مبادرة تعليمية مجانية ممكن توصلك لوظيفة أحلامك في عصر الذكاء الإصطناعي

السلام عليكم. بسم الله الرحمن الرحيم. والصلاة والسلام على أشرف المرسلين سيدنا محمد. فاكرين يا شباب من فترة المبادرة التعليمية المجانية بالكامل اللي كانت بتقدمها شركة منارة؟ عملت فيديو اسمه "مبادرة تعليمية ممكن توصلك لوظيفة أحلامك". والحمد لله رب العالمين، الفيديو ده جاب مشاهدات عظيمة جداً. وناس كتير جداً بعتت لي شكرتني على المبادرة. وناس كتير طلبت مني أعمل فيديو تاني أرد على الأسئلة بتاعة المبادرة. وناس كتير جداً استفادت منها، وخصوصاً إن هي مجانية بالكامل.

وعشان إحنا دخلنا عصر الـ AI، شركة منارة رجعت لنا بمبادرة تناسب عصر الـ AI. حاجة من الحاجات العظيمة جداً، وكالعادة مجانية بالكامل. خليك معايا علشان أديلك التفاصيل.

خليني أقول لك يا صديقي إن المجال بتاعنا مش عبارة عن مجموعة من الكورسات تتعلمها والموضوع انتهى. لا، أنت محتاج مسار تعليمي منظم معمول باحترافية شديدة. علشان إحنا ما بقاش عندنا يعني رفاهية إننا نضيع وقت في عصر الـ AI. الموضوع بجد بجد محتاج إنك تستغل كل دقيقة. عشان إحنا حرفياً غصب عننا ماشيين في سباق. فأنت محتاج يا صديقي مسار تعليمي كامل منظم احترافي ياخدك من إيدك كده ويوديك إن شاء الله لحد وظيفة أحلامك. طبعاً بعد ما تتعب وتذاكر وتطبق وتسهر وتعمل كل الحاجات اللي الناجحين بيعملوها.

خليني أقول لك إن شركة منارة قبل كده كانت بتدي لك كوبونات مجانية بعد ما تخلص الامتحان. لكن هي دلوقتي سهلت عليك الموضوع أكتر بكتير. دلوقتي منارة بقت بتحجز لك مقعد الامتحان الخاص بيك. وكل اللي حضرتك محتاج تعمله إنك تذاكر بس وتحضر الامتحان. وبعد كده يا صديقي تاخد شهادتك من غير أي تعب. وشكراً جزيلاً.

معظم المسارات اللي عندنا المدعومة دلوقتي في شركة منارة مسارات تخص أمازون ويب سيرفيسز وتخص الكلاود. خليني بقى أشرح لك أهمية الكلاود قبل ما ندخل في الموضوع وأقول لك شركة منارة هتقدم لك إيه.

لو بصيت يا صديقي حواليك دلوقتي هتلاقي كل الكلام بيدور حوالين الذكاء الاصطناعي. والناس كلها عايزة تدخل المجال ده وتشتغل فيه. لكن عدد قليل قوي اللي فاهم إن الذكاء الاصطناعي مش مجرد موديل بيتدرب وخلاص على كده. لا، الموضوع محتاج بنية تحتية قوية جداً تقدر تشغل وتعالج وتخزن كمية ضخمة جداً من البيانات. وهنا بيجي دور الكلاود. ببساطة يا صديقي الكلاود هو الأساس اللي واقف عليه جزء كبير جداً من ثورة الـ AI دلوقتي. لأن من غير سيرفرات قوية وسيرفرات قابلة للتوسع وخدمات ذكية جاهزة، حاجات كتير جداً من اللي بنشوفها النهارده ما كانتش هتبقى موجودة خالص بالشكل ده.

والأجمل إن الموضوع مش مجرد معرفة تقنية وخلاص على كده. لا يا صديقي، ده سوق عمل ضخم جداً. وخصوصاً في الأسواق الخليجية اللي فيها طلب كبير جداً على مهندسين الكلاود والناس اللي شغالة في مجال الكلاود عموماً. وده طبعاً عشان الشركات بتبني البنية التحتية الضخمة اللي هيتبني عليها كل الخدمات المرتبطة بالذكاء الاصطناعي وكل الخدمات الحديثة التانية.

