سمعوا فوق في غرفه القياده انتم حيين؟

ايوه احنا حيين وقاعدين هنا لحد انتم ما تيجوا تفتحوا لنا الباب يلا مع السلامه لا اكل لا مويه لا شرب لا شيء يعني احنا رايحين نسحب الانكر حق السفينه ونرجع يعني مساله ساعه بكثير مثلا قعدنا يوم ونص.

أوه.

أول رحله طلعت فيها متدرب انا كنت متزوج زوجتي حامل شهر ونص رجعت البيت ومبسوط وفرحان وده جابوا لي طفل صغير حطوه في عبي مين هذا قالوا هذه بنتك بكيت لان لو طفت ماكينه واحده مع الجو اللي احنا كنا فيه السفينه دي تقلب جو عاصف بطريقه بشعه اعصار قال لك السفينه هذه من يوم ما اتبنت اول رحله طلعت فيها اخذت الجثث الموتى من حرب فيتنام وودتهم الى امريكا من بعدها السفينه هذه ما شافت خير.

ايش طلع؟ السفينه مسكونه وهذه اكره كلمه تعلمناها واكره كلمه نحب نسمعها في مجالنا البحري باخلاص والغلطه بجون يعني الغلطه انت كده اخذت ريجكت واترفدت من عملك وبلاك ليست وما تلاقي وظيفه مدى الحياه.

أوه.

فالريسك فيها عالي جدا. حصل احد زملائك اخذ بلاك ليست؟ في كثير.

[موسيقى]

السلام عليكم انا احمد عطار وهذا بودكاست بترولي من اذاعه مختلق استعرض معكم قصص وافكار تساعدك على تصميم الحياه مهنيه تستحقها ضيفنا في هذه الحلقه هو القبطان سعيد العوفي كلمنا في هذه الحلقه عن رحله من دراسته البحريه في الاكاديميه العربيه والتحديات اللي خاذ فيها في البحار من اعصارات ومواقف نج الموت باعجوبه اشتركوا في القناه وخلونا نسمع قصه مهنيه جديده.

بس متى اكثر لحظه خفت فيها في البحر؟

والله كثير في حريق ولا في عصار ولا في في.

انت اكثر حاجه خفت؟

لا الخوف كثير يعني الشعر الابيض هذا نصه فجعات طيب خلينا ناخذها واحده واحده كدهذا ا احكي لك قصه يوم ما كنت انا كديت متدرب يعني لسه كنا مبحرين وكنا في الفلبين كنت شغال على سفينه ثلاجه السفينه الثلاجه هذه مخصصه لنقل المواد الغذائيه لحوم اسماك او ا كنا جايبين موز او كنا شغالين خط الفلبين الخليج موز من الفلبين الى الخليج ف جاء الشيف انجنير كبير المهندسين طلب من الكابتن انه هو يطفي السفينه تماما لانه عنده الكربون في الاسلاك اللي طالعه من محطه الكهرباء اللي تغذي السفينه عاليه والاسلاك حاره فبينظف الكربون هذا تمام ومحتاج انه هو يسوي احنا نسميها بلاك اوت لمده ست ساعات الكابتن قال له ما اقدر انا البضاعه جاهزه عندي على الرصيف لان الموز لازم ينزل السوق في خلال 21 يوم من قطفه من الشجر.

فانا ما اقدر ما عارف مين كذا كذا ففي سفينه على الرصيف هذه السفينه تبع الشركه ولسه بتحمل فقال له اديني مجال ان انا انظف الكربون هذا قال له لا ما اقدر لانك لو طفيت احنا بنبرد العنابر حق البضاعه قبل ما نبدا الشحن عشان لما نستقبل البضاعه نستقبلها بدرجه حراره معينه عشان لا تبدا الفاكهه تصفر المهم.

ايوه لا ايوه لا في النهايه طبعا الكابتن قرار كابتن ما في خلاف يعني اخذنا البضاعه وبدينا بحارنا على الخليج وصلنا الى خريج البنيغال اللي هو بي اوف بنجول هذه منطقه.

كم المده بين فلبين الى؟

تقريبا 14 يوم.

أوه.

اي 14 يوم عدينا سنجابور ستريت اللي هي قناه سنجافور ودخلنا على بيوف بنجول هذه منطقه كانك في محيط يعني منطقه واسعه فجاه قاعدين كنت انا شغال مع الضابط الثالث لان انت متدرب بتشتغل مع كل الورادي وديك الفتره انا كنت شغال مع الضابط الثالث من 8 ل 12 الصباح ومن 8 ل 12 بالليل فجاه كان نظام السفينه هذه مبنيه قديمه فما كان فيها حساسات للحريق كان عندنا عباره عن شباك ومواصير من كل عنبر في ثلاث اربع مواصير المواصير هذه طالعه لين غرفه القياده او البريدج وكل واحد من المواصير هذه عليه مروحه تشفط لك هواء من العنبر الين ما تجيب لك الهواء هذا فيغرفه القياده فانت تعتمد على الرؤيه والشم لو في حريقه في اي مكان سفينه قديمه فانا شام ريحه حريق لا انا ادخن ولا زميلي اللي مععاي يدخن واحنا في وسط البحر ولا بنحرق لما مؤاخذه في الكلمه مخلفات فمن فين جت الحريقه هذه؟ اجي اطالع في القزازه اشوف واحده من الفرا يعني المراوح هذه تفر تفر تفر وقلت له ترى في حريقه قال لي مستحيل قلت له بقول لك في حريقه انت من انت شامم قال لي ايوه شامم بس ماني شايف شيء يعني وهو يطالع وانا اطالع وهو يطالع وانا اطالع شويه كده يتصلوا علينا في غرفه الماكينات يقوللك الكنترول روم تبع غرفه الماكينات احترقت ويلا اضرب جرس الانذار خففنا سرعه السفينه وقفنا السفينه حاولنا نكافح الحريقه لان حريقه كهرباء للاسف الشديد كنا كم جنسيه كنا كثير سبعه ثمانيه تسنسيات.

كم شخص؟

ا كنا 30.

تشوف التدريب الحقيقي في هذه اللحظات الكابتن كان انجليزي شيف انجنير كان انجليزي طلع الكابتن على طول ايش في قلنا له جانا خبر كذا كذا في حالات الطوارئ لنا ستيشن او محطه كل واحد يلا يروح على ايش المكان المفروض ان هو مسؤول عنه جريت انا جري زميلي جري الناس كلها اتجمعنا مش عارف مين اجي اطالع طبعا في ناس سابت الحريقه وسابت الدنيا وراحت تلملم ملابسها وشناطها من الغرف وهذا ممنوع انت في حاله طوارئ انت ما تتحرك من الستيشن تبعك هذه الا لما يجيك اوردر رسمي لانه كل واحد فينا في حاله الطوارئ مسؤول عن شيء معين الين ما تنتهي حاله الطوارئ هذه ابتدى الكابتن يتكلم على الشيف انجينير ايش عندك ما عندك انا عندي كذا اوكي كيف حنخش الانجن روم مين حيدخل مين حيطفي مين كذا ايش نوع الطفايه اللي حتستخدمها ايش كذا طبعا هذا كله كلام انا بشرح رحك هو في اقل من 10 دقائق المهم بدا لانه في غرفه الماكينات فالمهندسين هم افضل وسيله للدخول لانه هم اللي عارفين المكان هذا وعايشين فيه طول اليوم نزلوا المهندسين ابتدوا يكافحوا الحريقه هذه السفينه فيها خشب كثير ابتدى الحريقه تنتقل الى الخشب من الخشب ابتدت تخش على العنابر حقه البضاعه ده السفينه انطفت الجن المولد دات الكهرباء خلاص ما تحملت وساحه ال خلينا نقول باللغه العاميه السويتشات الاساسيه والسكينه حق الكهرباء الرئيسيه حق السفينه ساحت لان هي عباره عن فضه ونحاس يعني مواد.

معدنيه وساحتيه.

والسفينه خلاص طفت فصرنا معتمدين على ان احنا نكافح من غير اي مصدر للطاقه طبعا عندنا مولد احتياطي وهذا يكون خارج غرفه الماكينات لكن المهندسين شغالين بيطفوا الحريقه فنادى علينا الكابتن مين يعرف يشغله فواحد من الزملاء القدام قال انا اعرف اشغله قال له هيروح شغله فعبل ما راح شغله واشتغل معاه واخذ هوا منه و وعالج.

انت الفتره هذه كم مره استشهدت ولا؟

لا انا مش استشهدت انا واقف كده بشوف فيلم وانا ماني مصدوم.

انا كنت مصدوم.

ام.

الشاهد طويل العمر راح شغل الامرجنسي جنريتور هذا ابتدينا نشغل الطرنبه حق الحريقه الاحتيا الاضافيه ابتدينا بس ما نقدر ندخل مويه لانه المويه في السفينه تعتبر علينا كارثه لان هذا الحريق حريق كهربائي فلازم نحاول ان احنا نطفيه من غير ما ندخ له اي مصدر مويه لان هذه غرفه او الكنترول روم هذا الرئيسي اللي ما يمكن تدخل عليه قطره مويه لانك لو دخلت مويه انت عدمت السفينه خلاص ما تشتغل طفينا طفينا طفينا طفينا غل.

كيف كانوا بيطفوها؟

باسطوانه بالطفايات سيو2 ثاني اكسيد الكربون خلصت كل الاسطوانات ثاني اكسيد الكربون اللي عندنا من كتر كبرى الحريقه قرر الكابتن انه هو يضرب ثاني اكسيد الكربون عندنا محطه بغاز ثاني اكسيد الكربون على السفينه مصممه ان هي تاخذ قسم كامل تطفيه اطلعوا الناس من الغرفه من غرفه الماكينات كل الهوايات تتقفل كل مصادر التنفس والهواء يدخل او كذا يطلعوا اكل طلعوا شرب طلعوا مويه طلعوا مش عارف مين لان غرفه الماكينات تحت السكن فلازم نقفل المنطقه دي ما حد يقدر يخش السكن هذا مره والحديد تحتنا يغلي والبويه بتفور المهم فتحنا الاسطوانه الاولى ما سوت شيء فتحنا الاسطوانه الثانيه ما سوت شيء فتحنا الاسطوانه الثالثه طبعا انا اكلمك على اسطوانات حجم تريلا فتحنا الاسطوانه الثالثه ابتدت الحراره تبدا ايش تنزل حتقول لي كيف عرفت ان الحراره تبدا تنزل ما عندي مقياس ولا عندي كاميرا نعتمد على قياس درجه حراره الحديد اللي احنا واقفين عليه كابتن قال خلاص يلا المضخات تشتغل الان نعمل تبريد خارجي على جميع بدن السفينه عشان نقلل الحراره اللي موجوده في الحديد عشان نكسر حاجه اسمها مثلث الحريق.

وتبريد تبريد تبريد تبريد الين ما جا الليل واحنا طبعا السفينه عباره عن حديده في البحر وابتدى التيار ياخذنا في حتت غريبه ابتدينا نشغل.

ما تقدروا توجهوا السفينه؟

ما في ما في لان انت عندك واحده ماكينه.

وواحد رفاس في السفينه وواحده دفه في السفينه كل هذه خارجه عن التغطيه ما تقدر تشغلها لان تشغيلها من غرفه الماكينات.

الرئيسيهكنديك على المحيط في المحيط احنا في المحيط اوريدي قعدنا اول يوم بيتنا على السطح تمام طبعا في حاله الطوارئ اللي زي هذه انت اول 24 ساعه ما تطلب مويه وما تطلب لو ما اخذ دوره مياه ولا تطلب اكل عشان توفر في استهلاك ال الاكل المتوفر لك الكابتن راح نادي علينا روحوا جيبوا الاكل والمويه اللي موجود في قوارب الانقاذ وجهزوا قوارب الانقاذ لاخلاء السفينه جهزناها وقربنا الاكل والشرب اللي موجود على قوارب الانقاذ عشان لو حبينا مثلا وجعنا او استهلكنا خلاص احنا جاهزين لترك السفينه لكن انت ما تترك السفينه الا اخر لحظه وصاحب القرار في تترك السفينه هو القبطان فقط لا غير لازم يقول ابندنشيب وهذه اكره كلمه تعلمناها واكث واكره كلمه نحب نسمعها في مجالنا البحري.

تعيد الكلمه.

اباندن شيب.

ايه اخلاء سفينه.

اخلاء سفينه المهم بياتنا ديك الليله كل شويه يقوم مسكين يعس الحديد طبعا احنا نعسه بالقفا مش بالايد لانه سبحان الله انت لما تمسك حاجه حاره ب بوجه ايدك بايدك بتروح لا شعوريا لكن لما بيقفل يد بتبعد صنا نعسس نعسس وهو طول الليل مسكين يشوف الحرارهكلم تكلم مع الشيف انجنير مع الضابط الاول.

انت وقتها ما اعطيتوا خبر للجهات معينه؟

كل شيء مقطوع سفينه قديمه البطاريات المفروض اللي احنا نعتمد عليها في وسائل الاتصال.

يعني ما حد عنده خبر انه سفير.

ما احد عنده خبر شيء لانه اقول لك حتى لان احنا عندنا لكل لكل نظام في باك اب ولكن عشان قدمه السفينه والشركه اللي كانت تدير المراكب هذه بخيله في الصرف على السفن البطاريات اللي احنا المفروض نعتمد عليها لمده 36 ساعه في حاله زي هذه من انقطاع الكهرباء ما رضت تشتغل فحتى اجهزه الفي اتش اف العاديه اللي السفينتين تنادي على بعضها في اي حاله عاديه ما اشتغلت الكهرباء اللي ما بين المولد الاحتياطي هذا حق الطوارئ الين غرفه القياده ما وصلت الكهرباء عندنا لانه كله عن طريق الكنترول روم ولما تسيح السويتشات الدنيا تلخبطت معه ثاني يوم نفس الحكايه تبريد تبريد تبريد تبريد ثالث يوم ابتدى الديزل اللي موجود الاحتياطي في الخزان حق الجنريتر هذا يقل ا والمضخه شغاله صباحا مساء وتبريد واحنا ورادي على التبريد رابع يوم ربنا اكرمنا الحراره ابتدت تقل او تختفي طيب كيف حنخش؟ قال لك حنخش بطريقه 1 2 3 4 ابتدينا نفتح الابواب ابتدينا نهوي لان هذا طبعا غاز ثاني اكسيد الكربون غاز سامنا نهوي في اضاءه لا ما في اضاءه في الليل فتحنا عشان انت في الليل بتشوف نور لو في حريق لو في شيء بتشوفه سهل لكن في النهار صعب انك تشوفه افكينا في الليل الامور تمام ابتدينا نهوي ثاني يوم الصباح ابتدينا ننزل ا اول ما الواحد يحس نفسه مخنوق ولا شيء يطلع لانه ما كان عندنا اجهزه لكشف الغازات نزلنا شفنا ما في حريق ما في شيء ابتدوا المهندسين يصلحوا اللي يقدروا يصلحوه وشغلوا السفينه وكملنا رحلتنا بسلام الى اول مينا ل تفريغ البضاعه هذه طبعا هم اربع مواني المفروض ندخلها ما دخلنا الا مينا واحده ونزلنا البضاعه كلها فيها وطبعا جابوا لنا قطعه الغيار وابتدينا نتصل مع الشركه الام وايش تبغى مصاريف ايش تبغى تكلفه ايش تبغى اصلاحات ايش تبغى ورش وصلحوها واشتغلت السفينه مره ثانيه.

ورجعوا.

ورجعتباع يعني تالف.

لا ما هي لها قصه ثانيه السفينه هذه انا اشتغلت عليها اكثر من رحله السفينه هذه.

نفسها ولا نفس النوع؟

نفسها.

اه.

ايش القصه الثانيه اللي حصلت لك؟

القصه الثانيه اللي حصلت معاي طبعا خلصت تدريبي ورجعت الكليه وبعد ما تخرجت كلمت الشركه قالوا تعال واشتغلت عليها كاوفيسر الان.

ف برضه نفس الشيء راجعين من الفلبين معانا الكارجو حقتنا الموز ومش عارف مين معديين على الساحل السريلانكي وطالعين على الخليج يوم الاحد عاده في السفن احنا نسميه باربكيو داي تجمع شواء سواء دجاج ولحوم ومش عارف مين ده كيوم تغيير عن اليوم الروتين العادي بالذات لما تقوم في البحر فقاعدين نشوي والناس مبسوطه ومش عارف مين كان معنا كبير مهندسين وكهربائي من سريلانكا فقالوا الجو غريب ف بضحك مع كهربائي قلت له ايش تقصد غريب لانه كهربائي ده كان رجل ظريف جدا في الورديه حق الليل من 8 ل 12 كان يقعد معايا كده ابو ساعه نقعد نتكلم مع بعض ونضحك ومش عارف ليه فجان اني قال لي يا مستر ثيرد اوفيسر الجو هذا غريب قلت له ليش؟ قال لي مو وقت امطار عندنا السيزون هذا ما هو سيزون امطار قال له كيف؟ قال لي ما ادري طبعا احنا ندرس ارصاد جويه بطريقه مخيفه لانك انت لازم تعرف التقلبات الجويه وتستغلها انت كربان سفينه في ان انت توفر في الرحله حقتك او ان انت تتفادى اعصار او او ف على الساعه 9:00 كده طلع لي الكابتن مين جاك ايش عندك مش عارف مين كذا قلت له ترى انا في كلمه لفتت انتباهي كان عندي الكهربائي قبل شويه بيقول لي الموسم هذا ما هو موسم امطار ضرب عنده الارم هو على طول قال لي استلمت النشره الجويه احنا عندنا جهاز كل ست ساعات على التوقيت العالمي نستلم خريطه الجو وعندنا جهاز ثاني اسمه النافتكس هذا نستقبل منه تحذيرات ملاحيه خرائط الجو او نشره الارصاد الجويه من البر قلت له ايوه قبل شويه انا استلمت الخريطه هذه والمفروض دحين النافتكس هذا يطبع النشره الجويه طلينا في حركه الرياح والاعاصير في المنطقه هذه عاديه جدا ما فيها شيء وما ذكر فيها المطر اللي احنا شفناها او السحابه هذه لان الخريطه هذه يقول لك لو في اعصار حيمشي كيف وسرعته كم واتجاهه ايش ومتى حيغير خط سيره وكيف كان حالته قبل من يوم ما يتولد ما كان في الخريطه الا اجواء عاديه يعني اعتياديه قال لي طيب خلي بالك بلغ الورديه اللي بعدك انه الساعه الفلانيه لو جاتهم النشره ولق قاها ما هي مضبوطه يصحيني قال اوكي في عندنا كتاب اسمه النايت اوردر او الاوامر الليليه على طول.

