ضرب مقر قيادة الاتصالات في الجيش الاسرائيلي وترامب يتعهد بمحو ايران

سلام عليكم. ازيكم؟ اللي حضرتك شايفه ده فيديو لرئيس أمريكي دونالد ترامب وهو راجع للبيت الأبيض على وجه السرعة عشان يشوف إيه اللي بيحصل في حرب إيران وآخر التطورات اللي فيها، بعد ما خد إجازة بسيطة كده وحب يبين العالم كله إن الأمور تحت السيطرة وكل حاجة ماشية زي الفل والجيش الأمريكي بيحقق نجاحات غير طبيعية.

الواقع بيقول حاجة تانية خالص. الواقع بيقول إن في أسئلة دلوقتي بتدار داخل البيت الأبيض في منتهى الخطورة. أهم سؤال في الموضوع ده إيه؟ أهم سؤال اللي كشفته صحيفة وول ستريت جورنال قالت لك على فكرة مستشاري الرئيس الأمريكي دونالد ترامب بيقولوا له يا باشا أنت لازم تخلص الحرب دي في مفاجأة من العيار الثقيل.

أما على الجانب الآخر فحصل حاجة غريبة جدا. سوق النفط، سوق النفط وصل لحد 119 دولار وفجأة اتهبط تاني ونزل تحت 90 دولار للبرميل. ليه النفط نط النطة دي؟ خاصة ده سؤال. اقعد تفتكر إنه بعيد عن مصر. أنت بتتكلم النهارده أسعار البنزين ارتفعت 3 جنيه. فأنت هنا بتتكلم إن أنت لازم تعرف الخريطة ماشية إزاي وهل بعد ما النفط وأسعار النفط هبطت الحكومة بقى هتنزل أسعار النفط عندنا والدنيا هتستقر ولا إحنا رايحين على فين؟

كلام أول مرة هتسمعه لأن ببساطة طالع من الميديا الأمريكية وكلام في منتهى الخطورة بعد ما تم ضرب مركز اتصالات إسرائيلي في قلب تل أبيب. بس طبعًا مش هقول لك الكلام ده كله وأكشف لك آخر تفاصيله قبل ما أخش في الموضوع. قبل ما أكشف لك التفاصيل خليني أقول لك إن إحنا معانا راعي قوي جدًا ومحترم جدًا وهو باتر هاوس.

الطلب زاد جدًا الفترة اللي فاتت دي على منطقة الجلالة في العين السخنة وفي مشروعات ضخمة جدًا بتعملها الدولة هناك بشركات متعددة ولسه في استثمارات أكبر وأكبر هتتعمل في منطقة الجلالة خلال الفترة اللي جاية. عشان كده بقول لك دي فرصة دلوقتي إنك تستثمر هناك. والنهاردة شركة باتر هاوس قررت تعمل حاجة غير متوقعة. رغم النجاح الكبير جدًا اللي حققوه الفترة اللي فاتت قرروا يعملوا عرض خاص جدًا وحصري لعدد محدود من الوحدات ودي فرصة بجد ما تتفوتش في منتجع فيدالهلا في منطقة الجلالة بمقدم 3% فقط.

وسط بيبدأ من 9700 جنيه فقط على 10 سنين بشرط إنك تحجز معاهم استمارة حجز بقيمة 50,000 جنيه والتسكين قريب جدًا. المنتجع بيضم شاليهات وفيلات متنوعة بمساحات تبدأ من 65 متر، 95 متر، و105 متر. وطبعًا في مساحات أكبر زي التوين هاوس والتاون هاوس. والنهاردة مدينة الجلالة في مرحلة نمو وتوسع مستمر وتطوير سريع جدًا وقيمة استثمارية وسعر بيعلى كل يوم. وبالنسبة لمنتجع فيداله فهو بيقع في منطقة الجلالة. فأنت مش بتشتري مجرد مكان تقضي فيه وقت، أنت بتمتلك مكان حقيقي واستثمار مضمون في منتجع متكامل على ارتفاع 750 متر فوق سطح البحر. يعني هوا نقي، أجواء معتدلة طول السنة، وإطلالات بانورامية تخليك تعيش مستوى مختلف في موقع مميز جدًا وقريب جدًا من الداون تاون والتليفريك وجامعة الجلال. يعني حياة كاملة. هسيب لحضراتكم رابط باتر هاوس أسفل الفيديو لو حابب تتواصل معاهم. أوعى تفوت الفرصة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص حرب الخليج. إيه اللي حصل؟ اللي حصل إن والله صحيفة وول ستريت جورنال انفجرت بخبر في منتهى الخطورة. وقالت لك على فكرة مستشاري دونالد ترامب ابتدوا يتكلموا معاه ويقولوا له حضرتك لازم تاخد قرار إن أنت تخرج بره الحرب دي. مش هينفع تكمل الحرب.

