تصعيد خليجي خطير | هل تعلن مصر الحرب و اين اختفت الصين من دعم روسيا

السلام عليكم، ازيكم؟ إيه الأخبار؟ أخبار جديدة وأخبار غاية في الأهمية فيما يخص إيران وآخر الأوضاع في إيران، لأن حصل تطور كبير جداً.

يعني خليني أقول لك اللي بيحصل، إيران نزلت ألغام في مضيق هرمز. ماشي، إيران لغمت مضيق هرمز، لغمته بقد إيه؟ لغمته بأقل من 10 ألغام، يعني ما حدش عارف بالضبط، يعني أقل من 10 ألغام. وده على فكرة تحول خطير جداً في الحرب. يعني أنت بتتكلم على تلغيم المضيق ده أمر في منتهى الخطورة.

والحقيقة الأكتر منه إن أمريكا يعني ما عندهاش أي نوع من أنواع خطة النهاية. وزي ما بيقولوا في أمريكا كده، بيقول لك ما عندهمش إند جيم، ما عندهمش سيناريو نهاية الحرب. فإحنا قدام إيه؟ إحنا قدام تصعيد وتصعيد متبادل. وواضح جداً إن إيران يعني ما بتعتمدش فقط على مخزونها الصاروخي والكلام ده كله، بتعتمد إنها هتحارب لآخر راجل. ماشي، فده أمر مهم جداً.

آه، بس طبعاً في بعض الأسئلة كده، يعني خليني أجاوب عليها في الأول، لأن دي الأهم بالنسبة لي. إيه اللي حصل في موضوع مصر؟ ليه ما دخلتش الحرب؟ تاني حاجة، هي فين الصين وروسيا؟ وخلي بالك، ما أنا مش هقول لك رأيي، أنا هقول لك الأمريكان بيقولوا إيه، أو الإعلام الأمريكي بيقول إيه، والإعلام الأوروبي. يعني ليه الصين ما دخلتش؟ ليه مصر ما دخلتش؟ تركيا إيه وضعها؟ يعني هل الناتو هينضم للحرب ولا لأ؟ أسئلة كتيرة قوي. ويعني إجابات واضحة. بس طبعاً أهم سؤال هو الخليج هينضم ولا لأ.

طيب، السؤال ده مين اللي سأله؟ السؤال ده اللي بيسأله السياسيين الأمريكان ببساطة. طلع سيناتور جمهوري قريب جداً من ترامب اسمه ليندسي جراهام. على فكرة، ليندسي جراهام أصبح هو اللي بيقول التصريحات اللي ترامب مش عايز يقولها. يعني ليندسي جراهام بيقعد يتكلم في حاجات ترامب كرئيس ما ينفعش يقولها، وما فيش دبلوماسي أمريكي ينفع يقولها. فهو يعني حد كده في الوسط، لا هو دبلوماسي ولا هو رئيس، هو مجرد نائب في البرلمان. فبيقول بقى.

فالراجل طلع قال لك إيه؟ قال لك هو دلوقتي العرب يجب إنهم ينضموا للحرب، ويجب إنهم يعني يخشوا الحرب دي بشكل كبير جداً. ما ينفعش إنهم يقعدوا يضربوا، فلازم إنهم يخشوا إلى جانب القوات الأمريكية بشكل كبير.

طيب، تصريحات ليندسي جراهام طلع يعني تحليل ليها قال لك والله أصل أمريكا دلوقتي عندها مشكلة كبيرة جداً في موضوع القواعد، ومحتاجة إنها عشان تحسب المعركة يبقى كل القواعد مفتوحة بالنسبة لها، سواء بقى قواعد ديكوارسية أو القواعد الخليجية. وفي نفس الوقت عايزة قوة نيرانية أكبر. وأنت بتتكلم إنهم سحبوا ثلاث حاملات طائرات. ثلاثة رايحين. وفرنسا على فكرة عندها تمركز لعشرات القاذفات وقطع بحرية، ومودية حاملة طائرات شارل ديغول. على فكرة، إيمانويل ماكرون لما زار شارل ديغول كان بيزورها في البحر المتوسط، يعني هو ما بيزورهاش في فرنسا. فده أمر مهم.

فالحقيقة إن الأمريكان حالياً محتاجين العرب، ومحتاجين كل قطع عسكرية في أي دولة في العالم، مش العرب فقط. يعني فهم محتاجين سلاح الجو السعودي والإماراتي، كل أسلحة الجو هم في حاجة ليها بالمناسبة. ماشي. هيجي يقول لك ناس يقول لك يا عم ما هي هي الطيارات. يقول لك لا مش هي الطيارات، هم عاوزين عدد عشان يقدروا يحسموا، لأن ما فيش نهاية.

طيب، الرد جه منين؟ الرد جه على نفس مستوى تصريحات ليندسي جراهام. الحضور خلف الحضور. خلف الحضور ده يعني هو راجل أعمال إماراتي. وخلي بالك، ده الإمارات أكتر دولة تم ضربها، أكتر من إسرائيل كمان، وأكتر من أي دولة عربية. الإمارات خلف الحضور وفقاً لصحيفة المونيتر، آسف مش المونيتر، ميدل إيست مونيتر. طلع قال لك على فكرة، إحنا الحرب دي إحنا ما خططناش ليها، ولا حد استشرنا، ولا حد لصق معانا اقتصادياً، ما استعدناش، ما حدش قال لنا أي حاجة عن الحرب، ولا حتى نعرف أهدافها إيه.

طيب، خليني أفجر لك مفاجأة من العيار الثقيل. وعشان تفهم العرب مش هينضموا ليه للحرب دي، لأن ببساطة طلعت النهارده الصحف الإسرائيلية تقول لك إيه؟ تقول لك على فكرة، الهدف الأساسي للحرب دي هو إضعاف قدرة إيران على ضرب إسرائيل. ماشي، من الآخر كده يعني. الأمريكان أول ما يعملوا تقييم كده إن والله إيران مش هتعرف صواريخها تطول إسرائيل، هيينهي الحرب، أياً كانت المخربات إيه.

طيب، هل ده تصريح طالع من عندي كد مثلاً؟ والله هم ناقلينه عن طريق هيئة البث الإسرائيلية. قال لك يا باشا، هيئة البث بتقول إن يعني وفقاً للأروقة الداخلية يعني في إسرائيل، إن والله أمريكا أول ما تحس كده إن إيران مش هتمثل تهديد على إسرائيل، هيخلعوا. ماشي، هيقفلوا ويمشوا. فالكلام ده بيخلي العرب أبعد من الحرب مش أقرب، وبيخلي العرب إنهم يفكروا 100 مرة قبل ما ينضموا للحرب دي. ماشي، لأنهم مش فاهمين الحرب دي حصلت ليه وهتنتهي إزاي.

فأنا أخاف ويعني خلي بالك، العرب لو أعلنوا الحرب، إيران على عينها يعني، على حياة عينها. يا سلام. تعال ليه بقى؟ هيضربوا بدل ما يضربوا إسرائيل مسافة كبيرة، كل الترسانة العسكرية الإيرانية هتضرب دول الجوار. مسافة 200 كيلو متر، حاجة بسيطة جداً، أقل كمان من 200 كيلو متر. فهيضربوا على المشاعر، أي حاجة هترشق بالمناسبة. وهيكثفوا بقى الضربات. ودي حاجة بالمناسبة حاجة كويسة جداً ليهم. ليه؟ لأن أغلب الضربات بتاعتهم بيتم اعتراضها. إنما في الدول الخارجية، يعني أولاً أنت بقى لك بتحارب 10 أيام، أكيد مخزون الدفاعات الجوية الخليجية تأثر. تاني حاجة، هم نفسهم المخزون بتاعهم اتأثر. فعاوزين أي ضربة تكون دقيقة وتكون بأهداف ذات مغزى. فطبيعي جداً الأهداف الخليجية هتبقى مغرية جداً. فـ وتاني حاجة، هيضربوا بنية تحتية. فاهمني إزاي؟ مش هيردوا بقى في حيكة والكلام ده كله، هيضربوا بنية تحتية.

الكلام ده كله كلام خطير كتير. والحقيقة أنا لسه قارئ مقالة عاجباني جداً. مقالة نازلة في فورن بوليسي. ماشي، هم كاتبينها الكتاب بتوع فورن بوليسي، هو مش شخص واحد. يعني هو بيسأل سؤال مهم بيقول لك هي ليه إسرائيل ضربت دلوقتي إيران؟ يعني إشمعنى التوقيت ده؟ بالنسبة للأمريكان مفهوم. نتنياهو أقنع ترامب وقال له يا باشا دلوقتي الوقت المناسب. المرشد هيعقد اجتماع، فأنت لسه مخلص فنزويلا، هتقضي كمان عن المرشد وأعوانه، يبقى زي الفل. ماشي. فده حاجة كويسة.