مسلسله.

ايوه طلعه تك تك تك تك كتب فيه قال لي الضابط الثاني لما يجي لازم يقرا الكلام ده قال له حاضر حطيت الدفتر على الطاوله ونزل هو وكملت انا ورديتي جا السكند اوفيسر بعدي قلت له ترى الكابتن بيقول كذا كذا قال لي اوكي خلاص لا تشيلها قال اللي فعلا انا لي زمان على الخط هذا ما قد شفت الجوده مطر مطر مطر مو طبيعي الشاهد.

طبش المخيف يعني.

ايوه يجيك الكلام السكن استلم الخريطه اللي بعدي نفس الحكايه ما فيها شيء على الساعه 1 ونص 2ين بالليل تقريبا كده صحيت من النوم لقيت نفسي في الارض ديب ديب ديب الموج والسفينه تدرفل درفله طوليه ودرفه العرضيه كانك قاعد في منخل طبعا اخذت بعضي وجري على غرفه القياده فوق ايش في ايش في لقيت الكابتن لغيتشوف اوفيسر لقيت السكند اوفيسر ايش صح قلت له نفسي في الارض ايش اللي صحاني فين الخريطه اللي انت استلمتها قلت له اه هي وهذا السكند اوفسر اللي بعدي وهذا مش عارف مين ابتدينا عاد نتناقش لان لازم نطلع من الجو ده طبعا فجاه الضغط الجوي احنا من الناس اللي تتابع الضغط الجوي على مدار الساعه لان لما يكون في جو سيء الضغط يقل ولما يكون الجو سليم الضغط يزيد.

ايش ايش الفرق بين ال الطقس بشكل عام والضغط؟

ايوه احنا ما بقول لك احنا محطه ارصاد جويه متنقله تمام لان الضغط الجوي مش بس في الطيارات حتى في البحر لما يكون زي دحين مثلا اجواء صافيه وشمس طالعه وغيمه خفيفه كده تلقى الضغط عالي.

اه.

في المنطقه لكن لما يكون الضغط منخفض عن 1000 بار يبدا الاحوال الجويه تسوء فابتدينا نشوف العدادات حق الضغط بدات تنزل وكل مالها تنزل تنزل تنزل كابتن قال هذا خلاص هذا اعصار ما في مفر طبعا مع الغيم احنا بنستقبل اشارات عن طريق الموجات الهاي فريكونسي واللو فريكونسي لما صار الغيم حق المطر لا احنا قادرين نستقبل اشاره ولا احنا قادرين نستقبل خرائط وذر ولا ولا طبعا الدنيا ليل صرنا كلنا صحين الاربعه في غرفه القياده ما حد فينا قادر ينام الكابتن طبعا ما يلام ما عنده اي مخرج لا هو عارف اتجاه الريح لا هو عارف اتجاه الدنيا ليل والمركب قديم الين ما طلع النهار طلع النهار احنا مشينا على خط سيرنا طبعا ابتدينا نشوف القوارب حقه الصيادين اللي في المنطقه مقلوبه والبحاره او الصيادين على ظهر السفن هذه بيستغيثوا بيستغيثوا لكن السفينه كانت بتدرفل بطريقه مرعبه عمري في حياتي ما شفت السفن هذه بتدرفل درفله عرضيه بالشكل هذا يعني لو اقدر اقول لك مثلا 45 الى 50 درجه السفينه بتميل الى ما تشوف البحر من الشباك اللي على الجنب تشوف الموجه كده في عينك وتدرفل الناحيه الثانيه تشوف البحر من الناحيه الثانيه فانت قاعد كده طول الوقت الوضع هذا ايش اللي بيثبت السفينه.

ما في ما في غير الانجن ندعي من الله سبحانه وتعالى ان لا الدفه يصير عليها عطل ولا الماكينه حقتنا توقف لاي سبب ان كان وطبعا الشباب اللي موجودين موجودين في الانج روم تحت كله ستاند باي ما حد نام لا كبير مهندسين لا ميكانيكيه لا زياتين لا لحامين كل واحد فيهم جالس على ماكينه انها ما تطفي لان لو طفت ماكينه واحده مع الجو اللي احنا كنا فيه السفينه دي تقلب لا محاله جو عاصف بطريقه بشعه اعصار طبعا ايش نسوي اول يوم ثاني يوم ثالث يوم نحن عارفين ناكل ما احنا عارفين نشرب ما في طبخ ما في اكل ما في اي شيء فكان عندنا ا جهاز اسمه الجيم ديس اس اللي هو جلوبال مريتايم ديستري سجنال فجات فكره للكابتن انه هو يرسل للارصاد الجويه اللي في بريطانيا ويقول لهم احنا في الموقع الفلاني صادفنا الجو بالطريقه صارت لنا وما نحن عارفين ما جانا اي تحذير ايش تنصحونا ارسل له ونستلطف الله انه الرساله توصل لان انت لما تعمل ارسال انت معتمد على ان اي قمر صناعي او اي محطه ارضيه تلقط الاشاره هذه وترسلها فانت وحظك يا ترسلت يا ما ترسلت لا كان في نت ولا كان في تواصل اجتماعي ولا تلفون كان يا دوب المسجات تلك او مورش كودديد هذه كانت وسيله التواصل ربنا اراد توصل الرساله هذه لمحطه ارضيه.

ام.

وصلوها الى محطه الارصاد الجويه اللي في بريطانيا استقبلوها وردوا علينا الرد الاتي الشخص اللي استلم الرساله دي من حسن حظ السفينه مش من حسن حظنا احنا كان شغال قال في يوم من الايام كبير ضباط على السفينه او الكلاس هذا من السفن فقال لهم جانك النص الاتي يعني ما ينسى النص هذا انا كنت شغال على السفن هذه في الفتره الفلانيه للفتره الفلانيه السفن هذه تقدر تعدي الاعصار هذا الاعصار كان اسمه كذا وامشوا بخط سير لمده كذا على سرعه كذا وبعدين تغيروا خط سيركم الى كذا بسرعه كذا تلاقوا نفسكم طلعتوا من الاعصار هذا بعد كذا ساعه كابتن على طول من غير تفكير على الخريطه حط المواقع اللي هو قال عليها رجال ورسمها يلا غيروا خطوط السير وتعال شوف طريقه تغيير خط السير السفينه كانت توصل لمرحله انا حنقلب انا حنقلب كده انا حنقلب وترجع ثاني.

طب علش السؤال لو لا سمح الله سؤال يمكن كذا يبان تافه بس لو انقلبت السفينه لا سمح الله.

لا خلاص شكرا واحد صفر.

[ضحك]

واحد صفر ما فيها لو انقلبت انقلبت خلاص واحد ص0.

ما فيها تسلل ما فيها فاول ما في اي شيء اقول لك والله العظيم السفينه كانت توصل لمرحله يسموها احنا نسميه عزم الاستعدال او عزم الانقلاب كانوا الاثنين تضاربوا مع بعض هذه طبعا حسبه في اتزان السفينه كده ا كده يعني حرجع ما حرجع كده تسوي كده ارجع ارجع ما ارجع ارجع ما ارجع ترجع ثاني الى ما ربنا اراد وغيرنا خط السير ابتدت الاجواء تبام معانا رجع المطر مره ثانيه وخرجنا من الاعصار طيب نرجع للسؤال الاول انت قلت لي يعني ايه المطر هذا المطر هذا في البحر او في الارصاد الجويه للبحاره او الملاحين عباره عن ستاره احنا نشرد منها لان انت ما تدري الجو اللي ورا ايش موجود تقابل اعصار او تقابل جو لطيف فدائما قبل دخولنا الاعصار بيجينا مطر وخروجنا من الاعصار يجينا مطر لان الاعصار عباره عن دائره نص قطرها فاضي جو صافي وعصافير ونورس وحياه جميله المحيط هو اللي فيه كل الضرب والترزيع في السفن والامواج وال الجو العاصف فعشان تخرج منه او تدخل دخل الاعصار لازم تعدي من الستاره المطريه هذه فاحنا دائما لما نكون مثلا نعبر محيط مثلا من جبل طارق الى الساحل الشرقي لامريكا نفس الحكايه الخريطه هذه حق الجو نتابعها على مدى الرحله ودائما نهرب من الامطار ومن الاعاصير قدر المستطاع.

ايش تعلمت من الرحله هذه انت؟

تعلمت اني ما ما تقاعس في النشره الجويه النشره الجويه دي زي ما احط موقع السفينه كل 20 دقيقه او كل ساعه على حسب منطقه الابحار او كل ست دقائق احيانا لازم اخلي عيني على الضغط الجوي زي ما اشوف الساعه.

ام.

لان الضغط الجوي هذا هو اول ا تنبيه لك كملاح الجو حيكون معك مستمر طيب ولا الجو عندك حيكون سيء.

بس كيف كنتوا تتعاملوا مع الاوقات الصعبه هذه ايش تسوي وقتها؟

ا تستودع نفسك عند الله سبحانه وتعالى تتشاهد تكون كاتب وصيتك وتتوكل على الله كل.

البحر الداخل مفقود والخارج مولود ترى هي ما حياه ورديه انا اسمع الناس ايوه هذا شغال في البحر هذا راتبه كبير يا جماعه كم الضريبه اللي انا بدفعها انا ممكن ما ارجع لعيالي ممكن ما اشوفهم ثاني ولا يشوفوني ثاني البحر من اصعب الوظائف اللي موجوده ما هي سهله انا بسيب اولادي بالشهور يعني انا اول رحله طلعت فيها متدرب انا كنت متزوج زوجتي حامل شهر ونص رجعت البيت ومبسوط وفرحان وده جابوا لي طفل صغير حطوه في عبي مين هذا قالوا لي هذه بنتك بكيت بكيت فالحياه ما هي سهله ما كان في تلفون زمان انا كنت عشان الو كيف حالكم ايش اخباركم الدقيقه ب 9 دولار والواف ايش اخباركم اوفر هم احنا طيبين الحمد لله اوفر وطبعا امه لا اله الا الله اللي حولك سامعينك لان انا بتكلم عن طريق الفيتشف محطه ارضيه فالسفن اللي حولي سمعاني الراجل اللي في محطه الارضيه اللي بينقل المكالمه هذا سامعني انت بتضحك لكن هي انا بالنسبه لي كانت ماساه ماساه بكل المقاييس ترى.

الى ما شااء طبعا النت والاشياء هذه والحياه انا اسمي دحين البحاره دول محظوظين الكل معه جوال واتساب وال وسائل التواصل الاجتماعيه المختلفه على مدار الثانيه يقدر يرسل رساله يا رجل انا كنت عندي جواب يا ريتني جبته معاي ارسلته من الفلبين لان هذا كان واتساب الطيبين وصلت بيتي بعد شهر انا كنت مقيم في اسكندريه رجعت بيتي بعد شهر وصلت البيت ال البسطجي على قولتهم داخل البيت وبي بيدي الحارس جوابات لسكان العماره قال لي خذ يا استاذ سعيد هذا الجواب للمدام طليت الا انا اللي كان اللي مرسل الجواب هذا فاخذته وتواعدنا انا وهي وبرزناه وشايله محتفظ به.

ايش مكتوب؟

لا هذا مصيبه هذا مو س.

شهر الجواب اخذ الى ما وصل.

ام.

باك دحين انت على الثانيه طك وصلت الرساله ام لا لا لا في تقدم في الوظائف او في الحياه عموما يعني اصبح في سهوله.

انا باخذ المواقف الاحداث اللي مرت فيها انت ما شاء الله هذا حصل لك في اول سنتين يعني انت تقول الموقف الاول حق الحريق وانت في الكليه.

انا نزلت بحر عام 95.

ام اول مره.

اول مره.

اللي صارت فيها الحادثه حق الموز.

اللي صارت فيها الحادثه الاولى.

ايوه.

هي مش الاولى بس يعني الحادثه الاولى ف.

وبعدها موضوع الاعصار.

وبعد في نفس الرحله الاعصار لا لا سوري بعدها بعدها الاصار.

بس على نفس المركبه.

على نفس الكلاس نفس الشركه ونفس المراكب.

اسمه عصار ايش هذا اول واحد.

والله ماني متذكر اسمه بس هذا الاعصار اللي كان كل سنه يضرب عمان يقول لك خريف صلاله خريف صلاله احنا بنتبهدل برا عشان الخريف حق صلاله هذا لانه يجي من المحيط الهندي الاعصار هذا طالع من سواحل سريلانكا ما يوقف الا على ساحل العمان ام.

يمشي في المنطقه هذه كلها يضربها الى ما يوصل الى ساحل عمان يموت هناك وينزلهم امطار وخريف.

فكل سنه هو الاعصار هذا.

هذا 95.

ايش صار في الفتره اللي بعدها انت دحين كنت متدرب هذه مرحله متدرب.

لا لسه ما انت شوف ا انت قصدك ايش متدرب.

انا دحين بحاول اعرف ترج الوظيفه اول شيء متدرب اللي هو الكت.

يسموه كدت.

يسموه كدت سواء على السطح او في غرفه الماكينات بعدين الى تحصل على شهاده ضابط ثاني تصير ضابط ثالث يعني رتبه اقل تشتغل فتره تجمع خدمه بحريه 18 شهر وتاخذ شهاده ضابط اول تترقى ضابط ثاني ما ايش يا اخ.

طيب احنا التسلسل الهرمي للبحر كابتن القمه بعدين ضابط الاول بعدين الضابط الثاني بعدين الضابط الثالث بعدين المتدرب في غرفه الماكينات كبيره المهندسين المهندس الثاني المهندس الثالث المهندس الرابع وبعدين المتدرب.

بعدين يجوا تحت هذول المسميات كبير بحاره وميكانيكي تمام و بحريه ونص بحري وزياتين في غرفه الماكينات بعدين عندنا قسم المطبخ.

امم.

في اللي هو شيف ستي اللي هو رئيس المطبخ وبعدين يجي الشيف كوك طباخ بعدين يجي المساعد بعدين يجي عنده الستيورد اللي هم الصفريجيه بعدين يجي الجالي بوي الجالي بوي هذا اقل وظيفه عندنا هذا اللي ينظف المطبخ يغسل مواعين فهذا اقل وظيفه عندنا.

ام الزيات ايش سوى.

الزيات ميكانيكي مبتدئ.

اي ميكانيكي مبتدئ فيسموه زيات اويلر يعني.

والبحارين البحارين بحارين كعمال يعني.

كيف يعني عمال موظفين يعني.

عمال يعني شغلهم على السفينه تقصد يعني اه اوكي.

هذول مسؤولين على لهم شغل اثناء الرحله ولهم شغل اثناء الشحن والتفريغ ف.

الاسم بحار.

بس احنا عموما كلنا كل الاسماء اللي انا قلت لك هي والوظائف احنا بحاره.

ام.

ولكن كل واحد على حسب الرتبه اللي هو فيها انا في البحر ما ينادوني باسمي انا ضابط ثالث يقول يا ثيرد اوفيسر يا سكند اوفيسر يا شيف اوفيسر يا فيرست اوفيسر يا كابتن ما حد ينادي احد باسمه كل واحد هناك يتنادى بالرانك او الرتبه اللي هو عليها.

يعني عالم البحار من العوالم الادوار فيها واضحه والمراتب فيها واضحه.

جدا جدا.

وال تسلسل يعني هذه احد الاشياء لما تدخل بعض القطاعات في قطاعات الوضع كذا يكون سائل شويه.

لا ما احنا كل واحد.

احنا.

وضعيه عسكريه.

عسكريه بس بصوره مدنيه.

يعني احنا عندنا زي كل يوم لازم نلبسه يعني فترات الورادي الصباحيه انت لازم تلبس الزي الرسمي كل واحد على حسب الرتبه حقته بالذات ضباط السطح المهندسين طبعا عشان في في غرفه الماكينات مع درجه حرارات مرتفعه وزيوت وديزل وفيول وش الشحوم لا دول يلبسوا كفروول اللي هو حق الشغل لكن انت كضابط سطح لا انت بتلبس البدله حقتك ما تنزل الفطور الا انت لابس البدله حقتك ما تطلع ورديه الصباح انت لابس البدله حقتك ما تنزل على العشاء الا انت لابس البدله حقتك سواء انت في السطح او في غرفه الماكينات ممنوع تدخل الصالون حق الاوفيسريه وحق الضباط انت ما انت لابس ال.

تتوقع ليش الثقافه هذه موجوده التراتبيه هذه والعسكريه.

ا عشان يكون في ديسبلينت احترام للوضع احترام للاعلى منك وللاقل منك عشان ما يصير في يعني بلغتنا العاميه ميانه لان الشغله دي لو دخلت فيها الميانه خربت لازم يكون في احترام طبقي انا بحترم السكند اوفيسر السكند اوسر بحترم الشيف اوفيسر الشيف اوفيسر بيحترم الكابتن لان انت من يوم من الايام حتوصل الى القمه فانت محتاج اللي تحتك يحترمك واللي فوقك يحترمك عشان يكون كل واحد يادي دوره بسلاسه.

