Transcription
في الاسبوعين السابقين اتعلمنا مع بعض كيفيه تقييم الوضع كاملا وتقييم الحاله بشكل مظبوط. وبعدين اتعلمنا ازاي نعمل انعاش للقلب والرئه في حاله توقف القلب والتصرف في حالات الشرقه او انقطاع التنفس نتيجه لانسداد مجرى الهواء بجسم غريب.
في هذا الاسبوع هنتناول موضوعات كتيره جدا جدا بتقابلنا في حياتنا بشكل يومي. هنتكلم عن الساكته الدماغيه واعراضها اللي بيسموها الستروك، اللي ساعات ناس تقول انها نزيف في المخ او جلطه في المخ. هنتكلم مع بعض عن الام الذبحه الصدريه وازاي نتصرف فيها وايه اسبابها المختلفه.
هنتكلم مع بعض كمان ازاي نتصرف لما يبقى عندنا جروح باشكالها وانواعها المختلفه. وهنتعرف على انواع الجروح دي ونشوف كل نوع نتصرف فيه ازاي. هنشوف مع بعض كمان ازاي لما يحصل ضيق في التنفس ايه الاعراض اللي بيشتكي منها العيان وازاي راح نتصرف مع العيان ده.
هنتعلم كمان مع بعض ازاي نتصرف لو شفنا اي حد فقد الوعي وبيعاند وبه نتيجه لمرض السكر. ونعرف الفرق بين الارتفاع والانخفاض ونتصرف ازاي.
كل سعداء جدا بالمناقشات والحوارات والاطروحات اللي طرحت خلال الاسبوعين اللي فاتوا. بنتمنى ان هذا الاسبوع كمان يبقى ثري بنفس الثراء الاسبوعين السابقين. ويلا بينا نبدا الاسبوع.