إنما بالنسبة لإسرائيل، ليه اختاروا الوقت ده بالذات؟ قال لك والله كذا عامل. أول عامل، خلي بالك، إيران قبل كده كانت بتستخدم السلاح النووي أو إنها تقترب من سلاح نووي عشان تبتز الأمريكان. يعني إنهم يعني يطلعوا بحاجة، يطلعوا بصفقة، اتفاق نووي، يعني يطلعوا إنهم يشيلوا عقوبات والكلام ده كله. وفي نفس الوقت يبقى إيه؟ خيار موجود. ماشي؟ فكان الأول السلاح النووي كان لهدف سياسي. إنما مع انهيار الميليشيات التابعة لإيران، أصبح السلاح النووي هو هدف عسكري.

إيران شافت إن خلاص اللي هي الدرع اللي هي كانت عاملاه، اللي هو المحور الشيعي ده، أو الهلال الشيعي اللي هو الشيعة في العراق، وبشار الأسد في سوريا، وحزب الله في لبنان، والحوثيين في اليمن، ده هيبقى واقي ضد قيام إسرائيل بضرب إيران. صح؟ الهلال ده وقع. يعني الهلال الشيعي ده وقع. فإيران بدل ما هي كانت بتستخدم يعني الخيار كخيار سياسي، أصبح خيار عسكري وهام. لأن إيران أصبحت إنها بتنتهك بقى السيناريو بتاع كوريا الشمالية اللي هو إيه؟ لو أنا دولة نووية، أمريكا هتبقى حرام إنها تضربني. مش حرام دينياً، حرام عسكرياً. يعني أمريكا ما بتضربش دولة نووية، ما بتخشش حروب مع دول نووية بالمناسبة. ماشي؟

واديك شايف الأمريكان يعني، اهو تم اختبارهم وتم تحقيق إصابات جامدة جداً. سبع جنود أمريكان ورقم أنا صعقت منه، 140 إصابة في الجيش الأمريكي. أنت متخيل؟ 140 إصابة في الجيش الأمريكي. فقال لك ده الوقت اللي إسرائيل كان لازم تتحرك فيه.

طيب، تاني سبب؟ قال لك تاني سبب، ما كانش في رئيس هيقتنع بوجهة نظر نتنياهو إنه يقوم بالحرب دي غير ترامب. وما بالك إن ترامب أصلاً كان عاوز يقوم بالحرب دي في فترة رئاسته الأولى بس. مستشاريه كان ساعتها جون بولتون، كان ساعتها ستيف بانون والناس دي كلها منعوه. إنما المرة دي هو جاي بسلطة مطلقة. فطبيعي نتنياهو لما لف له دماغه، الثاني اقتنع وبعتها له كأنها جائزة كبرى تستحق. فالراجل قال لك ماشي.

طيب، إيه السبب الثالث؟ قال لك والله السبب الثالث حاجة بسيطة جداً. إن الحرب بين إسرائيل وإيران ما كانش من طرف واحد في حرب مايو أو يونيو الماضي. ماشي؟ إسرائيل متعودة إنها لما تهاجم جيرانها، تضرب وما تضربش. يبقى حرب من طرف واحد. يا إما في نوع من أنواع المباغتة، يا إما في نوع من أنواع يعني السيطرة أو تكنولوجيا كبيرة جداً. بس في حرب يونيو الماضي، إسرائيل ضربت واتضربت. الأمريكان لازم يخشوا عشان يحسموا الحرب دي، لأن واضح جداً إن إسرائيل ما ينفعش تحارب حرب تضرب فيها أو يتحقق فيها خسائر. فكان لازم عنصر قوة مع إسرائيل. هم دول الثلاث أسباب بتوع فورن بوليسي. وقال لك عشان كده والله الحرب يعني حصلت دلوقتي. وحصلت دلوقتي بدون استشارة العرب وبدون استشارة أي حد.

طيب، هل الأمور دي هتكمل؟ عاوز أقول لك حاجة، هي الحرب دي صعب إنها تكمل بالشكل ده. ليه؟ أولاً، خلي بالك، كل ما الوقت بيزيد، تكلفة الحرب يعني بتعلى على العالم كله، بس بتعلى سياسياً على الرئيس الأمريكي. يعني خلي بالك، الرئيس الأمريكي دلوقتي، الميزانية بتاعة البنتاجون أو وزارة الدفاع الأمريكية، قبل ما تتغير تبقى وزارة الحرب. دلوقتي الراجل عاوز ياخد موافقة جديدة من الكونجرس. يعني أنا عاوز ميزانية أزيد. فأنت هتلاقي الكونجرس هيقف له في الحتة دي. لأن دونالد ترامب مش عارف يشرح أسباب الحرب إيه. هو قام بالحرب ليه؟ ولا عارف يشرح أسباب نهاية الحرب إيه، أو هو لما يحقق إيه هيمشي. مش عارف يقول الكلام.

فدونالد ترامب عنده مشكلة. المشكلة الثانية إن إيران أصبحت بتسبب خسائر ضخمة في الجيش الأمريكي. على فكرة، أنت لما تيجي تبص على التقارير العسكرية، في صدمة في في الميديا الأمريكية إن إيران قدرت إنها تدمر بعض القواعد الأمريكية في الخليج. أول مرة يشوفوا إن في قواعد أمريكية بتتمس. الأمريكان عندهم نظرية إن إحنا نضرب ما نضربش، وإحنا جيش لو دخلنا أي حرب هنحسمها من ساعات، مش أيام، ساعات. ماشي؟ فإزاي أمريكا تجرّز 10 أيام وقواعد أمريكية تتدمر وهم مش قادرين يحسموا الحرب؟ يعني أنت مثلاً لو في قواعد أمريكية اتدمرت وأنت حسمت الحرب، ماشي، خسائر جانبية أو زي ما بيقولوا كده كولاترال دامج يعني. ماشي؟ إنما يعني يبقى في خسائر والحرب ما خلصتش، تنصيبه سودا. يبقى في سبع جنود أمريكان يتقتلوا والحرب ما تخلصش. إزاي؟ صدمة. فاهم إزاي؟

فالأمر ده مسبب صدمة كبيرة جداً. الحاجة الثانية والحاجة اللي هم عندهم صدمة فيها إن صواريخ إيران ما خلصتش. يعني خلي بالك، الميديا الأمريكية شغالة كويس جداً إن على فكرة، أنا بنقل لك الميديا اللي أنا شفتها. يعني أنا مش بنقل لك الميديا، مش أنا متحدث باسم وزارة الإعلام الأمريكي. يعني بس أنا بقول لك اللي أنا شفته في التلفزيون. يعني إن والله هم بيتكلموا إن يعني آه، وزير الدفاع الأمريكي بيقول لك قدرة إيران في ضربة الصاروخية بتاعتها قلت 90%. إيران بتضرب 10% فقط من الصواريخ اللي كانت بتضربها في أول يوم. يعني بس ما زالت بتضرب صواريخ. وإيران قدرتها على ضرب المسيرات قلت 80%. بس ما زالت بتضرب مسيرات. فالموضوع ده عامل صدمة. أنتوا فين؟ فين المعلومات الاستخباراتية؟ وواضح جداً إن الصورة الكاملة الاستخباراتية عن قدرات إيران مش كاملة. المخابرات كانت عاوزة وقت. زي ما أنا بقعد أقول كل يوم.

فالمخابرات الأمريكية كانت عاوزة وقت أكبر تشتغل فيه، وما تمش. فده أمر. طيب، السؤال، السؤال المهم، يعني الصين فين؟ طيب، الصين ده يعني موقع صيني. ماشي، طلع قال لك إيه؟ قال لك على فكرة، الصين عمرها ما تخش الحرب. ليه؟ أولاً، ما فيش أي التزام عسكري بين الصين وإيران. يعني هو في التزامات اقتصادية، في صفقات اقتصادية، اتفاقيات. إنما كـ اتفاق عسكري بين الصين وإيران مش موجود. ماشي؟

تاني حاجة، الصين شايفة إن أمريكا هتطلع من الحرب دي متعورة. ماشي؟ ودي حاجة هتبقى في صالح الصين. مش في وقت الحرب، لا، لما الحرب تخلص. أياً كانت النتيجة. على فكرة، بس هم شايفين إن أمريكا كل يوم بيعدي عليها داخل الشرق الأوسط، هي بتخسر حلفائها العرب. هي عندها مشاكل مالية، عندها مشاكل في الذخيرة، عندها مشاكل تكتيكية، مش عارفة تخلص الحرب. كل الأمور دي كلها الصين واقفة تسقف. يا باشا كمل. فاهمني إزاي؟ فيخش الحرب ليه؟ يعني يخش يعمل إيه؟ ماشي؟ ده حاجة.