والمثير في الأمر إن دونالد ترامب ابتدى يبحث هل فعلاً ممكن أخرج من الحرب وأنهي الحرب بسرعة ولا لأ؟ طب ولقى إيه؟ لا استحالة يخرج من الحرب. وده أخطر حاجة تم الكشف عنها حاليًا. دونالد ترامب اكتشف إن الحرب دي لا يمكن يعرف ينهيها. ليه؟ أولًا أنت بتتكلم إن إيران ما زالت بتطلق صواريخ ومش صواريخ عادية. إحنا بنتكلم إن صواريخ خيبر ابتدت تخش على إسرائيل. ابتدت إيران إن هي تطلق صواريخ ومش بس كده ابتدت إيران الصواريخ بتاعتها تحقق أهداف دقيقة وما بيتمش اعتراضها زي نفس المستوى في أول حرب في إسرائيل بالذات.

طيب ده أول حاجة. ثاني حاجة تعال بص على الخليج. الخليج كل يوم عنده خسائر غير طبيعية لدرجة إن النهاردة في طيارة أباتشي في الإمارات سقطت وهي بتتصدى لمسيرات إيرانية. فده خبر. ثالث حاجة أنت بتتكلم إن الجيش الأمريكي استهلك 6 مليار دولار ذخائر بس. 6 مليار دولار ذخائر في قد إيه؟ في أول أسبوع. طيب وإيه المشكلة حضرتك؟ أنت بتتكلم ده ثمن الذخائر فقط. إحنا ما بنتكلمش على التشغيل وما بنتكلمش على الخسائر. ما بنتكلمش على خسائر في الأرواح. سبع جنود أمريكان اتقتلوا. ما بنتكلمش على خسائر في القواعد الأمريكية. حاجات مهولة جدًا.

النقطة اللي بعد كده إن خلي بالك في غضب كبير جدًا من الأمريكان إن هم مش فاهمين الحرب دي أصلًا ابتدت ليه وما عندهمش تفسير واضح. إحنا ليه ضربنا إيران؟ وابتدى يطلع في الميديا الأمريكية خد بالك من الكلام ده. مش الميديا تبع الحزب الجمهوري. أنا بأجل لحضرتك الميديا الأمريكية عامة. يعني إن والله دونالد ترامب ضرب إيران عشان إسرائيل. ما ضربش إيران عشان أي حاجة تانية. وخاصة بعد المقالة بتاعة إكس يسال إن والله طلع تقرير وقال لك نتنياهو هو اللي أقنع ترامب وقال له يا باشا ده في جائزة كبيرة جدًا واجتماع واحد هنقضي عمشد والقاضى بتوعه. فدي هتبقى ضربة يعني توازي خطف نيكولاس مادورو. والمرة دي أنت هتنفذها في إيران. فابتدى في غضب. وآخر استطلاع للرأي حصل بين الأمريكان اكتشفوا إن نسبة معارضة الحرب ترتفع. وصلنا النهاردة 63% معارضة للحرب. ودي دي نسبة على فكرة ما كانتش موجودة قبل كده. أول ما الحرب ابتدت كانت 50. دلوقتي بتتكلم إن المعارضة ابتدت تزيد. هي أمور كتيرة تقول لك إن دونالد ترامب لازم ينسحب من الحرب.

