغفر؟ إحنا نبغى الكمال. ما هو أنت قلبتها، لكن خلك إيجابي. فأنا بما أني أبي الكمال، أي نقص مني أعتبره تقصير، أعتبره ذنب. هو ما يبي الكمال، أي شيء يعطش بس. فلذا أول شيء أحاسب نفسي. هذه الثواني اللي الناس مو مركزين فيها، هذه هي بيت القصيد. تخيل يا أبو وسام أنك 1825 مرة في السنة وأنت تؤدب نفسك بهذا، ليس ما تصلحين. النتيجة نتيجتين: الأولى أن الله يتوب عليك بتقصيرك، الثانية أن كثر الطرق في النفس يعدلها. فالله يعينك. يقول: عبدي إذا صادق وفقه.

أربعة: تحتاج بعد هذا؟ دعاء. أحتاج ربي يدعو: اللهم اجعلني في صلاتي خاشعة. ويلح في قضية الدعاء، ويصير هم عنده يدعو بالخشوع. جميل. الواحد يتكلم عن يبغى وظيفة، يبغى راتب، يبغى عيال، يبغى مش عارف إيه، يشف فيه. جميل، كل هذه أمور طيبة. وين دعائك؟ اللهم اجعلني في صلاتي خاشع. وتصير فعلاً وأنت تدعوه تدعوه يعني من قلبك. هذا نحتاج أن نحركه. كثرة دعائي لهذا أن يكون صلاتي خاشعة. ربي لن يضيعني إذا أنا جاد. إذا أنا يا أبو وسام 1825 مرة أتوب وأندم وأدعو الله 1825 مرة أنه يعيني على الباب، فأنا ملح. فهذا الدعاء مهم جدًا.

الخامس: الاهتمام بمطالب الصلاة السبع اللي قلناها، أني أجي بدري، أصلي في الصف الأول، ما يؤذن المؤذن أنا فيه. إذا أنا جيت بدري معنى أني بتوضأ مرتاح، بستشعر الوضوء، بستشعر أن ذنوبي راحت كلها، أبى أطلب المغفرة. أنا جاي جلست بين الأذان والإقامة، والرسول صلى الله عليه وسلم يقول: "من توضأ في بيته وجاء وصلى ركعتين وجلس ينتظر الصلاة غفر له ما تقدم من ذنبه". هذه كل الأفعال مهمة. الأمر اللي قال لي ولدي تو كرره وقاله واحد من الأبناء: فقه العبادات للشيخ سعد الخذلان يقول: لما وصلت للحلقة 95 وجدت أني فعلاً خشعت. معرفة الصلاة، العلم بكيفية أؤديها، الأجور اللي في الصلاة. أنا لما أقول: ربنا ولك الحمد، ماذا يعني لي هذا الكلام؟ يا قول قل: ربنا ولك الحمد. ش حكمه؟ إذا قلت: ربنا ولك الحمد، إيش معناه؟ يمكن أبو أسامة يجاوب، يمكن ما يجاوب عشان بس تعرفون قديش إحنا عندنا نقص ونقول ليش ما نخشع.

الحمد كله لله، يعني وربنا ولك الحمد يعني الحمد لله. يلا الحمد كله لله. ربنا ولك الحمد. الحمد لله. أج الحمد لمين يا علاء؟ محمد. طيب يا إخواني الشاب الأنيق هذا اللي قال 95، قريت فعلمته ففادتني في الخشوع. من قال: ربنا ولك الحمد، فوافقت ربنا ولك الحمد حقته مع الملائكة غفر له ما تقدم من ذنبه. دورة الحديث، دورة هذا الأجر، إيش يعني؟ يعنيني؟ أن أحرز يا شيخ علي؟ نعم، أني أركز. أني إذا قال الإمام: سمع الله لمن حمده، أني على طول أجيب: ربنا ولك الحمد. ليش أبغى؟ لأن الملائكة تقول على طول: ربنا ولك الحمد. وافق المأموم قول الملائكة غفر له ما تقدم من ذلك. بعض الناس يقعد يطول شوي في الركعة عشان يكسب لها تسبيحتين. ما أنت خسرت. فهون في موافقة للملائكة. يعني هو بعد ما يقول الإمام؟ يا ذكي، يعني أنت لازم إيش؟ تركز مع الإمام ولا مع الملائكة؟ خلاص، إحنا قلنا الكلام ذا. أبغى يغفر لي ما تقدم من ذنبي. شو أسوي؟ أركز مع الإمام. فإنا أركز يا باشمهندس مع مين؟ مع الإمام. متى يقول آمين؟ مو س آمين، والإمام ما بعد قال شيء. شوف المسجد نصه قال آمين، نصه واحد صحى بعد ما الآمين خلصت، الشيخ بدأ يقرأ. آمين. فأنا مطالب أني أركز في صلاتي، ومطالب أني أرمي الدنيا. والدليل على ذلك أنا أتكلم عن نفسي، أني أحيانًا أجي في 95%، ما أقول 100%، لكن 90% خشوع. أحيانًا أنا ما أدري، أذكر أني قلت الله أكبر، والإمام السلام عليكم ورحمة الله. صحيح. ليش أنا خالد جبير نفسه ما تغيرت، بس الثانية ما ركزت. أنت بتخشع، اخشع. لا تتفلسف ولا تجيب لي لف ودوران. نعم، في أسباب، وهذا نذكرها من الأسباب، لكن أهم شيء أن يكون عندي هم، عندي أركز، أحاسب نفسي، مهم أيضًا أدعو الله، مهم العلم، المعرفة، الصلاة، أحكامها، صفاتها، كيف أصليها، كيف أؤديها.

