قضية ( الفريزر ) .. جريمة من الصين

ادري ادري ادري ان في شي غلط، بس ما يخالف خلكم معاي واحده واحده نعدل قعدتنا. اول شيء نضبط القاعدة عدل، لان اول مرة بحياتي اقعد واسولف معاكم او اقعد واقول لكم قصة عشان ترتاحون نفسياً. نشوف أمورنا بالشاشة، تمام كل شيء اوكي تمام. الحين أقدر أقول لكم جاهزين؟ يلا نبلش.

اللي أول مرة يشوفني ما راح يستغرب، لكن اللي عرفني عدل راح يقول فارس! أي عنده قاعد. فاللي متابعيني بالسناب أو الانستغرام عارفين شو السبب، أما اللي مو عارفين ضيفوني هناك عشان تعرفون، أو طافك خلاص يعني. عموما مو هذا موضوعنا، ندخل بالموضوع.

يقول لك ان بالصين الرجال يخافون من العمل في الوظيفة الخطأ، يخافون انهم يشتغلون بوظيفة خطا. لكن النساء أو الحريم يخافون انهم يتزوجون الرجل الخطأ. ما تبي تاخذ لها واحد باكر تبتل ش فيه، لان إذا تزوجت المرأة من الشخص المناسب راح تكون سعيدة طول حياتها، لكن إذا طاحت بالشخص الخطأ راح تتدمر حياتها كلها.

انزين لحظة لحظة، الناس أساساً ليش يتزوجون؟ فارس هذا سؤال. أكك طراق على عينك! الحين الناس ليش يتزوجون؟ بعدو لا لا مو عشان اللي بمخك، في أشياء أكبر من كذي. في ناس تتزوج تدور على السعادة، في ناس تدور على الاستقرار، في ناس تبي تكون أسرة. وكل هال أشياء هذه منطقية، لكن اللي مو منطقي ان بني آدم يتزوج علشان يقتل! شلون يعني؟ أي تخيلوا، في ناس يتزوجون علشان يقتلون، هذه نيتهم تكون من البداية.

بس لحظة، أنا كني نسيت شي. القعدة وكل شي تغير. فارس ايش فيك تغيرت علينا؟ ما تغيرت، بس انت انت شوي حساسين. يلا تعالوا لنشرب قليلاً من الماء المنعش. الحمد لله. ونبلش.

السلام عليكم ورحمة الله وبركاته. شوفوا قصتنا اليوم مو وايد طويلة، بس قوية. قصتنا اليوم وايد غريبة، فعلشان لا نطول مقدمة وايد ونسولف وايد بدون أي معنى، تعالوا معاي الحين خلينا نشوف ايش صار بقصتنا.

قصتنا صارت بالصين وبدأت سنة 2015. في واحد اسمه شو شياو دونج. ادري ادري اسمه خايس، ما يحتاج تقولون لي. شو شياو دونج أخيس من كذ ماكو. شوش ياو هذا عمره 26 سنة، وهو من قرية صغيرة موجودة يم هونج كونج. هالولد هذا حب واحدة اسمها يانج ليبين، وهي بعد حبته وبسرعة ارتبطوا ببعض. وعلى غير عادتهم، على غير عاداتهم وتقاليدهم، هالاثنين بسرعة قرروا انهم يتزوجون. ما مداهم يتعرفون على بعض، ارتبطوا ببعض بسرعة وهم قرروا ويتزوجون بسرعة.

فب سنة 2015، جاتها البنت هذه وراحت حق ابوها وطلبت موافقته على هالزواج. قالت له يبى أنا حبيت واحد وأبي أتزوجه. لكن أبوها ما رضى. أبوها ما رحب بالفكره، لان هذه بنتها الوحيدة. كذي بسرعة بسرعة تعرفت على واحد تبي تزوجها؟ خبله انت! بالعاده يتعرفون على بعض، يطلعون، بعدين يمكن يسكنون ويا بعض، بعدها تعرفه على أهلها وه يعرفها على أهله، بعدين يلا يتزوجون. هذ بسرعة يبي يتزوجون.

فقالت له البنت: لا تخاف، بخليك تقابله يب. وفعلاً راحت جابته وخلته يقابل ابوها. لكن هم لم شافه ابوها ما ارتاح له وما حبه. خلاص مو بالعه. قال: هذا مو نازل ل مبلعومي، ما أبي، ما أحبه. مو غصب. لكن البنت عندت. قالت: الرجال هذا أبي بالطيب بالغصب بتزوجه. وفعلاً صار اللي هي تبيه.

