Transcription
معظم الشباب بيعتقدوا ان هم سيئين في
التحدث مع البنات لكنه مش حقيقي دي مش
مشكلتهم الاساسيه اصلا المشكله الحقيقيه
هي حاجه ماحدش عرفها لك ولا حتى لفت
انتباهك ليها ومع ذلك هي السبب الرئيسي في
صمتك اللي بياثر عليك خصوصا في انطباعك
الاول وفي اي بدايه تعارف كان ممكن تتحول
لعلاقه حقيقيه لكنها انتهت قبل ما تبدا
وفي الغالب كان السبب راجع للنقطه دي من
غير ما تاخد بالك في الفيديو ده هعرفك ايه
اللي بيلجم لسانك وانت معاها وبيخليك
قدامها
بط بلدي وهعلمك نظام بسيط يساعدك انك تطرح
اسئله افضل حتى لو انت كنت متوتر ومش عارف
تفتح كلام في تقنيه انا بستخدمها بشكل
شخصي هعرفها لك في نهايه الفيديو لانك لو
ما استوعبتش التدرج اللي هيحصل على مدار
الفيديو التقنيه دي مش هتظبط معاك اصلا
فخليك معايا حاجه مزعجه جدا وهي ان كل
محادثه ليك مع بنت انت معجب بيها بتنتهي
بعد 30 ثانيه بتبدا الكلام ترد عليك تقوم
انت ردد عليها وشكرا الكلام بيقف نفس
السيناريو بيتعاد كل مره والاسوا من ده ان
انت ممكن ما تكونش ممل وتكون هي من
ناحيتها معجبه بيك او متقبلاك على الاقل
الموضوع كله بسبب عاده اتعودت عليها من
غير ما تاخد بالك وهي انك ترد وتسكت
تسالها مثلا عملت ايه في الاجازه بتاعتك
تقول لك كانت لذيذه وهاديه ما فيهاش فرهده
كتير فترد عليها انت وانا كمان وخلاص
المحادثه ماتت الاثنين اتكلموا مع بعض بس
ما حدش فيهم قال حاجه عليها القيمه فعلا
تخلي الطرف الثاني على الاقل متحمس يتكلم
معاه اكت واغلب الشباب بيفهموا الموضوع
غلط بيفتكروا ان الحل ان هم يبقوا يبقوا
اروش او محتاجين يجهزوا افتتاحيات اقوى
يبداوا بيها الكلام او يبقوا ارجوزات
ويقولوا اي حاجه من اجل ان هم يبقوا
مضحكين او يكون عنده حياه مثيره يحكي عنها
بس الحقيقه ده مش الحل ولا حتى قريب من
اللي انا جاي اقوله لك ايه رايك لو قلت لك
ان المشكله الحقيقيه مش في اللي انت
بتقوله لكن في اللي انت ما بتقولوش هفهمك
قصدي ايه كل مره بترد فيها وتسكت بعضها
انت كده بتقفل باب المحادثه بنفسك قفلت
باب الشد والجذب باب الاثاره باب اي مشاعر
او رابط كان ممكن يبدا بيتكون بينكم وده
بيحصل غالبا في الديت او في الشات اول
كلام ما بينكم بتحس انه في قبول وبعدها
فجاه كل حاجه بتقف والكلام بيتمحي هنا
الجزئيه بقى اللي لازم تركز عليها وتفهم
ان اي محادثه مع بنت في الدنيا ليها
مستويين بس ومعظم الناس للاسف عمرهم ما
بيوصلوا للمستوى الثاني مش لانهم ما
يقدروش لكن لان ما حدش وراهم اصلا هو شكله
عامل ازاي هوريك ازاي في شباب اول ما
بيتكلموا بيبقوا جذابين بشكل طبيعي وفي
المقابل شباب ثانيه بيقولوا كل الكلام
الصح ورغم كده بيتم تجاهلهم الاجابه مش زي
ما انت متوقع الموضوع مش شكل ولا ثقه ولا
حتى الكلام اللي بيقولوه الموضوع كله في
الردود التلقائيه اللي عقلك متبرمج عليها
عقلك بيشتغل بنفس نمط المحادثات من ايام
ما كنت طفل بتتسئل ازيك فبيرد عقلك باسرع
اجابه محفوظه بخير زي الفل الحمد لله بدون
تفكير ده بقى المستوى الاول والحقيقه
قاسيه اغلب الشباب ما بيطلعوش بره المستوى
ده ابدا بيبعتوا رسائل للبنات من نفس
المستوى بيتعاملوا في الديت من نفس
المستوى وبعدين يرجعوا يسالوا نفسهم ليه
الامور ما بتتطورش رغم ان الجواب واضح
قدامهم المستوى الثاني بسيط بشكل محرج جدا
ان اعمل عنه فيديو اصلا كل المطلوب منك
ترد وتسال سؤال بالمقابل ازيك انا بخير
الحمد لله انت عامله ايه النهارده شكلك
مبسوط بس ده كل الموضوع دي النقله اللي
ناقصاك ورغم بساطتها ولكن ركز بقى في
