Transcription
كل اللي انت معتقده عن الحب والعواطف والرومانسيه مع المراه غلط. انت فاكر علشان هي تحبك لازم تهتم بيها ولازم تقول لها كلام حب كتير ولازم تبقى سوم العاشق علشان هي تتعلق بيك. صح انت معتقد كده؟ انا بقى بقوللك غلط.
سيبك من كل اللي في دماغك ده. المراه لا ياكل معاها الحب ولا ياكل معاها الاهتمام ولا تاكل معاها الرومانسيه. ده بالعكس، كتر الحب والاهتمام واللف لفا وكلام الحب ده هيخليها تمل منك وتعوفك. الست ما تحبش الراجل النحنوح. الست ما تحبش الراجل المدلوق عليها. الست ما تحبش الراجل اللي عاوز يرضيها باي شكل. الست ما تحبش الراجل اللي مركز معاها على طول. الست ما تحبش الراجل اللي ما يقدرش يعيش من غيرها. هتجري وراها؟ هتجري هي منك.
احنا كده عموما كبني ادمين مش الستات بس بنزهق اللي في ايدينا وضمنه وبنجري ورا اللي بعيد عننا. يعني انت حتى كراجل لما هتلاقي كل شويه واحده عماله ترن عليك وكل شويه تبعت لك الرسائل ومغرقاه حب وتعيط لك لو اتاخرت عليها في يوم وما كلمتهاش بتزهق منها. بيجيلك حاله قرف منها. مظبوط؟ اما اللي بترد عليك متاخر ومش عاوزه تديلك خالص اللي انت عاوزه دي اللي بتقعد شغلاك. صح ولا مش صح؟ كذلك برض الستات. الراجل السهل ده والمتاح يعفو ويزهق منه. اما التقيل واللي بيدي الحب والاهتمام بالقطاره ده اللي بيفضل شاغل بالهم على طول.
اصل الفكره ان اخليك تحبني وبفضل احاول معاك علشان تحبني. حبتني واتعلقت بيا خلاص مش هحاول معاك تاني. ما اللي عاوزه خلاص حصل. اصل في شاب غلبان يقول الواحده اللي بيحبها ايه؟ انت ليه ما بقتيش مهتميه بيا زي الاول؟ لان هي يا حبيبي اللي عاوزاه خلاص حصل. مش هي ضمنت حبك ليها خلاص هتفضل مهتميه ليه؟
انا هضرب لك مثل بسيط. لو انت عندك طفلين. طفل كل شويه يجري ناحيه الشارع والطفل الثاني على طول قاعد جنبك ما بيتحركش. مين اللي هتبقى مركز معاه اكتر؟ مين اللي هتاخد بالك منه اكتر؟ مين اللي هتفضل عينك عليه اكتر؟ الطفل اللي كل شويه يسيبك ويمشي اللي انت مش ضامن وجودك جنبه على طول. اما اللي على طول قاعد جنبك ده وضامن وجوده قوي انت مش مركز معاه لانك ضامن وجوده جنبك. هي دي فكرة الاهتمام عموما انك ما تبقاش مضمون.
اوعى تحسسها اني ما اقدرش اسيبك ولا اقدر ابعد عنك واني بعشقك وبموت فيكي ومن غيرك ما اعرفش اعيش. علشان لو ضمنت وجودك هتتعبك. واوعى تحكي لها عن مشاكلك اللي انت مش عارف تحلها. انت ممكن تحكي لها عن مشاكلك عادي بس بعد اما تحلها. افهم بقى الحته دي قوي علشان مهمه.
الواحدة لما تلاقي الراجل اللي في حياتها شكاي بيشتكي كتير ومش عارف يحل مشاكله بتاخد عنه فكره انه راجل ضعيف مش عارف يحل مشاكله. وانت فاكر بقى ايه؟ انك لما تحكي لها عن معاناتك هي كده هطبطب عليك. امال ما احكيلها؟ اه ما تحكيلهاش وقعد ساكت طالما لسه ما حلتش المشكله. بعد اما تحلها ابقى احكي لها بقى علشان هي تاخد عنك فكره انك راجل بتعرف تحل مشاكلك وانك راجل المسؤوليه راجل يعتمد عليه راجل بيعرف يحل مشاكله. انما هتقو لها وتعيط لها؟ هتعرف منك الست تحب الراجل القوي مش الراجل الضعيف.
امتى بقى تحكي لها مشاكلك حتى لو لسه ما حلتها؟ لما تقدموا مع بعض بقى لكم بتاع سنه ونص سنتين مع بعض بقى في بينكم عشره وختوا على بعض جامد. احكي لها. انما لسه بقكم الشهر عارفين بعض وعاوز تحكي لها عن مشاكلك اللي مش عارف تحلها من اولها تبقى انت راجل عبيط. وعموما حتى لو بتحل مشاكلك ما تحكيش معاها خالص عن مشاكلك في بدايه تعارك مع بعض. هي عاوزه استقرار مش واحد دخل لها بمشاكل من اولها. في بدايه علاقتكم احكي الحاجات الحلوه بس اللي في حياتك وبالعقل. انا اترقيت في شغلي. هو انا ما قلتلكيش؟ مش النهارده؟ الدنيا مكافه في الشغل. امبارح واحد صاحبي اعزمني في مكان جميل جدا. هبقى روح انا وانت في مره كده. خليها تشوف حياتك حلوه مش تبقى زي الاهبل وتقعد تحكي المشاكل والمعاناه بتاعتك. انا اتخانقت المدير زحق معايا في الشغل. اتخانقت مع والدي امبارح وسبت له البيت ومشيت. هتقول لك سلام عليكم. انا عاوزه واحد حياته حلوه. هي ناقصه عقد. انت جاي تعقد لي حياتي؟
المشاكل والمعاناه بتاعتك دي اركنها دلوقتي خالص على جنب. ما تحكيها لما تقدم مع بعض وبقى في بينكم ذكريات حلوه. يبقى احكي مشاكلك ساعتها. انما مش من اولها كده جاي تشتكي.
