هل خطر ببالك هذا السؤال من قبل ؟ - لماذا ننام ؟ - الجزء الأول - دوباميكافين

ش اللي يصير لك إذا حرمت نفسك من النوم لعده ايام؟ في سنه 1997، موسوعة جنس للأرقام القياسية سحبت المنافسة على الرقم القياسي لأكثر مدة حرمان من النوم.

قبل 11 شهر، نزلت على قناتها في اليوتيوب مقابلة مع راندي جاردنر، اللي كسر الرقم القياسي في سنة 1963. وأنا بص يا صديقي العسل، كان ودي أبدأ معك الفيديو بالتجربة الروسية اللي صارت سنة 1947، أثناء فترة الاتحاد السوفيتي، وهي تجربة الحرمان من النوم.

سوّوها على خمس أشخاص كانوا محكومين بالإعدام، حبسوهم في غرفة وبدوا يضخون عليهم غاز يمنعهم من النوم. كان المفترض من التجربة أنهم يحرمونه من النوم لمدة 30 يوم، وهي تعتبر من أسوأ التجارب غير الأخلاقية اللي نُفذت على الإنسان. طبعًا، من هول الموقف ما قدروا يكملون الـ 30 يوم. الكوارث كانت مرعبة.

هذه صراحة التجربة اللي كان ودي أبدأ فيها الفيديو، ولكن اكتشفت أنها كانت عبارة عن قصة غير مؤكدة المصدر كتبها شخص على موقع كريبي باسس. كلام هذا حصل عام 2010، فيقولون أنه قد تكون فعلاً التجربة وقعت، واحتمال تكون مجرد أساطير.

لكن الأكيد هو اللي حصل سنة 1963، بعد شهر واحد من حادثة اغتيال الرئيس الأمريكي جون كيندي. راندي جاردنر قرر أنه يحرم نفسه من النوم. ما كان محدد مدة الأيام، ولكن كان عنده فضول يعرف ش راح يصير فيه إذا حرم نفسه من النوم. فجاب اثنين من إخوانه، وكانت عندهم مهمتين.

الأولى أنهم يتأكدون أن راندي ما ينام أبدًا، يعني كل ما حاول كذا يغفى، استروك أو رشوا عليه مويه أو قرصوه، تقريبًا المهم أنهم يتأكدون أن راندي ما ينام أبدًا. والمهمة الثانية لهم كانت هي رصد حالة راندي الصحية، يعني يتأكدون أنه في نطاق الأمر الطبيعي أو الصحي على الأقل. ممكن يفقد وعيه، ممكن يصير له شيء فيطير فيه للمستشفى.

لا راندي ولا اثنين أصحابه كانوا مختصين أو أطباء، يعني بالعربي هي اجتهادات فردية، شقردية حق شباب وتقدر تسميها كسر روتين. الشاهد يقول: راندي، لما وصلت اليوم الخامس، قلت خلاص أنا ما عاد فيني أتحمل أني أحرم نفسي ساعة زيادة. الموضوع جداً صعب. يقول، ولكن اللي صدمنا أني قريت جريدة أنا وأخوياي، وأنا كنت موجود في إحدى الصحف، كانت الجريدة تتكلم عني.

في شخص هو واثنين من أخوياه يحاولون يكسرون الرقم القياسي، وقاموا ذكروا أن الرقم القياسي عشان ينكسر لازم يوصل لـ 11 يوم من دون نوم. فيقول وقتها قررت أني أكمل وأكسر الرقم القياسي. طبعًا، راندي كسر الرقم القياسي عشان أختصر عليك القصة طويلة.

ولكن اللي لاحظوا عليه يا صديقي العسل هو أنه كان يعاني من تقلب المزاج، فقدان للذاكرة، عسر في اللفظ، ويعاني من نوبات هلوسة. كل هذا بالإضافة إلى مشاكل في عدم تنسيق. تقلبات المزاج معناتها يا صديقي العسل أنه كان مش مستقر في الحالة النفسية، فجأة يضحك، بعدين يصيح، بعدين يحزن، بعدين يفرح، غير مستقر أبدًا.