تاثير الكلمات البسيطه دي هي هنا بتبدا
تحس ان انت مهتم فعلا وانك مش بترد وخلاص
تقضيه واجب المحادثه بيبقى ليها اتجاه
والطاقه بينكم بتتغير وبتعلى لان الكلام
بيبقى متبادل وحقيقي مش مجرد اثنين بيرموا
ردود قصيره لبعض والسلام لزوم القاعده
وبيظل في جزء اغلب الشباب بيبقى صعب عليهم
فهمه حتى بعد ما يستوعبوا الكلام ده وهو
هعمل ايه لما تديني اجابه وانا مابقاش
عارف اسالها ايه بعدها دي ما بتبقاش مشكله
ثقه ولا لباقه دي مشكله انك ما بتسمعهاش
اصلا طول ما هي بتتكلم عمال تفكر في سؤال
جديد تساله لها ومش مركز هي بتقول ايه
والحل بسيط واجابته في القطعه فاكر لما
قلت ق لك اننا بنبني نظام كامل يخليك تعرف
تسال اسئله افضل كل اللي مطلوب منك وهي
بتتكلم انك تسكت وتسمع بس يا راجل دي حروف
كلمه سايلنت نفس حروف كلمه ليسن اسكت
واسمع وخليك فاهم حاجه احنا كرجاله
متبرمجين على المحادثات السطحيه بينا وبين
بعض ما تحاولش تعتمد البرمجه دي لما تتكلم
مع بنت احنا عاده في قعدتنا كرجاله بنقول
عناوين المواضيع وبنقلب على المواضيع اللي
بعدها لان ما عندناش خلق ولكن البنات بتحب
التفاصيل فممكن قاعده من اثنين شباب
يتكلموا في 16 موضوع مختلف مالوش علاقه
ببعض ولكن محادثه بين اثنين بنات يمسكوا
موضوع واحد يحللوه تحليل استراتيجي
ويجيبوا تاريخه من بدايه بدء الخليقه
محادثتك مع البنت مش محتاجه منك غير انك
تركز في تفاصيل الموضوع وطالما الموضوع
مهم بالنسبه لها هتلاقي كلام الصبح تقوله
او بمعنى اصح هترمي لها طرف الخيط وهي
هتقره ليه ده مهم اصلا لما تتكلم مع بنت
انت معجب بيها حاول تسمعها بتركيز تركيزك
هو اللي هيخلي الشخص اللي قدامك يحس انه
مقبول وهيسترسل في الكلام كل اللي محتاجه
منك انك تبقى هادي مش بس هادي من بره لا
هادي من جوه دماغك كمان يعني ما تبقاش طول
الوقت بتحضر الجمل اللي بعدها وما تبقاش
قاعد تفكر انا شكلي عامل ازاي او هي
شايفاني ازاي دلوقتي اسمعها وركز في اللي
بتقوله رغم ان كلامي ده ممكن تحس انه سهل
وبسيط ولكن للاسف اغلب الناس ما بتعملوش
اللي بيحصل غالبا ان البنت تقول لك مثلا
انا لسه راجعه من السفر وقبل ما تكمل
كلامها تلاقي عقلك بدا يشتغل اه حلو انا
كمان كنت مسافر طب اقول ايه عشان ابين اني
بنا حاجات مشتركه ده اللي اغلب الشباب
بتعمله وبتضيع اللحظه مش لانهم قالوا حاجه
غلط لكن لانهم بطلوا يسمعوا قبل ما هي
تبطل كلام طيب ايه بقى شكل الاستماع
الحقيقي هي على سبيل المثال هتقول لك ان
هي راحت حفله هتسالها لمين فترد عليك
تسالها بعدها راحت لوحدها ولا مع حد تقول
لك مع صاحبتها مثلا وبالمناسبه كنا ناويين
نصرف نظر عن المرواح ولكن غيرنا راينا في
اخر لحظه فتسالها ايه اللي حصل خلاكوا
تروحوا في اخر لحظه وفجاه تلاقيها اتحمست
وبدات تحكي دلوقتي هي مش بتحكي عن الحفله
دي بتحكي لك عن شخصيتها وصاحبتها وطريقه
تفكيرها وانت وصلت لكل ده من غير ما تحضر
سؤال واحد قبلها سؤالك طالع من اخر اجابه
قالتها مش من تحضيرك انت وده هو السر اللي
اغلب الشباب عمرهم ما بيستوعبوه اول ما
تعرف تدخل الدايره دي هتبطل تحس ان الكلام
بياخد منك مجهود او ان كلامك عباره عن
مقابله شغل وفي نفس الوقت هي تندمج وهتبدا
تاخد راحتها والاحساس اللي بيوصل لها
بيقربها منك اكث لانها بتحس انك فعلا
سامعها وفي وقت كل الناس بتحاول تلفت
الانتباه لنفسها ده لوحده ويخليك مميز بس
بعد كل ده لسه مش كفايه لسه في طبقه اخيره
وهي دي اللي بتفسر ليه في شباب كتير
بيعملوا محادثات عميقه فعلا وفي غيرهم كل
كلامهم سطحي وما بيوصلوش لاي حاجه ليه
