بعد فنزويلا .. أمريكا تهدد السعودية رسميًا و إسرائيل تطالب أمريكا بخطف خامنئي

السلام عليكم، ازيكم؟ انت فاكر إنك سمعت كل التحليلات المنطقية عن اختطاف الرئيس نيكولاس مادورو؟ طب مافيش أسئلة في بالك يعني؟ مافيش حاجة بتقعد تسألها؟ ده منطقي إنك تقعد تسأل، لأن لو ما سألتش يبقى أنت كده عارف الغيب، وده صعب جدا.

طب إيه أهم سؤال؟ أهم سؤال: "وات نيكست؟" أو إيه اللي بعد كده؟ هل أمريكا هتختطف شخصيات أخرى؟ ولا هي أمريكا هتعمل إيه في فنزويلا بعد كده؟ ولا إيه اللي دونالد ترامب هيعمله بعد فنزويلا؟ كلام وأسئلة كتيرة جدا جاوب عليها كاتب صحفي في جريدة نيويورك تايمز، اللي أنا معرفش أنا بستشهد بيها كتير ليه، اسمه دبليو جي هانيجن. والحقيقة الراجل ده مقالاته أكتر من رائعة. بس طبعًا بطبيعة الحال استند للكاتب الصحفي [موسيقى] الصهيوني المجرم اللي اسمه زافي بارل، اللي كمل جزء قوي جدا ليه أمريكا ما تروحش تختطف خامنئي بعد ما اختطفت مادورو. الحقيقة الحلقة دي أكتر من رائعة بالنسبة لي، لأن [موسيقى] المحتوى هيجاوبك على كل حاجة. هل أمريكا بتهدد السعودية بعد فنزويلا ولا لأ؟ لأن صدقني ده أول سؤال خطر في أذهان الناس كلها. إشمعنى؟ ولا إحنا بنتكلم على عملية اختطاف ولا حاجة تانية؟ كلام كتير وخطير جدا. بس طبعًا عشان أجاوبك عليه وأكشف لك الكلام ده كله لازم أقول لك القصة. لو قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جدا ومحترم جدا، وهو لو عاوز توسع شغلك في السعودية والإمارات وما عندكش وقت تدور كتير ولا تمشي ورا إجراءات وتضيع وقت، يبقى لازم أقول لك على حل من الآخر. لأن ناس كتيرة قوي بتبقى عاوزة تتوسع في السعودية والإمارات، وهنا بيسألوا كتير. بس صدقني السؤال الكتير ده بيصدمك بآراء مختلفة، وكل واحد يقول لك رأي مختلف. وقليل جدا ممكن تعتمد عليه. عشان كده أنا برشح لك "أبشر بزنس". ناس محترفة وعارفين هما بيعملوا إيه. ولما بيساعدوك كأنهم بيساعدوا نفسهم بالظبط، مش مجرد عميل. أنت مش محتاج تسيب شغلك وتمشي ورا إجراءات وورق، انتهى وقت ولا تدخل نفسك في متاهات. هما بيظبطوا لك كل حاجة من أول ما تفكر لحد ما شركتك تشتغل. غير كده الناس في "أبشر بزنس" محترفة للغاية، والشفافية عندهم مش مجرد كلام، ده سيستم ماشي بيه الفريق كله، وكل خطوة واضحة ومفهومة. "أبشر بزنس" بتخلص لك الرخص التجارية الخاصة بشركتك. مش بس كده، بيخلصوا لك تأشيرات الإقامة. برضه بيخلصوا لك الحسابات البنكية الخاصة بشركتك اللي بتدوخ ناس كتيرة جدا. كل ده بشفافية كاملة وأسعار واضحة من أول خطوة. مش بس كده، "أبشر بزنس" بتقدم لك استشارات في الضرائب والتسويق والمحاسبة وتسجيل العلامات التجارية. يعني بيخلوك تبدأ شغل على طول من غير ما تضيع وقت. صدقني لو عاوز تتوسع في الخليج، يبقى "أبشر بزنس" هو المكان الصح. هسيب لحضراتكم الرابط بتاعهم في الوصف أسفل الفيديو لو حابب تتواصل مع "أبشر بزنس"، وبرشحهم ليك بشدة.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك، وأول مرة هتسمعه فيما يخص أمريكا تهدد السعودية. إيه اللي حصل بالظبط؟ إيه اللي حصل؟ حصل لأن والله اختطاف نيكولاس مادورو وإظهار صوره وفيديوهاته. على فكرة دونالد ترامب شال الصورة بتاعته وهو حاطط نظارة سودا كده وكلابش. على فكرة هو شالها من حسابه. يعني كان صورة مهينة جدا. بس بطبيعة الحال اختطاف نيكولاس مادورو أدى رسائل كتيرة جدا لكل دول العالم. في المؤيد زي إسرائيل. إسرائيل دلوقتي عمالة تفكر إزاي تختطف خامنئي مثلاً، يعني ماشي، أو تختطف عناصر من حزب الله وما تخشش في حروب. وشافت إن عملية الاختطاف دي حاجة رائعة. بس في دول تانية شايفة إن اللي حصل حصل ده مش طبيعي. زي فرنسا مثلاً، زي كل دول الاتحاد الأوروبي. شايفين اللي حصل ده يعني إيه؟ تختطف رئيس وتجيبه عندك وتسجنه؟ يعني ده إحنا في أنهي عصر ولا في أنهي زمن؟ إحنا مش في زمن الجاهلية إنك تروح تختطف قائد قبيلة ولا بتاع وتسجنه عندك. يعني مش عارف ده أمر صعب جدا. بس طبيعة الحال الكاتب الصحفي اللي اسمه دبليو جي هانيجن، الكاتب جاوبك على كل أسئلة. قال لك خلي بالك، موضوع فنزويلا من أوله لآخره عشان نفط. ماشي؟ هو من الآخر كده عشان نفط فنزويلا. واسمع الموضوع رايح السعودية إزاي؟ إزاي؟