فقدان للذاكرة، أتوقع واضحة ما تحتاج شرح. عسر اللفظ، هذا الأمانة مصطلح أول مرة يمر علي، اسمه سرد سبيتش، وهي أن الإنسان مو قادر حتى ينطق كلمة واحدة بشكل جداً واضح. شفت لما تحلم وتحاول تتكلم أحيانًا في الحلم، فتحس لسانك مرة ثقيل، يعني زي كذا كان يعاني من هذه الحالة يا صديقي الجميل.

بالإضافة إلى هلوسة، ولكن المشكلة الأكبر كانت في الكوردينيشن، التنسيق. على سبيل المثال، فيه ستيك وفيه شوكة وسكين وملعقة وكوب، كوب فيه مويه، خلنا نقول. راح تلاحظ أن راندي راح يمسك السكين، هذا إذا مسكها بشكل جيد، ممكن يمسكها بالمقلوب، وراح يحاول يقطع كاس المويه ظنًا منه أن كاس المويه ينقطع، أو هو الستيك. راندي كانت عنده مشكلة في تنسيق الأشياء اللي حوله وانسجامها. ما عاد يعرف كيف يتحكم في الأشياء اللي حوله ولا حتى كيف يدركها بشكل جداً طبيعي.

يا ساتر يا صديقي الجميل، التجربة كانت مرعبة. وأعتقد أنه ممكن يجي على بالك الحين أنه، أوكي، راندي حرم نفسه 11 يوم، مستحيل أحرم نفسي أكثر من 24 ساعة. خليني أقول لك يا صديقي العسل، الكارثة وين تكمن؟ شفت اللي تعرض له راندي بسبب حرمان نفسه من النوم خلال 11 يوم، هذا الضرر نفسه بالضبط راح يصيب الشخص اللي استمر مدة طويلة من الزمن بأنه ما يأخذ كفايته من النوم. ضرر النوم يكون تراكمي.

الكلام هذا خطير جدًا. راندي صارت له هذه الأشياء لما حرم نفسه من النوم 11 يوم. أنت لو حرمت نفسك من النوم الكافي لـ 11 سنة، ممكن تتعرض لنصف الأعراض أو الأضرار اللي تعرض لها راندي. الكلام هذا يا صديقي العسل، تجربة راندي صارت في سنة 1963، ولا كانت تعتبر تجربة سريرية قائم عليها مختصين ولا أطباء. لا، مثل ما قلنا، كانت شقردية.

لكن الأكيد واللي حصل هو أنه صارت في تجارب سريرية على مجموعة من الأشخاص. على سبيل المثال، خليني أعطيك تجربة كذا على السريع. جابوا مجموعة من الأشخاص وقرروا أنهم يقسمونه على أربع أقسام ويدخلون في تجربة حرمان من النوم لمدة أسبوعين. كل جروب كان المفترض أنه ينام عدد ساعات معينة.

الجروب الأول كان المفترض أنه يحرم نفسه ثلاث أيام من النوم تمامًا. الجروب الثاني كان المفترض أنه ينام أربع ساعات في اليوم. الثالث كان المفروض ينام ست ساعات في اليوم. أما الجروب الرابع، وسعيد الحظ، كان المفترض أنه ينام نوم طبيعي ثمان ساعات في اليوم.

هذه تجربة بدوا يرصدون فيها الإشارات الكهربائية للدماغ والرنين المغناطيسي، وبشرح لك هذا الكلام إن شاء الله في باقي أجزاء الكتاب. ولكن اللي حصل أنهم لاحظوا اللي ما ناموا أول ثلاث أيام في المجموعة الأولى عانوا من أضرار كثيرة جدًا في الاستجابة وأشياء كثيرة بنقولها بعدين.