هيجي واحد يقول لك يقول لك على فكرة بقى أنت عاوز تقول إن إيران بتنتصر وإن والله الجيش الأمريكي بينهزم وإن دونالد ترامب عاوز يخلع عشان مشاكل داخلية. والله أنا مش عاوز أوصل لحضرتك الصورة دي. كل الصورة اللي أنا عاوز أوصلها لحضرتك حاجة واحدة بس. إن أمريكا كان عندها مشاكل كتيرة في الحرب دي قبل ما تبدأها. وإن دونالد ترامب تسرع في اتخاذ قرار الحرب بشكل كبير قبل ما المخابرات الأمريكية تكمل الصورة الأساسية أو تجمع المعلومات الكافية وتاخد وقتها. دونالد ترامب تسرع نتيجة لاجتماع المرشد اللي نتنياهو أبلغه بيه. فمخابرات أمريكية دلوقتي عندها نقص كبير في المعلومات. بدليل إن دونالد ترامب لسه طالع وقال لك على فكرة أنا في أهداف ما ضربتهاش وممكن أبتدي أضربها زي ما حضرتك هتشوف كده بالضبط.

"We've struck over 5,000 targets to date. Some of them very major targets. And we've left some of the most important targets for later in case we need to do it. If we hit them, it's going to take many years for them to be rebuilt, uh, having to do with electricity production and many other things. So, we're not looking to do that if we don't have to. But the kind of things that are very easy to hit, but very devastating if they are hit."

ده معناه إيه؟ ده معناه إن الأهداف ذات القيمة تنفذ. وبتتكلم دلوقتي إن دونالد ترامب ممكن يضرب أهداف بنية تحتية ممكن أصلًا توري صورة أمريكا مش كويس. يعني ممكن مثلًا يضرب مدارس، يضرب مستشفيات، يضرب مصافي نفط. الكلام ده كله أمر خطير. ماشي. بس ده يقول لك إن في نقص في المعلومات الاستخباراتية.

الحاجة الثانية حضرتك لازم تعرف إن الجيش الأمريكي بيعتمد على معلومات مبنية مية على الذكاء الصناعي يعني الـ AI. وده أمر ابتدى يتم تحليله. لأن الجيش الأمريكي ابتدى يستهدف مثلًا استاد ماشي. ابتدى يستهدف حديقة اسمها حديقة الشرطة. فالأسماء دي توضح لك إن اللي بياخد القرار مش بني آدم. اللي بياخد القرار وفقًا للمسمى. وهي معطيات تقول لك إن الـ AI داخل في الهجمات الأمريكية بشكل كبير جدًا.

طيب. الحاجة الثانية لازم تعرف إن إيران متبهدلة. يعني بص. إيران النهاردة طلع التلفزيون الإسرائيلي يقول لك إن إيران اتضرب عندها 300 منصة صواريخ وما بقاش عندها غير 140 منصة صواريخ فقط. هي العاملة داخل إيران حاليًا وفقًا للتلفزيون الإسرائيلي زي ما حضرتك كده.

"ערב המלחמה על פי הערכות היו כ-420 וארצות הברית הצליחו להשמיד כ-150 משגרים עוד 150 משגרים נוספים אבל הם נגבו מתחתנים مش كده"

أمريكي عرض إيران ابتدت منصات إطلاق الصواريخ وما بقتش تطلقهم من الأماكن مفتوحة. وزي ما حضرتك شايف كده إن إيران بتخفي منصات الصواريخ زي ما حضرتك شايف في الفيديو ده. جيش أمريكي بيستهدف منصة صواريخ أسفل كوبري. فده أمر مهم جدًا يقول لك إن إيران ابتدت تعاني من نقص في إطلاق الصواريخ.

طب سؤال. ليه دونالد ترامب عاوز يمشي؟ يعني ليه دونالد ترامب عاوز يخلص الأمر ده؟ في حين إن دونالد ترامب كل تصريحاته العلنية يقول لك إحنا ماشيين وفق الجدول. النفط والذخائر. خد بالك من العاملين دول. طيب هتيجي تقول لي إيه المشكلة في النفط؟ ما النفط دلوقتي هبط أهو. حاجة أقول لحضرتك. النفط ما جاوبش على أهم سؤال اللي هو إيه؟ مضيق هرمز هيتفتح إمتى ومضيق هرمز هيتفتح إزاي؟ خلي بالك مضيق هرمز ده 20% من صادرات النفط العالمية خارجة من المضيق ده. 20% من صادرات الغاز العالمية خارجة من المضيق ده. فقفل المضيق حاجة قاتلة. ومش بس قفل المضيق. أنت بتتكلم إن إيران بتستهدف مصافي نفط وغاز في الخليج. بتتكلم إن الخليج بيقفل منصات النفط والغاز اللي عنده. تطورات خطيرة.