الحاجة الثانية، خلي بالك، قال لك إن الحرب دي جت على هواء الصين. لأن الصين كانت مخزنة مخزون ضخم جداً من النفط. فيا باشا، أنت عاوز تكمل في الحرب وعاوز تضرب وتقعد؟ إحنا عندنا نفط يكفي 200 يوم. فالخسائر دي بتيجي على مين؟ بتيجي على أداء الصين. يعني اليابان، كوريا الجنوبية، الحلفاء أمريكا كلهم لبسوا في آسيا. فاهمني إزاي؟ فالصين تخش ليه؟

حاجة الأهم يعني، خلي بالك، إن الصين حالياً مش في وضع إنها هتخش تسند إيران. لأن إيران محتاجة عشان تسندها مش معلومات استخباراتية فقط. أنت محتاج إنك عشان تسند إيران قوة عسكرية ضخمة جداً. وببساطة كده، الصين أولويتها عندها تايوان مش إيران. ماشي؟ وبالمناسبة برضه، الصين شايفة إن روسيا بتنتصر، وهي مؤمنة احتياطاتها من النفط. يوم مثلاً ما يحصل حاجة، الروس هيفضلوا إنهم يبعتوا النفط بتاعهم للصين مش لأي دولة تانية. كلام. كلام حلو.

بص، الأمريكان إيه؟ والصينيين لما يجوا يفكروا كده، بتحس إنك قدام فكر حلوة. طيب، فـ أنا جاوبتك كده. العرب عمرهم ما هيخشوا الحرب، أو ده المفهوم اللي عند الأمريكان إن العرب مش مقتنعين إنهم ينضموا للحرب، ومتسامحين مع خسائرهم، لأنهم قدام مش عارفين الغرض النهائي للحرب دي. لو أعلنوا الحرب، ممكن هم يكملوا الحرب وأمريكا هتخلع. أمريكا عاوزة إسرائيل وخلاص.

تاني حاجة، الصين عمرها ما تنضم للحرب، أو ده وفقاً للإعلام الصيني، أو جريدة صينية. أنا آسف إن أنا مش فاكر اسمها، بس يعني إيه؟ اللي قدرت أترجمه إن الصين مش هتخش الحرب دي لحد دلوقتي. وعلى فكرة، كل اللي بتعمله هي مساعدات. عاوز تقول مساعدات تقنية، عاوز تقول مساعدات استخباراتية. ماشي؟ موقفين مركب للتجسس على التحركات الأمريكية ودراستها عندهم. عُمان.

طيب، أهم سؤال والسؤال المهم، يعني مصر بقى هتخش، تخش الحرب إمتى؟ ولا إنتوا فين يا مصريين؟ طيب، خليني أقول لك حاجة. هو أول عائق قدام القيادة المصرية حاجة واحدة بس. أنت هتخش مع مين؟ يعني أنت عاوز تساعد مين؟ قطر مستثمر ضخم عندك. الإمارات أشقاء. البحرين أشقاء. مستثمر. الكويت. أنت لو بعتت قوة عسكرية لدولة، أنت مجبر إنك تبعت القوة العسكرية للدول الأخرى. ده أهم حاجة.

تاني حاجة، أنت دلوقتي هتبعت إيه؟ يعني هل هتبعت قوات برية؟ طب ما الحرب دي ما فيهاش بري. ده أنت عاوز تبعت دفاعات جوية. طب هل دفاعاتك الجوية تكفي إنك تغطي الخليج؟ أنت مش دولة عندها دفاعات جوية تكفي إنك تغطي إقليم. يعني أنت دولة. ماشي؟ مش إقليم. فده أمر.

الحاجة الثانية، أنت هتخش إزاي؟ يعني هتخش تخش بسلاح الجو بتاعك؟ طيب، أنت هتخش بسلاح الجو، لازم تنسق مع الأمريكان والصهاينة. هل مصر عاوزة تكشف قدرة طياريها العسكريين للصهاينة؟ أكيد لأ. هل أنت عاوز تكشف مميزات وعيوب سلاح الجو بتاعك؟ أكيد لأ.

طيب، هل معنى كده إن أنا بقول لك إن مصر مش داخلة الحرب؟ أنا ما قلتش الكلام ده كله. أنا كل اللي بقوله لك إن هو قرار صعب. وأنت الحاجة الوحيدة اللي في صالحك إن الخليج ما أعلنوش الحرب. الخليج في موقف دفاعي، وهو ما طلبش منك أي حاجة. وبالمناسبة، بس أصل أنا بلاقي كومنتات. طبيعي إن أنت بتلاقي واحد متخلف يقول لك يا عم هو إيه يعني المصريين لو دخلوا الحرب هيعملوا إيه معانا؟ المصريين اللي متغطى، المصريين عريان والكلام ده كله.

بص، هو نفس وجهة نظر الأمريكان في تعاملهم مع الخليج. ماشي؟ خلي بالك، إحنا كلنا في نفس المركب. أنت ممكن تشوف يعني أنت مثلاً كمحلل عسكري تشوف أمريكا إيه اللي محتاجة الخليج. هو هو نفس الفكر. الخليج اللي يشوف إحنا هنعمل إيه مع مصر. هتخش تعمل إيه يا جماعة؟ دلوقتي أنت في حرب. أنت في عرض رصاصة. الموضوع مالوش علاقة أنت قوي ولا ضعيف. الموضوع مالوش علاقة بقدرة جيشك قد إيه. الموضوع له علاقة إن أنت في حرب استنزاف. الخليج بالذات في حرب استنزاف. أنت في حاجة ماسة لرصاصة، مش لدولة. بس هي القصة كلها.

أنت دلوقتي عاوز تشوف هتعمل إيه؟ الخليج أول لو أعلن الحرب. يعني وده أنا شيء شايفه في أمريكا إنهم يعني مستغربين حاجة زي كده. إنهم ما دخلوش الحرب في الخليج. يعني لو الخليج أعلن عن الحرب، أنت هتبقى مجبر إنك تاخد خط أو تاخد قرار أو يبقى لك موقف عسكري. فاهمني إزاي؟ فده أمر مهم جداً.

أخيراً، فيما يخص موقف مصر، عشان بس تبقى فاهم. مصر في موقف صعب جداً هي وتركيا. لأنهم عارفين الحرب دي هتخلص، والصهاينة هيحطوا عينيهم على إيه؟ على مصر وتركيا. ونتنياهو كان صرح كده قبل كده. يعني الراجل واضح جداً. إن الراجل قال لك إيه؟ هنخلص حرب إيران، وإحنا عاوزين نحط عينينا على الجيش المصري. لأن تطور الجيش المصري ده حاجة ما ينفعش نسمح بيها. ماشي؟ فـ يعني.

طيب، القصة. القصة هنا في حاجة مهمة. الروس. الروس فين في الموضوع؟ آه، والله الروس طلع اتضح يعني إن دورهم في الحرب أكبر ما أنت ممكن تتخيل. أولاً، خلي بالك، تم تحديث مقاتلات شاهد 136 بمنظومة مضادة للتشويش. أنا بس ناسي اسم المنظومة. يعني أنا آسف إن أنا ناسي الاسم. بس هي منظومة مضادة للتشويش تخلي مسيرات شاهد 136 ما يتمش إسقاطها غير بالرصاص أو بالصواريخ. لأن الحرب الإلكترونية اللي كانت أوكرانيا بتعملها ضد المسيرات الروسية خلت الروس يحطوا أنظمة داخل مسيرات شاهد 136 بحيث إنها تتغلب على عمليات التشويش.