الراجل بيقول لك إيه؟ بيقول لك لو خدت بالك هتلاقي دونالد ترامب كان عنده مشكلة كبيرة جدا يبرر التواجد العسكري الضخم الكبير للجيش الأمريكي قدام سواحل فنزويلا. يعني كان بيقول لك والله إحنا موجودين عشان نحارب تهريب المخدرات من فنزويلا لأمريكا. الكاتب الصحفي بيقول لك على فكرة، كل المخدرات أو الكوكايين اللي فنزويلا بتهربه ما يجيش نسبة كبيرة قصاد اللي بتهربه من المكسيك وكولومبيا لأمريكا. ماشي؟ ونسبة الفنتانيل، اللي هو مادة مخدرة خطيرة جدا بتصنع في الصين وفنزويلا بتهربها لأمريكا، برضه مش النسبة اللي هي خطر على الأمن القومي الأمريكي.

قال الرئيس الأمريكي دونالد ترامب إنه تم تنفيذ ضربة جديدة على عصابات المخدرات في البحر الكاريبي. وأضاف أن ثلاثة قتلى سقطوا في ضربة استهدفت مركباً ينقل إرهابيي مخدرات من فنزويلا، وفق تعبيره. وكان الرئيس الفنزويلي نيكولاس مادورو قد اتهم الولايات المتحدة بالإعداد لعدوان عسكري ضد فنزويلا، التي ستمارس حقها المشروع في الدفاع عن النفس.

والمهاجرين غير الشرعيين مش النسبة اللي تخلي أمريكا تحرك جيشها. ماشي؟ فلازم تعرف إن كل تحليلات دونالد ترامب في إنه بيحرك جيش أمريكا قصاد سواحل فنزويلا كانت تحليلات بالنسبة للصحفيين كانت كوميدية. وأنت تقدر تبص على المقالات الصحفية اللي اتكتبت، هتلاقي إن الكتاب عمالين يتلخبطوا. يقول لك طب هو بيحرك الجيش؟ طب هيعمل إيه؟ طب هيخش حرب ضد فنزويلا؟ طب ليه؟ فاهمني إزاي؟ كان أمر معقد جدا. وخلي بالك مش الكتاب الصحفيين بس. دونالد ترامب خلصت منه الحجج. هيقول إيه حجج أخرى إنه بيحرك الجيش الأمريكي قصاد سواحل فنزويلا؟ خلص كل الحجج. وكان أبرز حاجة فيها تناقض قصاد تصريحات وحجج الرئيس الأمريكي هي تحريك حاملة طائرات جيرالد فورد. يعني ده كان موضوع بالنسبة للعالم كله. أنت هتحرك حاملة طائرات عشان تضرب قوارب لتهريب الكوكايين؟ إيه المنطق؟ أنت بتحرك حاملة طائرات الساعة الواحدة عشان تحركها ملايين الدولارات وأنت بتتكلم هتحركها؟ إيه ده؟ أنت هتحركها من مناطق استراتيجية مهمة جدا لجيش أمريكي؟ هتحركها منه وتوديها فنزويلا؟ فالأمر غريب جدا. حاملة الطائرات إيه اللي بتروح تشارك في عملية [موسيقى] تهريب مخدرات أو تمنع عملية تهريب مخدرات؟

