Transcription
ليش استخدمت الأخشاب البحرينية بالذات؟ لأن ألوانها جميلة، وهي تكون مؤرخة، لأن تعرف من وين انقطعت هذه الأخشاب. وفنان بحريني اللي مشتغل فيها، وقطعة بحرينية، فتكون لها قيمة أكبر من أي قطعة آخذها في السوق. كل قطعة فنية يقدمها الفنان هي تعتبر قريبة من القلب وتعتبر قطعة من الفنان نفسه، فهذه تكون قطعة ثمينة جداً بالنسبة لي.
[موسيقى] [تصفيق] [موسيقى]
بسم الله الرحمن الرحيم. طبعاً معكم عبد الله الحايكي، فنان تشكيلي ونحات بحريني. كنت في مجال الرسم وحالياً دخلت في مجال النحت. طبعاً رحلتي في مجال الفن بدت في الرسم، بديت أرسم من البيت وحبيت الشغلات نفس المجسمات البسيطة هذه. المجسمات تعلمتها من الوالدة، كانت تسوي بالطين شغلات فنية بالصلصال، فحبيت الشغلات الملموسة أكثر من ما تكون رسم.
نحت على الرمال، نحت على الفلين، على الجبس، نحت على الرخام والخشب. استقريت في الخشب لأن هي خامة موجودة عندنا في الوطن. بالنسبة على النحت على الرخام، الرخام أشارك في مشاركات دولية مثل سلطنة عمان، أشارك في مخيم النحاتين. النحت على الرخام سنوياً يوفرون لنا القطعة البلوك الرخام من البيئة نفسها ونشتغل فيها. أنا حبيت أشتغل في الخامة اللي موجودة في البيئة اللي هي الخشب من أشجار مملكة البحرين.
المجالات في الفن اللي دخلت فيها اللي هو الرسم، النحت، الورش نقدم ورش كذلك في نفس هذه المجال. حبيت أكثر شيء اللي هو النحت على الخشب. فبالنسبة عن الخشب، الخشب اللي استخدمه. ليش استخدمت الأخشاب البحرينية بالذات؟ لأن ألوانها جميلة وهي تكون مؤرخة، لأن تعرف من وين انقطعت هذه الأخشاب. ثاني شيء تعرف عمر الأخشاب هذه، فانت تشتغل في قطعة فنية تعرف مصدرها وين من بلدك، وثاني شيء تعرف تاريخها وعمرها إيش كثر. وفنان بحريني اللي مشتغل فيها، وقطعة بحرينية، فتكون لها قيمة أكبر من أي قطعة تاخذها في السوق.
طبعاً المواقع اللي يصدر منها الإلهام في بالنسبة لي اللي هي عندي في الورشة. الورشة اللي هي في مزرعة بسيطة أجمع فيها الأخشاب المحلية، فمجرد بس أروح وأشوف لهذه القطع، أشوف الجذع هو طبيعي مثل ما هو، وبس ينرسم لي أي تشكيلة أستلهم منها هذه القطعة الفنية الموجودة. ثاني شيء الموقع الثاني اللي هو أنا. أنا أحب التراث، التراث المحلي والبحريني، فأروح مسار اللولو. مسار اللولو في حرق، ما شاء الله نشوف المباني الأثرية والتراثية البحرينية، فمنها يعني أستلهم هذه لوحات الفنية اللي أرسمها، سواء كانت نحت على الخشب أو لوحات أنفذها بالرسم على القهوة وغيره. أعكس فني في تراث الوطن هو باستخدام الخامة المحلية البحرينية، شلون أنفذها في أعمالي الفنية.
