ترامب يخطط لإرسال الجيش الأمريكي في عملية برية بالتعاون مع الأكراد لضرب إيران ..هدف جديد لنتنياهو

السلام عليكم، ازيكم؟

الحقيقة في أخبار خطيرة جداً. أمريكا بتسمح لرعاياها إنهم يجدروا السعودية وعمان، وغالباً هم بيخلوا الخليج كله تقريباً. الوضع اللي إحنا فيه وضع خطير، لأن خد بالك مهما كانت أمريكا بتحقق ضربات قوية جداً في منصات إطلاق الصواريخ الإيرانية وقادرة إنها تسبب خسائر كثيرة في الحرس الثوري الإيراني، بس الحرس الثوري الإيراني عنده سلاحين مهمين جداً. مش صواريخ فقط، عنده مسيرات. فلو مثلاً، بنفرض إن هو والله نفذت منه الصواريخ، تاريخ ما زال عنده مسيرات يسبب دمار.

فإحنا هنا بنتكلم على إن الحرب هتطول. أهم سؤال مش الحرب هتنتهي إزاي، هي الحرب ابتدت ليه بالشكل ده؟ لأن لما تيجي تبص هتلاقي إن كل المحللين العسكريين قالوا إن والله الحرب طالت بالشكل ده كله وآثارها أصبحت غير محسوبة، لأن ما كانش فيه معلومات استخباراتية كاملة وصورة استخباراتية لكل الأهداف اللي داخل إيران تخلي القضاء على إيران أسرع وأسهل وما يكونش بالشكل المدمر ده.

فإزاي الحرب دي ابتدت؟ الحقيقة ده سؤال دونالد ترامب ما بيحبش يجاوب عليه. أهم حاجة عند دونالد ترامب إنه هو يقول إن "تانية أي دعوة" وهو خد القرار بنفسه. على فكرة اللي قال كده صحيفة نيويورك تايمز. بس النهارده في قصة مختلفة تماماً طلعت النهارده وبتقول لك إن فيه كارثة واقفة في الشرق الأوسط. عاوز تعرف إيه؟ هقول لك.

عشان أقول لك لازم أحكي لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو كلنا بنسمع إن دبي والسعودية هم أرض الفرص، الأماكن اللي أنت ممكن تفتح تحتيها شركتك وأنت بتحلم إن البزنس بتاعك هيتطور بسرعة ويجيلك كم من المبيعات غير طبيعي. بس للأسف أي حد بيروح يفتح شركة في الإمارات والسعودية بيفاجأ إن فيه ورق كتير لازم يخلص، وإن فيه ضرائب وإقامات وحاجات كتيرة ما بتبقاش عارف تخلصها إزاي وإمتى.

وهنا أنا عندي لك الحل: أبشر بزنس. لأن ببساطة أبشر بزنس قررت إنها تفتح لك كل الأبواب المغلقة. وما تنساش إن أبشر بزنس عملت عروض مخصوصة لمشاهدي قناة سمري اللي عاوزين يفتحوا شركات واللي عندهم شركات عاوزين يفتحوا. هتروح في دبي والسعودية. لو عينك على السوق الإماراتي، أبشر بزنس هتساعدك تدخل السوق الإماراتي عن طريق تأسيس شركتك. ده شامل الإقامة وفتح حساب بنكي والتسجيل الضريبي، والأهم إن الرخصة هتكون في إيدك في خلال خمس أيام فقط. كل ده هم كمان مش هيسيبوك، هيفضلوا معاك ويكملوا متابعة معاك ويكونوا جنبك في أي إجراءات أنت محتاج تخلصها.