فأصبحت الصواريخ الإيرانية، آسف، أصبحت المسيرات الإيرانية لما الخليج والأمريكان كانوا عاملين حسابهم إنها حرب إلكترونية أو أنظمة تشويش هتخلي المسيرة دي تقع. اكتشفوا إن المسيرات الإيرانية الجديدة معمول بأجهزة تتغلب على أنظمة التشويش والإعاقة. فأصبحت المسيرة ماشية بشكل عادي جداً. عشان تسقطها، تطلع صاروخ باتريوت اللي هو بمليون دولار، دولار أو أكتر. يا إما تضربها بمنظومة بقى سكاي نايت بتاعة الإمارات. يا تضربها بمنظومة يعني منظومات كتيرة. بوك بقى ولا تضربها بكذا منظومة موجودة.

على فكرة، دول الخليج كتير عندها منظومات صينية وروسية دفاع جوي. أكترهم الإمارات. الإمارات عندها تنوع كبير في منظومات الدفاع الجوي. السعودية أغلب منظومات الدفاع الجوي بتاعتها أمريكية. برضه عندها روسية وصينية. بس أنا بتكلم على الكم. الكم كم عند السعودية أكتر أمريكي. فده أمر مهم جداً. أنت بتتكلم على أسلحة اعتراضها هيكون مكلف.

الله يخليك يا كش. التوقيت الساعة 2. أنا فاكر إن التوقيت الساعة 12. دي أنت جبتها منين؟ اثنين. لسه كاتب. الساعة واحدة يا عم. 10. أنت بتجيب منين الساعة؟

طيب، خليني أقول لك اللي حصل خلال الساعات الماضية دي عشان أقول لك القصة ماشية إزاي. آه. طيب، اليابان دلوقتي بتتكلم إنهم هيفتحوا الاحتياطات بتاعتهم. زي ما قلت حضرتك امبارح. مجموعة الـ G7. أكبر سبع احتياطات في أكبر سبع اقتصاديات في العالم. هتفتح الاحتياطات بتاعتها ومش هتشتري من السوق. هتعتمد على المخزون بتاعها عشان أسعار النفط تنزل. ماشي؟ فأول دولة في الموضوع ده كله، أو مش أول يعني، من ضمن الدول، اليابان قالت لك والله سنستخدم احتياطاتنا النفطية اعتباراً من الاثنين المقبل.

طيب، الجيش الإسرائيلي قال لك والله إحنا بنشن حالياً هجمات مكبرة وموسعة ضد لبنان وإيران. طيب، الأمر ده يهمك في إيه؟ الأمر ده يهمك لأن والله حالياً رئاسة الوزراء الإسرائيلية رصدت احتياطات ضخمة جداً مالية للحرب دي. فما معناه إن ما فيش نهاية مقبلة قريبة. وإن تقدر تستشف يعني سك من الأمريكان، تقدر تستشف من سلوك إسرائيل الاقتصادي إن إسرائيل حاطة يعني في اعتبارها إن الحرب دي هتطول حبتين. وإن إسرائيل بتحارب على جبهتين، لبنان وإيران. فالأمر بالنسبة لها أكثر تعقيداً.

فده أمر طبعاً. كندا كان ليها دور في القصة دي كلها. على فكرة، تل أبيب متبهدلة. تل أبيب متبهدلة. وإني زي ما قلت لك امبارح، هم شالوا كاميرات المراقبة بتاعة المرور من الشوارع وبيشيلوا أي كاميرات مراقبة حتى بالأمن بيشيلوها. ما حدش يرصد كم دمار اللي في تل أبيب وفي الدول الإسرائيلية. فده بس.

كندا امبارح طلع رئيس وزراء الكندي قال لك إيه؟ قال لك يا باشا، إحنا مش هنخش الحرب دي. مش هنقف مع إسرائيل وأمريكا. طبعاً هو مش يعني عاوز يقول لك يعني إن هو إيه؟ غسل إيده من أمريكا وإسرائيل. هو مش القصد كده. هو القصة كلها إن هو بيرد الدين لترامب. ماشي؟ ترامب خلي بالك عنده مشاكل كبيرة جداً مع كندا وفرض عليهم ضرائب ومبهدلهم. فكندا بترد الدين تقول لك وقت الحرب مش هتلاقينا بقى. خلي بالك، كندا واحدة من الـ Five Eyes. أي ما بيتجسسوش على بعض. فده أمر مهم جداً.

طيب، وزارة الخارجية الصينية بتقول لك: "لا توافق الصين على الهجمات على الدول الخليج وتدين جميع الهجمات العشوائية على المدنيين والأهداف غير العسكرية. تتمثل المهام العاجلة في وقف العمليات العسكرية فوراً ومنع توسع الصراع أكثر مما هو عليه." خلي بالك، برضه من ضمن الحاجات اللي مش هتخلي الصين تهش إن هي ليها علاقة قوية جداً بالدول الخليجية. تصفية إيران هتخسر الخليج. فالصين مش هتعمل كده. الصين سايبة أمريكا هي اللي تخسر الخليج. هي تخش ليه وتخسر الخليج؟ فاهمني؟

أردوغان بيقول لك: "إحنا ما عندناش دين زي السنة والشيعة. ما عندناش غير دين واحد بس هو الإسلام." هو يعني أردوغان عاوز يقول لك إن هو إيه؟ مش إيران. هو أمة واحدة.

طيب، دلوقتي إسرائيل وأمريكا دمروا مطار مهربات. لو خدت بالك إن دلوقتي بيتم استهداف البنية التحتية الجوية لإيران. ما بقاش يضربوا بقى منشآت عسكرية. ابتدوا يضربوا مطارات مدنية. ليه؟ عشان إيران بتطلع مسيرات وطيارات من مطارات مدنية. وعاوزين إنهم يدمروا البنية التحتية الإيرانية. ولو فكرت فيها هتلاقي إنهم بيدمروا قدرات إيران على استهداف إسرائيل. فده أمر مهم جداً.

على فكرة، الصهاينة هم اللي قالوا الكلمة دي. ده مش تحليل. الصهاينة هم اللي قال لك: "إحنا عاوزين ننجز ونخرج لما نتأكد من عدم قدرة إيران على ضربنا." وخليني أقول لك يعني، امبارح أرح، قلت حلقة كنت أنا كنت نفسي كنت مبسوط منها وأنا بقول حاجة. كاتب أمريكي اسمه ديفيد إيجناتيوس. ماشي؟ ديفيد إيجناتيوس ده أكبر كاتب في واشنطن بوست. يعني راجل له علاقات كبيرة. وعلى فكرة، أنت لما تبقى صحفي مش شرط تبقى دماغك نضيفة على قد ما أنت يبقى ليك علاقات. وده اللي فهمته هنا يعني.

فالصحفي ده، ديفيد إيجناتيوس، يعني عنده علاقة كبيرة جداً بـ يعني ناس بتاعة الخارجية، ناس بتاعة الدفاع والكلام ده كله. بيقول لك أنا قعدت مع مسؤول. والظاهر المسؤول ده إسرائيلي. بس هو بيقول لك إن الراجل مطلع على خطط الحرب الأمريكية الإسرائيلية. ماشي؟ ما رضيش يكشف عن اسمه في الأول. بس اللي أنا اكتشفته في المقالة، أو اللي أنا فهمته المقالة دي، إن الراجل ده جنرال إسرائيلي. من الكلام، الراجل ده جنرال إسرائيلي.

لأن مين اللي يقدر يطلع على خطة الحرب الإسرائيلية الأمريكية؟ ليه بقول لك إسرائيلي؟ لسبب واحد. إن الجنرال ده لما اتكلم مع ديفيد إيجناتيوس قال له: "بص، إحنا دلوقتي شايفين الأمريكان مالهمش مخرج من الحرب دي خلاص. فالقصة كلها إن إحنا هنقول للأمريكان إن إحنا أول ما يتم أهداف العسكرية أو يتم ضمان إن تدمير القدرات العسكرية لإيران، نمشي. مش لازم بقى نقعد نستنى الأهداف السياسية والاقتصادية. لا، أول ما نضمن تدمير قدرات إيران العسكرية نمشي."