فعندي بعض القطع الفنية اللي نفذتها من الخشب المحلي البحريني، تراث بحريني في القطعة نفسها كمبنى أثري، بالإضافة إلى اللولو البحري مثلاً أو الفضة كصاي بحريني يصيغها، فتكون القطعة ثمينة. استخدام فيها الأخشاب المحلية، الفنان بحريني، اللولو بحريني، فتكون قطعة أو هدية الواحد يقتنيها تكون ثمينة جداً. فهذا أغلب الأعمال الفنية والثمينة اللي أقدمها من خامة هذا الوطن، مثل بعض المنحوتات أو بعض العصي اللي أنفذها. أضيف فيهم مكان راس الحصان، إكسسوارات بالفضة، الصياغة البحرينية واللولو بيكون في مكان العين. فهذا بعض الأعمال اللي أنفذها. هو أهمية اللولو البحري، ليش استخدمت اللولو؟ عشان تكون القطعة، لأن أنا استخدمت فيها الخشب البحري. فإذا كان اللولو فيها، فكذلك هذه الجوهرة من من تراب هذا الوطن، فتكون القطعة ثمينة جداً.
طبعاً نقطة التحول في مسيرتي الفنية هي بدايتي من اتجهت وضربت فوكس في عالم الخشب. طبعاً كنت فنان ما شاء الله في جميع المجالات، لكن حلو تتميز في ركن معين، تضرب فوكس في جهة معينة، فهني راح تبدع أكثر وراح تكون لك خطوة تحولك إلى الأفضل. فمن دخلت مجال الخشب الحمد لله وركزت في مجال معين، هني شفت التحول وشفت النجاحات الحمد لله. ونتمنى كل شخص أنه يضرب فوكس في مصدر أو فوكس معين بدل ما يتشتت في أمور وايد. في مجال الرسم، عالم الفن كبير وكثير، وكل قطعة تدخلك في مجال وبحر كبير، لكن حلو أن تضرب فوكس في جهة معينة عشان تبدع أكثر.
كل قطعة فنية يقدم الفنان هي تعتبر قريبة من القلب وتعتبر قطعة من الفنان نفسه. يعني أنا قدمت قطعة فنية كني معطي قطعة من من عندي أو مني، فهذه تكون قطعة ثمينة جداً بالنسبة لي. في مجالي هذا مو شرط أني كنت مجال تجاري، لا، يكون مجال فني أكثر، لأن القطعة تكون ثمينة بيد فنان بحريني. أول قطعة في نفذتها بالخشب أو نحتها هي عندي لازالت قطعة بسيطة صغيرة، لأن كانت أول تجربة لي في النحت على الخشب والحمد لله. فظلت عندي الحين محافظ فيها في الورشة. ناس وايد يغنونها ولكن حبيت أسوي عليها بس قوالب وهديتها، ولكن هي القطعة الأصلية موجودة عندي. هذه تعتبر قطعة ثمينة جداً لأن أول نسخة نفذتها بالخشب.
الطين اللي نفذتها هي عبارة عن جدار تراثي في روشنة محفور وشلون الحص اللي طالع في الصخر يبين مل الحوت من الخشب وفي نفس الجرة. فهذه كانت أول قطعة وشلون حفرتها. أتذكر لحين التفاصيل شلون كنت أنحت. كانت أول تجربة. الحين الحمد لله مع التجارب عرفت شلون المجال، شلون تنحت، شلون مسكتك للأزميل مال النحت وتطرق. قبل ما كنت أعرف هذا الشيء. شوي شوي مع الممارسة الحمد لله وصلت إلى مرحلة أن يعني نقدر نفيد في الأجيال القادمة إن شاء الله.
طبعاً أهمية الأغلاط اللي نفذتها ممكن ما أحب أن أحد يكررها أو عشان ما تصيد أحد ثاني في هذا المجال. اللي هو ضربة الأزميل المفروض ما تكون مع تجاه الألياف، تكون عكس الألياف عشان تقطع. أن ممكن وأنا أطق الأزميل مع الألياف هذه كلها بين شال وبين شلخ. فاثناء قطعك للأزميل عكس الألياف، الألياف بتكون عكس، فـ أيزي وبين شال بكل سهولة. فهذه أول نقطة. النقطة الثانية بعد ما أخلص مثلاً القطعة وزيتها، لازم أفنش اللي هو الأرقام عندنا على الأقل ثلاثة أرقام اللي هو من 60 أو 80، 120 إلى 220. وبعدها أزيدها بالزيوت الطبيعية، بيطلع لك اللون طبيعي مال القطعة نفسها. أنا بالنسبة لي يعني ما أحب أصبغ القطعة الفنية، فقط أزيدها بزيوت طبيعية يطلع لونها الطبيعي.