أما بقى لو عينك على الوحش السعودي والقوة الشرائية المرعبة اللي هناك، فالموضوع بقى أسهل بكتير، أسهل مما ممكن تتخيل. دلوقتي تقدر تفتح وتدخل السوق اللي يعتبر من أكبر أسواق المنطقة حالياً وبشكل قانوني واحترافي بنسبة 100%. أبشر بزنس مش موجودين في الإمارات والسعودية فقط، موجودين في أكتر من 14 دولة. يعني من الآخر كده أبشر بزنس هو حلقة الوصل الكبيرة. أبشر عاملة عرض ضخم خصم لحد 15% لكل متابعي قناة سامري. لو دخلت على اللينك اللي أسفل الفيديو ومليت بياناتك كلها، وما تنساش أول ما يكلموك تقول لهم "سمري بزنس فان"، ده الكود اللي هتحصل بيه على الخصم الضخم جداً ده. هسيب لحضرتك اللينك بتاع أبشر بزنس أسفل الفيديو لو حابب تتواصل معاهم فوراً وتحصل على الخصم الضخم جداً اللي مش هتلاقيه غير في سمري تشانل.

>> نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص ضرب الصواريخ الإيرانية. إيه اللي حصل بالظبط؟ إيه اللي حصل؟ كالاتي.

موقع أكسيوس كشف قصة في منتهى الخطورة. موقع أكسيوس قال لك إيه؟ قال لك خلي بالك، المفروض الحرب بتاعة إيران دي بدل ما كانت تبتدي يوم 28 فبراير، كان المفروض هنبتدي قبليها بأسبوع. بس دونالد ترامب أجل الحرب لمدة أسبوع. ليه؟ قال لك والله لحين اكتمال الصورة الاستخباراتية ومعلومات استخباراتية وتجهيزات الجيش. خلي بالك كانت حملة الطائرات يو إس جيرالد فورت كانت وصلت في الشرق الأوسط، بس كانت راحت لليونان. فكان فيه بعض العراقيل العسكرية كده وما كانش جيش أمريكي أتم استعداداته بشكل كامل. فالحقيقة إن دونالد ترامب آخر القرار.

وخلي بالك ده معناه وفقاً لموقع أكسيوس حاجة مهمة جداً. إحنا دونالد ترامب كان هيضرب إيران لثاني مرة في ظل المفاوضات ما هي شغالة. يعني لو دونالد ترامب ضرب قبل يوم 28 أو قبليها بأسبوع، معنى كده إنه ستيف ويتكوف وجارد كوشنر كان لسه قدامهم جلسة تانية في جنيف كانوا المفروض هيحضروها، اللي هي الجلسة الأساسية خلاص. معنى كده الأمريكان هيضربوا إيران قبل ما الجلسة دي تعقد. فده أول إشارة.

طيب إيه اللي حصل؟ واشمعنى يوم 28؟ والله يوم 23 دي بقى القصة والمفاجأة الكبرى. إن تانياو هو كلم دونالد ترامب خلاص وقال له يا ريس، أنا عرفت معلومة خطيرة جداً. قال له إيه يا نتن؟ قال له والله أنا عرفت إن خامنئي هيجتمع بصفوة قادته الأساسيين في إيران في طهران في اجتماع كبير جداً لدراسة الأوضاع ماشية إزاي. وقالوا الاجتماع ده هيبقى اجتماع قيادة ضخمة. يعني أنت بتكلمش على اجتماع عادي، ده كل القادة وصفوة القادة في إيران هيحضروا الاجتماع ده. وأنا عارف المكان فين والزمان والكلام ده.