ممكن تلاقي اثنين من صحابك تحس شخصيتهم
شبه بعض جدا وهم قاعدين معاك بس الاثنين
دول بمجرد ما تضيف طرف انثوي ويبداوا
الاثنين يتكلموا معاها بياخدوا ردود فعل
ومعامله مختلفه تماما من نفس البنت حاول
ابسط لك الموضوع على قد ما اقدر تخيل
معايا قلم مرمي على الارض في اوضه لو
سالتك عن ثمنه غالبا هتقول لي ما يتعداش
ال 10 جنيه لو خدنا نفس القلم وحطيناه في
علبه مدهب جوه فاترينا في محل فاخر في
احياء لندن واسالتك عن ثمنه اجابتك هتتغير
مع انه نفس القلم بالظبط بس الفرق ان كل
اللي حواليه اتغير هي دي التركه اللي ما
حدش بياخد باله منها وهي ان الحاجه نفسها
مش هي اللي بتديها القيمه اللي حواليها هو
اللي بيعمل ده وده بياخدنا للانجذاب
المباشر ايه اللي ممكن تعمله الاسئله الصح
في اي تفاعل اجتماعي ببساطه بتبني جو كامل
حواليك لما تسال حد سؤال حقيقي وتسمع
اجابته بصدق بيرتاح لك بتخليه يعيش تجربه
مختلفه معاك بتخليها تحس ان هي اهم شخص في
المكان وان الكلام معاك مختلف عن اي
محادثه ثانيه اغلب الشباب بيحاولوا يبهروا
البنت فبيصب تركيزهم على نفسهم طول الوقت
بيبرزوا القلم البسيط وعايزينها تقتنع
بقيمته الكبيره اما الشباب اللي فعلا
بيعملوا كونكشن حقيقي بيتحركوا بسلاح
الفضول بيسالوا يسمعوا ويخلي اللي قدامهم
يحس انه مفهومه متشاف ولما المحادثه تخلص
هي غالبا مش هتفتكر انت قلت ايه اصلا بس
هتفتكر هي حست بايه وهي بتكلمك وهنا
بيتبين الانجذاب طيب ازاي تجمع الكل ده في
حاجه عمليه تستخدمها من النهارده في اي
محادثه ليك دي اخر قطعه في الصوره دي
التقنيه اللي وعدتك بيها وببني ليها من
اول الفيديو وهي ازاي تسال الاسئله احسن
وليه موضوع الاسئله ده من اكث الحاجات
الجذابه في الكلام بين اي اثنين ايه اللي
بيخلي شباب يدخلوا اي مكان بمجرد ما
يتكلموا يخلوك تحس بحاجه غريبه حاجه كده
مالهاش علاقه لا بالشكل ولا المكانه ولا
بدايتهم في فتح الكلام ولكن دي ليها علاقه
بقرار هم واخدينه وماظ معظم الشباب عمرهم
ما اخدوه قرروا ان هم يبقوا مهتمين بدل ما
يحاولوا يبقوا مثين للاهتمام فكر فيها
وركز في الفرق كويس وقد ايه ده بيغير كل
حاجه اغلب الشباب بيدخلوا المحادثه وهم
مركزين يقولوا الحاجه الصح ويبانوا بالشكل
الصح ويثبتوا ان حياتهم مثيره وتستحق
الاهتمام طول الوقت مركزين على صورتهم في
القاعده لدرجه انهم ما بقوش حاضرين معانا
اصلا وده هو الفخ كل ما تحاول تبان شخص
مثير للاهتمام كل ما تبقى اقل جاذبيه
والتقنيه اللي اخرتها من اول الفيديو
عباره عن ثلاث خطوات
نص دقيقه علشان تفهمها وسنين علشان تتقنها
اول خطوه رد على اللي هي قالته بشكل
تلقائي وباختصار من غير اي استعراض ثاني
خطوه اسال سؤال بعدها على طول يا اما سؤال
فلو اب طبيعي يا اما سؤال مبني على اخر
حاجه هي قالتها ثالث خطوه اسكت وما تفكرش
هتقول ايه بعدها وما تراقبش نفسك اسمع بس
وخلي ردها هو اللي يجيب لك السؤال اللي
بعده وكرر نفس الدايره ليه الطريقه دي
الاصح لانها ببساطه مش هتفتكر الجمله اللي
انت قلتها هي تفتكر الاحساس اللي خرجت بيه
من الكلام معاك هي حاست انها مسموعه حاست
انك مهتم فعلا بكلامها لان الحضور هو اللي
بيخلق الانجذاب الحقيقي مش الاداء ده
النظام باختصار لو في جمله واحده تطلع
بيها من الفيديو ده فهي ما تبقاش من
الشباب اللي بيقضي حياتهم يحاولوا يبقوا
مثين للاهتمام ولكن حاول تبقى مهتم باللي
حواليك فعلا لو حسيت ان انت محتاج اي
استشاره لمشكله خاصه تقدر تحجز معايا
استشاره من خلال اسم التليجرام اللي
هتلاقيه في الوصف وفي اول تعليق سلام