بس الكاتب بيقول لك إيه؟ بيقول لك لو دونالد ترامب كان بيطلع حجج، فلازم تعرف إن هو كان عنده كتاب ألعاب خاص بيه، وهو كان عارف كويس جدا هو بيعمل إيه. بس لو خدت بالك بعد القبض على نيكولاس مادورو، ترامب مش عارف أي حاجة من اللي هو بيقولها. ما عندوش حجج، ما عندوش أي حاجة. وتحس إنه متخبط. ليه؟ لأن دونالد ترامب مجرد ما حصل على اللي هو عاوزه، مش نيكولاس مادورو، النفط. أصبح دونالد ترامب متخبط بشكل كبير جدا في تعيين رئيس لفنزويلا. [موسيقى] يجي يقول لك إيه؟ لا لا، أصل ماتشادو دي اللي هي زعيمة المعارضة تمسك فنزويلا. بعد كده قال لك لا مش هينفع. طب ما نجيب وزيرة الاقتصاد الفنزويلية السابقة تمسك هي فنزويلا؟ يا عم هي عزبة؟ أنت أصلاً متخبط في الكلام. وبعدين قال لك لا، ده أصل الناس اللي واقفة ورايا. هو قصد على مارك روبي وزير الخارجية. قال لك هو اللي هيمسك فنزويلا. التخبط ده يقول لك إن دونالد ترامب مش عارف يعمل إيه. خلاص. هو كان الغرض الأساسي يخش يجيب نيكولاس مادورو والحصول على. بعد كده دونالد ترامب ما عندوش حاجة. مش عارف. ولسه ما كتبش أي حاجة. هو كان الهدف الأساسي هو مجرد إنه حصل عليه. مش عارف إيه [موسيقى] اللي يحصل بعد كده. لأن هو خلاص هو حط إيده على النفط أصلاً. فده أمر مهم جدا.

طيب الكاتب بيقول لك إيه؟ بيقول لك على فكرة لو أنت مستبشر خير يعني إن أمريكا عملت الحركة دي، زي ما حضرتك شايف في الفيديو ده، إن في احتفالات ضخمة جدا نزلت في البرازيل وكذا دولة وحتى في أمريكا، احتفالات صاخبة لمعارضي مادورو في الخارج وهم بيحتفلوا بالقبض على مادورو.

"فرحة عمت شوارع سانتياغو عاصمة تشيلي حاملين العلم الوطني. احتفلت الجالية الفنزويلية بالقبض على مادورو. وانتشرت مشاعر الفرح أيضاً في كولومبيا وبيرو. حتى الولايات المتحدة. هؤلاء الفنزويليون الذين جاؤوا للعيش في فلوريدا يتابعون مباشرة خطاب دونالد ترامب. جميعهم فروا من الانهيار الاقتصادي والقمع الذي مارسه مادورو."

"والآن وقد رحل مادورو ستتحقق الحرية أخيراً. هذا الحدث سيمكننا من استعادة فنزويلا."

