عمرو أديب يكشف أسرار وتفاصيل وفاة ضياء العوضي .. حقائق صادمة لأول مرة

البرنامج بتاع الطيبات تاكل ايه وما تاكلش ايه؟ الأول كان بيقولوا كلوا بيض، في الآخر قال ما تاكلوش بيض. كلوا فراخ، ما تاكلوش فراخ. كل هذه الأمور وتابعنا خلافه الطبي وشطبه من نقابة الأطباء. كل هذه الأشياء والفراخ ناكلها ولا ما ناكلهاش؟ إيه اللي مشكلة في الفرخة؟ إيه اللي مشكلة في الجنين بتاع كل حاجة؟ البيضا جواها إيه؟ كل ده أنا ما بفهمش فيه خلاص.

مش ده الموضوع. هذا الرجل قد وجد ميتاً في دبي. مات إزاي؟ ما حدش واقف عند النقطة دي. ما زالوا لغاية دلوقتي يطلع واحد يقول لك إيه: "أنا جربت البرنامج بتاع دكتور ضياء وبصراحة ما خسيتش خالص. أنا أخدت الوصفة بتاعته ودفعت 3000 جنيه وما أكلتش بيض وحياتي مش عارف إيه." أحد المطربين الكبار طلع: "أنا جربت البرنامج بتاع الدكتور مصطفى بتاع الدكتور ضياء ده وبقالي سنة وزي الفل." الراجل مات. الراجل وهو في سن صغيرة مات. مات إزاي؟ إيه سبب وفاته؟ موضوع إن حضرتك تاخد البرنامج ما تاخدوش. وبعدين لقيت ناس طالعة تقول لك إيه؟ تقول لك: "وايه يعني يا جماعة؟ ما تبطل دوا سكر." يعني إيه أبطل دوا السكر؟ ما أجرب إزاي؟ ما تبطل دوا الضغط؟ يا نهار أسود! مش ده الموضوع. إحنا بنسأل كيف توفى رجل. موضوع بقى إن انت تقرر ده مش اختيارات. في دكتور تسأله. الدكتور بتاع السكر بتاعك. الدكتور بتاع الضغط بتاعك. معانا الأستاذ مصطفى مجدي محامي الدكتور ضياء العوضي. أهلاً بيك يا فندم.

أهلاً بيك يا فندم.

الله يرحمه. كيف توفى؟

والله يا عمري، إحنا لو نعرف ما كناش فتحنا تحقيق. يعني إحنا لما قدمنا طلب للنيابة العامة وطلبنا فتح تحقيق عاجل في مصر وتشريح الجثة وطلبنا تفريغ كاميرات والاطلاع على التحقيقات وصورة من تاريخ الطب الشرعي الصادر من دبي. فهو ده اللغز اللي إحنا بندور عليه. كيف توفى؟

لا، التقرير اللي جاي من دبي ودول ناس عندهم طب متقدم وناس محترمين وبلد الأمن والأمان. قالوا هو توفى إزاي؟

قالوا إن الوفاة طبيعية وما فيش كلمة ثاني زيادة. التقرير اللي جه وأنا معايا صورة منه قال إن الوفاة طبيعية. بس حصلت إمتى؟ يوم 14.

أيوه.

إحنا عندنا.

يعني ونعمة بالله.

كل الوفيات ممكن تبقى طبيعية. مات ليه؟

أنا أنا أنا طبعاً مؤمن بالله زي حضرتك بالظبط وعارفين إن ممكن الوفاة تكون طبيعية. ولكن أنا عندي سر الاختفاء. هو ده المشكلة. هو ده اللي إحنا بندور عليه. هو كان فين من يوم 12 لحد يوم 19 من وقت ما أبلغنا. وبعدين يا فندم دلوقتي أنا عندي تساؤل عايز أقوله غريب جداً. النهارده لو هو فعلاً مات في الفندق زي ما الدنيا كلها بتقول. المفروض إن الفندق معاه بيانات العميل طبيعي. لو دخلوا ووجدوا إن هناك شخص متوفي بيبلغوا الشرطة والشرطة بتعمل تحقيقاتها. بعد كده بيبلغوا السفارة.