طيب، تدمير قدرات إيران العسكرية اللي هي إيه؟ البرنامج الصاروخي، المسيرات، الكلام ده كله. لما يضمنوا يعني إن إيران مش هتعرف تضرب حاجة، هيمشوا. مش بقى عاوزين يسقطوا النظام، مش عاوزين إنهم يخلوا الشعب الإيراني يمسك سلطة، ولا عاوزين رخاء للشعب الإيراني. سيبك يا عم الكلام ده كله. هو الجنرال الإسرائيلي ده هيقنع أعوانه الأمريكان إن والله إحنا عاوزين نخلص عسكرياً ونمشي. ماشي؟

طيب، الأمر ده ملفت ليه؟ لأن ده مش فكرة نتنياهو. نتنياهو عاوز يبيد إيران. نتنياهو عاوز إن هو يعني عارف اللي هو إيه؟ حاجة اسمها "أنا هجيبها لك بالعربي". هو بيضرب، بيخلي الأرض سجادة. اسمها "أنا فـ كاركتين بومين". اللي هو بيدمر كل حاجة خلاص. بيبيد كل حاجة. ثانياً، عاوز يخلي إيران غزة بس. والامر ده هيخلي فيه خلاف بين نتنياهو وأمريكا. لأن أمريكا ممكن تتقبل قدرات بسيطة لإيران، أدم مش بتهدد إسرائيل. فوالله قدرات بسيطة لإيران ودونالد ترامب إيه؟ ممكن يمشي. فنتنياهو مش عاوز كده. عاوز إن هو يكمل لحد الآخر. متشكر.

أشكر جداً. ميرسي قوي. مش عارف الاسم إيه بس يعني كده وكده. متشكر ليك. القصة هنا إن الجنرال ده هيبقى عاوز إن هو يقول للأمريكان إن وجهة نظر نتنياهو إنه عاوز يكمل الحرب، بس الجيش الإسرائيلي مقتنع إن أدم الأهداف العسكرية خلصت، فإحنا ممكن ننجز. فدي الرسالة الجنرال ده وصلها لأمريكا يعني.

كده أو كده، الأمريكان ما عندهمش أي خطة خروج. ده اللي أنت لازم تبقى واثق منه. لأن دونالد ترامب يعني سيبك بس من قائد قائد الجيش والكلام ده كله. دونالد ترامب لو خدت بالك من تصريحاته، كل يوم عاوز هدف جديد من الحرب. وتصريحاته مش مبنية على تغير الوضع في الحرب. تصريحاته مبنية على إنه مش عارف هو عاوز إيه. هو الراجل ابتدى الحرب دي أكيد نتيجة ضعف إيران. إنه شايف إن إيران يعني لقمة سائغة كده ممكن يخش يخلص على طول. أو ده اللي أقنعه نتنياهو بيه. ماشي؟ وهو قال له يا عم أنت شفت حرب الـ 12 يوم. بهدلنا الجانب الإيراني وركبنا الهواء اللي هو السما يعني. وإن الطيران الإسرائيلي كان بيتسكع يعني في سماء طهران وكده. فقال له تخيل بقى سلاح الجو الأمريكي لما يخش هنعمل إيه وننجز بسرعة ونخلص.

فالراجل يعني اكتشف إنه قدام رواية مختلفة. واكتشف إن فيه قدرات لإيران خطيرة. على فكرة، أنا هقول الكلام ده في الفيديو الجاي. بس هو في مقالة نازلة في نيويورك تايمز بتقول لك إن إيران ابتدت تتكيف على الحرب. وده بالنسبة للعسكريين الأمريكان كارثة. يعني إيه تتكيف على الحرب؟ يعني هم ابتدوا يدرسوا طريقة ضرب الأمريكان إيه. ابتدوا يدرسوا طريقة قصف الأهداف الأمريكية إيه. وابتدوا هم كمان إنهم يدرسوا طريقة أوجاع أمريكا أو إنهم يوجعوا الأمريكان قد إيه. فقال لك إن أصبح زي ما الجيش الأمريكي دخل المرحلة الثانية من الحرب، إيران دخلت المرحلة الثانية من الحرب. إنهم ما بقوش يضربوا أهداف بدون قيمة أو أهداف مدنية زي الأول. لا، صواريخ إيران ابتدت تقل ومنصات إطلاق صواريخ إيران ابتدت تقل. فابتدوا يضربوا أهداف ذات قيمة.

امبارح أنا جيت قلت لك إيه؟ قلت لك خلي بالك، كان فيه فندق نزلت فيه في لبنان كان حلو قوي اسمه رمادا. وده كنت فندق حلو قوي. واستغربت إن إسرائيل ضربت الفندق ده. طيب، إذ نكتشف إن إيران بتقول لك والله هم ضربوا الأوضة دي بالذات عشان كان فيه دبلوماسيين إيرانيين موجودين في الفندق ده. فضربوا فندق رمادا في إيران، قصدي في لبنان عشان يضربوا دبلوماسيين إيرانيين كانوا مستخبيين في فندق طرب. وده يوري لك يعني مدى اختراق إسرائيل للبنان عامل إزاي. يعني. فده أمر.

طيب، حد هيجي يقول لي يعني السعودية قعدت تهدد كتير وما ضربتش. يعني هي فين السعودية؟ والسعودية مش هتخش الحرب ولا إيه؟ والكلام ده كله. وواحد هيجي يقول لي أنت أكتر حد كتبت عناوين السعودية تنضم للحرب. تنضم للحرب أهي ما انضمتش أهي للحرب. جي أقول لحضرتك تاني، الأمر متوقف على وضوح الرؤية الأمريكية للحرب. وساعتها السعوديين والإماراتيين أو الخليج كله يعرف يشوف هيعمل إيه. إنما طول ما أمريكا غامضة، السعودية هتبقى هي كمان غامضة ومش هتنضم للحرب. ماشي؟ بأي شكل كان يعني.

طيب، طيب، أعلنت إيران إن الغارات الأمريكية على مواقع الوقود في طهران أدت إلى تلوث الهواء بمواد سامة وتساقط أمطار حمضية في مختلف أنحاء المدينة. ومن ثم فإن الظروف تتدهور بشكل متزايد بالنسبة للسكان الإيرانيين. طيب، يعني هي إيران بتقول الكلمتين دول عن طريق سفيرها في الأمم المتحدة. عاوزين يقولوا يعني. متشكر جداً. ميرسي قوي. عاوزين يقولوا لك يعني إن أمريكا ارتكبت جريمة حرب.

طيب، هو مين اللي ضرب خزانات الوقود؟ هي إسرائيل. وموقع إكسس دلوقتي طالع يقول لك إن يعني أمريكا عملت خناقة مع إسرائيل فيما يخص ضرب محطات الوقود. والكلام ده كله. قالوا لهم مش كده. يعني أنت داخل تضرب هدف عشان تدي إنذار لإيران أو توصل إشارة لإيران. إنما مش داخل تضرب 30 خزان وقود. وبتضرب خزانات الوقود بتاعة المطارات المدنية كمان. يعني ضربوا خزانات وقود بتاعة أصفهان. فـ بتاعة مطار أصفهان يعني. فـ أنت بتتكلم إن أمريكا ابتدت تشوف إن ده إجرام. فابتدوا إنهم يقولوا لإسرائيل بلاش ضرب خزانات الوقود.

بس بالنسبة لإيران، إيران فيها سحب شايلة نفط. السحب دي بترمي أمطار حمضية زي ما مراسل السي إن إن كان قايل على فكرة. وإيران طالعة تقول لك دي كلمة حرب. طيب.

طيب، دلوقتي قناة العربية بتقول لك إيه؟ بتقول لك 54 مسيرة حاولت استهداف حقل الشيبة النفطي السعودي منذ بداية الهجمات. وهو ما يمثل 36% من إجمالي محاولات الاستهداف السعودية. يعني هم عاوزين يقولوا لك إن أبرز النقاط اللي إيران مركزة عليها تضربها حقل رأس تنورة وحقل الشيبة. ماشي؟ حقل الشيبة ده قديم جداً. وإن إيران مستحلفة تضربه. تضربه يعني ليه؟ عشان إيران أي بنية تحتية هتضرب عندها هترد في الخليج. ماشي؟ وبالمناسبة، كل ما إيران تضعف أكتر هتستهدف الخليج أكتر. عشان بس تبقى واثق. الموضوع كل ما سواريش إيران تقل، هيضربوا الخليج أكتر. مش هيضربوا إسرائيل. ماشي؟

طيب، مصدر عسكري إسرائيلي بيقول لك على فكرة امبارح الغارات اللي قامت بيها إسرائيل ضربت بنوك. يعني بيضربوا بنوك في في إيران. وده أمر غريب جداً يعني. وبيقول لك إن استهداف المراكز المالية ده أمر مش منطقي بالنسبة لإيران. يعني هم ليه عاوزين يضربوا البنوك؟ ممكن أفهم الأمر ده إن هم عاوزين يعملوا ثورة في الشارع الإيراني. ماشي؟ عاوزين الناس تنزل. بس ده أمر مش مفهوم. لأن يا جماعة، ترامب قال للشعب الإيراني المساعدة جاية في السكة. هل المساعدة إن هو يضرب بنوك؟ ده أمر مش مفهوم يعني.