ولكن اللي صار هو أن اللي ناموا أربع ساعات بعد ست أيام عانوا نفس الأضرار اللي حصلت للجروب الأول في أول يوم. أبسطها لك، واحد حرم نفسه 24 ساعة ما نام مواصل 24 ساعة، صارت له أضرار كبيرة جدًا جدًا. والشخص الثاني نام لمدة أربع ساعات كل يوم خلال ست أيام، نفس الأضرار الجسيمة اللي حصلت لهذا الشخص حصلت للشخص الثاني اللي نام لكن كان مقصر في نومه.

التجربة كان مدتها أسبوعين، فلاحظوا أنه بعد 11 يوم تراكمت الأضرار بالضبط مثل ما كانوا متنبئين أنها تح. وصلت الأضرار للجروب الأول بشكل جداً سريع. أما الجروب الثاني اللي نام أربع ساعات حصلت لنفس الأضرار خلال 11 يوم. الجروب الثالث اللي كان ينام ست ساعات برضه حصلت له نفس الأضرار التراكمية لكن على مدة أطول. كان المستوى الأول من الأضرار صار بعد 10 أيام عكس الجروب الثاني.

أما الجروب الرابع والأخير ما حصل له ولا شيء لأنه حافظ على نومه ثمان ساعات في اليوم بشكل جداً طبيعي خلال التجربة. الخلاصة، إذا ما كنت تنام بشكل جداً كافي لمدة طويلة من الزمن، ففي أضرار تراكمية تحصل على دماغك وتؤثر على صحتك النفسية وصحتك البدنيه وأشياء كثيرة راح نستعرضها. الله يبعد عنك الكوارث. قد تتسبب بأشياء جداً جسيمة تصل إلى أنك ممكن تعرض نفسك للوفاة بشكل أسرع.

هذه يا صديقي العسل أسباب كونية، زي مثلاً لما يقولوا لك التدخين، تعاطي المخدرات يقصر في عمرك لأنه يسبب لك جدا بلاوي وأمراض ويخليك تلقي بنفسك للتهلكة. هي نفس الحكاية مع النوم. الآن، هل أنت تأخذ كفايتك من النوم ولا لا؟ الجواب موجود عندك. إذا كنت تصحى على منبه أو في شخص يصحيك، فمعناته أنك استيقظت قبل لا تأخذ كفايتك من النوم.

ان ان ان. الآن أبغاك تراجع معي على سبيل المثال وضعك خلال الأسبوع. كم يوم من أيام الأسبوع تصحى فيها على منبه أو شخص يصحيك؟ وكم يوم من أيام الأسبوع تنام فيها لين جسمك يأخذ كفايته ويصحى من نفسه؟ إذا لقيت الجواب، أبغاك تتصور معي كم لك عايش على هذا الحال.

الجزء الأول من كتاب لماذا ننام، الكتاب اللي راح يغير فكرتك عن النوم تمامًا. في هذا الفيديو، عن نفسي أنا سويت كوب قهوة محترم من بن اليمن سيلة، من خطوة جمل، براند سعودي يقدم أجود أنواع القهوة المختصة. راح تلقى رابط فروعهم في الوصف. ومنتظر منك تحضر أحلى كوب قهوة محترم عشان نبدأ أهم سلسلة شرحتها من بديت القناة، وقد تكون أهم سلسلة راح أشرحها مدى الحياة. ويلا نستمتع.

[موسيقى]

شوف يا صديقي الجميل، السلسلة هذه طويلة. آخر مقطع فيها بتكلم عن نصائح لرفع مستوى جودة النوم، لأن هذا موضوع جداً جداً مهم. خلال هذه السلسلة، فمن هنا لين آخر مقطع في السلسلة، خليني أعطيك معلومة مهمة جدًا ومن أكثر الأشياء اللي تحسن جودة النوم. مرتبة السرير اللي أنت تنام عليه لها تأثير قوي على جودة نومك. الغرفة المظلمة، درجة حرارة الغرفة، درجة سمك البطانية أو اللحاف. وأخيرًا، ومن أكثر الأشياء المهمة، الوسادة.