بس ما يصير مواقف نسمع في الاطباء وبعض الاحيان بعض مضاربات ومشاكل لا يعني الايجو هذا بعض الحيان يكون مزعج تجي اوامر بطريقه غريبه يجي تطفيش بطريقه.

لا هذه ثقافات هذه ثقافات يعني شوف مثلا ا من ميزه وعيب في شغلنا.

ام.

طيب ان البحار ممكن في يوم من الايام يصير اوفيسر والزيات هذا ممكن يصير مهندس هذه لها ميزه ولها عيب اذا هو ما جا من بيئه حلوه وبيئه كويسه تمام بيوسي استغلال السلطه.

بيوسي استغلال.

ايش حصلت لماقف في اساءه استغلال السلطه.

لا انا الحمد لله عري ما حد لا لاني ايش انا من الناس اللي ربنا اكرمني ا اقدر انزل بالتفكير للي قدامي واطلع معه عشان انا لما نزلت البحر كنت اشوف الناس لان انت وانت متدرب انت تكون زي السفنجه اي شيء تشفطه اي شيء تتعلمه اي شيء تسمعه وتحلله وتخليه لانك حتحتاجه في يوم من الايام.

فكنت اشوف يعني الحمد لله يعني انا الشركات اللي اشتغلت فيها كلها شركات محترمه الحمد لله يعني ما قد شفت في مشاكل تصير كانت الا المشاكل ايش اتاخرت علي 10 دقائق جيتني بدر ربع ساعه الكلام هذا اللي هو ايه يعني ما يسبب مشكله يعني ولكن كنت اسمع من الزملاء مثلا في شركات اخرى لا والله هذا كذا ولا هذا كذا ولا هذا كذا اوه اوكي لا انا هذه لازم اخلي بالي منها في المستقبل لو صارت ما اوصلها الى هذه المواصيل عشان الحياه تصير ورديه لان البحر سمعه انا اشبه البحر بان انت ساكن في شقه غرفتين وصاله كل الناس تعرف بعض لا تقول لي والله انا جاي من البلد الفلانيه ما حد يدري عني ولا انا جاي من البلد الثانيه ما حد يدري عني البحر كل الناس تعرف بعض بغض النظر عن جنسيتك البحر لا مله ولا دين ولا عرف له كل الناس تعرف بعض يعني لما نحنا كنا نغير البحاره في مينا من المواني بيجينا تلكس على زمان او ايميل في الايام الحاليه البحار الفلاني بيجي بداله فلان البحار لا بيجي مكانه فلان الضابط الفلاني بينزل مكانه كذا المهندس الفلاني بيجي مكانه كذا فالكابتن يا يعرفهم يا ما يعرفهم لو يعرفهم يطلع يبشرنا يقول يلا يا شباب حيجيكم والله ناس كويسين لو ما يعرفهم حيحط عليهم ريمارك مين يعرف فلان مين يعرف فلان مين يعرف فلان وتبدا الناس تبحث انا اعرف فلان لا انا اعرف فلان ها كيف سعيد كويس لا سعيد.

هل في قبطان عقدك.

[موسيقى]

كثير كثير وفي قباطنه صراحه علموني يعني على سبيل المثال لما كنا نعدي قناه سنغافوره هذه هذه من ازحم القنوات البحريه حول العالم لان انت عندك من ناحيه اندونيسيا ومن ناحيه ماليزيا ومن ناحيه بوروناي ومن ناحيه سنغفور فطبعا السفن الخشبيه هذه حق الصيادين زي الرز وسفن العبارات السريعه والبطيئه كثير المواني جنب بعض وقدام بعض وزحمه زحمه زحمه في كباتين كانوا يخشوا المنطقه دي هو والضابط الاول واثنين بحريه نسميهم احنا لوك اوت وواحد على الدفه غير ضابط الورديه سواء الضابط الثالث او الثاني وغرفه الماكينات في حاله استعداد انا داخل المينا الشيف انجينير والمهندسين ويحول الماكينه من هيفي اويل الى ديزل عشان اي لحظه يزود سرعه ويخفف سرعه كانه داخل مينا ونفضل على اعصابنا اربع خمس ساعات الين ما نعدي المنطقه هذه وينزل ويسيب لنا الايش غرفه القياده نتنفس هذا الكابتن علمني الخوف اقول لك هي بصراحه نزل جاني واحد ثاني مو شباب بس اصغر منه سنا يعني كانت الجوالات دوبها 98 97 98 الكلام هذا طلع الكابتن اقول له نادي على الشيف اوفسر قال ليه قال له عشان داخلين على سنغافور قال لي انت ايش بتسوي هنا؟ قال له نعم انا ركبي صلا تخبت في بعض قال لي مع نفسك وانا قاعد هنا تبغاني كلمني ما تبغاني لا تزعجني انا بكلم اولادي كان هو معاه جوال طبعا مين كان عنده جوال ديك الايام ابن الاغنياء المهم دخلنا مشكت معه الشبكه الو ها وقاعد ايش يتكلم مع بيته واولاده مش عارف مين انا يا ولد رجل تخبط في بعض طال في قال لي ايش فيك قلت له كابتن انا خايف قال لي خايف ليه قال لي عارف السفينه دي ايش بتسوي؟ قلت له قال لي عارف السفينه دي ايش بتسوي؟ قلت له قال لي خلاص لما تحتاج اني انا قاعد جنبك اشتغل شغلك طب اخفف السرعه طب اكلم الانج روم طب قال لي ولا احد امشي زي ما انت 45 دقيقه ساعه وشويه خلصنا قال له هي سهله كده ضحك قال لي شوف بما معناه احنا العرب قال لي كل شيخ له طريقه قال لي انت حتبحر مع كباتن كثير في كابتن حيخلي الحياه وردي وفي كابتن حيخلي الحياه صعبه فكل واحد حسب المدرسه اللي هو جا منها بس اهم شيء انت حتكون اي مدرسه فيهم قال له ايوه هذا درس وحطيت الكلمتين هذه يعني نصبع عينين.

ام.

صرت اتعلم من الكباتن الشي الاشياء الجميله والاشياء السيئه ابتعدت عنها.

فالكاتن على على طيف يعني في ناس عندهم خف زايد في ناس عندهم روغانزا ايش فيها برضه اشياء اخرى غير الخوف والامان.

يعني مثلا كان معانا كابتن رقو على كبار مركب 45000 طن كانت اكبر سفينه رورو في العالم كانت تملكها السعوديه الشركه السعوديه ورقوه على كبر فاول ما طلع لنا طلب دريل طيب دريل في غرفه القياده حيعلق صوره حيعلق رف حيحط حاجه دخل الله يكرمكم غرفه الدور المياه وفتح فيها فتحه كل انا استغربت.

مو مضبوط اه.

مو مضبوط في شيء وصلنا امريكا هو طلع معنا من ايطاليا وصلنا امريكا طبعا انت قبل الوصول بساعتين بتغ بتبلغ غرفه الماكينات ان احنا حنوصل بعد ساعتين الى محطه الارشاد فنبتدي عاد نبرد الماكينه بطريقه معينه نحول استهلاك الفيول الى ديزل في تجهيزات عشان الانجن تكون سريعه في الاستجابه في سياده السرعه او تخفيف السرعه كابتن ساعتين قال لي كلمني قبل ساعه اوكي كابتن ساعه قال لي يلا خلاص ابدا انزل السرعه وخفف ومش عارف مين وانا.

دحين طالع، اوكي. هذا روتين عادي. ابتديت أتواصل مع غرفة الماكينات. متى حتنزل؟ ايش حتنزل؟ كم أقدر أنزل؟ كم تقدر؟ كذا لازم ترتب مع المهندسين. وابتديت فعلياً أتدرج في تخفيف سرعة السفينة. يا كابتن، اطلع المينا. ابتدت تنادي علي. أبغى أزود سرعتي، أبغى كذا. فلازم أحد ثاني معاي. أنا أركز في سرعات المكاين وخط سيري، ولا في التواصل مع المينا والإرشاد؟ ولا كذا؟ فارجوك اطلع. قال لي طيب، أنا طالع. طلع. أول ما طلع، أسمع باب الدا بب على الستيرينج. الدفة حولناها من أوتو بايلوت إلى دفة يدوية. لازم يعني في دخول المواني كذا. قلت له مين اللي جا؟ فمعانا المساعد حقه اللي هو نص بحري. قال لي الكابتن دخل الحمام. قلت اوكي، ما في مشكلة. أخفف سرعتي. نادى علي المرشد. لا تزود سرعتك، لا تنقص عشان نلحق ندخل. في مراكب كثير جاية، لا تتأخر. ومش عارف. ابتديت أزود سرعتي. ابتديت خلاص، باقي لي دقائق. واو، لازم أنزل أستقبل المرشد تحت. لأنه يعني من البروتوكول في المواني أنه ما يستقبل المرشد إلا ضابط، ما يستقبله بحار.

>> أم >> فيا كابتن، يا كابتن، يا كابتن. أطالع، ألاقيه إيش؟ قاعد يطالع علي من الخرمة اللي هو عاملها. ناديت على الوردية اللي بعدي. بالصدفة كان صاحي. أنت صاحي؟ قلت. قال له اطلع بسرعة، روح جيب البايلوت. الكابتن مو راضي يجي. قال لي طيب، نزل زميلي استقبله. وطلعوا. مش عارف مين. أول ما شاف المرشد قام خرج. أوه، مستر بايلوت، مش عارف مين. وبالأحضان ومش عارف مين. ودخلنا المينا. بس أنا من جوه بتقطع. قلت يمكن مريض، يمكن عنده ظرف، يمكن ماسكين أي حاجة. طلعنا من المينا. الطلوع سهل لأنه بيفضل معك المرشد. لما حطت الاتشهاد، بعد كده بحر مفتوح.

>> مستر بايلوت، إيش هذا؟ >> اللي هو المرشد البحري. >> أم >> تمام. فيقول له مستر بايلوت، يعني أو السيد البايلوت. دخلنا المينا الثاني. نفس الموضوع. زميلي صحاني عشان أنصر أستقبل المرشد. لأن هو ما رضي يخرج. قاعد يطالع من ال من الفتحة اللي هو سواها. فكانت مأساة الشغل مع الرجل هذا كان مأساة. يعني أنا مهما كان عندي خبرة، بس مو زي خبرة الكابتن. الكابتن ما بيمسك الوظيفة هذه إلا هو عنده من الكفاءة والخبرة الكافية أنه هو يريح الضباط اللي معاه شغالين تحته. وهو يقوم بدوره. لكن أنا أقوم بدورك صعب، صعب. مسؤولية ما سهلة على الكابتن. المسمى جميل، لكن فعله مو سهل.

>> لأن أنت بتتدرج في الوظائف. >> قد تكون بديت من نص بحار وبحار وطلعت. وقد تكون مثلاً أنت أكاديمي وتخرجت. بس عشان توصل للرتبة هذه مو سهل. >> أم >> وقيادة سفينة مو سهلة. >> أم >> فهذه يعني من أحد الـ. >> بس إيش طلع السبب؟ >> طلع السبب إنه هو عنده خوف ورعب من الـ ما يواجه من الجباهة. المينا الثالث طلب نزول ونزل. ما قدر يكمل. وجابونا كابتن بداله. ما قدر. فلما قعدنا هرجنا معاه، قال أنا أكثر مركبة اشتغلت عليها 3000 طن. هذه 45000. فهو كان شغال على سف سفينة صغيرة. فجأة جابوا له سفينة عملاقة. فما قدر.

>> ونزل. >> بس مين أكثر قطبان تعلمت منه؟ >> والله كثير. في عرب اشتغلت معهم كانوا صراحة لهم نقلة نوعية في حياتي. وفي أوروبيين وأجانب اشتغلت معهم كان لهم تأثير كبير. يعني زي ما قلت لك أنا الحمد لله ظروفي خدمتني في إني أنا أشتغل في شركات كلها الحمد لله والشكر لله. شركات كويسة وسمعتها كبيرة. يعني وشركات كبيرة. حتى الآن في مجال عملي أنا بفضل الله سبحانه وتعالى قابلت كم سعودي تعلمت منهم ولله الحمد. يعني لهم تأثير جذري ونقلة نوعية في حياتي وفي الاسم اللي أنا وصلت له بفضل الله سبحانه وتعالى ثم مساعدة الناس هذه.

>> أعطيني قصة مع قبطان عربي. >> قصة مع قبطان عربي. قصة مضحكة ولا محزنة؟ >> ادينا واحدة كده ده إيه رأيك. كنت شغال على سفينة. لما جاني العقد. إحنا عندنا عقود بحرية. لما تطلع أي سفينة يجيك عقد. جاني العقد لقيت فيه 30% زيادة على الراتب. طبعاً أنا دوبي جديد في البحر. و30% زيادة في الراتب. أنا طبعاً إيش؟ فرحت. السفينة كانت هذه واقفة في الفجيرة على المخطف أو على المرساه. وعارف إنه السفينة هذه هم سفينتين فيهم مشاكل. بس إيش هي المشاكل؟ ما أعرف. المهم سافرت التحقت على السفينة. طلعت. الكابتن هذا كان ضابط أول وأنا ضابط ثالث. فقاعدين نضبط اتزان السفينة. وهو بيشتغل في غرفة الكنترول روم حق. إحنا نسميها البلاست روم. يزود مويه هنا، ينقص مويه من هنا، يخفف أحمال هنا، يزود أحمال هنا. مش عارف مين عشان نبقى نسوي صيانة بطريقة معينة. فقال لي في التنل. التنل هذا زي ما مر على أجناب السفينة في كل الخطوط الموية اللي ناخذها من البحر عشان نسوي بلست على السفن. فقال لي واحد من البلوف حق الخزان الفلاني مو راضي يفتح. أو ممكن يكون في وسخ على الحساس. فروح نظفه وتعال. قال والله يا أبو فلان أنا السفينة دي أول مرة أطلع عليها. ما أعرف كيف أوصل للمكان هذا. قاعد على الخريطة يشرح لي. مش عارفين. قلت أقول لك أنا أول مرة أشتغل. تعال وريني بس مرة واحدة كيف يتسوى وأبشر. أنا أروح أسوي. بعد كده نزلنا أنا وهو. مش عارف مين. كشافات. طبعاً دنيا ظلام. وصلنا للمكان. هو بينظف. مش عارف مين. قام يطلع فيا كده. أردني هو. الرجال قال لي شو تخوت علي؟ قال له إيش فيك يا أبو فلان؟ قال لي إيش الأصوات اللي قاعد تسويها هذه؟ قال له أصوات؟ أصوات إيش؟ قال لي كل شوية قاعد تطلع أصوات مش عارف مين. وتطلع لي أصوات طفل صغير بيبكي ومش عارف مين وكذا. قلت له لا أنا ما تكلمت. إلا شوية أسمع صوت طفل يبكي. هو يطالع فيها وأنا أطالع فيه. رمينا العدة ده ورمينا الدنيا. وشو ومين يوصل فوق أول؟

>> إيش طلع؟ >> السفينة مسكونة. >> فصرنا عشان إحنا ننزل للأماكن هذه. السفينة دي عبارة عن قراشات. >> عشان كده 30% زيادة؟ >> لا ما 30% لا الأشياء أخرى. يعني هذه إحدى الأسباب. >> فصرنا عشان ننزل تحت نسوي إصلاحات أو تنظيف لأي واحد من الفلفات هذه أو نغير حساس أو كذا. نفتح القراشات كلها وننزل معانا أربع خمس أنفار وإضاءة وكشافات ونعمل زحمة ونصلح الدا ونقفل القرشات ونطلع عشان ما نصادف موقف زي كذا. >> يعني حصلت لك مواقف مع الجن في؟ >> آه كثير. >> يعني غير البكا؟ >> أي. افتكر السفينة هذه اللي حكيت لك عليها اللي صار عليها الحريق. في يوم كذا قاعد أشوف نار على سطح السفينة في الليل. فبحار اللي معاي أقول له شايف النار دي؟ خليني أروح أضرب جرس الإنذار. يقول لي لا، أنا ماني شايف شيء. لا تزعج أحد. طبعاً هو قبلي على السفينة. نجي الصباح. طبعاً هناك في البحر أنت تغسل ملابسك، أنت تكويها. ما في أحد يسوي لك غسيل ومكوى. أنت تغسل ملابسك وتكويها. فكل واحد فينا له مكان أو حبل غسيل يعلق عليه ملابسه عشان ينشف. ما في دراير أو نشافة كهربائية. فكل واحد فينا برتبته. فلان فلان فلان يعلق ملابسه وينشفها ويكويها.

