انسحاب الخليج من الاستثمارات العالمية..هل تضرب السعودية والإمارات الاقتصاد الأمريكي ؟

السلام عليكم، ازيكم؟ صحيفة فاينانشال تايمز البريطانية فجرت مفاجأة من العيار الثقيل، وقالت لك على فكرة، في ثلاث لأربع دول خليجية بيفكروا إنهم يوقفوا الاستثمار الخارجي. والحقيقة الخبر ده في منتهى الخطورة، لأننا هنا بنتكلم إن الاقتصاد العالمي مش هيتأثر بفضل اضطرابات الملائحة في مضيق هرمز، ولا بفضل إن النفط انقطع، ولا إن قطر وقفت ضخ الغاز. لا، إحنا بنتكلم على سبب تالت خالص، بنتكلم إن في صناديق ثروة استثمارية هتوقف الاستثمار. دي ضربة عالمية.

طب الكلام ده مرتبط بإيه؟ والصحيفة بتنوه كده إن إيه اللي هيحصل في أمريكا خلال الساعات والأيام القادمة؟ المقالة دي مقالة في منتهى الخطورة، ما ينفعش تفوتك. بس طبعًا عشان هقول لك اللي فيها وأكشف لك آخر التفاصيل وأقول لك معنى الكلام اللي أنت سمعته ده، لازم أقول لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جدًا ومحترم جدًا، وهو كلنا بنسمع إن دبي والسعودية هما أرض الفرص، الأماكن اللي أنت ممكن تفتح فيها شركتك وأنت بتحلم إن البزنس بتاعك هيتطور بسرعة ويجيلك كم من المبيعات غير طبيعي. بس للأسف، أي حد بيروح يفتح شركة في الإمارات والسعودية بيفاجأ إن في ورق كتير لازم يخلص، وإن في ضرائب وإقامات وحاجات كتيرة ما بتبقاش عارف تخلصها إزاي وإمتى. وهنا أنا عندي لك الحل، أبشر بزنس.

لأن ببساطة أبشر بزنس قررت إنها تفتح لك كل الأبواب المغلقة. وما تنساش إن أبشر بزنس عملت عروض مخصوصة لمشاهدي قناة سمري اللي عاوزين يفتحوا شركات واللي عندهم شركات عاوزين يفتحوا لها في دبي والسعودية. لو عينك على السوق الإماراتي، أبشر بزنس هتساعدك تدخل السوق الإماراتي عن طريق تأسيس شركتك. ده شامل الإقامة وفتح حساب بنكي والتسجيل الضريبي، والأهم إن الرخصة هتكون في إيدك في خلال خمس أيام فقط. كل ده هم كمان مش هيسيبوك، هيفضلوا معاك ويكملوا متابعة معاك ويكونوا جنبك في أي إجراءات أنت محتاج تخلصها. أما بقى لو عينك على الوحش السعودي والقوة الشرائية المرعبة اللي هناك، فالموضوع بقى أسهل بكتير، أسهل مما ممكن تتخيل. دلوقتي تقدر تفتح وتدخل السوق اللي يعتبر من أكبر أسواق المنطقة حاليًا وبشكل قانوني واحترافي بنسبة 100%. أبشر بزنس مش موجودين في الإمارات والسعودية فقط، موجودين في أكتر من 14 دولة. يعني من الآخر كده، أبشر بزنس هو حلقة الوصل الكبيرة. أبشر عاملة عرض ضخم، خصم لحد 15% لكل متابعي قناة سامري. لو دخلت على اللينك اللي أسفل الفيديو ومليت بياناتك كلها، وما تنساش أول ما يكلموك تقول لهم "سمري بزنس فان"، ده الكود اللي هتحصل بيه على الخصم الضخم جدًا ده. هسيب لحضرتك اللينك بتاع أبشر بزنس أسفل الفيديو لو حابب تتواصل معاهم فورًا وتحصل على الخصم الضخم جدًا اللي مش هتلاقيه غير في سمري تشانل.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص هروب الاستثمارات الخليجية. إيه اللي حصل بالظبط؟ اللي حصل إن صحيفة فاينانشال تايمز فجرت مفاجأة من العيار الثقيل. وفقًا لمصدر خليجي، يعني هي ما جابتش الخبر ده تحليل ولا الكاتب صحي الصبح قال لك والله نكتب المقالة، وفقًا لمصدر خليجي رفض الكشف عن اسمه ورفض الكشف عن جنسيته خالص. المقالة اتكتبت وإن الصحيفة بتقول إن والله في من ثلاث لأربع دول خليجية، هم كتبوا في بداية المقالة قال لك والله هم بيتكلموا على السعودية وقطر والإمارات، وبعد كده في وسط المقالة قال لك لا ده والله السعودية وقطر والإمارات والكويت بيناقشوا. إيه بقى؟ قال لك والله الأربع دول دول بيناقشوا إن والله عاوزين يوقفوا استثماراتهم الخارجية.