وبداية سنة 2016، قرروا انهم يتزوجون. وبيوم عرسهم راحت البنت يانج ولبست أحلى لبس عندها على عرسها، لازم تكشخ. لابسة نفنوف العرس أو فستان العرس، كاشخة، متمكيجة، كانت مستانسة. لكن الحبيب شوشيا ودونج كان لابس لبس عادي، قميص وبنطلون ورايح العرس كنا معزوم. لا يعني يا ريت بنطلون رسمي، لابس جينز. طالعوا يا ربعك انت عرسك يا الخبل! البس بشت! لا هم ما يلبسون بشت! ايش فيك فارس؟ مو غصب تلبس الريال بشت! اسمه شوشيا، شلون يلبس بشت. المهم الرجال ما كان كاشخ، قميص وجينز ورايح عرس عرسه.

المهم أبو يانج لما شافه وانصدم. هذا شلون جاي عرسه بقميص وجينز؟ خبل هذا! فيان قالت حق ابوها: يبا خلاص اهدى شوي، ذبحتنا. خلي يلبس اللي يلبسه، ان شاء الله ما يو. المهم اليوم عرسي وما أبي شي ينكد علي. الله يخليك يبا لا تعكر عليها اليوم. فبلع ه الأبو وقال: خلاص يبا بسكت عشانك. وفعلاً سكت الأبو ومشى الموضوع وتزوجوا ه الاثنين.

وبعد مدة من زواجهم، طلب شوشيا ودونج من زوجته انها تستقيل من وظيفتها. قال لها: طلعي من شغلك. كانت تشتغل مساعدة بمكتب أو سكرتيرة، ودخلها زين، لكن قال لها: استقيل، طلعي من دوامك، قدمي استقالتك وتعالي معاي خل نروح هونج كونج نسافر. روح هونج كونج. البنية بالبداية ما وافقت. قالت له: شلون أهد ديرتي، شلون أهد مكاني، أهد أهلي وأروح هونج كونج؟ دحين طلعتني من شغلي بتوديني هونج كونج بعد؟ فما كانت موافقة بالبداية.

لكن الحبيب ضغط عليها باسم الحبت. شلون يعني ما تحبيني؟ وأنا زوجك وال المفروض توقفي مي والمفروض تسافرين معاي تروحين معاي وين ما أنا بروح. فقدر يقص عليها، لف راسها وخلاها تسافر معاه وتروح هونج كونج. قالت: حبيبي وزوجي، خلي أروح معه. وفعلاً طلعوا من الصين وراحوا هونج كونج. والصين وهونج كونج نفس الشيء ين بعض، وهم بعد عايشين بقرية قريبة من هونج كونج.

فاول ما وصلوا هناك هونج كونج وقعدوا لهم كم شهر، وحياتهم كانت حلوة وطبيعية، وكانوا وايد مستانسين ونشيط على وسائل التواصل الاجتماعي. كانوا وايد يصورون، يحطون صورهم مع بعض. لكن الظاهر هالصور هذه كلها كانت للعرض فقط، مو صور حقيقية. في شي غريب كان قاعد يصير. البنت شوي شوي ما قامت تسأل عن أهلها، وإذا أهلها سألوا عنها غصب ترد عليهم. أصدقائها ما قاموا يوصلون لها بسهولة. في شي غريب كان قاعد يصير وما حد عارف شنو هو.

وب تاريخ 17 فبراير سنة 2017، دخل شوشيا ودونج على الشرطة ومعاه أمه وأبوه. وقال حق الضابط: أنا قتلت زوجتي. نعم؟ توك منزل صورة انت وياها، شلون قتلتها؟ قالوا له: تعال تعال تعال حبيبي تعال تعال قول لنا شلون قتلتها وتعال قول لنا انت وين ساكن؟ سالفتك شنو صاير؟ فخذهم على طول وداهم شقته. واول ما ادخلوا الشقة لقوا فريزر الصالة. فريزر شو يسوي بالصالة؟ والاغرب من كذي انه كان في كاميرا موجهة على فريزر. واضح ان الكاميرا هذه كانت محطوطة للمراقبة. واول ما فتحوا أفراد الشرطة الفريزر لقوا جثة يانج داخله. كانت بالفريزر ومبين انه صاير لها مدة داخل ه الفريزر لأنه كان الثلج متراكم فوقها. كانت مثلجة المراه.

فالشرط سألوا شوش ياو قالوا له: شوش ياو تعال اكك كف على عينك تعال، من متى هالمرة هني؟ شوشيا و سكت ما رد عليهم. فخذوا شوشيا مرة ثانية ودوه مركز الشرطة وخذوا جثة يانج وادوها المشرحة علىشان يشرحون علشان يعرفون متى وشلون ماتت. فبعد تشريح جثتها تبين ان يانج ماتت مخنوقة وماتت بشهر اكتوبر سنة 2016. يعني ما قتلها اليوم وراح اعترف؟ لا، البنية ميتة من مدة، صاير لها أربع ما خمس أشهر ميتة.

