Transcription
خمس مهارات وصفات. المهاره الأولى والصفة الأولى: عايز تحافظ على الناس اللي بيحبوك وتقلل الفقد. مهارة حلوة قوي قوي قوي قوي اسمها إيه؟ القدرة على بناء منطقة مشتركة مع كل إنسان حواليك. يعني إيه بناء منطقة مشتركة؟ هرسم لكم رسمة.
ادي دايرتين. دايرة اسمها "أنت" ودايرة اسمها "هو". شايف الدايرتين دول؟ دايرتين. دايرة فيها أنت ودايرة فيها هو. الدايرتين دول ده أنت بحياتك، بوجودك، بطريقة حياتك. وهو بحياته، بوجوده، بطريقة حياته. الدايرتين منفصلتين، كل واحد عايش في دايرته. أنت عايز تحافظ على الناس، عايز ما تخسرش العلاقات، عايز تقوي العلاقات.
هم هم الدايرتين، بس هنعمل تعديل بسيط. دي مهارة إيه؟ التعديل البسيط. هنقوم جايين عاملين كده اهو. هنقوم عاملين منطقة مشتركة بين أنت وهو. أنت زي ما أنت، أنت مش هتتغير. أنا مش عايزك تفقد طريقتك في الحياة أو تلبس ماسك أو تغير قيمك عشان تقرب منه وتبني معاه منطقة مشتركة. أنت زي ما هو، وهو مش هيتغير. هو مش عايز يجي لك. بس أنت شاطر. بدل ما كان في هذا التباعد بينا إحنا الاتنين، قمت أنت باني منطقة مشتركة بينك وبينه.
الشطارة، الشطارة اللي بتخلي المحافظة على العلاقات رائعة. إزاي؟ كل واحد بتتعامل معاه، بعد شوية تدور على منطقة مشتركة بينك وبينه. ودي بتيجي بالتدريب. عشان كده قلت لك مهارة. دي بتيجي بالتدريب. بمعنى إيه؟ بمعنى فلان الفلاني أكسبه إزاي؟ يعني إيه اللي يخليني أكسب فلان؟ آه صحيح. أنا إزاي أعمل المنطقة المشتركة؟ تعمل المنطقة المشتركة بكلمة واحدة: هو بيحب إيه؟
آه، يعني فن بناء المنطقة المشتركة قايم على فكرة إيه؟ هو بيحب إيه. دي تتعمل إزاي؟ روح له في المنطقة اللي بيحبها. أنا مش عارف هو بيحب إيه. مش هتعرف تيجي بالمنطقة المشتركة. إيه الحاجات اللي بيحبها في الحياة؟ اختار حاجة تكون قريبة منك شوية، أو ابذل مجهود شوية واتعلم حاجة تخليك قريب منه شوية.
تعالوا ندي أمثلة عشان نعرفها. أنا وأبويا بيها. أنا شخصياً، أنا جت فترة في الحياة أنا وأبويا بعاد عن بعض. أبويا دكتور مهتم جداً بالطب، بعيادته. أنا مهتم جداً بالدعوة وبالعمل الإسلامي ومشغول بيه ليل ونهار. وبدأ الكلام يقل. طب أنا عايز أقرب من أبويا. طب أعمل إيه؟ المنطقة المشتركة بيني وبينه.
المنطقة المشتركة بيني وبين بابا. طب بابا بيحب إيه؟ آه. المنطقة المشتركة بيني وبين أبويا. أبويا عاشق للنادي الأهلي، وأنا أهلاوي. بس بقى لي كتير ما عدتش بتفرج على الكورة. لأن أنا مثلاً بتفرج على الدوري الإنجليزي والدوري الإسباني. الله. طب ما أنا أرجع أتفرج مع أبويا على ماتشات الأهلي ونبني المنطقة المشتركة. ودي منطقة كلام ونتكلم في الكورة ونتكلم في الرياضة. هوب! بدأنا نبني المنطقة المشتركة. رجعنا نتكلم تاني.
قمت باني منطقة مشتركة تانية. ما هي مش شرط تكون منطقة مشتركة واحدة. إن أنا بقيت أستشير أبويا. بابويا مستشار ليا في اختياراتي في رسالتي وفي حياتي. فبقى في منطقتين مشتركتين بيني وبين أبويا. بقت العلاقة زي الفل ورجعت العلاقة والحمد لله. وعشق.
إيه المنطقة المشتركة بينك وبين ماما؟ الموضة، الشوبينج. بنحب إحنا الاتنين. الطبخ. إيه المنطقة المشتركة بينك وبين ولادك؟ يعني أنا وعلي وعمر عندنا مثلاً خمس ست مناطق مشتركة. والحمد لله إن أنا اللي جريت عملتها. الكورة. فإحنا لغاية دلوقتي بنلعب مع بعض كورة. وأنا بلعب معاهم ومع أصحابهم كورة.