طب اشمعنى وليه يوقفوا استثماراتهم الخارجية؟ قال لك والله لأن ببساطة كده، إحنا لقينا انهيار في كل العوائد اللي بتدخل لنا من مختلف مصادر الدخل. يعني أنت ما بتتكلمش فقط إن مضيق هرمز وقف، ده أنت بتتكلم إن في 10 ناقلات نفط، ودي أول مرة أسمعها وعلى فكرة هجيبها لك بالسطر، 10 ناقلات نفط وفقًا لصحيفة فاينانشال تايمز اتضربت عند مضيق هرمز. ده أمر خطير جدًا. 10، ما معناه إن إيران لما تطلع تقول لك إحنا فارضين سيادتنا على مضيق هرمز وإحنا قافلين مضيق هرمز، ويطلع أمريكان يكذبوهم، على أرض الواقع ناقلات نفط انضربت. فمين اللي هيجرب ولا مين اللي هيحب إن هو ياخد التجربة أو يخوض التجربة إن هو يعدي المضيق؟

ونشير إلى بيان من الحرس الثوري الإيراني يشير إلى إصابة الحرس الثوري الإيراني لعشر ناقلات نفط في مضيق هرمز ويهدد من جديد الحرس الثوري الإيراني بأن المرور في مضيق هرمز غير ممكن. إذا نحن أمام بيان من الحرس الثوري الإيراني يشير إلى إحصائية تتعلق بعدد ناقلات النفط التي تم استهدافها والتي تبلغ 10 ناقلات نفط وفقًا لبيان الحرس الثوري الإيراني، ويجدد أيضًا أن المرور في مضيق هرمز غير ممكن. مضيق هرمز مسألة حيوية واستراتيجية للغاية.

تاني حاجة، شركات التأمين هتبقى عاملة إزاي؟ لأن كده شركات التأمين لازم تعلي التأمين على السفن اللي بتعدي. ماشي، ده مفيش تأكيد أكتر من كده إن في خطر. تالت حاجة، بص على شركات الشحن النهاردة، ميرسك بتوقف الخدمات بين الشرق الأوسط وآسيا. فده أمر، فده أول مصدر دخل. مضيق هرمز وقف، ما معناه إن الخليج مش عارف يصدر النفط والغاز اللي عنده. فانت عندك عوائد النفط والغاز انهارت، وده مصدر أساسي في الدول الخليجية. حتى لو في تنوع، تيجي تقول لي على فكرة في دول في الخليج وبنيتها الأساسية مبنية على التجارة والسياحة، أكلها اتضرب. يعني خلي بالك، مفيش نفط، مفيش لا تجارة ولا سياحة. مين اللي هيروح دول الخليجية؟ ده بالعكس، أنت شوف الفيديوهات دلوقتي، البريطانيين والأجانب عاوزين يمشوا من الخليج ويقول لك إحنا عاوزين نسافر وبتاع. فانت بتتكلم على إن الدول الخليجية مفيهاش سياحة دلوقتي. كل موارد الدخل اللي الدول الخليجية عملت البنية التحتية بتاعتها وقفت وانهارت. ودي مصيبة. ليه؟ أولًا، أنت بتتكلم إن الانهيار ده ما جاش بتدرج، يعني مش مثلًا اليوم الأولاني حصل وقف أو تدرج بسيط، لا ده من أول يوم ضربات قوية جدًا، كل ده وقف وبشكل مفاجئ وبشكل تام، يعني مش حاجة بسيطة.