عشان كده يا صديقي شركة منارة فاهمة السوق وجايبالك المبادرة دي اللي هتساعدك بإذن الله إنك تواكب العصر وتركب القطر بتاع الـ AI عشان تنافس مع الناس اللي في العالم ده. وعندهم مسارات متخصصة احترافية مجانية هتساعدك على ده. عشان تبقى فاهم وتعرف الأساس اللي يدخلك عالم الذكاء الاصطناعي من الباب الصح. وهنتكلم عن المسارات دي كمان شوية.

هندخل بقى يا صديقي حتة تقنية كده وأقول لك إيه المسارات اللي شركة منارة بتقدمها لك. والمسارات اللي أنا بنصحك تدخل فيها وتتعلمها. وخصوصاً إن هي مجانية. حضرتك مش محتاج تدفع أي حاجة. مش محتاج بس غير إنك تقعد تذاكر عشان ربنا يكرمك. منارة عندهم مسارات قوية جداً تخص مجال الكلاود والذكاء الاصطناعي. والجميل إن هي مناسبة لكل المستويات. يعني لو حضرتك مبتدئ هتلاقي مسارات خاصة بيك. لو حضرتك مستواك متوسط نفس القصة. لو حضرتك أوريدي شغال في شركة ومستواك عالي هتلاقي مسارات متقدمة جداً برضه هتنفعك عشان تطور منك بإذن الله وتتنقل من وظيفة لوظيفة أعلى.

لو أنت لسه في البداية وعايز تفهم الدنيا من الصفر كده وتعرف إيه اللي بيحصل، فعندك مسار اسمه "أمازون ويب سيرفيسز إنترو تو كلاود كومبيوتن". وده مناسب جداً لأي حد عايز يبدأ ياخد أول خطوة في عالم الكلاود. وده يا صديقي هتفهم فيه المفاهيم الأساسية بشكل واضح وبسيط. وهتبني أساس قوي جداً يخليك جاهز بعد كده عشان تدخل المسارات المتقدمة اللي موجودة برضه في المبادرة معانا مجاناً.

وكشخص مبتدئ بعد ما تخلص المسار ده، عندنا مسار تاني اسمه "أمازون ويب سيرفيسز أي سيرتفيكيت". وده مسار ممتاز جداً مكون من 10 كورسات. وما تقلقش عدد الساعات بتاعتهم مش كتير قوي عشان ما تتخضش من الرقم. يعني المسار ده يا صديقي بيمشي معاك بشكل منظم جداً علشان تعرف مفاهيم الذكاء الاصطناعي واستخداماته. وكمان الأدوات المرتبطة بيه. وبشكل عملي وواضح.

ولو عايز تتعمق أكتر وتدخل في الجانب الهندسي وتبني حلول الذكاء الاصطناعي بشكل احترافي، فعندك مسار تالت اسمه "أمازون ويب سيرفيسز بيكم ماين ليرنينج إنجينير". وده صديقي مكون من ست كورسات ووقته تقريباً حوالي 37 ساعة أو حاجة زي كده. يعني. وده موجه للناس اللي عايزة تدخل بشكل أقوى في عالم الماشين ليرنينج أو تعلم الآلة. وتقدر بقى تفهم بناء النماذج والورك فلوز الخاصة بالمجال.

طيب هيجي حد يقول لي أنت بتتكلم دلوقتي عن المسارات الخاصة بالمبتدئين. طيب الناس المحترفين ليهم مسارات؟ زي ما قلت لك من شوية طبعاً ليهم مسارات. لو أنت يا صديقي شغال في المجال فعلياً وشغال في شركة وماشي حالك عادي جداً. لكنك عايز تطور من نفسك بشكل احترافي وتزود من قيمتك في سوق العمل وتقدر إنك تثبت مستواك بشهادات عالمية معترف بيها. فالمبادرة بتاعتنا فيها حاجة قوية جداً وجميلة ليك.