أثناء تحضيري لعمل فني، خلينا نتحدث مثلاً آخر مرحلة اشتغلت فيها اللي هو العصي. أشوف مثلاً شلون أفيد فيها، يعني أسوي قطعة فنية يقتنيها الشخص ويستفيد منها المقتني كذلك والمجتمع يستفيد من هذه القطعة، وهي من الأخشاب المحلية اللي عندك اللي ممكن كانت أن تنرم أو تنقط أو تنحرق، شلون تحولها إلى قطعة ثمينة. فاتجهت إلى مجال العصي. شفت الأخشاب اللي عندي مثلاً في الورشة، شرفهم واشتغلت عليهم، سويتهم عصي. نفذت طريقة العصي، حبيت أضيف فيهم لمسات فنية مثل شكل راس الحصان. طبعاً في بعض الأشكال اللي أنا أذاها من غير تفاصيل، مجرد تجرد، وفي بعض الأشكال شوي أضيف فيها بعض التفاصيل. وهذه بعض الأفكار اللي حبيت أفيد فيها. ممكن المقتني اللي يقتني هذا العمل الفني تكون قطعة يستخدمها في المشي وقطعة زينة وقطعة على قولتهم أنه تستفيدون منها بدل ما تنقط وتنحرق.
[موسيقى] [موسيقى]
طبعاً شلون بديت أرسم بالقهوة؟ في البداية عن بترسم قاعد تستلهم العمل قدامك، فخلي اللوحة على الاستند وعندك بقايا الماي اللي في مال البروشات، فارسم فيه السكتش. مجرد أسوي السكتش، كان عندي كوب قهوة وفي بقايا شوي وماي، ما عندي تـ مبدي في اللوحة، فابتدا بهذه السكتش اللي هو بقايا القهوة ورسمت فيه السكتش وسويته كان كبداية نفس السكتش فقط. وشفت الألوان جميلة عقب ما جف، وقلت ليش ما أرسم اللوحة كلها بالقهوة؟ والحمد لله بديت في هذا المجال ورسمته والحمد لله. وشفت ما شاء الله فنانين وايد من البحرين وخارج البحرين يرسمون في هذا المجال، ودخلنا ورش بعد كثيرة مع بعض الأساتذة والحمد لله رب العالمين. فهذه بعض النتائج عندنا الرسم بالقهوة. حبيت الألوان الترابية، فحسيت أن هي كلها من بيئة واحدة، أن الرسم بالحرق على الخشب عندي، الرسم بالقهوة، وكذلك الخشب، فكلها صايرة بيئة واحدة، ألوان ترابية مناسبة في المحل. فهذه الأعمال الفنية اللي أعرضها كلها ألوان ترابية.
طبعاً عندي الرسمة هذه اللي موجودة في المحل، هذه مسجد الخميس أو مسجد المنارتين. نفذتها بالقهوة وضفت فيها اللي هو التك بالورق الذهب، يعني عشان يكون يكسر شوي من بعض اللوحات اللي أنفذها. حبيت أنها تتميز كمسجد، ضفت فيه من هذه الروحانية اللي هو ورق الذهب. شغفت تج الخشب. الخشب عالم، والخشب مثل ما ذكرت لكم أن ليش استخدمت الأخشاب اللي المحلية. طبعاً متوفرة في السوق الأخشاب الباقي في المحلات يبيعونها، فـ اشتغلت في الخشب المستورد واشتغلت في الخشب المحلي. ليش فضلت الخشب المحلي؟ لأنه مؤرخ، أعرفه، رخه، أعرف من وين انقطع، من وين كم عمره، تكون قيمة يعني وايد كبيرة حق القطعة لأنه مؤرخة. ثاني شيء أن هذه القطعة من بلدك، فبتكون ثمينة. إذا نروح للخشب المستورد، الخشب المستورد بالعكس بيكون متوفر، بتشتري القطعة جاهزة وجافة بارزة للعمل. بما أن الخشب المحلي، أنت من تقطع الشجرة تنتظرها أقل شي تجف سنة إذا ما عندك جهاز التجفيف، تخليها في مكان ما تتعرض للشمس، تشرح الخشب عقب ما تتأكد من أنه جافة القطعة وصالحة للعمل، تبدي فيها تشتغل، لأن إذا كانت رطبة وتشتغل فيها بتتبدل مقاساتها، بتنع عليك. فتتأكد من جفاف القطعة وتبدأ فيها كعمل فني وتنفذها. في مراحل وايد تمر فيها إذا بتقص من الشيرة كامله. الخشب المستورد لا، بتاخذه جاهز وعلى طول بتشتغل فيه، بتختصر عليك الوقت. فـ فـ أنت بالنسبة لك شنو اللي تحب؟ أنا بالنسبة لي أحب أتعب على القطعة، أعرف تاريخها وأعرف مصدرها من وين، وعشان تكون لها قيمة أكبر.