بسأل الموجودين، وهو طبعًا الموجودين ما هم جاوبين: التكبيرات في الصلاة وش هي؟ طبعًا هي أربع: تكبيرة الإحرام، تكبيرة الركوع، الرفع من الركوع، القيام من التشهد الأوسط. من يقول لي أجرها؟ ما حد عارف ترى السبب لأن ما عندهم معرفة، ما يقرون عن الصلاة. كل حركة لها عشر حسنات، ومع ذلك تجد مساكين ناس أما ما يسويها، بعضهم يعرفها بس يقول لك: كسلان. مو براف. ولا إذا رفع يده ليش؟ ليش كذا؟ ولا ذا ليش كذا؟ يا حذو الأذنين، يا حذو المنكبين. وهذه متجه كل حركة بعشر حسنات، وكل حسنة بعشر حسنات. 4300 حسنة يفقدها المسلم لو ما ركز في تكبيرة الرسول صلى الله عليه وسلم. قال في حديث: "ألا أدلكم على عمل يسير تدخلون به الجنة؟" قالوا: بلى يا رسول الله. قال: "تسبحون الله دبر كل صلاة عشر مرات، وتحمدون عشر مرات، وتكبرون عشر مرات". هذه كم؟ قال لهم: 30 في 5، 150 في اللسان، 1500 في الميزان. وعند النوم 33، 33، 34. هذه 2500. عادها الرسول صلى الله عليه وسلم قال: إن يعني كيف واحد بيصير له 2500 ذنب مو صاير؟ فأنت كسبان، يعني جايب مكسب عظيم لك أنك سويته، أن جاء في صحيفتك 2500 حسنة بـ سبحان الله عشر مرات بعد الصلاة، سبحان الله والحمد لله بعد الصلاة عشر مرات، الله أكبر عشر مرات. الآن عندك 4300 حسنة. ألا تستحق مني أن يركز؟ فهمتوا ليش ما نركز؟ عدم معرفتنا بالأحكام والأجور. فلذا نرجع يا أبنائي وبناتي إلى معرفة الصلاة، أحكامها، ولا يكفي يعني نعرف الأحكام، إنما نعرف الكيفية، ولا يكفي الكيفية، إنما نعرف أجور كل كيف. إحنا نقول: ربنا ولك الحمد، لكن نعرف أننا في قوله: ربنا ولك الحمد، معناه يغفر لنا ما تقدم من ذنوبنا. متى؟ إذا ركزنا مع الإمام. إحنا نركز مع الإمام. متى ينتهي؟ سمع الله لمن حمده. على طول: ربنا ولك الحمد، لأن بنمشي إحنا والملائكة. لذا من أعظم الأشياء يا محمد، يمكن أنك ما عمرك سمعتها الحديث، بس هذه مش مشكلتي. اسمعوا هذا الحديث يقول صلى الله عليه وسلم: "طهروا أفواهكم قبل ما تصلي". قال: "إن الملك يضع فيه بفيك وأنت في الصلاة لياخذ القرآن منك، فلا تخلي فيك فطهر". وخلا طاهر. تسوق قبل ما تصلي. مهم أنه يكون معك مسواك. بعدين إذا اشتريت المسواك تكفون لا تكاسرون اللي يبيع المساويك، خله يغلبك. كويس أن ترى من البلاد أظن أن بلادنا هي الوحيدة اللي تلاقون عندها ناس يبيعون عند المساجد مساويك. يعني عشان تلاقي طازج. وعند المساجد. ويجي واحد يعله. يزرع يا شيخ. مرة واحد يقول لي: أنا ما شفته. يقول وهو تاجر. جاء عنده بيشتري مساويك. يقول جا واحد قال له: بريال. يوم أن بريال، الحين ما أدري بـ 3 ريال أو بـ 4 ريال. المهم قاله: بريال. قال: اثنين بريال. المهم الرجال لا، اثنين بـ ريال. قال: أقول لك أنا مشتري المساوية ذي كلها. يا أخي المساوية كلها. قال: كلها. ما أدري أنا مشتريها بـ 300. قال: هذه 500، وأني بايعكها كلها. وراح. قال: ما تشتري؟ إيش قاعد تكاسر؟ يقول لك: بريال، تقول بنص ريال. استح وجهك. يعني كونه أنه جاء وعرض وجزاه الله خير، نعم بيكسب، بس هذه يا أخي سنة. أعانك، أعانك على سنة. فلذا الرجال اللي ما معه مسواك وهو يستطيع أن يجيب مسواك يحتاج إلى أن يقف مع نفسه. يعني زي بعض الناس تعطيهم مساويك ويضيعونها، نسيته في البنطلون الأولاني. يقول يقول: على الأقل فرشة أسنان قبل يطلع المسجد. طبعًا فرشة الأسنان، النوى بها أنها مسواك. في بعض العلماء من رأى أنه يأخذ أجر المسواك، مطهرة للفم ومرضاة للرب.