طيب، عاجل. صاروخ اعتراض أمريكي بيسقط على فيلا مواطن سعودي. صاروخ باتريوت طلع يعترض. طلع يعترض صاروخ إيراني. ما اعترضوش وحصل فيه خطأ. على فكرة، الأمر ده معتاد جداً في الحرب. لأن خلي بالك، نسبة أو كم الصواريخ الاعتراضية اللي موجود في يعني في في الحرب دي كبير جداً. فطبيعي إن يحصل أخطاء. وطبيعي إن يحصل ضربات. في صاروخ اتصور وهو في البحرين. راح ضرب. ما طلعش يعترض صاروخ. نزل تاني ضرب في البحرين. وادي صاروخ. صاروخ في باتريوت نزل في فيلا مواطن سعودي. ولا فجرها ولا أي حاجة. بس عامة هو نزل إيه في منزله.

حمد بن جاسم بيحذر إيران. ماشي؟ وحمد بن جاسم ده رئيس وزراء إيران السابق. آسف، رئيس وزراء بتاع قطر السابق. وقال لك إيه؟ قال لك بحذر إيران من إن ضرب دول الخليج كان خطأ فادح. قائلاً إن كل دول الخليجية حاولوا بقوة مع منع الحرب قبل اندلاعها. ولكن تصرفات إيران كانت يعني كلفت إيران تعاطفهم معها. يعني خلاص ما بقاش عشان يخليك متعاطف معاه. هو تحذير.

خليني أقول لك خبر أنا كنت قلته الفيديو الجاي بس يعني هقوله لك برضه. في ناقلة نفط إيرانية شايلة مليون، 2 مليون برميل عدت مضيق هرمز. طب النفط ده جاي منين؟ السعودية. طب من الإمارات؟ لا. من إيران. ناقلة نفط إيرانية عدت مضروب. والأمريكان ما جوش جنبها. ليه؟ ما جوش جنبها لأنهم مش عاوزين أسعار النفط ترتفع. فلو إيران بتهربط ما عندهمش مشكلة. فـ أي اللي يعرف يخرج نفط من المنطقة الأمريكان ما عندهمش مشكلة في القصة دي.

أه. فده أمر. طيب. ترامب طلع امبارح قال لك: "أنا دمرت البحرية الإيرانية." يعني أنا خلصت على البحرية الإيرانية. ما بقاش فيه بحرية. الحرس الثوري الإيراني دلوقتي عمال ينشر صور لزوارق تابعة للحرس الثوري الإيراني. يقول لك يا باشا الزوارق أهي. والبحرية الإيرانية سليمة. وطبعاً هم جايبين عارف الأنفاق اللي جوه الجبال. هم عمالين يستعرضوا يعني. فده أمر.

خلي بالك، شارل ديغول لو دخلت الحرب هتفرق جداً مع جيش أمريكي. اللي هي حاملة الطائرات الفرنسية هتفرق جداً. قوة قوة نيرانية مهمة. جيش أمريكي قاعد يستناها. وهي جاية معاها سترايكين كورس. يعني هي جاية معاها مدمرات وهواصات. بيقول لك 10 قطع بحرية فرنسية منتشرة في الشرق الأوسط. وانتشار شارل ديغول هيبقى مهم.

طيب، خليني أقول لك الأخبار أول بأول أو لحظة بلحظة زي ما بيقولوا. طيب، إسرائيل بتنقل لواء جولاني للحدود مع لبنان. ماشي. إسرائيل مصرة إنها تخش بري مع حزب الله. ليه؟ لأن على فكرة، إسرائيل التكتيك بتاعها في الأول ما كانش عاوز تخش بري للبنان. مش عاوزين إنهم يعظموا خسائر. خلي بالك، إسرائيل ممكن تخش بري وهي مش في حالة قتال أو مش في حالة حرب. إنما هي دلوقتي في حالة حرب وعندها خسائر مدنية. وتدخل لواء جولاني بري هيكون عندها خسائر في الجنود. فخسائر خدعاظة. فهم ما كانوش عاوزين يدخلوا لواء جولاني. بس ابتدوا يحركوه. الظاهر إن ضربات حزب الله كانت أكثر إيلاماً مما ممكن تتخيل.

إشمعنى؟ لأنهم امبارح ضربوا مركز الاتصالات الرئيسي الإسرائيلي مع الإمارة الصناعية. وعلى فكرة، المركز ده كان خطير جداً. واتصور فيديو يعني. إسرائيل ما تعرفش تكذب يعني. واللي ضربه حزب الله مش إيران. ماشي؟ المركز ده في منتهى الخطورة. ده مركز الاتصالات الرئيسي. الجيش الإسرائيلي بيستخدمه مع الأقمار الصناعية. هم أكيد عندهم بدائل. بس أنا بتكلم نقله نوعية. يعني أنت بتضرب عمق إسرائيل وبتضرب مركز مهم جداً. ومش معلومة جت بالصدفة. ده واضح إن حزب الله رافع المعلومة دي بقى له كتير وضربها. فهي خسارة كبيرة جداً.

طيب، خليني أقول لك الأخبار أول بأول. طيب، إذ السفارة الأمريكية في العراق تحذر من اختطاف رعاياها. إيران والجماعات الإرهابية تشكل تهديد كبير على مواطني الجالية الأمريكية في العراق. وتدعو وأمريكا يعني تدعو.

مواطنيها بمبادرة العراق. فورا. الظاهر كده يا جدعان، ايران عاوزة أسرى. ايران مش عاوزة تقتل جنود أمريكان، مش عاوزة تصيب جنود أمريكان. هم عاوزين يقصروا أي أمريكي. أسر جنود أمريكان هيبقى نقطة تحول كبيرة جدا وضخمة جدا في الحطة. هيبقى بالمناسبة، حتى لو جيش أمريكي فاز بالحرب، بس وجود أسير هتبقى كارثة بالنسبة لترامب. هم بيقولوا لك إن الميليشيات الشيعية دلوقتي بيدوروا على يعني الجالية الأمريكية وعاوزين يخطفوا عليها.

طيب، تاني. لأن الخبر متكرر مرتين. قال لك السفارة الأمريكية تحذر أن الأمريكان عرضة لخطف من ايران. والجماعات الإرهابية الموجودة في العراق بتمثل خطر عليهم. فده أمر طيب. طبعا القيادة المركزية الأمريكية نشرت فيديوهات وهي بتستهدف يعني منصات إطلاق السوخ الإيرانية عشان تثبت إن هي عملياتها ناجحة. يعني ما يبقاش في تشكيك.

طيب، الظهر كده إن الانسحاب الأمريكي ابتدى يبقى كثيف في العراق. لأنهم ابتدوا يشوفوا شاحنات بتنقل معدات أمريكية من العراق ماشية من مدينة الحسكة. خلاص بتجاد مدينة الحسكة. خلاص.

طيب، ايران بتدخل أخطر صاروخ عندها وهو اسمه فجر خمسة. وفجر خمسة ده صاروخ متطور جدا وقادر إنه يصيب إسرائيل.

طيب، نتنياهو راح يزور ميناء أشدود وقال له وبيقول لإيران إني أنا موجود في ميناء أشدود. حاولوا بقى تضربونا. يعني واللي يعرف يطولني يطولني. وهو كان واقف قدام مذيعة عمال يقول يعني إيه أنا موجود وبتحدى ايران. وك طبعا هي لقطة ما خدتش منه خمس دقاق وجري. بس هو يعني كلمتين كده وخلاص.

عباس عرقجي وزير الخارجية الإيراني طلع قال لك يا جماعة ما يعني موضوع التفاوض بقى إن انتوا تتكلموا معانا ده أمر مش هيحصل. طيب، هل حقيقي يا جماعة؟ ايران متبهدلة بس هي ايران ما قدامهاش خيار غير إنها تقصريحه ده. إن هو عاوز يقول لك إيه؟ ما حدش يتكلم معانا في المفاوضات. هو عاوز يقول للوسطاء ما حدش يتكلم معانا في المفاوضات. بس الأمريكان لو فتحوا باب للتفاوض هو هيقبل التفاوض. ماشي. فهو بس عاوز يوصل كده.

بيتم عرض فيديوهات من قبل الحرس الثوري الإيراني. بس دي قديمة لألغام في مضيق كورنر. خلي بالك موضوع الألغام ده خطير جدا. إن ايران تلغم مضيق هرمز ده في منتهى الخطورة. وأنا شرحته في فيديو. الجاي يعني هقول لك خطورته إيه.