تذكر يوم قلت لك أني مصاب في رقبتي قبل فترة ومصور وأنا جالس حرفيًا، كان بسبب المخده أو الوسادة. المشكلة في الوسادة أنك تجربها في المحل لمدة ثلاث أربع دقائق، تعتقد أنها مناسبة هناك. لما تجيبها البيت وتنام عليها ثمان ساعات، تكتشف أنها غير مناسبة أبدًا، ويبديك ترجعها. هذه من أحد أكبر المشاكل يا صديقي الجميل اللي نواجهها مع المخدات أو الوسائد.

الحل وسادة غيم. اللي يميز هذه الوسادة يا صديقي الجميل أنها مصنوعة من الفوم المجزأ القطن اللي فيها مجزأ. تقدر تتحكم في حشوته، فتاخذ المخده، تاخذ معها حشوة، تقدر تنقص من حشوة المخده أو تقدر تزيد من حشوته لين توصل للمقاس اللي جداً مناسب. وما يحتاج كل شوية تشتري مخاد زي خسرت فلوس كثير عشان أوصل للمخده اللي تناسبني. ومن تجربة شخصية، المخده جداً جداً مريحة وممتازة وسعرها جداً مناسب. فراح تلقى رابط ريبال موجود في الوصف. تقدر تشتري منهم مخده غيم. ومثل ما يقولون هم على طريقة شعار دوباميكافين، حيث القهوة والموسيقى والكتاب. وسادة غيم، حيث راحة البال والأبدان والأحلام. شعار زي شعار دموم كافين. شعار دموم كافين. أحلى رابطهم في الوصف. خلينا نبدأ الحلقة.

السلام عليكم ورحمة الله وبركاته. أهلاً بك يا صديقي العسل في قناة دوباميكافين، حيث القهوة والموسيقى والكتاب. الكتاب هذا حطيت عليه مكافأة. قلت اللي راح يقراه راح يحصل على مبلغ مالي وقدره. أنا راح أدفع له فقط لأنه قرأ هذا الكتاب. بعطيك تفاصيل هذا التحدي بعدين.

ولكن اللي خلاني أحط عليه مكافأة هو أن من بد الكتب، كل الكتب اللي قرأتها وكانت جداً مؤثرة وغيرت في حياتي، لم تتعدى مرحلة الاقتراح. يعني كنت أفضل شيء ممكن أقوله: أنصحك تقرأ الكتاب هذا، راح يغير حياتك. أو من الأفضل أنك تقرأ هذا الكتاب، راح يغير حياتك. إلا كتاب لماذا ننام. هذا الكتاب لازم تقرأه. اسمعي يا صديقي العسل، لازم تقرأ هذا الكتاب. مش اقتراح ولا نصيحة، إلزام، ضروري. ولأني عارف أن في ناس يصعب عليها تقرأ كتب، فحرصت من أعماق القلب أني أوصل لك هذا الكتاب، أو على الأقل المهم منك بأفضل طريقة ممكنة.

فأرجوك، أرجوك، أرجوك تابع السلسلة. راح تغير نظرتك عن النوم تمامًا. وإذا أنت كنت مثلي تعتقد أنك عارف أهمية النوم، فاسمح لي أقول لك: أعد التفكير. أنا نفس الحكاية كنت طول عمري أعتقد أني عارف أهمية النوم. أو من فترة طويلة يعني، وأنت شايف قصتي مع هذا الكتاب. أتوقع لو كنت تتابعني على سناب شات، لما جيت أطلع في رحلة من الرياض للدمام ونسيت كتابي، وأنا مستحيل أركب الطيارة من دون كتاب لو إيش. دورت في صالة الانتظار على كتاب ممكن أشتريه وأقرأه. وشفت كتاب لماذا ننام، فشريته من دافع الفضول بس، يعني ودي أعرف لماذا ننام. واكتشفت أني كنت أعلم أن النوم مهم لكني لم أدرك تمامًا قديش النوم مهم.