بالبداية قدروا أفراد الشرطة انهم يسحبون اعتراف مبدئي من شوش ياو. قال ان اللي صار كله صار بلحظة غضب، وان يانج زوجته اكتشفت خيانة، ان هو خاينها كان بعلاقة غرامية مع واحدة وهي طاحت عليه، اكتشفت خيانته. فيقول تخانقنا مع بعض وصوتها صار عالي وأنا بغيت أسكتها وخنقتها بالغلط. قال: هي وايد كانت قاعد تصارخ وخفت ان الجيران يسمعون، ف أنا كنت قاعد أحاول أسكتها، أنا ما كنت أبي أقتلها، لكن وأنا مسكر حلجه هي ماتت. فجأة انقطع نفسها. قول والله! انت الحين خانقها ما تدري انها بتموت؟ أي يقول أنا حمار! أنا أصلاً ما حسيت انها ماتت أصلاً. فيقول أنا بعد ما اكتشفت اني قتلتها بدون قصد، رحت وشريت الفريزر وحطيتها بالفريزر وحطيت كاميرا علىشان تراقب ه الفريزر علىشان أضمن ان ما أحد يقرب صوبه، أو إذا انقطعت الكهرباء اكتشف ان الكهرباء انقطعت وما تفوح ريحتها. وظلت من تاريخ 17 اكتوبر سنة 2016 لغاية 17 فبراير سنة 2017 وهي موجودة داخل ه الفريزر.

بعدها يكمل اعترافه ويقول ان هو ما تحمل الألم اللي سببه حق حبيبته وانه هو قتلها، فراح وبلغ أمه وأبوه. فاهم أقنعوه انه يسلم نفسه للشرطة. ما شاء الله عليه، ذابح البنية عادي بس اسمع كلام امبوه. أهم شي طاعت الوالدين، بر الوالدين أهم شي. فيقول: أنا قتلتها بالخطأ، ما كنت متعمد اني أقتلها.

وهني وصل الخبر حق أهل يانج، حق أمها وأبوها. وأبوها كان وايد معصب، أساسا ما كان بالع هالزوج. كان يقول عنه شايف نفسه ما أدري على شنو وما أدري على شنو بنتي حابته. وقال انه ما كان حاسس انه هو صدق يحب بنته، وأساسا ما كان موافق لا على الزواج ولا ان البنت تنتقل تروح مكان ثاني. فابو يانج سوى كل شي عشان يحول ه القضية قضية رأي عام. وقام يكلم الصحفيين والقنوات التلفزيونية ووسائل الإعلام. ما خلى أحد ما قال له السالفة، فضحها الحمار. لغاية ما الصين كلها قامت تتكلم عن هالقصه، عن قصة الحمار اللي ذبح زوجته وحطها بالفريزر وعاش معاها لمدة أربعة أشهر.

هني الرأي العام ضغط على الشرطة علشان يحققون بالموضوع أكثر وكلامه مو منطقي. وفعلاً صار اللي يبونه الناس. تحولت القضية من القتل الخطأ لقتل مع سبق الإصرار والترصد. لان بالفترة اللي اختفت فيها يانج ما أحد حس باختفائها. يعني شفتوني لما قلت لكم القصة من راحوا هونج كونج؟ بعدها فجأة راح واعترف ان هو قتلها. يعني البنت ما اختفت؟ أي، كان صعب الوصول لها، بس كانت ترد عليهم، كانت تسولف معاهم. بس شلون كانت تسولف معاهم؟ بالرسائل، صور تنحط على السوشيال ميديا. فما حد حس انها اختفت. دائما في صور لها على السوشيال ميديا هي وزوجها. تتكلم ويا أصدقائها بالشات. وهم ما كانت تشتغل، طلب منها انها تقدم استقالتها علشان حتى بشغلها ما يفقدونها. فما أحد شك ان هي ميتة.

ولما حققوا أفراد الشرطة أكثر تبين ان شوشيا وهو اللي كان يستخدم أجهزتها، وهو اللي كان يتكلم مع أصدقائها، وهو اللي كان يتكلم مع أمها وأبوها. كان يستخدم تلفونها ولاب توبها، وكان يسحب فلوس من البنك بكرتها. ومبين أساساً ان في تحويلات وقت ما كانت ميتة من حسابها لحسابه. هم مجرم وهم حمار وهم حرامي! أي، أقول نكمل نكمل، ما أبي أسب، ما أبي أغلط.