حاولوا يلعبوا معايا الراكيت وكده. ما لا مش غاويينها. خلاص بلاش دي. مش منطقة مشتركة. بس حاولت. الأكل بره والمطاعم. إحنا الاتنين بنحب إحنا التلاتة، أنا وعليه وعمر، بنحب الأكل بره والمطاعم ونخرج. لسه أنا وعمر متعشيين بره مع بعض من كام يوم. إيه المنطقة المشتركة؟ السفر. نحب نسافر مع بعض جداً. وأصحاب. منطقة مشتركة.
إيه المناطق المشتركة؟ البزنس. إيه المناطق المشتركة؟ علي بقى بيساعدني في الرسالة بتاعتي، مشروع الإحسان وكده. منطقة مشتركة. يعني عندك كام؟ أنا وعليه وعمر كم منطقة مشتركة؟ عندي خمس ست مناطق مشتركة. طب والفريق اللي بيشتغل معايا؟ إيه المنطقة المشتركة؟ مشروع الإحسان. مشروع الإحسان والحلم والهدف بمشروع الإحسان. تعرف تبني منطقة مشتركة.
وعلى فكرة، هي بتبدأ الأول بالتدريب. إنك عمال تفكر إيه المناطق المشتركة. لغاية ما تتحول لإيه؟ طبيعة حياة. هبة. كل ما تشوف إنسان تفكر إزاي تعمل معاه منطقة مشتركة. لغاية ما تتحول لإيه؟ لغاية ما تتحول إلى هبة. عادة. كل ما بتشوف بني آدم أول حاجة بتيجي في دماغك أوتوماتيكلي من غير ما تجهد ذهنك: فين المنطقة المشتركة بيني وبينه.
وأنت بالطريقة دي ما غيرتش شخصيتك. لأن بالعكس، أنت استمتعت بحاجات بتحبها مع حد تاني، أو عمال تدور وتطور نفسك. هو بيحب إيه؟ إيه ده؟ ده بيحب حاجة أنا ما بحبهاش خالص. طب يلا نتعلمها. لو حد مهم بالنسبة لك. وبالتالي تبدأ بعد شوية تفكر بالطريقة دي. إزاي أبني منطقة مشتركة بيني وبين المدرس بتاعي؟ هو بيحب إيه؟ فضول. المدرس بتاعك بدل ما هو دايماً بيتخانق. المدير بتاعي. إيه المنطقة المشتركة بيني وبين المدير؟ فبدل ما المدير بيناكف فيك، بقى المدير كسبت قلبه وبقى في منطقة مشتركة. هتفضل شخصيتك هي ده من الذوبان. وهتفضل شخصيته هي هي. بس في منطقة في النص. أنت اهو وهو اهو. وفي منطقة في النص. المنطقة اللي في النص دي هي دي اللي هنشتغل عليها.
أما فكرة حلوة قوي. طب وأنت اتعلمت الفكرة دي منين؟ من النبي صلى الله عليه وسلم. إيه سر الحب الكبير بين النبي والسيدة خديجة؟ كانت بينهم أحلام مشتركة. ده مش بس بقى منطقة مشتركة. ده النبي كانت أحلام في منتهى القوة. كلمة منطقة مشتركة يعني كده حاجات حلوة بنعملها مع بعض. تخيل بقى لو حلم مشترك. يا عم كبرنا قوي قوي. كبرنا الموضوع قوي. طب وهو إيه الأحلام المشتركة بين النبي والسيدة خديجة؟ خمس ست أحلام. علاقة متماسكة جداً جداً.
حلم الأول: كانت حلم التجارة. تعال نشتغل بزنس مع بعض ونعمل فلوس مع بعض ونجحوا مع بعض. وبعدين حلم بيت مشترك. الجواز. وبعدين حلم تربية أبناء يختلفوا عن الأبناء اللي موجودين لبقية سادة قريش اللي قايمة على الفلوس وبس. السيدة خديجة والنبي مربيين سبعة في البيت. بس سبعة. ما تنسوش إن السيدة فاطمة والسيدة زينب والسيدة أم كلثوم والسيدة رقية أبناء النبي صلى الله عليه وسلم كلهم تربية البيت دون. لا. وبعدين ربوا ناس غير ولادهم. مش سيدنا علي بن أبي طالب النبي اللي رباه؟ هو مين اللي ربى سيدنا علي؟ ما سيدة خديجة الله. ومين كمان؟ وزيد بن حارثة اللي النبي تبناه. ما هو ده كمان متربي جوه جوه البيت. يا نهار أبيض. يعني كان في كم ولد؟ يعني البيت فيه قد إيه؟ سبعة. حلم مشترك. وبعدين بقى حلم بقى كبير قوي اسمه حلم الرسالة. ما هم شالوا الإسلام مع بعض. أول من سجد لله مع رسول الله بعد رسول الله صلى الله عليه وسلم السيدة خديجة. أول مسلم. واحدة ست. السيدة خديجة. تعرف تعرف تعمل مع مراتك أحلى مشتركة؟ تعرف تبني أحلى مشتركة؟ إمتى البيت بيبدأ العلاقة تبرد وتبقى جافة؟ ما فيش أحلى مشترك.