طيب، طيب خليني أقول لك أول بأول الأخبار. اسمه ثانية واحدة عشان ده أي خبر. طيب، ماشي. خلينا. مصر تستهدف جذب 2 مليار دولار استثمارات لتعزيز إنتاج الغاز العام المقبل. خلي بالك مصر بتلعب على السيناريو الأسوأ والأفضل. يعني إيه الأسوأ؟ يعني مصر بتتوقع أسوأ العام القادم إن ممكن يكون في حروب. فهي عاوزة تنتج الغاز محلياً. والأسوأ برضه إنها بتشوف إن إسرائيل ممكن تقطع عنها غاز زي ما هي قطعته دلوقتي لأجل غير مسمى. على فكرة هي رجعته جزئياً. بس هي يعني مصر بتلعب على السيناريو إنها عاوزة إيه؟ إنها تامن احتياطاتها من نفسها. وبيقولوا إن والله تسعى مصر لإضافة مليار و34 مليون قدم مكعب يومياً من الغاز. على فكرة اللي أنا فاكره إن العجز في إنتاج الغاز المصري هو تقريباً 6 مليار أو 4 مليار. 4 مليار حسب ما تذكر يعني. مصر بتنتج ستة. عندها عجز أربعة وبتاخد مليار من إسرائيل وبتاخد بتستورد شحنات يعني من أجزاء.

طيب، خبر مهم جدا. مبيعات السيارات في مصر تقفز 39% خلال يناير على أساس سنوي. 14 ألف سيارة وفق بيانات مجلس الوزراء. وقال لك مبيعات سيارات الركوب الملاكي تقفز 34%. 10 آلاف سيارة. ومبيعات الأتوبيسات زادت 29% لتسجل 901. على فكرة إحنا بنصدر أتوبيسات لندن. أتوبيسات لندن دي اللي هي دورين. إحنا بنصدرها من عندنا. وقال لك والله ارتفاع الشاحنات أو العربيات النقل. ارتفع البيع بتاعها 25%. وعلى فكرة 25% ده ما تستقلش بالرقم ده. ده بيدل إن انت عملت بنية تحتية قوية وطرق. بدليل إن أنت أصبح عندك شركات شحن كتير بتستهلك الطرق دي. فده أمر مهم. بيتكلموا إن في 2275 سيارة نقل يعني اتباعت في يناير. طبعا الأرقام دي ممكن تنزل تاني. لأن ارتفع.

بيقولوا إن والله رفع أسعار الوقود بيكبد السكة الحديد مليار ونص جنيه تكلفة تشغيل إضافية. وهنا أنت قدام نقطة مهمة جدا. هل مصر ترفع أسعار النقل؟ أسعار بقى التذاكر بتاع السكة الحديدية والكلام ده كله. والله أنا أعتقد اعتقاد شخصي يعني. فكاهة من عندي يعني لو أنت عاوز. بس أنا أعتقد إن مصر ترفع أسعار التذاكر اللي هي السياحية مثلا. اللي هو القطر التلج والحاجات اللي هي بتسافر بقى بسرعة كبيرة والكلام ده كله. يرفعوا الأسعار بتاعتها.

أنا ما أعرفش دلوقتي الجنيه نزل امبارح الـ 51 والنهاردة بيرد 52. بيقولوا إن هو نازل كمان. بس يعني.

وزير الاستثمار المصري. العمل بقرار حظر استيراد السكر المقرر بغرض الاتجار حتى نهاية أبريل. ما حدش هيستورد سكر عشان يتاجر بيه. ما فيش الكلام ده. والقرار يأتي بعد تعرض شركة الشركات المحلية لخسائر نتيجة استيراد السكر المقرر بكميات تفيض عن حاجة السوق. خلي بالك استيراد السكر ده. أنا كنت قريت تقرير قبل كده إن في مصنع السكر عندنا بعد ما يعني عمل طفرة في الإنتاج بتاعه ابتدى يشوف إن التجار بيستوردوا السكر من بره بسعر أقل. ما هو بيت. فكان عامل مشكلة كبيرة جدا.

تسعى شركة سك أو السويدي الكتريك المصرية لتوسيع أنشطتها في الجزائر. يا ريت. على فكرة الجزائر فيها كم فرصة. أنا طول عمري بقعد أشوف إن الجزائر دي دولة أعجب العجاب. كمية غاز وعندها يعني طبيعية كتيرة جدا ودولة عندها مشاكل اقتصادية. يعني حاجة كده ما تركبش. فاهم حاجة كده غريبة على الواحد. فالسويدي الكتريك داخلة الموضوع.

طيب، خليني أقول لك. طيب، طهران بتقول لك الموانئ بتاعتنا بتعمل بشكل طبيعي جدا وما عندهاش أي مشكلة. خلي بالك الكلام ده كلام أي كلام. لأن أمريكا عاوزة تاخد جزيرة خرج. جزيرة خرج دي اللي فيها 90% من صادرات النفط الإيرانية. أمريكا عاوزاها. بالمناسبة لازم تعرف إن في خلاف قوي جدا بين ايران وبين الكويت على حقل نفطي. ماشي. لو الحرب خلصت كده هتلاقي الكويت تخلص في الحقل ده. لو ايران ضعفت هتلاقي الكويت تخلص. زي ما الإمارات أعتقد إنها هتسعى لاستعادة بتوعها.

طيب، ادي فرنسا تاني دولة في مجموعة الجي 7 بتقول لك إحنا هنبدأ الاستعانة باحتياطات النفطية بتاعتنا. ماشي. وأنت شايف بقى مراسلين في الكويت والشوارع الكويتية بيقول لك يا عم الحياة طبيعية جدا والناس بتروح الشغل وترجع بالشغل والدنيا زي الفل والكلام.

طيب، الحرس الثوري الإيراني بيقول لك إحنا هنواصل الحرب للنهاية. ماشي. ده بيان لسه نازل. قال لك سنواصل الحرب مش هنقف. الحاج كيم اللي هو بتاع كوريا الشمالية قال لك والله برحب بالمرشد الجديد. ده راجل يعني كويس جدا وأنا برحب بيه والدنيا زي الفل.

فهقول لك كم خبر أخير قبل ما أقفل. لأن في كم أخبار كده مهمة. بس أنا عاوز أجيبها من نيويورك تايمز. وعاوز أجيب لك برضه من الصحف الإسرائيلية عشان تبقى معانا. يعني.

طيب، ثانية واحدة. طيب، 7800 لبناني يعني أصبحوا لاجئين. و10 آلاف دخلوا ملاجئ. 7800 نازح في لبنان يعني تركوا بيوتهم. وأكثر من 1200 دخلوا ملاجئ. خلي بالك القصة دي مش عادية. ليه مش عادية؟ لأن خلي بالك دول هيتدفقوا على دول الجوار. دول الجوار بقى تركيا. الكلام ده كله.

أردوغان بيقول لك الحرب دي لازم تقف بتاعة ايران قبل ما المنطقة كلها تنجر فيها. يعني هو مش بيستثني دولة. هو بيقول لك أردوغان بيقول لك الحرب دي لازم تقف قبل ما الليلة كلها أو المنطقة كلها تخش في الحرب.

انفجارات ضخمة في دبي حاليا وفقا لشهود عيان. والخبر ده نازل في رويترز. فكر.

طيب، تم ضرب ثلاث سفن أو ناقلات وقود في مضيق هرمز. تم ضرب ثلاث سفن. هم بيقولوا بمقذوفات يعني مسيرات وصواريخ. فإيران مصرة على إنها ما تخلصش الحرب دي بأي شكل.

طيب، خليني أقول لك إكسس بيقول إيه قبل ما أقفل. على فكرة دونالد ترامب دلوقتي بيعاني إنه يفسر الحرب الأمريكية. لأن الأمريكان شايفين قتل جنود الأمريكان دول عاملين مشكلة كبيرة جدا.

الجيش الأمريكي بيقول إن هو دمر 16 سفينة إيرانية كانت بتحاول تزرع على الجنب. ماشي. وبيتكلموا يعني إن الأمر ده في تحول نوعي في القدرات الأمريكية العسكرية. إن هم بيرصدوا السفن الصغيرة وبيضربوها. والسفن الصغيرة دي كانت بتحاول تزرع ألغام عشان تعطل مضيق هرمز. خلي بالك دونالد ترامب قال لك لو ايران قفلت مضيق هرمز هتضرب 20 مرة أقوى من اللي ضربته.