دونالد ترامب الحقيقة المكالمة عجبته جداً. خامنئي هيعقد اجتماع رفيع المستوى مع القادة الإيرانيين يوم 28 في طهران والاجتماع ده هيكون خطير. دونالد ترامب ساعتها كان يعني عاوز ياخد القرار بشكل أو بآخر. بس جت له مكالمة مهمة من جاريد كوشنر وستيف ويتكوف إنهم بعد ما قعدوا مع الجانب الإيراني، تيقنوا إن الجانب الإيراني بيعرض عليهم حاجة خطيرة جداً. وفقاً لستيف ويتكوف، الجانب الإيراني قال لهم: "إحنا تحت أيدينا 460 كيلو جرام من اليورانيوم وإحنا هننتج 11 قنبلة نووية". فالجانب الإيراني ما كانش داخل يتفاوض بحسن نية ولا جاي يوقع على استسلام إيران، ده الجانب الإيراني كان جاي يتفاوض من موقف قوة. فجاءت كوشنر وستيف ويتكوف وصلوا لتقييم إن إيران مش عاوزة التفاوض خلاص، وإن وقت التفاوض انتهى.

"First meeting, the both the Iranian negotiators said to us directly with you know no no no shame that they controlled 460 kg of 60% and they aware that that could make 11 nuclear bombs and that was the beginning of the negotiating uh uh stance so that's that's they were they were proud of it they were proud that they had evaded all sorts of oversight protocols to get to a place where they"

فكلموا دونالد ترامب وقالوا له يا ريس، الإيرانيين مش عاوزين يتفاوضوا. فدونالد ترامب قال لك خلاص، يبقى إحنا قدام معلومة استخباراتية قيمة جداً وقدام وفاة للدبلوماسية. يوم 28 نضرب. وبالفعل الساعة 3:30 أدّى الأمر لقصف خامنئي وضرب الاجتماع ده. وقام الطيران الأمريكي بضرب الاجتماع. على فكرة لحد ما أنا بكلمك الصورة مش واضحة مين اللي استهدف الاجتماع أو مقر خامنئي. هل أمريكا ولا إسرائيل؟ لأن والله اللي طالع إن والله إن السي آي إيه هي اللي جمعت المعلومات الاستخباراتية. إسرائيل بتقول لك لا، ده إحنا اللي جمعنا المعلومات الاستخباراتية. مواقع تانية تقول لك والله إسرائيل هي اللي نفذت الهجوم. ومواقع أخرى تقول لك الرئيس الأمريكي أدام كان موجود بيشرف على العملية، ما ينفعش تكون إسرائيل هي اللي نفذت. ده أمريكا اللي نفذت. وإن الدليل على كده إن الاجتماع ده ما اتضربش بقنابل فقط، اتضرب بصواريخ توماهوك جاية من البحرية الأمريكية. فانت دلوقتي قدام صورة بتكتمل. ده أنت هنا مش قدام الموساد هو اللي جمع معلومات، أنت هنا قدام موساد جاب معلومة والسي آي إيه أكدت المعلومة، ماشي؟ فالاثنين اشتغلوا. فده أول حل للقص.

الحل الثاني اللي ننفذ، مش أمريكا لوحدها ولا إسرائيل لوحدها، الاثنين كانوا بيضربوا. ماشي؟ فده أمر مهم جداً. حلو؟ ده كل ده شيء عظيم وكشفنا بالضبط ليه دونالد ترامب خد القرار يوم 28 بالذات وليه والكلام ده كله. بس إحنا قدام كارثة. ليه؟ لأن معنى كده إن اللي خد قرار الحرب مش دونالد ترامب، نتنياهو. ليه؟ خلي بالك نتنياهو كده. أولاً، أولاً كان بيقول إنه عاوز يستهدف البرنامج النووي الإيراني لأن إيران عاوزة تنتج قنابل نووية، صح؟ وقال لك والله ده البرنامج الصاروخي الإيراني ده خطير جداً. إنما نتنياهو أقنع ترامب إنه يقتل المرشد. دي عملية ديكابيتيشن، يعني ده أنت قطعت راس خلاص. وأنت هنا أنت اللي أشعلت النار في المنطقة كلها. أنت مدرك إنك أشعلت حرب إقليمية مش لأهدافك. أنت ما دمرتش برنامج نووي ولا رحت ورا مخزونات الصاروخية. أنت قطعت راس المرشد خلاص. فده تطور رهيب جداً. وده عكس الأهداف الأمريكية. أمريكا واضحة جداً إنها عاوزة تضرب ضربة تنهي بيها برنامج النووي والصاروخي. إنما إحنا بنتكلم في حتة تانية. ده أمر.