إيران بيقول لك حرب، فمصادر الدخل كلها. ماشي. تاني حاجة، أنت بتتكلم إن الدول دي، الدول الخليجية ما عندهاش مصادر تانية. هتبقى عندها إيه؟ مفيش حاجة تانية خلاص. تالت حاجة، الدول الخليجية أصلًا عشان ترجع بعد الحرب، وده خطورة، عشان ترجع بعد الحرب من الأضرار بتاعة حرب إيران هتاخد أسابيع. طب مين اللي قال كده؟ قطر. قطر قالت لك على فكرة إحنا وقفنا الغاز، بس عشان نرجع في ضخ الغاز تاني ونرجع في كل الإجراءات اللي إحنا خدناها عاوزين أسابيع. على فكرة ده بيان نزل من قطر رسمي، أنت بتتابع وزارة الخارجية القطرية، ده مش تحليل بتاعي. وزارة الخارجية القطرية بتقول لك عاوزين أسابيع عشان نرجع تاني. فده أمر خطير جدًا. الأمر التاني، تعالى بص على مصافي النفط وحقول النفط اللي اتضربت دي، عشان تتصلحها وتزالها برضه شهور، وممكن سنين كمان. فانت مش ضربت وقلصت عائدات النفط والغاز، أنت عملت مشاكل كبيرة جدًا للدول الخليجية.

الحرب في إيران والقرار في إسرائيل والولايات المتحدة، أما الخاسر الأكبر حتى الآن فهم الجيران دول الخليج، فقد تكبدت دول الخليج خسائر كبيرة وتحملت كل دولة فاتورة مختلفة عن الأخرى. فبعد أقل من ثلاث ساعات على الضربات الأمريكية الإسرائيلية على إيران، توجهت النيران الإيرانية إلى دول الخليج وضربت خلال أيام قليلة مطار زايد في أبو ظبي ومطار دبي الدولي وبرج العرب وساحل جميرا ومنطقة مارينا في دبي. أما قطر والكويت والبحرين فتعرضت لوابل من الهجمات استهدفت مواقع عسكرية من بينها قاعدة الإعداد في قطر وقاعدة السالم الجوية في الكويت ومقر الأسطول الخامس الأمريكي في المنامة.

