ذاكرة فولاذية | دماغ من حديد | جهاز عصبي قوي | حماية وتشافي من الأمراض

عايز ذاكره فلاذيه، دماغ من حديد، جهاز عصبي قوي ومرن في نفس الوقت. حمايه وتشافي من امراض التنكس العصبي، الخرف، تدهور الوظائف المعرفيه، التصلب المتعدد، كل الامراض المرتبطه بصحه الدماغ والجهاز العصبي.

يبقى لازم تكمل الحلقه دي، لأن في حاجات كتير لازم تكون عارفها عن الطريقه اللي الدماغ بيشتغل بيها، والحمايه الطبيعيه اللي الجسم بيوفرها للمخ. درجه عاليه جدا من الحمايه، القصوى، تفوق الحمايه المتوفره لأي عضو ثاني. واللي زي ما بتحمي الدماغ من الأشياء الضاره ومن الالتهابات، ممكن كمان تمنع وصول مغذيات مهمه.

وإيه اللي ممكن يحصل لما حاجز الحمايه ده يحصل له تضرر؟ ازاي ده ممكن يأثر على ذاكرتك، انفعالاتك، قدرتك على التذكر والتعلم؟ وإيه الحاجات اللي ممكن تقوي الحاجز ده، وفي نفس الوقت تسمح أن دماغك وجهازك العصبي يكون مرن بالشكل المطلوب؟

هقول لك على أهم العناصر اللي بتحقق الأهداف دي. والحقيقة، الحلقه دي ما كانتش ضمن الموضوعات اللي أنا مقررة أن أنا أتكلم معاكم فيها في الفترة دي، ولكن وأنا بذاكر كده حسيت أن المعلومات دي ما ينفعش ما نتكلمش فيها. فنقولها كده في حلقه هحاول تبقى صغنونه وسريعه، وبعدين نرجع للمواضيع اللي أنتم بتطلبوها مني مرة ثانيه.

فما تنسوش تقولوا لي في التعليقات عايزين الحلقات الجايه تكون عن إيه، علشان أنا الفترة دي بحاول أن أنا أركز أكتر على طلباتكم. قبل ما نبدأ، هفكركم بسرعة أن حجز الاستشارات بيتم عن طريق الموقع الإلكتروني أو عن طريق أرقام الواتساب الموجودة في التعليق المثبت. ما تنسوش تعملوا لايك وشير للحلقة، سبسكرايب للقناة لو أنتم أول مرة تشوفوني. ويلا بينا نبتدي. أنا ندى حرفوش، ودي قناة هلبي.

إحنا دماغنا مش بيشتغل عن طريق المخ بس. الدماغ بيشتغل عن طريق التواصل بين المخ، الحبل الشوكي، والخلايا العصبية عن طريق نظام دقيق جدا بيعتمد عليهم وعلى الموصلات الموجودة بينهم زي النواقل العصبية والإشارات الكهربية والبروتينات.

وعلشان الإنسان يكون في الحالة المثلى، لازم تكون كل الحاجات اللي احنا ذكرناها دي شغالة بصحة وبتوازن. فاحنا هنتكلم النهارده عن أهم الحاجات اللي لما بيحصل فيها تغير غير، أو بيحصل لها دامج أو تضرر مع الوقت، ده بياثر بشكل كبير جدا على أداء الدماغ.

مخ كل إنسان فيه حوالي 86 مليار خليه عصبيه في المخ بس. الخلايا العصبية طبعًا موجودة في كل الجسم وفي الحبل الشوكي، لأن هي أهم وحدة للتواصل بين الجسم والدماغ. الخلايا العصبية بتتواصل مع بعضها عن طريق خلق وصلات عصبيه بتتسمى المشابك العصبيه.

والوصلات العصبيه دي بتنشأ مع التعرض للأشياء الجديده. يعني إحنا كل ما بنتعلم حاجة جديدة أو بنتعرض لشيء جديد، بنخلق وصلات عصبيه جديدة جوه دماغنا. الوصلات العصبيه دي أما بتقوى واما بتضعف وتموت.

إزاي؟ عن طريق التكرار. الوصلات العصبيه اللي بيتم إعادة استخدامها بتقوى، واللي بيتم إهمالها بتضعف مع الوقت بشكل تدريجي وبتموت. زي بالضبط اللي بيتعلم لغة جديدة. اللغة الجديدة تعلمها بيحفز وصلات عصبيه جديدة إن هي تنشأ في الدماغ. لو استخدمت اللغة دي، الوصلات العصبيه هتقوى. ولو توقفت عن استخدام اللغة، أكيد هتنساها. ليه؟ علشان دي وصلات لم يتم استخدامها، فضعفت.