بس لازم تعرف إن الداخل أصبح في حالة تخبط. ليه؟ أولاً الجيش ده هيروح فين؟ هل الجيش بتاع فنزويلا ده هيسمع ويطيع أوامر أمريكا ولا هيعمل حرب على أمريكا؟ هل الحكومة الفنزويلية هتمشي ولا تتعاون مع وزيرة الاقتصاد اللي جابها دونالد ترامب؟ الشعب نفسه مش عارف ظروفه الاقتصادية إيه. وتاني حاجة لازم تعرف إن ما فيش دولة في العالم أياً كانت تعرضت لاحتلال وأصبحت في موقف أفضل. ماشي؟ من قديم الزمن لحد يومنا ده، أي دولة بيتم احتلالها لازم تعرف إنها بتروح لموقف أسوأ. وأبرز حاجة على التاريخ الحديث، بص على العراق. أمريكا دخلت العراق عملت فيها إيه؟ دخلت أفغانستان عملت فيها إيه؟ الاحتلال [موسيقى] بيبقى موجود لخدمة أصحاب المحتل، إنما مش لخدمة أهل البلد. ماشي؟ فانت لازم تعرف إن مجرد ما دونالد ترامب يخش يخطف رئيس فنزويلا، عمل حالة ارتباك شديدة جدا داخل فنزويلا. والأمر ده مش بيخدم الأمن القومي الأمريكي. بالعكس، ده خطر على الأمن القومي الأمريكي. ماشي؟ كل ده دونالد ترامب ما عندوش فيه مشكلة. بس خلي بالك، دونالد ترامب أكبر إنجاز هو عمله حاجة مهمة جدا. إيه هي؟ حصل على نفط فنزويلا. وده أمر يجب إنك تبص عليه كويس جدا. ليه؟ لأن الكاتب بيقول لك إيه؟ بيقول لك ما تبصش إن فنزويلا عندها أكبر احتياطي نفط في العالم اللي هو 300 مليار برميل. يعني مخزون خلاص. قال لك على فكرة مش دي القصة. ماشي؟ لازم تعرف إن [موسيقى] كل احتياطات فنزويلا دي هتضاف على احتياطات أمريكا النفطية. فأنت بتتكلم على قوة كبيرة.

"We going to have our very large United States companies, the best anyone..."

طيب حد هيجي يقول لي على فكرة زي واحد صاحبي برضه لسه كنت بكلمه، هو نفس الشخص يعني بحبه جداً. بس قال لي إيه؟ قال لي يا عم دول عشان يصلحوا آبار النفط في فنزويلا ويصلحوا حوض إنتاج النفط في فنزويلا، عاوزين لهم سنين. خلي بالك الأمر ده مش صحيح. ليه؟ أولاً فنزويلا ما بتعرفش تصدر كل إنتاجها من النفط نتيجة العقوبات، مش نتيجة فقط تهالك بنيتها التحتية من [موسيقى] إنتاج النفط. ده أمر. الأمر الثاني، خلي بالك إن النهارده وفقاً لجريدة بوليتيكو، أمريكا بتقول لشركات النفط: لو أنتم عاوزين تحتفظوا بآبار النفط بتاعتكم أو تاخدوا تعويضات نتيجة للعقوبات اللي نزلت على فنزويلا، صلحوا منشآت [موسيقى] النفط اللي عندكم. فأمريكا مش هتتكلف ولا مليم في إصلاح منشآت النفط، إن شركات النفط، سواء شركات أمريكية أو حتى غير أمريكية، هتصلح منشآت النفط عشان تحصل على تعويضات من أمريكا أو إنها تبتدي تحتفظ بالآبار النفط اللي هي بتاعتها. [موسيقى] فانت بتتكلم إن أمريكا على طول ابتدت تشتغل إنها هتشغل مصافي النفط الفنزويلية. تاني حاجة، حط إنتاج فنزويلا من النفط اللي هو مثلاً يقدر 3 مليون برميل لحد ما الشركات الأمريكية تخش تكتشف تاني على احتياطات النفط بتاعة جويانا. إيه رأيك؟ جويانا دي واحدة من أكبر دول أمريكا الجنوبية في إنتاج النفط، ودي كل الشركات اللي بتعمل فيها أمريكية. سواء شركة موبيل، سواء شركة شيفرون. وهما دول الشركتين المسيطرتين على جويانا. على فكرة شركة موبيل وشيفرون ممكن يأمروا رئيس جويانا يعمل إيه وما يعملش إيه. يعني رئيس شركة شيفرون ده ممكن يتحكم في بلد زي جويانا. فانت حط الثلاث دول دول، هتلاقي إن أنت قدام مخزون نفط [موسيقى] عملاق لأمريكا. وبتتكلم إن دونالد ترامب كان صريح معاك. قال لك على فكرة أنا داخل النفط.

"إن ترامب يرى أن شركات أمريكية هي التي أنشأت وطورت صناعة النفط الفنزويلي لعقود قبل أن تفقد أصولها بسبب التأميم الذي حدث على يد الرئيس الفنزويلي السابق هوجو تشافيز، ثم استمر مع الرئيس الحالي نيكولاس مادورو، فهناك قناعة لدى الإدارة الأمريكية أن الحكومة الفنزويلية صادرت أصولاً نفطية أمريكية في أوائل الألفية من دون تعويض عادل."