>> تيجي ثاني يوم تشيل ملابسك أو تيجي بعدين تشيل ملابسك تلاقي قميصك هنا وبنطلونك هنا وشرابك هناك. ومعفوسة الدنيا. يا جماعة إيش السفينة هذه؟ قال لك السفينة هذه من يوم ما اتبنت أول رحلة طلعت فيها أخذت الجثث الموتى من حرب فيتنام وودتهم إلى أمريكا. من بعد هالسفينة هذه ما شافت خير. سفينة ثلاجة طبعاً. فـ أكون مثلاً في الوردية أشوف حريقة. فلا شعورياً أروح أضرب جرس الإنذار. أصحّي الناس. يطلع الكابتن. إيش فيه؟ والله يا كابتن حريقة. فين راحت الحريقة؟ ما في شيء. يقول لي طيب السفينة هذه أنت عارف تاريخها؟ أقول له لا. أول مرة. قال له طب السفينة دي تاريخها كذا كذا. فلو زميلك ما شاف لا عش الناس. وكانت ماشية السفينة بالحب بالطريقة هذه. حين أسمع هوز. لا يكون هوس؟ هوس؟ >> لا مو هوس. ما السفينة هذه طلعت معاي بنتي. طلعت عليها بنتي وزوجتي. >> الله يحفظك. >> فـ الله يرحمها زوجتي. طلقني، طلقني. تعرف بناتنا مش والفين على الحياة الغربة. وإنك تسيبها مدة طويلة ومش عارف مين. طلقني، طلقني، طلقني. فقاعد كان معاي شيف أوفيسر مصري. إيش بك؟ ما نمت؟ شكلك تعبان. ماني عارف مين. قال والله يا كوماندا زوجتي طلقني، طلقني، طلقني. ومش عارف مين ده. قال لي أقول لك الكابتن حيجيب زوجته. وأنا حجيب زوجتي. وكبير المهندسين حجيب زوجته وعياله. وأنت جيب مراتك وبنتك. خليها تشوف الحياة. يمكن أمورها تزبط. قال والله شورك وهداية الله. حكلمها. لما نوصل. مين الجاي؟ واشوف. شوف كلمتها. أه يا بنت الناس تيجي تعالي شوفي. مش عارف مين ده. مش عارف كان تحدي بسبب عمل البحر وطول. >> أي عشان أنا أغيب بالشهور. ست شهور وتس شهور. >> هذا التحدي موجود في كل مع كل البحارة. >> مع كل البحارة. >> زوجاتهم ما هم مبسوطين. >> ما هم مبسوطين. >> فلا ما أدري مين. قلت أقول لك خذي رقم زوجة الشيف أوفيسر. تواصلي معاها وتوريكي إيش الطريقة اللي أنت تسويها عشان تيجي تلتحق معانا أنت والبنت. فـ أنا طبعاً رتبتي ما تسمح لي إني أنا أجيب زوجتي. >> أم >> قال لي سيب الموضوع علي. أنا أكلم الكابتن وأرتب معاه. وإن شاء الله الشركة توافق. قال لي بس حيدفعوك الأكل والشرب. قلت مو مشكلة. والله الكابتن طلع شنب تمام. ووافقت الشركة وجابهم على مسؤوليته الشخصية. وطلعوا معاي. أنا من الناس عربي حتى النخاع. ما أعلم عيالي الإنجليزي إلا في إيش؟ في المدارس. فبنت صغيرة عمرها ثلاث سنين. لا راحت مدرسة. لا كان في يوتيوب. لا كان في آيباد. لا كان في إنترنت. من فين حتتعلم الإنجليزي؟ حتى الأولاد أو الأطفال اللي موجودين معاها سريلانكيين. >> فمحافظين على زي ما يقولوا الماذر تانج أو لغتهم الأم. لأنهم لسه أطفال. فبنتي تجيني في الليل هي وأمها. يطلعوا الوردية. الدنيا ظلام. غرفة القيادة عندنا على الجانب الأيمن الرادارات والفيش أف يعني معدات الملاحة كلها على الجنب اليمين. الجنب اليسار هذا لما تدخله قبضة كذا يجيك يقبض. فبنتي تاخذ ألعابها وتسيبني أنا وأمها وتروح تقعد على الجنب اليسار هذا وتلعب وتتكلم ومش عارف مين. وأنا مشغول في شغلي ماني فاضي يعني. وأمها تفضل قاعدة على الكنبة كذا في النور. خافت طبعاً في الليل مرة. تقعد على الكنبة لين أنا ما أغلق شغلي. وبنتها تروح وتيجي. والبنت تروح وتيجي ومش عارف مين وكذا. ولا تبكي ولا مزعجتنا. في المينا لما نيجي نخرج مثلاً نتمشى. سكند أوف سير كان فلبيني معي. نسيب البنت معاه. لأنه زوجته جي له وأولاده يجوا له. فيقعدوا يلعبوا مع بعض. نروح نتعشى نتغدى. نقضي نشتري حاجات من البلد ونجي راجعين. فين البنت؟ يقول لي البنت ما راضية تجي تقعد معانا. جالسة في الغرفة وبتلعب. تخلص لعب تنام. لين في يوم من الأيام قاعدين أنا وأمها كذا في الـ في غرفة القيادة. وكنا في البحر. طلعوا شايلة ألعابها ورايحة تلعب في المكان اللي هي ألفة تلعب فيه. وأمها جلست على الكنبة وأنا قاعد شغال. البحار اللي طلع اللي معي في الوردية كان بيسوي سيفتي راوند. يعني كل فترة لازم ياخذ لفة يتأكد إنه البيبان مقفلة. ما في أحد مولع شيء تلفزيون غلاية. أحد ناسي شيء شغال في الليل. فلازم يتأكد إنه كل السفينة يعني آمنة. يعني طلع يسوي شاهي يسوي قهوة. شكراً خلاص. وأخذ بعضه واقف لوك أوت. الآه جات البنت. هلو بيبي. كم هير. كم هير. سي هلو تو مامي آند آدي. طبعا البحار مسلم تمام. قال أشهد أن لا إله إلا الله. وفقع شرد. ما قدر يقعد. فـ زوجتي رحمه الله عليها أخذت البنت كذا بهدوء. شالتها وتعالي يا حبيبتي ومش عارف مين وده. وأخذتها فين البيبي؟ فين البيبي؟ قالت لها أهو أهو. شوفي البيبي. شوفي البيبي. المهم أخذتها كذا بشويش وقريت عليها ومش عارف مين. ونزلت الغرفة وما عاد طلعوا لي مرة ثانية في الليل. الين ما نزلوا في المينا. فهذه مثلاً هذه صارت معي.

>> معلش السفينة هذه المسكونة ليش ما يتخلص منها؟ >> فلوس يا حبيبي. صعب أني أقنع واحد صاحب رأس مال مشتري سفينة بالملايين أقول له والله سفينتك مسكون. >> أقول لي أنت بتتبلى أو أنت ما أنت صاحي. ولا صعب صعب. كيف تقنعه؟ لأن في ناس تصدق أنه في جن. وفي ناس ما تصدق أنه في جن. جنودين. إحنا في البحر نشوفهم كثير. لأنه السفن أغلبها مسكون. >> آه أغلبها. أيوه. >> وجزء من عملك. >> أي جزء من عملك. أنت بتتعايش. أنت لازم تعيش. >> ولو أنا حخاف من هنا أو أنا ما حأقدر أتعامل من هنا أو أركز في الحتة دي. ما ما أوصل. >> هذا شي درسوك مو في الجامعات؟ >> لا هذا أنت تشوفي. >> هذا أنت بتتفاجأ فيه. هنا الصدمة. >> هنا الصدمة. لأن أنت بيدرسك ناس. إذا هذا شيء موجود. وتقول لي أغلب السفن فيها مسكونة والبحارين دائماً يواشوا هذا الشيء. طبيعي. من ضمن. >> طبيعي. طبيعي. في يعني هذه من إحدى السفن اللي أنا طلعت عليها وقابلت الحاجات هذه فيها. بس بعد كده الحمد لله ما شفت شيء.

>> يعني صراحة لأول مرة أشوف موضوع البحار. أنا توقعت أنه القطاعات تطور. والـ. والأمان جالس يزيد في كل وسائل النقل. بس لكن البحر يبدو أنه في درجة معينة من الـ. الخطر موجودة. >> جداً. >> يعني صارت لك مواقف مع القراصنة؟ >> ا القراصنة أنا صارت لي مرة قرصنة ومرة سرقة. بس باحترافية متناهية. القرصنة برضه فترة الكدت. طبعاً أنت الكدت أنت تشتغل كل الوظائف اللي على السفينة. فكان عندي شيف أوفيسر يكرهني. وهو كان مسؤول عن تدريبي. فكان ما يديني إلا أسوأ الشغلانات. فمن ضمن الشغلانات اللي كان يديني إياها كنت أنا المسؤول عن تصريف الله يكرمكم المخلفات حق السفينة. حق الأكل وحرق الزبائل اللي هي متبقية. لأن أنت المواد الغذائية ترميها بحر. وبتطحنها في ماكينة طحن مخصوصة اللي هو الأكل. فضلات الأكل والفاكهة. وفي عندنا محرقة على كل سفينة لك كمية معينة تحرقها. فجالس يداني التاسك هذا إني أنا أحرق المخلفات. وجالس شغال على حرق المخلفات. وأنا جالس شايف لانش سريع جاي. وفي حاجة طويلة كذا مسافة بعيدة. ماني جاي بالنظر. اللانش هذا هو مقبل وجاي. اللانش يقرب يقرب. ابتديت أشوف اللانش وسرعته. وبدأ يقرب علينا. وشفت سلم طويل في مقدمة اللانش هذا. أنا كنت في آخر السفينة. وما عندي أي وسيلة اتصال مع غرفة القيادة. إلا أني أضرب الألارم حق الطوارئ. أول ما أقبل وتأكدت 100% إنه هذا سلم وهذول ناس ناويين يطلعوا السفينة. قمت ضربت الأيش؟ الألارم حق الطوارئ. طبعاً على طول أرسلوا لي واحد. إيش فيه؟ ما إيش فيه؟ أرسلوا لي جهاز مع الشخص هذا. فلم ترى يا جماعة أنا كذا في الحتة الفلانية. شوفوا شفته. ابتدى الـ. الضابط اللي كان موجود في الوردية يعمل مناورات زقزاق يمين شمال يمين شمال بالسفينة عشان لا يطلعوننا على السفينة. ابتدوا البحارة يجيبوا الـ. الأهواز حق الحريق. وابتدينا نرشرش عليهم مويه من الـ. المضخات حق الحريق. بحيث إنه هم إيش؟ نعمل لهم زي ستارة ويبعدوا عنا. وفعلاً بفضل الله سبحانه وتعالى بعد فترة من الزمن وهم يحاولوا يمين شمال يطلعوا من هنا. وإحنا وراهم بالمويه بالمويه بالمويه إلى ما طلع. بس هذول كانوا قراصنة طيبين. يعني الكلام هذا في التسعينات. >> زمن القرصن. الناس الحنينين هذا يطلع يسرق برميل بويا. لفة حبال. حبل غسيل. هذول كانوا طيبين. يعني ما كان منهم. برضه من ضمن القراصنة اللي إحنا صادفناهم كانوا إيش يسووا في شرق آسيا. يجيبوا مركبين. واحد على اليمين وواحد على الشمال. ويحطوا حبل تحت المويه. في قيدومة في السفينة. إحنا نسميها البلباس باو. هذه بتساعد على تقليل الاحتكاك المياه لما تشقها الموجه. السفينة تشق الموجه ما ترجع ثاني على السفينة ترميها بعيد. فهذه تقلل الـ. من احتكاك الموجه المرتدة على السفينة. فهم كانوا يستغلوا أنه هذا البلبس باو غاطس تحت المويه. يقوم يلقط الحبل. ينشد. يقوم المركبين يحضنوا على الـ. على السفينة. يقوموا يطلعوا. نفس الحكاية. يسرق له سطل. يسرق له برميل بويا. يسرق له مش عارف مين. وتك تك سريع سريع يرمي يرمي يرمي. ويقطعوا الحبل ويشردوا. فكانت سرقات يعني ما هي بالحجم اللي بعدين صار الجريمة المنظمة اللي كلنا سمعنا عنها بعدين في وسائل التواصل وفي الأخبار. فـ هذول القراصنة حق زمان كانوا طيبين. يعني أحلامهم حبل برميل بويا مش عارف مين. حاجات خفيفة. >> أم >> افتكر في مرة تعرضت لسرقة كانت غريبة من نوعها. كنت في إحدى الدول بنشحن موز تمام. طلع واحد صار يسأل كل شخص إيش اسمك ومن أي جنسية؟ إيش اسمك؟ وإيش رتبتك؟ ومن أي جنسية؟ كل الناس اللي سألهم أنت إيش اسمك ومن أي جنسية وايش رتبتك؟ صحينا من النوم ما لقينا ولا شيء في الغرفة. بس كان عنده ضمير. ساب الشهادات حقتنا على الطاولة. كيف دخل الغرفة؟ كيف شاد الأغراض؟ شال كل شيء. بمعنى كل شيء. يعني إحنا مثلاً عشان تطلع السفينة أنت معك كل شهاداتك الـ. اللي عشان تشتغل فيها. >> وطبعاً معك مستلزماتك الشخصية. ملابسك. يونيفورمك. باغ أغراضك الشخصية. هذا الحرامي ما ساب إلا فك الشنطة. طلع الشهادات حطها على الطاولة. >> رامي أكاديمي. >> أيوه. ساب لأنه عارف حندّوخ عشان نطلع الشهادات دي مرة ثانية. صاب على الطاولة وأخذ بعضه وجا ماشي. صحيت من النوم أدور كفرولي. كنا في المينا يعني شحن وتفريغ. فمحتاج كفرول. ماني محتاج بنطلون وقميص. لا لقيت بنطلون. لا لقيت شراب. لا لقيت الله يعزكم جزمة ولا شيء. نظف الغرفة. فطلعت قعدت أتحلطم وأزعق ومش عارف مين. إلا زميل اللي جنبي طلع نفس الشيء. قال أنا برضه انسرقت. أنا مش عارف مين. طب أنت لما بتنام بتقفل الغرفة؟ هذا محترف فتح الباب سرق الأغراض ومشي من غير أي واحد فينا ما يحس. فـ هذه برضه من ضمن الأشياء اللي الواحد شافها. إحنا زمان ما كان في نت ولا كان في ستلايت ولا ولا. فكنا نعتمد على شركة تجيب لنا كل رحلة 50 أو 55 شريط فيديو أفلام أحدث ما في السينما. >> وكل ثلاث شهور تجيب لك صندوق. >> تقول لي ما عندك وقت في؟ >> أي بس أنت تشوف 10 دقائق. فـ أنا كنت دائماً أطلع معاي أو فيديو اللي هو الكومباكت هذا 14 بوصة. الفيديو التلفزيون حق زمان هذا الصندوق. فـ أحط شوية كذا وأنام. ما أقدر أكمل. المهم. فـ فلبينيين اللي معاي جاتهم زي غيرة. إنه كيف هذا عنده غرفته تلفزيون وفيديو؟ إحنا ما عندنا. المهم دخلنا إيطاليا. شافوا واحد اللي هم البياعين في المينا. وباين عليه حلنقي. يعني باين عليه حرامي. أنا ما أحبه. إحنا لاينر. فدائماً نشوف نفس الأشخاص في المواني. أيوه. أجيب لكم. أسوي لكم. مادري إيه. هاتوا الفلوس. هاتوا الفلوس. ومش عارف مين. ش تبوا نوعها؟ طبعاً إحنا عندنا أيام زمان بالو أو سي كام. وان تي سي. هذه أنظمة تشغيل تلفزيونات وفيديوهات. ما أدري الجيل الجديد ما أدري أكيد ما حضرتها. يعني. فـ في الخليج كنت أشتري أي جهاز بالسيام. أن تي سي. فـ أي جهاز أو أي شريط فيديو تحطه اشتغل عليه. أي دولة في العالم. أخش على القنوات حقتهم. أقدر أتفرج على الأخبار وعلى التلفزيون ومش عارف مين. فقالوا له نبغى في أمريكا كان بال. وأوروبا جزء سيكام. وجزء أن تي سي. أو عفواً. أن تي سي كان أمريكي. والبالكام كان أوروبي. جزء كذا وجزء كذا. بس الخليج كان كله في نفس الجهاز. فقالوا نبغى جهاز اشتغل على الثلاث أنظمة. قال لهم اوكي. بكم؟ بكذا بكذا. يمكن سبعة ثمانية 10 أجهزة. وأعطوا له الفلوس. ورايح جاي في المينا. رايح جاي في المينا. أوه ماي فريند. ما تقلق. عندي خلاص حجيب لك. شاف المرشد طلع. والتقات اللي هي القاطرات اللي تسحب السفينة جات. وخلاص. الأولاد الشباب يبغوا الأجهزة حقتهم. نزلهم الكراتين. وأخذ بعضه وقحصال قحص. >> يمشي. >> شالوا الكراتين وطلعوا. والكابتن يزعق علينا. ويلا يمشي. يلا مش عارف مين. طلعنا أبحرنا. نزل البايلت في الستيشن حقته. خلاص. والسفينة شقة طريقها إلى المحيط. رايحين على أمريكا. يفتحوا الكراتين يلاقوا حجارة. ما في أجهزة تلفزيون ولا في أي شيء. حجارة في الكرتون. وكرتون مقفل تقفيلة إنه هو متبرشم. جاي من الشركة حقه الـ. التصنيع. يعني. وطبعاً قاموا يزعقوا ويبكوا. ارجع يا كابتن. قال لهم ارجع مين؟ عندي جدول. ما حد قال لك تشتري من واحد بياع. أنت ما أنت تعرف هو مين. >> تفرجوا معك الليلة؟ >> ولا تفرجوا معاي ولا شيء. صاروا حدين علي. >> آه. >> فـ. هذه من ضمن التحديات. ما أدري هل أنا جاز يعني أفكر إيش المخاطر تمر بها السفينة في البحر. أدي أسمع منك حاجتين. موضوع الغرق مثل السفينة تغرق. والحاجة الثانية موضوع التصادم. >> طيب خلينا ناخذ الموضوع البسيط. بعدين نجي الموضوع الصعب. موضوع التصادم. طبعاً إحنا في البر في عندنا قانون المرور. وكل دولة لها قوانين وإشارات وعلامات. إحنا في البحر عندنا نفس الشيء. ولكن بطريقة بحرية. >> أم >> طيب كيف بطريقة بحرية؟ أنت بتشوف الطيارة فيها جنبها اليمين في نور أخضر. وعلى جنبها اليسار في نور أحمر. >> أم >> وفي طالعة عاملة تيك أوف أو جايه تسوي لاندين في نور أبيض شغال. وفي لمبة دائماً تعمل فلاش. إحنا عندنا هذه ماخوذة من البحر. ما هي ماخوذة من الطيران. هذه ماخوذة من البحر. يعني الجنب اليمين إحنا نسميه ستار بورت. والجنب اليسار إحنا نسميه بورت. ما نقول يمين أو ما نقول شمال. ليش؟ عشان لا يصير في ا في اللكنة أو في اللهجة من دولة إلى دولة. ممكن الكلمتين الأولى ما يلقطها. أو الحرفين الأولى ما يلقطها. بس حيلقط ستار بورت. فيعرف إنه هو بيتكلم إنه هو الجنب اليمين. يقول بورت. طيب ليش تسمى ستار وليش تسمى بورت؟ أيام السفن الشراعية كانت السفن ما ترسو في المواني إلا على الجهة اليسار. عشان يتفادوا إنه الاسترلاب أو السكستنت يخرب أو يتعور أو واحد يمسكه أو واحد يلعب فيه. فكانوا يحطوه على الجهة اليمين. فكان كل الكارجو أو كل المعاملات التجارية أو الناس اللي تطلع وتنزل كانوا يطلعوا وينزلوا من الناحية اليسار. فـ سانو. فصارت عرفاً يسمى بالبورت سايد. والجنب اليمين عشان يحطوا فيها الجهاز حق النجوم. فصار يسمى بالستار بورت. من من النجوم. فـ صار في قانون منع التصادم. وصار عليه تحديثات كثير. وله قواعد وله قوانين. ولازم تحفظها كملاح. وفي اختبارات ما تعدي ولا تحصل على الشهادة إلا لما تعدي قانون منع التصادم. >> في البحار. >> بس قديش فرصة حدوث التصادم؟ >> هي الفرصة الحدوث قليلة جداً. بس هي لو صارت حادثة لا قدر الله طبعاً بتكون كارثة. >> آه. من كم شهر في سفينة واقفة على منطقة الانتظار في شمال بريطانيا. جت سفينة ثانية مبحرة كونتينر دخلت في تانكر. وصارت كارثة بحرية وتسرب زيت. وكانت شايلة في وقود طائرات ومش عارف مين. فـ ما هي سهلة الحادثة البحرية. >> لأن هي بتكون زي ما يقولوا خطأ بشري. ونادراً ما تكون خطأ آلي أو تقني. يعني يكون الـ. الآلة. >> سبباً فيها. لأنه أنت إنسان. يعني أنا أسمع من أيام ما كنت في الكلية. حنخلي السفن تتحرك لوحدها بالريموت كنترول من المكتب. مش عارف مين. لا يمكن تقدر تستغنى عن العامل البشري في السفن. مهما كان. >> مهما تطورت السفن. لابد العامل البشري يكون موجود عليها. افرض عطّلت السفينة في وسط البحر. كيف حتصلحها؟ حتضطر إن أنت تجيب لها فريق يصلحها. طب أنت في وسط المحيط. الطيارة الهليكوبتر كم مسافة الطيران حقتها؟ وكيف حترجع مرة ثانية؟ ولو محتاج قطع غيار. ولو محتاج مفكات وعدة وأشياء تشتغل فيها. أو جهاز برمجة أو حاجة أكثر أو كذا. فـ العمر يعني. العنصر البشري. لا يمكن إنه هو يستغنى عنه في البحر. مهما كان.