طب أدام كده ليه أسعار النفط وصلت 119 وهبطت لأسفل لـ 90 دولار للبرميل؟ والله لسبب بسيط قوي. إن الدول السبعة الكبرى قالت إنها هتفرج عن الاحتياطات بتاعتها داخل الأسواق. يعني هي مش هتستهلك زي الأول. لأن أكبر مستهلك النفط في العالم هم أكبر سبع دول الـ G7. ماشي؟ فقالوا والله إحنا مش هنبتدي نستورد. إحنا هنبتدي نفرج عن الاحتياطات والمخزونات الخاصة بالنفط بتاعتنا. طب سؤال بكم تقدر احتياطات النفط لدى الدول السبعة الكبرى؟ بمليار و200 مليون برميل. طيب هما هيفرجوا عن إيه؟ قال لك والله هيفرجوا عن 400 مليون برميل. فعشان كده سوق هدي.

مش بس كده طلع دونالد ترامب قال لك والله أنا خلاص الحرب دي خلصتها. إيران ما بقاش عندها صواريخ. ما بقاش عندها مسيرات. ما بقاش عندهم اتصالات. فوالله الحرب دي قربت تخلص زي ما حضرتك تسمع منه كده بالضبط.

"The President on Iran. You called it an excursion. You said it would be over soon. Are you thinking this week it will be over?"

"I think so. Look, everything is including their leadership."

تصريح دونالد ترامب ده هو تصريح مجرد إن هو يهدي أسواق النفط. حاجة ثانية. طلع دونالد ترامب وقال لك خلاص يعني هي فترة كده ومضيق هرمز ده هيتفتح هيتفتح. تصريحات تصريحات تصريحات. بس في نقطة مهمة جدًا إن كل الإجراءات اللي اتخدت دي لتهدئة أسواق النفط. لازم تعرف إن هي مش إجراءات أساسية. ولازم تعرف إن مع مرور الوقت السوق هياخد صدمة جديدة. لأن الدول السبعة الكبرى ما ينفعش يقعدوا يفرجوا عن احتياطاتهم الاستراتيجية على طول. خلاص.

والجزء الأساسي في النفط ده إن خلي بالك سوق النفط تلقى صدمة كبيرة جدًا. سوق النفط قبل الحرب دي كان في وفرة في المعروض في نفس الأسبوع. فجأة كده مع بداية الحرب أصبح سوق النفط بيعاني من نقص في المعروض. ماشي. وبيعانى إن في دول كبيرة مش عارفة تصدر النفط بتاعها. والأمر ده يقول لك إن إحنا قدام موجة خطيرة جدًا. خاصة إن أسعار النفط مش هتهدى والسوق هيتلقى صدمة جديدة. لأن أنت بتتكلم على عاملين مهمين جدًا.

أول عامل إن دونالد ترامب عاوز يضرب جزيرة خرج. خلاص. جزيرة خرج دي دي مسؤولة عن تصدير 90% من صادرات النفط الإيراني. 90% على فكرة اللي قال رقم 90% ده بي بي سي. يعني أنا مش جايبه من عندي. بي بي سي قالت 90% من صادرات النفط الإيراني بتخرج من جزيرة خرج.

"جزيرة خرج في الخليج العربي التابعة لمحافظة بوشهر في إيران على بعد 25 فقط من السواحل الإيرانية والمعروفة بالشريان النفطي الأهم لإيران. رغم صغر مساحتها التي لا تتجاوز 25 مربعا يمر عبرها نحو 90% من صادرات النفط الإيراني أي ما يصل إلى 950 مليون برميل نفط سنويا."

