ضرب الهدنة وعودة حرب إيران والصين تقلب الطاولة.مصر تهدد وتقود جولة جديدة. انفجار السودان ومصر تتدخل!

رسمياً، ضرب الهدنة وعودة الحرب في إيران. يبدو أن الأمور بتشتعل مجدداً ما بين الولايات المتحدة الأمريكية وإيران من جانب آخر. إيه التفاصيل الجديدة خاصة بعد فشل الجولة الأولى من المحادثات؟ ده اللي هحكيه لك في لايف النهارده. لأن دلوقتي وأنا بكلمك، الطائرات تزخر ويبدو أن ضربة عسكرية، أو أن إيران على موعد مع ضربة عسكرية من العيار الثقيل الليلة، وهت هتضرب منشآت بعينها. تفاصيلها هنحكيها في لايف النهارده بالتحديد.

الصين تفاجئ الجميع. عملت إيه الصين؟ يبدو أنها بدأت التعبئة العامة وده مصطلح عسكري. تفاصيله إيه؟ هنحكيها برده في لايف النهارده. لكن تحرك الصين المرة دي مريب. يبدو أن احنا بالفعل على بوادر أو على أعتاب حرب عالمية ثالثة لكن بشكل مختلف. تفاصيل هنتكلم فيها.

مصر تهدد وتقود جولة مفاوضات جديدة أو تدعو إلى جولة جديدة. تفاصيلها إيه؟ برده هنتكلم في النقطة دي.

الخليج يهرب إلى أين؟ تفصيلة مهمة. خد بالك ده بيجي في توقيت معين جداً بتصل فيه جيوش من المرتزقة إلى الخليج. مش كده وبس، ده بيستعين بشحنات عسكرية وبدول بعينها للدفاع عن سماء. ويبدو أن احنا أمام حرب بالفعل مطولة لأن الخليج حتى وقتنا هذا لم يقل كلمته بخصوص مضيق هرمز بالتحديد. تفصيلها هنتكلم بيها في لايف النهارده.

انفجار السودان والقاهرة تتدخل. التقرير ده عاجبني قوي لأنه طالع من جانب أو من داخل السودان نفسها. يبدو أن القاهرة بالفعل بتتحرك في اتجاه معين يخص السودان. تفاصيلها برده معانا في لايف النهارده.

نقل الحرب لمضيق باب المندب. تمكين اللاجئين في مصر وعودة قطار اللجوء أو اللاجئين.

أهلاً بكم في لايف جديد من لايفات خمس اقتصاد، اللي بنعملها بشكل يومي للوقوف على آخر الأخبار والتفاصيل، القصص، كواليس ما يدور في الاقتصاد، الشأن السياسي، الشأن الدبلوماسي، وحتى الشأن العسكري. الجميع مرتبط بحاجة واحدة فقط وهي المصلحة.

خليني أبدأ معاك من أهم نقطة وأخطر نقطة. بس قبل ما أبدأ من نقطة إيران وما داره في إيران وما يحدث في الخليج، هاخد من وقتك ثلاث دقايق بالتحديد أكلمك في موضوع مهم جداً وهو التمكين ودعم اللاجئين في مصر ودمجهم بالمجتمع المصري.

الجملة دي بالتحديد كانت عنوان رئيسي لمؤتمر أو لقاء صحفي جمع ما بين مؤثنين عن حياة كريمة. آه، حياة كريمة اللي هو مصرية دي، اللي هي مؤسسة حياة كريمة، والناحية الثانية مجموعة من وكالة اللاجئين أو تشغيل اللاجئين فيما يخص حديث حوالين أوضاع اللاجئين في مصر.

الموضوع كان سيء جداً. الموضوع كان خارج نطاق التفاصيل اللي ممكن نتكلم فيها بشكل واضح. لأن بشكل أساسي كان بيتكلموا عن دمج اللاجئين في المجتمع المصري ودعموهم ليكون لهم نشاط وأعمال وأن يكون لهم تواجد فيما يخص مجتمع وسوق العمل والقصص اللي هي من الاتجاه اللطيف اللي أنت فاهمه ده.

طيب، نقطة ومن أول السطر. هو احنا في مصر إيه القصة فيما يخص اللاجئين؟ احنا عايزين بس بيان رسمي من مؤسسة حياة كريمة تتكلم بشكل واضح عن ما حدث. لأن مؤسسة حياة كريمة في الأول أو نشأتها معنية بما يدور في الداخل المصري وما يدور في أو ما يخص أوضاع المصريين اللي هي بيبقى عندهم ظروف وأزمات. لهم أدوار بصراحة تذكر فتشكر بصراحة فيما يخص القرى، فيما يخص الطرق، فيما يخص تبطين الترع. قصص كتيرة وتفاصيل كتيرة وقصص نجاح كلنا بنشيد بيها. وليها نشاط خارجي؟ آه، ليها نشاط خارجي وتعتبر واحدة من المبادرات الرئاسية اللي احنا كلنا بنحترمها.

لكن عند نقطة اللاجئين، احنا عايزين نفهم فلسفة فكر المؤسسة بشكل واضح. لأن الشارع المصري رافض وجود أي لجوء أو نزوح مرة ثانية لسببين رئيسيين. مش لأن الشعب المصري أو الشارع المصري وحش إطلاقاً. عادي، المصريين كرماً بصراحة وعايز أقول لك لآخر جنيه في جيبه ما عندوش مشكلة، وشعب مضياف.

لكن أنا النهارده عندي أكثر من 14 مليون لاجئ على أرض مصر، اللي هم تعداد مجموعة من الدول. في وقت في أزمات اقتصادية عالمية بتضرب كافة دول العالم اللي معاه واللي ما معهوش. في وقت الولايات المتحدة الأمريكية واحدة من أقوى وأكبر الدول على مستوى العالم بتحاول أنها تتخلص من اللاجئين أصلاً. أمريكا اللي هي قايمة على فكرة اللجوء نفسه والنزوح بتتخلص من اللاجئين عن ده في الوقت اللي أنا فاتح فيه بابي. خد بالك أن أنا أكثر دولة على مستوى العالم مصر هي بتستضيف و نازحين، لاجئين، ضيوف، زي ما تقول سميهم سميهم. فدي نقطة مهمة.

