Transcription
ثم تكمن قوة الإخوان. أنا هنا لا أتحدث عن الإخوان من باب الدفاع عنهم، أنا لست إخوانيًا والحمد لله. يعني لا أقصد أن هذه تهمة، بل أقول الحمد لله على أساس أنني أكلمكم كمحايد. فأنا لست إخوانيًا، وإن كان الانتساب إلى الإخوان ليس تهمة، بل هو شرف لا أدعيه.
لذا، أنا أعتبر مشروع سد النهضة هو مشروع ليس إثيوبيًا، هذا مشروع أفريقي لكل الأفارقة. هذا مشروع يعيد لنا الاستقلالية التي حصلت عليها إثيوبيا. نعم، فيما قبل. استقلالية اتخاذ القرار. نعم. والسيطرة. السيطرة على الموارد المائية التي تملكها، التي حباها الله لإثيوبيا. نعم. والتي لا دخل لأحد فيها. لغاية دلوقتي، حد امبارح كان بعت لي رسالة. أم. بيعلق على رأيي في سد النهضة. قال لي: "لا، ده سد خطر". ليه؟ لأن الآلة الإعلامية لا تزال تضلل للأسف الشعب.
لكن هناك معضلة مصرية. أن مصر تنظر، مصر الإدارات، أنا آسف وأنا أقول هذا الكلام، أنها تنظر للشعوب الأفريقية السوداء نظرة استعمارية. وحتى الاتفاقية التي يعني تعتمد عليها هي اتفاقية استعمارية. قد يعتقد البعض أنني أعادي. لا أعادي. أنا أتحدث تاريخيًا. أن مصر تعادي هذه الأفارقة. لماذا سمحت مصر ببناء السد العالي الذي له أضرار جسيمة؟ هذا السد قد يكون له فوائد. نعم، له ثلاث أربع فوائد. لكن هناك العشرات أو هناك الكثير من الأضرار. من ضمنها الأراضي التي أصبحت مالحة في الشمال، منطقة الإسكندرية، الساحل، في التآكل. الطمي، فقر الأراضي. الأراضي لم تعد غنية بالمعادن التي كانت تجرف من الهضاب وتأتي إلى مصر. انتشار مرض البلهارسيا.
نظرة الحكومة الإثيوبية الحالية. تريد نهضة حقيقية. وأنا أشاهدها وأنا ماشي، بشوف يعني مباني تقام، بشوف عمال، ناس شغالة.
يا أهلاً بكم في التقرير الشامل. ولو أنت مش متابع آخر وأهم الأخبار، ولا يهمك، إحنا مكانك وهنقول لك على أهم الأخبار وبالعامية. وبدايتنا هتكون من أمريكا والكيان. وطلعت بقى القناة الـ 13 الإسرائيلية وقالت كلام حكم. قالت إيه بقى؟ القناة دي قالت لك إن نتنياهو عمال بيحاول يظبط لقاء ويقعد مع الرئيس السيسي، لكن شروط السيسي عائق قدامه. طب تطلع إيه شروط السيسي دي؟ القناة قالت، وخد بالك القناة الإسرائيلية اللي قالت، مش إحنا خالص والله. أول حاجة: الانسحاب الكامل من محور فيلادلفيا ومعبر رفح ومحور نتسريم. ثاني حاجة: الدخول في المرحلة الثانية من اتفاق شرم الشيخ، ومن ضمنها انسحاب جيش الاحتلال إلى ما قبل 7 أكتوبر 2023، وبدء إعادة الإعمار بشكل فوري. ثالث حاجة: توقيع صفقة الغاز رسميًا. وبخصوص صفقة الغاز دي، هنرد على إشاعات كتير بتتقال عليها بعد شوية. المهم، هو ده بس كل اللي بيتقال عن رغبة نتنياهو في لقاء الرئيس السيسي؟ هنقول لك لأ. ده كمان طلعت شبكة أكسيوس الأمريكية وبتتكلم عن جهود بتقوم بها الإدارة الأمريكية لعقد قمة بين الرئيس السيسي ونتنياهو.