وغير كده وكده، وغير إن مصادر الدخل بتاعتهم وقفت، لا ده هم فرضت عليهم حرب ومفروض عليهم إن هم يدفعوا كل يوم فاتورة جديدة لشراء أسلحة. أديك شايف أهو، الإمارات لما راحت تستورد منظومة دفاع جوي من إيطاليا، إيطاليا بعتها بضعف السعر بتاعها، ضعف 125%. ماشي، ده أغلى من الثمن. المفروض المنظومة دي ثمنها مليار و100 مليون دولار، إيطاليا بعتها للإمارات بـ 2 مليار وأكتر من 250 مليون دولار. خلاص، ده أمر خطير جدًا. فانت مش بس بتتكلم على وقف مصادر الدخل، أنت بتتكلم على استنزاف للمخزون الاستراتيجي بتاع الدول. فمعادلة خطيرة جدًا. هتيجي تقول لي يا عم إيه المشكلة، خليهم ين، هيعملوا إيه يعني؟ إيه المشكلة يعني لما الخليج يوقف استثماراته الخليجية؟ عادي. والله بص، المقالة أخطر بكتير ما أنت تتخيل. ليه؟ أولًا، هو بيقول لك إن الدول الخليجية هتوقف الاستثمارات الخارجية، ماشي، وهتوقف إيه بقى؟ هتوقف الرعاية الخاصة بالأحداث الرياضية. أي حدث رياضي، سواء بقى بوكسينج، سواء بقى أحداث ماتشات، سواء بقى بطولات عالمية، هتقف. ماشي. تالت حاجة، الخليج مش هيعرف يستثمر في أدوات الخزانة، سواء بقى الأمريكية أو الأوروبية خالص، مش هيشتري سندات خزانة زي الأول. ماشي. طيب رابع حاجة، أنت بتتكلم إن الخليج مش بس هيوقف الاستثمارات، ده هيسحب الاستثمارات بتاعته من بعض الدول. ما هو ده الخطير في المناقشة، هيسحب الاستثمارات. يعني إيه يسحب الاستثمارات؟ يعني والله لو تعاقد على بناء مشروع معين هيقف، ولو والله عمل مشروع معين هيبيعه. هتيجي تقول لي إيه المشكلة يعني؟ ما تكبرش الموضوع، ما تضخمش في العناوين دي، حبة أخبار بسيطة والخليج بيقول كده أي كلام وخلاص. وبالمناسبة، دول كم دولة خليجية مش كتير. حاجة أقول لحضرتك، تعال بص على الدول اللي تم ذكرها في المقالة. صندوق الثروة السعودي بتتكلم على أكتر من 3 تريليون و350 مليار دولار. بتتكلم على صندوق الاستثمارات الإماراتي بتتكلم على 3 تريليون دولار. تتكلم على صندوق الاستثمار القطري 2.5 أو 2 تريليون دولار. تتكلم على صندوق الاستثمار الكويتي 520 مليار دولار. إيه ده؟ أنت بتتكلم على صناديق استثمارية ما ينفعش حد يهزر معاها. ما ينفعش صندوق واحد من دول يجيب بلد الأرض. أنا ما بتكلمش على الدولة صاحبة الصندوق، أنا بتكلم على الصندوق مستثمر في بلاد. لو خرج منها ممكن تيجي الأرض.

طيب، إيه أكتر البلاد اللي الصناديق الاستثمارية دي مستثمرة فيها؟ بطبيعة الحال أمريكا. كل الصناديق الاستثمارية دي بتشتري أذون خزانة أمريكية، ما يعني قوة الاقتصاد الأمريكي. تاني حاجة، صناديق الثروة والاستثمار دي المفروض إن دونالد ترامب جاه زيارة مخصوص للخليج عشان يتكلم معاهم وحصل على صفقات بالمليارات والترليونات من قطر والإمارات والسعودية. كل الاستثمارات دي هتقف. مش بس كده، ده الخليج والله هيقول لك شكرًا، مش عاوزين ذكاء صناعي، عملنا بيه إيه ولا هنعمل بيه إيه، إحنا بنضرب. ماشي، أو مش هنعرف نعمل البنية التحتية بتاعته. طيب، حاجة تانية، صندوق الاستثمار السعودي بالذات، يعني سيبك بقى من التانيين، صندوق الاستثمار السعودي أو صندوق الثروة السعودي ده يا باشا بيرعى الليف جولف. الليف جولف دي بطولة الجولف اللي بتتلعب في منتجع دونالد ترامب، ماشي، في مارليجو. صندوق الاستثمار السعودي ده يا باشا اللي بيرعى أحداث البوكسينج والدبليو دبليو إي، أحداث المصارعة الأمريكية، وعاوز أقول لك إن يعني موسم الرياض ده بيشغل كذا شركة أمريكية بشكل كبير جدًا. يعني ده بيضخ كم أموال في الاقتصاد الأمريكي. طيب، صندوق الاستثمار السعودي ده يا باشا اللي بيبني وبيستثمر في شركات ترامب وبيدي فلوس لجوز بنت ترامب، جارد كوشنر.