>> متى تغرق السفينة؟ >> تغرق السفينة في العصر الحديث يعني نادرة. ولكن لما يدخلها المويه. طيب يدخلها المويه عن طريق إيش؟ أما فتحة. أما خطأ فني. طيب كيف فتحة؟ يعني ضربت شعب مرجانية. خبطتها سفينة ثانية. عملت لها فتحة في الجنب. أو فتحة في منطقة معينة. فبالتالي يدخلها المويه. طيب هل أي فتحة في السفينة تغرق السفينة؟ لا. لأن السفن الحديثة بعد تيتانيك. نرجع تاني إلى الأساس. الأساس في أي شيء في البحر بعد غرق تيتانيك تغير. صار السفينة بتتقسم إلى قواطيع أو إلى كومبارتمنت. بمعنى كل مسافة أمتار من طول السفينة بينحط فيها. قاطوع أو بلك هيد. من الـ. الكيل اللي هو أو العمود الفقري حق السفينة. الين أعلى جزء فيها. هذا صامت ما في أي فتحة. بحيث إنه ما بين القاطوع والقاطع هذا لو انضربت السفينة أو دخل لها مويه. ما تغرق. عشان يحص يحرصوا على إن السفينة تكون في طفوية. حتى لو بنسبة بسيطة. بس ما تغرق. لأن غرق السفينة هذا كارثة. مش بس كارثة مادية على صاحب السفينة. تلوث. خسارة بضاعة. اقتصاد. أشياء كثيرة. بالإضافة للأرواح اللي موجودة عليها. فتصميم السفن الحديثة من بعد غرق التيتانيك. كل فترة في تطوير وفي تحديث. فهم دائماً يحرصوا المهندسين اللي نسميهم إحنا مارين انجنيرين. أو المهندسين بناء السفن. يحرصوا إنه هم يزودوا قواطيع البلك هيد هذه. بحيث إنه السفينة ما تغرق. حتى لو أنا اضطريت لا سمح الله صار عندي حريق في عنبر معين وغرقت العنبر هذا بمويه البحر عشان أطفيه. ولكن ما تغرق السفينة. >> فنسبة حدوث الغرق هذه أصبحت في العالم الحديث والتطور اللي صاير قليلة. لأن حتى بدن السفينة من الخارج أصبح دبل هل. أو لها هل. يعني البدن أصبح بدنين. بدن خارجي اللي إحنا بنشوفه بالعين المجردة. وداخل البدن هذا في بدن ثاني. >> عشان حتى لو جاتها صدمة أو فتحة أو كذا. >> بس أنواع المخاطر اللي ممكن يصير جو السفينة. حريق. ممكن يكون. >> حريق هذا شيء واحد. قرصنة. هذا شيء اثنين. ا والحريق أنواع. >> أم. والكهربائي. >> آه. كهربائي أو كيميائي أو خشبي. يعني هو الهارد أو السوليد. إحنا نقسم الحريق ثلاث أنواع. أي بي سي. الـ. أي نوع والبي نوع والسي نوع. >> ا >> وكل نوع من أنواع الحرائق هذه إحنا بنتدرب عليها. في فترة التدريب. وكل خمس سنين إحنا بنجدد شهاداتنا. أو بناخذ الشهادة الأعلى. فكل خمس سنين أنت بتاخذ إيش؟ الأبديت اللي موجود حول العالم. >> عشان تعرف التكنولوجيا الجديدة. التقنيات الجديدة. والوسائل المختلفة الحديثة. بس أنا عندي فضول أعرف أول مرة ركبت فيها البحر. >> آه. أول مرة ركبت فيها البحر كبحار ولا كسياحة؟ >> أول مرة. >> كده. >> أول مرة. إحنا عائلة بحرية أصلاً. >> أنا أبويا كان مدير شركة ملاحية. وكان يعني أجدادنا في عئتنا في تاريخنا. لو كتبت في الجوجل حتلقاه بيت العوفي. إيش في البحر في جدة بالذات. فـ إحنا أساساً بحر طول حياتنا وحياة جدودنا. فـ أبوي رحمه الله عليه كان هو الوحيد في العائلة اللي ما زال محافظ على الوظيفة أو العمل في البحر. فكان دائماً يحببنا في البحر. كان عندنا ياخت. كان عندنا أبوات أيام الثمانينات. كباين مش عارف مين. وكان دائماً وأنا صغير ياخذني معه المكتب في الـ. الإجازة الأسبوعية. وأحياناً في وسط الأسبوع. فكنت أدخل علي المكتب مثلاً معه. أنا طفل صغير. مكتب كبير. هيلامان هذا يسأل هذا. عنده مشكلة. هذا يحل له هي. هذا عنده استفسار. هذا عنده مساعدة. أشوفه كان عنده كاريزما. يمسك ورقة يقرأها. وثلاثة أربع أنفار بيتكلموا. يرفع عينه يرد على هذا ويرد على هذا ويرد على هذا. ويرجع ثاني. فكنت أقول له يا أبويا كيف ما شاء الله تبارك الله يعني عندك الكاريزما مع هذه؟ كان رحمه الله عليه يضحك. يقول لي بكره لما تصير كابتن تعرف. بكره لما تصير كابتن تعرف. وكان دائماً عنده كلمة على لسانه. الله يرزقني العمر والعافية وأشيل شهادتك وأشيل شهادتك. أنا أبويا بحكم عمله. فكان عنده أمنية إنه هو يكون كابتن أو قبطان سفينة في يوم من الأيام. لكن الظروف الحياتية والعملية ووفاة أبوه والظروف العائلية اللي حصلت له ما قدر. ولكن أخذ المجال واشتغل في نفس المجال. وما شاء الله تبارك الله في ذاك الوقت كان له سمعته واسمه في هذا المجال. لما أنا كبرت وبديت يعني أشق طريقي. كان دائماً يحببني في البحر. يسمعني بس إيش أبغى بحر. أبغى بوت يجيب. أبغى مش عارف مين يجيب. أبغى أتعلم غوص. روح. أبغى كذا. روح. أبغى كذا. روح. الين ما خلصت الثانوية. جيت طبعاً هنا على مفترق الطرق. أنا رجل عاشق للتجارة والمحاسبة وحب لغة الأرقام. وهو كان يبغاني أخش بحري أو أكاديمية بحرية. فمن هنا بدأت الـ. إيش؟ بدأت القصة. قال لي خذ لك سنة بريك. فكر أنت إيش تبغى. طبعاً هو يبغاني أخش. وأنا ماني قادر أوصل للفكر حقه. يعني شتت الأقدار. اشتغلت مع واحد من جماعتنا عنده محلات تحف وسجاد ومش عارف مين وكذا. اشتغلت. وأنا أقول لك أحب لغة الأرقام. وابتديت أتطور وأكبر ومش عارف مين. كانت عندي عقبة اللغة. طبعاً أنا خريج مدارس سعودية. يعني أو حكومية. فكان العائق الأساسي عندي اللغة. اللغة. اللغة. فجيت في يوم من الأيام قلت له يا أبوي أنا حابب إني أسافر أدرس لغة. يعني. طبعاً هو فرح فرح شديد. سفرني. رحت أدرس في فترة الدراسة. ابتديت أنا أتعرف على هنا وهنا وهنا وهنا. صدف إن العائلة اللي أنا ساكن فيها عندهم جيرانهم. >> أصدقائهم مرة عندهم بنت عندها لوكيميا. فـ البنت هذه كانت شغالة في الأرشيف تبع قسم الشرطة اللي في المدينة اللي أنا أدرس فيها. غلقت فيزتي. وكانت البنت لما تروح تسوي كيميا. كل العائلة تروح تواسيها. كانوا يعطوهم بيت عشان تعمل فيه. يعني رهاب ثلاثة أربع أيام. فكنا كلنا نروح. وكنت أروح معهم يعني. >> اللي هو كيماوي. أيوه. >> كيماوي. أيوه. فـ بعد الجلسة يدوهم أربعة أيام في البيت هذا كتغيير نفسية. إلى ما حالتهم تستقر. فـ في يوم جالس كذا متوتر. خلاص فاضل الفيزا تتغلق أو ده. ماني عارف إيش أسوي. فـ بقول لهم ترى أنا عندي كذا كذا. فقالت لي لا تشيل هم. إحنا نحص الـ. اليوم الفلاني من البيت هنا. وأنا أساعدك في إني أنت تسوي الـ. الفيزا حقتك. فعلاً خلصنا. أخذتني. رحنا ا المكتب حق البريد. فورمة معينة عبت لي هي ومش عارف مين. وحطت الأوراق والجواز والفلوس ومش عارف إيه. أنا لسه أعمى. لغتي ضعيفة جداً. وأرسلت لي الأوراق. بعدين بتقول لي أنت إيش تبغى تدرس؟ قلت له والله أنا بفكر كذا ومتردد وكذا ومش عارف مين. قالت لي طيب عندك شهاداتك وأوراقك وكذا مترجمة ومش عارف مين؟ قال لي أيوه عندي كل شيء. قالت لي هات. خذي تك تك تك تك. كم يوم جايبة لي عرض وظيفي. إن الشركة تتبناني بريطانية تدرسني على حسابها وتديني مصروف إلينا التخرج. وبعد كده أشتغل براتب بريطاني وليس براتب آسيوي أو عربي أو أي كذا. >> طبعاً أنا طرت من السعادة. بلغت أبوي. يا أبوي الوضع كذا كذا. قال لي اوكي ممتاز. مبروك. مش عارف مين. خلاص. أنا كان الكلام هذا شهر 6 شهر 7. والدراسة في شهر 9. قال لي طيب إيش رأيك تجينا القاهرة؟ إحنا أنا وإخوانك هناك. وتعال اقعد معانا الشهرين الثلاثة هذه إلى ما يجي وقت الدراسة. وبعدين ارجع. خلاص. أنا عندي إقامتي ودخول متعدد. وأموري طيبة. وجرين كارد طلعت. وكل أموري كانت إيش؟ خلاص مرتبة. يعني لملمت أغراضي حطيتها في كرتون. وأخذت شنطتي وعلى القاهرة. واستقبلني في المطار. أهلاً وسهلاً. وحمد لله على السلامة ومش عارف مين. فين جوازه؟ قلت له خذ. أياميه. كنا لازم نسجل الجواز في المجمع التحرير في القاهرة. قال لي عشان بكره الصباح نروح نسجل دخولك في مجمع التحرير. اوكي. عادي يعني. أبويا ثاني يوم الصباح. يا بابا يلا عشان نروح المجمع. مش عارف مين. قال لي مجمع مين؟ انسى. لا إحنا رايحين ولا إحنا جايين. ولا أنت راجع بريطانيا مرة ثانية. يا أبويا اهديك يرضيك. قال لي ما في خلاص. انسى. ليش؟ طبعاً هو كان خايف إن أنا أهاجر مثلاً. أو إن أنا أعيش حياتي هناك. الشاهد في الموضوع. جلست كتبت كم يوم. سهران في يوم كذا وأشوف في التلفزيون إعلان عن الأكاديمية. إنه فيها الأقسام الفلانية والفلانية ومش عارف مين. وجايبين مشاهدكم. >> الكلام هذا كان في 93. مشاهد كذا من الأكاديمية والناس لابسين البدل. >> وقتها كان التلفزيون هو مصدر كويس. >> بس هذا الوظائف والبحث عن فرص وال. >> هذا اللي كان موجود في ذيك الفترة. >> أم >> فقط لا غير. >> الجرايد وال. >> الجرايد والمجلات والتلفزيون. >> فقام يصلي الفجر لقاني صاحي. إيش مصحيك؟ ما نمت. والله يا أبوي أنا كذا كذا. طيب إيش قررت؟ إيش كذا؟ إيش بك؟ قلت له ولا ترى أنا شفت كذا كذا في التلفزيون. قال لي يعني تروح الأكاديمية؟ قلت له إيه. أروح على الأكاديمية. قال لي قوم نصلي وبعدين يصير خير. صلينا. ودخلت أنا نمت. دخل هو نام. صحيت على العصرية بنتغدى كذا. قال يلا جهز نفسك. بكره الصباح الساعة 6:00 هنطلع الإسكندرية. الإسكندرية إيش نسوي في الإسكندرية؟ قال عشان تقدم في الأكاديمية. قدم في الأكاديمية. قال لي أيوه. أنت ما قلت لي قبل ما تنام إن أنت تبقى تخش الأكاديمية؟ قال له إيه. قال لي خلاص. أنا سويت اتصالاتي والناس مستنينا ومش عارف مين. وكانت طلعنا الإسكندرية. وصلت الأكاديمية. مقابلة. كشف طبي. كذا كذا. هوب لقيت نفسي في الأكاديمية. وبدأت رحلة الدراسة الاعتيادية زي أي طـ. >> أكاديمية إيش؟ >> الأكاديمية العربية للعلوم والتكنولوجيا والمتخصصة في النقل البحري. >> كان على أيامي اسمها الأكاديمية العربية للنقل. الأكاديمية العربية فقط لا غير.

>> تعطيني شوية سياقة عن النقل البحري بشكل عام تاريخياً. >> النقل البحري طبعاً هو يعتبر من الوظائف القديمة زي الرعي زي الزراعة. كانوا زمان طبعاً من بداية المراكب الخشبية وتطورت أصبحت سفن شراعية. وبعدين تطورت جات الصناعة. الثورة الصناعية. بعد الثورة الصناعية والحرب العالمية الأولى احتاجت الأساطيل العالمية إلى نقل جنود وعتاد. فكانوا يسووا السفن عن طريق البرشام. هو يجيب لوحين حديد جنب بعض ويخرمها بطريقة معينة ويضرب فيها مسمار. المسمار هذا يدقوا عليه من الناحيتين إلى ما يلحم المسمار هذا. هذا يسم سموه البرشام. بعدين في الحرب العالمية الثانية تطوروا الموضوع واخترعوا اللحام. وأصبحت السفن تصنع عن طريق اللحام. وزادت أوزانها. والـ. كانت المكاين حقتها بعد الشراع كانت عبارة عن سفن بخارية. أما عن طريق الحطب أو أما عن طريق الفحم. >> الين ما تطورت وجات الثورة الصناعية وطورت المكاين حق السفن. وأصبحت عن طريق اللي هو الهيفي أويل. الهيفي أويل هذا اللي هو ما قبل الزفت والأسفلت اللي يستخدم في الطرق. يدخل على الغلايات بطريقة معينة. درجة حرارة عالية مع ديزل بكميات مدروسة. طبعاً على حسب نوع الماكينة. يسخنوه ويبدأوا يحقنوه في المكاين عشان يعمل عملية الاحتراق. فعشان كمان يقلل من تكلفة التشغيل. >> أمين. ما أدري إذا في تسلسل كذا للـ. يعني في القارب بعدين في السفينة. >> ليه؟ ما أدري هل أكبر أو في البواخر. إيش أكبر شيء؟ أنا بدي آخذ كذا زي تدرج للمراكب. >> طيب التدرج للمراكب. أنت مثلاً في سفن النزهة. إحنا نسميها مثلاً اللي هي حقة الصيد. النزهة. اليخوت بجميع أحجامها. تمام. هذه فئة. هذه ما تصنف سفن. هذه تصنف زوارق أو يعني إحنا نسميها في صناعتنا معدات ترفيه. نيجي للسفن.