الأمر الثاني، خد بالك إن نتنياهو نجح إنه يقنع ترامب بالضّربة دي للمغريات اللي فيها. أنت باشا بعد ما اختطفت نكريس مادورو. إحنا هنا قدام راس المرشد.

>> زاوية واحدة مثالية من كاميرا قريبة اكتشفت أماكن سيارات الحراسة ومداخل جانبية في المجمع المحصن، ثم أضافت الخوارزميات المعقدة تفاصيل تتعلق بعناوين الحراس وساعات مناوباتهم وطرق تنقلهم اليومية ومن يرافقون عادة، حيث شكلت هذه القدرات جزءاً من حملة استخباراتية طويلة استمرت سنوات مهدت الطريق لاغتيال خامنئي ومحنت وحدة الاستخبارات الإشارية 8200 التابعة لإسرائيل والأصول البشرية التي جندها الموساد وجبال البيانات التي حللتها الاستخبارات العسكرية يومياً من تكوين معلومات دقيقة.

الحاجة الثالثة، لازم تعرف إن دونالد ترامب حرك الأصول العسكرية وهو عنده استعداد يضرب البرنامج النووي والبرنامج الصاروخي. بس نتنياهو أقنعه بهدف أعلى اللي هو رأس المرشد. تحول رهيب جداً. وهنا إحنا بنتكلم إن المقالة بتاعة نيويورك تايمز اللي كانت بتقول إن دونالد ترامب دلوقتي عاوز يقول إن تانياو مالوش أي دعوة ومش هو اللي أقنعه ولا أي حاجة. إحنا بنتكلم إن كان فيه مكالمة يوم 23 ما تمش الإعلان عنها غير النهارده من قبل موقع أكسس بتكشف إن نتنياهو كان ليه دور كبير في القرار. وهو كان العائق الوحيد إنه يقنع بس ترامب واقنعه خلاص.