وطبيعي يا صديقي العسل، ما راح تدرك خطورة الشيء وأهميته إلا لما تعرف الأسباب اللي تكمن وراءه. وهذا هو اللي قدمه لنا ماثيو وكر في هذا الكتاب. كتاب 500 صفحة يجاوب على هذا السؤال: ليش ننام؟ لماذا ننام؟ وفعلاً، أنت لو تفكر فيها، يعني النوم يأخذ ثلث عمرك. عشان تستوعب هذا الشيء، لو عمرك 60 سنة، الله يعطيك طول العمر، فمعناته 20 سنة راحت كلها نوم. يعني أنت وجودك الواعي في الحياة 40 سنة فقط. ولو عمرك 30 سنة، معناته أنه 10 سنوات من حياتك كانت كلها نوم. فليش النوم ماخذ ثلث حياتنا؟ فعلاً سؤال جداً مهم.

[موسيقى]

[موسيقى]

ماتيو وكر، طبيب علم نفس وأعصاب، يقول: أنا دخلت الطب وما كان عاجبني الطب، لكن يعني مجال مهم في الحياة وقوي، فدخلت الطب. يقول: اللي ما كان عاجبني في الطب أنه يركز على إعطاء الإجابات، وأنا كنت دائمًا مسحور بطرح الأسئلة. هذا عقل الفيلسوف. فيقول: كان عندي بحث مفترض أني شغال عليه. ش قصة البحث هذا؟ يقول: البحث كان مركز على مسألة تشخيص الخرف عند الإنسان. يقول: والخرف أنواع. في ناس كثير تعتقد أنه الزهايمر هو الخرف. يقول: هذا الكلام غير صحيح. الزهايمر نوع من أنواع الخرف.

فيقول: مهمتي في ذاك الوقت، أو من ذاك البحث، هو أن نعرف كيف نشخص نوع الخرف اللي مصاب فيه المريض. حلوين؟ حلوين. يقول: فكان جزء من ذاك البحث هو أن نسوي تخطيط للدماغ على أساس نحاول نرصد الإشارة الكهربائية اللي في الدماغ اللي تحدد نوع الخرف. أبسط لك كلامه. شفت الإلكترودات اللي يعلقونها سواء على الدماغ لما يجون يسوون لها تخطيط، أو على القلب لما يجون يسوون لها تخطيط. هذه الإلكترودات طلع رسم بياني. هذا الرسم البياني هو الإشارات الكهربائية اللي قاعد يتكلم عنها الآن. زي زي أي رسم بياني، راح تطلع إشارات كهربائية كثيرة.

يقول: إحنا غرضنا أننا نبحث عن إشارة معينة ذات نمط معين. لنفرض أن الإشارة الكهربائية اللي هو يبحث عنها عبارة عن أربع بولسات للأعلى وبعدين أربع بولسات للأسفل، بعدين تنتهي الإشارة. مثلاً، قاعد أهبد لك يا صديقي العسل عشان توصل لك الفكرة. يقول لك: إحنا لما نسوي تخطيط للدماغ، نبحث عن هذه الإشارة. يقول: كنت أسوي تخطيط لمرضاي أثناء يقظتهم وأثناء نومهم. واللي حصل أنه الإشارات لحظة الاستيقاظ، وقت ما يكون المريض صاحي، تكون جداً جداً عشوائية ومبعثرة، ولا هي واضحة أبدًا، فيصعب علي أنا أني ألقى هذا النمط اللي أنا قاعد أدوره.

يقول: واللي لاحظته أنه لما نسوي تخطيط للدماغ أثناء فترة النوم للمريض، نجد أن الإشارات الكهربائية واضحة جدًا، ونقدر من خلالها نرصد النمط اللي إحنا نبحث عنه بمنتهى السهولة. مو بس سهولة، والوضوح. فيقول: آثار النوم اهتمتني لدرجة أننا اعتبرنا أن النوم يعتبر أحدى الطرق للتشخيص. تجي عند الطبيب تقول له: أنا مريض. يقول لك: أوكي، نام عندنا ليلة أو ليلتين، راح نسوي لك خلالها تخطيط للدماغ، وممكن نشخص الحالة اللي أنت قاعد تمر فيها.