إيه ده؟ ده الموضوع ده طالع رائع. الموضوع ده رائع جداً. بناء المنطقة المشتركة بهبات، بعادات، بأنشطة، باكتيفيتيز، أو بأحلام بمشروعات. علاقتي أنا والفريق اللي معايا في مشروع الإحسان ليه قوية جداً؟ عشان في حلم كبير. وحلم لله كمان. خلي بالك. كل ما كان الحلم بقى كمان مرتبط بالله بقى أقوى وأقوى وأقوى. إحنا عمالين نعمل إيه؟ نقوي كتلة المحبين. في ناس بقى ما بيحبوناش. أيوه. بس أنا الحمد لله علاقتي بأبويا وأمي حلوين. وعلاقتي أنا بتكلم عن نفسي. علاقتي بأبويا وأمي حلوين. وعلاقتي بأولادي حلوين. وعلاقتي بمراتي حلوة. وعلاقتي بالفريق اللي بيشتغل معايا اللي إحنا كلنا مؤمنين بفكره واحدة بنحب بعض. حلوة يا عم. أيوه. في ناس. بس أنا معايا حاجات حلوة كتير. فتهدا النفس. ودايماً أفكر نفسي. أيوه. شايف الناحية التانية مليانة حاجات حلوة. فلما تعمل المقاصة. وإيه يعني لما يشتمني؟ إيه يعني؟ اه. أنت عشان كده ما بتتوجعش لما حد بيشتمك أنت بشكل شخصي؟ اه. ما بتتوجعش عشان كده؟ عشان عندي الناحية التانية كتير. ودايماً عيني على الناحية التانية. فما بيحصليش زعل. أو طبعاً بزعل لأني بشر. لكن في الغالب إيه؟ لا. الحمد لله الحلو أكتر.
طيب. أول مهارة. المهاره الثانية اسمها فن التفويت. لو وقفنا لكل واحد على أخطائه معانا، هنخسر كل الناس اللي في الكفة اليمين وهيروحوا الكفة الشمال. مش معقولة يا جماعة. في فن رائع اسمه فن التفويت. عدي يا عم. عدي. فوت. فوت. من أهم الفنون في العلاقات الزوجية. فوت. ومن أهم الفنون في التعامل مع الأبناء عشان تفضلوا أصحاب. ما ينفعش نقف على الواحدة. دي مش طريقة حياة. دي حد. اعمل نفسك مش سامع. سامح. فوت. فوت.
"فَأَسَرَّهَا يُوسُفُ فِي نَفْسِهِ وَلَمْ يُبْدِهَا لَهُمْ". إيه هي؟ قالوا: "إِنْ يَسْرِقْ فَقَدْ سَرَقَ أَخٌ لَهُ مِنْ قَبْلُ". هم واقفين قدام سيدنا يوسف ومش عارفين إن هو سيدنا يوسف. وفي بضاعة ضايعة. وهو وزير الاقتصاد. وهم غلابة. يعني يقدر يديهم على دماغهم. راحت فين البضاعة؟ البضاعة في هدوم أخوه. فقاموا الأخوات قايلين إيه؟ ما هو إذا كان سرق، ما هو كان له أخ قبل كده سرق. "إِنْ يَسْرِقْ فَقَدْ سَرَقَ أَخٌ لَهُ مِنْ قَبْلُ". يقصدوا سيدنا يوسف. "فَأَسَرَّهَا يُوسُفُ فِي نَفْسِهِ وَلَمْ يُبْدِهَا لَهُمْ". ماشي.
أنت بقى ما بتفوتيش. فبدأتي تتخانقي مع أولادك كتير. فبدأ الحب يقل. فمادش في صداقة. مش معقولة. واقف لمراتك على الواحدة. كل حاجة غلط، غلط، غلط، غلط. مش طريقة دي. "مَا عَابَ رَسُولُ اللَّهِ صَلَّى اللَّهُ عَلَيْهِ وَسَلَّمَ طَعَامًا قَطُّ". عمره ما قال: إيه الأكل الوحش ده؟ ليه؟ فن التفويت. إن اشتهاه أكله. وإن لم يعجبه تركه. مش عايز أكله من غير ما تقول: إيه ده؟ أكل وحش. إيه اللي أنتوا وهي ست تعبانة في الطبيخ طول النهار، أو مش تعبانة في الطبيخ طول النهار، بس في الآخر هي اللي عاملة الأكل. إيه الأكل الوحش ده؟ ما عاب. ودي الناس فاكراها. طب هو ليه ما عاب طعاماً قط؟ عشان النقطة دي لازم نفوت.
صحيح. في أوقات لازم تقف. واقفه. أنا مش مبسوط من واحد، اتنين، تلاتة. بس مش الصح إنك كل يوم بتقول: أنا مش مبسوط من واحد، اتنين، تلاتة. فوت. فوت. اتعلمتها من مين دي؟ اتعلمتها من النبي صلى الله عليه وسلم. شوف. أنا كل واحدة وهنروح للنبي صلى الله عليه وسلم.