شركة منارة موفرة ليك مسار عظيم جداً اسمه "أمازون ويب سيرفيسز سوليوشنز أركتكت بروفيشنال". واللي فيه تلات شهادات قوية جداً مناسبة للناس اللي عندها خبرة والسينيورز في المجال اللي عايزين ياخدوا خطوة أكبر في الكارير بتاعهم. والشهادات دي يا صديقي تكلفتها في العادي مش بسيطة. لكن من خلال المبادرة يا صديقي هتقدر توفر حوالي 300 دولار قيمة الامتحان بتاع الشهادات دي. ودي فرصة عظيمة لأي حد كان ماجل الموضوع ده بسبب التكلفة بتاعته.

طيب خليني أقول لك إن أنا لما حضرت المبادرة الأولى الموضوع كان جميل جداً وعظيم. لكن المبادرة اللي إحنا هنتكلم عنها النهارده لما دخلت عليها لقيت إن تجربة التعليم وتجربة المستخدم في موقع منارة اتغير كتير وبقى أفضل كتير جداً من ناحية التعليم. والموضوع بقى أسهل جداً. لو أنت تابعت المبادرة اللي فاتت واشتركت في المبادرة دي كمان هتشوف بنفسك الكلام ده. يعني شركة منارة مش بس بتوفر لك محتوى قوي. لكن بتهتم جداً بتجربة المستخدم والتجربة التعليمية السلسة السهلة اللي تخلي الموضوع سهل عليك بدون أي تعقيدات. فالحمد لله هم اشتغلوا على البلاتفورم وخلوه منظم أكتر. والعملية بقت أسهل.

خليني أقول لك يا صديقي في نهاية نهاية الفيديو. في الحقيقة جوه المبادرة وجوه موقع منارة هتقابل مميزات كتير جداً جميلة. في حاجات كتير جداً أنا ما اتكلمتش عنها عشان مش عايز أطول الفيديو. عايز بس أعرفك بالمبادرة علشان تشترك فيها وتلحق القطر بتاع الوظائف وربنا يكرمك. لكن إن شاء الله لما حضرتك تدخل الموقع بنفسك هتستكشف حاجات كتير عظيمة وهتعجبك. وهتشوف مسارات تانية كتير أنا ما اتكلمتش عنها برضه هتفيدك في حياتك. وهتلاقي تفاصيل كتير جداً في المنصة موجودة عشان تساعدك وتسهل عليك الأمور وتخليك تكمل رحلتك التعليمية على خير وبأفضل وأسهل شكل ممكن بإذن الله.

فأنا عايزك تعتبر اللي أنا قلته لك ده جزء بسيط من اللي المبادرة بتقدمه. لحد بس ما حضرتك تدخل تسجل وتشوف بنفسك. ودلوقتي يا صديقي علشان ربنا يكرمك وتوصل إن شاء الله لوظيفة أحلامك. سجل يا صديقي في المبادرة واختار المسار التعليمي المناسب ليك. وأديله حقه ووقته في المذاكرة. علشان بإذن الله توصل لهدفك وتغير حياتك. وصدقني المشوار ممتع وجميل. ما تقلقش. شركة منارة بالمبادرات بتاعتها سهلت عليك كل شيء. مش فاضل بس غير إن حضرتك تجيب الجهاز بتاعك تفتحه وتدخل على المبادرة وتسجل وتبدأ رحلتك التعليمية. هتلاقيني سايب لك أي لينك هتحتاجه في وصف الفيديو في التعليق المثبت. يا رب أكون قدرت أفيدكم بحاجة يعني تنفعكم بدون ما تحتاج إنك تدفع فلوس. بدون ما يكون في عوائق تخليك ما تبدأش المبادرة. فأنا عملت اللي عليا عشان أجيب لك حاجة بإذن الله هتنفعك مجانية بالكامل. يبقى كده يا صديقي مالكش حجة. وتوكل على الله وروح روح عشان تتعلم.