فإحنا هنا بنتكلم إن ترامب اقتنع بأهداف عكس الرؤية الأمريكية وما بصش إن الحرب دي هتبقى إقليمية ولا أضرار الحرب. هو بص إنه هيقطع راس المرشد وبعد كده هيعرف يقنع الأمريكان بالموضوع. إنما دلوقتي الحرب خرجت عن النطاق بتاعها. الحرب أولاً ما كانش فيه معلومات استخباراتية كاملة كانت محتاجة الحرب تستنى شوية. ففي سرعة في اتخاذ القرار. ولو كانوا ضربوا قبلها بأسبوع كان هتبقى بقى كارثة أكبر. ماشي؟ كنت هتشوف حجم الصواريخ اللي بتطلع من إيران أضعاف اللي كانت بتطلع دلوقتي خلاص. ففي تسرع في اتخاذ القرار. في عنصر خارجي يأثر على الرئيس الأمريكي. في انحراف عن أهداف الحرب. أنت لو كنت ضربت برنامج النووي وبعد كده ضربت البرنامج الصاروخي كان فيه تصعيد. ماشي؟ كان ممكن إيران تيجي في وقت من الأوقات تقول لك نتفاوض. ممكن كان فيه فرضية. إنما لما تقطع راس المرشد، أنت بتعلن حرب النهاية. فده أمر خطير جداً. وده يقول لك إن نتنياهو هو أعلن الحرب على الشرق الأوسط وكل الدمار اللي بيتم دلوقتي في دول الخليج سببه نتنياهو مش ترامب. ماشي؟ نتنياهو أنا بقول لك اهو إن هو بعد الحرب دي ما تخلص هيقول لك أنا خلاص بيقول لك أنا اللي عملته. خلي بالك الراجل ده طول ما الحرب شغالة هو بمأمن عن السجن خلاص. فهيجي يقنع الصهاينة. وبالمناسبة ترامب مش هيعرف يبيع الحرب للأمريكان. نتنياهو هو اللي هيعرف يبيعها للأنصار. ليه؟ لأن النهارده جريدة بوليتيكو بتقول لك دونالد ترامب أصبح متخبط في تبرير الحرب. طب طلع الأول قال لك والله أصل إيران عندها أسبوع وتمتلك كومبرناي. بعد كده قال لك لا والله ده إيران كانت هتضربنا بصاروخ، تضرب القاضي الأمريكية بصاروخ. بعد كده قال لك لا والله أصل الإيرانيين ممكن كانوا يقوموا بضربة استباقية. الثلاث تبريرات تقول لك والله إحنا قدام كارثة. الرئيس الأمريكي خد قرار وفقاً لضغوط من نتنياهو ومحاولة إقناع من نتنياهو. وهو ده السبب الأساسي اللي هو مش عاوز يقوله. بدء الحرب من نتنياهو وهو ترامب مش عايز يقول الكلام ده. فمش لاقي تمرير. فالتخبط في التصريحات دي يقول لك حاجة مهمة جداً. إن بدل ما دونالد ترامب شغال "Make America Great Again" بقى شغال "Make Israel First". ما إحنا بنتكلم على إسرائيل أولاً بدل أمريكا أولاً. وأنصار دونالد ترامب اللي هم جماعة ماجا كانوا واثقين فيه عشان الراجل ده هيجي يركز في الأمور الداخلية. اتأثر بالأمور الخارجية وتعال بص على الكوارث اللي بتحصل في الخليج النهارده. يعني بتتكلم إن تم ضرب السفارة الأمريكية في السعودية في الرياض. بتتكلم إن تم ضرب القنصلية الأمريكية في دبي أو انفجار قريب منها. تم ضرب قاعدة العيديد في قطر بصاروخ بالستي. تم ضرب مركز قيادة القوات الأمريكية المشتركة في البحرين. تم ضرب أغلى الرادارات الأمريكية في العالم تم قصفها في البحرين. بتتكلم إن الكويت تم إسقاط ثلاث طيارات إف 15. بتتكلم على ست جنود لحد دلوقتي أمريكان اتقتلوا. صح؟ الخسائر دي كلها بتعقد موقف ترامب. ولما تيجي تقول إن نتنياهو هو السبب في إشعال الحرب، الكلام ده يخلي الأمريكان يتقلبوا على الصهاينة أكتر ويتقلبوا على إسرائيل أكتر وأكتر. خلاص؟ فده أمر.

وأمور في منتهى الخطورة. ماشي؟ ده حاجة. الحاجة الثانية، خد بالك إن إيران النهارده بتقول لك ده الحرس الثوري الإيراني ضرب منظومتين ثاد. خلاص؟ منظومتين ثاد. منظومة ثاد دي يا جماعة غالية جداً، من أغلى منظومات دفاع جوي، ما كانش أغلى منظومة دفاع جوي في العالم. والإمارات هي أول دولة تشغل منظومة ثاد خارج أمريكا. ماشي؟ الحقيقة الحرس الثوري الإيراني قال لك إحنا ضربنا منظومة ثاد في الإمارات.

>> أعلن الحرس الثوري الإيراني أنه استهدف منظومة دفاع جوي أمريكية ثانية من طراز ثاد منتشرة في المنطقة، وقال في بيان إنه جرى استهداف منظومة الدفاع الصاروخي الأمريكية الثانية في منطقة غرب آسيا بصواريخ موجهة بدقة تابعة له ما أدى إلى إخراجها من الخدمة العملياتية. كان الجيش الإيراني أعلن تدمير رادار منظومة الثاد لدولة الإمارات.