يقول: ومن هنا، أثار النوم الفضول عندي أكثر. فبدأت أطرح أسئلة مرة مهمة، مثل: طيب، أوكي، لو كان المريض اللي أنا سويت له تخطيط أثناء نومه، كان نومه متقطع، هل راح يؤثر على هذه الإشارة الكهربائية؟ أو لو نام المريض صباح يفرق عن لما ينام في الليل؟ أو هل المريض لما يمر في فترة حلم بتؤثر الإشارة الكهربائية ولا لا؟ أو هل المريض نام في الوقت اللي المفترض يكون دائمًا فيه مستيقظ؟ مثلاً، لو كان في شخص ينام من الساعة 8 إلى الساعة 5 في الليل، من 8 المساء لـ 5 الفجر، عفواً، لكن قرر أنه مثلاً يأخذ قيلولة أو ينام فترة الصباح، الفترة اللي هو مو معتاد يكون نايم فيها، هل راح تتأثر هذه الإشارة الدماغية ولا لا؟

يقول: وبدأت الأسئلة تنهال، ومن هنا تغير تخصصي تمامًا إلى دراسة النوم فقط. يقول: ومن يومها وأنا عاشق لشيء اسمه نوم. من كثر الأشياء اللي اكتشفتها عبر الزمن، ماتيو وكر يا صديقي العسل استمر لأكثر من 20 سنة يبحث في النوم، واستعان بقدرات أشخاص يدرسون النوم لأكثر من 40 سنة، وجلس أربع سنوات يؤلف هذه التحفة الفنية اللي هو كتاب لماذا ننام. الكتاب كله عبارة عن تجارب سريرية، أبحاث ودراسات. تخيل من 30 سنة تقريبًا بدأت إلى هذا اليوم، ومن عدة بلدان ودول مختلفة. ذكر دراسات من اليابان، ودراسات من الهند وروسيا وأمريكا وبريطانيا، وأنت ماشي. كانت متعة بالنسبة لي. لا توصل كمية العلم اللي قدمه هذا الإنسان في هذا الكتاب مرعبة.

فيقول: اللي خلاني أغير تخصصي من الطب للنوم، رحت أبحث عن أجوبة الأسئلة اللي دارت في بالي، واكتشفت أنه النوم ما كان مدروس، ولا كان كانت في كتب ولا أبحاث ولا دراسات مركزة على موضوع النوم. ما كان في أحد يحمل أجوبة هذه الأسئلة. عشان كذا قررت أني أدخل في رحلة البحث وأستكشف العالم الخفي خلف هذا النوم، وقدمها لنا في هذا الكتاب.

طبعًا يا صديقي العسل، يقول النوم فعلاً مثير للاهتمام، مثير جدًا للاهتمام. يقول: تخيل أنك مثلاً رزقت بمولود، جوك في المستشفى، جتك الممرضة وقالت: ما شاء الله تبارك الرحمن، مبروك رزقتم اليوم بمولود، وهو في صحة جيدة وفي أتم العافية. بعدين يقول: وقفت من عندكم، ش ورجعت قالت: لكن لحظة، في ملاحظة. هذا المولود راح يمر في حالة بشكل يومي يكون فيها أشبه بالإغماء، فاقد للوعي تمامًا لمدة ساعات معينة خلال اليوم. لا يأكل، لا يشرب، ولا هو مدرك بالمحيط اللي حوله، ولا عنده وعي حتى بجريان الزمن. ما راح يدري كم تمر عليه ساعة. وقالت لك: لا تخافون، هذه الحالة مصاب فيها كل المخلوقات تقريبًا. لكن لو عندكم فضول تعرفون ليش هو قاعد يمر بهذه الحالة، فللأسف نحن لا نملك جوابًا.