تعالى بقى نقول لك إن التقرير ده فيه ما هو أهم من المعلومة نفسها. خلينا نقول لك إن السياق العام لتقرير أكسيوس المقربة من البيت الأبيض، والكلام اللي اتنقل عن المسؤولين الأمريكيين، كله مبني على دفع نتنياهو لكسب ود الرئيس السيسي. واللي على حسب كلام أكسيوس إن الرئيس السيسي مش متحمس قوي لـ فكرة القمة. وده بقى يا متابعنا العزيز اللي اسمه الثقل السياسي الحقيقي. وده نتاج سنتين من ممارسة سياسة شديدة الحكمه والذكاء اللي عملته مصر. من أول حرب غزة مقابل اللي عملته إسرائيل. بيثبت إن الترفيص والغشومية ممكن يحققوا نتائج لحظية بحكم الأمر الواقع. لكن على المدى الطويل، الأذكى والأهدى والأحكم لازم يكسب. وهو حاطط رجل على رجل. كمان بالمناسبة، الصورة اللي قدامك دي هي الصورة اللي أكسيوس استعملتها في التقرير. والصور دي ما بتتحطش عشوائيًا كده. خد بالك.
كمان في أمريكا والكيان. نيجي بقى لصفقة الغاز اللي كله بيتكلم عليها. واللي كثير منهم اللي توجههم ضد الدولة وخدوها في الطريق اللي أنت عارفه. ومن ضمن كلامهم بقى، واللي الإخوان عمالين ينشروه في كل مكان، بيقول لك: "ليه السيسي؟" وكان السيسي يعني هو شغال لوحده مش معاه إدارة ولا ليه دعوة بمصر. المهم، بيقول لك: "ليه لجا لصفقة الغاز مع الكيان مع إن كان قدامه بدائل كتير من دول شقيقة؟" طب زي مين؟ قال لك زي قطر والجزائر. وليه حط مصر تحت رحمة القرار الإسرائيلي؟ وبيقول لك كمان لو قطعت إمداد الغاز في أي لحظة، الدولة كلها هتضلم.
تعالى بقى نقول لك ونفهمك إنهم بيتكلموا أي كلام. ونقول لك إن صفقة الغاز دي لو كانت مصلحة لمصر في تشغيل الطاقة الكهربائية زي ما هم بيقولوا، يعني كانت مصر ظلمت في الصيف اللي فات. بس ده ما حصلش. لكن الصفقة دي استراتيجية أكتر منها صفقة تجارية للاستهلاك المحلي. صحيح إن الكيان كان عايزها تجارية بفعل السعر المنخفض وتكلفة الإنتاج الزهيدة مقارنة بالبدائل اللي هم قالوها. لكن مصر ما لهاش إيد عشان تتوجع منها. وفي ثانية قدرنا نوفر بدائل تانية وفي وقت صعب. وده اللي صدمهم الصيف اللي فات وخلى الصفقة دي ما لهاش أي قيمة استراتيجية ليهم. لكن لينا إحنا تساوي حاجات كتير. طب زي إيه يا تقارير شاملة؟ هنقول لك زي دولارات كتير هتدخل من مكسبنا في إعادة البيع للأسواق الأوروبية. كمان ضغط على الوسيط الأمريكي، واللي يعتبر أكتر المتضررين من تعطيل الصفقة. أيوه، لأنهم من الآخر كده دايسين على وش نتنياهو عشان يوافق. وعشان يطلعوا بنسبتهم اللي بتوصل لـ 40% من إجمالي الصفقة. كمان ده كارت استراتيجي لينا إحنا. لأن الغاز ده من غير محطات التسييل اللي في إيدك، دمياط، ولا ليه أي لازمة. ولا هيعرفوا يطلعوا منه دولار واحد مكسب. كمان العرض القطري الأخير هيكون أغلى. وده عشان ما فيش بنية تحتية لنقل الغاز. لكن في نفس الوقت غطى احتياجات مصر لسنين قدام. وده بخلاف وصول عدد من آبار الغاز البحرية لمرحلة الإنتاج خلاص. كل ده بيقول إن نتنياهو خسر رهانه الاستراتيجي على الصفقة. ولو فضل معصلج هيخسرها تجاريًا كمان. وأه، نسينا نقول لك إن لسه من شوية وزير الطاقة في حكومة نتنياهو طلع وقال، قال إنه هيتم الموافقة على الصفقة خلال أيام. وفوق منها كمان شايل نتنياهو تكلفة رفع الركام في القطاع. وده بند لوحده هيتكلف مليارات الدولارات. أه، لسه ترامب مسيطر. ولما بيضرب نتنياهو بالحزام، ما بيعرفش أبوه.