>> ادعاء. أنا ما عنديش تأكيد. أنا بقول لك ادعاء. ثاني حاجة قال لك والله إحنا ضربنا منظومة ثانية في الشرق الأوسط. ما رضيش هو يسميها فين. بس أنت بتتكلم إن الحرس الثوري الإيراني بيقول لك من هنا ورايح بقى، أدام ما فيش ثاد في الشرق الأوسط، إحنا هنتحرك بأريحية أكتر وهنقدر نصيب أهداف بشكل أكبر.

وارجع للفيديو اللي فات قلت لحضرتك إن إيران في أولى موجاتها ما كانتش بتستهدف الدقة في الصواريخ. يعني ما كانش عندها نية في الدقة في الصواريخ. أهم حاجة إنها تفتح وتقلص عمل منظومات الدفاع الجوي. فانت هنا بتتكلم إن إيران نجحت في عملية إغراق لمنظومات الدفاع الجوي الأمريكية وضربها. فانت الأيام القادمة بتتكلم على أهداف أغلى وأكبر. والدليل على كده، دليل على الكلام ده النهارده الرافال الفرنسية دخلت أو بيتم إرسالها لزملاء الإمارات. ده مين اللي قال الكلام ده؟ صحيفة لوموند الفرنسية. صحيفة لوموند الفرنسية بتقول لك خلي بالك ده طيارات الرافال فرنسا أرسلتها لدعم الدفاعات الجوية في الإمارات. ماشي؟

فإيران كل شوية هتصعد من خسارها في الخليج عشان دونالد ترامب يتألم. والنهارده بص على قرار ترامب إنه قال إنه ممكن يجيز للبحرية الأمريكية إنها ترافق ناقلات النفط اللي راحة من مضيق هرمز. ماشي؟ مرافقة البحرية الأمريكية لناقلات النفط هو إن ترامب حريص إن النفط يخرج بره مضيق هرمز وإن مضيق هرمز ما يتقفلش. في ظل إن الحرس الثوري الإيراني بيقول لك إحنا فرضنا سيادتنا الكاملة في مضيق هرمز. ما معناه إنهم قفلوه. فده تحدي عسكري خطير جداً. وأنا عاوزك تتخيل كده لو مدمرة أمريكية اتضربت، إيه اللي هيحصل؟ هيحصل العملية بتاعة "فرس النبي" اللي تمت في الثمانينات لما القوات الأمريكية كانت بترافق ناقلة نفط كويتية وفي المدمرة دي مسك فيها لغم. ساعتها القوات الأمريكية دخلت وأبادت البحرية الإيرانية، دمرت جزء كبير منها ودمرت ميناء بندر عباس. خلاص؟ كانت عملية انتقامية كبيرة جداً.

فإحنا بنتكلم على تطورات خطيرة. النظام الإيراني لن يهدأ قريباً. والحرب دي على فكرة مش هتهدأ قريباً على فكرة. حتى لو أمريكا قلصت الصواريخ الإيرانية، بس بتتكلم على تصعيد خطير جداً خلال الأيام القادمة. والاستنزاف بالمناسبة مش للأمريكان فقط ولا للعرب فقط. بتتكلم إن الأوروبيين كمان ابتدوا يستنزفوا. طيارات الرافال اللي فرنسا هتبعتها للإمارات دي مفروض ما كانت ترسل لأوكرانيا أو تحمي السماء الفرنسية. أنا قلت لحضرتك جاهزية الجيش الفرنسي مش أعظم حاجة. خلاص؟ فارسال مقاتلات رافال للشرق الأوسط ده أمر خطير.

الأمر الثاني فيما يخص خسائر ترامب السياسية ضخمة جداً. أولاً، لما موقع اسمه أكسوس تبع الكاتب براك رافيد يكشف إن نتنياهو هو اللي أقنع ترامب، ده معناه إن انتخابات التجديد النصفي في الانتخابات القادمة في الكونجرس، ترامب في احتمالية كبيرة جداً الحزب بتاعه ما يعرفش يكسب نتيجة إن الناس مش عاوزة تشوف إسرائيل هي اللي بتحكم مثلاً.