ومش النفط فقط. لازم تعرف إن فنزويلا عندها 7000 طن من الذهب. وبالمناسبة، ده كانت الحاجة اللي ساندة فنزويلا ضد العقوبات. [موسيقى] مش النفط بس. بدليل إن بعد ما أمريكا منعت فنزويلا من تصدير النفط، وبعد ما كانت بتصدر 27 مليون برميل في الشهر، أصبحت بتصدر 13. فنزويلا ما انهارتش لأنها بتعتمد على تصدير الذهب. فده أمر مهم جدا. فنزويلا غنية بالذهب.

طيب الكيان النفطي العملاق اللي أصبح عند أمريكا ده، اللي هو أمريكا وفنزويلا وجويانا. ماشي؟ بيجيب لمين؟ والله بص، الكيان ده أصبح بيحط قصاد الرئيس الأمريكي سيناريوهات رائعة. أولاً الرئيس الأمريكي لو عاوز إنه زي صحيفة "3 جولنا" النهارده بتقول لك على فكرة: إيه اللي يحصل لو أمريكا فتحت آبار النفط بتاعة فنزويلا كلها كلها لسوق النفط؟ قال لك والله سعر برميل النفط هينزل ممكن 20% أو أكتر كمان من 20%. بتتكلم من اللي أنا فهمته من مقال، إنه ممكن ينزل نص بالمناسبة. يعني عشان تعرف مدى تأثير نفط فنزويلا. فنزويلا لما أمريكا فرضت عليها عقوبات ومنعت تصدير النفط أو تهريب النفط من فنزويلا، هو ده اللي مخلي سعر برميل النفط لحد دلوقتي 60 دولار للبرميل. مجرد إن فنزويلا تضخ النفط بتاعها تاني، لازم تعرف إن برميل النفط هينزل أكتر. ده إيه؟ ده أنا ما بكلمكش إن تم إصلاح البنية التحتية لإنتاج النفط ولا تم العقوبات، وبدل ما فنزويلا تصدر مليون برميل هتصدر 3. أنا بقول لحضرتك مجرد فقط ما ترجع المليون برميل اللي كانت بتصدرهم فنزويلا قبل كده، لازم تعرف إن أسعار النفط هتنزل. ما بالك إن فنزويلا تصدر كل قدرتها الإنتاجية 3 مليون برميل وتخش الشركات الأمريكية تكتشف أكتر. أنت قدام كارثة بالنسبة للدول المنتجة للنفط. مين الدول المنتجة للنفط؟ حرب روسيا وأوكرانيا. الروس لو خدت بالك، دونالد ترامب كان وفقاً لصحيفة نيويورك تايمز، كان خلى المخابرات الأمريكية إزاي يتدرب القوات الأوكرانية إزاي يستهدفوا مصافي النفط الروسية. والواد زيلينسكي بعد كده اتجنن وخد الخبرات دي وراح ضرب مصافي بوتين. بس اللي أنت تستشفه من الموضوع إن دونالد ترامب عاوز يضغط على بوتين. دونالد ترامب مش بيسمع كلام بوتين ويقول له أمين. دونالد ترامب بيلعب هو كمان مع أوكرانيا. ماشي؟ فدي أمور يجب إنك تبص عليها.

طيب واللي ما عرفش الاتحاد الأوروبي يعمله بالعقوبات، دونالد ترامب ممكن يعمله في ثانية. ينزل أسعار النفط. والنفط هو الآلة الحقيقية لتمويل الجيش الروسي. ساعتها الجيش الروسي مش هيلاقي فلوس. لأن حضرتك لازم تعرف إن روسيا بتبيع النفط بتاعها بأقل من السعر الرسمي. ماشي؟ فانت بتتكلم إن لو سعر برميل النفط نزل نص أو 30 أو 40%، خراب بيوت بالنسبة لروسيا. مش هتعرف تكمل الحرب. فهذه سيناريو رائع بالنسبة لأمريكا.