دونالد ترامب عاوز يستولي على الجزيرة دي ليه؟ عشان يحرم النظام الإيراني من عوائد النفط وما يبقاش النظام الإيراني عارف يصرف ولا ملي. أمر الأمر الثاني خد بالك هو لو عمل كده إن هو بيستهدف جزيرة خرج. لازم تعرف إن الشعب الإيراني هيلتف خلف مكتب خامنئي. وده أمر يقول إن دونالد ترامب مش بيبحث عن مستقبل أفضل لإيران. هو بيبحث عن مستقبل أفضل للنفط الأمريكي. وبالمناسبة دونالد ترامب لما يقول لك أنا عاوز أستولي على جزيرة خرج ما معناه إن هو عاوز يأثر مدة عملية الحرب مع إيران. ماشي؟ لأن هو إيه الهدف الأساسي؟ زي ما قلت لحضرتك زي ما طلع ليندسي جراهام وقال لك والله لو سيطرنا على فنزويلا وإيران إحنا كده عندنا 31% من النفط العالمي خلاص تحت الإدارة الأمريكية. دونالد ترامب يقول يطلع إمتى وما يطلعش إمتى. ماشي؟ فأمريكا مش لازم إنها تاخد إيران كلها. ممكن تاخد جزيرة خرج. ماشي؟

طب وإيه اللي بيأيد الموضوع ده؟ إن الجيش الأمريكي ما استهدفش الجزيرة دي لحد دلوقتي. ما ضربش فيها ضربات فعالة. وكم من الضربات اللي اتضربت لحد دلوقتي هي ضربات هامشية. بيستهدفوا أصول عسكرية. إنما ما بيضربوش مصافي النفط في الأساس. وإسرائيل على فكرة لما ضربت إيران ضربت خزانات وقود. ما ضربتش منصات إنتاج وقود. ماشي؟ عشان الأمر يبقى واضح. عشان اللي يطلع يقول لك إيه؟ أصل هم ضربوا منصات إنتاج وقود أو حقول نفط. ما عملوش كده.

فأنت دلوقتي بتتكلم إن أمريكا عاوزة تاخد جزيرة خرج. ولازم تعرف أسعار النفط هتولع. اللي أنا عاوز أقوله لك إن دلوقتي أمريكا عندها مشكلة كبيرة جدًا. إيه هي؟ إن أمريكا مش عارفة تخرج من الحرب. وكل الخيارات اللي قدام دونالد ترامب للخروج من الحرب دي سيئة. ماشي؟ لأن ببساطة ما ينفعش يخرج دلوقتي. لأن هو صاحب القرار إن هو يبدأها. بس ابتدت آثار الحرب تبقى مشتعلة بشكل كبير وابتدت تبقى قوية على الإدارة الأمريكية أكتر ما هي كانت حاسبة.

خلي بالك دونالد ترامب المدى الزمني اللي كان في دماغه هو أسبوع عشان يخلص الحرب دي. بدليل إن رئيس أركان الجيش الأمريكي لما جه قعد مع دونالد ترامب وقال له الحرب ما ينفعش تطول عن 10 أيام. قال له ابتدي الحرب. ما معناه إن هو حاطط في دماغه أسبوع. فهو إحنا دلوقتي في الأسبوع الثاني. ودلوقتي الأمريكان طالعين يقولوا إن والله الحرب دي هتستمر أكتر من أربع أسابيع أو خمس أسابيع. وإسرائيل بتقول لك ست أسابيع خلاص. فإحنا هنا بنتكلم إن تاني أسبوع ما بقيناش نتكلم على خسائر الجيش الأمريكي. ما بقيناش نتكلم على أسعار النفط. ما بقيناش نتكلم على أي حاجة. بقينا نتكلم دونالد ترامب عاوز يخرج إزاي. ثالث أسبوع هنتكلم على إيه؟ يعني ثالث أسبوع الكلام هيدور على إيه؟ فده أمر مهم جدًا.