السفينه هي اكبر، يعني أي شيء وزنه أكبر من 500 طن تبدأ تصنفها كسفينة. طيب، أحجامها على حسب احتياجك أنت. أنت إيش عندك بضاعة؟ إيش عندك خط ملاحي تبغى تشتغل عليه؟ إيش عندك رأس مال تبغى تعمل له استثمار في هذا المجال؟ وطبعًا الحجم يعتمد على عاملين، اللي هو الخط الملاحي اللي أنت تبي تشتغله وعلى السيولة كتاجر أنت تقدر توفرها أو كمستثمر، أما أنه أنت يكون عندك أو تاخذ قروض مثلاً من بنوك أو أو في سبيل أن أنت تطور هذا المجال.

أم؟

الأحجام الآن أحجام مخيفة، طبعًا لأنها بتزيد.

هل الكروز هو أكبر شيء في علب الراكب؟

لا، ما هي. شوف، السفن أنواع. في عندك مثلاً سفن البضائع العامة، هذه أحجام وزي ما قلت لك أنه الأحجام حسب متطلبات النقل اللي أنت تبغى تستخدمه. في سفن يسموها مثلاً الهيفي ليفت، هذه وظيفتها تاخذ سفينة بحجم معين أو معدة بحرية أو يخت أو كذا بس تنقله من مكان لمكان.

أها.

في التناكر اللي هي ناقلات النفط، في ناقلات الغاز، في ناقلات الحبوب.

بس أصلاً البحر اليوم يستخدم ليش؟ هل أغلب البحر اليوم نقل بضائع؟

نقل بضائع، يعني أنت لو نقول 95% من النقل البضائع حول العالم عن طريق البحر، لأنه تكلفته أقل. أنت لما تيجي مثلاً، خلينا نقيسها علي أنا وأنت مثلاً مسافرين من جدة رايحين أي مكان مثلاً وعندك وزن زايد في شنطتك، فانت بتدفع رقم.

لما بتشتري التذكرة حقتك عشان تنقل مثلاً شنطة، سعر التذكرة غير لما يكون معك شنطتين. فالسفن ما زالت هي أرخص وسيلة لنقل البضائع حول العالم.

أرخص من الجوي والبري؟

أخص، أرخص من الجوي ومن البري.

ليش؟

لأن هي بتشيل كتلة. لأنه كل ما كبرت السفينة، قل تكلفة النقل، لأن أنت الكتلة هذه إحنا بننقلها سواء هي فاضية أو هي مليانة. طيب، أنت بتقسم التكلفة هذه على كمية البضاعة اللي أنت بتشيلها، فما بيتحملها مثلاً سفينة حاويات مثلاً ما بيتحمل التكلفة حاوية واحدة ولا حاويتين. لا، في سفن الآن بتشيل آلاف الحاويات، إلى 15,000 وإلى 200,000 حاوية. تيوز، اعتذر، تيوز، لأن الحاوية الـ 20 قدم واحد تيوز، الحاوية الـ 40 قدم اثنين تيوز، فهذه لها معامل حسابي يعني.

أم.

فطبعًا نقل الحاويات أو نقل البضاعة بيتقسم على سعر التكلفة.

في تقول 95% تقريبًا من النقل حول العالم؟

أيوه.

عن طريق البحر؟

آه.

طيب، إيش الاستخدامات الأخرى اليوم؟ أتخيل البحر بشكل عام يستخدم للنقل، وما أدري هل تنقل الناس برضه؟

تنقل للناس يعني. أنا أفتكر زمان كان أغلب الحجاج كانوا يجون عن طريق مثلاً مصر، السويس، جدة. وأيام المواسم برضه عن طريق السودان وعن طريق الصومال وعن طريق إثيوبيا كان في خطوط ملاحية شغالة وشركات كانت شغالة على الخطوط هذا. كان برضه من الهند، افتكر زمان كانوا يجونا برضه في مواسم الحج سفن تجي ركاب من الهند إلى السعودية إلى جدة بالذات تنزل الحجاج، ووقت العودة بترجعهم. لأن الطيارة بتشيلك 100، 140 راكب تقريبًا، لكن السفينة بتشيل آلاف.

بتشيل آلاف، فبرضه ما زال النقل البحري أرخص من الجوي وأرخص من البري.

بس ليش اليوم ما هو شائع؟ يعني اليوم الناس عن طريق الطائرات أكثر؟

آه، لا يمكن بس. في أشياء معينة يعني. في مثلاً بعض الفاكهة اللي تجينا من شرق آسيا يقول لك هذه كذا. تسأله ليش هذه بكذا؟ يقول لك والله جت بالطيارة، لأن نقلها ما تعيش عمرها الافتراضي قليل.

أنا أتكلم حتى نقل الأشخاص اليوم.

أي.

ما نعرف يعني. مثلاً مصر في يعني خط السويس شغال، ولكن بعد الحوادث اللي صارت، السلام وسالم إكسبرس والأمور هذه تغير المنظوم الدولي بسبب هذه الحوادث.

هل يعتبر النقل البحري هو أخطر أنواع النقل؟

لا.

زي ما الطيران معروف أنه هو أكثر وسيلة النقل أمانًا في العالم.

هي شوف، هي تحسب نسبة وتناسب. طيب، أنا أبني طيار، ودائمًا إحنا في سجال هذا.

كان مفروض نستضيف اليوم.

فدائمًا إحنا الاثنين في استجواب في الموضوع هذا، لأنه يقول لي نفس كلامك أنه الطيران آمن وسيلة للنقل.

يختلف.

أنا أقول له ليش؟ أنت الطيارة بتشيل كم راكب؟ 100، 150، 200 راكب. السفينة فيها كم ألف بني آدم غير الطاقم حقها؟ لأن في سفن الركاب أنت في عندك نسبة. مثلاً سفينة بتشيل 1000 راكب، لازم يكون عليها 600 إلى 650 موظف يخدم الركاب هذول.

1000 راكب، 600 موظف؟

أي، أيوه. لها نسبة.

يعني 60%؟

أيوه، 55 إلى 60% يكون في خدمات، لأن أنت بتحرك مدينة متحركة. موظفين غير الملاحين، غير المهندسين، غير طاقم الضيافة، غير طاقم الترفيه.

غير الحلاقين، غير المسوقين.

فأنت بتحرك مدينة كاملة، غير الأمن، غير غير غير.

أمم.

بس أقصد ليش أنت على خلاف أنه النقل الجوي؟

لأنه نسبة وتناسب. كم بتشيل الطيارة من راكب لا قدر الله ساعة الحادثة، وكم بتشيل السفينة لا قدر الله ساعة الحادثة. يعني في الحادثتين الشهيرة اللي صارت عندنا هنا في المنطقة اللي هي السالم إكسبرس والسلام. فدول لما غرقوا، طبعًا كانت كارثة على صناعة النقل البحري بالكامل.

نسمع حوادث الطيران كثير، بس ما تأثر علينا.

آه، إحنا تأثر علينا في القوانين. يعني مثلاً كانت رحلة جدة السويس. طيب، خليني أشرح لك هي وبعدين أرجع لك للقصه هذه. إحنا في عندنا رحلة دولية قصيرة، وعندنا رحلة دولية طويلة. الفرق ما بين الرحلة الدولية القصيرة والرحلة الدولية الطويلة في متطلبات السلامة المطلوبة فيها. على سبيل المثال، من جدة للسويس 625 ميل، حلو. هذه الرحلة الدولية القصيرة 600 ميل. فالـ 25 ميل الزيادة في في السويس سووا لها زي ما تقول استثناء، فعاملوا السفن اللي كانت شغالة جدة السويس على أساس أنها هي رحلة دولية قصيرة. فكانوا تلقى تذكرة مثلاً أيام بـ 50 ريال على السطح، الراكب، الصالون بسعر، السرير بسعر. فتلقى تشيل السفينة المفروض مثلاً تشيل 400، 500 راكب، كانت تشيل 1200 راكب. فلا معدات السلامة كافية ولا قوارب الإنقاذ كافية، وكانت بس شغالة. لما جات الحادثين هذول، قال لك: لا، الآن هذه رحلة دولية ما هي قصيرة، لأنها 625 ميل. عشان كذا نقلوا كل السفن اللي شغالة الخط هذا ما بين ضبا، سفاجا، ودوهم هناك، لأنها كلها 100، 120، 150 ميل تقريبًا مسافة قليلة. فصارت رحلة دولية قصيرة. ومع ذلك انشال الشرط حق الأمن والسلامة. الآن أي سفينة تنقل ركاب أو بضائع لازم يكون عليها معدات سلامة 200%. يعني أنت تشيل مثلاً، إحنا الطاقم مثلاً من 25 إلى 30 في السفن التجارية. تمام؟ لازم على الجنب اليمين في السفينة 100% من معدات السلامة والإنقاذ، وعلى اليسار 100% من معدات السلامة والإنقاذ. فغيرت في القوانين الدولية في كل السفن أو في صناعة النقل البحري بالكامل.

طيب، هل في قصص لكوارث أدوات وخطط السلامة أنقذت الناس؟

في. يعني تعال نرجع لأول حادثة صارت في التاريخ، السفينة العظيمة اللي لا تغرق، اللي كلنا شفنا الفيلم، تيتانيك. هذه أول حادثة صارت وكارثة كانت على صناعة النقل البحري، وكان هو المفتاح الأول أو هي البصمة الأولى اللي حطتها المنظمة البحرية الدولية اللي هي الـ IMO، وأنشأت القوانين السلامة البحرية الدولية اللي إحنا نسميها سولاس. وبعد كذا صار فيها تحديث كل فترة. بس كيف يصير التحديث هذا؟ ما يصير إلا للأسف الشديد عن طريق حادث بحري أو غرق سفينة. وكانت أغلب السفن اللي تغير في هذه الاتفاقيات سفن ركاب، لأن هي اللي فيها الأرواح أو زهق الأرواح.

لأنه السفن التجارية إحنا العدد قليل زي ما قلت 25، 30. ما نزيد. فلا قدر الله سهل أن إحنا نحصر عددنا وسهل أن إحنا ننقذ بعض، لأنه كلنا بنخضع إلى تدريب مكثف وشاق عشان تحافظ على روحك وعلى أرواح الناس اللي شغالين معك.

غير من سياسة السلامة في؟

غير من الصناعة كاملة. ما كان في سولاس المعاهدة هذه لما جات وصار عليها اجتماعات دولية.

بس أعطينا أمثلة كيف فرقت السلامة؟ كيف كانت قبل تيتانيك؟

يعني على سبيل المثال، معدات السلامة اللي كانت موجودة ما كانت كافية لعدد الركاب بالكامل. فهي لما صارت الحادثة هذه، صار معدات السلامة بنسبة 100%. أنت عندك معدات إنقاذ فلنفرض مثلاً لـ 1000 شخص، ما تشيل أكثر من 1000 شخص من ركاب والطاقم. بعدين لما صارت حوادث سالم إكسبرس، تغيرت. لما جت حادثة السلام، تغيرت. صار الآن تشيل 200% بالذات سفن الركاب، بالإضافة للطاقم، يعني مش بس للركاب. الركاب مع الطاقم.

تذكر اليوم اللي صار في قبطان لما أخذت الشهادة حق القبطان أو الترقية؟

أيوه. اليوم هذا كان يوم سبحان الله غريب. أنا اختبرت وطلعت النتيجة.

كيف كان شكل الاختبار؟

الاختبار شفوي. أنت تختبر تحريري وشفوي. تحريري وشفوي، ليه ما توصل إلى شهادة القبطان. شهادة القبطان أنت تقعد مع المحاضرين اللي بيختبروك.

كم حظ؟

أنت وحظك. اثنين، ثلاثة، واحد، حسب ما يكون الجدول أو حسب القطاع أو المادة اللي أنت بتختبر فيها.

مو اختبار واحد، أكثر من اختبار؟

لا، لا. أكثر من اختبار. ستة، سبعة اختبارات.

فأنت بتختبر في كل ما سبق دراسته إلى ما وصلت إلى هذا المكان. قانون منع تصادم، قانون بحري، قانون مدني، تحميل وتفريغ بضائع، التعامل مع المخاطر المختلفة، فتخطيط إبحار لرحلة من الألف إلى الياء، التعامل مع النجوم والشمس والقمر، التعامل مع الناس، أشياء كثير كثير أنت بتختبر فيها. اتزان سفن، منع تلوث، المعاهدات المختلفة، البروتوكولات المختلفة حول العالم. فأنت ما تدري فين السؤال يجيك، وأنت لازم كـ يعني جالس إلى أن أنت تحضر نفسك أن أنت تتوقع أي سؤال من أي مكان.

سي مان شيب اللي هي المهارات البحرية المختلفة. فشيء كثير وأنت وحظك عاد فين يجيك السؤال، كيف يجيك السؤال، كيف طريقة الرد، ولازم تجاوب والثبات الانفعالي.

كان في يعني محاضر كان بيستفزك؟

لازم عشان يشوف إيش الأكشن اللي أنت تأخذه. لا قدر الله في حالات.

كيف استفزك؟

ممكن أنت تتكلم، يقوم ويرميك ويمشي. يتكلم مع صاحبه ويطنشك. بس هو طبعًا أذنه معك، يبقى كلمات معينة أو أشياء معينة أنت تذكرها عشان يعديك ولا يسقطك.

أنت بتتكلم، يقوم رامي عليك ورقة مثلاً أو يقول لك: بطلوها ترى.

لا، لا. إحنا في شغلنا. لا، إحنا بحارة شرسين، شرسين. لا، مش قديمة أو بطلوها. لا، لأن هو يبغى يشوف الثبات الانفعالي عندك كيف.

بس توصلنا في ممارسة غير مهنية في عالم الموارد البشرية.

ممكن. بس إحنا في شغلنا، لأن أنت بتتعامل. طيب، خلينا نقولها من صورة أخرى. أنت عندك على السفينة قول 20 شخص دارسين مع بعض، أنتم من نفس المدرسة، من نفس البلد، من نفس الديانة، من نفس الملة، من نفس العرف، من نفس العادات والتقاليد. لا. فأنت لازم عشان توصل للمكان هذا تعرف تتعامل مع الناس هذول، كل واحد وحسب تفكيره، وتطلع أفضل ما فيه. لأنه لو واحد منهم سيء، تراها أنت المسؤول عنه وعن تصرفاته ككابتن.

أم.

فلازم تطلع أفضل ما فيه. وحتى لو هو سيء، أنا أرفع سما التليفون مثلاً وأرسل إيميل للشركة: نزل فلان، نزل فلان، نزله فلان. أنت كذا عليك علامة استفهام. لما أنت كل ما طلعت سفينة وصرت كابتن عليها، نزله فلان، نزل فلان، نزلوا فلان. هي السفينة، معلش، شركة اقتصادية، المردود منها مادي ودخل لملاك السفن أو الشركات. لكن لما يجيني كابتن كل شوية يقول لي: نزل فلان، نزل فلان، نزل فلان. تذكرته دي على حساب مين؟ لأنه هذا تكلفة بتضاف على مصاريف السفينة. فأنت ككابتن عليك حمل فوق ما أنت تتخيل كإنسان، إنسان يعني. ما أنت في المجال.

أنت دكتور نفسي، أنت محاسب، أنت مستشار، أنت مربي، أنت أستاذ، أنت معلم، أنت طباخ، أنت نجار، أنت حداد. لأن أي أحد من أفراد الطاقم حقك جا قال لك: أنا ما أعرف الشغلة دي، أنت مجبر توريه. أنت مجبر تحط إيدك وتوريه. أنت قبل ما توصل لكلمة كابتن أو تطلق على نفسك كلمة أنا كابتن، الكابتن مش الكابتن فعله، تصرف. في بعض الدول من جيراننا في المنطقة، أول ما يخش الكلية يكتب لك قدام اسمه: القبطان فلان. لا يا حبيبي، أنت ما أنت قبطان. أنت ما حكيت ولا شفت البحر لسه ولا دخلت البحر وتقول والله كابتن فلان راح فلان، كابتن فلان جاي، ولا عشان أنا حاطط بدلة ولا متصور صورة بأربع ما كلموك.

آه، لسه الجن ما كلموك.

ما شفت البحر، ما شفت الأعاصير، ما شفت. ما حكيت. وكلمة كلمة الكابتن هذه ترى كلمة ما هي ما هي سهلة. أنا أنطقها على أي أحد.

قولي كيف استلمت الشهادة أو؟

والله أنا حكيتك في البداية قلت لك أنا أبوي رحمه الله عليه كان يقول لي: أبغى أشوف شهادتك، أبغى أشوف شهادتك، أبغى أشوف شهادتك. اختبرته وطلعت النتيجة في نفس التوقيت هذا أنا كنت شغال على سفينة أنا وواحد زميل لي سعودي، شيف أوفيسر، كنا إحنا الاثنين. فكنا شغالين باك تو باك، يعني نبدل بعض. فأنا المفروض جالس إلى واستلم شهاداتي وأخلص وأخذ بعضي وأطلع بحر. اتصل علي قال لي: معلش، أنا عندي ظروف، زوجتي بتعمل عملية، وأرجوك تعلي. خلصت اختباراتك وطلعت النتيجة؟ قلت له: الحمد لله، ربنا أكرمني ونجحت، وباقي لي أسبوع، عشر أيام على بال ما ألم أوراقي وشهاداتي ومش عارف مين. قال لي: تكفى، أنا زوجتي بتعمل عملية. قال له: أبشر، خلاص من عيوني الاثنين. كلم الشركه وأنا كلمت الشركه. تقدر تيجي؟ تقدر تيجي؟ وأخذت بعدي ومشيت خلاص. سبت شهادتي، لأن شهادتي حق الضابط الأول ما زالت لسه فيها شغالة، يعني ما انتهت. وسافرت. كلمت أبوي، والله صار كذا كذا كذا. وحط، طبعًا هو فرح فرحة لا تتخيلها. قال لي: أنا أروح أجيب الشهادة. قال له: طيب. وطبعًا راح استلم الشهادة بدالي. فكان فرحان بها كأنه هو اللي اختبر، هو اللي أخذ الشهادة، لأنه كان عنده حلم حياته أنه هو يشوفني أنا معي الشهادة وأنا كابتن في يوم من الأيام. والحمد لله والشكر لله، ربنا أراد وقدرت أحقق له الأمنية هذه بفضل الله سبحانه وتعالى.