فاحنا عندنا مشكلة في حالة التواصل الحكومي. لأن أنا عندي دلوقتي جهات أو هيئات بالفعل بتعمل على أنها تقلل أعباء مصر من اللاجئين. وزارة الداخلية شغالة بقوة في هذا المجال. وزارة الخارجية بتغطي عليها وبتتعامل بدبلوماسية بالفعل وراطين الموضوع بتقنين أوضاع اللاجئين أو النازحين المقيمين على أراضي مصرية.

الموضوع ما عادش مرتبط بس بغلاء الأسعار ولا أنهم ضيقوا عيشتهم أو عيشة المصريين أو ضيقوا عليهم. الأول كان الواحد ممكن يتجوز وده كان أساسي في شقة إيجارها 1ص، 1200. لما تقول في شقة 5000 جنيه يبقى أنت ابن ناس قوي يعني، وراجل مليونير زي ما بيقولوا قاعد في شقة بإيجارها 5000 جنيه. دلوقتي أنت لو لقيت شقة بتبدأ إيجار من 10000 جنيه يبقى أنت يعني أمك داعية لك زي ما بيقولوا. فالأوضاع دقت على المصريين.

ارتفاع الأسعار لأن الناس دي بتعمل نفخ للاقتصاد المصري. الناس دي جاية معاها ذهب ومعاها دولار فبتشتري. وفي نوع تاني ما معهوش حاجة خالص فجاي يتسوع عشان أبقى صريح معاك برده. النوعين موجودين وكامل الاحترام والتقدير ليهم. دي مش مشكلتنا ومش أزمتنا ومش بنذل حد ولا بنعر حد.

لكن المصريين موجودين في الخليج هناك لو واحد حاب يجيب ابنه ولا مراته عشان يستخدمهم هناك بيدفع وبيدفع كتير قوي. فدي نقطة مهمة. المصري هناك ملتزم بالقوانين. لكن أنت هنا بتتكلم عن واحد على أرضك رافض يلتزم بالقوانين. أنت بتتكلم عن ديموغرافية للشعب المصري ونسيج بيتقطع نتيجة ناس متواجدة عندك هنا على الأرض في مصر.

النهارده دول لو اتجوزوا من المصريين ومصريات هيجوا مع يوم من الأيام هتبص تلاقي الجيش عندك مجنس. هل الناس دي هيكون عندها ولاء وانتماء للبلد ده بالتحديد؟ دي نقطة لازم تاخد بالك منها. الناس دي جاية إيه خلفيتها؟ إيه وضعها؟ إيه؟ أنا ماتكلمتش بقى في الأوضاع الاقتصادية ولا أنهم تاجروا في أزمات البلد في وقت من الأوقات في السوق السوداء. ما اتكلمتش في النقطة دي. ولا اتكلمت كمان في المتاجرة فيما يخص الأسواق اللي هي الغير ممنوعة ولا في التهرب الضريبي ولا القصص دي كلها. ما اتكلمتش على النقطة دي. ولا التهرب العادي بتاع تهريب السلع والخدمات. ولا الناس اللي بتطلع على اللايفات على التيك توك والحاجات دي كلها تقول لك إزاي هربنا للداخل المصري. ما دي برده نقطة يعني تجيب شلل زي ما بيقولوا. ولا حالة الاستحقاق اللي عنده يقول لك: "أنا قاعد بفلوسي". خد فلوسك وروح أمريكا. خد فلوسك وروح أمريكا شوف هيعملوك هناك إزاي. فلوسك إيه؟ ده أنت ليك ما لنا من حقوق وعافيينك أو احنا بمعنى أدق نحيناك بما علينا من واجبات. عملنا لك إعفاء من الواجبات اللي علينا. أنت بتاخد الدعم زيك زي بالظبط. خد بال حضرتك بتتمتع بالمشروعات القومية زيك زي بالظبط.

النهارده المواطن المصري متحمل ثلاث فواتير: فاتورة الإصلاح الاقتصادي، وفاتورة الحصار الاقتصادي، وفاتورة الأزمة العالمية، وكمان فاتورة وجود لاجئين دي الرابعة على أرضك هنا. ده دي نقطة مش لطيفة.

الناس دي في يوم من الأيام كانوا بيتهربوا أنهم يروحوا يجددوا رخص العربيات عشان ما يدفعوش في المرور في مصر. اللاجئين دول يدفعوا في المرور في مصر مقابل الإقامة أو مقابل التجديد أو القصة دي كلها. يعني كمان بيشغل دماغه علي. هو منطقي إن واحد يقعد عندي لاجئ أو بمعنى أدق نازح أو مقيم 15 سنة بفيزا سياحية؟ يعني جاي يشوف معالم البلد في 15 سنة؟ ده أنت لو قعدت شهرين عندنا هتحفظ معالم مصر كلها. 15 سنة تتجوز وتخلف وترتبط وتعمل لي أزمات!

لا، الجديد بقى إيه؟ بقى لهم حركات حقوقية وجماعات وقصص وتفاصيل. تفاصيل غريبة. تفاصيل غريبة فوق ما تتخيل. ده احنا بنطالب بتوضيح عشان نعرف مؤسسة حياة كريمة كانت تقصد إيه بموضوع دمجهم في المجتمع المصري. هل هو يعني مسار يعني زي ما بيقولوا تقارب أو تكامل أو حديث عن نقاط معينة، ولا القصة أكبر من كده؟ أو القصة دي مجرد يعني لقاءات بروتوكولية عابرة؟ لأن حتى مؤسسات الدولة ماشية في اتجاه عكس الاتجاه ده.