هذا يمر بهذه الحالة الغريبة اللي هي النوم. طبعًا، لكن ما ندري ش سالفتها. يقول: أنا جيت وراح أقدم لك الأجوبة خلال بحثي عبر السنوات اللي راحت. يعني بس كذا بالمناسبة، الرجل من عام 2000 إلى 2010 كان يدرس الأحلام فقط. فقط، فقط، قاعد يدرس الأحلام. ش تسوي؟ إيش أثرها؟ إيش فايدتها؟ إيش أضرارها؟ وأنت ماشي. طبعًا، الكتاب لا إله إلا الله، غطى يا صديقي العسل كل الفوائد، وخلك من الفوائد، كل الأضرار الجسيمة المرعبة اللي تصير لك بس لأنك ما تأخذ قسطًا كافيًا من النوم. مو حارب نفسك أيام، لا لا لا لا، بس لأنك ما تشبع نوم وعبر الزمن إيش ممكن يصير فيك.

تتكلم عن كل شيء يا صديقي. الأخ تكلم عن الصحة النفسية، تكلم عن الصحة العقلية، منها الذاكرة، ومنها التفكير المنطقي، ومنها التفكير العاطفي، ومنها مستوى الذكاء والنضج. وتكلم عن الآثار الفسيولوجية البدنيه: المناعة، السرطان، مرض ضغط الدم، أمراض القلب الوعائية، تكلم عن الجلطات، تتكلم عن سكتات الدماغ، تتكلم عن سكتات القلب. تكلم عن كل شيء. غطى كل شيء حرفيًا. أقول لك حتى الأحلام، وهي من أم متع الأشياء اللي راح نشرحها في هذه السلسلة. تكلم عن أثرها، فوائدها. ليش في شخص أحلامه تكون دائمًا مزعجة؟ ليش في شخص ما يحلم ممكن أبدًا أو فترة طويلة من الزمن؟ هل هذا الشيء يعتبر إشارة خطيرة أنه نومك في مشكلة؟ أبشرك، أي.

قطع أشياء كثيرة. كان ودي أنا، أنا كان فعلاً ودي أني أشرح لك كل الكتاب في حلقة واحدة، لكن 500 صفحة في كتاب علمي كله بابحاث ودراسات، الموضوع جداً صعب علي. لكن أبغى أعطيك هذا التمهيد قبل لا نبدأ نشرح أجزاء الكتاب. أبغاك تستوعب أنه نومك له حاجتين لازم تركز فيها. الأولى: مدة النوم. كم عدد الساعات اللي المفروض تنامها؟ تخيل هذا شيء. وفي شيء اسمه جودة النوم. والجودة أهم من المدة. كلهم مرتبطين في بعض. إذا قل عدد ساعات النوم، بالضروري جودة النوم تقل. وإذا زاد عدد ساعات النوم، لا يعني بالضرورة أن جودة النوم جيدة.

وجودة النوم أعطيك إياها من الآخر، هي اللب والعمود الفقري لكل فوائد النوم وأضراره. أعطيك واحدة من الأمثلة أو من المؤشرات على أنه جودة نومك ضعيفة، هي لما تنام عدد ساعات طويل وتحس كأنك ماشي بع نوم، تقوم كسلان، جسمك ثقيل، راسك تحسه ثقيل، وتقعد تتثاوب خلال اليوم وفيك كسل، تحس ما فيك طاقة. هذا معناته يا صديقي العسل مؤشر جدًا قوي أن نومك، حتى لو نمت 16 ساعة، جودته كانت جدًا سيئة. وما دام جودته سيئة، أنت ما حصلت على فوائد النوم، ولا كأنك نمت أصلًا. حرفيًا، ما كأنك نمت. جودة النوم جدًا مهمة.