الخامس: الاهتمام بمطالب الصلاة السبع المذكورة اللي ذكرناها. السادس: وتهيئة المكان، يعني تهيئة المكان نفسيًا واللي حواليك نفسيًا. الرسول صلى الله عليه وسلم كره أنه يكون عندك تعلق بشيء خارج المسجد، خارج الصلاة، وتروح تصلي. يعني ش الأشياء اللي يكون فيها تعلق؟ يا محمد. يقولون: دورة المياه. دورة المياه، نعم. واحدة كاتبة: الجوال. الجوال. يعني فرضًا الجوال. بنتي، إيش تقول؟ كلامها صحيح. أنا بتجيني رسالة وبتجيني شيء، أو بيجيني شيء، أو أبدل. أنا ما أنشغل فيه. أدور إذا كانت طبعًا نافلة، فله. أبقوم الليل ولا بصلي نفل ولا بقرا قرآن، أشيك على جوالي على الأشياء المهمة بالنسبة لي وأشوفها. إذا ما وجدت ما فيها شيء، خلاص أبدأ. جوالي. لذا يا أبنائي أنصح أبنائي أن نقدر الله حق قدره. اللي يقرون القرآن من الجوال جميل، أما تحطه على وضع الطيران، أو لا تنظر لرسائل. أما أنك تقرا كذا، أو تفتحها، فتحته سبع رسائل وقريته صفحة. وهو في الصلاة؟ ها؟ وهو في الصلاة؟ لا. أنا مرة عشان بس علاء قال كلام كبير، أمان إن شاء الله ما يسوي. يقول في بعضهم في الصلاة، مع إني شفت واحد جنبي قرأ رسالة وهو في الصلاة. ولأن جت الرسالة طقطق، طلع الجوال، قعد يقرا شوي، وبعدين قفله ودخله. لكن أنا مرة المرات دخلت في مسجد المساجد، والمؤذن يؤذن. استغربت المؤذن يأذن بس ما هو بياذن، يعني في شيء كذا شاغله. كذا عديت وناظرت من جنب، ولا قاعد يكتب رسالة في الواتساب. يعني هو أشهد، وقاعد يكتب رسالة مرسلها، بعدين طق، وإرسالها. هذا لعب، هذا مو هذا استهتار. فلذا أنا أهيئ المكان، ما يكون فيه إزعاج، ما يكون فيه. لذا من أجمل الأشياء يا محمد، أنك إذا جيت تصلي أن تكون لوحدك. لذا فرق الذي يصلي النفل لوحده في بيته لا يراه الناس عن الذي يراه الناس بـ 25 درجة. صلاة النافلة يعني لو واحد بيصليها في المسجد، واحد يصليها في البيت، بيروح يقفل عليه غرفة النوم وبيصلي، وينزل فرق 25 درجة. فلذا أحتاج أني مهيئ الأمور، أني أنا مهيئ نفسي، أني أنا إذا أريد أقضي حاجة، أقضي حاجة. إذا أريد أن آكل، آكل. إذا في راسي شيء أسويه، إذا أنا منتظر رسالة، أقرأها. يا إخواني، يجب أن نضبط أنفسنا. بعدين إذا كان صاحب الثوم والبصل، قال الرسول الرسول صلى الله عليه وسلم تأديبًا: لا تجي. ما هو برخصة. قال: ما أنت بكف تقعد مع. لا تؤذي الناس. راح صلح حالك. يعني خسر هو خسران، ما أعطى. لا يفهم الواحد أنها رخصة، لا ماهي برخصة. فلذا مهم جدًا أني أركز في تطيب. يعني إذا أنت بتصلين الليل، ترتبين، تفرشين أسنانك، تسوكين، بعد التفرش، تاخذين بختين طيب، تلبسين نظيف، ترشين الغطا حقك، جلال أو أي شيء، تحطينه في مكان عالي. موت ذا البزران، وجلالي ولا الولد لاعبه في الحوش، يسحبه في الحوش. وش ذا؟ ذا جلال أمي. هذا لعب. وتنفضه كذا. والله أكبر. ما يصير. فمهم جدًا.