السيدة عائشة غارت. وغارت من إن السيدة حفصة عملت للصحابة عزومة. والأكل حلو والصحابة صحابة أكلوا مبسوطين والأكل جميل. فغارت إن كل الانبساط ده والنبي مبسوط بالصحابة والأكلة. وأنا. فقامت جاية من جنب القصعة اللي فيها الأكل الفخار دي وقامت خابطة القصعة برجلها. كسرتها. أي زوج وأصحابه موجودين. حصل موقف زي كده. ممكن في ناس ممكن تطلق فيها. وفي ناس ممكن تتخانق خناقات كبيرة فيها. إنما الحكي. رد نبي. "غَارَتْ أُمُّكُمْ". ما قالش غارت عائشة. أمكم. كأنه بيقول لهم: معلش. فوتوا. مع إنه هو المفروض هو اللي يتخانق. فهو اللي بيهدي قلوبهم وأعصابهم. لما شافوا البتاعة اتكسرت. وقال لهم: "غَارَتْ أُمُّكُمْ". ده فن التفويت.
بس فن التفويت مش معناها إنك مش حازم. في توازنات في الشخصية. وبعدين قام دخل السيدة عائشة. قال: "يَا عَائِشَةُ، كَسَرْتِ لَهَا قَصْعَةً فَاصْلِحِي لَهَا الْقَصْعَةَ أَوْ اشْتَرِي لَهَا غَيْرَهَا". قال: تستغفر لي يا رسول الله؟ قال: "يَغْفِرُ اللَّهُ لَكِ يَا حَسَّاءُ". منتهى التوازن. الأول عمل فن التفويت. لأنها كانت هتبقى خناقة كبيرة وقدام الناس. ثانياً، أخذ موقف. وموقف مش عشاني أنا. عشان الطرف اللي أنت كسرت لها القصعة. صلحيها لها. فعرفت الغلطة. فقالت له: سامحني. فن التفويت رائع. فن التفويت مفيد جداً جداً جداً.
في صلح الحديبية. كاتبين قاعدين بنكتب صلح الحديبية. سهيل بن عمرو والنبي صلى الله عليه وسلم وعلي بن أبي طالب هو اللي بيكتب الصلح. ف النبي بيقول له: اكتب يا علي "بسم الله الرحمن الرحيم". قال: انتظر. سهيل بن عمرو: ما نعرف الرحمن الرحيم. اكتب باسمك اللهم. فقال له النبي: "أَمْحُوهَا يَا عَلِيُّ". فوت. امسحها يا علي. عندك النفسية دي؟ ما هو ده يا جماعة. يا جماعة والله بنخسر ناس كتير من الكفة اليمين بيروحوا كفة الشمال. اللي هم الأعداء أو اللي ما بيحبوناش أو واخدين مننا موقف. بتصرفات صغيرة زي دي. ياما بيوت بتطلق على حاجات أي كلام. فن التفويت. "أَمْحُوهَا يَا عَلِيُّ". فمحاها. صح. سيدنا علي كتب: باسمك اللهم. وبعد النبي قايل له: "هَذَا مَا عَاهَدَ عَلَيْهِ مُحَمَّدٌ رَسُولُ اللَّهِ". قال: انتظر. من رسول الله؟ لو نعلم أنك رسول الله لاتبعناك. اكتب اسمك واسم أبيك. قال: "أَمْحُوهَا يَا عَلِيُّ". فقال علي: والله لا أمحوها أبداً. ما أشيل أنا كلمة رسول الله. فقال: أنا أمحوها. فين يا عليا؟ هنا. اكتب: محمد بن عبد الله. عشان في فكرة أكبر اسمها إن النبي كان عايز يقيم السلام. عشان إحنا عندنا فكرة أكبر اسمها إن البيت يفضل مكمل. مش معقول على حاجات صغيرة ويتحول البيت إلى نار شيطان. ده فن التفويت.
يبقى مهارتين إلى الآن. وعلى فكرة أنا ما بتكلمش هنا على أخلاقيات. أول حاجتين مهارات. الأولى: فن بناء المنطقة المشتركة لغاية ما تبقى عادة فيك وهبة فيك وتتعود عليها وتعملها مع كل بني آدم تقابله. أنا أدعي إن شاء الله إن شاء الله إن أنا كان بقى عندي الصفة الأولى. إن أنا أوتوماتيكلي أي حد بقابله ولسه ما عرفوش حتى. بتشتغل إيه؟ بتلعب رياضة إيه؟ أنا كل ده بدور على المنطقة المشتركة. بتسافر فين؟ بتشجع نادي إيه؟ بتحب الأكل إيه؟ مش على طول بسأل الأسئلة دي. بس جوه الحوار لغاية ما تيجي حتة أقول له: أنا بقى بحب كذا وكذا وكذا. ما تيجي مرة نلعب بادل. ما تيجي ما تيجي نروح نشوف كذا. أنا ليا صديق بيعمل كذا. خلاص بنيت المنطقة المشتركة.
أما الناس هتحبك. حب. أما هتحافظ على كتلة العلاقات الحلوة قد إيه؟ يبقى واحد. اكتب معايا: القدرة على بناء منطقة مشتركة. ويا سلام لو بقت أحلام مشتركة. ويا سلام لو الأحلام المشتركة بقت مربوطة بالله. منتهى القوة. اثنين: فن التفويت.
ثلاثة: فن جميل جداً جداً وعايز نفسية حلوة. المساهمة في بناء حياة الناس. مساهمة حاجة بسيطة. يعني مش يعني ممكن تبقى حاجة كبيرة. بس ممكن تبدأ بحاجات بسيطة. لو عملت كده ملكت قلوب. أنت اتجوزت ولا لسه؟ يقول لك لسه. تقول له: أنا عندي عروسة. إيه ده؟ ده بيفكر فيا. الناس تعشق من يفكر لهم. ومعاهم. ولهم. الناس تعشق من يحمل همهم. أنت اشتغلت ولا لسه؟ لسه. ابعت لي السي في بتاعتك يمكن أساعد. اتعلمتها منين؟ تعلمتها من النبي صلى الله عليه وسلم.
هل تزوجت يا جليبيب؟ قال: لا يا رسول الله. ومن يزوجني يا رسول الله؟ أنا راجل فقير ومعيش فلوس. قال: أنا أزوجك. قال: وتفعل يا رسول الله؟ قال: نعم. أنا أخطب لك. أنا أخطب لك. النبي صلى الله عليه وسلم قام رايح لعائلة في المدينة. أنتم فاضيين؟ يا رسول الله. ده رسول الله شايل الأمة. يروح لعائلة في المدينة ويقول لهم: جئتكم خاطباً لابنتكم. لمن يا رسول الله؟ قال: جليبيب. فالأب ما عجبوش. قال: رسول الله يعني يجليبي؟ نعنا نفكر. ما زعلش بقى النبي. ومشي النبي خلاص. عمل اللي عليه. فالبنت قالت لأبوها وأمها: يأتيكم رسول الله يخطب وتردوه؟ أكيد فيها الخير. بنت رائعة. ارجع يا أبي إلى رسول الله وقل له: إننا نقبل. بس كانت الدنيا ليل. فقال: أعود إليه صباحاً. الصباح. كانت قامت غزوة. وطلع فيها جليبيب ومات شهيد. على ما راح له كان جليبيب مات شهيد. فالنبي صلى الله عليه وسلم يقول: من تفتقدون؟ مين مات له حد؟ أنا يا رسول الله. فلان. وأنا فلان. قال: أما أنا فأفتقد جليبيب.
الفكرة. فكرة إنك تساهم في بناء حياة إنسان. فما بالك بقى النبي هيساهم كمان في بناء حياته. لما قال له: أخطب لك. وهيساهم في بناء وفاته. قال: ابحثوا لي عنه في الموتى. في القتلى. في الشهداء. فوجدوه. فقال: انتظروا حتى أحفر له قبره بيديه. ثم نزل النبي في القبر ونام فيه ليكون نوراً لجليبيب. ثم رفع يديه وقال: ناولوني جليبيب. فأخذه ووضعه في قبره. ثم رفع يده إلى السماء وقال: اللهم إني راضٍ عن جليبيب فارضَ عنه يا رب. إيه ده؟ ده بنى له مستقبله وبنى له آخرته. ممكن تهتم بالحاجات دي في الناس اللي أنت بتحبها؟ أنا عيان. أنا أعرف دكتور كويس جداً جداً. خليني أوصلك بالدكتور الفلاني. ويقوم متصل. وما أخدتش دقيقتين. يا فلان هيتصل بيك فلان من طرفي. ارجوك هو محتاج دكتور كذا عشان عشان تساعده في كذا. تمام. تمام. خلاص. حلينا واحدة.
فتحافظ على الناس. المساهمة في بناء مستقبلهم. تخيل أب كل علاقته بأولاده فلوسه بس. بيحب مين؟ نفسه. بيتجوز مين؟ مشاعره إيه؟ في آباء مش شايفين الحاجات دي. وهو البناء مش فلوس. ده الفلوس دي حتة حتة صغيرة كمان. إيه اللي يفرحه؟ إيه اللي يسعده؟ إيه اللي يطمئنه؟ المساهمة في بناء حياة الناس. يشوف واحد يقول له: أنت تأذن يا بلال؟ عشان يستوعبه نفسياً. يساهم في اتخيل بسبب مرور بلال. فإنه أندى منك صوتاً. الراجل اللي جه للنبي وقال له: أنا شفت رؤية. الأذان. إيه اللي خلى النبي فجأة بلال يأذن؟ صنع حياته. فضل يأذن لغاية النهارده. المؤذنين كلهم عينيهم على سيدنا على سيدنا بلال. يشوف سيدنا خالد بن الوليد يقول له: أنت سيف من سيوف الله. خلاص. روح. يعني بيساهم في بنائهم كمان. بفكره الاتش آر. الشركات. الراجل بتاع الاتش آر ده اللي بيوجه الناس يشتغلوا في إيه؟ لا. ده النبي صلى الله عليه وسلم بيعمل الحكاية دي. من أول ما يقعد معاك. أنت تروح تشتغل في كذا. عمرك اهتميت بحد إنك تساهم في صناعة حياته بالطريقة دي؟ حد بيشتغل عندك وظيفة بسيطة جداً جداً. بيشتغل بواب. سواق. تقوم قايل له: أنا عايزك تحفظ قرآن. عشان هينمي. أنت عندك وقت. هينمي شخصيتك قوي. أنت بتتعامل معاه لأنه مش موجود. نازل طالع. ما هو مش أنت مش شايفه. إنما لو عملت كده ولو مرة وقلت له: لما تخلص بقى سورة البقرة تعال سمع لي. أو لما تخلص الجزء الـ 30 تعال سمع لي. ملكت حياته. لأنك ساهمت في بناء حياته. ناس غلابة محتاجين حد يهتم بيهم. لو جيت لأي حد دلوقتي وقلت له: قل لي أسماء خمسة من اللي خدوا الأولمبياد في الماراثون الجري السنة اللي فاتت. أو في أي حاجة في الأولمبياد السنة اللي في الأولمبياد اللي فاتت. ولا هيفتكر حد. لو قلت له: افتكر واحد من 20 سنة. هو أول واحد ساعدك إنك تلاقي شغل. أول واحد شغلك. لازم هيفتكره. لازم هيفتكروا دي. النقطة الثالثة دي رهيبة جداً جداً. يحبوك العمر كله. ساهم في بناء حياتي. ويا سلام لو عملت حاجة لابنه. وقلت له: هساعدك في ابنك في كذا.
طيب. أربعة. الصفة الرابعة هي هي. دي مش مهارة الحقيقة. دي صفة أخلاقية. لو موجودة فيك تملك قلوب الناس وتحافظ على الناس اللي معاك قوي. ودي بقى الصفة الرابعة دي اللي تحول أعدائك لأكتر ناس يحبوك. الشفافية والمصداقية. ظاهرك كباطنك. ما فيش لؤم. ما فيش هيدن أجندا. ما فيش جانب مستخبي مش كويس. مش بتقول وتقول ومخبي. العكس. مش لف ودوران. ما فيش التواء شخصية. واضحة. شخصية. ما. ما شفافة.
امم. كلنا عندنا أسرار ومن حقنا يكون عندنا أسرار. لكن ما تبقاش بوشين. ما تبقاش بتقول حاجة وأنت بتعمل عكسها. هتتكشف. هتتكشف. واللي بيحبوك مش هيحبوك. ومن غير ما تقول ربنا هيكشفك وهيبان على وشك. وكل حاجة هتتكشف. وهيبان على ثلاث لسانك. لأن اللسان مغرفة القلب. عايز تغرف تشوف قلبه فيه إيه؟ اسمع لسانه. المغرفة اللي بتجيب من القلب. والوش مغرفة القلب. كله بيبان على الوش. سبحان الله. ودي من عجائب فعل الله سبحانه وتعالى.
"وَمَنْ يُسْلِمْ وَجْهَهُ إِلَى اللَّهِ". طب. "وَمَنْ يُسْلِمْ لَهُ وَخَلَاص". ليه جاب وجهه؟ كله بيبان في الوش. التسليم لله. "وَمَنْ يُسْلِمْ وَجْهَهُ إِلَى اللَّهِ". إنك مسلم لربنا حياتك ومش معاند مع قدر الله. إيه اللي جاب وجهه؟ بيبان على وشك. ولذلك نتعلم منين دي؟ من النبي صلى الله عليه وسلم. الراجل اليهودي اللي واخد ابنه ورايح. أول مرة النبي داخل المدينة. فهو بيقول لابنه: هنكتب كشف إذا كان صادق ولا كاذب. قال له: إزاي يا أبي؟ قال له: هنطلع من التوراة كل صفات نبيه آخر الزمان. ونسأله 10 أسئلة من اللي موجودة في التوراة. عرف يجاوب يبقى نبي. ما عرفش يجاوب يبقى مش نبي. وبدأ يحفظ ابنه الأسئلة عشان لما يروحوا يسألوا النبي صلى الله عليه وسلم الأسئلة. خد ابنه. راح. أول مرة يشوف النبي. وقف قدام النبي. قال: هذا رسول الله. طب وفين الأسئلة؟ ما سألش. فابنه بيقول له: ماذا يا أبي؟ كيف يا أبي؟ قال: يا بني. هذا الوجه لا يعرف الكذب. الوش ده وش صادق.
الناس بقى بتحس بيك. مثل ما أنت عايز. وخبي زي ما أنت عايز. والتوي زي ما أنت عايز. واكذب زي ما أنت عايز. وخليك ذكي وحويط زي ما أنت عايز. والله هتتكشف. روح بعيد. واستخدم ذكائك على قد ما تقدر. هتتكشف. مكشوف. وبالتالي مين أكتر ناس الناس بتحبه؟ اللي تعرف إن هو صادق معاها. مش ملتوي معاها. هو أنا بتضايق منه في حاجات وفي صفات وحشة. بس هو مش ملتوي. بس هو نضيف من جوه. أيوه. الناس بتقول كده. حتى أعدائك. حتى اللي بيكرهوك. أبو سفيان وهو بيعادي النبي صلى الله عليه وسلم. يسمع كلام عن النبي. وبعدين يسمع كلام من عمر بن الخطاب. فيوم قايل: والله لعمر بن الخطاب أصدق عندي من كل قريش. عمر بن الخطاب. هو بيحارب. عمر بن الخطاب في غزوة أحد. واحد من قريش أشاع إن هو قتل النبي. ابن قم. فابو سفيان مش متأكد من الخبر. فالمسلمين فوق جبل أحد في نهاية المعركة. وابو سفيان وقريش تحت. فابن قم عمال يقول: قتلت محمداً. قتلت محمداً. قتلت محمداً. فابو سفيان قال: يا عمر. استحلفك بالله. أحَي؟ قال: آه والله حي. قال: والله لانت أصدق عندي من ابن قم. يعني يا جماعة. وأسلم أبو سفيان في الآخر.
في الفكرة في الآخر إن الشفافية تكسب. المصداقية تكسب. تكسب تكسب تكسب. بلغة كده بسيطة. أو بلغة يعني شعبية. اللي يقش في الآخر هو المصداقية والشفافية. مهما عدوك. كل ما قدرت تقرب الظاهر من الباطن. مش هتجيب 100%. لأن ما حدش يقدر يخلي ظاهره كباطنه إلا النبي صلى الله عليه وسلم. لكن كل ما قربت الفجوة بين الظاهر والباطن. زاد حب الناس ليه. مصدقينك. أيوه. بس أنا ما بحلفلهمش إن أنا إن هم يصدقوني. أنا بقول كلامي العادي. مصدقينك. مصدقينك. ما تخافش. ما تخافش. الثاني بقى الملتوي. عمال يحلف حلفان ويجهز ألف حيلة وحيلة. مكشوف. سبحان الله. سبحان الله.
ضمضم بن الأزد. رجل من الجزيرة العربية. جه مكة. قريش قالوا له: خلي بالك. في واحد عندنا هنا مجنون. أصابه الجن. اسمه اسمه محمد. أوعى تقرب منه. فهو ضمضم. راجل شغلته أصلاً. اللي هم ما يعرفوش إن هو بيعالج من الجن. فصعب عليه النبي صلى الله عليه وسلم. فقال: أنا لازم أعالج الراجل ده. فراح للنبي صلى الله عليه وسلم. وقال: إن قومك أخبروني أنك قد مسك الجن. فقل: يا ابن أخي. مما تشتكي؟ وأنا أعالجك. فقال له النبي: فاسمع مني. قام قايل له النبي صلى الله عليه وسلم كلمتين. بنسمعهم إحنا في خطب الجمعة كل يوم جمعة. الكلمتين اللي قالهم النبي دول ما فيهمش معنى كتير. قال له إيه؟ "إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا. مَنْ يَهْدِهِ اللَّهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ". فقال ضمضم: أعدها عليه. فالنبي ما قالها له تاني. فسكت. قال: أعدها علي. فأعادها عليه النبي صلى الله عليه وسلم. قال: أشهد أن لا إله إلا الله. وأشهد أنك رسول الله. ولا جن. ولا الدعاية يقولوا عليك اللي يتقال. عندك مصداقية وشفافية. أنت اللي هتكسب. أنت اللي هتقش في الآخر. ليه؟ طب هو ضمضم أسلم ليه؟ بسبب الكلمتين دول. يا ترى النبي قالهم إزاي؟ ماذا وراء الكلمات؟ روح النبي وهو بيقولهم كانت عاملة إزاي؟ المصداقية عاملة إزاي؟ الشفافية عاملة إزاي؟ التصاق الظاهر بالباطن. خلاه يصدق في دقيقة ويؤمن بدقيقة. إزاي وإحنا بنتكلم بالسنين ما حدش يصدقنا؟ مصداقيتك هتبان على وشك. هتبان في كلامك. دي النقطة الرابعة.
النقطة الخامسة والأخيرة. أيضاً أخلاقية. عايز الناس تحبك قوي. خليك شخصية سهلة. بلاش عواد. شخصية سهلة. يقول النبي: "الْمُؤْمِنُ هَيِّنٌ لَيِّنٌ سَهْلٌ". كل ما ازددت سهولة. حبك الناس. كل ما بقيت معقد. صعب. حد يصالحك. يقعدوا يصالحوا فيك ساعة. ما بتتصالحش. حاجة مش عايزة خلاص. مع السلامة. عمال تفقد ناس أنت بسبب إن أنت شخصية معقدة. بتقف على الواحدة. لها علاقة بفن التفويت شوية. شخصية سهلة. غير متكلف. لما أخرج معاك ما أحسش إني متكتف. لأنك يعني شخصية تثقيلة. لا. شخصية سهلة. لما أجى أسافر معاك. شخصية سهلة. أحب أسافر معاك. في ناس ما تحبش تسافر معاهم أبداً. تثقيل. ثقيل عليا. سهل. سهل. الشخصية السهلة. غير متكلف. لما أخرج معاك. ما أحسش إني متكتف. لأنك يعني شخصية تثقيلة. لا. شخصية سهلة. لما أجى أسافر معاك. شخصية سهلة. أحب أسافر معاك. في ناس ما تحبش تسافر معاهم أبداً. تثقيل. ثقيل عليا. سهل. سهل. الشخصية السهلة. غير متكلف. لما أخرج معاك. ما أحسش إني متكتف. لأنك يعني شخصية تثقيلة. لا. شخصية سهلة. لما أجى أسافر معاك. شخصية سهلة. أحب أسافر معاك. في ناس ما تحبش تسافر معاهم أبداً. تثقيل. ثقيل عليا. سهل. سهل. الشخصية السهلة. ما خير رسول الله صلى الله عليه وسلم بين أمرين إلا اختار أيسرهما ما لم يكن إثماً أو اثماً. قال: طب والله أنا اتعلمت دي من النبي صلى الله عليه وسلم. وبقيت أفكر بالطريقة دي. نسافر بالليل ولا الصبح؟ إيه الأسهل لكم؟ فمراتي تقول لي: لا نسافر الصبح. خلاص نسافر الصبح. علي وعمر عايزين نروح معاك كذا ولا نروح كذا؟ إيه الأسهل لكم؟ عندي اجتماع مع الفريق بتاع مشروع الإحسان. الأسهل لكم يبقى فين والساعة كام؟ بس في الآخر هيجوا عندي البيت يعني عشان ده الأسهل ليا. هم بيضحكوا من ورا الكاميرا. بس فكرة إيه الأسهل ليك؟ إيه الأسهل ليك؟ وتبقى فكرة السهولة دي فكرة طريقة تفكير. ما تصعب على نفسك. يحبوك كده. خليك سهل. خليكي سهلة. خليك سهل. حتى في طريقتك في الحياة. في لبسك. اه. عايز تلبس لبس حلو. بس مش لازم كله براندات. يعني خليك سهل. ومش لازم كل لبسك له طريقة معينة. ما بقعدش إلا في الحتت المعينة. وما باكلش إلا في الحتت المعينة. وما بصيفش إلا في الحتت المعينة. إيه التكلف ده؟ إيه المظهرية دي؟ ما يحبك الناس كده. خليك سهل. خليك راجل شعبي كده مع الناس. شبه الناس. ببساطة. مرة مرة كابتن من كباتن الكورة اللي كانوا بيدربوا ابني علي. بيقول لي: أنت عارف إيه أحلى حاجة في ابنك ده؟ قلت له: إيه؟ قال لي: ابن بلد. أما انبسطت. انبسطت لما قال لي كلمة ابن بلد كده. خليك خليك كده في وسط الناس وسهل وحلو. وتجات في حياتي حلوة قوي وبصاني جداً. أنا ما بحبش المظاهر. أنا مرة طلعت ابني علي من مدرسة. لأنها كلها قايمة على المظاهر. كان لسه بس كان أنا لا أملك بعد ما كبر إني أعمل معاه كده. إلا إحنا أصحاب. إلا بتناقش. بس كان لسه في كي جي. المدرسة دي بتاعة مظاهر. مش شبهنا. مش عايز أنا كده. مش عايز ابني يطلع كده. سهل. سهل. بعيداً عن المظاهر. عايز في الصيف أروح مصيف أنا وأولادي. ما بروحش الحتت اللي قايمة على المظاهر. مش عايز. مش عايز كده. ما باكلش في مطاعم قايمة على المظاهر. بس أنا بحب آكل في المطاعم. بس أنا سهل. سهل. أحب الأكلة الحلوة. بس أنا ما بحبش المظاهر. إيه ده؟ دي طريقة حياة سهلة. سهلة. أسامح بسهولة. وأقبل بسهولة.
خمس صفات. خمس صفات رائعة. مهارات على صفات. ثلاث مهارات وصفتين أخلاقيتين. لو معاك الخمسة دول. أنت هتعيش حياة نفسية سوية. لأن هيكتر الناس اللي بيحبوك. وهيقل الناس اللي بيكرهوك. أو هتقلل أعدائك. ومش هتفقد ناس كتير من كتلة اللي بيحبوك. تعالوا نراجع الخمسة بسرعة تاني.
القدرة على بناء منطقة مشتركة بينك وبين الناس. ويا سلام لو بقت أحلام مشتركة. ويا سلام لو الأحلام المشتركة دي بقت موصولة بالله. اثنين: فن التفويت. ثلاثة: المساهمة في بناء حياة الناس. بفكره. بحاجة بسيطة. بحاجة كبيرة. المساهمة في بناء حياة الناس. يعشقوك وتملا قلوبهم وتمتلك قلوبهم. أربعة: الشفافيه والمصداقية. تحول أعدائك لأحباب. الخامسة والأخيرة هي شخصية سهلة. غير معقدة.
ده كان البودكاست. طلعته من حاجتين. من قصص عن النبي صلى الله عليه وسلم. ومن تجاربي في الحياة. ما حضرتش من كتب. لكن كان بتلقائية وحب وبساطة وشفافية. شكراً لكم جداً. والسلام عليكم ورحمة الله وبركاته.
[موسيقى]