وده معناه إيه؟ معناه أن مخك مش ثابت، عنده مرونة في إنشاء وصلات عصبيه أو التخلص منها حسب الحاجة. ودي وظيفة عصبيه مهمة جدا اسمها النيوروبلاستيسيتي. ودي طبعًا بتكون في قمة نشاطها عند الأطفال، وبعد كده بتبدأ تقل بالتدريج مع العمر وعوامل ثانية كتير زي زيادة الالتهابات، سوء التغذية، نقص العناصر المهمة لصحة الدماغ والخلايا العصبية.

وكل ما تدهورت الوظيفة دي، كل ما قلت القدرة على التذكر والتعلم، وزادت احتمالية الإصابة بأمراض الخرف وتنكس العصبي والتهابات الجهاز العصبي والدماغ.

أما المخ، فهو تقريبًا الكمبيوتر المركزي اللي بيعالج كل المعلومات اللي بتنقلها الخلايا العصبية. ونظرًا للأهمية الشديدة اللي عند المخ، هو عنده وسائل حماية كتيرة جدا علشان تحميه من أي عبث ممكن يحصل بره المخ. عنده حاجة اسمها البلد برين بارير. ده عبارة عن حاجز طبيعي وظيفته الأساسية إن هو يفصل بين الدم اللي ماشي في كل جسمك وبين خلايا وأنسجة المخ.

عامل زي فلتر شديد الدقة، غربال ضيق جدا. وظيفته إن هو يعمل فرز دقيق لكل الحاجات اللي ماشية في الدم دي، ويسمح بمرور حاجات معينة بس لداخل الدماغ، والباقي بيستبعده. يعني بيسمح بمرور فيتامينات، معادن، مغذيات معينة فقط. يمنع أي بكتيريا، ميكروبات، فيروسات، بروتينات التهابيه، سموم، أي شيء ضار ممكن يعبر لداخل المخ. لأن هنا ما فيش أي مجال للخطأ.

الحاجز الدموي الدماغي ده أول ما يحصل فيه تضرر، يكون الإنسان أكثر عرضة لأمراض كتير تم الربط فعلاً بينها وبين تضرر الحاجز الدموي الدماغي، زي الزهايمر، والتصلب المتعدد، والسكات الدماغية.

مش بس الحاجز الدموي الدماغي. المخ والجهاز العصبي عندهم وسيلة حماية ثانية اسمها المايكروليا. دي عبارة عن نوع خاص من الخلايا المناعية. وجودها مكثف جدا لدرجة إن هي بتمثل حوالي 10 لـ 15% من كل خلايا المخ. وطبعًا بما إنها خلايا مناعية، فاكيد وظيفتها هي الحماية. بتبلع أي ميكروبات أو سموم تهوب ناحية المخ والخلايا العصبية.

كمان من ضمن وظائفها التخلص من بقايا الخلايا الميتة والتالفة والبروتينات المتراكمة، زي طبعًا بروتينات البيتا أميلويد المرتبطة ارتباط وثيق بالزهايمر. مهمة جدا كمان علشان تخلي النهايات العصبية أكثر حدة، فتسهل تكوين وصلات أو مشابك عصبيه جديدة. مهمة كمان لتحفيز إفراز عوامل النمو المهمة لتجديد الخلايا العصبية.

بس المايكروجليه قد ما هي مهمة كده، قد ما هي ممكن تتحول للدبة اللي أكلت صاحبها وهي بتحميه. المايكروجلايه لو فضلت في حالة نشاط التهابي مزمن، هتسبب التهاب عصبي مزمن في الدماغ. وده معناه زيادة في معدلات الإصابة بالأمراض المرتبطة بالتهاب الدماغ اللي احنا ذكرناها من شويه. يعني مثلاً هنلاقيها بتزود معدلات فقد المايلين شيت، زي ما بيحصل في حالات الصلب المتعدد. الغلاف اللي بيغلف الخلايا العصبية من بره.

المخ عنده كمان نواقل عصبيه. النواقل العصبيه دي هي الوسيلة اللي بيتم بيها الحوار بين الخلايا العصبيه وبعضها، وبتنتجها الخلايا العصبيه نفسها. اللي هي زي الدوبامين والسيروتونين وغيرهم، دول أشهرهم يعني.