وعلى الناحية الثانية من العالم، إثيوبيا. وبخصوص سد النهضة. ده بقى الشخص اللي أنت شفته في أول التقرير ده. يدعى حمدي سليمان. بيبيع إيه حمدي سليمان ده؟ تقارير شاملة هنقول لك ولا أي حاجة غير إنه هربان بره مصر وداعم كبير لأجندات الإخوان وأفكارهم. مش بس كده، ده كمان شارك في الهجوم على السفارات المصرية في الخارج. وتحديدًا شارك في اقتحام السفارة المصرية في النمسا. وهو طالع دلوقتي وعامل اللقاء ده في قناة إثيوبية. وبيقول لهم إن مصر دولة استعمارية وإثيوبيا مظلومة والسد حلو وكيوت. المواقع الإخوانية بقى بتقول عليه ناشط. وكان مشارك بالصدفة طبعًا في الهجوم على السفارات المصرية. ونفس المواقع الإخوانية كانت بتنشر الفيديو بتاعه. بس إحنا مش عاوزين نيجي عليهم برضه يا جماعة. لأنهم معارضين وطنيين للنظام. مش أعداء للدولة ولا الشعب خالص. يعني. ولا بيحاربوا الشعب في أهم شريان للحياة عنده. لا خالص. ده حتى الفيديو ده بيثبت لك كده. يعني. أهو.
وعلى الناحية الثانية، العالم. سوريا. بيقول لك بقى كل ما أبو محمد الجولاني إسرائيل ترزع له يقوم يهددها. وكل ما يهددها يديها بوسة. تقصد إيه يعني؟ تكرروا شاملة هنقول لك. يعني يهدد وبعدين يديها الأرشيف السري للمخابرات السورية. شوية كمان ويهدد ثاني ويروح يديها جثة أيي كوهين العميل بتاعهم في الستينات. شوية ويهدد برضه. ما هو مش هيسكت يعني. يقوم موافق على رجوعهم سوريا وترشيحهم كمان في مجلس النواب. وبعد ما الحاخام اليهودي باراك طلع وهدد برضه، راح مديهم ترخيص لمنظمة يهودية لاستعادة ممتلكات اليهود في سوريا. أيوه والله زي ما بنقول لك كده. حتى شوف. ما كفاية تهديدات بقى يا عم الجولاني. وقوم خدهم بالحضن أحسن.
وعلى الناحية من العالم، كوكب تحيا مصر. وفي كوكب تحيا مصر. فاكر أنت يوم ما الرئيس السيسي والرئيس ماكرون ركبوا المترو سوا؟ اليوم اللي السيسي فيه كان بيضغط وبيفاصل فيه ده. وكان بيقول ما معناه إن المترو ده لازم يتصنع في مصر ويتوطن هنا. وبالمبلغ اللي نحدده. ويبقى صناعة مصرية مش مستوردة. ساعتها ناس كتير قالت: "يا عم ده حلم وفرنسا مش هتوافق ومستحيل التكنولوجيا دي تخرج بره أوروبا". بس الحقيقة إن الإدارة المصرية كانت شايفه قدام. وكانت فاهمه هي بتكلم مين وبتضغط إزاي وإمتى. والنهاردة الحلم اللي اتقال في عربية المترو بقى أول قطر مترو مصري خارج من نيرك. هنقول لك ده اختصار للشركة الوطنية المصرية لصناعات عربات السكك الحديد. وخد بالك مش بنقول تجميع. لا، ده تصنيع حقيقي. من جوه مصنع نيرك في السخنة. أول قطر مترو صناعة مصرية بنسبة تصنيع محلي كبير. خطوط إنتاج شغالة 24 ساعة. مهندسين مصريين ماسكين التكنولوجيا بإيديهم. وشركات وشراكات ضخمة شغالة. اتبنت على الفصال اللي حصل في المتروها. واللي بالمناسبة برضه المطاريه إياهم كانوا يتريقوا عليها. والأقوى من كده إن مصر بقت دلوقتي على الطريق إنها تبقى مركز تصنيع قطارات كهربائية للشرق الأوسط كله. اللي كان فاكر إن السيسي بيهزر وهو بيقول لماكرون: "لا، ده لازم يتعمل عندنا". النهارده بيشوفه بيتعمل. وبيسكت. المترو اللي كنا بنستورده بقى خلاص بيتولد وبيتصنع هنا على أرضنا. كمان في كوكب تحيا مصر.