كان هذا عام كم؟

2006.

ما شاء الله.

طيب.

قلت لك تقريبًا 19 سنة قبطان.

أي، آه. كقبطان، كقبطان 17 سنة.

أم.

وبعد ما تأخذ اللي هو يصير قبطان أو كابتن؟

لا.

أخذت الشهادة ولا أخذت الرتبة؟

هذه شهادة. ليش؟

هذه شهادة ربان أو شهادة قبطان.

في فرق بين الشهادة والرتبة؟

أيوه. في شهادة ما بين الشهادة والرتبة. أنا ممكن أكون معي، أنا شغال كضابط ثالث أو ثيرد أوفيسر، وعندي شهادة قبطان.

أها.

فهذه ما لها بدي، أنت تستنى وقت الترقيات.

أم.

بس اللهم أحد متطلبات الترقية وجود الشهادة.

وجود الشهادة.

فأنت تاخذها وتجهز نفسك.

"اترقيّت ضابط أول وأنا ما كان عندي شهادة ربان."

لأن من متطلبات الترقية أنه يكون عندي الشهادة. أنا ما كان عندي الشهادة. أنا ربنا أكرمني وحظي كان كويس، كنت جاهز للترقية، بس ما عندي الشهادة.

فممكن تترقى ما عندك شهادة؟

ممكن تاخذ الشهادة وما تترقى.

وما تترقى.

بس القبطان أو الـ...

لازم يكون عند الشهادة، لأن أنت لو ما عندك الشهادة، السفينة ما تبحر.

آه.

أي، لأن في حاجة اسمها بورت ستيت كنترول. فهدول سلطة المينا وسلطة العلم حق السفينة. أنا لما بيتغير عندي كابتن، كمالك سفينة، لازم أبلغهم أقول لهم: ترى الكابتن ده طلع والكابتن ده نزل. لأن في شهادات عشان أنا أدخل المينا، بيطلع عندي مفتش، تعال يا كابتن وريني الشهادات اللي عندك. عنده ليسته، أبغى شهادة كذا وشهادة تزوير.

أيوه، طبعًا بيصير. ما عنده 10 نفوس.

بيمر طبعًا. بس لو انكفشت مشكلة.

أنت كذا يعني عليك وعلى الشركة.

أنت 2005 أخذت الشهادة؟ 2007؟

2006 أخذت الشهادة.

2007 أخذت الترقية أو؟

2006 أخذت الشهادة و2008 ترقيت.

أوه، ما شاء الله.

أي.

أم.

فالحمد لله والشكر لله يعني.

بعد ما تأخذ قبطان، في درجات أعلى برضه؟

لا، خلاص أنت كذا الهرم الوظيفي وصلت له.

أم.

هذا في الأوفرسيز. في الأوف شور أو في القطاع النفطي شيء ثاني.

اشرح لي الفرق بين هذا وب؟

طيب، القطاع النفطي طبعًا، خلينا نتكلم أول شيء عشان زي ما يقولوا ندي القطاع البحري التجاري حقه. القبطان في القطاع البحري التجاري هو هذه أعلى وظيفه أو أعلى سلم وظيفي. خلاص، بعد كذا أنت يا تكمل في البحر، يا أنت تنزل المكاتب وتصير عندك وظيفه إداريه. جميل. خلاص كذا خلصنا من الـ من السفن التجارية. نيجي في الأوف شور. الأوف شور أو عالم النفط، هذا قطاع وصناعة مختلفة تمامًا. هو يتقابل مع القطاع التجاري في الشهادات فقط لا غير. نفس المسميات الوظيفيه، نفس الشهادات. نختبر مع بعض، ندرس مع بعض. بس هذا تخصص وهذا تخصص. حلو. نرجع ثاني برضه حاجة بسيطة ورا. السفن مثلاً الغاز تخصص، البترول تخصص، الركاب تخصص. فأنا لما أكون دارس، كلنا ندرس سوا. بس عشان أشتغل على السفينة هذه، في دورات أو شهادات لازم أكون حاصل عليها عشان أقدر أكمل ترقياتي في السفن هذه. برضه كله نرجع ليش؟ لتايتانيك وسولاس والحوادث البحرية اللي صارت زمان. كان الواحد رحلة يطلع على سفينة بترول، بكره على سفينة غاز، بعده على سفينة ركاب. مع كثر الحوادث، أصبح في تخصص في كل مجال. زي مجال الأوف شور الآن، مو أي أحد يجيني من الأوف سيز أو التجاري يقدر يشتغل عنده في الأوف شور. لازم ينزل رتبة ويبدأ يتدرب، لأنها صناعة مختلفة.

[موسيقى]

شغل أو طريقة عمل مختلفة. أنت هنا بتتعامل مع بترول، بتتعامل مع غاز، مع مياه ضحلة.

دخلت العالم هذا؟

أيوه. أنا الحمد لله والشكر لله من القلائل على مستوى العالم. ريموف ماستر، شرح لي.

الريموف ماستر هذه أعلى رتبة في الأوف شور.

فالحمد لله والشكر لله، أنا ريموف ماستر، وقبلها كنت بارج ماستر، وقبلها كنت على السفن المختلفة في الأوف شور.

أيوه. ما دخل أفضل التجاري ولا النفطي؟

هذا حسد ولا لا؟

لا.

يعني؟

هذا حساس بحسد. ما كنا في الـ 1000 ريال في الأول حلوين. حسيت فيك نصر الحسن كاس مهري بس بالسوق كذا. الله يبارك لكم.

لا، هذه صناعة وهذه صناعة. طبعًا أنت هنا خطر، وهنا خطر. بس الخطر في الأوف شور أكثر.

نفط؟

في النفط. والغلطة بجون. يعني الغلطة أنت كذا أخذت ريجكت وترفدت من عملك وبلاك ليست وما تلاقي وظيفه مدى الحياة.

أوه.

فالريسك فيها عالي جدًا.

حصل أحد زملائك أخذ بلاك ليست؟

في كثير.

كان بسبب إيش؟

غلطه. وغلطه تكون مقصوده أو غير. طبعًا هي الغلطة ما هي مقصوده، لأنهم ناس لهم سنين شغالين في الشغلة هذه، فهمت علي كيف. ولكن من القوانين عشان الشركة تحمي نفسها وتأمين وما تأمين وتعويضات ومش عارف مين، الرجل هذا يدوا له بلاك ليست.

الآن ما شاء الله، لو تشرح لي بس المنصب الحالي لو قلت لي واحده.

الريموف ماستر هو محرك حفارات البترول في البحر.

أم.

فطبعًا يجي تحت المسمى هذا وظائف كثير. يعني مثلاً أي واحد يجيني جديد يدخل مجال الأوف شور، إحنا الفريق حقنا لازم يطلع على السي في حقه، يشوف شهاداته، هل هي سليمة ولا مضروبة؟ هل هو عنده الخبرة الكافية ولا لا؟ إحنا اللي نختبره عشان يبدأ يدخل المجال. وكل ما يتدرج في الشهادات، برضه نرجع نختبره من أول وجديد.

بالإضافة إلى إحنا عندنا حاجة اسمها جاكب بارج. الجاكب بارج هذه تحرك سفينة صندوقية عليها ليجز. الليجز هذه تيجي السفينة على المنصة وترتفع إليه ما تصير بحذر المنصة خارج المويه. فهذه لها ناس ذو مواصفات عشان يقدروا يحركوها. مش أي كابتن يقدر يشغلها، أو مو أي كابتن يقدر يحركها. حفارة البترول اللي تحفر الأعيان حق البترول في البحر، برضه ما يتحرك الحفار هذا إلا بخطة معينة، بطريقة معينة، دراسات من الجيولوجيا إلى البحار إلى الأعماق إلى الهندسة عشان ينقل الحفار من الألف إلى الباء ويوقفوا في المكان عشان يحفروا المهندسين حقون الحفر.

متوسط راتب القبطان النفطي كم تقريبًا؟ الريموف ماستر؟

لا، إحنا إحنا كمواطنين يعني لنا نظام، وغير المواطنين لهم نظام آخر. إحنا نظام العمل في الـ أوف شور باليومية لغير السعوديين.

غير السعوديين؟

غير السعوديين. أما السعودي بالراتب.

لأن أنت عندك تأمينات وتأمين على الحياة وتأمين طبي.

بس عالميًا كم متوسط ممكن راتبهم؟

لا، رواتب كبيرة. يعني الريموف ماستر مثلاً يوصل إلى 1800 دولار في اليوم.

أم.

البارج ماستر يعني من 1000 دولار إلى 1500، 1200. هذا الرينج حقه. طبعًا هو سوق طلبه عرض.

آه.

ففي أيام تلقى في طلب لما يرتفع سعر البترول، فيصير في طلب على الوظائف هذه.

وفي أيام لا، ما في طلب، فينزل الأسعار.

الآن اللي بيدخل عالم الملاحة البحرية بشكل عام، إيش الخيارات اللي عنده اليوم؟ لو واحد في السعودية وقرر أنه هو يدخل هذا العالم. أنا أعرف مثلاً جامعة الملك عبد العزيز عندها تخصصات بحرية. ما أدري إيش الخيارات اليوم لو شخص يبغى يصير قبطان بحري.

طيب، إحنا في عندنا تحدي في الموضوع هذا ما زال يعني. طبعًا أنا ما عندي الإجابة ليش، ولكن أنا حأقول لك أنه إحنا عندنا هنا في السعودية في طلب وفي نقص وفي احتياج. حتقول لي كيف الكلام هذا كله؟ طيب، إحنا عندنا كلية الملك عبد العزيز هذه، وفي معهد في المنطقة الشرقية اسمه الأكاديمية الوطنية البحرية. تمام؟ هذول فيهم مخرجات جميلة جدًا وقوية جدًا، والشباب اللي أنا قابلتهم في الفترة الأخيرة خارجين هذول المعاهد أقوياء جدًا وعندهم معلومة جميلة جدًا. ولكن أنت عشان تخش المعاهد أو الكلية هنا الصعب. لأن الأكادي، جامعة الملك عبد العزيز تابعة لنظام الجامعة، عشان تدخلها تحضيري وما تحضيري والنظام الجامعي العادي جدًا. والأكاديمية نما في المنطقة الشرقية اللي هو نظام وظيفتك دراستك أو دراستك وظيفتك. أنت تدرس تتخرج تلاقي الوظيفه بإذن الله تعالى. فما ما هم فاتحينها لسه للعامه.

هل في إحصائية عدد القبطان أو إيش الجمع الـ...

الضباط البحريين أو المهندسين البحريين.

في السعودية كم تقريبًا؟

في السعودية كثير. بس يعني زي ما قلت لك هي إحنا عشان المجال جديد عندنا، فهيئه النقل مع الجامعه مع المعهد مع الشركات لازم يصير في بينهم ورش عمل يعني على فترات بحيث يشوفوا إيش سوق العمل. على سبيل المثال، أنا شغال على سفينة فيها 30 وظيفه، إحنا السعوديين ثلاثة أربعة أنفار.

أم.

ليش؟ هذه علامة استفهام كبيرة. جامعه الملك عبد العزيز بتخرج، معهدنا ما بيخرج. في معاهد خاصة الآن بدأت تظهر في السوق معترف بها من هيئه النقل، لأن هيئه النقل هي الجهه الجهه المخوله أو المفوضه عشان تدي المعاهد الاعتراف أنها تصدر الشهادات البحريه. طيب، لازم يقعدوا مع بعض ولازم يحددوا خطه يمشوا عليها عشان المخرجات الجميلة من الشباب هذه تلاقي الوظيفه في الوقت المناسب.

لأن ما زال في تكدس في الجامعه، في تكدس طلبه متخرجين كثير، وفي نقص في البحر. فكيف؟ ليش؟

إيش نصيحتك لأي شخص بيكون بحري أو يدخل عالم البحار؟

لا تخش المجال ده اللي أنت عارفه، لأنك حتدق ريوس وترجع. ما حتكمل، لأنه المجال ده مو لأي أحد.

لمين؟

إذا ما عندك الشغف وعندك المعرفة بالمجال هذا، ما حتقدر تكمل. لأن المجال ده الوحيد اللي ما فيه ترجع ورا.

يعني يبغى له مثلاً قوة قلب؟

لا، يبغى له معرفة بالمجال. يعني؟

بس إيش الصفات الشخصية ممكن تكون معرفة موجودة، يمكن في كل المجالات شخص يحتاج معرفة.

شوف، خلينا نرجع نقول أصابعك مو زي بعض. في واحد يبغى يصير مهندس، في واحد يبغى يصير دكتور، في واحد يبغى يصير طيار، في واحد يبغى يصير الوظائف المختلفة اللي موجودة على على اليابسة. يعني البحار مو أي أحد يقدر، لأن أنت بتسيب أهلك وأصحابك وناسك وحبايبك وأولادك وزوجتك بالشهور وبالأيام.

أم.

فإذا أنت ما عندك الاستطاعة هذه، ما حتقدر. طيب، أنا أقول لك أبوي الله يرحمه، لما أنا دخلت، أنا عندي أخ أصغر مني كان نفسه ومنى عينه يدخل بحري. قال له: أنا ما أقدر أخويا شيء وأنا شيء. هو سامعنا دحين، أكيد هو معانا في الغرفة هنا. معانا في الغرفة وما قدر.

ما شاء الله.

فجاء قال: أنا أبغى أدخل مجال معين. أبويا في البداية عارض. قلت له: لا، مادام هو اختار يا أبويا خليه يكمل وحينجح وحيوصل. قال لي: بس يا ولدي. قلت: يا أبويا، الدنيا تغيرت. تعرف الأهل زمان برضه تفكيرنا العائلة، الناس ياكلوا وجهنا، مش عارف مين. قال له: لا، خليه، أديله فرصة وخليه يجرب. وما شاء الله تبارك الله، نجح في مجاله.

مجال إيش؟

آه، ما شاء الله، ما شاء الله، ما شاء الله. بحرية ولا ش يبغى؟

لك حلقة ثانية. أنا بختم الحلقة بالإعصار الكبير، القصة. أعطيني هي، كواليسها.

الإعصار الكبير؟

أنا كذا سميتها من عندي.

طيب.

ودي أسمع الكواليس.

وهي فعلاً الحكاية هذه ترى، أو القصة هذه أنا يعني خلتني أفكر فعليًا في أن أنا انتقل نقله نوعيه في حياتي أو أغير مجرى سير حياتي تمامًا. بس كيف؟ ما كنت عارف. بس كل شيء ربنا كاتبه. الإعصار هذا 2005 كان اسمه كاترينا. كنا في أمريكا، وأنا كنت شغال شيف أوفيسر على سفينة هنا الـ 45,000 طن هذه قلت لك عليها. وصار عندنا مشكلة، الكابتن، صارت له ظرف وجابه كابتن جديد، أول مره يشتغل على السفون هذه. وقالوا معك شيف أوفيسر قديم يقدر يسندك إلى ما إيش تعرف السفينة. وطلعنا الرحلة دي، وإحنا داخلين على مينا هيوستن، جانا تحذيرات على الإعصار هذا أنه خلوا بالكم، لأنه هم متقدمين في موضوع الأعاصير هذا بشكل جدا كبير. الإعصار حيضرب مينا أو حيضرب مدينه فلانيه، الساعه الفلانيه، حيضرب الحته الفلانيه، الساعه الفلانيه، حيوصل في كذا. فجينا إحنا داخلين، قالوا لنا: لا تخشوا المينا، قافله. فاطلعوا بحر. الكابتن قال: لا، السفينة هذه كبيره وحتتحمل، وحنقعد في منطقه الانتظار. منطقه الانتظار هذه ومنطقه المخطاف محاطه بحقل البترول. فحقل البترول هذا في بايب لاين تحت الأرض أو مواصير حق بترول وكيابل كهرباء وخطوط تلفون. فخريطه موجوده تحت الأرض، إحنا ما ندري عنها شيء. قال: لا، يا كابتن، السفن الكبيره كلها بتجري. قال لي: لا، حنقعد. قلت له: طيب.

إيش كانت مرتبتك وقتها؟

شيف أوفيسر، مساعد أول.

أم.

تمام. بس أنا أوريدي على السفينة هذه لي 10 سنين ونص، وأخذت الرتب كلها إلى ما وصلت مساعد أول أو شيف أوفيسر. يا كابتن، خلينا نطلع. يا كابتن، لسه عندنا وقت. قال لي: لا، تأخرنا، لأن الإعصار بدأ. إيش بدأت المطره تيجي؟ قال لي: أنا حزود الجنزير حق الـ مرساه كمان اثنين ثلاثة. شكل إحنا نسميه شكل، كل 27 متر ونص نسميه شاكل. حطول عليه زيادة بحيث أنه هو يديني صلابه في القاع، والقاع طيني، فحتغطص الثلاثة أربع كيبل هذه عشان تديني رسو أكثر. يا كابتن، ترى ورانا حقل بترول، وفي كهرباء، وفي مواصير حق بترول، وفي... قال لي: لا. وأنا حتفق مع الشيف إنجينير أنه لو احتجت الماكينه، أديني هي، لأن يبقى ساعة تحضير للماكينه عشان تشتغل. قال: لا، أنا حخليه 20 دقيقه كفايه عليه. اوكي. نزلت غرفتي، لبست الكفارول الحجي، وجهزت نفسي، وقاعد مستني. الساعة 8، 9 بالليل، بدأت المطره والسفينة بدأت...