ما شاء الله من زمان كنا نشارك في محافل فنية وايد في البحرين. من هـ الإيفنتات اللي أنا أقدمها مثلاً، آخر شي آخر فترة سويت إيفنت يوم الخشب العالمي، اللي هو تجمع للنحاتين الخليجيين من دول التعاون، كانوا يتجمعون ونشتغل في المزرعة عندي على الأخشاب المحلية. فكل شخص، كل نحات وايب أدواته، وأوفر الأدوات اللي حق القطع ونشتغل على الأخشاب المحلية، نطلع منها أعمال فنية ونشارك فيها في معارض. هذه كانت سنوية أسويها إلى هذه السنة، السنة السابعة نفذناها في مملكة البحرين والحمد لله في إقبال ومشاركين وايد ويحبون يشاركون وتشوفون ويقتلون هذا الأعمال لأنها من خشب محلي. هذا اللي هو المشاركات المحلية والمبادرات والشغلات اللي نسويها في البحرين.
طبعاً المشاركات الدولية اللي شاركتها، آخر مشاركات كانت سنوية. أحب أشارك في هذا المخيم اللي هو مخيم النحاتين الدولي في سلطنة عمان، اللي هو يقطعون لنا من الجبل الرخام العماني الحجم اللي الفنان يطلبه وتنحت فيه باستخدام الأدوات التقليدية والأدوات الحديثة. فهذه يعني حبيت أنه أشتغل فيها لأن من خامة الوطن نفسه، خامة سلطنة عمان. أحب لأن أزور وطن كفنان أن أقتني عمل فني من الوطن نفسه أو أقدم عمل وأترك بصمة باستخدام الخامات المحلية. فهذا العمل في سلطنة عمان، مثل ما أشتغل في الخامات اللي عندنا في مملكة البحر اللي هي الأخشاب والخامات اللي موجودة.
هذه تجاربي في سلطنة عمان. المشاركات الثانية شاركنا في كمبوديا، في النمسا، في لوس، من ضمن أحداث يوم الخشب العالمي اللي نشارك فيه دولياً نحاتين عالميين. فنتبادل الخبرات من النحاتين اللي موجودين. أشوف هذا النحات، هذا النحات يأخذ من عندي معلومات وأنا أستفيد منه. فهذا التجمع جداً مهم، حتى لو ما اشتغلنا إحنا كفنانين، لكن ما بالك إذا اشتغلنا واجتمعنا في مقر واحد، كل واحد يشوف أعمال وابداعات الآخر. فهذه مشاركاتنا اللي شاركنا فيها الدولية.
فمن ضمن الجوائز اللي حصلت عليها من يوم الخشب العالمي ومن والمحلية، فـ في جوائز وايد كثير الحمد لله، منها يوم الخشب العالمي، معرض ميكر فير اللي كان في دبي حصلت اللي هو الشريطة من أفضل نحاتين وأفضل الحرفيين. فـ في جوائز كثيرة هناك.