خد بقى الثقيلة. واللي عارفينك مستنيها من بدري. ورجعت يا متابعنا العزيز المقاتلة سو 35 تتصدر المشهد من تاني. وطلعت تسريبات ثقيلة بتقول إن روسيا عرضت على مصر تصنيع المقاتلة سو 35 على أرض مصر. وإن في مفاوضات دلوقتي للفصل في الموضوع ده. هتقول لنا وأنت مبسوط وفرحان كده، هو إيه حكاية عرض روسيا على مصر تصنيع السو 35 جوه مصر ده؟ تقارير شاملة هنقول لك إن القصة بدأت بعد زيارة سيرجي شويجو لمصر في شهر سبتمبر اللي فات. ودي كانت زيارة ثقيلة مش بروتوكولية يعني. قابل فيها الرئيس السيسي وزير الخارجية ووزير الدفاع. وقال لك إن الملف اللي اتفتح وقتها كان السوخوي 35 مع نقل التكنولوجيا والتصنيع لمصر. وكمان المشاركة في برنامج تدريبي روسي مصري موسع. الفكرة باختصار إن روسيا عرضت على مصر تصنيع مقاتلة سو 35 مع نقل تكنولوجيا كامل. وده لو حصل هيكون نقلة تاريخية في الصناعات العسكرية المصرية. طب هو العرض ده مهم يا تقارير شاملة؟ هنقول لك طبعًا. طب ليه مهم؟ هنقول لك.
أول حاجة: مش مهم إزاي وهو نقل تكنولوجيا كامل؟ دي أصلًا حاجة نادرة جدًا إنها تحصل من روسيا بالذات. روسيا عمرها ما بتدي نقل كامل لصناعة مقاتلة من الفئة دي لأي دولة خارجية. وده معناه ثقة كبيرة في مصر. ومعناه إن مصر بتدخل نادي نادي كبار المصنعين.
ثاني حاجة: كمان ده تكامل مع الصناعة المصرية الموجودة دلوقتي. مصر أصلًا بتبني صناعات في الطيران العسكري. وبدأت تبقى عندها خطوط واضحة لصناعات أجزاء كبيرة من المسيرات والمروحيات. ودخول مقاتلة جيل رابع معزز بخط إنتاج محلي هيبقى طفرة مش طبيعية. ما فيش كلام.
ثالث حاجة: هيكون مكسب لمصر في الإقليم. وجود تصنيع طيارة زي السو 35 محليًا هيغير معادلات توازن القوة في المنطقة. خصوصًا مع تطوير مصر لقدراتها البحرية والجوية الفترة اللي فاتت. ده غير القوات البرية وباقي أفرع الأسلحة.
رابع حاجة: هو مكسب برضه لروسيا. روسيا محتاجة دولة قوية في الشرق الأوسط تفتح لها باب استثمارات عسكرية وتكون بعيدة عن العقوبات. ومصر أفضل مكان. لأنها عندها منطقة اقتصادية قوية وخطوط إنتاج كويسة قوي وإدارة مرنة.
هتسألنا وتقول لنا: يعني ده ممكن يحصل بالسهولة دي؟ هنقول لك أيوه. بس برضه هيعتمد على كذا حاجة. إيه هي الحاجات دي؟ هنقول لك منها التمويل. وكمان البيئة السياسية. ومدى استعداد مصر إنها تتحمل الضغط الأمريكي لو حصل. ورغبة روسيا في تقديم نقل تقني حقيقي. ومن الناحية الاستراتيجية، فمصر دلوقتي بتلعب على التوازن بين الشرق والغرب. فزي الشراكات اللي مصر عملتها مع الصين وفرنسا وغيرهم. فمش مستبعد خالص إن ده يحصل مع روسيا.
الخلاصة إن لو الصفقة دي تمت، مصر هتبقى أول دولة عربية تمتلك تصنيع مقاتلة بالمستوى ده وعلى أرضها. بس خد بالك إنها هتكون تكون بعد الرافال. أيوه، ما مصر خلاص على أعتاب تصنيع مقاتلة الرافال على أرضها برضه. وده معناه إن القوة الجوية المصرية هتدخل مرحلة جديدة خالص. وهيبقى عندك القدرة على إنتاج وصيانة وتطوير المقاتلات الثقيلة بنفسك. وده لو تعلمون عظيم. لا، عظيم قوي بجد.
كفاية كده بقى عشان ما نطولش عليكم. ونشوفكم على خير. ودام عزك علينا يا مصر. سلام.