يعني النهارده مثلاً أو امبارح بمعنى أدق، تم إعلان عن عودة قطار اللاجئين للجانب السوداني. الناحية الثانية الهجرة الطوعية، الطوعية من الداخل المصري، وعودتهم مرة ثانية إلى السودان. حوالي 400 أسرة امبارح غادروا. أكثر من 400 أسرة غادروا الأراضي المصرية فيما يخص يعني القطار اللي شغال باستمرار وبشكل مستمر. ده غير إن الحكومة ووزارة الداخلية بتسعى من وقت، والأجهزة المعلوماتية بتمشط كل دول وفي حركات قوية جداً لعودة السوريين. ده وضعهم بقى دول مختلف ما بيتمش الحديث عنده في الإعلام نظراً لضخامة الأعداد اللي بيتم سحبها بشكل يومي.

لكن أنت برده عندك هنا أعداد ضخمة وهتفضل حاسس بالأرقام أنها زيادة طول الأرقام فوق الـ 4 مليون والخمسة مليون. لكن لما توصل لحد 2 مليون، لا منطقي. ما فيش دولة في العالم ما فيهاش لاجئين ولا بتستضيف ضيوف أجانب. ما فيش مشكلة في الموضوع ده. لكن ما يبقاش عنده 14 مليون ضيقوا العيشة على الناس.

فالنهارده أنت بتطالبني كمستهلك وكمصري أن أنا أوفر. أوفر في الكهرباء، أوفر في الطاقة، أوفر في البنزين، أوفر في التحرك. ولا أنت بتتكلم عن أوضاع العمالة اللي موجودة اللي هي المفروض الأجنبية؟ ولا عشان هي عمالة مثلاً، أنا آسف، رخيصة في الثمن؟ هو يعني احنا العمالة عندنا مش غنية قوي قوي أو غالية أو غالية قوي؟ المرتبات معروف الانجاه. فأنت بتجيب واحد أرخص مني تشيل له الوظيفة. طب ما نقنن أوضاع سوق العمالة لمصر الأول، بعد كده نشوف الأجانب عندنا في مصر وضعهم إيه عشان برده تبقى الأمور واضحة.

ولو نجح موضوع تمكين المواطن اللاجئ على أرض مصر، طب ما تمكنوا المصريين الأول؟ ده سؤال. أنا حبيت بس أتكلم في الموضوع ده لأن كده احنا مش عارفين المؤسسات بتاعة الدولة شغالة عكس مين ولا مع مين. أنا حبيت أقول النقطة دي لأن دي نقطة مهمة، وده اللي يخلصني ويخلص ضميري قدام ربنا من حالة اللجوء المتواجدة عندنا واللي الشارع كله بينتفض وكارهها.

لأن أنت النهارده بتتكلم عن ناس جاية عايزة مدارس ويا ريت جايين ساكتين. ده جايين بيقول لك بيقولوا لك إزاي عملية الهروب. بيتكلموا حتى في المناهج الدراسية بتاعتهم. بيشيلوا ويحطوا على الخريطة الناس اللي بتاخد حلايب وشلاتين دي بتديها للسودان. وبير أن كان السودان نفسها اعترفت رسمياً أن حلايب وشلاتين هي مصرية في الأساس وهي فعلاً مصرية. تتكلم في إيه؟ تستفز المصريين إزاي وليه وإيه؟ دي نقطة أنا حبيت بس أتكلم في النقطة دي.

واعتقد أن الإماراتيين كان لهم تصريح مهم قوي من حوالي أربعة أيام قالوا رداً على الجنسية السورية هناك: "احنا عرفنا ليه المصريين بيرحلوا السوريين من عندهم". عموماً يعني، كنا نتمنى نسمع "شكراً مصر" بعد أكثر من 16 سنة بنستضيف كل هذه الجاليات على الأراضي المصرية. على الأقل ده يقلل القصة خالص ويقلل الأمور ويخلي الدنيا أوضح وأسهل من كده. لكن اللي بيحصل ده شيء مش لطيف، وشيء مش منطقي، وشيء مش قادر استوعبه بشكل واضح.

سيبنا من القصة دي وخلينا نعود ثاني مرة ثانية إلى ضرب الهدنة وعودة حرب إيران والصين تفاجئ الجميع. قصة مقلوبة فيما يخص الداخل الإيراني والداخل الإسرائيلي وحتى الولايات المتحدة الأمريكية. من وقت لآخر يبدو أن الأمور حتى كمان بتشتعل فيها الداخل الخليجي، وهناك خلاف في وجهات النظر ما بين الجميع.

أما بقى باكستان، فدي بتتحرك تحرك مفاجئ للجميع جداً خلال الأيام وخلال الساعات اللي فاتت. يبدو أن كمان الوفد الأمريكي بعد أن غادر إيران بدأ ياخد تعليمات بشكل مختلف.

خد بال حضرتك اللي شاف النهارده الحلقة، وطبعاً أنا بشكر حضراتكم جداً على ردود أفعالكم على حلقة النهارده اللي هي كلها تفاصيل ومعلومات وتسريبات اللي نزلت النهارده الساعة خمسة بتوقيت القاهرة عصراً. وهسيب لكم اللينك إن شاء الله في أول كومنت عشان برده تشوفوا الحلقة دي بالتحديد. دي حلقة مهمة جداً كشفت تفاصيل ما كانش ممكن أو ما كانش ينفع تتكشف في التوقيت الحالي. بس احنا جازفنا وسربنا جزء منها بشكل واضح، وهو التحرك المصري السعودي لـ يعني تقدر تقول بمخطط يرد على مخطط ما يحدث في مطقز بالتحديد. وأن السعودية بتستعد خلال الأيام القادمة إن هي تعمل شبكة أضخم من البنية التحتية اللي هتنقل بها أو عن طريقها الغاز والنفط إلى الجانب الآخر فيما يخص البحر الأحمر. وأن هذه الشبكة شبه هتتربط بالخليج كله. وأن مصر بشكل واضح جداً هتتدخل بحاجتين: رقم واحد بجيشها لحماية هذه الشبكة عشان ما يتمش الاعتداء عليها، وده هيكون جزء من مهام مصر حال الاتفاق مع الخليج ومع دول الخليج لأن الشبكة دي هتترابط بكل دول الخليج. وفي نفس التوقيت الشركات المصرية هتخش تنفذها بأسرع وقت ممكن وعشان تتحول منطقة البحر الأحمر لمنطقة لوجستية.