أيوه.

الموضوع ده ياخد يوم ولا اتنين ولا تلاتة ولا أربعة ولا عشرة. حضرتك هو لو فعلاً صح من يوم 14. إحنا أبلغنا يوم 19. يعني خمس أيام والكلام ده ما حصلش غير لما إحنا طلبنا التدخل الخارجية.

أيوه.

ده السر اللي إحنا بنبحث عليه. ده السر اللي إحنا بنبحث عليه.

يعني الراجل ده قعد ميت في الأوضة قد إيه؟

على كلامهم 48 ساعة.

آه. اللي هو ما حدش فتح عليه يعني افتكر إن هو نايم.

على كلامهم 48 ساعة. ولكن إحنا اللي عندنا تمام. إحنا المفروض إن هو مختفي من يوم 12. ظهر لنا يوم 19. فالفترة دي كلها مبهمة عندنا. فلو سلمت فعلاً بصحة الأمر اللي هم بيقولوا عليه إن فعلاً مات يوم 14 وإن هو الوفاة طبيعية من 48 سنة. يعني يوم 12. يعني من يوم ما دخل لي يوم ما مات. الكلام ده فيه أقاويل كتيرة جداً. لأن إحنا حضرتك أنا واحد من الناس الدكتور ضياء تحدث معايا عبر الهاتف لمدة 10 دقائق في نفس اليوم. يوم 12. الساعة كام؟ الساعة 3:00.

بالليل يا فندم.

ف هو يوم 12 ده كان عايش.

كان عايش.

الأسئلة اللي عندي دي كلها ما لقيتلهاش أجوبة. فتوجهت للنائب العام وقدمت البلاغ بتاعي وفتحنا تحقيق. وبالفعل تاني يوم. تاني يوم قدمنا البلاغ وابلغنا إن إحنا عندنا جلسة تحقيق عاجلة وقعدنا في التحقيق ده يعني ساعات كتيرة لدرجة إن إحنا روحنا مثلاً الساعة 4:30 الفجر. أول يوم وتاني يوم صدر قرار من النائب العام باستخراج الجثمان وتشريح. مع العلم إن أنا في طلباتي قلت والله أنا مؤمن ومحدش الله. لو الوفاة طبيعية ما عنديش مشاكل. ولو تم الرد على الأسئلة بتاعتي إن هو كان متوفى من يوم 12 ليوم 14 على كلامهم. وعرفنا الوقت ده هو كان فين. الكام دول الغموض فيهم فين. ما عنديش مشاكل إن أنا مش عايز أستخرج الجثمان. ولكن طبعاً لأن ما عندناش أي ورق ولا أي صورة من تحقيقات. فكان قرار حكيم جداً من السيد النائب العام باستخراج الجثمان وإعادة تشريحه مرة أخرى ثم دفنه. وبالفعل ده حصل امبارح وتوجهنا للنبي بالبيسر وتم استخراج الجثمان وتشريحه على المقابر ثم دفناه مرة أخرى.

طب النتيجة ليها أي في نتيجة؟

طبعاً النتيجة طبعاً ما بتظهرش دلوقتي. الطب الشرعي طبعاً ياخد وقته. لأن إحنا عندنا برض الطب الشرعي من أحسن الدكاترة اللي موجودة في العالم كله. وإحنا إحنا نسخ فيها ثقة عمياء. وهم يقولوا لنا سبب الوفاة الحقيقي إن شاء الله.

طب هو كان عنده أي مشاكل أي خلاف غير الخلافات اللي هي بتاعة البيض والفراخ والكلام ده؟ هل خلافات مع؟ هل قال لك أنا خايف من حد أي حاجة؟

لا لا خالص. بالعكس. يعني هو بس كل خلافه كان في موضوع البرنامج بتاعه. وده مش محور الكلام بتاعنا.