في ناقل عصبي بقى إحنا ما بنتكلمش عنه كتير اسمه الجلوتاميت. وده يعتبر أهم ناقل عصبي مثير في الدماغ. من 80 لـ 90% من الإشارات العصبية بتعتمد عليه، ومن غيره ما فيش تواصل بين الخلايا العصبيه وبعضها. وعنده وظائف ثانية كتير. هو بينشط المستقبلات المسؤولة عن تقوية المشابك العصبيه. هو أساس تخزين المعلومات وتكوين الذكريات. بيساعد في نمو الخلايا العصبيه الجديدة والتحكم في النشاط الحركي والمزاج والتفكير.

من الآخر هو بنزين الدماغ. بس لو فضلت دايس بنزين من غير أي فرامل، إنت مش بس هتعمل حادثة، لا ده إنت هتحرق الموتور. وهو ده بالظبط اللي بيحصل لما الجلوتاميت يزيد عن اللازم في الدماغ. لما يزيد الجلوتاميت، تحصل حاجة اسمها فرط الإثارة العصبية، الاكسايتو توكسيتي.

كل أمراض التنكس العصبي والسكات الدماغية برضه تم ربطها بفرط الإثارة العصبية. الجلوتاميت لما يزيد، يفتح المستقبلات بتاعة المشابك العصبيه زيادة عن اللزوم، تستقبل كالسيوم أكتر من اللازم، وتكسر الحمض النووي بتاع الخلية. وده بيزيد الضغط والتحميل على الميتوكوندريا لدرجة إن الخلايا العصبيه ممكن تتحرق وتموت وتتلف.

السؤال بقى اللي إحنا عايزين نجاوب عليه النهارده: هل في حاجة تقدر تشتغل على إصلاح المشاكل دي، فتساعد الناس اللي بتعاني من آثار السكات الدماغية، أمراض التنقص العصبي بأنواعها؟ أكيد في. يعني لو ما فيش، أنا هاجي أصدعكم بالكلام الكتير ده من الصبح ليه؟

بس مهم نفهم أن أول شرط في أي مادة معينة علشان تقدر تساعد، إن هي تكون بتقدر تعبر الحاجز الدموي الدماغي. الفلتر القوي، الغربال الضيق جدا اللي بيمنع كل الحاجات الضارة إنها تتسلل للمخ. طيب حد هيسأل: لما هو الغربال ده سمارت قوي كده، يعني إحنا ليه نلعب فيه ونخترقه؟ ليه ما نسيبه يشوف شغله؟ كلامك صح. بالعكس، إحنا عايزين نقويه ونعزز وظيفته.

لكن هو عنده مشكلة واحدة بس، أن هو بيسمح بمرور المواد الضرورية للبقاء فقط. أي مادة ثانية، حتى لو مفيدة وما عندهاش المواصفات اللي تخليها تعدي، مش هيعديها. فإحنا بناخد المواد المهمة ونديها المواصفات اللي تخليها تهكره، تسمح بالمرور.

تعالوا بقى أقول لكم إيه هي الحاجات اللي ممكن تعمل كده. رقم واحد: الماغنيسيوم. بس مش أي نوع ماغنيسيوم. ماغنيسيوم البريونات دي هي الصيغة الوحيدة من الماغنيسيوم اللي تقدر تحقق الفوائد دي، لأنها الوحيدة اللي عندها القدرة على عبور الحاجز الدموي الدماغي.

طيب الماغنيسيوم عبر الحاجز الدموي الدماغي بالسلامة الحمد لله. هيدخل جوه بقى يعمل إيه؟ أولاً، هو مبدئيًا بيقدر يقوي الحاجز ده، لأن بعض الناس بيضعف عندها مع الوقت زي ما قلنا. ثانيًا، مع ارتفاع ماغنيسيوم الدماغ، بتتحسن الوظائف المعرفية. وبالنسبة للنيوروبلاستيسيتي اللي هي يعني المرونة، وبيحسن كثافة المشابك العصبيه، وبييقوي الذاكرة طويلة وقصيرة المدى.

وعند مرضى الزهايمر، بيحمي من تدهور الحالة. بالنسبة للمايكروجليا أو الخلايا المناعية، هو ملوش تأثير كبير قوي عليها، لكن هو بيقلل المسارات الالتهابية بشكل غير مباشر. لكن الماغنيسيوم يعتبر هو اللاعب الأهم في تنظيم مستويات الجلوتاميت. بيحمي من فرط الإثارة العصبية عن طريق سد مستقبلات الكالسيوم، لكن بطريقة لا تؤثر سلبًا على وظائفه الخاصة بالتعلم والذاكرة. وبيحمي من موت الخلايا العصبيه.