الخطوط دي في مرحلة ما هتنزل تحت قاع البحر الأحمر وتعدي الجانب الآخر في مصر وتطلع بقى عن طريق إسكندرية هناك الناحية الثانية. لكن هي حتى وقتنا هذا هتعدي عن طريق قناة السويس. ده خط من الخطوط المهمة جداً اللي مصر بتشتغل عليه. لأن في مخطط بالفعل لضرب قناة السويس ومضيق باب المندب ومضيق هرمز والمضايق والسيطرة عليها. النهارده المخطط ده هيفضل شغال طول ما أنت مستسلمة. لكن في تحركات الناحية الثانية.

خلينا بقى في قصة ضرب الهدنة. بالفعل دلوقتي وأنا بكلمك، سلاح الجو الإسرائيلي بيزخر طائراته، يعني بيجهزها بشكل واضح جداً، بيحملها بالصواريخ وجايبين فيديوهات دعائية بأن الليلة قد تنطلق أو قد تنطلق بشكل واضح جداً واحدة من أقوى الضربات اللي هتستهدف الداخل الإيراني وهتهز إيران من الداخل. هتقلب الدنيا. وهنا استنزاف أو استهداف بشكل واضح، واستنزاف استنزاف لثروات إيران ده رقم واحد. اثنين: استهداف لأهم ثروات إيران وهو المياه. ضرب كل محطات مياه الشرب، وكمان بيتكلموا في ضرب محطات الكهرباء والمباني اللي هي خاصة منشآت البنية التحتية الخاصة بالإنترنت. وبالتالي هنا النهارده بيتكلم عن ضغط أكثر.

خد بال حضرتك هو مش هيتدخل داخل الجانب الآخر فيما يخص إيران وعشان يرتبط أو يتورط برياً. خاصة وإن جه في تقرير مهم جداً منشور في الاستخبارات أو كشفته الاستخبارات الأمريكية النهارده يخص الصين. أنا جايلك بقى في كواليسه دلوقتي، ده مهم جداً. فما علينا من القصة دي. احنا بنتكلم في الهدنة نفسها. الهدنة اللي هي شبه اخترقت دلوقتي وشبه بتضرب في التوقيت الحالي. ما كانش خلال ساعات بسيطة هيكون في ضرب أو ضربات من الجانب الإسرائيلي.

إسرائيل النهارده بترقص فرحاً أن الهدنة الجزء الأولاني منها شبه انهار. لأن بمعنى أدق ما فيش للأسف الشديد حتى وقتنا هذا اتفاق. ما فيش اتفاق ما بين الجانبين. طب هو كان الاتفاق على إيه؟ الاتفاق لغى كل حاجة دلوقتي. أمريكا متشددة في طلباتها. طالبة طلبات أساسية وطلبات فرعية. من ضمن الطلبات الفرعية، الفرعية مش الأساسية، إعلان استسلام إيران. خدت بالك؟ دي نقطة مش أساسية عندهم. ما فيش أي حديث غير عن نقطة واحدة بس، دي الأساس بقى في كله، وهو قصة مضيق هرمز وقصة إن يكون في يعني زي ما بيقولوا "كارته" أو رسوم دخول وخروج على المضيق.

الولايات المتحدة الأمريكية خلافها بقى مش على المضيق ولا على الرسوم. خلافها هتكون بالشراكة ما بين أمريكا وإيران ولا مش هتكون بالشراكة؟ تخيل! يعني هي تخطت قصة إن في كارته من ما فيش كارته. والقصة دي أساساً وركنت الخليج على جنب وشبه عارف أو علم دول الخليج من ضمن المفاوضات وما تم تسريبه وما أعلنته باكستان. لأن باكستان فاتحة في الناحية الثانية جانب أو تواصل مباشر ما بينها وما بين المملكة العربية السعودية، وأكيد التفاصيل بتوصل. والقاهرة كانت حاضرة هذه المفاوضات على فكرة بس في الغرف الملحقة هي والجانب التركي الآخر. ودي برده نقطة مهمة لازم تاخد بال حضرتك منها ومن كواليس. ده معناه إيه؟ معناه إن بدوف في المفاوضات أول بأول عند حضرتك هنا. ومعناها كمان إن الجانب الإيراني هو كمان متمسك بمطالبه بأن هو يكون ليه السيادة المطلقة على المضيق. في الناحية الثانية للولايات المتحدة الأمريكية بتقول لك: "لا أنا يكون لي السيادة وأنت شريك ليا". ده معناها إخضاع الصين بشكل أو بآخر يعني بشكل غير مباشر. دي نقطة.

فبالتالي أنت النهارده استبعدت الخليج وركنت الخليج على الرف خالص. وكمان الجيش الإسرائيلي الناحية الثانية بيستعد لضربة أو توجيه ضربة عسكرية تهز الداخل الإيراني. وهيكون في استهداف لمحطات مياه الشرب بالتحديد كنوع من أنواع الضغط على الجانب في إيران. لكن إن القوات الأمريكية تتدخل برياً في إيران بالتوقيت الحالي بقواتها برجالها مش هيحصل. لأن ده يعتبر استنزاف وتقدر تقول إن أمريكا هتغرز وقتها. وده يعتبر أول هزيمة حقيقية ليها على الأرض برغم هي اللي هتدخل. لكن ممكن يستولى على جزيرة خرق. ممكن يستولى على الساحل الغربي الإيراني اللي هو الشرق من ناحيتنا. ما فيش مشكلة في النقطة دي.