والمشكلة انه ما كانت هذه المصيبة الوحيدة. المحققين لقوا ان شوش ياو شرى كتب ممنوعة تتكلم عن القتل وعن طرق إخفاء الجثث. وكلها ذ شاريهم من قبل الزواج. وبوا واحد من هالكتب في قصة رجال أخفى جثة رجال ثاني لمدة سنوات بثلاجتي بيتهم. يعني واحدة من القصص طبقها. والمفاجأة الثانية بعد ان الفريزر هذا كان شاري من قبل لا ينتقلون لهونغ كونغ، مو بعد الجريمة. مو بعد ما قتلها. لان هو قال لما ماتت وهو ما يدري أو بدون قصد راح شرى الفريزر وحطه وحط جثتها داخل الفريزر. بس لا، لما دوروا لقوا انه شاري الفريزر من زمان.

ولما سألوا شوش ياو عن الكتب وليش شرى فريزر وهو أساساً عنده ثلاجة، قال ان كل هذا صدفه، وانه أساساً هالكتب كتب زوجته وهو أصلاً ما يحب القراءة. مبين من وجهك الخايس، مبين من وجهك ما تحب تقرا. بس لا، أهم كذاب، مو مصدقك. شلون؟ كيفي أنا مو مصدقك. أنتم مصدقينه؟ أنا مو مصدقة. أما بالنسبة حق الفريزر، فقال ان هو عنده حيوانات أليفة وكان يبي يحط أكلهم بمكان منفرد غير ثلاجته. قال ما أبي أحط أكل الحيوانات مع أكل، فشريت الفريزر علىشان أحطه كلهم فيه. فقال له هني الضابط: تعال انت انت مو قلت ببداية كلامك ان بعد ما ماتت أنا رحت شريت الفريزر عشان أحط جثتها بالفريزر؟ الحين صار حق الحيوانات؟ فهني سكت ما عرف شو يقول.

فبعد أيام من التحقيقات والضغط عليه، اعترف شوشيا وبقتل زوجته عمداً. قال: أنا قتلتها لرغبتي بالقتل، مو لأي شي ثاني. قال: أنا أحب القتلة، وكان ودي أمر بتجربة نفس ما مروا فيها هقتلة هذيل. كنت أبي أحس بنفس شعورهم. ومن أول ما طاحت عيني على يانج اخترتها عشان تكون ضحيتي. وفعلاً خليتها تحبني وتقدمت لها وتزوجتها. ولما طلبت منها انها تروح معي هونج كونج، كان القصد اني أوخرها عن عائلتها وانفذ جريمتي بمكان ما أحد يعرفها فيه ولا يكون عندها حتى زملاء عمل بهالمكان. وطلع مهوس بكتب هالكتب هذه ممنوعة وكلها تتكلم عن الجرايم. زين يعني انت كنت تاخذ كتب جرايم؟ صير محقق، صير محامي، صير قاضي! الله يقضي عليك وياخذك إن شاء الله! الا تصير مجرم تقرا على الجرايم؟ لازم تصير قاتل؟ ت المفروض أنا أي أصبر؟ الحين يعني جفري دامر؟ أنا أصبر؟ خس! جفري ولا حتى سناق؟ يخسي ولا واحد فيهم! لا يتطور الموضوع.

عموماً، بعد اعترافات هذه ثبت عليه القتل مع سبق الإصرار والترصد. وفي وايد دول تتهاون بموضوع القتل وأحياناً تخفف العقوبة على القاتل، لكن الصين مو واحدة منهم وما في تساهل هناك مع القتلة، خصوصاً ان قاتل البنية غدر ولا وزوجته بعد. وطبعاً المحامي ماله مال شوشيا ودونج قال ان هو مينون مو صاحي. لازم لازم المجرم يرتكب جريمة يقولون عنه مينون؟ يا با أصدقائه، يا با أصدقائه المتهم وخلاهم يقولون ان هو حاول انه ينتحر كذا مرة وان هو عقل مو معاه. لكن كل هذا ما غير رأي القاضي ولا المدعي العام.