قطر للطاقة تضطر إلى تعليق إنتاج الغاز الطبيعي المسال استنادًا إلى حالة القوة القاهرة بسبب امتلاء خزاناتها مع تراجع حركة ناقلات النفط عبر مضيق هرمز إلى نحو 90% وذلك في أعقاب الهجوم الأمريكي الإسرائيلي على إيران. قرار هز أسواق الطاقة العالمية فقطر تعد من أكبر موردي الغاز الطبيعي المسال عالميًا، إذ تمثل حوالي 20% من صادرات الغاز الطبيعي المسال في العالم. وقف الإنتاج تسبب بقفزة في أسعار الغاز الأوروبية التي وصلت إلى أعلى مستوياتها منذ عام 2023. ومن أوروبا إلى آسيا، تعتمد دول عديدة على الغاز القطري. فإلى جانب الهند وكوريا الجنوبية، تأتي الصين التي تعتمد على نحو 24% من الغاز القطري.

وصندوق الاستثمار السعودي ده يا باشا اللي بيبني وبيستثمر في شركات ترامب وبيدي فلوس لجوز بنت ترامب، جارد كوشنر. طيب، وايه المشكلة لما يعملوا كده؟ والله دي أول فاتورة ترامب يحس بيها في الحرب. أول فاتورة ترامب يشعر بها من الحرب. ليه؟ أولًا، خلي بالك دي اللغة اللي بيفهمها ترامب. يعني ترامب لغة الحروب بالنسبة له ما فيش مشكلة. وترامب عيني وترامب ما عندوش مشكلة خالص طول ما هو شايف النصر حتى لو بعيد هيكمل عشان يوصل له. طول ما فيش حاجة اسمها فلوس. والنهاردة مثلًا طلعت صحيفة قالت لك إيه؟ قالت لك خلي بالك ده ترامب بيتاجر في الحرب دي، ده ترامب شوف بيصرف قد إيه بس هيلم فلوس قد إيه نتيجة الأسلحة اللي هي الخليج طوال السنوات القادمة. يعني سيبك الحرب، طوال السنوات القادمة أمريكا هتبيع أسلحة بقد إيه؟ هتلم تمن الحرب دي أنفقته. ماشي، فانت دلوقتي بتتكلم، لا ده الحرب فيها خسارة وخسارة بفلوس. حاجة تالتة، قال لك والله وفقًا للصحيفة يعني، إن دي أول إشارة إن الخليج بيضغط على أمريكا. ممكن كل الكلام ده الخليج يبلعه، مفيش مشكلة. كل الخسائر دي الخليج ما عندهاش مشكلة. ممكن أنا ما بقولش ده أكيد، بس أنا بقول لك ممكن. بس دلوقتي حالا وإن الكلام يطلع دلوقتي، أولًا الاستشارات دي بتطلع قبل القرار. ماشي، يعني ترامب لو ما سمعش النداءات بتاعة السعودية دي ونداءات بتاع الدول الخليجية، هيطلع القرار فعلًا ويتخذ القرار. وبالمناسبة، أمريكا ما تقدرش تعمل حاجة. هتعمل إيه؟ دي فلوسهم وأموالهم واستثماراتهم. هتعمل إيه؟ طيب، فدي اللغة اللي بيفهمها ترامب ودي أول ضربة مباشرة ترامب يحس بيها. ودي مخاطر أمريكا نفسها ما تعرفش تتسامح فيها، وترامب، ترامب نفسه ما يعرفش يتسامح فيها. يعني لو خليج بيتسامح في خسائره، بس ترامب ما ينفعش يتسامح في خسائر دي. إحنا هنا ما بنتكلمش على خسائر عادية. ليه؟ أولًا، خد بالك أنت بتتكلم على خسائر سياسية ضخمة جدًا. لازم تعرف إن الصناديق الاستثمارية دي كلها خليجية هي اللي بترعى إعادة إعمار قطاع غزة. إيه رأيك في الكلام ده؟ يعني صندوق الاستثمار السعودي ده يا باشا اللي قال إن هو هيضخ استثمارات في خطة إعادة إعمار غزة بمليار دولار. الإمارات قالت مليار هي كمان. فالقطر قالت برضه مليار. كل المليارات دي وقف في شباش. فخطط إعادة إعمار غزة بتتعجز مش موجودة. اتفاقية شرم الشيخ وإن ترامب قاعد يفتخر بخطة السلام وقال لك أنا راجل السلام الأول وادوني نوبل والكلام ده كله، ما فيش، ما فيش حاجة تانية. خد بالك لو الدول دي سحبت استثماراتها من أذون الخزان الأمريكية، أنت تشوف الدولار هيضعف إزاي؟ وضعف الدولار يضعف الاقتصاد الأمريكي، ما يعني خسائر اقتصادية هتجبر ترامب إن هو يقف في الحرب. أنا بقول لك الأمر مترتب عليه حاجات كتير جدًا.