الحاجة الثانية، خد بالك من أمر خطير إن والله ترامب مش عارف يبيع الحرب لحد دلوقتي للأمريكان. نسبة تأييد الحرب لحد دلوقتي وفقاً لفوكس نيوز، على فكرة فوكس نيوز تبع الحزب الجمهوري، صرف. قالت لك 50-50. طيب 50-50 وإحنا النهارده إيه؟ النهارده خامس يوم في الحرب. خامس يوم في الحرب. ما بالك بعد كده كام يوم إيه اللي هيحصل؟ هتلاقي النسبة بتقل. نسبة التأييد هتقل أكتر. خلاص؟ مع تعاظم الخسائر هيبقى دونالد ترامب حتى لو فاز بالحرب مش هيعرف يبيعها للأمريكان ولا هيبيعها لحلفائه.

بس موقع أكسوس والقصة بتاعة النهارده إن نتنياهو هو اللي أقنع ترامب، ده يجاوب على أهم سؤال العالم ما كانش عارف يجاوبه. ليه ترامب ضرب يوم 28 بالظبط؟ وليه ما أخبرش حلفائه عشان يستعدوا؟ وليه ما نسقش مع حلفائه العرب بالشكل الكامل؟ وليه ضغط على الجيش برغم إن الجيش كان طالب مهلة أكبر لمعلومات استخباراتية أوسع بخصوص مخزونات الصواريخ ومنصات إطلاق الصواريخ؟ برغم كده ترامب أجاز الضربة دلوقتي. الحقيقة دي قصة قوية جداً.

الأمر الآخر فهو التهور. خلي بالك النهارده جون بولتون، مستشار الأمن القومي الأمريكي الخاص بدونالد ترامب فترة رئاسته الأولى، طلع قال لك على فكرة الحرب دي ما تخلصش لا في يوم ولا في يومين ولا أسبوع ولا أسبوعين، دي بتخلص في شهور. زي ما حضرتك هتسمع منه كده بالظبط. يا شيخ. فده تحول خطير جداً في الحرب. ماشي؟

الأمر الثاني إن خلي بالك النهارده بنتكلم إن السي إن إن كشفت إن أمريكا تواصلت مع الأكراد اللي في شمال غرب إيران عشان يبتدوا يقوموا بعمليات برية. وده الأمر بيجي في ظل إن دونالد ترامب قال إنه مش هيستبعد إن والله في قوات برية أمريكية ممكن تشارك في الحرب. ماشي؟ فده أمر خطير جداً. الأكراد لما ينزلوا على الأرض ويخشوا داخل إيران بدعم أمريكي، بدعم وغطاء جوي، أنت قدام مشكلة كبيرة جداً. إيه هي؟ عدد الأكراد مش كافي لمحاربة الحرس الثوري الإيراني. أنت ضربت مخزونات الصواريخ وبتضرب برنامج نووي، ما بتستهدفش عدد من الجيش. الجيش ما زال قوامه متماسك. ممكن أنت تستهدف قادة والكلام ده كله، بس عدد الحرس الثوري الإيراني ما زال زي ما هو. فحرب برية بالنسبة للحرس الثوري الإيراني ممكن تكون متكافئة. خلاص؟ والـ أكراد عددهم مش هيفوق الحرس الثوري الإيراني. فدي حرب هتطول. حرب برية. أمور كتيرة جداً وأمور معقدة وأمور خطيرة. الحرب دي فيها أخطاء كارثية. والحرب دي أخطائها ما ينفعش إنك تبررها بأي شكل.