وبتاريخ 13 ديسمبر سنة 2018، تم توجيه تهمة القتل العمد حق شوش ياود دونج والحكم عليه بالإعدام. طبعاً قدم أكثر من استئناف، لكن كلهم رفضوا. كل ما يستانف القاضي أيد عقوبة الإعدام. وقال القاضي ان شوشيا ودونج ما حس بالخوف بعد جريمته، لا كان مخطط حق كل شي. جاب فريزر وحطها بالفريزر وحط كاميرا علىشان تراقب ه الفريزر وحول فلوس من حسابها لحسابه. كانت حياته طبيعية بعد ما ماتت. مستحيل هذا يكون أول مرة يقتل أو مو مخطط حق كل هذا. لا، وازيدكم من الشعر بيت، بعد ما كان يحول الفلوس من حسابها لحسابه اكتشفوا ان عنده اثنتين كان يحبهم، كان يطلع معاهم يصرف عليهم هالفلوس. يعني هذا ما كان نادم على قتل زوجته مثل ما هو يقول وضميره يعوره؟ لا، الحبيب كان عارف ايش قاعد يسوي. ويمكن واحدة من هالثنتين تكون ضحية جاية. يعني هذا لو مو موقفين كان يمكن صار قاتل متسلسل. بس هو بلش بأول واحدة وطاح لحمار. انطر شوي، رايح بسرعة معترف؟ خل تطلع الريحة ونسوي قصة عودة حمار؟ بسرعة طحت؟ يعني احنا سمعنا عن ناس يتزوجون عشان مصلحة، يتزوج واحدة عشان فلوسها، أو واحدة تتزوج واحد عشان فلوسها. ما يتزوج واحدة لاني يبي يقتلها؟ ما أدري مخوخ الناس لوين رايحة. عشان كذا احنا دائما نقول ندير بالنا على نفسنا. في ناس ما يستاهلون هم يكونون معانا، ما يستاهل ان يقعدون معانا دقيقة واحدة.

خلكم دائما أكيه. أي إنسان جديد يدخل حياتكم لا تعطونا الثقة كاملة. جربوه مرة ومرتين وثلاث وعشر قبل لا تسلمون نفسكم. شنو أغلى من روحك؟ شنو أغلى من نفسك؟ ماكو شي أغلى من روحك انك تسلمها حق شخص ثاني. فالمفروض هالشخص هذا يستاهل انك تسلم له الروح.

الشباب، أي واحدة غمزت له قال حبتني وراح بيتزوجها؟ انطر شوي، على شنو مستعيل؟ شوف هالبنت ش تبيك؟ شارتك؟ باكر لا طحت بتوقف معاك؟ إذا انت جيكر ويك هالطول كرش يبي الا ستة يشيلونه وراكب فراري؟ طبيعي طبيعي، ما يحتاج تقول لي مو حبا بسرتك، مو حبا بكرشك، حبتك عشان الفراري. أو إذا كنت جميل مزيون طويل عضلات وكذ؟ ليش يعني؟ ليش تبيك؟ تبيك لانه هي تحب واحد جسمه حلو مثلك؟ باشر اللي راح جسمك شو تسوي فيك؟ غير البني آدم اللي يبيك عشان نفسك، عشان روحك. في مواقف صارت أثبتت لك ان هالإنسانه هذه تبيك عشانك؟ راح توقف معاك سواء كنت مفلس ولا عندك فلوس ولا حلو أو جيكر؟ طاح شعرك؟ كبر كرشك؟ هالبني آدم يبيك عشانك انت؟ هالانسانه راح توقف معاك. والكلام هم حق البنات نفس الشي، بس أنا خذيتها على الشباب لاني واحد منكم.

فبنها الكلام، لا نعطي كل شي حق البني آدم اللي قدامنا الا لما يكون يستاهل. هذا اللي بقوله كله. زين يبا زين يبا وسنج يا سناجة، سناجة يا سناجة، زنوجه يا زنوجه، سناجة يا ناجه، سناجة يا سناجة. نعي طاح. سناجة يا سناجة، سناجة يا زناقة.

لحظة، خلي أسوي شي. عرفتوا شلون قصتنا اليوم؟ ولا ما أدري والله شلون أدري انها غريبة. الوضع بس يمكن هالقصه. بسر راح أقعد غيرها ما راح أقعد. إن شاء الله يا رب خلصنا قصتنا. إن شاء الله تكون أعجبتكم. ويلا بس خلاص. قفال. مع السلامة. ونا وصلنا حق نهاية قصتنا. أتمنى اني وصلت لكم طريقة أعجبتكم. إذا كنت أول مرة تشوفني لا تنسى اشتراك بالقناة. وإذا كنت مرابع حبايبي القدم لا تنسون اللايك. فعل وجرس التنبيهات عشان يوصل لكم كل شي أول بأول. وبنهاية أقول لكم أحبكم وايد وايد وايد. يعطيكم الصحة والعافية. كان معكم أخوكم فارس عاشور. مع السلامة. اطوني الا بسرعه بسرعه سريعه سريعه.