طيب، الفاينانشال تايمز شايفه إيه؟ شايفه تحول في موقف الخليج. الخليج دلوقتي مش بيستغيث ولا بيقول يا جماعة في خطورة ولا أي حاجة، ولا بيقول عاوزين دفاعات جوية وخلاص ومطالب وخلاص. لا، الخليج ابتدى ياخد موقف. الحرب دي ليه؟ أولًا، الخليج ابتدى يشوف إن دي حرب فُرضت عليه وابتدت الصحف تسرب إن نتنياهو هو اللي أقنع ترامب بالحرب. فشايفين إن إسرائيل هي اللي أعلنت الحرب مش أمريكا. ده أول أمر. ماشي، فانت فرضت علينا حرب ومش أنت اللي واخد القرار ده، حد أقنعك بيه، واللي أقنعك بيه نتنياهو. ده اللي قاله أكسيوس. قال لك 23 فبراير نتنياهو كلم ترامب قال له يا باشا اضرب، ودي ضربة واحدة هنجيب بيها راس النظام الإيراني كله. ماشي، ده حاجة. تاني حاجة، أنت ما استشرتناش. يعني أنت ما قلت لناش أي حاجة. ده إحنا لما جينا نسأل لك طلع وزير الدفاع السعودي يسأل ترامب يقول له طب الحرب دي هدفها إيه؟ ما رضيش يقول له. طب يا باشا، أنتوا رايحين هتقعدوا قد إيه؟ ما فيش أي كلام. طب هتهجموا إمتى؟ وبرضه ما فيش. ده وزير الدفاع السعودي خالد بن سلمان. فما رضيش يجاوب على أي أسئلة. فانت خليت الخليج لا هو مستعد، يعني مش عارف الحرب دي إمتى. آه، في تقارير جت إن والله حرب قريب بس مش أكيد. ماشي، ممكن الخليج كان حاطط وقت معين وحصل. الخليج اتفاجئ زي ما إيران اتفاجئت. حتى لو في استعدادات عسكرية، بس برضه ما تعرفش الوقت إمتى. الحاجة التانية، إن الخليج عارف تبعات الحرب دي هتكون إيه وشايف إن هو الوحيد اللي بيتضرر، وهو أكتر نقطة ضعف في الحرب دي كلها، وهو بيدفع التكلفة. أنت عارف إن إسرائيل وأمريكا هيعيدوا بناء كل الأضرار الإسرائيلية، سواء عسكرية أو اقتصادية، بالمناسبة. ماشي، إنما الخليج مين يعيد بنائه؟ الخليج لو ما عندوش دراع وخلاص، ما حدش هيعيد بنائه، ما حدش هيسأل فيه. ماشي. تالت حاجة، قرار الحرب ده يقول لك إن الخليج مش في المرتبة الأولى أو مش مهم بالنسبة لترامب، خاصة إن هم شايفين إن في سوء حسابات بالنسبة للرئيس الأمريكي في اتخاذ الحرب. يعني أنت دلوقتي بتقول إحنا هنحارب، وكل التفسيرات الصحفية قال لك 10 أيام. ترامب نفسه ده قال لك خمس أسابيع، بالمناسبة. خليج ما يستحملش خمس أسابيع. طب أنا هقول لك حاجة، أنت عارف لما قطر وقفت إنتاج الغاز؟ قطر دلوقتي عاوزة سفن تغويز إنها تستورد الغاز من بره. قطر اللي هي تاني أكبر منتج غاز في العالم، عاوز تستورد الغاز من بره. مش عارفين ينتجوا الغاز. بقول لك عشان ننتج ده إحنا لازم نقعد أسابيع عشان نعيد بقى فتح الكلام ده كله.