طيب، ده بيجي في توقيت بالفعل دلوقتي أنت بتتكلم فيه عن تقارير البدنيا. التقارير دي خارجة منين؟ خارجة بعضها من الصين وبعدها من أمريكا. بيقول لك إن الصين جهزت مفاجأة قلبت الطاولة على الكل. عملت إيه الصين؟ الصين دلوقتي بتسلح جانبين مهمين جداً. بتسلح الجانب الخليجي وبتسلح الجانب الإيراني الناحية الثانية. وقيل إن خلال الأيام اللي فاتت، اليومين الثلاثة اللي توقف فيهم إطلاق النار وضرب الضرب المتواصل ما بين الجانبين سواء كان إيران أو الجانب الآخر فيما يخص الخليج وإسرائيل، أنها بالفعل قدرت تزود إيران بمنظومات دفاع جوي وصواريخ متطورة. منظومات دفاع جوي وصواريخ متطورة يعني على حسب طلبات، بالإضافة لمسيرات ما بين انتحارية وما بين مسيرات أخرى غير انتحارية. أنت بتتكلم دي نقطة مهمة وفق التسريبات الحقيقية.

يعني قال لك إن في مهندسين للصين بالفعل وصلوا دلوقتي إيران وهم متواجدين وبقى لهم أكثر من 48 ساعة شغالين على نشر كم كبير من منظومات الدفاع الجوي. دي برده نقطة مهمة جداً. قال لك في كمان صواريخ متطورة أجيال جديدة ساعدت بالفعل في إنتاجها الصين وكان رئيسي أنها توفرها للجانب الإيراني. دخلت بالفعل دلوقتي متواجدة في إيران.

على نفس القصة، رجال الخليج بيهربوا هم آخرين ناحية الصين. لأنهم شافوا أن الولايات المتحدة الأمريكية لا تعبأ بهم بالك ومش حطاهم في دماغها، وحتى مش بيتعاملوا معاهم أو بتتعامل معاهم معاملة الدول الوظيفية أنها بترجع لهم في ملفات أو قرارات إطلاقاً. فبدأت بالفعل تلجأ ياخد أو بدأت دول الخليج تلعب على النقطة أو الوتر المعاكس وهو التقارب الصيني. أنت بتتكلم دلوقتي الإمارات وأنا بكلمك حالاً، اللي هو ولي عهد الإمارات متواجد هناك. د ولي عهد أبو ظبي متواجد دلوقتي في الجانب الصيني هناك برده. دي نقطة مهمة وعشان يبدأ يتكلم فيما يخص ملفات ومشروعات وعملية تسليح للإمارات وعملية دعم الإمارات. قيل إن الإمارات بالفعل اتفقت مع الصين خلال الكام يوم اللي فاتوا أنها تمدها بمنظومات أسلحة، منظومات دفاع جوي متطورة مدعومة بالأسلحة بتاعتها.

وبالتالي كمان الناحية الثانية في جسر جوي دلوقتي وأنا بكلمك ما بين الصين وما بين المملكة العربية السعودية. هنا نقطة ومن أول السطر. السعودية بتستدعي الصين بالفعل. خد بالك إن النهارده في عز الأزمة اللي أنت شايفها دي كلها، بيتم نقل مقر لينوفو اللي هي الصينية المفروض في الشرق الأوسط كله وعشان يبقى في المملكة العربية السعودية. وده معناه رسالة مهمة جداً لترامب الناحية الثانية بأنك: "خلاص أنت النهارده عايز تمسك بمفاتيح المضيق، خلاص يبقى منك للصين. لا أنا هتعامل معاك ولا لي علاقة بيك من هنا ورايح". خاصة وإن أنت ما تمش تعاملك زي ما احنا بنتعامل.

طيب، أنت بتتكلم النهارده بشكل واضح جداً على أن الجانب الآخر فيما يخص الصين بالفعل جسر جوي ما بينها وما بين السعودية. وقيل إن ما بين إن خلاص الإمارات هي كمان اتفقت معهم في نفس التوقيت اللي بتكشف تقارير بقى، ودي تقارير إسرائيلية، بأن كم كبير من شركات الأمن احنا بنسميهم مرتزقة. احنا بنسميهم مرتزقة. طيب، إزاي مرتزقة؟ يعني شركات أمن بتجند ناس من أفريقيا، فيالق أو غير فيالق أو القصص دي أو كتائب متخصصين بقى في قطاعات معينة. بتروح أنت تتفق معاهم تجيبهم يدافعوا عن بلدك. الخليج عايز يعمل المعادلة دي. وقال لك إن بالفعل هناك دول في الخليج، ما بيتكلم إشارة إلى الإمارات بشكل واضح جداً، بدأت تتعاقد مع شركات أمن وأنها بدأت ترسل خلال الأيام اللي فاتت كم كبير من المرتزقة عشان يشاركوا. ودولك هيكونوا تحت أمرة الجيش الإماراتي وهيكون بالتنسيق معاه وهيكون ده تحت تصرفهم بشكل مباشر جداً في أنهم هيشاركوا في عملية الدفاع عن الأراضي الخليجية.

خد بال حضرتك الكلام ده كله بياخدنا لتحليل مهم جداً، وهو إن الخليج هيكون مضطر في وقت من الأوقات إن استمرت الأمور بهذا الشكل أنها تدخل في حرب معايير. ليه؟ لأن عملية غلق مضيق هرمز مش سهلة زي ما أنت فاهم. غلق المضيق وإن يكون في أو على رأسه بوابة "كارته" رسوم تعرف كل سفينة شايلة إيه وعلى أساس اللي هي شايلاه تفرض عليها رسوم. النهارده أنت شايل سلاح فلازم تقول لي وتقول لي أفراد الطاقم كام وكل واحد جنسيته إيه ويحصل عملية تفتيش. ده أنت كده ماسك مفتاح البيت وسيطرت على الخليج وأوقعته في مصيدتك وبقيت أنت صاحب البيت وما حدش يطلع أو يدخل غير بإذنك. ممكن تتجاوز عن النقطة دي باعتبار أن لها سواحل على البحر الأحمر الناحية الثانية. لكن النهارده دول زي الإمارات، زي الكويت، زي البحرين، زي قطر ما ينفعش بأي حال من الأحوال. لأن أنت بتتكلم النهارده عن مضيق بيعدي منه 25% من احتياجات العالم من الطاقة يومية. فدي كارثة. الموضوع كارثي لأنه كمان مخالف لقواعد القانون الدولي. هتقول لي: "هو في قانون دولي؟" لا، ما فيش قانون دولي يا سيدي. ما عادش في قانون دولي. لكن لو ده حصل ساعتها هيبقى من حق دول زي ما قلنا النهارده في حلقة النهارده، من حق دول زي إثيوبيا، زي أي دولة في العالم، أنها تفرض كمان رسوم على المية بتاعتها. مية الشرب بقى أو مياه المضايق. ما اللي هيسري هنا هيسري هنا. فالكارثة جاية من هنا من هذا المنطلق.