الحين أنتوا على المينا ولا ماشيين؟

لا، لا. في المرساه. ما دخلنا المينا. المينا قافله، لأنه المينا طردت كل السفن.

شرح لي أكثر مرساة؟

المرساة هذه منطقه أو بالإنجليزية يسموه الأنكور. تمام؟ الأنكر هذا عباره عن مرساة بترميها في البحر أو في بتوصل للقاع، بتمسك في الأرض القاع البحر بطريقه معينه، ترسوا السفينة عليها.

يصير تلف على الجنزير حقها، سلسلة عادية؟

بس طبعًا حجم السفينة وضف ثابته هذه في الأحوال الجويه الاعتياديه. لكن في إعصار لا، يمكن تثبت.

فأنت الخلاف بينك وبين القبطان، أنت بتقول له: ترى خل نحرك، خلينا نطلع البحر مفتوح.

أي.

إحنا ناكل العلقة حق الإعصار بره في البحر أفضل ما أننا ما نكون مسيطرين على السفينة والهواء والموج.

أنت خايف أنه الإعصار يجي وأنتم ثابتين واقفين؟

أي، ما إحنا ثابتين، إحنا نفضل قاعدين على المرساه. والبحر يودينا ويجيبنا براحته. لكن لما نكون إحنا معنا الماكينات في يدنا، ندخل بطريقه معينه وبزاويه معينه في الريح، نخفف الأضرار على السفينة وعلى البضاعه اللي معانا.

أم.

وعلى الناس اللي معانا.

إيش كان تبرير هذا؟ إيش كان؟

السفينة كبيرة و حتتحمل.

السفينة كبيرة وتتحمل. قلت له: اوكي. زي ما قلت لك، الساعة 8، 9 بالليل بدأت المطره، وأنا جاهز ومستني اتصال عشان أروح أرفع المرساه ونطلع بحر. فعلاً جاني الاتصال. أنا 10 سنين ونص على السفينة، عارفها أكثر ما أعرف بيتي. بدأ الإعصار والموج والهواء. البحار اللي في الوردية قالوا: سوري، إحنا ما حنطلع في الجو هذا. رحت ناديت البشريس اللي هو كبير البحاره. هذا الولد أو الرجل هذا، إحنا طلعنا مع بعض. كان نص بحري، أنا ضابط ثالث، سكند أوفيسر. هو صار بحري، أنا شيف أوفيسر. صار هو كبير بحاره. تطلع معاي؟ قال لي: معك ما يحل ما تروح. قال له: بس ترى هوا ومطره. قال لي: ما في مشكله. أنت حتروح، أنا حروح.

حسين تسحبوا مرساة؟

عشان نشغل الماطور أو الماكينه أو الهيدروليك. هذه ما هي شغله فنيه البحار المفروض يسووها.

لا، بس لازم معه ضابط يروح.

لأنه في قراءات وفي زوايا.

طب الضابط الثالث خليه لتحتك.

في الحاله اللي إحنا فيها لازم واحد خبير أو واحد كبير أو واحد قديم هو اللي يسحبه. المهم جينا نطلع ولا الهواء مو طبيعي. أنا أول ما خرجت راسي، النظاره اللي في عيني طارت، والهلمت اللي أنا لابسه طار. قول لك: روح بسرعه جيب سيفتي بيلت اللي هو حزام الأمان هذا لك واحد وربطنا نفسنا وشنكلنا بعضنا في بعض وطلعنا وصرنا يعني نحبي، زي اللي نحبي، نحبي نحبي الين ما وصلنا أول السفينة. أول ما وصلنا القيدومه حق السفينة ومقدمة السفينة، شفنا موج جبال. السفينة ارتفاعها من خط المويه تقريبًا في حدود 228 متر. السفينة تغطس، تغرف المويه وتعبي وتش في البحر. تغطس، تعبي وتعبي. قال له: كيف حنخش؟ قال لي: ما أدري. قال: أقول لك أني وقت. لأن إحنا في باب لازم نفتحه عشان يشغل البمب اللي حنسحب عليها الجنزير هذا، اللي هي الهيدروليك روم، إحنا نسميها. نوقف في الطلعة، نخش نفتح ونقفل البيبان، لأنه لو دخلت مويه في الباب ده ممكن تدخل مويه وتغرق السفينة. قال لي: خلاص، أول ما طلعت، قال لي: سير، ليتس جو. فتحنا تك تك، شغل، قفلنا الباب وتخبينا. نزلت السفينة، غرفت الموجه وطلعت. فكينا البريك وعشقنا الونش وصرنا ساحبين خلاص. لما ماسكين اليد حق السحب، ما نقدر نفكها، وأنا ماني قادر أروح أشوف اتجاه الجنزير فين رايح والدنيا ظلام. فسامع، شايف الجنزير بيطلع، طلع وبيطلع معه طين. يعني بدينا إيش نسحبه. كابتن، اديني سرعه خفيفه على يعني على الأمام، بغض النظر عن الاتجاه. بدأ يشغل الماكينات. بديت أحس أنه يطلع معاي أسرع، لأنه كان مشدود وبيجيني بشويش. فلما أداني سرعه، صار ما في عليه تنشن، ابتدى يجي معاي بسرعه. قال لي: كم شاكل؟ قلت له: أنا ماني شايف، الدنيا طين والدنيا ليل، ماني قادر أشوف. صار يسحب، يشد معاي شويه، أديني سرعه، أديني كذا شويه، أشوف الجنزير يميني، أغير اتجاه السفينة يساري، غير اتجاه السفينة. فجأة صار هدوء. الهدوء ده عين الإعصار. الهدوء ده عين الإعصار. فجأة ولا شيء، ولا مطر، ولا هواء، ولا موج، ولا أي شيء. صار يقول لي: بسرعة، الحق ساد. أنا ماني شايف. فجأة سمعت حاجة قالت: قبع. الخبطة هذه عرفت أنه المرساه دخلت في السفينة. اربط وكتف وحط الستوبر ومش عارف مين والبريك وده، خلاص كذا السفينة حره، تقدر تبحر. أنكر هوم يا كابتن، أول يورس. قال لي: كويكلي، ارجع. وإحنا بنقفل وبنطفي البمب حق الهيدروليك حق الـ هذا، إلا شويه أشوف كف والسفينة بدأت تغرف مويه. جينا نطلع، انسى الموضوع، لأنه بدأ يلف بالسفينة والسفينة صارت يمين وشمال، وصرنا شايفين المـ يعني لو سويت يدي كذا من الغرفة اللي أنا فيها، أمسك البحر. قفلنا الباب.

أنتوا برا ولا جوه؟

لا، لا. برا. إحنا برا.

فخلاص نبقى نرجع. قدامي أربعة ارتفاع كونتينر. وبيني وما بين المسار اللي أنا أقدر أرجع منه السكن، تقريبًا عرض أربعة، خمسة كونتينرات. الكونتينر الواحد تقريبًا مترين و60، مترين و20. فجأة لقيت نفسي برتفع من الأرض. أنا وزني كبير، ماني ماني رشيق. أقسم بالله العظيم لقيت نفسي برتفع من الأرض.

يعني بتطير؟

بطير. تمام. لقيت قدامي ريلينج، إحنا نسميه اللي هو درابزين. كفشت في الدرابزين هذا ورجولي بدأت تطلع من الأرض. البحري اللي معاي أدور عليه. الغرفة دي عشان أدخلها فيها عتبة، بعدين أدوس على العتبة، أقدر أخش الغرفة دي. حشر نفسه بوسطه ما بين العتبة وسطح السفينة، وصار متكرفس وماسك الحبل اللي ما بيني وما بينه، وأنا برتفع. صرت ماسك ومرتفع، برتفع. في فنت، ماصورة كذا جايه زي راس الوزه. حشرتها برجلي وماسك بإيدي، وأنا طاير. والراجل اللي معي ماسكني بالحبل هذا. طبعًا شريط حياتي كله قدامي. معلش، أنا بدمع، لأنه المنظر مرة كان مرعب. شريط حياتي كله قدامي. أهلي، أمي، أبوي، إخواني، عيالي. أنا حموت، أنا حموت فعليًا. وصار ماسكني، ماسكني، ماسكني، الين ما ربنا أراد أنه الكابتن يغير اتجاه السفينة، وصار عندنا مصدة هواء. يعني الهواء اللي إحنا فيه أو المعمعة اللي إحنا فيها مع ارتفاع الكونتينرات من الأجناب، فجأة راحت. فجأة سحبني ودخلنا الأوضة اللي كنا إيش نفتح ونطفي منها الطرمبات هذه، وقفلنا البيبان. وقبع قبع موج تحت يمين شمال. مال لقيت أنا برميل، وهو برميل. برميل حق الزيت هذه 200 لتر جوا. إحنا في الغرفة دحين.

والسفينة مبحرة تمام؟ بيطلع بحر خلاص؟

الرجال قرر أنه يطلع بحر. بحر مفتوح. ينادوا علينا طبعًا الغرفة مقفله، والمسافة والهواء، ما في سيجنال أن إحنا نقدر نتواصل مع بعض. المهم افتكرت أنه تحت في الغرفة هذه في راديو أو يسموه ساوند باور سيستم، اللي هو زي حق زمان اللي يشوفه في الأفلام الطيارات القديمة، سماعة الوين وتليفون أبو حلزون هذا. نزلت، سويت كذا. سمعوا فوق في غرفة القيادة: أنتم حيين؟ أيوه، إحنا حيين وقاعدين هنا لحد أنتم ما تيجوا تفتحونا الباب. يلا، مع السلامة. لا أكل، لا مويه، لا شرب، لا شيء. لأن إحنا ما إحنا يعني إحنا رايحين نسحب الأنكر حق السفينة ونرجع. يعني مسألة ساعة بكثير، مثلاً. قعدنا يوم ونص.

أوه.

وإحنا موجه تشيلنا، موجه تحطنا، موجه تحطنا، وموجه تشيلنا. وهواء، ونسمع أصوات غريبه، كونتينرات بتطيح، قربعه. فجأة دوف، فجأة دم، فجأة جميع الأصوات اللي تسمعها.

وتتخيلها في اليوم والنص هذا اللي احنا ما ندري الوقت كم قاعدين. انا وهو عباره عن لمبه شويه تشتغل وشويه تطفي مع قوه الهبد حق البحر، الين ما خلصت الاعصار هذا. خلص ودا جو صاروا يفكوا البيبان ينادوا علينا. اللي جايب بطانيه، اللي جايب اكل، اللي جايب مويه. طبعا خايفين علينا يعني ناس عايشين معهم سنين، احنا شغالين مع بعض. المهم طلعنا انا واللي معاي ده في قمه التعاسه، في قمه الالم العاطفي والنفسي والموشنالي وكل شيء. كل شيء كل شيء طالع في بعض. يبكي شويه وانا ابكي شويه، طالع في بعض. اصلي شويه وهو يصلي شويه. لا كانت ماساه ماساه.

خرجنا من الغرفه دي زي ما بقول لك تقريبا يوم ونص قعدنا. بالصدفه لقينا قاروره مويه ما ادري مين نسيها بالغلط. بس ان انا اخذ شفطه وهو ياخذ شفطه. بس ايش نبلبل لان ما معنا شيء. ما معنا شيء فعليا. وعدينا الحمد لله الاعصار هذا. كونتينرات طحت في المويه، تكسرت بضاعه ناس راحت. بس طبعا التامين يعوض ودا يعوض ودا يعوض. بس قررت انا بعدها ان انا اغير مسار حياتي واشوف شيء ثاني بديل. طبعا عيب الشغله هذه البديل قليل. بس ربنا كرمني وجاتني فرصه واخذتها وطورت نفسي فيها. والحمد لله طلعت من الاوفرسيز.

>> رحت للنفط >> رحت للنفط >> النفط ما في المخاطر هذ >> في بس مختلف. هو هي شغله خطر. انا ليش قلت لك الداخل مفقود والخارج مولود؟ لانه كله خطر. لان شغلتنا لو ما تخاطر >> ام >> ما تجيب الغنايم >> ما توصل >> ام >> لازم تخاطر. بس الخطر بحذر >> تجيب طار الوصيه تقول تكتب وصيتك قبل >> ايوه. انا كل رحله قبل ما اطلع من بيتي انا كاتب وصيتي >> ايش تكتب فيها ا يعني >> امور ماليه تكتب فيها >> ما عندي شيء يعني غنماتكم واحده قايمه وواحده نايمه يعني ما عندي شيء >> ولكن مثلا في بعض الامور يعني خلوا بالكم على كذا خلوا بالكم على كذا خلوا بالكم على كذا. بس هذا لما كانوا اولاد صغار. انا تزوجت بدري واولادي ما شاء الله كبروا معاي يعني >> فخلاص خلا مستمين يا بابا انت كل اسبوع تقول نفسك كلام هذا فخلاص حافظين الدرس يعني >> ما لازم يعني الاعمار بيد الله ما تدري متى الساعه كم صباح مساء مادري بامر الله سبحانه وتعالى >> الله يكتب لك طوله العمر ان شاء الله >> يا رب جميعا >> الله يعطيك العافيه شكرا على وقتك. ما ادري عمر عندك اضافه في شيء >> ايوه >> ام >> ام >> في سفينه لها ربانين >> واحد قدام واحد ورا >> لا ما صار يا را سفن الركاب الكروز لها كابتنين اثنين >> بشفتين >> لا كابتن مسؤول عن الابحار والصيانه للسفينه وكابتن مسؤول عن الانترتينمنت >> ام >> الضيافه واستقبال الناس >> بس ما بينهم تعارض >> كيف ما بينهم تعاون >> عفوا تعارض تعارض >> لا لا لانه هذا مسؤول عن السفينه وابحارها وصيانتها والطاقم حقه وهذا مسؤول. لان انت يعني مع احترامي الشديد الراكب بالنسبه لنا احنا في الصناعه البحريه انت كارجو انت ايش >> انت كارجو بضاعه لازم احافظ عليها >> انت سايح او انت راكب لكن انا بتعامل معك ماديا انت بالنسبه لي كارجو لازم احافظ عليها >> فكيف احافظ عليها لازم اهي لك الجو المناسب الطريقه المناسبه و و كيف اقدر اسيطر على الموضوع هذا لان زي ما قلت لك في سفن يوصل عدد البحاره فيها او الطاقم حقها الى 800 الى بني ادم >> ام >> مين اللي حيدير المنظومه هذه؟ هي زي فرقه موسيقيه مين قائد الاوركسترا اللي واقف اول واحد فلازم يكون كابتن ذو مواصفات معينه يقود هذه المسيره >> انت بدك تتقاعد؟ >> والله باقرب وقت ممكن >> خلاص تعبت >> بس كل ما افكر ان انا اتقاعد طيب انا راجل ولفت على البحر نسبه الادرينالين اللي انا في المصاعب اشوفها حافقدها ف >> ايش الخيارات اللي ممكن يعني الناس اللي وصلوا للكرير حقك انا اشتغلت في المكتب واشتغلت في شركات واشتغلت كذا واشتغلت كذا انا ما الاقي نفسي الا على السفينه >> امم >> ما الاقي نفسي الا وانا بادي اوامر يمين شمال على طول خفف سرعه انوي كذا اعمل كذا >> هل شخصيا بتاثر على البيت في القياده ها >> ها >> نزل الغداء ارفع الغداء صوت التلفزيون >> مواعيد >> اه >> ايوه انا عندي الوجبات مقدسه يعني انا فطوري الساعه 5سه الفجر >> اه >> غدايا الساعه 11 11 ونص ماكسيموم وعشايه من خمسه لخسه ونص >> اه >> اي لان هذا النظام اللي ماشيه عليه في البحر لما اجي البر مثلا اتازم اولادي مثلا >> احنا بنفطر الساعه 11 ون30 >> اي بالضبط اولادي مثلا في المدارس اجوا عبل ما يجوا الساعه 2ين الغداء >> العشاء مش قبل الساعه 89 بالليل انا الساعه 89 بالليل خلاص انا بفكر اخش انام ففي تعارض مصالح في الموضوع هذا فاضطر ان انا اعدل وان انا امشي على البيت لما ارجع على السفينه اضطر ان انا اعدل وارجع على نظام السفينه لانه الكابتن لازم يقعد مع الناس وقت الوجبه >> ام >> اه >> ايوه لان هي دي الوقت اللي انا بشوف الناس فيه لان وقت الدوامات كل واحد مشغول في دوامه ما لو شفتك معناته عندك حاجه >> يا ان انا جاي ا يعني عندك شيء انت طالبني فيه او انت جاي تشوفني عندك مشكله تبقى تنزل تبقى تختم ورقه تبغى تمضي ورقه فالتواصل ما بيني وما بين الطاقم اللي عندي وقت الوجبه يعني انا على سفينه الان فيها 88 بني ادم انكلودين ماي سلف يعني انا من ضمنهم فما بشوف ال 88 شخص هذول كل يوم الا وقت الوجبات في ناس اشوفهم الصباح لانهم يخشوا يرتاحوا او رايحين شغلهم وفي ناس اشوفهم وقت الغداء وفي ناس اشوفهم وقت العشاء فنظام عسكري بحت >> دحين جاي وقت العشاء يا ابو >> ما بدخرك >> الله يسعدك يا رب ان شاء الله >> يعطيك العافيه الله يعافيك الله يكرمك شكرا لكم جميعا ان

Get Our Mobile App

سفن مسكونة بالجن: قصة 30 عامًا في البحر | بودكاست بترولي

Transcription