خبيرة تغذية تكشف أصل نظام الطيبات لدكتور ضياء في أمريكا… مفاجأة لم يتوقعها أحد! | قصة ضياء العوضي

دكتور ضياء العواضي رحمه الله عليه. الراجل ده أنا متابعاه بقالي فترة، مش عشان هو بيقدم لي وجهة نظر جديدة خالص. يمكن الناس ما تعرفوش إن أنا دارسة ميكروبيوتك مع مريم نور من فوق الـ 20 سنة. تمام؟ وبعد كده أنا بحب أقرأ قوي في علم التغذية والحاجات دي، ولكن حاجات خاصة مش بحب أشاركها. وأنا كل فترة بعمل صيام يعني من النوع اللي بحب الصيام فترات، وبعمل المنيشن دايت بأشكال مختلفة. فمن زمن استوقفني حاجة اسمها كيمر دايت.

أرجو من دكاترة التغذية بتوعنا يا جماعة، حكمتوا على الراجل والراجل مشي. يا ريت بقى تتعلموا، ذاكروا ذاكروا ذاكروا. خدوا اللي بقوله واكتبوه. كيمر دايت. الراجل ده كان أعتقد في الثلاثينات، 1930، 1950، حاجة كده. والراجل ده اشتغل حاجة اسمها رايس دايت، حمية الرز، وحقق نتائج عظيمة وطلع ناس من الفشل الكلوي بتحاليل بـ بكتاب كامل اسمه كيمر دايتيه الرز لدكتور كيمر باشعة. واتحارب في أمريكا، اتحارب. تمام كده؟

بعد كده حصل إن كذا تلميذ ليه بدأوا يشتغلوا، إلى أن وصل لدكتور اسمه دكتور ماكدوجل. أرجوكم اكتبوا يا جماعة وادرسوا وذاكروا. ودكتور ضياء راح لطاعة مولاه وقد رسالته. انتوا اعلموا بدل ما أخدتوا كل وقتكم إن أنتم تهدوا فيه خلاص، مشي خلاص. ابنوا انتوا شيء جديد. اتعلموا. انتوا ما بتتعلموش، انتوا بتعملوا ريسايكلين لشويه معلومات في ده عندنا في كل المجالات للأسف.

جا دكتور ماكدوجل وراح راح عمل حاجة اسمها بوتيتو دايت، حمية البطاطس. وعلى فكرة هو كان ساعات لما بيوصل لحالات صعبة كان بيقول لك كنت بستعين بحمية الرز اللي هي تعتمد على رز وسكر أبيض كتير. يعني دكتور ضياء العوضي ما جابش جديد يا جماعة. الفيديو ده أنا أعلن مسؤ عدم مسؤوليتي عن أي حد ياخد معلومة ويطبقها. أنا بعرض معلومات عشان يبقى عندنا جيل طالع يقرأ حتى يبقى مسؤول عما يفعل. خليك مسؤول.

فدكتور كيمر كان بيعمل الرايس دايت، وايت رايس، رز أبيض وبيعمل كمية سكريات عالية، سكر عالي وفاكهة عالية. خلاص؟ ده طريقة العلاج بتاعته. فكان من ضمن الحاجات اللي بيعالج بيها السكر. عشان كده هتلاقي دكتور ضياء كان بيطلع معاك قوي في حتة السكر. ليه؟ لأن هو أكيد قارئ الحاجات دي. خلاص؟ جا دكتور ماكدوجل عمل حمية البطاطس وشاف ناس كتير واشتغل. وعلى فكرة الراجل ده يعني برضه في أمريكا تعب وكان دكتور وكان طبيب والناس فعلاً يعني زي ما نقولوا إيه؟ قرفوه يعني في مجاله. أعتقد إن هو يعني أُقيل أو حاجة زي كده، أشبه بـ بدكتور ضياء. خلاص؟ ولكن ما أعرفش بأنهي درجة، مش فاكرة بالظبط. ولكن انتوا عندكم كيمر دايت وماكدوجل دايت. الاثنين بيشتغلوا على نفس سيستم.