عشان كده أنت بتتكلم إن الخليج ممكن يدخل في أي حال من الأحوال حرب. خد بال حضرتك إن ده الجزء المؤجل من الصراع اللي أنت شايفه دلوقتي. احنا مستنيين أمريكا وإيران في المسرحية الهزلية، اللي هي فعلاً بقت مسرحية هزلية، ودي مصالح ما بينهم هم الاثنين. لأن أمريكا لما راحت تتفاوض بتتفاوض على إدارة بالشراكة ما بين أمريكا وما بين إيران. لا في خليج ولا في دول عالم زي دول أوروبا ولا في الصين ولا في غيرها. فدي كارثة كبيرة جداً.

طيب، في نفس التوقيت بقى في تقرير لطيف قوي. التقرير ده منشور المفروض النهارده في سي إن. بيتكلم عن إن الصين بتستعد بشكل واضح جداً أنها بدأت عملية إنتاج كمي بالتعاون مع الروس والتعاون مع كوريا الشمالية. إنتاج كمي من الأسلحة والصواريخ والمعدات والتفصيلة دي. وأنها بدأت توزع جزء كبير من هذا الإنتاج كمان ما بينها وما بين كوريا الشمالية والجانب الآخر فيما يخص روسيا. وده معناه أنك بتستعد لصراع عسكري طويل الأمد في النقطة أو في منطقة الشرق الأوسط. وأن هم حريصين أكثر وأكثر على أن هم يسلحوا نفسهم ضد التسليح الأوروبي.

الناحية الثانية فرنسا بتصرف حوالي 23 مليار يورو دلوقتي وعشان ترفع كفاءة الجيش عندها والقتال. بتقول: "احنا نستعد لحرب روسيا القادمة". القادمة يعني بمعنى أدق إن هم كمان في غرب هناك بيستعدوا لحروبهم الخاصة بهم. بريطانيا نفس القصة بتستعد لإعادة تأهيل أو بتعيد تأهيل جيشها دلوقتي. بريطانيا اللي رئيس وزرائها واخدها كعب داير في الخليج والخليج بيستدعيه. خد بال حضرتك إن الخليج عامل معادلة أمنية دلوقتي. بيتكلم مع دول غرب أوروبا، اللي هو بنتكلم في غرب وشرق يعني. يعني هو عامل دوائر سياسية تخصه الشرق سواء بيتكلم مع الطليان وبيتكلم في الغرب مع الطليان ومع البريطانيين ومع الفرنساويين، وحتى دول الشرق اللي هي كانت دول قريبة من الاتحاد السوفيتي بيحاول يستدعيهم لعنده. آه، هو مشى الأوكران لكن هو في ناس ثانية محتاجهم الفترة الجاية. دول برده متواجدين عنده. بيتكلم عن دعوة الصين. فهو النهارده بيحاول يميل على أي حد قادر على إخراجه من المعضلة الأمريكية أو المعضلة اللي وضع فيها دونالد ترامب خلال الأيام اللي فاتت.

الخلاف كله بقى ما عادش هنا. الخلاف عن اللعبة اللي بتحصل دلوقتي، وهو إن الراجل جيدي بنس اللي هو فانس، اللي هو المفروض نائب الرئيس الأمريكي، اللي هو المفروض بيفكر يترشح الانتخابات الرئاسية الفترة القادمة ويكون مرشح الحزب الجمهوري، اللي هو دلوقتي مغضوب عليه في الداخل أو ده اللي الصورة اللي مصدرينها. لأن أي حد هيدعمه ترامب هيخسر في الانتخابات دي. فالنهارده الراجل ده يعني واخد ضد ترامب موقف. الراجل ده كمان النهارده بيطالبوا الإيرانيين بعودته. الباكستانيين بيقولوا إن هو بقى بيفجروا مفاجأة بيقول لك إنه كان ضعيف جداً في المفاوضات. كان جاي مش جاهز وكان مش محضر. ما كانش عارف يتعامل إزاي. وكان جاي وكأنه ما بيتم الإملاء عليه. مملاى عليه الشروط. أنا هخش أتكلم في ده مش هتكلم في أكثر. في حين إن الإيرانيين كانوا جايين أكثر تنظيماً. كانوا جايين بملفات وجايين بمطالب وجايين بحقوق وجايين بكم كبير من التفاصيل فيما يخص النقطة دي.

قلت لك إن الصين أو بمعنى أدق الصين دلوقتي بتوجه دعم عسكري للجانب الخليجي الناحية الثانية. ده مضايق الجماعة في أمريكا جداً. خد بال حضرتك الخليج عارف يلعب اللعبة دي كويس قوي. فمع الضغط اللي بيحصل ده دلوقتي وبدء ظهور أو التعامل ما بين الخليج وما بين شركات أخرى فيما يخص فيالق أفريقيا والمرتزقة في أفريقيا بدأت تظهر حاجة ثانية بقى غريبة. إيه هي؟ إن بدأت دول أفريقيا تلعب على حس الصراع الحاصل في الشرق الأوسط. زي مثلاً أوغندا اللي هي إحدى دول حوض النيل. نعتبرها دولة من الدول المهمة بحوض النيل يعني. النهارده بتتكلم عن إرسال قوات مرتزقة لأي مكان في العالم. بيتكلموا عن الخليج ده بعض تقاريرهم. وبيتكلموا في التقارير الثانية الأهم عن إسرائيل بقى. إسرائيل النهارده اللي بتحتاج كم كبير من المقاتلين اللي مش متواجدين عندها. فبدأت تستدعي مرتزقة بكميات كبيرة جداً من أفريقيا. رئيس الأركان أو اللي هو ابن الزعيم المفروض إن هو هيكون موجود أو كان موجود في إسرائيل. لأن المفروض إن الطائرة بتاعته حطت بالفعل في إسرائيل. والمفروض إن في تواصل دلوقتي بيقول: "إن أنا بجهز 100 ألف جندي وعشان أبدأ أ يعني أتواجد أو يكون في دعم لإسرائيل الناحية الثانية". وبيتوعد الجانب التركي في الناحية الثانية. وكان في خلافات ما بينه وما بين تركيا. هو عنده أزمات مالية واقتصادية. فكله بقى بيلعب على حس الأزمات دي إنه يحلها عن طريق إسرائيل أو غيره. فبدأ يرسل جنود أو بيتكلم إن هو عن إسرائيل جنود فيما يخص النقطة الثانية.