طب هو راح دبي ليه؟

كان رايح استضافة من صديقه دكتور. والمفروض على حد كلام كلام الدكتور. ولا حد كلام دكتور دقيقة برضه. إن الدكتور ده كان معالج زوجة الدكتور. إن مرض كان مستعصي بالنسبة لناس كتيرة جداً. وكان السبب.

هو الدكتور ضياء ده اللي إحنا بنشوف الفيديو بتاعه ولا غيره؟

هو الدكتور ضياء عادل.

آه. فهو كان رايح في ضيافة الدكتور زياد.

آه. وللعلم برضه يا ريس. هو المفروض إن هو كان مسافر يوم 26/2 والحجز التذكرة بتاعته الرجوع 2/3. يعني كان ماشي أربع أيام بس.

كان ماشي أربع أيام بس وراجع؟

وراجع. حصلت الحرب وحصل القصف في الإمارات. الأمور اتعطلت شوية. وقع.

طب انت كلمت الدكتور زياد بعد وفاته أو أي حاجة أي معلومات الدكتور زياد قالها؟

والله يا ريس بقى يعني نظر لسرية التحقيقات. ف أنا بسمعك إن أنا مش هقدر أرد على السؤال.

انت عندك شك إن الراجل ده توفى لأسباب غير طبيعية؟

عندي شك. اللي ما كنتش عملت اللي عملته ده كله.

طب جبت الشك منين؟ انت قلت لي مالوش أعداء مالوش؟ هل؟

لا أنا أنا أنا ما شكيتش في حد معين وما شكيتش في شخص وما شكيتش في جهة معينة. ولكن أنا زي ما قلت لحضرتك أنا الغموض اللي موجود عندي والتساؤلات اللي أنا مش لاقي لها أجوبة هي اللي بتخليني بحاول جاهداً ألاقي لها أجوبة عشان أوصل للحقيقة. هل في النهاية تكون وفاة طبيعية ويبرروا لنا إن فعلاً دكتور ضياء كان موجود في في الفندق وأرسل حالة طبيعية جداً وما فيش حد دخل عليه وما فيش حد قدم له أي حاجة وفي الآخر وفاة طبيعية. هسلم وأقول شكراً. الحكومة المصرية والسلطات الإماراتية عملت اللي عليها والموضوع اتقفل. لو ما فيش أجوبة ده فطبيعي طبيعي طبيعي إن الموضوع مش هيتقفل.

هو كان كحجز كام يوم في الفندق ده؟

الفندق ده كان حاجز يومين اثنين بس. من يوم 12 ليوم 14.

أم. طيب هم في الأخوة في دبي واحنا يعني يبقى بنثق في الأمن والأمان والأوتيلات والفنادق في دبي وكل شيء. على أي أساس قالوا إن الوفاة طبيعية؟ هل شرحوا الجثة؟ هل كشفوا عليها؟ هل أي شيء؟ ولا ما تعرفش؟

الجثة شرحت. إحنا استخرجنا جثمانه وشرح.

هم شرحوها هناك؟

آه طبعاً.

وقالوا إن الوفاة طبيعية؟

آه.

ورغم ذلك عندك شك؟

عندي شك. وقلت لحضرتك الشك ده يعني إيه أسبابه.

هو كان عنده كام سنة؟

كان عنده 47 سنة.

هل كان عنده أي أمراض مزمنة أي شيء؟ ده دكتور المفروض يعني.

اطلاقاً. اطلاقاً. ما كانش بيعاني من أي مرض مزمن. بس.

طب أي حد يعني واستحملني. أي حد منعنا دلوقتي يقول لا ده المحامي بيعمل ضوشة عشان ترند وعشان شهرة. أخره ترد على ده تقول إيه؟ اتفضل.

لا فارق. لا فارق معايا ترند ولا فارق معايا ضوشة. أنا دلوقتي لما بكلم حضرتك بكلم حضرتك بالعقل والمنطق. ولو انت شايف إن أنا الكلام اللي أنا بقوله ده ما فيهوش عقل ومنطق. أقنعني وأنا هسكت.