الكلام اللي انا بقوله لك ده انا مريت بيه وجربته. نقله لك عن تجربه. لما كان يحصل لي مشكله زمان كنت اقعد مع قريبي او صاحبي واحكي له عنها. ما كنتش بستفيد حاجه. اولا عمري ما حد حللي مشكله. ثانيا واللي انا اكتشفته انهم كانوا بيتكلموا عليا وحش ويقولوا ده تعبان في حياته وياخدوا عني فكره ان انا قليل ومان ابني الا اني صغرت نفسي قدام اللي حكيت له ويعمل كبير هو عليا بعد كده. ما انت بتروح له بقى وتحكي له مشاكلك لازم يعيش في دور الكبير عليك. فتاكد فعلا ان الشكوى لغير الله مزله بجد. والشكوى بتصغر في عيون الناس. ما تفتكرش انهم هيطبطب عليك وتعاطفوا معاك. واكتشفت كمان ان كل الناس عندها مشاكل بس ما بيحكو لانهم عارفين اللي انا بحكي فيه ده كويس. العبيط بس هو اللي بيقعد يحكي مشاكله والناصح هو اللي بيظهر بس الحاجات الحلوه اللي في حياته ومشاكله ما يحكي فيها علشان الناس تاخد عنه انطباع ان حياته حلوه فيزيد في نظرهم. اصل عمرك ما هتزيد في نظر الناس وهم واخدين عنك فكره ان حياتك كلها مشاكل. كذلك برض مع المراه اللي في حياتك. خليها تشوف حياتك حلوه علشان تزيد في نظرها. ما تحكي لهاش مشاكلك.
وخد بالك من حاجه كمان. اوعى الست تاخد عنك انطباع ان ما فيش واحده دخلت في حياتك قبل كده. الست بتحب الراجل اللي فيه ستات حواليه. بتحس ان هو مرغوب فيه. هما بس يقعدوا يقولوا بالبق كده انا عاوز راجل ما يشوفش غيري واكون انا الست الوحيده اللي في حياته. بس الحقيقه ان انهم بيعجبه قوي بالراجل اللي متجوز اكتر من واحده او في كذا واحده هتموت عليه او لما بينزل بوست بتلاقي الستات كتير مع اللي قاله بتعتقد هي ان ده راجل يستاهل علشان كده الستات ملمومه حواليه. انما اللي ما فيش ولا واحده في حياته ده وعايش كده وخلاص لوحده بياخدوا عنه فكره انه مش مرغوب فيه من الستات وان امكانياته الذكوريه ضعيفه علشان كده ما فيش ولا واحده حياته. فما تجيش تقول لها انت اول ست في حياتي وعمر ما عرفتي ست غيرك وتفتكر كده انها هتحبك. حتى لو ما كانش في فعلا ستات في حياتك ما تقولش المعلومه دي. قول لها كان في ستات كتير عاوزه تتقرب مني بس انا اللي كنت رافض علشان دراستي او علشان شغلي او علشان مستقبلي. كده يعني كده هتحس هي انك راجل مرغوب فيه.
هما يقعدوا يقولوا التعدد ومش عاوزين تعدد. انما من جوه واهم الست بتعشق الراجل المتجوز اكتر من واحده. تقول لك ده بطل. انما العازب ده حتى لو بطل كمال اجسام يقولوا ده شكله تعبان ومنظر على الفاضي ده ما فيش ولا واحده معبراه. لذلك تلاقي اللي في حياته ستات كتير الستات عماله تجي له اكتر لانهم شايفينه جايزه وكل واحده عاوزه تفوز بيه. اما السنجل ده بيعتقدوا ان امكانياته الذكوريه ضعيفه علشان كده ما فيش واحده معبراه ف بيبعدوا عنه. بالظبط زي ايه؟ محلين فاتحين جنب بعض. محل عليه زحمه كتير ومحل فاضي. هتلاقي كل اللي جاي وعاوز يشتري بيروح ناحيه المحل الزحمه وسايبين المحل الفاضي اعتقادا منهم ان المحل الزحمه ده حاجته حلوه علشان كده الناس كلها ملمومه حواليه. اما المحل الفاضي ده اكيد حاجته وحشه. علشان كده ما فيش حد واقف عليه. مع انه ممكن تكون حاجته حلوه واحسن كمان من المحل الزحمه. بس الناس بطبيعتها بتروح ناحيه الزحمه. كذلك برض الستات مع الرجاله. الراجل اللي حواليه ستات كتير كل الستات اللي جايه هتروح له هو بتقول اكيد ده راجل يستاهل والا ما كانتش الستات دي كلها تلمت حواليه. اما الراجل اللي واقف وحيد ده ماحدش هيحول عليه هيقوله اكيد معيوب والا كانت الستات هتتلم حواليه.
الكلام عن الستات بحر واسع. بس مبدئيا كده لو عاوز الست تحبك خليها دايما تشوفك تقيل وحياتك حلوه وراجل يعتمد عليه وراجل ذكي بيعرف يقول ايه وما يقولش ايه وراجل مرغوب من الستات وراجل مهتم بشغله وناجح في حياته. وصفات تانيه لازم تكون متوفره فيك هنبقى نشرحها فيما بعد ان شاء الله. والسلام ختام.