أمر ثاني. إيران لم تتوقف عن إطلاق الصواريخ. وده أمر غريب جدًا مخلي دونالد ترامب يستعلم هو إزاي النظام الإيراني ما نهارش. لسبب واحد إن أنت ابتديت بحرب غلط. وأنت قطعت راس النظام الإيراني وخليت الجسد زي ما هو. وحاليًا اللي بيتحكم في إيران هو الحرس الثوري الإيراني. حتى لو مكتب جه فلازم تعرف إن مكتب ده مش هو المرشد الحقيقي. وعلى فكرة مكتب اتعرض عملية اغتيال بس نجا خلاص. دونالد ترامب ابتدى يلمح لحاجة زي كده إن مكتب خامنئي نجا من محاولة اغتيال. فده أمر يثبت لك فشل عملية اغتيال مكتب. ومجت مكمل. والحرس الثوري هيتحكم فيه. فانت قدام نظام أكثر تطرفًا من نظام خامنئي. ليه؟ لأن المرة دي خامنئي مش هو شخص ممكن تاخد وتدي معاه في الكلام. إحنا بنتكلم عن مؤسسة. ومؤسسة متطرفة. لأنها مؤسسة عسكرية دينية. يعني مبنية على فكر ديني وشيعي. خلاص. فده أمر في منتهى الخطورة.

الحرب رايحة سكة كبيرة. على الجانب الآخر أنا مش عاوزك برده تحس إن إيران يعني انتصرت انتصار كبير. إيران بتموت. إيران بتموت. كل يوم بيعدي إيران بتتبهدل وخسائر غير طبيعية صعب جدًا إنها تتعافى منها. خاصة إن إيران لو الحرب خلصت ما زالت تحت العقوبات. فهتعرف تصلح الحاجات دي كلها إزاي؟ فده أمر مهم جدًا وخطير جدًا.

بس أخطر ما في الموضوع حاجة مهمة وهامة للغاية. إيه هي؟ والله وفقًا لتحليل اكتشفوا إن المسيرات شاهد 136 اللي تم اعتراضها في دول الخليج وإسرائيل. تم الكشف إن في جهاز روسي متطور جدًا هو المسؤول عن توجيه المسيرات دي. والجهاز ده بيمنع إن يتم التشويش على مسيرة شاهد 136. طيب وإيه المشكلة؟ المشكلة هنا إن أنت بتتكلم على مسيرة شاهد 136 ما بقتش مزعجة وخلاص. ما بقتش معموله من موتور عجل ألماني. وإن المسيرة دي مهمتها الأولى هي تشويش أو إغراق الدفاعات الجوية عشان الصواريخ تجد طريقها بشكل مباشر. لا أنت بتتكلم إن مسيرة شاهد 136 أصبحت أكثر تطورًا من المعروف. وفي نفس الوقت خلي بالك إن مسيرة شاهد 136 ما أصبحتش سهلة الاعتراض والأسقاط. وهنا أنت بتتكلم على دور روسي فعال في أهم سلاح إيران بتعتمد عليه.

إيران لو نفذت صواريخها مسيراتها لن تنفذ قريبًا. وإيران بتضرب الجيل الثاني من المسيرات اللي هو جيران 2. ماشي؟ فهي بتطور في الضربات بتاعتها. فإحنا هنا قدام تحول كبير جدًا. روسيا بتخش الحرب. خاصة إن الروس أصبحوا هم أكبر الرابحين من الحرب دي. يعني الروس تم تخفيف العقوبات عليهم. بيبيعوا نفط. بيتحكموا عندهم على فكرة ميزة استراتيجية كبيرة جدًا. يقولوا يبيعوا النفط بتاعهم لمين وفين. يعني مش هيبيعوه لبريطانيا. مش هيبيعوه لدول الاتحاد الأوروبي. هم على كيفهم يختاروا. ما هو أصلًا ما فيش نفط ماشي. فانت قويت روسيا. والحرب دي أصبحت كلها خسائر. رئيس أمريكي لازم ينهي الحرب بأي شكل. وفقًا للإعلام الأمريكي. يعني سيبك من وجهة نظري. الإعلام الأمريكي شايف إن في عراقيل كتير في خسائر كتيرة بالنسبة لأمريكا أكتر مما ممكن تتخيل. وده كله مبني على إيه؟ على إن إيران قدرت إنها تكمل في الحرب لحد دلوقتي. بدليل إن ترامب عاوز يخرج. وبالمناسبة عاوز أقول لك إن الجيش الأمريكي دخل قاذفات البي 1 والبي 2 سبيرت عمالين يضربوا في إيران. يعني أنت بتتكلم على الموجة الجديدة أو تطوير الهجمات الأمريكية على إيران. وبرغم كده إيران صمدت. فدي مشكلة بالنسبة للجيش الأمريكي.