خلال إن شاء الله شرحنا لهذه السلسلة، مع كل فيديو إن شاء الله راح نركز على كيف نحافظ على مدة النوم أنها تكون ثمان ساعات، وكيف نحاول نثبت وقت النوم ووقت الاستيقاظ. تنسى شيء اسمه منبه يا رجل مدى الحياة بإذن الله. ثبت وقت النوم، ثبت وقت الاستيقاظ. والشيء الثالث اللي راح نركز عليه، نرفع من جودة النوم عشان نحسن أمور كثيرة قاعد تصير في حياتنا. وأنا أوعدك بجانب الفائدة اللي راح نستفيدها إن شاء الله، راح نستمتع. بنستمتع استمتاع جدًا جدًا عظيم مع هذا الكتاب.

غرضي من هذه المقدمة أني أقول لك: النوم هو أهم عنصر من العناصر الثلاثية للصحة. والعناصر الثلاثية للصحة هي: النوم، الرياضة، والأكل. النوم يأتي على رأس الهرم، وهو أكبر مؤثر. الصحة النفسية، في الاكتئاب، في القلق، في الوساوس، في التشتت وعدم التركيز، أي دي إتش دي. في مرض السكر، الزهايمر، ضغط الدم، الجلطات، السرطان، والخرف، وفقدان الذاكرة أو تشوش أو تشوهها. ومن أكبر الأسباب لقوة المناعة. إذا أنت من الناس اللي يمرض كثير، راجع نومك. وبنصح إن شاء الله خلال السلسلة. حتى له أثر في علامات الشيخوخة المبكرة، صحة الجلد والوجه والتجاعيد. تخيل الشيب كذلك من ضمنه. القوة البدنية والاستشفاء. والناس اللي تلعب رياضة عارفين الكلام هذا. النوم يا صديقي العسل له دخل حتى في البدانه والنحف. له دخل حتى في نوع الأكل اللي أنت تشتهيه. فاست فود ولا أكل صحي؟ تحب الحلا كثير ولا لا؟ كل هذا. هذا يا صديقي العسل تخيل النوم له دخل فيه. مو كلام افتراضي وفلسفة، لا، تجارب واقعية سريرية وأبحاث ودراسات. نقطة آخر السطر.

فأرجوك، أرجوك، تابع السلسلة. أما بما يخص المكافأة اللي حطيتها على هذا الكتاب، فوالله العظيم، بغض النظر أنت تابعت السلسلة ذي ولا لا، أرجوك لازم تقرأ هذا الكتاب. لو تقرأ منه صفحتين ثلاث صفحات يوميًا قبل ما تروح الدوام، بس خلال سنة بتكون خلصته. بس أرجوك اقرأ. هذه مكافأة حطيتها لأهلي، وأنا ما أذكر قلت لهم المبلغ ولا لا، بس بقولها وأنت تشهد الآن. 5000 ريال لأي شخص منهم، أهل البيت، يقرأ الكتاب. على استعداد؟ تبغى 5000؟ اقرأ كتاب لماذا ننام.

هذا كان تمهيد، والدسم يبدأ من الحلقة القادمة، اللي بنتكلم فيها عن الكافيين، وبنتكلم فيها عن الإيقاع اليومي والساعة البيولوجية، وبنتكلم عن ليش أنت في وسط أيام الأسبوع وأيام الدوام تحط راسك على المخدة ما تقدر تنام، وفي أيام الويكند أول ما تحط راسك على المخدة، نوم عميق. أو بنتكلم عن ليش تنقطع نومتك في وسط الأسبوع، ويمكن تروح للدوام واصل، ما تقدر ترجع تنام. كل شيء بنصلحه بإذن الله. فاستعد.

من طاب نومه، زان يومه. انتهت جرعة الدوباميكافين لهذا اليوم. شاركها مع من تحب. وأرجوك، أرجوك للمرة الثالثة والمليون، تابع السلسلة. شكرًا لحسن الاستماع يا صديقي العسل، وشكرًا دائمًا على وقتك الذي لا يقدر بثمن. السلام عليكم.

[موسيقى]