ذا ش بقي ما ذكرناه في الخشوع؟ أنا نسيت أقول لكم عليها: التركيز. وأنا أركز قبل ما أكبر، استحضر أن هذه هي صلاة مودع، أني أناجي الله، فاعرف من أناجي. ثلاثة: أني أترك الدنيا. أسأل الله التركيز. الصلاة. طيب نرجع. باقي شيء يا أبنائي؟ وش ما ذكرناه؟ الانصات هنا واجب. التركيز في الحركات وفي السجود وفي الركوع. القرآن يحتاج منك لتركيز آخر منفصل. واحد لأنه واجب. اثنين. ترحم لأنك ترحم، ومن يرحم يسهل أموره. فاستمعوا له وأنصتوا. فلذا خذوها قاعدة يا إخوان، إذا أردت التركيز، امسك الفاتحة والقرآن ليقرأ. لو تخرج من الصلاة بهذا، نعمة. مرة كنا في البر، إحنا 12 واحد، والإمام رقم 12، وإحنا 11. صلينا المغرب والعشاء. بعد ما خلصنا، قال واحد: يا شباب، من منكم مثلي؟ إحنا كنا مثلي، يعني بقوم أسوي عشاء. يقوم. قل: إيش قصدك؟ قال: ما أدري ش قرأ الإمام. كل واحد ناظر الثاني. ما في أحد جاوب. 11. هو الإمام طيب عرف نفسه. ما أدري، نسيناه. ما أدري، سألناه ولا لا. وذي كارثة. يعني تجي يا أبنائي لمسجد ست صفوف، الإمام ينسى، وإذا سلموا، قال: ثم ثلاثة ولا أربعة. طبعًا هو هذا سرحان، بس نص سرحان. يعني لو كان صاحي مضبوط. مرة المرات كنت أنا خارج الرياض، رايحين في زيارة. فجلس الإمام في المغرب، الركعة الثانية، وبيسلم خلاص قرب يسلم. فواحد من المأمومين قال: سبحان الله. صح الإمام قام. من بكرة الإمام جلس للثالثة. واحد سرحان قال: إيه، سرح مثل أمس. قال: سبحان الله. قام. طبعًا أنا بما أني نص تركيز، حسيت أن قضية فيها لعبة. بس قدي ولد، ليكون هذاك صاحي ولا اللي نايم. المهم سلم الإمام وانتهت القضية. سجد سجود. ساووا في واحد جنبي. اللي جنبي يقول: يا أخي، أنتم صليتوا أربعة، ما صليتوا ثلاث. كنت متأكد. قال: الحلال، المرة ذي الإمام ضابط الهرج. بس الرجال راحين على أمس. فعلاً لما قعدت أعددها، وجدت فعلاً أن هالمرة مزودين. فلذا والسبب السرحان. لكن عيب يعني معليش، أسرح واحد، اثنين، 10%. لكن مسجد سبعة صفوف. مرة واحد من الإخوان في رمضان عند أحد الأئمة اللي لهم سوق كبير في الرياض، صوته حلو. يقول: أنا في أنا في الأخير، ما وراي إلا النساء. والإمام سهى. ما أسمع طق طق النساء تصفيق. قلت: يا ولد، ما صفقوا ذا الحريم إلا ذا. سبحان الله. وركبت الإمام ناسي، قائم بزيادة ركعة. والعالم كلها ناسيه. فلذا مصيبة. سبحانك اللهم وبحمدك، أشهد أن لا إله إلا أنت، أستغفرك وأتوب إليك. وصلوا وسلموا على محمد صلى الله عليه وسلم. السلام.