طيب بالنسبة للشرق الأوسط، لازم تعرف إن أمريكا دلوقتي عندها رفاهية إنها تسيب الشرق الأوسط. لو احتلت جرينلاند. لو احتلت جرينلاند. وعلى فكرة اللي حصل في فنزويلا هي رسالة لجرينلاند برضه إن إحنا ممكن نيجي ونخش جرينلاند بمنتهى السهولة. عندي خبر هتسمعه بعد شوية، يعني هتسمعه بقى كمان يوم. لازم تعرف القوات الأمريكية ابتدت تحشد في قواعد بريطانيا. وبيتكلموا إن الحشد الأمريكي من القوات الخاصة في بريطانيا هو استعداد لغزو جرينلاند. بيتكلموا في حاجة زي كده. بس أنا معرفش قوي القوات دي راحت عن إيه. بس في حشد من القوات الأمريكية الخاصة في قواعد في بريطانيا. فلو الروس خدوا جرينلاند أو بدون أخذ جرينلاند، أنت بتتكلم عن سيناريوهات إن أمريكا ممكن تمشي وتسيب الشرق الأوسط يضرب يقلب عادي جدا. على فكرة دونالد ترامب نفسه اتكلم أكتر من مرة إنه عاوز يمشي ويسيب الشرق الأوسط. وقال لك دي منطقة كلها مشاكل وأنا عاوز أسحب الجيش الأمريكي. وأنا قلت لحضرتك إن بداية انسحاب أمريكا من الشرق الأوسط ابتدت من أفغانستان. إن أمريكا انسحبت من أفغانستان. هتنسحب من الشرق الأوسط خلاص. فخلاص أمريكا مش في حاجة لنفط في الشرق الأوسط. وأمريكا دلوقتي أصبحت القوة المهيمنة على وضع أسعار النفط. وده بيهدد أوبك. وعلى فكرة لو أنت هتيجي تقول لي والله أصل أوبك ما بتتهددش، أصل أوبك قوية، أصل لا. أنت قدام كلام مختلف. جويانا مش بتلعب لوحدها. جويانا أصبحت آلة أو جزء من آلة أمريكا النفطية. فنزويلا أصبحت خاضعة بكل منشآتها واحتياطاتها لأمريكا. أمريكا نفسها عمالة تضخ كم كبير من النفط والغاز. فدلوقتي أمريكا هتبقى سيدة العالم في إنتاج النفط والغاز. ماشي؟ وهيبقى ده تهديد لأوبك. أوبك النهارده بتقول لك طلع إعلان لسه النهارده. قال لك على فكرة إحنا ملتزمين بعدم زيادة إنتاج النفط والكلام ده كله. طب الإعلان ده ده لأمريكا إن هو ما تضخش النفط بتاع فنزويلا كله للأسواق هتضرب أسعار النفط. إحنا مش في حمل كده خلاص. فاوبيك النهارده ده تهديد لأوبك ومن وراها السعودية. على فكرة السعودية أرخص نفط ممكن تكتشفه هو النفط الخليجي. يعني أنت بتستخرج النفط برميل النفط من السعودية بـ 10 دولار للبرميل. لو بعته بـ 20 أنت كسبان 20 دولار. وأنا بقول لك دلوقتي سعر البرميل النفط 60. ماشي؟ أنت لو بعته بـ 20 أنت كسبان. برغم كده السعودية مش في حمل إنها تخسر أسعار النفط بالشكل ده. آه ممكن تنزل عند 60، 50 يا سيدي. إنما 20 ده إيه؟ ولا 30 ولا 40؟ إحنا بنهزر. فاهمني إزاي؟ السعودية والخليج مش في حمل حاجة زي كده. وده تهديد رسمي. وخد بالك، أوعى تظن إن السعودية ملمة بكل الأجندة الأمريكية. ده تهديد خاص للسعودية.

