فن الحرب - مراجعة كرتونية ل كتاب سون تزو

على الرغم من أن الكتاب مكتوب من أكثر من 2500 سنة وهو كتاب استراتيجيات عسكرية بالأساس، بس وأنا بقرأه ما قدرتش أمنع نفسي من كم الإسقاطات اللي موجودة في الكتاب ممكن أستخدمها في كل المجالات تقريباً: التجارة والأعمال، القيادة والإدارة. كل ده يعتبر من حروب العصر الحديث. في أمثلة هنضربها في الحلقة وفي قواعد هسيبها لخيالك لها إسقاطات كثيرة في الحياة.

واحد: وضع الخطط. إذا كنت تعرف قدرات نفسك وقدرات خصمك فما عليك أن تخشى من نتائج 100 معركة. وإذا كنت تعرف قدرات نفسك وتجهل قدرات خصمك فسوف تعاني من هزيمة بعد كل نصر مكتسب. أما إذا كنت تجهل قدرات نفسك وتجهل قدرات خصمك فالهزيمة مؤكدة.

كشري هيختار مشروع متوافق مع الحاجة اللي بيفهم فيها، هيشوف المنافسين بتوعه بيقدموا إيه، ضعفهم فين، قوتهم فين، أيمن هينجح. عبد الله بيفهم في الكشري هيختار مشروع مناسب معاه بس مش مهتم إنه يعرف أي حاجة عن محلات الكشري المنافسة، بيقدموا إيه ويشتغلوا إزاي. هو ممكن ينجح في الأول بس عدم معرفته بالمنافسين ده هيخلي نجاحه غير مستقر وممكن يخسر بمنتهى السهولة. محمود بقى مش عارف قدرات نفسه هيختار مجال هو ما فهمش فيه أي حاجة وكمان ما يعرفش أي حاجة عن المنافسين بتوعه. محمود أكيد هيفشل.

المحارب المنتصر ينتصر أولاً ثم يذهب للحرب، أما الخاسر يذهب أولاً للحرب ثم يبحث عن الانتصار.

اثنين: شن الحرب. لابد لمن يخوض الحرب أن يحسب تكلفتها أولاً. عندما تلتحم في قتال فعلي فتتلاشى بشائر النصر، ستبدأ أسلحة جنودك تفقد دقتها وستنفذ. أولئك الجنود طموح الناس اللي معاك وتفاؤلهم هتلاقيه بيقل مع الوقت لو النجاح اتأخر. اعمل حسابك وخلي فيه خطط بديلة. حافظ على هدوئك وشجاعتك ونقاط قوتك.

اللي معاه الجنود والقادة لازماً يتشاركوا نفس الهدف عشان يتشاركوا الحياة والموت. مهم جداً إنك توضح للجنود مزايا الانتصار على العدو. لازماً يحصلوا على مكافآتهم منه. سر الانتصار في الحرب يكمن في متانة خطوط الإمداد والاتصالات.

علي فتح مكتبة جنب مدرسة حط فيها كل فلوسه. المكتبة كانت بتنجح وبتحقق ربح كويس. هو كان بيضخ كل ربحه في المكتبة تاني ويشتري حاجات جديدة. كمان ثلاث شهور إجازة الصيف هتيجي والطلاب اللي كانوا بيشتروا منه مش هيبقوا موجودين والمشروع هيفقد معظم ربحه الشهري. علي ما كانش عامل حسابه مش هيبقى معاه سيولة إنه يدفع حتى إيجار المكتبة. مهما كان المشروع ناجح أو بينجح لازماً يبقى فيه موارد للطوارئ وخطط عشان تتعامل مع كل الظروف.

لو واجهت عدو ضخم كثير العدد منظم ومستعد، يا إما إنك تستولي على شيء له قيمة كبيرة عنده عشان تخليه يطيع رغباتك وتضغط عليه، لو ما عرفتش تجنبه وما تدخلش معاه في قتال خسران.

ثلاثة: الحسابات الاستراتيجية. القائد غير القادر على التحكم في ضجره مع مرور الوقت دون أي مردود، هيأمر جنوده بالهجوم زي قطعان النمل قبل حلول الوقت المناسب والنتيجة تعرض جيشه للذبح.

في 2004 مارك زوكربيرج أنشأ الفيسبوك اللي حقق نجاح كبير وجمع استثمارات ضخمة. وعلى مدار خمس سنين من النجاح مش هيستجيب لأي وسيلة ضغط للتربح من الموقع وعرض الإعلانات. لكن في 2009 لما يجي الوقت المناسب هيقرر استخدام الإعلانات. التسرع ممكن يأذي النجاح. الصبر مهم مهما كانت كفاءتك، في حاجات طبيعي إنها تاخد وقت عشان تكبر.

الانتصار في المعركة ما هواش قمة المهارة. التفوق الأعظم هو كسر مقاومة العدو دون قتال. الأفضل إنك تبقي على أمة نائمة غير فعالة بدلاً من تدميرها، وتبقي على جيش نائم غير فعال بدلاً من تدميره. اجعل عدوك في دور الرجل المريض دائماً ساكن قابل للسيطرة عليه وغير فعال. أنت مش محتاج استثارته إلا عند الحاجة، بخلاف ذلك دعه يكن ولا تدمره.

عندما يستحق الناس مكافأة يجب الإعلان عن ذلك حتى ولو كنت تكرههم. وعندما يستحقون العقوبة يجب أن لا يمر الأمر بسلام حتى ولو كانوا من المقربين. انظر لجنودك كأطفالك، هم هيقاتلوا من أجلك. خلي بالك ما تتساهل معاهم أكتر من اللازم، في الحالة ديت أنت مش هتقدر تستعملهم. أنت طيب لدرجة إنك لا تجيد أمرهم، ساعتها مش هتعرف تأسس لأي نظام. هم هيبقوا زي الأولاد المدللين لا فائدة منهم.

الأسطى فتحي شغال ميكانيكي بيتعلم عنده اثنين سيد وسعيد. هو بيعامل سيد بصورة سيئة بيضربه على طول وبيخليه يشيل الشغل كله لوحده، عكس اللي بيعمله مع سعيد اللي بيحبه وما بيخليش حتى يشتغل بإيديه. الأول هيتعلم بس هيحترمه أول لما يعتمد على نفسه، والثاني مش هيسيبه بس هيبقى بدون أي فايدة لأنه ما تعلمش أي حاجة.

قائد الجيش لازماً يتمتع بقدر كبير من الاستقلالية في إدارة ظروف المعركة بعيداً عن تدخلات الحاكم. الحاكم بيصدر أوامر عامة بينما القائد ينفذ سلك الأوامر بالظروف التي تتراءى له.

عزمي عنده مصنع هيروح لشركة إعلانات تلفزيونية عشان يعمل إعلان بس هيتدخل في كل تفاصيل الإعلان وفي الآخر الإعلان هيطلع سيء علشان هو ما فهمش في الإعلانات. أنت لو عايز تكلف شخص بمهمة، كل اللي عليك إنك تختار الشخص المناسب بعناية، عرفه المهمة وسيب له آلية التنفيذ. هو أقدر منك بيها.

خطايا القادة عند هزيمة جيش ومقتل قائده هيكون السبب:

واحد: التهور والطيش. لما يقابلك حد متهور ما تواجهوش بالقوة، لا اعمل له كمين وسيب له الباقي.

اثنين: الجبن المؤدي للأسر. بيخاف من استغلال نقط الضعف، بيخاف إنه ينتهز الفرص.

ثلاثة: حدة طبع متسرعة ممكن إثارتها بسهولة عبر الإهانات المتبادلة قبل المعركة.

أربعة: حساسية مفرطة تجاه الشرف والسمعة. القائد لازماً يتمتع بقدر كبير من البرود الذاتي.

ستيف جوبس وهو بيأسس أبل كان مؤمن بفكرة الكمبيوتر الشخصي. الناس كلها سخرت منه ومن الفكرة. في الوقت ده كانوا شايفين إن الكمبيوتر مكانه المؤسسات والشركات مش البيوت اللي مش هيضيف ليها أي حاجة. تعامل مع السخرية بمنتهى البرود وبعد نجاحك هتلاقي كل اللي كانوا بيسخروا منك بيفتخروا إنهم كانوا يعرفوك.

خمسة: القلق المفرط على حياة الجنود وعدم الرغبة في المخاطرة بحياتهم اللي ممكن نسميها حب الناس المبالغ فيه. لابد من تضحيات عسكرية حتى لا يطول أمد الحرب ويتعرض الجنود للقتل البطيء.

محمود لسه بادئ مشروع. هاني صاحبه هيعرض عليه المشاركة بس هاني ما فهمش أي حاجة في المجال ده ومش هيضيف أي حاجة للمشروع. محمود هيوافق علشان مكسوف يرفض عرضه لمجرد إنه صاحبه وبيحبه. خوف محمود المبالغ فيه على مشاعر الناس هيخليه يأذي شغله.

رأيك في الحلقة يهمنا. اشترك في القناة وشوف الحلقات الأخرى. مشاركتك الحلقة بتشجعنا جداً. رابط تواصل معانا هتلاقيه في الموقع أخضر دوت كوم.