Transcription
انت يبقى عندك روتين يومي في الحياه. اهميه ان يكون عندك روتين يومي في الحياه، ان ان احنا نرجع لعلم النفس الايجابي علشان نقول كلام علمي. بيقول لك ايه يا سيدي؟ بيقول لك ان انت لو عندك روتين يومي محافظ عليه انت هتعمل طفرات في حياتك. طفرات يعني نقلات غير عاديه. هتتنقل نقلات غير عاديه. انت هتطلع كنوز من جوه نفسك ما بتطلعش بالعشوائيه. انام وقت ما اصحى واكل وقت ما اكل وماشي كده في الدنيا كده سبهلله كده يعني عشوائي.
وجود روتين يومي يطلع الكنوز اللي جواك. مين اللي بيقول الكلام ده؟ بيقول الكلام ده علماء النفس. قال لك ليه؟ قال لك لان الروتين اليومي بيساعدك اا انك تصل لمستوى مستوى الاجاده والاتقان الغير عادي للحاجات اللي بتكررها. يعني مستوى الاحسان. ما هي الاجاده هي الاحسان. ان انت نتيجه انك بتكرر الحاجات بتكرر الحاجات بتكرر الحاجات يبدا عقلك الباطن يحفر جوه دماغك خريطه للاجاده. زي ايه؟ زي سواقه العربيه. اول ما كنت بتسوق العربيه عقلك الباطن مش عارف يتعامل مع الموضوع. مع التكرار مع التكرار يبدا العقل الباطن يحفر جوه دماغ خريطه لاجاده سواقه العربيه. كذلك العادات اليوميه انت بقيت رائع في العاده دي. برافو.
في كتاب رائع لازم تقراه اسمه الاتوميك هابيتس العادات الذريه. ليه سماها العادات الذريه؟ لانها زي انشطار الخليه ما بتبقاش نتيجه واحده دي بتعمل فوائد ونتائج متعدده بشكل ذري. نقلات طفرات في حياتك نقلات غير عاديه. فكره الروتين فكره حلوه قوي وفكره ان انت ترس يتحفر جوه دماغك خريطه ازاي بتجيد العادات دي. طبعا لازم يطلع كنوز لان انت بقيت من المحسنين المجيدين في هذا العمل.
بس في نقطه ثانيه مهمه جدا ان مش اي روتين يشتغل. امال المطلوب في الروتين يكون ايه؟ متنوع وشامل. يعني مثلا لو واحد عايز يرسم خريطه اجاده لحاجه واحده بس طول النهار بيلعب رياضه لا غلط. ليه؟ هيتعب. حتى لو هو مهنته لعب الكوره هيتعب هيتعب. ده مش روتين يومي يعمل نجاح. ده مش شامل. ده مش متنوع. او واحد طول النهار قرر ان هو ما بيعملش في حياته غير ان هو هيذكره وبس. اا الاسلام ما امرش بكده لان ده ما يؤديش. لازم يكون متنوع ولازم يكون شامل.
طب متنوع وشامل بحيث ان هو يشمل ايه؟ يشمل حاجه اسمها الويل اوف لايف. ايه الويل اوف لايف؟ الحياه علميا متقسمه لحوالي سبع جوانب. الجانب الروحي، الجانب العائلي، جانب الكرير والرزق واكل العيش، الجانب الترفيهي، الجانب العقلي و وتغذيه الجانب العقلي، اا جانب العلاقات مع الناس. طول ما انت بتعمل الجوانب دي كلها وبتعدي عليها كلها انت مش طفر في حياتك انت في احلى عادات يوميه تؤدي الى كنوز هتطلع من جواك هتنجح هتنجح تاكد.
ولعل الحكايه دي هي المقصود بحديث النبي ان لكسدك عليك حق ولاهلك عليك حق ولربك عليك حق ولنفسك عليك حق فاعطي كل ذي حق حقه. انت ليه عايز تشتغل تعيش في ملف واحد بس؟ ايه رايك انك تقلب الملفات كل يوم؟ كل يوم مش يوم ويوم. جوه اليوم تعمل خمس ست ملفات. اما عمليه ممتعه بشكل يعني انا عايش كده. انا طول النهار عندي الحمد لله ربنا اداني القدره ان انا اقلب الملفات.
المشكله عند الناس ايه؟ مش تقليب الملفات ان هو بيدخل في ملف يستغرق فيه فلما يجي يقلب ويروح لملف ثاني هو لسه مستغرق جوه الملف الاولاني. وهو عنده مشكله في الشغل كويس يرجع البيت مش عارف يقلب الصفحه مع انه قاعد بص مراته واولاده بس هو جوه الملف الاولاني. هي مش انتقال جسدي هي انتقال جسدي ونفسي وروحي وعقلي بكليتك تعيش اللحظه في الملف الجديد. لا الناس ما بتعملش كده. الناس عنده مشكله يقعد فيها بالشهر والاثنين والسنين. دي حاجه دي حاجه تؤدي الى انك تصدي من جوه وتقول لي اتوميك هابيتس ولا اتوميك هابتس ولا حاجه. عايش جوه ملف ما بيخرجش منه. انا مديون بمليون دولار. غم ما بعده غم. طبعا طبعا. ايوه بس انا لما بطلع من القاعده اللي بحل فيها المشكله بتنقل للملف الجديد. تعرف تعمل كده؟ لا ماعرفش اعمل كده. ما ما مش دي عادات النجاح.
امال عادات النجاح ايه؟ انا بعرف افصل. عارفين الموجه بتاعه الراديو لما تقلب الموجه بس مجرد بتعمل كده تتنقل محطه ثانيه بتقول حاجه ثانيه فتتنقل من اذاعه القران الكريم لاذاعه الرياضه لاذاعه الاغاني لاذاعه مش عارف الفكر ذا. تعرف تعمل كده في حياتك؟ انا بوعدك لو هتعرف تقلب الملفات انت هتعيش احلى عيشه وهتستمتع بحياتك احلى استمتاع. تقليب الملفات ده فن وان انت ازاي تعلم عقلك الباطن ان هو ما يستسلمش انه يعيش جوه ملف ملف واحد طول اليوم طول النهار ما بفكرش غير في الكوره. طول النهار ما بفكرش غير في البزنس. طول النهار هي بتحب واحد وما بتفكرش الا فيه. حاجه تؤدي بعد شويه الفشل. التنوع الشمول وتقليب الملفات فن في العادات اليوميه.