وقف الإنتاج تسبب بقفزة في أسعار الغاز الأوروبية التي وصلت إلى أعلى مستوياتها منذ عام 2023. ومن أوروبا إلى آسيا، تعتمد دول عديدة على الغاز القطري. فإلى جانب الهند وكوريا الجنوبية، تأتي الصين التي تعتمد على نحو 24% من الغاز القطري.

الكلام ده كله اللي بيدور ده، مين اللي قاعد يثقف إيران؟ إيران. إيران قالت لك يا باشا إحنا مش محتاجين صاروخ عابر للقارات عشان نضرب أمريكا. ما أمريكا واقفة قدامنا أهو، الخليج هو أمريكا، كل الاستثمارات خليجية، كل الأسلحة خليجية، وفي قواعد أمريكية عسكرية في الخليج على فكرة. الحرس الثوري طلع قال لك إيه؟ قال لك على فكرة إحنا ضربنا 20 قاعدة أمريكية.

أضاف الحرس الثوري أنه تمكن من إلحاق إصابات مؤثرة بـ 20 هدفًا عسكريًا أمريكيًا في الكويت والبحرين والإمارات، مؤكدًا أن التخطيط والتنسيق العملي بين القوات المسلحة في فصل الأهداف على مختلف الجبهات غير معادلة الحرب.

ولما تطلع السي إن إن تقول لك دول ضربوا منصة فهد، ولما يطلع الإمارات الصناعية تقول لك تم ضرر الأسطول الخامس ومبنى الأسطول الخامس، ويطلع بقى فيه ست أمريكان وعدد من المصابين، الكلام ده كله يشير إن رهان إيران كان صحيح. طيب، حاجة تانية، إن خد بالك أصلًا كده أو كده بدون ضغوط أمريكا أصلًا مش تعرف تكمل الحرب، لأن في ضغط على مخازن السلاح الأمريكية. تاني حاجة، تكلفة الحرب في أربع أيام 11 مليار دولار تكلفة.

مليار دولار يوميًا تتحملها أمريكا كفاتورة تقديرية لكلفة الحرب على إيران. هذه التقديرات نقلتها صحيفة ذو أتلانتك عن مسؤول في الكونغرس استنادًا إلى بيانات من وزارة الدفاع الأمريكية وتشير إلى أن اليوم الأول من الحرب وحده كلف واشنطن نحو 779 مليون دولار.