لا. إحنا كلنا عندنا تساؤلات على فكرة. كلنا في حالة اندهاش.

يعني أنا أنا لسه كنت بقول قبل ما حضرتك تدخل إن إحنا مش واقفين عند نظام الطيبات. يعني يعني نظام الطيبات آه ده موضوع تاني ومش ده الموضوع حديثنا. مش ده حديثنا. إحنا حديثنا كله على وفاة مواطن خارج القطر المصري وبالتالي التحقيق تم فيه. هو ده اللي أنا بتكلم فيه. ماليش علاقة خالص بقى مين مع نظام الطيبات مين ضد نظام الطيبات. شيء يعني يسأل عنه أهل التخصص وأهل العلم. مش مش مجالي خالص.

طب انت كلمت حد في عيلته؟

آه طبعاً.

قالوا إيه؟

طبعاً وزوجته شك فظيع في الموضوع.

أم.

وهي اللي وكلتني. طبعاً التوكيل اللي كان معايا كان حرره الدكتور ضياء. كان انتهى بالوفاة. فهي حررت لي توكيل جديد وبناء عليه هو اللي قدمنا بيه البلاغ للنائب العام.

وهي قالت لك أنا شاكة في وفاة زوجي اللي هو لسه زوجها؟

آه طبعاً.

وقالت لو سمحت خد إجراءات عشان عايز أعرف زوجي مات إزاي؟

هي كانت شاكة إن هو زوجها أصلاً اللي مدفون. يعني هي أصلاً من البداية خالص تقول ده مش جوزي. هي ما شفتوش. أول مرة أول مرة كانت تشوفه كان امبارح لما استخرجنا جثمان.

بس عرفت عليه بقى؟

طبعاً. ما فيش حد يعرف يتعرف عليه بسبب إن طبعاً في تغيرات استولوجية حصلت في الجثمان.

فانت بتقول لي إن الزوجة هي مش عارفة ده جوزها ولا لا؟

آه طبعاً. آه طبعاً. هي حاسة كده. هي قالت لي نفس. قالت أنا عندي إحساس إن ده مش ضياء. ده كلامها.

ده الأول ولا بعد ما طلعت الجثة؟

بعد ما طلع الجثمان. تعرفش على جوزها؟

ما زارتش يا فندم. انت حضرتك يعني الموقف جلل بجد. يعني ما حدش يقدر يشوف الموضوع ده أصلاً. يعني حتى لما شافت ودخلت.

هي دخلت. هي دخلت وشافت. ولكن ما قدرتش. ما حستش إن ده جوزها من جواها.

سبحان الله. طيب هل الجانب الإماراتي أكد إن الوفاة تمت يوم 14؟

ده بناء على الورق اللي صادر من الإمارات وتم تسليمه لشقيق المتوفي. إن في وثيقة وفاة مكتوب فيها تاريخ الوفاة يوم 14. لكن إحنا ما عندناش أي أوراق رسمية أخرى. سواء صور تحقيقات. سواء التقرير. عندنا تقرير واحد بس اللي هو صادر من شرطة دبي اللي بيقول إنه فيها طبيعية وهي حصلت يوم 14. غير كده ما عندناش أي حاجة ثاني. وحضرتك التقرير عبارة عن أربع سطور. لكن إحنا التقرير في مصر بتبقى عبارة عن خمس ست ورقات.

الإماراتي إن المدعو فلان الفلاني قد توفى وفاة ضعيف وبناء يصرح بدفن الدم في إيه جوه ده أدوية مش عارف إيه أي حاجة؟

ما فيش الكلام ده خالص يا فندم. نهائي.

هل هو كان بياخد أي علاج أو أي شيء؟ أنا ما أعرفش يعني أنا بحاول بس أفهم معاك.

أنا من خلال معرفتي بالدكتور ضياء ما كانش بياخد أي أدوية. لا. ما فيش الكلام ده. ده اللي أنا عارفه.