"القوات الأمريكية لا تزال تستخدم بشكل أساسي في هذه العمليات ليلاً تكون الحصة الأكبر للقاذفات البي 1، البي 2، والبي 52. أما أن تتغير الوضع بشكل كبير عندما نتحدث هنا عن المهام خلال النهار، الـ F-35 هي الطائرة الأساسية الأكثر استخداماً في هذه الحرب."

اللي أنا عاوز أقوله لك عشان بس ما تفتكرش إن أنا بوجهك لحاجة أو بحاول إن أنا أثر عليك أو أديك رسالة مختلفة. اللي أنا عاوز أقوله لحضرتك إن الحرب دي لازم تديه. حتى الراجل اللي ابتدى الحرب أصبح أكثر إدراكًا إن لا أنا لازم أخرج. لازم أشوف أي حاجة أدعي بها النصر وأقول والله إحنا مش هنكمل الحرب خلاص. فإحنا هنا قدام إن مش معاناة الدول الخليجية فقط ومش معاناة دول الشرق الأوسط. الحرب أصبحت عالمية. عالمية. والنهاردة أنت بتتكلم في وكالة أنباء اسمها ABC News بتقول لك إيران بتكلم ميليشياتها في الخارج عشان يبتدوا ينفذوا عمليات إرهابية. يعني حاجات خطيرة جدًا. خلي بالك إيران بعلاقة في حاجة زي كده. يعني إيران كانت حاولت ترامب أكتر من مرة مرتين ماشي في الانتخابات الأمريكية نتيجة لميليشياتها في الخارج.

تطورات والحرب دي ما ينفعش تكمل. والإجابة على أهم سؤال. النفط هيفضل سعره ينزل. النفط هينفجر قريبًا ثاني. حاجة. أمريكا أصلًا مش عارفة تفرغ عن الـ SPR أو Strategic Petroleum Reserve اللي عندها. الحاجة الرابعة إن كلام دونالد ترامب وتصريحاته إن الحرب خلصت والكلام ده كله مع مرور الوقت العالم كله هيكتشف إن ده مش حقيقي. إيران لحد دلوقتي بتضرب إسرائيل. والنهاردة تم استهداف مركز أساسي للجيش الإسرائيلي للاتصالات مع الأقمار الصناعية. وعلى فكرة اللي ضرب المركز ده مش إيران. يعني كل وكالات الأنباء بتقول لك إيران. لا ده صاروخ طلع من حزب الله ضرب المركز الاتصالات الرئيسية في إسرائيل مع الأقمار الصناعية. فده تطور رهيب جدًا وخطير جدًا. ودي الحاجة اللي لازم تقف قدامها. حس. فاسرائيل بتضرب بشكل كبير جدًا. ولازم حضرتك تعرف إن إسرائيل ما بتفرقش عن خسائرها.

يا رب أكون شرحت لحضرتك الموضوع بشكل مبسط. ويا رب نصر رب العرب. ويا رب فلسطين. يا رب تحيا مصر. سلام.

"انت مش عارف احنا مين؟ احنا اللي الناس بتجي لنا من كل مكان عشان تشوف بلدنا. احنا اللي علينا العين. احنا حضارة بقى لها سنين والعالم مش عارف سرها. احنا خفة دم بتضحك القلب وكرم بيتضرب به المثل."

"جدعنة وشهامة مش موجودة في زمننا ورحمة بتطلع من عينينا قبل قلبنا."

"احنا بسمة تفتح ألف باب."

"أكلة حلوة بتدي بلدنا طعم. احنا الأمانة والذكرى الحلوة اللي ما بتتنسيش. احنا حكاية حكاية تعجب.خلي أفعالنا تحكي عنا.ربنا ربنا ادانا نعمة لازم نحافظ عليها ونوريها للعالم كله.وري ضيوفنا احنا مين؟احنا مصر يا محروسة بسيف شاطر وسيف حارس عليك يا مين.ومن فوق السماء السابع حاميك رب العالمين."