تالت حاجة، أنت بتتكلم إن الأهداف القيمة المخابرات الأمريكية عارفاها ما بقتش موجودة متوفرة زي الأول. ف الخسارة البينة يعني. خلي بالك، إيران عندها أهداف، ماشي، بس الخسارة اللي طالعة في الإعلام أمريكية. ماشي، فخليج بيقول لك إيه؟ بيقول لك ده أنت كمان هتخسر الحرب. يعني أنت كمان عندك احتمالية إن أنت ما تكملش. ده أنت لو كملت مصيبة، ولو خسرت مصيبة أكبر. ماشي. تاني، وفقًا لصحيفة أتلانتك كاوس، خليج أنت هتشوف خليج مختلف بعد الحرب. أولًا، هيقلل اعتماده على الأمريكان بشكل كبير جدًا. هيبتدي يعيد التفكير في القواعد الأمريكية. هيبتدي يشوف يقدر يتصدى لإيران إزاي عن طريق تكاتف. أنا شايف الحرب دي عملت حاجة واحدة كويسة جدًا، إنها، إن الخلافات السعودية الأمريكية شكرا، ما فيش خلافات سعودية أمريكية. ودي الحسنة الوحيدة اللي إحنا شفنا فيها الحرب دي، أو اللي طلعنا بيها من الحرب دي. غير كده كلها مساوئ وكلها خسائر. وبالمناسبة، زي ما قال فورين بوليسي، استحالة إن أنت تغير النظام في إيران. اتضح إن استحالة ده على فكرة من أكبر رأس لحد أصغر رأس فكر واحد في الحرس الثوري، كلهم فكر واحد. لأن بالمناسبة، أنت قطعت راس بس اللي جه هو مؤسسة الحرس الثوري اللي كلهم نفس الفكر. فدي أمور في منتهى الخطورة. ودي أمور تقول لك إن إحنا داخلين في مرحلة جديدة. الشرق الأوسط بيتغير زي ما قال نتنياهو. وبالمناسبة، الحرب دي مصممة إن أمريكا تخرج من المنطقة. أمريكا نفسها عاوزة تخرج بره المنطقة. كده ما حدش عندي حاجة، أنا أقطع راس إيران وأمشي. فدي أمور في منتهى الخطورة تقول لك إن إحنا قدام تغيرات استراتيجية خطيرة جدًا. بس الأخطر منها واللي أنا واقف قدامه، إن والله في جراءة من كلي ليج وفي اللغة مع الأمريكان بشكل مختلف. إن أصبح دلوقتي الدول العربية مش بتتكلم من منطق تنسيق أو حلفاء، لا تتكلم من منطق كفاية، كفاية. يعني بيحصل ده، كفاية. ما عنديش حاجة أقدمها أكتر من كده. خلاص. فدي أمور خطيرة. بس صدقني، بالنسبة لانتصار أمريكا أو خسارة أمريكا في حرب، الخليج ما خدهاش هي كارثة على الخليج كله وكارثة علينا كلنا كعرب. بالمناسبة، مصر بتخسر كتير جدًا في الحرب دي. مصر ما بتشاركش الحرب، بعيدة عن الحرب، ولا عندها قواعد أمريكية، ولا داخلة في ضرب إيران ولا أي حاجة. وفي الآخر إيه؟ أنت عندك خسائر اقتصادية كبيرة.

طب هل الموضوع ده أنا قلته المرة اللي فاتت وبكرره تاني هيبقى له تداعيات؟ أيوه تداعيات. ليه؟ لأن الدنيا كلها بتتغير وفي مؤثرات على إمدادات الطاقة، الغاز، ممكن أسعار منتجات، كلام من هذا القبيل.

يا رب أكون شرحت لحضرتك الموضوع بشكل مبسط. ويا رب مصر رب ينصر العرب. ويا رب فلسطين. يا رب تحيا مصر. سلام.

أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

وكرم بيتضرب به المثل.

جدعنة وشهامة مش موجودة في زماننا. ورحمة بتطلع من عينينا قبل قلبنا. إحنا بسمة بتفتح ألف باب. أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية، حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.

يا محروسة بسيف شاطر وسيف حارس عليكِ. يا مين ومن فوق السما السابع حاميكِ رب العالمين.