ضياء العوضي جمع المدرستين مع بعض وحط التاتش بتاعه بناء على ملعبه. الراجل ده كان ملعبه الليفت أوفرز بتاع الطب، اللي هو عناية وتخدير، يعني المراحل الصعبة. فالراجل ده كان راجل ليه في الكيمياء الجسم قوي. فزود بقى هو حاجات ونقص حاجات وحط حاجات. ولكن هو خد كيمر دايت، ماكدوجل دايت وحطهم مع بعض وحط برنامج بتاعه. أصاب فيما أصاب، أخطأ فيما أخطأ. ولكن أعتقد إن كان معظم الناس استفادت منه على ما أظن.

كيمر دايت ليها ناس كتيرة قوي في أمريكا وبره. إحنا هنا بنعمل إيه؟ إحنا بناخد الحاجة وبنريسايكلين. هو الراجل طلع بص بره ودخل وخبرته معاه مع المدرستين دول واشتغل. فحاجة تيجي تقول لي راجل نصاب؟ هقول لك لا والله. أنا الفيديو ده بقوله لمجرد إنصاف هذا الرجل. وبقول لكم يا جماعة اطلعوا دوروا في المدارس دي بره. الراجل اللي بيتكلم في مدرستين بره من زمن وما بين قوسين جايبين نتائج. خلاص؟ مش بيتكلم عشوائي. ولكن له ما له، عليه ما عليه. تجربته ممكن تكون فيها بعض الملاحظات، ما فيش مشكلة. هو راجل ذات نفسه كان كل شوية بيعيد تشكيل البرنامج بتاعه، بيشيل ويحط. خلاص؟ ولكن هو رز وبطاطس لو تفتكر وسكر. يعني ماكدوجل وكيمر مع بعض. الحميتين مع بعض. خلاص؟

إذاً الراجل ما جابش جديد. حط إضافات بسيطة من عنده تتشكل في النوتيلا اللي هي برضه سكر والمربى اللي هي برضه سكر وزود شوية دلع التوست. حاول يعمل شيء. خلاص؟ فيا جماعة الخير، الرجل مش دجال. الرجل راجل جايب مدرستين قدام قوي بره وأثبتوا نجاحهم مع ناس كتير. وخشوا شوفوا التستيمونيالز بتاعة المدارس دي. الراجل ده كان بقعة نور وبقعة وعي. أنا كنت بقعد أتفرج على فيديوهاته و يعني أنا فاهمة الخلفية إيه وفاهمة الملعب إيه وفاهمة هو بيحارب في إيه. بس هو كان فارس نبيل حقيقي. كان كل مرضاته إن هو، أو كل رغبته إن هو يعني مرضاه رب العالمين. ماشي؟ وإن هو يعمل حاجة. إن هو ربنا ساعات كده إيه بيبعت ناس يعني تثير الفوضى شوية عشان يمكن تحرك شيء جوانا.

فالشيء اللي في جوانا مش مجرد إن إحنا خلصنا من ضياء العوضي أو خلاص هو راح لطاعة مولاه أو كانت موجة وموضة وخلصت. لا. القضية الحقيقية إن الراجل حرك مياه راكدة. فين الناس اللي تاخد اللينك ده وتكمل عليه بما يرضي الله؟ تكمل عليه بشكل علمي؟ تتعلم بره؟ تشوف المدارس دي قالت إيه وتتنقل تجاربها للناس؟ يا جماعة الراجل جا فارس عدى كده لخبط لنا الدنيا. حرك الراكد ومشي. دلوقتي هو عند رب كريم في جنات إن شاء بتس رب العالمين. إحنا هنعمل إيه؟ انتوا هتعملوا إيه؟ الناس بتاعة التغذية هتعمل إيه؟ الناس الحالات اللي مكملة هتكمل إزاي؟ الناس العامة عايزة تكمل البرامج بتاعتها تكملها إزاي؟

أتمنى من شباب التغذية وأساتذة التغذية ياخدوا المدرستين دول بعين الاعتبار عشان يبقى في طاقة نور وأمل للمرضى إن هم يتشافوا من خلال التغذية والمدارس دي بره. يعني الرايس دايت وال بوتيتو دايت عاملين شغل حلو بره مصر. يستحق أهالينا العرب إن إحنا نعرفهم بالمدارس دي ونبدأ ننقل لهم العلم ده ونقدم لهم البرامج دي بشكل محترم، بشكل أكاديمي، بشكل يساعد على الشفاء من خلال الطب مع التغذية. شكراً.