تعالى بقى على الأوضاع في السودان. الأوضاع في السودان بتخرج على السيطرة. النهارده في تقرير غريب قوي منشور في الصحافة الإثيوبية. وده تقرير نقلاً عن مصدر بارز ولف الصحف كلها هناك في إثيوبيا. يعني مش تقرير يخص صحيفة معينة. طيب، تفاصيلها إيه؟ قال لك والله إن الأمور في السودان دلوقتي بدأت تتحسن بشكل قوي جداً لصالح الجيش السوداني. وإن في تقدم بيحصل بالفعل للجيش السوداني خلال الأيام اللي فاتت والأيام القادمة. في توقع إن يحصل انتصار قوي جداً على ميليشيات أو قوات الدعم السريع. التقدم ده جاي قال لك جاي من إيه؟ بأن في جيش مصري متواجد على الأراضي السودانية. وإن مصر بتدعم الجيش السوداني في العالم ده هو كلام التقرير، ما لناش دعوة بقى. وإن الطيران المجهول اللي بنتكلم عنه من وقت للثاني ده هو طيران مصر. وإن الطيران المصري المقاتل سواء كان مسيرات أو حتى ده ليه قاعدة عسكرية متواجدة بالفعل بالقرب من وسط السودان. وإن هو مجرش فيها الطيران ده دلوقتي بيحط فيها وبتطلع منها الطلعات. ده غير الطلعات الأخرى اللي بتيجي من جنوب مصر ومن جنوب غرب مصر. قلنا له: "ماشي". قال لك والله ده الموضوع مش لحد هنا. ده في قوات مصرية على الأرض. قوات مشاهدوا وجنرالات دول وقوات خاصة بيديروا هذه النقطة بشكل واضح من الخطوط الأمامية للجيش السوداني. وإن ده شكل أو بقى واضح والمخابرات الإثيوبية عارفة إن الجيش المصري متواجد في الداخل.

قال لك كمان إن هم تأكدوا من إن الجيش المصري متواجد على الحدود ما بين إثيوبيا وما بين السودان الناحية الثانية. أنا مش عارف تأكدوا منين؟ يعني هل الجنود بتاعنا مكتوب على وشهم مصري مثلاً؟ مش عارف. لكن قال لك إن هم تأكدوا إن بالفعل في قوات مصرية متواجدة في الخطوط الأمامية. وإنها متواجدة على أكثر من جبهة في السودان سواء فيما يخص جنوب السودان وغرب السوداني. بيقاتلوا بشكل واضح جداً وبيقودوا العمليات في مراحل مبكرة أو متقدمة للقضاء على الدعم السريع وميليشيات الدعم السريع. بيقود الطيران المصري من وقت للثاني هجمات على الجانب الآخر فيما يخص الدعم السريع من الأراضي السودانية نفسها. كان السبب الرئيسي أو الجيش المصري شن هجماته وفق كلامهم، وفق كلامهم بالفعل، على ميليشيات أو على فيما يخص الناس اللي هي الأفراد الخاصة أو اللي التحقت بالدعم السريع خلال الأيام اللي فاتت واللي قدرت إن هي تتخطى أو تحاول أنها تعدي الحدود الناحية الثانية وعشان تدخل داخل الأراضي السودانية قادمة من إثيوبيا. يعني معناها الضربة اللي حصلت الفترة اللي فاتت من السودان إلى إثيوبيا كانت سبب رئيسي فيها مصر. فدي بتقول أو ده اللي هم بيقولوه يعني خلال الأيام اللي فاتت فيما يخص النقطة دي.

طيب، بنتكلم عن إن الروس بيعملوا حركة مهمة جداً. وده واحدة من الأخبار المهمة اللي أنا وقفت قدامها شوية وحاولنا نجيب فيها كم كبير من المعلومات لكن ما قدرناش لأن ما فيش حاجة متاحة عنها. الروس بيتكلموا عن وفود روسية متواجدة دلوقتي في الخليج وفي منطقة الشرق الأوسط في دول رئيسية. أنا حسيت إن مقصود من الدول الرئيسية أو قريت وهي مصر. قال لك والله إن احنا بنقود ثاني عودة المفاوضات بشكل مختلف ما بين أمريكا وما بين إيران لكن عن طريق روسيا. وإن الروس خلال الأيام اللي جاية هيكون لهم كمان دور ثاني في داخل دول الخليج. يعني بقى توريد أسلحة ومعدات وتبدأ روسيا تنشر نفوذها في التوقيت اللي انسحبت فيه الولايات المتحدة الأمريكية. جميل.