بس كون إن يتم الكشف النهارده عن دور نتنياهو ده يثبت لك إن إسرائيل هي اللي كانت بتسعى للحرب أكتر من أمريكا كمان. ودي أمور في منتهى الخطورة. أخيراً وليس آخراً، أوعى تظن إن مصر بمنأى أو بعيدة عن الحرب. لازم تعرف إن مصر عندها برضه خسائر كمان. ليه؟ أولاً، أنت بتتكلم إن أسعار الغاز ارتفعت بشكل كبير جداً في ظل إن قطر أوقفت إنتاج الغاز. ماشي؟ الحاجة الثانية، أنت بتتكلم إن دلوقتي مضيق هرمز اتقفل، فما فيش ولا دولة في مضيق هرمز هتصدر غاز. فالنهارده أسعار الغاز ارتفعت 100%. ماشي؟ ثاني حاجة، إسرائيل قالت والله إحنا مش هينفع نصدر غاز لأجل غير مسمى. أجل غير مسمى يعني لحد ما الحرب تخلص. ماشي؟ طيب ما أنت كده ما عندكش شحنات غاز. وحتى لما تجيب شحنات غاز هيبقى فيه تنافس على أسعارها. هتبقى غالية. صح؟

>> هذه ليست مجرد مضخة نفط، إنها خط تماس جديد في معركة الطاقة العالمية تربك الحروب والأزمات والإمدادات وترفع الأسعار إلى مستويات تهدد اقتصادات الدول. بقرار من طهران، عجلت المواجهة بين واشنطن وتل أبيب وإيران بإغلاق مؤقت لمضيق هرمز الذي يعتبر العقدة الجغرافية والاقتصادية الأبرز، ليدخل ما يقرب من 20% من إمدادات النفط العالمية دائرة الخطر. في مثل هذه اللحظات الحرجة، تلجأ الدول إلى ما يعرف بالاحتياطات الاستراتيجية من النفط، وهي مخزونات طوارئ أنشئت أساساً بعد صدمة عام 1973 النفطية.

فأنت أضريت كمصري. تعالى بص الدولار النهارده عمال يرتفع، وده نتيجة الحرب. أضريت كمصر. فإحنا هنا قدام تحول خطير كتير جداً وتحولات قدام حرب مش مدروسة بعناية وقدام حرب متسرعة وماحدش يعرف نهايتها إمتى. ماحدش يعرف نهايتها إمتى. ده منتهى الخطورة. التحول الأساسي إن والله إيران ابتدت توعز للجالية الشيعية في البحرين إنهم يقوموا باحتجاجات. وامبارح اتحركت درع الجزيرة. فعندك اضطرابات في الخليج. تحول أساسي إن لو صح كلام الحرس الثوري الإيراني إنه ضرب منظومة ثاد في الإمارات، ده هيبقى أول خرق لمنظومة الدفاع الجوي في الشرق الأوسط وفي الخليج. فضربات إيران هتبقى أكتر إيلاماً للدول الخليجية. سحب أمريكا لرعاياها من السعودية ده ينذر إن إحنا قدام تحول آخر وإن السعودية ممكن تعلن الحرب في أي وقت. تحولات، تحولات، تحولات. مين السبب؟ نتنياهو. ولازم تعرف إن نتنياهو ما كانش عاوز فقط يضرب إيران. نتنياهو بيسعى لشرق أوسط جديد، شرق أوسط تكون إسرائيل مسيطرة عليه. فهو كان شايف إيران عائق. وده أمر خطير جداً.

في الآخر، يا رب أكون شرحت لحضرتك الموضوع بشكل مبسط. ويا رب مصر رب العرب ويا رب فلسطين. يا رب تحيا مصر. سلام.

>> أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

>> وكرم بيتضرب بيه المثل.

>> جدعنة وشهامة مش موجودة في زنا. ورحمة بتطلع من عينينا قبل قلبنا. إحنا بسمة بتفتح ألف باب.

>> أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.