الدعم الأكبر في مسيرتي الفنية اللي ما ننكرها طبعاً اللي هو دعم الوالدين، توفير البيئة، الموقع اللي كنت أشتغل فيه كبداية، الخامات اللي علمني إياها الوالد مثلاً أو ترك لي المساحة اللي أشتغل فيها. فهذا الدعم الأكبر بالنسبة لي، وكذلك الوالدة يوم علمتني النحت بالطين. فهذا الدعم الأكبر. الوالدين يعني ما في أكبر من هذا الدعم. والدعم أن إحنا في مملكة البحرين اللي دائماً وأبداً يعني يدعمونك في ويشجعونك أنت كفنان بحريني وتستخدم الخامات المحلية. والحمد لله رب العالمين، تعاون بين المؤسسات الحكومية مثل بلدية البلديات يوفرون لنا الأخشاب، أشاب المحلية إذا انقطعت بعض القطع مثلاً، فـ في تعاون بينهم. هذه القطعة قطعناها المكان فلان وشي، وناخذها نحولها إلى أعمال فنية. وكذلك مشاركات في المعارض ضمن هذه المؤسسات الحكومية يوفرون لنا مساحات ونعرض فيها شنو إحنا ممكن نوفر من هذه الأخشاب. فهذه بعض الدعم اللي تقدمه الحكومة للفنان البحريني.
إن شاء الله قريباً راح يكون في تجمع للنحاتين. هو من وين تستلهم هذه الأعمال أو الأفكار الفنية؟ لين تتجمع مع بعض النحاتين والفنانين اللي من نفس المجال، كل واحد يعطيك فكرة. مجرد بس تجمعكم، فان شاء الله راح يكون في تجمع قريباً وترقبوا الإبداعات من جميع المبدعين.
طبعاً نصيحة للأجيال القادمة واللي حابة هذا المجال وحابة تدخل وبس مستحية أو شيء، لأن مرينا في هذه المرحلة، فـ تقط روح وتي وتبادر، وإن شاء الله راح تحصل النتيجة الزينة إن شاء الله. فعندنا تجمع يوم الخشب العالمي اللي سنوياً قاعدين نسويه، ومو شرط بس هذا التجمع. أي تجمع فني، أنت إذا حاب هذا المجال فروح أقبل عليه، وإن شاء الله ما بقصر وياك يعني. للاهتمام وبتحصل كل الاهتمام وبتحصل النتيجة إن شاء الله اللي ترضيك، بتطلع بنتيجة زينة. فعندي بعض النماذج من العام مثلاً يشاركون كانوا مستحين، فـ بد عطيناهم بعض القطع وبدوا عطيته وامسك وكذا. فما أقول لك أن أنا اللي علمته وأنا اللي قلت لك أسوي، لا، أنت بروحك هذه جهودك أنت اللي أيّت وبادرت، فأنت اللي تعلمت بروحك. إحنا مجرد نوجهك على الأشياء الصح اللي نعرفها ونقول لك هذه الأشياء الخطأ، وهذه جهودك وأنت اللي طلعت فيها. فـ إحنا نكون يعني خدام لكم أن نعلمكم في هـ المجال وما نقول أن إحنا علمناكم، هذه جهودكم الشخصية. وحياكم الله، ولا أحد يتردد في يعني أنه يتعلم في هذا المجال أو أي مجال فني، وإحنا في خدمتكم.
رسالتي للعالم من خلال الأعمال الفنية اللي نقدمها أنه شلون نستخدم الخامات اللي مو شرط الخشب، أي خامة مثلاً موجودة راح تنقط أو شيء، شلون أحولها إلى عمل فني ممكن أي شخص يقتني يكون يكون له قيمة كبيرة. مثلاً في مجالي اللي هو الأخشاب اللي تنقط، شلون أحولها إلى عمل فني وقيم لكل شخص يتمنى أنه يقتني. فهذه رسالتي الـ يعني المجتمع أنه يستخدم هذه الأعمال أو هذه الخامات في أعمال فنية.
لو كانت حياتي عبارة عن حلقة ومسلسل، الاسم راح يكون من الأجداد إلى الأحفاد إن شاء الله. يعني مثل ما أخذت هذه الحرفة من أجدادي ومن آبائي وخذوها عيالي، فاصل إلى أحفادي وعيالي. يعني مثل ما طورتها كذلك يعني أضيف فيها التطوير. فهذا الاسم.
[موسيقى] باختصار نـ [موسيقى]