الأستاذ مصطفى مجدي محامي الدكتور ضياء العوضي. بشكرك شكراً جزيلاً. هتابع مع حضرتك هذا الأمر. علامات استفهام طبعاً كثيرة جداً. وزي ما بقول لحضراتكم أنا شايف الناس كلها شغالة في موضوع الفرخة و جسم الفرخة وورك الفرخة والبيضة وبتاع. في حاجة غير الموضوع ده مهمة. الراجل ده مات وفي علامات استفهام. أنا ما لا أستطيع أن أجزم إن هناك شيء غير طبيعي. ولكن الطبيعي في الأمر إن إحنا نعرف الراجل ده مات إزاي؟ مات ليه؟ إيه الحكاية؟ إيه الموضوع؟ لأنه وفاته كانت مفاجأة. أنا استغربت جداً إنه كله عمل من بانها. واستغربت جداً كمان من فكرة الجدل على موضوع الفرخة. واستغربت جداً من إن إحنا النهارده. معلش أصل في ناس تقول لك إيه؟ تقول لك يا جماعة اللي عايز عايز واللي مش عايز مش عايز. يعني إيه يا جماعة؟ مش عايز بين قوسين. في ناس جايز ما عندهاش القدرة إنها تجيب دوا سكر أو دوا ضغط. أو ده الكوليسترول. فما يسمع الكلام ده يقول خلاص أنا مش جايبه تاني. مين مسؤول عن ده؟ ولم أرى أثورتي يعني سلطة طبية في مصر تطلع تقول للناس يا جماعة اللي عنده سكر ياخد دوا السكر لسه. أو أنا راجل مريض سكر. أنا باخد أدوية سكر النوع الثاني. قولي ما تاخدهاش. أنا غاوي هم. قولي على فكرة إحنا اكتشفنا اكتشاف جديد إنك مش محتاج تاخد دوا سكر. إنك مش محتاج تاخد دوا ضغط. ولا حتى بعد ماتش الزمالك. قولي كده. قولوا لنا إن هناك فتح عظيم ما حدش عرفه لا في أمريكا ولا في الصين ولا في اليابان ولا في السعودية ولا في الإمارات. راجل اسمه إن انت ما ينفعش. فين يا جماعة السلطات الطبية بتاعتنا؟ فين الوعي؟ فين إنه خلا. وفي ذلك فليتنافس المتنافسون. الله يرحمه. كان شايف إنه ده ضحكة. وعلى فكرة زي ما بقول لكم هو في مرحلة بالفيديوهات كان بيقول للناس كلوا بيض وكلوا فراخ أجمل حاجة واشرب عصير مش عارف إيه وبتاع. جه في الفترة الثانية من حياته غير الكلام. مش فترة ثانية من حياته يعني بعدها بكام فيديوهات جديدة إن البيض مش عارف إيه وحاجة كده. طب حط ده كله على جنب. انتوا تعبين نفس. وبعدين طبعاً كل الكلام ابتدى يبقى إيه؟ أنا ليه بقول بقى الحكاية دي؟ هترجع تقول لي انت بتتكلف البيض؟ لا أنا مش بكلف البيض. لأنه من ضمن موضوع المؤامرة إن شركات الأدوية قد تآمرت على الرجل. لأن الراجل وقف أكل عيش ناس كتيرة. انت عايز تقول لي إن أنا النهارده الصبح ده أنا اليوم اللي ما باخدش فيه القرص ده ما بعرفش أرفع إيدي. أنا بكلمك عن نفسي. اليوم اللي ماخدش فيه دوا الضغط أو دوا السكر. أنا في حالة صعبة. أنا بكلمك عن نفسي. جايز في ناس تانية أدوية يقدروا يعملوا الكلام ده. ولو نقدر نعمل الكلام ده. انتوا عارفين يا جماعة دوا السكر ده ترتيبه الثاني أو الثالث في مصر. أنا بكلمك عن مصر. وكش على أي دولة ثانية. في أمريكا طبعاً هو نفس الحكاية. النوع النوع الثاني ده أو النوع الأول. الأنسولين والبتاع ومش عارف إيه. الكلام ده الثاني أو الثالث. الناس بتصرف ملايين. وأغلب التعب بتاع الناس اللي بعد كده لو انت كمان ما بتاخدش الدواء ده. مش مش إن أنا بقول لك إن أنا بفتي في الطب. انت عندك مشاكل في الكلى وعندك مشاكل في الكبد ودهون على الكبد ومش عارف إيه. وكل هذه الأشياء. لأن انت ما بتتعالجش. ده هو رحمة ونور إن إحنا بقى عندنا العلاج وعندنا الأدوية دي. بعد كده لما جت الأدوية اللي هي بالحقن زي المنجارو والحاجات ديت اللي هي بتاعها تعمل لك كنترول على السكر. وبعد المنجارو طلع موجة جديدة بتعمل. وبعدين الناس اللي بتشوف الكلام ده بره مش بقالين. الإف دي إيه ده إذا كنت انت شايف إنه أي لي لي لي دي مافيا أو كده أو بتاع اللي هي بتعمل الأدوية ديت. الإف دي إيه ده هو الأثوريتي. هو السلطة اللي عند. فلو سمحتم وزارة الصحة تطلع. تطلع بيان بشكل واضح إنه لم يعني ينمو إلى علمنا إنه في حاجة إنك ما تاخدش دوا سكر. قولوا لنا بس. والله والله والله أنا بحلب. والله أهو. لو طلعت وزارة الصحة عندنا وقالت لنا إنه دوا السكر ده هزار. أنا ما أخده تاني. أنا ما أخده تاني. أنا بثق في وزير الصحة. وزارة الصحة بتاعتها. ما أحطوش على لساني. هو وجع قلبه وخلاص. عشان كده أنا مش بتكلم على الفرخة وورك الفرخة وجسم اسم الفرخة وبنحقنها إزاي والبيضة. وأي حاجة فيها جنين وبويضة المرأة حجمها قد إيه والحيوان المنوي. كل الفتوحات بتاعة الدكتور دي هو حر فيها. إنما إيه الكلام ده يا جماعة؟ انتوا عارفين البلد دي بتصرف فلوس قد إيه عشان تصرف دواء للناس مجاناً؟ انتوا بتروحوا عند الإسعاف ولا لأ وتشوفوا الناس واقفة في الطابور عشان تاخد شريط البرشام بتاع السكر كل يوم. انتوا عارفين كمية الأموال. طب ما نوفر الكلام ده. المليارات دي كلها ونعمل بيها حاجات ثانية بقى ناكل بيها جرجير. ناكل بيها برسيم. أه. هو قال لك الجرجير زي البرسيم. الله يرحمه. نعمل بيها الأشياء ديت وخلاص. وتوقفوا بقى عن هذا الأمر. فأنا مش بتكلم ده في سياق زي ما الناس اللي بتتكلم على نظام الطيبات كويس أو وحش. وحكاية إنه يطلع ناس كتير يقول لك ما انت حر. حر؟ لا ما تكمل العبارة اسمها إيه؟ انت حر ما لم تضر. وإحنا مش قاعدين هنا في البلد دي. أنا وأنا بشتغل في الإعلام. أنا مش قاعد بواب أعدي حاجة وأسيب حاجة وبتاع حاجة. لا. ما أنا شغلتي مش كل حد يعمل حاجة أقول له مساء الخير يا عم. لا. أنا شغلتي أنا أتوقف وأحقق وأكشف وأرى وأقول الصح من الغلط. أنا بهيب بسلطة طبية في مصر إنها تطلع تقول لنا النهارده. هتقول لي أنا هطلع أتكلم عشان دكتور. أنا بقول لك إن في ناس وقفت الدواء. وأسماء معروفة جوه المجتمع طلعت تروج لهذا الأمر. انت فين دورك؟ قولي. لا لسه في دوا سكر. قولي لسه في دوا كوليسترول. قولي لسه في دوا ضغط. أو قولي بالمناسبة يا عمرو. كل سنة ابشروا. عراي بقى إخواننا في السعودية. ابشر. ما فيش دوا تاني خلاص. وهنا بتاعك تحت أمرك. ومصر بقى الكا مليار اللي بياخدهم خالد عبد الغفار دول عشان يجيب دوا وبتاع. نحطهم بقى نبني مدرسة مش عارف إيه. نحسن المنتخب القومي بتاعنا. نعمل حاجات ثانية. فارجوكم مرة أخرى لو سمحتم. هذه الأشياء لا تترك. على فكرة في ناس متطرفة لدرجة إن هو ما ينفعش حد يطلع يقول الكلام ده. ماشي. أنا مش هقف عند ده. مش هاجي أقول لك إيه؟ لا. انت لازم يبقى في أثورتي تقول إن الكلام ده ما يتقالش. وعلى فكرة لما تيجي نقابة الأطباء تشطب الراجل. يبقى هو بيقول لي إيه؟ نقابة الأطباء خبط أب إيه يا عمرو؟ أما شطبوا الراجل. انتوا عارفين شطب طبيب دي لو تعلمون عظيم. لو تعلمون عظيم. شيء ما ينفعش لحد. فجت نقابة الأطباء قالت الراجل ده اتشطب. ده معناه إيه؟ هو بيقول لي إيه؟ بيقول لي إنه كويس. بيقول لي إنه عظيم. نريد أن يفهم الناس إنه دوا السكر لسه موجود. أقسم بالله. لأن لي علاقة بشركة أدوية. ولا أنا شريك ولا شاري. ما عنديش أسهم لا بره ولا جوه في شركات أدوية. أنا بفصح أهو. إنما أنا بقول إنه ما ينفعش الموضوع يتساب كده. وحكاية إنه لا حول ولا قوة إلا بالله. إنه حد يكون بياخد كيماوي تقول له وقفه. أنا أقرب الناس ليا خدوا كيماوي وخفوا وعيشنا أيام سودا. ده كانسر. السرطان. لا يا جماعة. السرطان ده بقى أجذوبة وبتاع وحاجات كده. طب وبعدين وإحنا والراجل اللي بيروح ياخد جرعة الكيماوي يقف ياخدها في بتاعه بالساعات وحاجات كده. وبتدفع والبلد بتدفع عليها ملايين الدولارات. إحنا ما بنصنعش كيماوي بتاع الكانسر. مش متقدمين قوي كده. الراجل ده يحس بإيه؟ لا شيله يا تفيدة. الكلام ده. الراجل قال الكانسر ده مش موجود. مفيش حاجة اسمها كده. ومش محتاجين كمامة. وات برضه. أنا كل ده مش داخل. أنا ما بفهمش فيه. أنا داخل في إنه وصلت المرحلة من البطولة إن قال لك آه ده اتقتل بقى بسبب شركات الأدوية. الراجل ده أصله وقف قدامنا مصالحها. خدامك بتاعك. أنا قولوا لنا انتوا بقى. انت مش طلعت الجثة وشرحتها؟ قو لي إيه الحكاية. هنا يأتي أهمية التشريح وأهمية إنك تقول لي مات إزاي. لو فعلاً الراجل ده مقتول وبتاع. ده في سر بقى في حاجة عظيمة. كان يقف في أمام مافيا كبيرة. إنما لو مات لاي. أنا أهو يعني أنا بحترم قدسية الوفاة. لو مات لأي سبب ثاني خلاص يعني. فلتكن الحقيقة ساطعة. وأنا أعرف إنه في مصر المسألة ليست يعني. إحنا بنتكلم على يومين ثلاثة. وال والطب الشرعي بتاعنا المحترم الشجاع اللي كل حاجة. وأنا بحترم جداً كمان التقرير اللي جه من دبي اللي قال إن الراجل قد توفى لأسباب تباي. وإخواننا في دبي ما عندهمش أي سبب إن هم يعني يخبوا أو يعملوا حاجة. أنا واضح أهو.