طب تعالى بص على الكاتب الصحفي اللي اسمه زافي بارل. زافي بارل بيقول لك أول ما أمريكا خطفت مادورو، إسرائيل دلوقتي بتقول لك إيه؟ بتقول لك الدور على خامنئي. نخطف خامنئي؟ قال لك استحالة. يعني خلي بالك فيلم الخطف ده ممكن يتطبق في دول زي أمريكا الجنوبية. إنما إيران مش فنزويلا. الجيش الإيراني مش الجيش الفنزويلي. ليه؟ الجيش الإيراني مبني على عقيدة دينية متطرفة كمان، اللي هي عقيدة شيعية أكثر تطرفاً، اللي هم عاوزين ينشروا الفكر الشيعي في كل حتة وعاوزين إن هم يقلبوا البلدان اللي حواليهم وعاوزين يقتلوا إسرائيل والكلام ده كله. هي قوة عسكرية لا يستهان بها. وبالمناسبة في حرب الـ 12 يوم كانت إسرائيل عرضت على أمريكا إنها تقتل خامنئي. وهما عارفين مكانه فين. أمريكا رفضت. دونالد ترامب رفض. خلاص. فالرئيس اللي رفض إنه يصفي خامنئي، هيروح يخطفه؟ يعني نعقل الكلام. فاهمني إزاي؟ فدي أمور مهمة جدا. وبعدين الكاتب بيقول لك لو ترامب خطف خامنئي، لازم تعرف إن الشعب الإيراني مش بيثق في أمريكا وهيتشكك من النوايا الأمريكية. ده بالعكس ممكن الشعب الإيراني يلتحم أكتر مع خامنئي وممكن الشعب الإيراني يثور على القوات الأمريكية لو عملت كده. لو حبوا يطبقوا سيناريو فنزويلا. تاني حاجة، أنت هتعم الفوضى في منطقة الشرق الأوسط. الجيش بتاع الحرس الثوري الإيراني ده، أوعى تظن إنه هيفضل ساكت. هيروح يضرب القواعد الأمريكية كلها وش. لأنه أصلاً عنده سيناريو بحاجة زي كده. عكس الجيش الفنزويلي. الجيش الفنزويلي كان خايف. هو مازال خايف. فاهمني إزاي؟ فالأمور دي كلها تقول لك إيه؟ تقول لك خلي بالك، موضوع إن دونالد ترامب يختطف خامنئي ده هباء. وإسرائيل لو عاوزة تعمل كده، دونالد ترامب مش هيسمح. اللي حصل في فنزويلا حط سيناريوهات كتيرة داخل جعبة الأمريكان، مش شرط إنهم يستخدموها كلها دلوقتي، ومش شرط إنهم يطبقوا سيناريو خطف مادورو على أي رئيس دولة خالص. صحيح دونالد ترامب النهارده طلع قال لك: الدور على رئيس كولومبيا ويجب إنه يسمعني. وأنا بقول لك الدور على رئيس كولومبيا والكلام ده كله.

"سعي إدارة ترامب لفرض الهيمنة الأمريكية على نصف الكرة الغربية. فما هو مستقبل فنزويلا بعد القبض على رئيسها؟ وما هو مستقبل كوبا [موسيقى] والمكسيك وكولومبيا بعد أن شملتهم تحذيرات ترامب [موسيقى] عالية النبرة؟"

بس أنا يعني من وجهة نظري يعني، أمريكا صعب إنها تكرر السيناريو ده كل شوية. يعني أنت بتتكلم تحريك 15 ألف جندي وحاملات طائرات والكلام ده كله، أمرهم مكلف جدا جدا. وكان لازم الرئيس الأمريكي ينهيه، سواء بخطف مادورو أو بدون خطف مادورو. كده كده كان الرئيس الأمريكي يجب أن ينهي التواجد العسكري ده، لأنه في الآخر أنت بتتكلم على سفن حربية وجيش واقف قدام سواحل دولة. مش حاجة. ده سيناريو خطير جدا جدا. فاللي أنا عاوز أقول لك عليه إن السعودية والدول أوبك حالياً متشككين في نوايا أمريكا. وتحس كده إن الأمريكان عمروا المسدس بتاعهم على وشهم عشان يطلقوا الرصاص. بالمناسبة، أنا مش جاي أقول لحضرتك إن السعودية أصبحت عدو لأمريكا، ولا أمريكا عدوة للسعودية. أنا جاي أقول لحضرتك إن الأمريكان حالياً أصبح عندهم أجندة ممتلئة بسيناريوهات كتيرة جدا. والسعودية متخوفة من الأجندة دي. متخوفة مش من نوع من أنواع الضعف، بس أنا أقول لحضرتك متخوفة. هيعملوا إيه؟ فهمت إزاي؟ هيضرونا ولا مش هيضرونا؟ أصبح عندهم القدرة إنهم يعملوا كده. فده أمر مهم جدا. في الآخر، يا رب أكون شرحت لحضرتك الموضوع بشكل مبسط. ويا رب انصر رب ينصر العرب. ويا رب ينصر فلسطين. يا رب تحيا مصر. سلام.

"أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب. [موسيقى] وكرم بيتضرب بيه المثل. جدعنة وشهامة مش موجودة في زنا. ورحمة بتطلع من عينينا قبل قلبنا. [موسيقى] إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر."