Transcription
النهاردة نبدا منزلة التوكل على الله، ومنزلة التوكل على الله. النهاردة الحلقة اللي هنبدأ فيها نتكلم عن الخوف. كل ما هو مستقبلي بيحطك قدام احتمالين ما لهمش ثالث، كل ما هو مجهول خائف من بكرة ولا متوكل على الله؟ بصوا، طول ما أنت بتتحرك في الحياة عندك مفارق طرق. الدراسة مفرق طرق، وبعدين هتخرج، هشتغل فين؟ مفرق طرق. وبعدين هتجوز مين؟ ده شريك حياة العمر كله، مفرق طرق. وبعدين ولادي ومستقبل ولادي، مفرق طرق. وبعدين هغير الكاريير ولا هكمل في الكاريير بتاعي؟ مفرق طرق. وبعدين رزقي واقف، هتنقل ولا لأ؟ طول ما أنت ماشي مفرق طرق. كل ما في كلمة بكرة، كل ما في كلمة مستقبل، معناها غموض القدر. يا ترى عامل إزاي؟ مع غموض القدر ما عندكش غير اختيارين ما لهمش ثالث: إما الخوف من المستقبل، وإما التوكل على الله والأمل في الله. وعلم النفس الإيجابي بيقول لك: الحكاية دي كل ما هو مستقبلي، عقلك الباطن بيفكر في احتمالات، نص الاحتمالات دي خوف، ونص الاحتمالات دي رجاء. ده كلام علمي، ده ساينس. أول ما بتتحط قدام احتمالات، يبدأ قلبك ينبض، ها تختار إيه؟ ويبدأ يحط احتمالات، مخاوف كذا، مخاوف كذا، أمل كذا، أمل كذا، ويبدأ عقلك يقوم ساحب اختيار، ويبدأ يبني عليه حركته في الحياة، فتتدمع شخصيتك بالاختيار اللي أنت اخترته، ساعة احتمالات خوف ولا أمل، خوف ولا توكل؟ ده علميًا، وبيقول لك: شخصيات الناس بتبقى بناءً على إيه؟ على الاختيار اللي اختاروه من الأول في الاحتمالات اللي قدام العقل الباطن في مخاوف المستقبل. أنت تختار إيه؟ قاعدة النهاردة بتقول المعنى ده: غموض القدر يضعك بين احتمالين لا ثالث لهما، إما أن تستسلم لخوفك، أو تفعل التوكل على الله حتى يتلاشى الخوف، أو يبقى في الحد الأدنى الذي تستطيع تحمله أنت. أنت ما عندكش غير اختيارين، الحقيقة قدام غموض القدر وهو الحقيقة. ربنا جمع لنا فكرة غموض القدر في خمس حاجات، هي مفاتيح الغيب لا يعلمها إلا الله. مفاتيح الغيب، خمس مكونات الغيب بتاعك، خمسة. قدرك مكون من خمس غيبيات، هم اللي بيلخصوا قدرك. يا جمعهم لنا ربنا في آية واحدة، آية في سورة لقمان، الآية بتقول إيه؟ الآية بتقول: إن الله عنده علم الساعة، وينزل الغيث، ويعلم ما في الأرحام، وما تدري نفس ماذا تكسب غدًا، وما تدري نفس بأي أرض تموت. إن الله عنده علم الساعة، ما حدش يعرف يوم القيامة امتى، ده من غموض القدر. اثنين: وينزل الغيث، مش بيتكلم على نزول المطر بس، إمتى هيقع المطر، والمطر ده هينتج عنه إيه، وفين، ورزق فين، لمين؟ هينتج عنه أرزاق، شكلها إيه؟ موضوع لا ينتهي. ويعلم ما في الأرحام، أنتو أقصى ما تعرفوه السونار فيه إيه، لكن يعلم ما في الأرحام، رزقه إيه، وأجله إيه. هو الذي يصوركم في الأرحام كيف يشاء، هيطلع لون عينيه إيه، وأبيض ولا أسود، وطويل ولا عريض، كل التفاصيل، كل التفاصيل، كل التفاصيل. إن الله عنده علم الساعة، وينزل الغيث، ويعلم ما في الأرحام، أربعة: وما تدري نفس ماذا تكسب غدًا، يا ترى، يا ترى فلوس بكرة شكلها إيه، يا ترى هنكسب كام، امتى؟ وما تدري نفس بأي أرض تموت، يا ترى امتى وفين هموت. خمس حاجات هي قدرك، مكونات قدرك، خباها ربنا عنك. كان ربنا بيقول لنا إيه يا عبادي، هذا قدركم بين يدي، وأنا أرحم الراحمين. فإيهما تختاروا، الخوف أم التوكل؟ على فكرة، فكرة غموض القدر والخمسة دول عشان يحطوك قدام سؤال آخر. علم النفس اللي أنا قلته من شوية، وعلماء النفس أخرهم بيقولوا لك إيه؟ أخرهم بيقولوا لك إن أنت عقلك هيختار احتمال، إنما ربنا بيقول لك اللي بعد كده، اللي هو إيه؟ اللي أعظم من كده بكثير، أنا أرحم الراحمين، وقدرك كله بيدي، وغموض القدر اللي أنت خايف منه بإيدي، وأنت، وأنت، وأنت تعلم أني أنا الغفور الرحيم. تفتكر قدرِ فيك يخليك تخاف ولا تتوكل على الله؟ شوفوا الاختيار، على فكرة كل يوم الصبح أنت بين الاختيارين دول. بصوا يا جماعة، أنا عايش بكلمة التوكل، والله أنا ما أقدرش أعيش من غير توكل، والله العظيم، أخاف أعيش من غير توكل. عشان كده هو بيقول: إن الله يحب المتوكلين، وعشان كده بيقول: وعلى الله فليتوكل المتوكلون. أنتو واخدين بالكم طول ما إحنا جايين البرنامج ده، إحنا وكل الفريق اللي معانا، إحنا كل خطوة بنقول كلمة توكلنا على الله، وبنقولها من قلوبنا، مش أنا بس، كلنا يا جماعة، أصل إحنا جايين نعمل برنامج رمضان، توكلنا على الله، حسبنا الله ونعم الوكيل، حسبي الله لا إله إلا هو عليه توكلت وهو رب العرش العظيم، يا وكيل، توكلت عليك يا وكيل، توكلت عليك. يحصل إيه؟ يبدأ عقلك يختار ويروح على اختيار التوكل، لأنك من كتر ما عمال تغرس التوكل، وعمال تقلل الخوف، وعمال تقلل الخوف حتى يتلاشى الخوف، أو يبقى في الحد الأدنى الذي تستطيع تحمله. فربنا حاطط قدامك خمس حاجات من غموض القدر، وبيقول لك يا عبدي اطمئن إليه وتوكل، أم تخاف من المجهول الغامض الذي هو بين يديه؟ معنى، معنى يخليك تعيش بكلمة: أنا متوكل يا رب، أنا ما ليش غيرك، أنا متوكل. وبعدين ربنا يقوم جامع لك الخمسة في آية واحدة، وعنده مفاتيح الغيب لا يعلمها إلا هو. شوفوا كلمة "هو" بس، وشوفوا كلمة "وعنده"، تروح لغيره ليه؟ خايف من إيه وهي عنده؟ احمد ربنا إنها عنده. وبعدين كلمة، ما قالش "ومفاتيح الغيب عنده"، لأ، "وعنده"، لأن لو قال "مفاتيح الغيب عنده"، يبقى عنده وعند غيره، لكن "وعنده هو بس"، مفاتيح الغيب لا يعلمها إلا هو. ها يقين ولا توكل ولا خايف؟ لا يعلمها إلا هو. بص بقية الآية: ويعلم ما في البر والبحر، وبص التصوير ده، وما تسقط من ورقة إلا يعلمها، ورقة في غابات الأمازون، ولا حبة، حبة رمل في قاع المحيط الهندي ولا الأطلسي، ولا حبة إلا في كتاب مبين. وعنده مفاتيح الغيب لا يعلمها إلا هو، ويعلم ما في البر والبحر، وما تسقط من ورقة إلا يعلمها، ولا حبة في ظلمات الأرض، ولا رطب ولا يابس إلا في كتاب مبين. ليه يا رب بتضرب لنا المثل ده، وبتقول لنا التفاصيل دي؟ إذا كان حتة ورقة، وحتة رملة مكتوبة في كتاب مبين، خايفة على مستقبلك وهو مكتوب عندي، وأنا أرحم الراحمين. دي الورقة، والورقة، ورملة مكتوبة، مكتوبة إنها هتتحرك من اليمين للشمال في قاع المحيط، مكتوبة في كتاب مبين. ما فيش حاجة بتتحرك لوحدها، وأنت قلقانة على بكرة، فين التوكل؟ فين كلمة توكلت على الله؟ مالك قلبك؟ إيه اللي قلقك بقى؟ إيه اللي مخوفك من بكرة؟ ها احكي لي بقى، يلا، قول يا سيدي، هات كل اللي عندك، اديني أصعب حاجات خايف فيها من بكرة يا عم. فين التوكل ده؟ التوكل ده لازم يبقى لازق في حياتك، والله العظيم، التوكل ده لازم يبقى لازق في حياتك، يعني يومك، لا مش لازق في حياتك يوم بيوم، أنا، أنا متوكل على الله، أنا متوكل على الله، أنا متوكل على الله. على فكرة يا جماعة، غموض القدر ده سر حلاوة الدنيا. أنتو متخيلين لو الخمسة إحنا عارفينهم؟ لأ، تعالوا نتخيل العكس عشان تشوفوا إن دي كمان من رحمة ربنا. يعني تخيل لو أنت عارف الخمسة، يعني إيه عارف الخمسة؟ يعني تخيل زي ما مكتوب في الباسبور وفي البطاقة تاريخ ميلادك مكتوب، تاريخ وفاتك مكتوب، مرعبة! أنت مش هتعرف تعيش، ويا ترى الناس هتتعامل معاك إزاي؟ لأ، أنت ممكن تتخيل لغاية ما تتجنن لو مكتوب تاريخ وفاتك بس. أنت، أنت عايز تعرف، أنت زعلان من غموض القدر؟ طب شوف لو كان، طب هتكسب مليون دولار السنة الجاية، تشتغل السنة دي ولا تنام في بيتكم؟ بس دي حاجة كويسة، ولما يفيدوك من الشغل تعمل فيهم إيه، تكون النتيجة إيه؟ حياتك باظت. طب ولو، ولو أنت عارف إن مكتوب إن ما فيش مليم هيدخل جيبك إلا بعد خمس سنين من دلوقتي، يحصل لك إيه في الخمس سنين دول؟ أنت زعلان من غموض القدر؟ ده هو سر حلاوة الدنيا، وكمان بيقول لك: مكتوب عندي، أنت مطمئن لي ولا لأ؟ طب ما تتوكل عليا، وأبقى أنا مسؤول عنك. يا نهار قوي يا رب، يا رب ده أنت الدنيا شكلها صعبة، وأنت مسهّلها قوي، بس مدينا حاجات مش عايزين نمسكها اسمها التوكل على الله. إحنا في أول منزلة التوكل على الله، امتى تتوكل على الله؟ لو مش هتوكل عليه في رمضان وأنت في أقرب لحظات، امتى تتعلم التوكل وتعيش بيه بقية حياتك؟ والله يا جماعة أنا ما كنت عايش بيه، أنا دلوقتي بقيت عايش بيه، والسبب إن أنا النبي علمنا أذكار وحاجات نقولها كل يوم الصبح، أنا بقيت ماسك فيها. من قال حين يصبح سبع مرات حسبي الله لا إله إلا هو عليه توكلت وهو رب العرش العظيم كفاه الله همه في ذلك اليوم، كل مجهول النهاردة، إذا خرج من بيته فقال بسم الله توكلت على الله، قالت له الملائكة: هديت وكفيت ووقيت، كل المجهول ما هو كل المجهول مخلص. أنت مجنون، أنت بتخرج من بيتك من غير ما تتوكل على الله؟ أنت كده بتخبط في الحياة، تحضر ميتنج من غير ما تتوكل على الله، تصور برنامج أو تفتح شغل من غير ما تتوكل على الله، تبدا عملية، عملية شغل جديدة من غير ما تتوكل، أنت إيه ده؟ ده، ده تتجوزي من غير ما تتوكل! أنت عايش إزاي؟ إيه يا ابني ده؟ ليه بتعمل في نفسك كده؟ ليه بتحل معادلة صعبة؟ الدنيا صعبة، ليه بتحلها وحدك؟ ما تدخل ربنا معاك، يبقى هو وكيلك، والقدر، وغموض القدر كله عنده. وبعدين خلي بالكم، لو القدر مش غامض ما فيش معنى للتوكل. لو أنت عارف كل حاجة تتوكل فين؟ اليقين أصلًا كل معاني ومنازل الروح تسقط، تسلم ليه؟ خلاص ما أنا عارف كل حاجة، توكل ما يشتغلش إلا في ظل غموض القدر. وكان الله تبارك وتعالى يقول يا عبادي: سأنزع استقرار معلوماتكم عن المستقبل لتثبت توكلي علي في المستقبل. هخلي القدر غامض. في واحد اسمه كارل روجرز، الراجل ده عالم نفس، قال فكرة عجيبة جدًا، قال لك: كل، كل ما غموض القدر موجود، كل ما خوفك يزيد، التوتر والقلق يتضاعف، وكل ما الخوف يقل، التوتر والقلق يقل. قامت جاية بنت من سفراء الإحسان، من اللي بيشتغلوا معايا اسمها ياسمين بن جبارة، موجودة معانا هنا، وقالت لي: إحنا ممكن نحولها لمعادلة. يعني هو كارل روجرز صاحب الفكرة، لكن اللي حولها لمعادلة ياسمين بن جبارة من المغرب، وقامت عاملة لي هي اللي عملت دي، أنا بس بقول عشان حقوق الملكية. التوتر والقلق يساوي إيه؟ غموض القدر، أو غموض الحياة، مضروب في درجة خوفك. ماشي؟ تاني، غموض القدر، غموض القدر ثابت 10، يعني تعالوا نفرض إن 10 يونيت، 10 وحدات علينا جميعًا، غموض القدر علينا جميعًا، تعالوا نقول إن هو 10 وحدات. طب هنضرب في كام درجة خوفك؟ كل، تعالوا نقول إن درجة خوفك 100، نتيجة إن توكلك قليل، فهتبقى درجة توترك. حد فاهم؟ طيب، هي هي العشرة هي هي العشرة بتاعة غموض القدر. طب هنضرب درجة خوفك بدل 100، لأن توكلك عالي، مش هحط صفر لأن إحنا بشر، 10، حطيت 10. بص المعادلة دي، حد فاهم؟ أنت الموضوع كله مرتبط، أنت اخترت إنه احتمال، توكل ولا خوف؟ كل ما زودت التوكل يقل الخوف، تكون النتيجة إن توترك وقلقك. أنتم عارفين فرق كام بين الاثنين دول؟ 90 درجة، تتوقف 90%، 90% أنت متوكل ولا مش متوكل؟ أنتم متخيلين بناءً على إيه؟ أنت زودت إيه؟ التوكل، آه أنت زودت التوكل، آه يبقى على طول التوتر والقلق يقل. ممكن تعمل الحكاية دي، ممكن تبدأ تفكر بالطريقة دي، كل ما تحط نفسك، لأ أنت مش هتوصل للاحتمالات، أنت مش هتخلي عقلك يوصل للاحتمالات، لأن أنت كل يوم بتفكر بالتوكل، لأنك كل ما بتصحى الصبح بتسمع وصية النبي صلى الله عليه وسلم: حسبي الله لا إله إلا هو عليه توكلت وهو رب العرش العظيم. ده زي الدوا، زي الفيتامينات اللي بتاخدها كل يوم الصبح، أنت ما تقدرش تنزل من غير الدوا، اوعى، اوعى تنزل، إيه هي سبع مرات، كفاه الله همه في ذلك اليوم. الله، أما التوكل ده حلو بشكل! التوكل مشتق من الوكالة، إنك تروح تعمل توكيل لحد، عارفين لما تزيح همك وتقول يا سلام، رحت للمحامي وقبل إن هو يتوكل عني في القضية، يا سلام! أصل ده أشطر محامي، ده هو من ساعة ما قبل وأنا مستريح جدًا، رغم إن أنا كنت في مصيبة. كيف تقبل لغيره ما لا تقبله له؟ تقبل من المحامي ما لا تقبله من رب العالمين؟ قبلت تعمل التوكيل للمحامي وقلبك مش مطمئن، توكل لرب العالمين! الناس يبقى قدامها اثنين دكاترة، دكتور ما فيش حد واقف على عيادته، بنخاف نعمل العملية عنده، وجنبه على طول دكتور الناس واقفة طوابير، آه، إحنا بنثق فيه، ويدخلوا أوضة العمليات ويقبلوا إن هتتفتح بطونهم ويخرجوا برة الوعي مخدر، وهم مطمئنين وبيبتسموا. أنا أثق فيه، دكتور شاطر قوي، ده أنا دفعت فلوس، الحمد لله إن وافق يعمل لي العملية. كيف نقبل لغيره ما لا نقبله منها؟ إيه ده إزاي كده؟ أنت، أنت قابل من البشر تقول يا سلام من ساعة ما عملت التوكيل لفلان عشان يخلص لي مشكلة الشركة والورق اللي واقف، قلبي استريح. كيف نقبل لغيره ما لا نقبله منها؟ أنت ليه، أنت إزاي مش متوكل على ربنا؟ اسمع الآيات، مش بنتكلم على غموض القدر، ولله غيب السماوات والأرض، وإليه يرجع الأمر كله. ما فيش، ما فيش ورق بيطمني في الأرض، كله بيطمني فوق، وإليه يرجع الأمر كله، فاعبده وتوكل عليه. ليه أتوكل عليه؟ عشان الغيب عنده. رب المشرق والمغرب لا إله إلا هو، فاتخذه وكيلًا. شوف فاتخذه وكيلًا، هو اللي بيعرض، خدوني وكيل، فرق كبير إنك تروح للمحامي ودكتور تقول له: أرجوك اقبل توكيلي. وإن الله سبحانه وتعالى مالك الملك، رب المشرق والمغرب. شوفوا إحنا، إحنا هنا بنصلي الفجر كلنا مع بعضنا، بنشوف الليل وإزاي بيتحول فجأة للنهار وإحنا قاعدين بنقول أذكار الصباح وبنقول حسبي الله ونعم الوكيل، رب المشرق والمغرب لا إله إلا هو، شايف العظمة والملك، فاتخذه وكيلًا. فرق كبير إنك تروح للقوي وتقول: أرجوك اقبلني إن أنا، إنك، إن أنا وكيلك. وإن القوي هو اللي يعرض عليك، ممكن تقبل إن أنا أبقى وكيلك يا رب؟ ده أنت رب العالمين، والناس مش قابلة، والناس مش، وعايشة في الخوف. اوعى تخاف، والله العظيم، والله يا ولاد، والله أنا بوصيكم في حياتكم، اوعى تخاف يوم ما تتوكل، اوعى تخاف اليوم اللي تصحى فيه متوكل على الله وتاخد كلمات التوكل وتقولها بلسانك وقلبك، أصلّك بتمضي العقد بلسانك وقلبك، اللسان بيقول: بسم الله توكلت على الله، حسبي الله ونعم الوكيل، والقلب بيمضي، والله ما تخافش. ها، الحياة اختيارين: خوف ولا توكل؟ لأ أنا متوكل، لأ لأ لأ لأ، أنا اخترت، ومش هدخل عقلي في الاحتمالات، أنا مخلص بدري، وليه أخلي عقلي يوصل لغاية الاحتمالات؟ أنا عايش بالتوكل، والله يا جدعان، أنا حياتي هدية كتير. يقول النبي صلى الله عليه وسلم: من أراد أن يكون أقوى الناس، من أراد أن يكون أقوى الناس فليتوكل على الله. أقوى واحد في الدنيا، قوي ليه؟ أنا مش خايف، ليه؟ لأن أنا عقلي على طول بيختار التوكل، فمش محتاج إن أنا أخاف. تعرف تعملي؟ تعرفي تعيشي كده؟ تعيشي كده، أصل التوكل ما ينفعش النهاردة وننساه، لا لا لا لا، يتفسخ العقد، التوكل لازم يوم بيوم، كل يوم الصبح، يعني كل يوم الصبح متوكل على الله، تعرف تعمل كده؟ بص، بص القصة دي، أنا مش هقدر أقول اسمها، فهقول لك ست وهي اللي حكيت لي القصة دي، هي من المغرب، وهي بتحكي لي بتقول لي: أنا، أنا كنت متجوزة واحد قاسي جدًا جدًا جدًا، وعنيف جدًا جدًا جدًا، وله سلطة كبيرة جدًا، وأنا عشت في خوف لمدة سبع سنين، كل أهلي بيقولوا لي لازم تطلقي، وأنا خايفة إن أنا أطلق يحسّن ياذيني، هو قدرته إن ياذيني عالية، ومركزه يسمح له إنه ياذيني، وأنا خايفة، عشت في الخوف سبع سنين لغاية ما حضرت كلام منازل الروح عن التوكل، وبدا يحصل في قلبي قوة غير عادية. لما أنا متوكلة على الله أنا خايفة ليه؟ وتجربت، وخدت الخطوة إن أنا أطلقها، وقدمت الورق إن أنا أطلق، وأنا عارفة إنه لما هيعرف هتكون الأذية شديدة. تقول لي: إزاي خدت الخطوة دي بعد سبع سنين خوف؟ التوكل دخل حياتي اليوم اللي قدمت فيه الورق، وتعرف إن هي قدمت الورق كان يوم طلوعه معاش وخروجه من الخدمة، وإن هو ما عدش موجود في المنصب اللي هو موجود فيه. سبحان الله! بتقول لي: أنا بقيت ببكي، ببكي، بقيت بقول زي الأطفال: رب المشرق والمغرب فاتخذه وكيلًا، وعيط، رب المشرق والمغرب فاتخذه وكيلًا، وأبكي. تتوكل عليه ويسيبك؟ أنت بتقول إيه؟ تتوكل عليه ويسلمك للخوف ويضيع الوكيل؟ لا، الوكيل لا يعمل ضد مصلحة موكله، الوكيل لا يؤذي موكله، ده في عالم الدنيا، فما بالك رب العالمين، وسمى نفسه من أسمائه الحسنى الوكيل. أنت خايف من إيه؟ اجمد، والله العظيم ما تخاف، استبدل الخوف بتوكل. شوفوا النبي صلى الله عليه وسلم، راجعين من غزوة ذات الرقاع، فإحنا راجعين من غزوة ذات الرقاع، الصحابة يعني الطريق فيه 100 قبيلة من قطاع الطرق، ونفسهم يذبحوا المسلمين، والدنيا حر جدًا جدًا جدًا، ولازم نستريح، والدنيا شمس، واليوم طويل، طب هنستريح إزاي؟ المكان ما فيهوش حتة ضلة، ما حدش هيعرف ينام تحت، تحت الشمس. فالصحابة متفرقين في مكان واسع، كل واحد نايم تحت شجرة، والنبي كذلك، والنبي نايم تحت شجرة، والصحابة بعيد. جاء واحد من القبائل دي، وقام واخد سيف النبي، وحط سيف النبي عند رقبة النبي، قم يا محمد! ما قال للنبي كلمة واحدة. من يمنعك مني الآن؟ ها في اللحظة دي إيه خوف ولا توكل؟ قول: اللهم صل وسلم وبارك على سيدنا محمد. من يمنعك مني الآن؟ النبي رد بكلمة واحدة: الله. تعرفي تقوليها يا ترى يا رسول الله؟ قلتها إزاي؟ حتى يهتز السيف ويسقط من... يا جماعة الراجل في إيده سيف، قالها إزاي رسول الله صلى الله عليه وسلم؟ عشان ده يهتز وهو معاه السلاح، تخيل حاطط واحد حاطط مسدس في دماغك وبيقول لك: مين يقدر يحميك مني دلوقتي؟ تقول له: الله! يقوم إزاي؟ فوقع السيف من يد الرجل، فاخذه النبي صلى الله عليه وسلم، وقال له: وأنت، من يمنعك مني الآن؟ فقال: يا محمد، كن خير آخذ، يعني ما عملتش لي حاجة، ما تعملش فيا حاجة. قال: أتشهَد أن لا إله إلا الله؟ قال: لا. قال: فلا تعين علي أحد، ما تحارش حد معايا. قال: نعم. فقبل منه النبي صلى الله عليه وسلم. ده بس الشاهد في القصة: من يمنعك مني؟ هتقدر، يا جماعة يكون قوة التوكل، إن في موقف الصعب الله. هتعرف تقول: حسبي الله ونعم الوكيل. دايماً وقت الخوف، هل هتقدر تخلي الوكيل قدامك؟ الذين قال لهم الناس إن الناس قد جمعوا لكم فاخشوهم فزادهم إيمانًا وقالوا حسبنا الله ونعم الوكيل، فانقلبوا بنعمة من الله وفضل، لم يمسسهم سوء، إنما ذلكم الشيطان يخوف أوليائه، اللي بيحبوه، فلا تخافوهم، وخافوا. عيشي بالتوكل، تعيش قوية والله العظيم ما حد يقدر عليك. ختام، ختام النهاردة إيه؟ ختام النهاردة إن أنا عايزك تاخد قرار في حياتك من النهاردة، إن ذكر التوكل تمسك فيه، لأنه اللي هيثبت الفكرة في دماغك. أنا متوكل على الله. أنت يا دكتور عمرو بتخاف؟ طبعًا بخاف، بس في الحد الأدنى اللي أستطيع تحمله، لأني أول ما بتجيلي مشاعر الخوف بكتر من التوكل، لأني بخاف لأني بشر، بس على طول أقوم داخل توكل، داخل توكل، وأحس إن أنا بقوى بقوى بقوى. دي كانت فكرة النهاردة، الحلقة النهاردة توكل مشبوك في العلاقات مع الناس، يعني الحقيقة الحلقة دين وفن العلاقات مع الناس، وإزاي تبدأ العلاقات، وإزاي تنهيها، وأنا الحقيقة لا جايب الكلام ده من علم ناس، ولا جايب الكلام ده، ولا شغلتي كوتشين، ولا ليا دعوة بالمواضيع دي خالص. أنا جايب الكلام ده من قرآن وأحاديث واللي اتعلمته في الدنيا دي. ثلاث قواعد لبدء العلاقات، وثلاث قواعد لنهاية العلاقات بأحسن ختام، وأحسن بداية. العلاقات موضوع شاقي جدًا جدًا جدًا، وإنك تعمل علاقات مع الناس مش بالسهولة دي. يعني اسمعوا الفكرة دي، أو الجملة دي: أنا مش شاطر، ومش شاطر إن أنا أعرف أقيم قدرات الناس بقوة، وقدراتي إن أنا أختار علاقاتي بدقة مش عالية قوي، لأن الناس مش سهلة. أنت وكيلي، أنا مش هتحرك يا رب في أي علاقة جديدة إلا أتوكل عليك. أنا ما أبدأش علاقات إلا وأنت وكيلي. وصحيح أنا هقول لكم على ثلاث قواعد في البداية وفي الختام من باب الإحسان، من باب إنك تحس، لكن في الآخر أنت وكيلي. فأنا جامع لكم بين الإحسان وبين، وبين التوكل. أنت إزاي تبدأ علاقة من غير ما تتوكل على الله؟ أنت إزاي تدخلي في خطوبة من غير ما تتوكلي على الله؟ يعني إيه أتوكل على؟ يعني كلام باللسان؟ لأ لأ لأ، إحساس عميق، أنت وكيلي، يعني إيه وكيلي؟ يعني أنت سنهدي، يعني أنا، أنا مش قادرة أحكم عليه 100%. إحنا سألنا عليه بس أنا مش هعرف أخوض التجربة دي من غيرك، ما تسيبنيش لوحدي، أنت سنهدي، الناس مش سهلة، ما تتركنيش، أنا مش شاطر قوي، وقدراتي مش عالية قوي، ما تسيبنيش لوحدي. أصعب حاجة في العلاقات مش وسطها، بدايتها وختامها، أصعب منطقتين، عشان كده الآية وقول ربّي ما جابش الوسط. ادخلني مدخل صدق وأخرجني مخرج صدق، وده عايز إحسان، وده عايز إحسان. ادخلني مدخل صدق، إزاي أدخل صح إحسان، وأخرج إزاي أخرج صح إحسان؟ واجعل لي من لدنك سلطانًا نصيرًا، توكل. فكانت الآية جامعة، جامعة بين، بين الاثنين. إزاي أبدأ العلاقات صح، وإزاي أخرج من علاقات صح؟ إزاي أدخل العلاقات صح وأنا مامن نجاحي، مامن نجاح العلاقة إحسان في القواعد وتوكل، وإزاي أخرج من علاقات صح وأنا مخفف جراحّي بإحسان الخروج وتوكل، متوكلة عليك وأنت سنهدي، ما تجرحش جامد. قاعدة النهاردة بتقول: ابدأ علاقاتك مع الناس وأنت مؤمن نجاحك بحسن التوكل على الله، وانّه علاقاتك مع الناس وأنت مخفف جراحك بحسن التوكل على الله. قول ربّي: ادخلني مدخل صدق وأخرجني مخرج صدق واجعل لي من لدنك سلطانًا نصيرًا. دي قاعدة النهاردة، ابدأ علاقاتك مع الناس وأنت مامن نجاحك حسن التوكل على الله، إيه حسن التوكل على الله؟ قواعد فيها إحسان وتوكل. طب ولما آجي أخرج، وانّهِ علاقاتك مع الناس بنفس الطريقة وأنت مخفف جراحك، لأن إنهاء العلاقات بيوجع، وبيجرّح، بحسن التوكل على الله. وإيه القاعدة دي؟ إيه الريفرنس بتاعك؟ قول ربّي: ادخلني مدخل صدق وأخرجني مخرج صدق واجعل لي من لدنك سلطانًا نصيرًا. يلا بقى نحط قواعد الإحسان في بدء العلاقات، جايبة منين القواعد؟ دين، قرآن وسنة، وتعاملاتي في الحياة، تمام، فاهمين الفكرة؟ عايزين نكتب مع بعض ثلاث قواعد لبدء العلاقات، ثلاث قواعد لانهاء العلاقات. الكلام ده بقى موجه لمين؟ أصحاب، موجه لمين؟ جواز، موجه لمين؟ شراكة، موجه، كل ما تيجي تعمل علاقة، تبدأ علاقة، دور على الثلاثة دول، وكل، لا قدر الله، لما تضطر تنهي علاقة، انهيها بالثلاثة دول. الثلاثة دول والثلاثة دول اسمهم إحسان، وطول ما أنت بتتحرك أنت وكيلي ما تسيبنيش. على فكرة التوكل على الله لا يأتي في القرآن إلا مع أذية الناس، علاقات، ولا تطع الكافرين والمنافقين، ودع أذاهم وتوكل على الله، وما لنا إلا أن نتوكل على الله وقد هدانا سبلنا ولنصبرن على ما أذيتمونا. الذين قال لهم الناس إن الناس قد جمعوا لكم فاخشوهم فزادهم إيمانًا وقالوا حسبنا الله ونعم الوكيل. ما يجيش التوكل إلا قبلية كلام، خايف من الناس؟ توكل على الله. آهو بنصوص الآيات. القاعدة الأولى لبدء العلاقات، نبدا الأول بدء العلاقات، القاعدة الأولى بتقول إيه؟ دور على اللي شبهك، جواز، شراكة، أي حاجة، أي حاجة، أي حاجة، أصحاب، دور على شبهك. دور على اللي شبه تربيتة أهلك، دور على اللي شبه قيمك، دور على اللي شبه أخلاقك، دور على شبه دينك، ضل، دور على شبه مستواك الاجتماعي، دور على اللي شبهك من فضلك. دور على اللي شبهك، وما ينفعش تكون بتدور في حتة غلط وتقول ما لقتش اللي شبهي. يعني هو بيدور في نايات كلاب وبيقول ما لاقيتش بنت عاجباني، أنت كده تصني يا عم، أنت بتدور غلط، أنت بتدور في حتة غلط. يعني آه، بس ده موضوع صعب إن أنا ألاقي اللي شبهي، عشان كده محتاج تتوكل على الله. يا رب أنت السنة دي ارزقني، ارزقني زوجة صالحة تسعدني، تكون شباب يا رب، ارزقني، ارزقني اللي يسعدني، وأنت في مخيلتك اللي شبهك. على فكرة إنك تدور على اللي شبهك أحيانًا بيكون محتاج مجهود، يحسن حد يفتكر إن الموضوع سهل، لا الموضوع صعب إن إحنا نلاقي الصحبة اللي جمعتنا في سفراء الإحسان ما كانتش سهلة. لما ببص على علاقتكم ببعض، وعلاقتي بيكم، بقول هو هما ليه، على فكرة برنامج رمضان السنة اللي فاتت ناس كتير بعتت لي، هما إزاي واخدين على بعض كده، وبينهم الود ده كله؟ شبه بعض، مش أنا دايماً بقول لكم كده، أنتو شبه بعض، شبه بعض، كلكم بتحبوا النجاح، كلكم التدين السهل المعتدل، كل، دور على اللي شبهك. علي قاعد جنبي وأنا وإحنا بنقول هنبدأ الحلقة.
قلتُ لحبيبي: أنا عايز علي يبقى حاضر في الحلقة دي جنبي، لأن أنا تعبت وبذلت مجهودًا في القاعدة دي، عشان علي يلاقي لي شبهه عليه وهو صغير. المدرسة فيها ناس كتير صعبة، إحنا دايمًا بنصاحب مين اللي يجي في طريقنا؟ عمرك ما اخترت تصاحب مين؟ دي حاجة غلط فظيعة. وهو في المدرسة كان فيه واحد شبهه قوي اسمه فؤاد، صديق عمره في شباب تانيين، بس فؤاد كان أول ما نتعرف على علي. علي هيتنقل من المدرسة، لأن إحنا رُحنا سُكنا في الشيخ زايد، فالمدرسة لها فرع تاني في الشيخ زايد. فؤاد بقى لسه ساكن في المهندسين، والمدرسة الأولانية في المهندسين، فمش هيتنقل للمدرسة الجديدة، بس هو هينقل السنة الجاية للشيخ زايد. فلقيت نفسي من الجرأة مش عايزة أخلي علي صديق شبهه، لأن عيلته شبه عيلتنا، واخلاقه شبه أخلاقنا. إحنا عيلتين شبه بعض قوي، أخ، يعني ربنا يهديك! ف أنا عملت إيه؟ ما كنتش لسه أعرف والد والد فؤاد اسمه إيه. قابلتُ إهاب، قُلتُ له: أنا والد فلان الفلاني، أنت عملت كده عشان يبقى شبهه؟ اه، محتاجة مجهود، ده إحسان. أنا والد فلان الفلاني، الحقيقة هو اتنقل السنة دي، وأنا عارف إن أنتم هتتنقلوا السنة الجاية. أنا ممكن أوفر عربية تجيب فؤاد كل يوم وترجعه، بس يتنقل مع ابني عشان يفضلوا أصحاب العمر. وهو كان راجل رائع، قال لي من غير ما تعمل حاجة، ما إحنا كده كده هنتنقل السنة دي، خلي الولاد مع بعض. علي وفؤاد خلصوا المدرسة مع بعض، دخلوا الجامعة مع بعض، خلصوا الجامعة مع بعض، بيشتغلوا دلوقتي مع بعض، شبه بعض! بس أنا ما اتكسفتش إن أنا أرفع التليفون على أبو فؤاد وأعمل كده، لأن دور على اللي شبهك، القاعدة الأولى: دور على اللي شبهك. كنت عايز لـ علي وعمر ولادي يبقى في كوميونتي كده، وجو كده يجمعهم، ويبقوا شبه بعض، بس أنا ما أقدرش أقعد في البيت، أنا ما بقعد في البيت أتكلم في الدين، يعني ما بقعد في البيت، أنا الداعية الإسلامي، وأنتم عشان... عشان إحنا أصحاب قوي وعايز أحافظ على الصحبة أنا وهو وعمر أخوه. طب أكلمهم في الدين أمتى؟ ما أنا عايز أتكلم في الدين، يعني قمت عملت مخصوص كامب، بعمله لأولاد عائلات، حتى ما بعلن عنه لأولاد عائلات كتيرة شبه ولادنا، لا شبه العائلات والله العظيم، أنا ما عملت الكامب ده، وبعمله كل سنة بقي 12 سنة، غير عشان أعمل بيئة شبه بعض، يفضل الولاد دول أصحاب مع بعض، والكابم كل سنة لعب وضحك وخروج وفسح، وآدي بقى المحاضرة في الآخر، عشان يعني إيه أتكلم في دي، ونصح، نصلي الصلوات مع بعض، ونصلي لغاية ما علي وأصحابه اللي كانوا لسه صغيرين، بقى هو وفؤاد، بقوا هما الكامب ليدرز، هما اللي ماسكين الكامب. عملت بـ علي وفؤاد، ريحوني في التربية، لأن حواليهم ناس شبههم. أنا بحكي الحكاية دي للآباء والأمهات: ابذل مجهودًا عشان ولادك يلاقوا اللي شبههم.
هو إيه سر حب النبي صلى الله عليه وسلم وسيدنا أبو بكر الصديق؟ شبه بعض! أصل هما أصحاب قبل ما يبقى النبي نبي بـ 15 سنة. أنتم فاكرين إن هما اتعرفوا في البداية؟ لا لا لا لا، دول أصحاب من قبل كده، من وهم شباب، وهم عندهم 25 سنة أصحاب، وفضلت الصداقة لغاية بعد الدعوة، 28 سنة أصحاب! أصل هما اتقابلوا فين؟ كانت قريش فيها ناس ظالمة وبتسرق الناس، فطلع مجموعة ثانية من قريش، ده قبل الإسلام بـ 15 سنة، عملوا حاجة اسمها حلف الفضول، عشان يوقفوا قدام دول، عشان يرجعوا الحقوق لأصحابها. فعبد الله بن جدعان اللي عمل الاجتماع ده، والحلف ده، دعا كل الناس الكبار الطيبين، وما دعاش إلا اثنين من الشباب، يتوسم فيهم الخير، النبي وأبو بكر. ده اتقابلوا في اجتماع، هما شبه بعض، فبقت صحبة العمر، صحبة العمر. ولما راحوا لسيدنا أبو بكر الصديق في رحلة الإسراء والمعراج، قالوا له: الحق صاحبك، صاحبك بيقول كذا كذا كذا، إن بيجي له... سافر القدس والمسجد الأقصى، وبعدين طلع السماء، قال لهم: إني أصدقه في أبعد من ذلك، إني أصدقه إن الوحي يأتيه من السماء. يعني إيه الصعب في إنك تعرفه كويس؟ فلما يبقى شبهك يبقى سندك ويبقى في ضهرك. ولما عمر بن الخطاب زعل سيدنا أبو بكر الصديق، سيدنا أبو بكر الصديق راح يشتكي للنبي، فالنبي احمر وجهه وقال: يا عمر، صدقوني حين كذبتموني، وواساني حين منعتموني، وآمن بي حين كفرتم بي، فهل أنتم تاركون لي صاحبي يا عمر؟ ما حدش يقرب من صاحبي، وقال: صاحبي، دور على شبهك، هاك يحميك. ده اللي دور على شبهك في الصحبة، ودور على اللي شبهك في الجواز. اسمعي النصيحة القرآنية الجميلة: الطيبون للطيبات، والطيبات للطيبين. يعني إيه؟ الناس فهمها غلط، إن لازم الطيبة تتجوز طيب، لا! طب ما إحنا بنشوف الحياة. طيب دي نصيحة كان ربنا بيقول لك: يا بنتي أنت طيبة، دوري على طيب تتجوزيه، هو ده معناها. يا ابني أنت ولد طيب، ليه واخد واحدة خبيثة؟ دي مش شبهك، دي مش توبك. الطيبات للطيبين أيها الطيبون ابحثوا عن الطيبات، والطيبات للطيبين أيها الطيبات ابحثوا على الطيبين. الله! شوف النبي يقول لك إيه: إذا جاءكم من ترضون دينه وخلقه فزوجوه. ما قالش دينه بس، عشان ممكن تقولي متدين وخلقه فزوجوه، بس قال لك ترضون، يعني إيه ترضون؟ شبهك يا سلام يا رسول الله على كلمة ترضون دي، خطيرة! ليه؟ أعرف واحد ومراته وهم بيطلقوا، فهو بيقول لها: تعالي نكمل، ما فيش داعي نطلق، ده إحنا شبه بعض في حاجات كتير. قالت له: زي إيه؟ قال لها: إحنا متدينين زي بعض. قالت له: لا مش صحيح، أنا تديني غير تدينك، أنت متشدد. طردونا... في صحابي اسمه سيدنا مرثد بن أبي المرثد، صحابي كده جدع من الشباب الجامدين، ده بعد هجرة الصحابة من مكة للمدينة، كان شغلته ياخد الناس الضعفاء اللي في مكة اللي مش قادرين يهاجروا، ياخدهم على كتفه ويديهم المدينة. فكان موعد واحد، طبعًا من غير ما قريش تعرف كده، في ظل القمر بره مكة شوية، قال له: تقابلني في الحتة الفلانية عشان آخدك أوديك المدينة. فهو واخد الراجل، ورايح، وفيه واحدة ست مش كويسة، سيئة السمعة اسمها عناق، اسمها كده، شافته فقالت هي معجبة بيه، فقالت: يا مرثد تعال اجلس معي قليلاً. فطبعًا قال لها: لا. قالت: يا مرثد أو أدل قريش على ما تفعل؟ قال: لا. قالت: فإذا عدت فاتني. خد الراجل وداه المدينة، وبعدين، أم رايح للنبي، قال: يا رسول الله أتزوج عناق؟ فتركه النبي ولم يرد عليه. فقال: يا رسول الله أتزوج عناق؟ فنزل الآية: الطيبون للطيبات، والطيبات للطيبين، والخبيثون للخبيثات، والخبيثات للخبيثين. مش شبهك، مش توبك يا مرثد! إيه رأيكم؟ آدي أول قاعدة حلوة الفكرة. ممكن لو سمحت تدور على شبهك في الحياة. احمدوا ربنا إن أنتم لقيتوا ناس شبهكم، الحمد لله كتير طيب. مش لاقي؟ يا رب توكلت عليك، يا رب توكلت عليك، يا رب ارزقني بالناس اللي شبهي. دي القاعدة الأولى. طيب، القاعدة الثانية: اوعى تصاحب شخصية مسمومة! إيه يعني إيه شخصية مسمومة؟ زي مين؟ في ناس بتضحك لبعضها، أوعى! مشكلة إن ذكرى وعص... يعني إيه؟ يعني تقصد إيه؟ حب الشخصيات المسمومة زي مين؟ الشخصية المتكبرة، المتغطرسة، الشخصية النرجسية، الأنانيّة، الشخصية القاسية، شديدة القسوة. بس كل حاجة بكلمة شديدة عشان ما حدش يقول ده فيه حتة. شخصية شديدة القسوة، الشخصية المجاهرة بالمعصية، هو أنا مجاهر مش بيعصي، مجاهر بالمعصية، أفتخر [موسيقى] بالمعصية، الشخصية الغامضة، أوعى، أوعى تقرب من شخصية مسمومة، غامض ما إنتش فاهم له حاجة، مين ده؟ الشخصية الحادة الانفعالات، يحبك قوي قوي قوي، ويكرهك قوي قوي قوي! يا عم ده هيجيب لي مرض نفسي ده! إياك والشخصية. طب، واتجنب إزاي الشخصيات المسمومة؟ أنت محتاج تتوكل على الله، أنت محتاج ت... تكتر من التوكل على الله. القاعدة الأولى من قواعد بدء العلاقات: واحد، دور على شبهك، اثنين، تجنب الشخصيات المسمومة، ثلاثة، التقارب التدريجي. إيه الاندفاع ده؟ هي بتعيط، بتعيطي ليه؟ أصل أنا بحبه جدًا ومش نافع الجوازة، تعرفيه بقى قد إيه؟ بقالي أسبوعين! بتقولي إيه؟ التقارب التدريجي، في فيلم في... في ناشونال جيوغرافيك لازم تتفرجوا عليه، هو بيتكلم على النوافد، عارفين النوافد اللي مليانة شوك دي؟ لما بيجي الشتا ويبقى برد قوي، يتدفوا إزاي؟ لازم يقربوا من بعض ويلزقوا ببعض، بس هما عشان يلزقوا بعض ومليانين شوك يعوروا بعض، فيجيب لك الفيلم وهم بيقربوا كأنه سلو موشن، إزاي يدخلوا الشوك في بعض من غير ما يجرحوا بعض! الله على التقارب التدريجي! الله على واحدة واحدة واحدة واحدة! يا عم تندفع وبعدين يطلع شخصية مسمومة! إيه اللي اندفاع ده؟ وأحيانًا في شباب يبقى عنده كده كورستي إن هو عايز يضغط على البنت ويبتزها عاطفيًا، إنها تقول له كل كلام الحلب وتعمل... أوعى تستجيبي لده، ده شخصية... ده شخصية مخيفة! واحدة واحدة. طب، يعني التقارب التدريجي ده إن أنا مثلًا في جوازة أبقى بارد قوي في فترة الخطوبة؟ لا، أنا ما قُلتش كده، بس تعال نشوف إيه المشترك بينا، إيه الحاجات الحلوة اللي بينا، برده هي لطيفة وكل حاجة، بس إيه تقارب تدريجي، تقارب تدريجي. بنحب إيه وبنكره إيه؟ أحيانًا الناس بتخاف تقول هي بتحب إيه وبتكره إيه، وده ضعف شخصية. ده النبي في كتاب قد كده اسمه الشفا، الشفاء في حقوق المصطفى، بيحب إيه وبيكره إيه، كتاب قد كده أهو، بس مش تجيب الولد بقى وهو لسه جاي يتجوز تقول له: امسك، بحب إيه وبكره إيه، روح ذاكر! لا يا عم واحدة واحدة واحدة، حتى دي قرب تدريجي. ثلاث قواعد عشان تتقارب تدريجيًا: محتاج تتوكل على الله علشان تتجنب الشخصيات المسمومة، محتاج تتوكل على الله علشان تلاقي اللي شبهك، محتاج توكل على الله. والثلاث خطوات دول اسمهم إحسان. ابدأ علاقاتك مع الناس بحسن التوكل على الله، يضمن نجاحك. طب، وانهي علاقاتك مع الناس؟ لثلاث حاجات. القاعدة الأولى: لا تضحي بالعلاقات الحلوة بسهولة! مش بسهولة تسيب، مش بسهولة، أصل قال لي الكلمة الفلانية خلاص كل واحد في طريقه، أصل عمل الغلطة الفلانية خلاص، ما تضحي بالعلاقات، ما تنهي العلاقات بالسهولة دي! امسك! يقول عمر بن الخطاب: إذا وجد أحدكم من أخيه ودًا فليتمسك به، فقلما يجد ذلك. الصحبة الحلوة مش كتير! ده عمر بن الخطاب بيقول في زمانه، الصحبة الحلوة مش كتير، فلو لقيت غلطة امسك! يقول الإمام الشافعي: الحر من راعى ودّ لحظة، أو انتَمى لمن أفادته لفظه. حلوة، الحر من راعى ودّ لحظة، لحظة ودّ، أو انتَمى لمن أفادته لفظه. يقول النبي صلى الله عليه وسلم: حسن العهد من الإيمان. لو فيه ناس بينها عهود حلوة حافظوا عليها، ده في الصداقة، طب وفي الجواز، وفي الخطوبة، وفيه وفيه وفيه. ما تضحي بحبك بسهولة! هو نفسه يتجوزها وأهلها رافضين، خلاص لا! دافع عن حبك، دافع عن حبك، ومش بسهولة كده تسيب الحب، على حلوة عجبتك، دافع! لا بس ما تدفعش قدامي، ما تجيش مع... عمومًا يعني كلام حلو. دافع عن حبك، حقك حقك، وهي من حقها، والبنت مش بتكلم للولد بس، وهي من حقها بس بأدب. لا يا بابا أنا عايزة أتجوزه، أنا... أنا حاسة بـ... أنا... دي حياتي، أنا مبسوطة. دافع عن حبك بأدب وتمسك، بس في الآخر هتحط سقف، لكن دافع عن حبك. هو فيه أكثر يا جماعة من النبي صلى الله عليه وسلم هو اللي بيساعدك إنك تدافع عن حبك. يا رسول الله، بنتي متقدم لها اثنين، واحد موسر مع فلوس، والتاني معسر، كحيان، محلوش حاجة. قال: والفتى من تهوى يا رسول الله، مع إن هو البنت ما جتش لك، قال: المعسر يا رسول الله. قال: لا أرى للمتحابين إلا الزواج، اللي حبوا بعض. اللهم صل وسلم وبارك عليه. دافع عن حقك، ما تضحي بالعلاقات الحلوة بسهولة، ما تضحي بصديق لإنه عمل غلطة بسهولة، سامح، عدي، مش بالبساطة دي نضحي بالعلاقات الحلوة. النبي صلى الله عليه وسلم يلاقي مغيث وبريرة، هو عبد وهي أمة، وهي بريرة أمة عند السيدة عائشة. السيدة عائشة اتحررت وهو لسه ما اتحررش، عبد من حق الأمة لو اتحررت إنها تطلق، عايز يطلق، هو بيحبها، فهي بتطوف الكعبة، فرحانة إنها بقت حرة، ويا عيني بيطوف حواليها بي... ما تضحي بالعلاقات الحلوة بسهولة، والنبي قاعد، والعباس عمه النبي قاعد جنبه، فقال العباس: أترى ما أرى يا رسول الله؟ قال: نعم، ما رأيت أحد يحب أحد كحب مغيث لبريرة، ما رأيت أحد يبغض أحد كبغض لمغيث. الستات ساعات بيبقوا صعبين. قال: يا رسول الله فما تفعل؟ قال: أكلمها، رسول الله، يعني أنت تهتم بحاجة زي كده؟ فقال: يا بريرة ألا ترين ما بمغيث؟ قالت: أتامروني يا رسول الله؟ قال: لا إنما أنا شافع. قالت: لا حاجة لي به يا رسول الله، ما يلزمنيش. قال: أنتِ وما تريدين. دي القاعدة الأولى: مش ببساطة نضحي بالحاجات الحلوة في حياتنا يا جماعة. القاعدة الثانية: لا توجد نهاية تحدث فجأة، راقب المقدمات. قاعدة رهيبة! ما فيش حاجة بتحصل فجأة. ابني شرب مخدرات فجأة؟ مش صحيح! أنت اللي ما كنتش شايف المقدمات، أنت... أنت اللي ما كنتش شايف... لا لا لا. ربنا خلق الكون ما فيش حاجة بتحصل فجأة. جوزي اتجوز علي فجأة؟ مش صحيح! جوزي طلقني فجأة؟ مش صحيح! مش صحيح! فيه مقدمات أنت ما كنتيش شايفاها، ما تقولش فجأة! فيه مقدمات. التوكل بيعمل إيه؟ يفتح عينيك، ربنا ينور لك، يوريك. راقب المقدمات. لما تلاقي المراة بتعاتب كتير، اعرف إنها باقية على العشرة، ما تزعلش، كلام للرجالة، طول ما هي بتعاتب باقية، أنت... أنت عارف تخاف من المراة أمتى؟ [موسيقى] سكتت، لو سكتت معناها إنها فقدت الأمل، معناها إنها هتمشي. ده أنت مش تخاف لما هي تعاتب، ده أنت تخاف لما هي توقف العتاب. راقب المقدمات يا عايز توكل! القاعدة الثالثة والأخيرة: انهي علاقاتك بحسن خلق. هو لازم ننهي بخناق؟ هي لازم تنتهي بخناقة؟ هو إحنا... هو إحنا لو ما شتمنا بعض إحنا بنطلق نبقى... نبقى مش طبيعيين! هو إحنا لو ما جرحنا في بعض نبقى... يعني تضحي بذكريات 20 سنة؟ يا أخي ده أنت بتعاقب نفسك كده، ده... ده أنت بتعمل عقوبات لذاتك! يا عم دول كانوا ذكريات 20 سنة، ليه بترميها؟ ليه بتعمل كده يا أخي؟ اخرج بحسن فنّ إنهاء العلاقات، حسن الخلق! خليه يندم إنه سابك بحسن خلقك، مش بخناقك! ده أنت كده بتساعدي الشيطان عليه! خليه يندم إنه مش هيلاقي زيك، خليه يندم إن هو مش هيلاقي زي ابتسامتك، خليها تندم إنها مش هتلاقي حد في أخلاقك وطيبتك. أنت كده بتعاقب أكتر! لو عايز تعاقب، بص سيدنا موسى والخضر اختلفوا ثلاث مرات، وقال: هذا فراق بيني وبينك، بس فضلت العلاقة حلوة، فضلنا بنحكيها لغاية النهاردة! هو هو لازم... هو لازم بخناق؟ وبعدين وأنتم بتطلقوا، هو أنتم... أنتم بتأذوا ولادكم مرتين، مرة لما أطلقتوا، مرة لما اتخانقتوا. هو أنتم بتعاقبوا مين؟ ليه بتعملوا كده؟ وت... ما تعرفش تاني حلوة النهاية والخروج، ما تعرفش تقفل حلو الكلام ده في الصداقة. طب يا عم إحنا خلاص نهاية الطريق، نسلم على بعض، لا إن شاء الله مش أنا وأنت يعني، نسلم على بعض وربنا يوفقك. ليه؟ ليه ما بنعملش كده؟ نص الآية: رب المشرق والمغرب لا إله إلا هو فاتخذه وكيلاً، واصبر على ما يقولون، بعد التوكل، واهجرهم هجرًا جميلاً. هو لازم هجر بصراع؟ ما تعرفش... ما تعرفش تقلد الآية: واهجرهم هجرًا جميلًا. ممكن تهجر بجمال! ليه ما تنفذش الآية؟ الطلاق مرتان، فإمساك بمعروف أو تسريح بإحسان، بإحسان. طب، وإزاي أقدر أوصل لدي؟ ما هو التوكل يوديك للهجر الجميل، يا تعرف تفارق بإحسان، تعرفي تفارقي بجمال، واهجرهم هجرًا جميلًا. ليه ما تجربش الطريقة الثانية؟ أحلى بكثير! ثلاث قواعد لبدء العلاقات، وثلاث قواعد لنهاية العلاقات، دول إحسان البداية، ودول إحسان النهاية، وكلهم متغلّفين بالتوكل. تعالوا نراجع كده قواعد بداية العلاقات، ها مين فاكر أول واحدة؟ دور على اللي شبهك، اثنين، ابعد عن الشخصيات السامة، ثلاثة، التقارب التدريجي، واحدة واحدة. طيب، وثلاث حاجات في إنهاء العلاقات: واحد، ما تضحي بالعلاقات الحلوة بسهولة، اثنين، راقب المقدمات، ما فيش حاجة بتحصل فجأة، ثلاثة، حسن... حسن الخلق.
في الختام، حلقة النهاردة آخر حلقة في التوكل، منزل التوكل، وحلقة النهاردة فيها فكرة جديدة، وفكرة بترد على سؤال دايمًا شباب كتير بيقولوه: أنا تعبان، أنا مش نافع، أنا زهقت! عارفين الأسطوانة دي؟ أنا زهقت، أنا ما فيش فيا فايدة، أنا فشلت، أنا اتخنقت، أنا حياتي كلها... من السلكة، حد عنده مصطلحات... مصطلحات أخرى؟ خلاص، أنا فقدت الأمل، أنا... أنا... منزنوق دي كلمة قليلة، يعني المشكلة لما يكون حد مغربي مش فاهم مصري! أنا انتهيت، أنا انتهيت! كل الكلام ده كلام عبيط، يعني إيه بس له كلام علمي؟ إيه هو الكلام العلمي؟ هناك تحديات وهناك إمكانيات، والحياة كلها عبارة عن تحديات قدام إمكانيات، حياتك عبارة عن تحديات وإمكانيات، ودائمًا خلق الله الدنيا إن التحديات أعلى من الإمكانيات! يا ده الكلام العلمي بقى! كل اللي فات ده كلام إيه؟ أنا آسف، يعني كلام الناس قاعدة على مصطبة، كلام ما لوش معنى أهو، تفريغ كلام وخلاص، لكن حقيقة الموضوع إيه؟ تحديات وإمكانيات. طب، وربنا خلق حياتك أنت شخصيًا إيه؟ وحياتك أنت شخصيًا إيه؟ تحديات وإمكانيات، وكل البشر كده، وكل الأمم كده، تحدياته يعني على مستوى البشر، وعلى الأشخاص، وعلى مستوى العيلة، وعلى مستوى الأمة، على مستوى الشركات، تحديات وإمكانيات، وكيف تواجه التحديات باستخدام إمكانياتك، بس دائمًا خلق الله الحياة إن التحديات أعلى من الإمكانيات، بس خلي بالكم ده من حكمه ورحمة ربنا في الحياة، إن التحديات ضرورة للحياة، ثم إنها تكون أعلى من الإمكانيات. إزاي؟ فين؟ ليه؟ أولًا عشان طريقة تفكيرك، بدل ما تقول: أنا مش نافع، أنا... يا ابني التحديات ضرورية! افهم عن الله ليه التحديات ضرورية. قصص الحياة الكبيرة لا تُكتب إلا بالتحديات، هو فيه قصة لها معنى من غير تحديات؟ يعني إيه؟ عايز تقول إيه؟ إيه قيمة قصة سيدنا يوسف لو أُترمى في البر ولقوه بعد أسبوع؟ فيه قصة سيدنا موسى ده، ولقوه، خلص الموضوع. إيه قصة سيدنا موسى العظيم، كليم الله بسبب مواقفه؟ لو راح لفرعون، فرعون قال: والله معاك حق يا موسى، أشهد أن لا إله إلا الله وإنك رسول الله، ما فيش حدوته! لو ما فيش تحدي ما فيش حدوته. إيه قيمة القصة العظيمة، سيرة النبي صلى الله عليه وسلم، لو راح لأبي جهل وقال له: يا محمد، يا قريش، نشهد أن لا إله إلا الله وإن محمدًا رسول الله؟ فيه 23 سنة كفاح وتحديات، كنا هنلاقي حاجة نحكيها في سيرة النبي؟ كنا هنلاقي حاجة نقلدها؟ كنا هنلاقي حاجة نستفيد منها؟ بدون تحديات ما فيش معنى للحياة، بدون تحديات الإمكانيات تبقى صفر، صح ولا لا؟ لا، ده بدون تحديات تفقد طعم الحياة وطعم الوجود. فيه ملياردير يوناني، جريك، مات بس فلوس خرافية، فلما جه يموت ساب لبنته يعني ثروة خرافية، يعني إيه؟ يعني ساب لها ثلاث جزر في اليونان بتوعها، يعني هي... هي صاحبة الجزيرة بالبيوت اللي على الجزيرة. حبيبة بتقول: يا بختها! بس قالتها يعني أنا سمعتها بالعافية، بالمطاعم، الجزيرة، جزيرة، جزيرة، الجزيرة بتاعتها لها... بيقولوا حوالي 15 بوت، تبدل في البوتات، ح... ح... قص... قص... سبلها أسطول طيارات! تصدقوا البنت انتحرت! طبعًا عارفين انتحرت، وهي بتنتحر قبل ما تنتحر قالت إيه؟ قالت: لم يترك لي أبي حلم واحد أحلم به، أنا عندي كل حاجة ما عنديش حلم أحلم بيه! أنت فاكر إن... يا بختها! أنت مش فاهم حاجة، دي بتتعذب ليه؟ لعدم وجود التحديات، لو اختفت التحديات الحياة تبقى لا تطاق، على فكرة، وأنا بعمل الدكتوراه اتعلمت حاجة أساسية، أول صفحة في رسالة الدكتوراه: What is the problem? فين المشكلة؟ يعني لو ما فيش مشكلة ما فيش رسالة دكتوراه أصلًا، أي بحث علمي يبدأ بإيه؟ أين المشكلة؟ من غير تحديات ما فيش حياة! كتاب السيناريو، عارفين الحكاية دي؟ لو أنت عملت رواية يقول لك: فين العقدة؟ من غير العقدة رواية فاشلة لا تصلح! التحديات ضرورية للحياة، ده كده... ده كده المنطلق الأولاني. لا، لسه بقى الحتة التانية، لا خلي بالكم بسبب... بسبب اللي أنا بقوله ده، سمح الله بوجود الشيطان. الله... لا يسمح... الله لا يأمر بالشر، قل إن الله لا يأمر بالفحشاء، ولكن سمح بوجوده، لأن التحدي ده مفيد للإنسان، لأن الإنسان محتاج التحدي ده في حياته. هو قال له: إن كيد الشيطان كان ضعيفًا، أنت تقدر على التحدي ده. طيب، دي... ده كده الجزئية الأولانية، طب الجزئية الثانية، ولازم التحدي يبقى أعلى شوية من إمكانياتك، وده مفيد ليك. عارفين لعبة البلاي ستيشن؟ أهلاً وسهلاً سيد علي، لعبة البلاي ستيشن وفيفا والحاجات دي، أنت لسه مبتدئ، يديك مستوى أعلى سنة مش أعلى كتير، بس علشان تحس إن فيه موضوع، ها بدأت تلعب، بدأت تكسب، عارف لو فضلت على نفس الليفل تملي وتسيب اللعبة، لازم يعلي لك، وأنت مش هتتعلم، يعني أنت هتيجي تلاعب واحد أحسن منك مش هتتعلم، بالضبط، يقوم معلي لك الليفل، تقوم إمكانياتك تعلى، يقوم معلي لك الليفل، فتفضل ماشي ماسك في اللعبة مش راضي تسيبها سنين! لعبة البلاي ستيشن كده! ألمانيا عندهم حاجة رهيبة جدًا للهندسة الصناعية، عملوا... رهيب جدًا جدًا جدًا، البحث بيقول إيه؟ بيقول لك: كلفوا العمال بتحدي قليل، كويس، فإذا بإمكانيات العمال أقل في العطاء من قيمة التحدي، ق... مخلين التحدي ضعف، فضعفت إمكانيات العمال أربعة أضعاف! يعني هما خلوها تضعف، قامت التانية أربعة، قاموا مخلين التحدي ستة، بقت إمكانيات... كل ما تعلي التحدي الإمكانيات تعلى. أنا ابني عمر بيلعب فروسية، نط... ينط بالحصان، وهو في التمرين بيدرب على إن هو ينط متر و20، ما شاء الله، وينط... أروح أتفرج في التمرين، إيه ده! ما بيوقعش الحواجز، ما بيوقعش، يدخل البطولات، في البطولات لسه لم يسمح له في الرانك بتاعه إن هو ينط متر و20، فبي... خوه ينط على 80، الحصان يوقع الحواجز! رحت للكابتن، قلت له: يا كابتن إزاي في التمرين ينط 120؟ قال لي: الحصان مش عاجبه التحدي، الحصان ما بيبذل مجهود كفاية لإنه مستهون بالتحدي، الحاجز أقل من إمكانات الحصان. قلت له: أنت... أنت بتصدّق؟ قال لي: والله العظيم الحصان... قال لي: شوف، لما مستوى عمر يعلى، لما مستوى عمر بقى يسمح له إن هو ينط متر و20 في البطولات زي التمرين، الحصان ما شاء الله، عمر بيطلع... بيطلع، يعني بياخد جوايز! عمر ما شاء الله، قوة إلا بالله! لما يعلى التحدي! عايز أقول إيه؟ عايز أقول في الآخر إن الإنسان محتاج تحدي عشان يطلع اللي جواه. لقد خلقنا الإنسان في كبد، يعني إيه كبد؟ الناس اللي مش فاهمة تقول لك: يعني في شقاء! لا، ده مش تفسيرها! أومال فيه إيه؟ في مشقة محفزة! لما تفتح... لما تفتح كلمة كبد في المعجم بدقة، تحدي محفز، تحدي خلاق! شوف الكلمة، ويبدو إن من نفس الكلمة في جسم الإنسان جت كلمة الكبد، مشتقة من نفس الجذر! يعني إيه الكبد؟ ما هو الكبد شغلته يمتص السموم ويتحداها ويحولها لمواد مفيدة! أنت مخلوق كده يا عم، أنت خلقتك كده! يبقى الناس اللي زعلانة من التحديات، والله العظيم أنت مش فاهم حاجة! يا عم دي هي حلاوتها، حتة كده، حلاوتها إن فيها تحدي، وحلاوتها إن التحدي يبقى أكبر من إمكانياتك. طب، يعني إيه؟ يعني خلاص أقعد أَتخبط في الحيط بقى؟ الحل إيه؟ اه، جينا للحل: مجهود، ادامه المجهود، علي إمكانياتي! يعني بدل ما أنت طريقة تفكيرك غلط، عايز أنزل التحدي، طب ما تعمل العكس! عايز أطلع إمكانياتي، فاهمين الفكرة؟ يعني بدل ما تنزل ده، طب ما طلع ده! يعني أنت دائمًا بتختار السهل! السهل إيه؟ أنا متضايق من التحدي، طب ما تيجي نعمل حاجة ثانية، أنا هعلي الإمكانيات! يلا بقى علي الإمكانيات، علي الإمكانيات، علي الإمكانيات كمان! ها، كمان، كمان، كمان! يلا، اصبر، اصبر، إحسان أهو، ده الإحسان جاي هنا! يلا، كمان، كمان، كمان! بس مش هتقدر لوحدك! يعني إيه مش هقدر لوحدي؟ عشان الإنسان، زي نرجع لعلم النفس الإيجابي، مارتن سليجمان بيقول لك: الإنسان كائن اعتمادي، لا يستطيع أن يعيش وحده في مواجهة التحديات، يحتاج سند! أنت محتاج ربنا، أنت محتاج سند من الله سبحانه وتعالى. وبعدين مارتن سليجمان يقول لك: واعلم أن كل سنة ثانوي لا يشبعك أبوك وأمك، سنة ثانوي! لأن هما هيتعبوا، أو هيعيوا، أو... يعني الأعمار بيد الله، أنا سنة ثانوي، وأنت سنة ثانوي، وهي سنة ثانوي، والمدير سنة، كل ده سنة ثانوي! ده كلام علم نفس! أنت محتاج سند أقوى، تقوله! يعني إيه سند أقوى؟ يقول لك: محتاج سند روحي جاي من المعتقد، الوكيل سبحانه وتعالى! أنت متعود إن واحد + واحد يساوي اثنين، لكن واحد + توكل يساوي 100! لأن أنت دخلت في المعادلة ربنا، ربنا مالك الملك، الخالق العظيم الذي سمح بوجود التحديات، الذي خلق الكون بهذا الميكانيزم! يا عم أنت رحت للي عنده الموضوع كله! أنت ما رحتش... عشان كده ربنا يقول لك في القرآن: وتوكل على الحي الذي لا يموت! ليه الحي الذي لا يموت تتوكل عليه؟ تتوكل على الأموات؟ ما هما هيموتوا! دول سنة ثانوي! شوف كلام مارتن سليجمان وشوف الفكرة عندنا، أنت كائن اعتمادي! مش معنى إن أنت هتضم المحاولات، أقع، تفتكر إنه بدراعك، فيه كلمة جميلة جدًا...
بتقول لك سوابق الهمم، الناس اللي همتهم عالية لا تخرق أسوار القدر. مش معنى أن همتك أنك تتكسر سور القدر، روح للي عنده القدر، فاهمين؟ النبي صلى الله عليه وسلم، همه أعلى من النبي صلى الله عليه وسلم، ١٣ سنة في مكة، ما فيش إلا ١٠٠ واحد. سوابق الهمم، الهمم السبقة لا تخرق صور القدر، أو ده فهم عن الله. أنت محتاج الوكيل، أنت محتاج تتوكّل على الله، أنت محتاجة تتوكّلي على الله يا وليد، أنت محتاج تتوكّل على الله يا ياسمين، أنت محتاجة تتوكّلي على الله يا كنده، يا عاصم أنت محتاج تتوكّل على الله. أنت من غير التوكل على الله، أنت مفتقد السند.
بصّ، القاعدة بتاعة النهاردة جميلة جدًا، بتقول إيه القاعدة؟ خلينا نقولها الأول: ستظل تحدياتك تعلو على إمكانياتك حتى تديم محاولات الإحسان والتوكل على الله، عندها سيرفع الله إمكانياتك أضعاف مضاعفة حتى تنتصر على التحديات، يبدأ تحدي جديد، عشان الدنيا كده والله. ده فهم عن الله. طيب، خليني أضرب لكم أمثلة. أول مثل عايز أضربه على نفسي أنا، كان عندي تحدي رهيب في حياتي، الداعية عمره قصير، هكذا الحياة كده، لأنه لأنه لأنه في الآخر هتجيب منين كويس؟ طب أنت بقى كام سنة بتعمل برنامج رمضان؟ ما شاء الله، لا قوة إلا بالله، اللهم لك الحمد، اللهم دمها نعمة، من سنة ٢٠٠٠ لغاية ٢٠٢٤، أنا بعمل رمضان ٢٤ سنة، إزاي أنا مش عارف إزاي، بس أنا عايز أقول لكم أمام هذا التحدي الصعب، وأنا أول مرة أقولها، هو أنت بتحضّر إزاي برنامج رمضان؟ يبدأ الموضوع إن أنا أقعد مع نفسي شهر، عمال أطلع أفكار، فكرة فكرة، سطر سطر سطر، وبعدين أقوم آخد الأفكار دي وأكتبها في الكراسة دي، الكراسة دي مليانة حاجات شخبطة، دي دي كراص الشخبطة أهي، شخبطة أهي أهي شخبطة شخبطة، حتى ساعات شخبطة ده عليا اللي أعملها؟ لا أنا اللي بعملها والله العظيم. طب إيه كراسة الشخبطة دي؟ ده التحضير الأولي، كويس؟ أقوم آخد الكراسة دي وأروح أدي دروس للناس في مصر، في في لقاءات زوم، ساعات زوم مع المغرب، ساعات مع سفراء الإحسان، معاكم وأعمل معاكم زوم، بتدرب عليها أول بأول، أول ما يخلص الدرس أو لقاء الزوم، أقوم آخد الكراسة دي وأعدّل فيها وأعدّل فيها، وأروح أدي الدرس مرة كمان، ده الحلقة حلقة الحلقة حلقة. يعني بتعمل كل حلقة كام مرة؟ لثلاث مرات، أبدأ أبدأ أكون بدأت أحفظها، أقوم سايب الكراسة دي خلاص بقى أنا عدّتها ثلاث مرات، وأقوم محوّل الكلام ده لدول، إيه دول؟ دول الحلقات، إيه ده؟ ده أكتبوا بقى، آه ده ده اتغيروا بقى وتكتبوا، أي ف، ومعايا فريق، ومعايا الدكتور حمدي حماد الله يرضى عنه يقعد يساعدني في الحكاية دي، دي بقى تتعدّل مرتين ثلاثة، إيه ده؟ يعني الأول الكراسة دي إيه ده؟ كل حلقة من ال٣٠، آه بقى لك ٢٠ سنة كده، آه تديم حتى تديم، عمال أرفع الإمكانيات، يعني أنا مش شاطر قوي ولا ذكي قوي ولا جامد قوي، أمال أنا إيه؟ لا يا دكتور أنت دكتور يا حبيبي، على بدن المحاولات، فكرة ت، أنا أنا والله يا جماعة بعلمكم إزاي ترفع الإمكانيات. عارفين في ألعاب القوة إزاي بيرفع البار ويقول له كل شوية هنعلي علشان علشان هنطول مسافة القفز، هنطول المسافة السباحة، عايزك تجيب وهكذا، نفس اللي أنا بعمله، الأول دي وأعملها ثلاث مرات، وبعدين دي وأعدلها ثلاث مرات، خلصنا كده، وبعدين أقوم محوّلها للقاعدة: ستظل تحدياتك تعلو على إمكانياتك حتى تديم محاولات الإحسان والتوكل على الله، عندها سيرفع الله إمكانياتك أضعاف مضاعفة حتى تنتصر على التحديات وتبدأ تحدي جديد، يا والله العظيم يا أد هي قصة الحياة كده أهو، الكلمتين دول والله يتعاش بيهم، ده اللي أنا عايز أقوله لكم. لا يمكن لا يمكن تصر على مواجهة التحدي وتبذل اللي عندك إلا لازم ربنا يعليك.
بصّ القصة دي، قصة سيدنا يونس، هو إيه قصة سيدنا يونس وإيه موضوع بطن الحوت وإيه إيه الحدوته كلها؟ هو سيدنا يونس كان في بلد اسمها نينوى، نينوى دي عاصمة العالم القديم، تعدادها حوالي ٥٠٠,٠٠٠ نسمة، بس بلد مليانة مصايب، يعني عايز خرافات، مليانة خرافات وجن وعفاريت وتشاؤم، عايز أصنام، عايز عبادة آلهة، عايز ظلم، عايز ظلم اجتماعي، عايز زنا، عايز شرب خمر، عايز إيه؟ عايز كل أنواع الفساد، عايز كل أنواع الحرام، كله موجود، وسيدنا يونس لوحده حسبها لأنه مش قد التحدي، وشال من المعادلة فكرة التوكل وقرّر إنه يمشي، فكان الجزاء إنه لما ركب المركب، أنتم مش فاهمين هو أترمى ليه؟ لأن في المركب كان فيه خرافة، مش مسألة إن الوزن تقيل، يعني إيه الوزن تقيل هنرمي واحد؟ سفينة كبيرة، أمال خرافة إيه؟ إن لو حصل حاجة يتشاءم منها القبطان نرمي واحد في البحر، يا يونس ما هربت منه، سيواجه كـ التحدي اللي أنت هربت منه، اللي هو الخرافات، ما كانش الحل إنك تهرب من التحدي، التحدي جالك لغاية عندك، واترمى في البحر، فلما دخل بطن الحوت عرف إنه حسبها غلط، فنادي في الظلمات: قُلْ لا إِلَهَ إِلا أَنْتَ سُبْحَانَكَ إِنِّي كُنْتُ مِنَ الظَّالِمِينَ. ظالمين ليه؟ هو ما عملش ذنب، هو ما شافش إن معاه سند أقوى بكثير من قدراته، كانت النتيجة إيه؟ طلع من بطن الحوت، مش كده بس، إيه اللي حصل بعديها؟ وَأَرْسَلْنَاهُ إِلَى مِائَةِ أَلْفٍ أَوْ يَزِيدُونَ فَآمَنُوا. إيه ده؟ ده كانوا ٥٠,٠٠٠ الثانيين، بعتنا للاكت، لكن هو المرة دي مش رايح لوحده. سورة يونس أول آية فيها إيه؟ أَكَانَ لِلنَّاسِ عَجَبًا أَنْ أَوْحَيْنَا إِلَى رَجُلٍ مِنْهُمْ، أنتم مستعجب إن واحد بس يواجه التحدي كله، رجل واحد، واسمها سورة يونس، لما دخل ربنا في المعادلة وقرّر يواجه التحدي، وَأَرْسَلْنَاهُ إِلَى مِائَةِ أَلْفٍ أَوْ يَزِيدُونَ فَآمَنُوا. عندي فكرة في التوكل رهيبة جدًا جدًا جدًا، لو واجهك تحدي وأنت مش مش قادر تواجهه وخايف منه ومش عارف تتعامل معاه، اسأل نفسك السؤال: دون ولو ما فيش حد واقف معايا وأنا لازم أواجه التحدي ده، ربنا يكفيني ولا ما يكفيني؟ بس سؤال سؤال سؤال، ممكن تسأل نفسك السؤال ده، أنت قدام تحدي لازم تواجهه وما فيش حد سند معاك، والناس مش واقفة معاك، ما فيش حد واقف معاك، اسأل نفسك سؤال واحد: هو ربنا كفاية ولا ما يكفينيش؟ لو ربنا كفاية، آه، ها رد على السؤال، كفاية ولا مش كفاية؟ مش كفاية خلاص، خلص الموضوع، خلص الكلام. لا ربنا كفاية طبعًا بجد، آه يعني يعني يعني متوكّل عليه قوي. بصّ الآية بتقول لك إيه؟ فَسَيَكْفِيكَهُمُ اللَّهُ. يعني إيه؟ يعني إيه الآية دي؟ الآية دي تويز رايحة جاية، يعني إيه؟ لو ربنا كفاية جواك هيكفيك براك، إذا كان كافٍ ليك فسيكفيكهم، سيكفيك فسيكفيكهم الله. أنا عمري ما فهمتها كده، عرفتو معنى كلمة حسبي الله ونعم الوكيل؟ يعني إيه حسبي الله يكفيني الله؟ إيه ده؟ حسبي معناها كده يكفيني الله، ها مكفيك ولا مش مكفيك؟ متوكّل عليه ولا مش متوكّل عليه؟ ممكن تقول حسبي الله ونعم الوكيل، طب ليه نعم الوكيل؟ لأنه مكفيني، ففعلاً يا بخـتي نعم الوكيل، هو ده معنى حسبي الله ونعم الوكيل، فَسَيَكْفِيكَهُمُ اللَّهُ. عشان كده بتلاقوا في القرآن كتير، وَكَفَى بِاللَّهِ نَصِيرًا، وَكَفَى بِاللَّهِ شَهِيدًا، كفاية، وَكَفَى بِاللَّهِ حَسِيبًا، وَكَفَى بِاللَّهِ وَكِيلًا، موجودة كتير في القرآن، لو كل الناس مش شايفة شغلك وَكَفَى بِاللَّهِ شَهِيدًا، لو كل الناس ضدك وَكَفَى بِاللَّهِ نَصِيرًا، لو كل الناس مش واقفة معاك وَكَفَى بِاللَّهِ وَكِيلًا، مكفيكي ولا مش مكفيكي؟ جاوبَه، طب إزاي أخلّيه يكفيني؟ كثر من الذكر، كثر من الذكر، كثر من كثر من التوكل، أجمّد. يقول نبي: مَنْ أَرَادَ أَنْ يَكُونَ أَقْوَى النَّاسِ يُواجِهُ التَّحَدِّيَاتِ فَلْيَتَوَكَّلْ عَلَى اللَّهِ.
طب إيه فاضل إيه أقوله في في الحتة؟ طب أنا أعرف منين إن أنا قد التحدي ولا التحدي أوفر قوي؟ ما هو برضه فيه معايير للحسابات، آه أنت دلوقتي محتاج حاجة كمان، محتاج مستشار، وأنا قد التحدي، الاستشارة، لأن ممكن المستشار يقول لك يا ابني التحدي ده مش مناسب لي أصلاً، أو ممكن يقول لك آه كمل في التحدي ده بس محتاج مرونة، يبقى واحد، أنت محتاج مستشار، اثنين عزم، عزم الإحسان، مداومة، ثلاثة توكل على الله، ثلاث خطوات ماشي، تصدّقوا إن الثلاثة دول في إيه؟ وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ، الحل في الآية، الآية دي فين؟ سورة آل عمران، وبعد تحدي غزوة أحد، واحد واللا حصل في غزوة أحد؟ لا، وَشَاوِرْهُمْ فِي الْأَمْرِ، استشير، لازم منتور، لازم حد ترجع له في حياتك، ما تمشيش لوحدك في الحياة، وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ، الله، ثلاثة مع بعض، إيه رأيكم يا جماعة؟