وعشان تاخد نتائج أفضل من ماغنيسيوم التريونيت اللي هو عادة بيجي في صيغة ماكتين، في الوظائف اللي إحنا بنتكلم عنها دي اللي ثبت بالابحاث والدراسات تأثيراتهم، هتستخدم حاجة ثانية معاها.

ثاني حاجة في القائمة ليهم مع بعض تأثيرات تآزرية. اللي هي إيه؟ الحاجة الثانية دي؟ اللي هي الدهون الفوسفورية. الفوسفوليبيدز. طبعًا أنواع الدهون الفوسفورية كتيرة. أهمهم في الحالة دي هم الفوسفاتيدايل كولين والفوسفاتيدايل سيرين. 60% من وزن الدماغ أصلاً يا جماعة عبارة عن دهون. 25 لـ 30% منهم عبارة عن دهون فوسفورية بس. فطبعًا الدهون الفوسفورية قادرة على عبور الحاجز الدموي الدماغي على طول.

وأكتر حاجة بتعزز وظيفة الحاجز ده عن طريق إن هي بتقوي الروابط الموجودة بين الأنسجة هي الدهون الفوسفورية. سبب كمان أن الدهون الفوسفورية، خصوصًا لما بيجي معاها أحماض الدي إتش إيه اللي هي بتكون موجودة في الأوميجا 3، بتقوي المشابك العصبيه وبتخلي القدرة على التعلم أسرع.

لكن أهم حاجة بتعملها هي تأثيرها على المايكروبلايه اللي هي الخلايا المناعية اللي اتكلمنا عنها. مهمة جدا لتنظيم نشاطها وتحسين الاستجابة الالتهابية بتاعتها. غير إن هي بتمنع أي نشاط واندفاع غير منضبط للجلوتاميت، وبتساعد كمان على سحب الجلوتاميت الزيادة من الدماغ.

وآخر حاجة هنتكلم عنها هي مركب الكركومين لونج في. ده الشكل الوحيد من الكركمين القادر على عبور الحاجز الدموي الدماغي. كركمين لونجري ده اتكلمنا عنه كتير قبل كده، لأن هو أصلاً بيجي مغلف بالدهون الفوسفورية. ده اللي بيديله الشكل اللي بيخليه يعبر الحاجز الدموي الدماغي. تقريبًا ده أهم مكمل لحالات الزهايمر. بيساعد في التشخيص، مهم جدا في العلاج.

لأن الأبحاث وجدت أن هو بيقدر بالفعل يعبر لداخل المخ ويرتبط ببروتينات الأميلويد، فبيمنعها من التجمع والتصلب وبيفككها الواحدات الصغيرة. وعنده تأثيرات وقائية عالية جدا كمان من الزهايمر. الكركمين بيرفع عامل النمو العصبي وبيحسن مؤشرات التشابك. يعني تعلم أحسن، مذاكرة أفضل.

في تجربة مزدوجة التعمية اتعملت على الكركمين لونجدا بجرعة 400 ملغم عند ناس كبار أصحاء عندهم من 60 لـ 85 سنة. الناس دول أظهروا تحسنات حادة بعد ساعة وتأثيرات مزمنة بعد أربع أسابيع في الذاكرة والمزاج والوظائف المعرفية. استخدام اللونج ده كمان نتج عنه في الدراسات خفض لنشاط الخلايا المناعية اللي هي المايكروبلاير.

وطبعًا من أهم تأثيراته أن هو بيمنع سمية الجلوتاميت أو فرط الإثارة العصبية. دول تقريبًا هم أهم ثلاث مكملات غذائية قادرين على عبور الحاجز الدموي الدماغي، وليهم تأثيرات قوية جدا على تحسين الوظائف المعرفية، تحسين الذاكرة والقدرة على التعلم، والحماية من أمراض التنكس العصبي.

وأنصحكم لو ما كنتوش شفتوا الحلقة الكاملة اللي إحنا اتكلمنا فيها عن الفوسف فوليبيس أو الدهون الفوسفورية قبل كده، لازم يا جماعة ترجعوا تشوفوها، لأن دي من أهم المكملات الغذائية على الإطلاق. الحلقة هتظهر بعد شوية.

ما تنسوش تعملوا لايك وشير للحلقة، سبسكرايب للقناة لو أنتم أول مرة تشوفوني. ما تنسوش كمان تبصوا على رابط وأرقام حجز الاستشارات في التعليق المثبت، وتبصوا كمان على رابط قناة المراجعات. أشوفكم الحلقة الجاية. باي باي.