هل تعاني من الضغط النفسي

في مسببات للضغط النفسي ماحدش بيتكلم عنها ممكن تخلي جهازك العصبي مشدود طول الوقت وتعبان نفسيا. هقول على 10 منهم وشوف كم واحده موجوده في حياتك.

أولا، لما أكون الشخص الوحيد المسؤول عن الحفاظ على السلم العام كله. من حقه يتخانق ويغلط ويكسر وانت ساكت وحكيم. شايل مسؤولية انك العائل الوحيد اللي بيقدر يتاقلم على ظروف الآخرين، وأحيانا دي بتكون الحاجه اللي مخليهم يتمادوا.

ثاني حاجه، لو عايش تايه بلا وجهه او هدف واضح. السبب بيخلينا نتحمل حتى لو شغال في مكان سام، لكن عارف انك هنا هتعمل خبره سنتين وتتحرك. ده بيخليك تقدر تكمل. أما غياب السبب وانك تكون مش عارف انا هنا بعمل ايه ولغايه امتى، يخليك حتى لو في أفضل حال مش مرتاح.

ثلاثه، الكبت. مواقف مع أصحاب، مع المدير، وانت عمال تشيل جواك ومش بتعبر عن مشاعرك. يمكن علشان مش عايز تعمل مشاكل، لكن مع الوقت ده بيوصلك للانهيار. الحكمه انك تقدر توصل للي انت عايزه وتقول اللي في نفسك، لكن بكل ادب.

أربعة، لو ما عندكش روتين ثابت كل يوم. مش عارف اروح شغلي ازاي، اكلم زمايل اشوف لو رايحين اروح معاهم، هلبس ايه، هنزل الساعه كام. في ظاهره اسمها الديسيجن فتيج (ارهاق القرارات). عدم وجود ثوابت في يومك وكتر الحيره في القرارات الصغيره يرهق مخك.

خمسه، لما الواحد يتقرص من لسانه ويوافق على خروجات او مشاوير هو مش قدها، وتلتزم التزامات كان ممكن عادي جدا تكنسلها. وده يخليك دايما في حالة سباق، بتحاول تلاحق، حاسس انك متاخر من شغل لمشاوير لمواعيد. أحيانا احنا بنسحم يومنا وبنضغط نفسنا بنفسنا.

سته، انت لو ما بتعرفش تعبر عن احتياجاتك. شايف ان الناس المفروض تفهم انت عايز ايه، ولما ما يفهموش تزعل. انت ما فهمتش لوحدك ليه؟ التعبير والتواصل من أهم المهارات اللي تساعدك على تصريف الضغط النفسي من جواك.

سبعه، انك دايما متاح للمكتب. مش بتشتغل لا، مجرد ما عرفتك انك ممكن في أي لحظه حد يكلمك وانك لازم تكون متاح وترد. ده بيلغي شعور الأمان والاستقرار بتاع "انا خلاص بقى في وقت راحتي افك بقى". يخليك مشدود كانك ما سبتش المكتب.

ثمانيه، لما تكون كل هويتك مبنيه فقط على أدائك في الشغل. ما عنديش أي حاجه ثانيه لا أصدقاء لا أسره لا حياه اجتماعيه. ده يخلي أي خبر صغير او ارتباك في الشغل يقلب كيانك ويضغطك كان العالم هينتهي.

تسعه، الحاجات الصغيره اللي بنقول هنعملها دلوقتي ونركنها. ابقى محتاج ابعت الايميل ده، وارد على الرساله دي، واكلم والدي. كلها حاجات صغيره ممكن تخلص في دقيقتين، لكن نسيبها تتراكم لحد ما تتحول لتاسك كبير يضغطنا طول اليوم.

وأخيرا، الطموح. لو الفجوه بقت كبيره قوي بين الواقع الشخص اللي انا عليه دلوقتي والشخص اللي انا بتمنى.