طيب، أنا معاكم لو حد عنده سؤال قبل ما أقفل. فليتفضل. ثانية. شوف الأسئلة. الحوثي ما يعني كارت لسه ماتلعبش. مش هيتلعب دلوقتي. السودان. هو السودان الأمور فيها يعني ما فيهاش أحداث. خلي بالك الدنيا واقفة في السودان. لأن ببساطة كده كل اللاعبين الإقليميين. خلي بالك أصل هقول لك حرب السودان هي في الأول كانت بين عبد الفتاح برهان أو الجيش والميليشيات بتاع السريع. خلاص. وهي حرب منسية. كان كل الناس مش عايزة تدخل فيها وشايفين إن السودان مش مهمة. برغم إن عندها موارد طبيعية وموقع جغرافي وكده. مش مش مهم. ففجأة كده أصبحت السودان دي يعني حرب مهمة جدا. بعد انضمام لاعبين أقوياء بيدعموا كل طرف. ماشي. فالحرب دي قلبت حرب إقليمية بالوكالة. يعني في لاعبين بيدعموا الدعم السريع. لاعبين بيدعموا الجيش السوداني. ففجأة كده كل اللاعبين اللي بيدعموا الطرفين انشغلوا. مصر انشغلت. والسعودية كله انشغل بحرب ايران.

ليه في إصرار على جر مصر للحرب في التعليقات؟ والله هقول لك حاجة. أصل ده اختبار. يعني أنا هقول لك حاجة. علاقتنا مع الخليج والدول الخارجية مبنية على حاجات كتير جدا. من ضمنها الحرب. فاهم؟ فبطبيعة الحال هتلاقي في اللي بيشمت ويقول لك المصريين ما جوش والكلام ده كله. ولما تيجي تقول له يا عم دول الخليج ما عملوش الحرب هيجي برضه يقول لك أصل ما تطلش. وفي نفس الوقت هتلاقي الكارهين واللي عاوز إن هو يدخلك الحرب بأي شكل. اللي هو عاوزك إن أنت تحارب. يعني امبارح أنا كنت سبحان الله يعني بتفرج على قناة إخوانية. قال لك أكتر دولة اتأثرت بالحرب دي هي مصر. وكان محمد ناصر اللي بيتكلم. قال لك أكتر دولة. مش فاكر امبارح ولا كانت. قال لك أول أكتر دولة اتأثرت بالحرب دي هي مصر. بص في وقت الحرب. أكتر فترة هتلاقي فيها هجمات إعلامية. وما حدش بيرد. وعلى كل الدول يعني ناس هتشمت في السعودية. ناس هتشمت في الإمارات. ناس هتشمت في مصر. طبيعي يعني. وبطبيعة الحال هتلاقي تعليقات كتير بتتكلم على دور مصر. يعني المتابعين بتوعنا نصهم مصريين ونصهم من الخليج. فطبيعي كله بيسأل. وأنا مصري. فمام. على فكرة يا جماعة أنا مصري ابن مصري ابن مصرية وجدي مصري. وكلام. لا. ما فيش أخبار عن إثيوبيا. كان في حد كتب لي قال لي إن إثيوبيا أعلنت حرب على ريتريا. وطلع الكلام ده. طلع الكابتن بيشتغل. إن ما فيش أي أخبار. ماذا لو لم تستسلم ايران؟ ما هي ما استسلمتش. ما إحنا في مرحلة الهدوء بقى يا باشا. أنت ما تعرفش أمريكا هتكمل لحد إمتى. وما تعرفش ايران هتصمد لحد إمتى. فإحنا في مرحلة الغموض. ببساطة. كل الأسلحة دي. بص. أصل أنت دلوقتي دلوقتي الحروب الحديثة مش زي الحروب بتاعة زمان. ماشي. الحروب الحديثة. أنت عندك سلاح حديث جدا. بس السلاح ده لازم يضرب هدف وفق معلومات استخباراتية. ماشي. الأمر ده. أنت عندك عجز استخباراتي. لأن كل يوم بيعدي أنت بتفقد أهداف قيمة أو بتضرب أهداف. فكل يوم بيعدي أنت مخزون الأهداف بتاعك بينفذ خلاص. ما يبقاش زي الأول. فالأمر مش مرتبط هنا. لما أنت بتتكلم على حرب بقى لها 10 أيام. الأمر مش مرتبط أنت عندك أسلحة قد إيه أو قوي قد إيه. الأمر مرتبط أنت عندك معلومات استخباراتية قد إيه. فطول ما ايران عمالة تضرب صواريخ. واضح جدا إن في فجوات استخباراتية عند أمريكا. أنا اتكلمت في حرب سبان. قلت لك إيه الأفضل لمصر في ملف ايران؟ والله اللي بيحصل دلوقتي إن أنت قاعد تترقب موقف دور الخليج إيه من إعلان الحرب. وإن أنت بتدير الأزمة بشكل كويس. على فكرة مصر بتدعو لتشكيل جيش عربي. دعونا نعمل على إنشاء قوة عربية مشتركة. وأديكم شفتوا الخليج اللي هو أبعد حتة إن ممكن تنضم الحرب حاليا. الخليج في موقف حرب. فوزير الخارجية المصري بيقول لك إيه؟ بيقول لك تعال يا عم نشكل قوة عربية مشتركة دلوقتي. أديكم شفتوا كلنا مجرورين للحرب. فمصر بتدعو للموضوع ده. ما أعرفش بقى مدى الاستجابة هتكون عاملة إزاي. من ضمن الحاجات اللي كانت مخلية دول الخليج إنها ما تدخلش في جوه في قوة عربية مشتركة. إنها مش عايزة تحارب إسرائيل. أو شايفة إن هي بعيدة عن الحرب. ادي الحرب ضربت في الخليج. اتكلم على الفساد الرياضي في مصر. هو أنا محتاج أتكلم؟ أنت خلي بالك بقى في يوتيوبرز كتير قوي وبلوجرز كتير قوي رياضيين. أكتر أكتر. على فكرة اللي خلاني أروح للسياسة مش حبي للسياسة. هو أنا بحاول أختار مجال ما يبقاش فيه ناس كتير. فانا لما جيت أتكلم في الأول حبيت أتكلم في السياسة. لأنها كان يعني أنا كنت طالع في وقت حساس قوي. بعد بقى تتكلم في 2020. فكان الوقت ساعتها حساس. وكنت بتكلم في يعني أمور عسكرية وأخبار عسكرية. وطلعت على فكرة نفيت الأخبار الإعلامية إن السوخوي دخلت. فكنت طالع بتكلم. كان أي حد يكلم في السياسة أمر خطر يعني. إنما الأمور الرياضية. وخلي بالك أنا مش قوي في الكورة يعني. فالأمور الرياضية في ناس كتير أحسن مني بتتكلم يعني.

إسرائيل ممكن تصمت كام يوم أمام الصواريخ الإيرانية؟ والله هقول لك حاجة. إسرائيل بتعمل تعتيم على خسائرها. وطبيعي مش هتلاقي ولا مقالة تقول لك إسرائيل تصمد قد إيه. ممكن تلاقي في أمريكا. إسرائيل. ابدأ. إسرائيل على فكرة عندها يعني جبروت إعلامي غير طبيعي. بيقفلوا مواقع وبيقولوا صحف. هي دي الديمقراطية. ماشي. هل ايران ستنتصر؟ لا. ما أعتقدش إنها هتنتصر. خلي بالك الناس عمالة تشتم في الكومنتات تقول لك أنت أمريكي وأنت صهيوني وبتاع. ببساطة. أنا ما أعرفش ايران ممكن تصمد قد إيه يعني. بس ما أعتقدش إنها تصمد كتير. أو ده اللي أنا شايفه. وجهة نظر. مش مش كره وحبا يعني. بس ده وجهة نظر يعني. هل الخيار النووي ضد ايران موجود؟ لا. بعد ما وزير الخارجية القطري طلع قال لك لو ضربت نووي على ايران مياه الشرب الخارجية هتتلوث. فانت هنا مش بتقتل ايران. أنت بتقتل الخليج. والخليج حليف أساسي لأمريكا في الآخر. يا رب أكون شرحت لك الموضوع بشكل مبسط. ويا رب تكون يعني اللايفات دي كويسة. أقدر أجمع لك فيها الأخبار أول بأول. وهتشوف الحرب دي هتروح فين. متشكر لكم. متشكر على استماعكم. وسلام. سلام.