لكن النقطة الثانية اللي بتتكلم، بتتكلم عن إن مصر، وده بقى تقرير منشور في كذا مكان. مصر النهارده بتهدد الجميع بأن قد تؤدي التحركات الأمريكية إلى انفجار حقيقي في الشرق الأوسط. وإن هي وباكستان بشكل واضح حريصين على إنهاء هذه الأزمات بشكل رئيسي. وده بالتنسيق مع دول زي الصين وزي روسيا وزي دول الخليج. مصر بتطالب إن دول الخليج تكون على نفس الترابيزة اللي بيتم التصالح عليها فيما يخص إيران. وبتقول إن الجولة اللي فاتت دي كانت جولة تمهيدية. لكن القاهرة دلوقتي وأنا بكلمك، الوزير بدر عبد العاطي اللي عين بدور قوي جداً ووزارة الخارجية في مصر، بالإضافة ف طبعاً دي الفرق الاستراتيجية في مصر، الدبلوماسية الاستراتيجية اللي هي بتجول المنطقة كلها وفي تواصل ما بينها وبين الولايات المتحدة الأمريكية. بتعد لجولة ثانية من المحادثات. المفروض الجولة دي هتبدأ برده خلال الأيام القادمة. فهل ده معناه إن احنا ممكن يحصل انتهاك خلال الساعات القادمة اللي هو في إطلاق النار؟ القاهرة بتضغط دلوقتي حالاً على الولايات المتحدة الأمريكية أنها تحجم إسرائيل.

إسرائيل دلوقتي اللي بتعلن حرب حقيقية. وخد بقى الخبر اللي جايلك ده لأن ده اللي هيقلب الدنيا. طيب، وهي حرب أهلية. ده اللي حذرنا منه حلقات أو من حلقات لبنان الفترة اللي فاتت. واتكلمنا بشكل واضح جداً احنا دلوقتي على شفى قيام حرب أهلية في الداخل اللبناني. من امبارح في اشتباكات قوية جداً ما بين المواطنين وما بين الحزب اللبناني. الحزب اللبناني بين قوسين حزب الله اللبناني. حزب الله اللبناني بنتكلم إن فيه اشتباكات ما بين أنصاره وما بين المواطنين اللبنانيين. كان لهم عرض كده امبارح عرض عسكري في وسط بيروت. العرض ده هوجم من جانب المواطنين اللبنانيين. المواطنين بس. بدأ النهارده في رئيس الوزراء اللبناني نواف سلام بيخرج هو كمان ويبدأ يتكلم وبيهدي الشعب اللبناني. الأمور في لبنان بتخرج عن السيطرة. كم كبير من الشهداء يومياً بيسقط في لبنان بدون أي داعي وبدون أي سبب حقيقي وبدون أي ارتباط ما بين لبنان وما بين الواقع اللي بيحصل. إسرائيل يعني عاجبها الموضوع وبتحاول تضرب البنى الأساسية فيها الداخل اللبناني مرة ثانية. سواء البنى التحتية أو حتى العمارات والمساكن والقصص دي كلها. بنتكلم النهارده كل ده تحت غطاء إن هم بيستهدفوا حزب الله اللي هو أفراد على فكرة. واللي هو نعيم قاسم مش عاجب الوضع وبيهدد الداخل اللبناني قبل ما بيهدد إسرائيل. وبيقول: "الحكومة لابد أنك تتدخلي وتدعمي حزب الله وإلا هيكون فيه رد قوي جداً عليهم". طبعاً هو ليه حركات أمل والتابعين بتوع الأحلاف بتاعته في الداخل الإيراني في الداخل اللبناني.

الناحية الثانية السفير الإيراني لم يغادر حتى وقتنا هذا لبنان. هو رافض وقال لك: "أنا مش همشي" برغم إن الدولة اللبنانية أمهلته 48 ساعة. الكلام ده بقاله أكثر من أسبوع. هو لحد دلوقتي مش راضي يغادر الأراضي اللبنانية. مصر كانت حذرت في الداخل اللبناني من هذه الأزمة وقالت لهم: "خدوا بالكم إن في حرب أهلية قد تصدر قريباً بسبب اللي بيحصل من حزب الله ومن حركات حزب الله". وإن لازم حزب الله يدخل تحت الحكومة اللبنانية ويكون فصيل سياسي وليس فصيل سياسي عسكري. ودي تختلف بشكل واضح جداً. وبالتالي أنت النهارده قدام حرب أهلية ممكن تنفجر في أي لحظة. ولو انفجرت في لبنان زي ما حصل في الثمانينات وحصل في بداية التسعينات، الأمور هتسوق أكثر وأكثر فوق ما تتخيل. لأن الأمور كده هتخرج عن السيطرة. وده كل لصالح الناحية الثانية. لأن الناس دي بتقاتل لصالح الجانب الآخر فيما يخص إيران.

تعالى بقى سيبك من حزب الله والحرب اللي أعلنها على إسرائيل وتعالى لي على باب المندب. خلاص الحسينيين بيعلنوا رسمياً إن حالة وجود أي هجوم عسكري خلال الساعات القادمة من أمريكا أو من إسرائيل على إيران هيكون في ضرب قوي جداً أو تحركات قوية جداً بمقتضى هيكون في ضربة هداف مهمة جداً في الداخل الإسرائيلي. وهتكون أهداف مؤثرة. لأنهم حصلوا على كم كبير من الأسلحة والمعدات المتطورة على حسب كلامهم والقدرات القتالية اللي تأهلهم للقيام بهذا الدور. ده معناها أنك أنت برده عندك تهديد فيما يخص قصة باب المندب. وهددوا بتلغيم الباب المندب. طب ما أنت لغمت مضيق هرمز الناحية الثانية. لأن الإيرانيين لغموا مضيق هرمز أو جزء منه بالفعل. لكن حتى مش عارفين يشغلوا أو أماكن الألغام دي فين. وبالتالي الولايات المتحدة بتقول أنها ممكن تقوم خلال الساعات القليلة القادمة بتحركات من شأنها أن هي تسحب هذه الألغام من المضيق أو تحاول أنها تعشر عليه.

أمور مشتعلة جداً في الخليج. الأمور مشتعلة أكثر فيما يخص منطقة الشرق الأوسط. ويبدو أن بالفعل لابد أن يكون في وقفة حاسمة للدول الكبيرة في المنطقة لاحتواء هذه الأزمة. أنا سعدت قوي باللايف مع حضراتكم لحد ما أشوفكم. أترككم بكره في رعاية اترككم في رعاية الله وأمن وأشوفكم بكره على خير بإذن. شكراً لكم. السلام.